Nuus Archives - Page 1400 of 1583

Drie mense sterf aan dodelike virussiekte

Drie mense is in Johannesburg dood aan 'n gevaarlike aansteeklike siekte, het die gesondheidsdepartement Sondag gesê.

"Ons verkeer in 'n toestand van hoë gereedheid ná bevestiging dat drie sterfgevalle aan 'n onbekende hoogs aansteeklike siekte te wyte is," het die departement in 'n verklaring gesê.

Volgens die departement was die eerste pasiënt 'n vroulike Zambiër wat in 'n baie ernstige toestand verkeer het toe sy op 12 September in Suid-Afrika aangekom het.

Sy is vir bosluiskoors en ander potensiële besmettings by die Morningside Medi-Clinic behandel.

"Twee dae later is sy dood. Bloedmonsters is geneem en die uitslae was nie onomwonde sover dit enige spesifieke siekte betref nie, die virale hemorragiese koorssiektes inkluis."

Die tweede pasiënt was 'n manlike Zambiese paramediese beampte wat die eerste pasiënt vergesel het.

Hy is op 27 September in dieselfde hospitaal opgeneem met griepagtige simptome en vir 'n verskeidenheid infeksies behandel.

"Sy toestand het aanvanklik verbeter maar het later teen Woensdag 1 Oktober verslag en hy die volgende dag gesterf.

Ondersoeke na virale hemorragiese koors en ander gevaarlike aansteeklike siektes is gedoen maar die uitslae was negatief.

'n Verpleegster by die Morningside Medi-clinic wat met die eerste pasiënt in aanraking was het met griepagtige simptome siek geraak en is agterna teen Woensdag in die Sir Albert Robinson-hospitaal aan die Wesrand opgeneem.

"Haar toestand het Saterdag versleg en sy is vandag (Sondag) oorlede. Virale hemorragiese koors en ander gevaarlike aansteeklike siektes was negatief."

Volgens die departement is stelsels geaktiveer om almal waarmee die oorledenes in aanraking was te monitor.

Verpleegpersoneel en famlilielede word dopgehou vir koors en griepagtige simptome vir 'n tydperk van 21 dae.

"Die HF Verwoerd- en Johannesburgse hospitale is op 'n hoëgereedheidsgrondslag geplaas en is reg om enige gevalle wat met dié situasie verband hou te behandel."

Lede van die gemeenskap wat gedurende die afgelope maand in Zambië was en wat aan koors of grieagtige simptome ly, word versoek om met die naaste gesondheidsdiens vir 'n ondersoek in verbinding te tree of kan dr. Chika Asomugha by 0823301490 skakel.

или насосная

Boesak bedank uit sy kerk

Allan Boesak het uitgeloop uit die Verenigde Gereformeerde Kerk. Volgens die SABC het hy uit al sy poste bedank.

Boesak het die aankodiging gemaak te Hammanskraal buite Pretoria, na die Kerk se bespreking oor homoseksualiteit tydens die Sinodesitting.

Boesak het uit die Belharbelydenis aangehaal om sy siening dat diskriminasie teen gays verkeerd is, te staaf. Die belydenis is in 1986 deur die NG Sendingkerk aanvaar. Een van die afgevaardigdes het hom daarna beskuldig daarvan dat hy die belydenis misbruik.

Daarna het Boesak aan die Sinodevergadering gesê dat hy in die lig van die "ernstige" aanklag teen hom al sy posisies gaan bedank. Hy is tans Moderator van die Kaapse Sinode van die Verenigde Gereformeerdes.

Oeganda gaan optree teen gay ‘siekte’

Minister James Nsaba Buturo, minister van Etiek en Integriteit van Oeganda, sê die toestand van sy land se morele gesondheid laat veel te wense oor. Hy het Saterdag gesê lesbianisme en homoseksualiteit is besig om soos paddastoele op te stoot. Sy regering beplan om strenger anti-gay wette in werking te stel en groter polisieoperasies van stapel te stuur teen die groeiende "siekte".

Tien jaar gelede, sê hy, het dit nie bestaan nie en nou is dit besig om oral kop uit te steek. Huwelike tussen mense van dieselfde geslag is onwettig in Oeganda. Soos die wette egter tans daar uitsien, is dit moeilik vir die gereg om oortreders aan te kla en diegene wat gevang word stap dikwels ongestoord weg. "Ons moet die skuiwergate toemaak," sê Buturo.

Die wet gaan nou aangepas word om mense wat erken dat hulle gay is, dadelik as kriminele te brandmerk. Gays in Oeganda waag dit klaarblyklik in elk geval nie om hulle voorkeure te wys nie en lewe in die skadu, omdat hulle reeds vervolging vrees.

лобановский класс

Toordokters is veilig, s? LUR

Honderde mense het die begrafnis van die 13 mense wat 'n giftige konkoksie gedrink het, naby Port Shepstone, KwaZoeloe-Natal, bygewoon ten

Doodveilig…

spyte van reënweer.

Die liggame van die Mzubanes is op 21 September ontdek deur die bure wat by hulle Dingletonkaja gaan aanklop het. Een van die gestrowenes, 'n 17-jarige, was 'n toordokter-in-wording wat die familie die dodelike drankie ingegee het.

Net twee familielede het oorleef omdat hulle nie tuis was nie. Die begrafnis is by die Dingletonsportveld gehou en drie verskillende kerke het dit bygewoon. KwaZoeloe-Natal se maatskaplike sorg LUR, Meshack Radebe, wat die begrafnisgangers toegespreek het, het gesê die feit dat die gesin dood is aan 'n kruiemiddel beteken nie dat die regering gaan optree teen tradisionele genesers nie. Die regering sal nooit toordokters verbied nie, het hy die versekering gegee.

Naspers wen met Reitzvideo

Danksy die vier geskorsde studente se moeite met die Reitzvideo wat verlede jaar opslae gemaak het by die Universiteit van die Vrystaat het die Vodacom Journalist of the Year toekennings in Bloemfontein darem iets gehad om te prys.

Vyf uit die 11 inskrywings by die galadinee het toekennings ontvang vir berigte oor die omstrede video wat nasionaal sowel as internasionaal opslae gemaak het. Die video was 'n studentepoging om die belaglikheid van gedwonge integrasie te belig.

Vyf swart skoonmakers word onder andere ontgroen soos koshuisstudente en doen lustig mee aan al die verspotte aktiwiteite waarmee eerstejaars gewoonlik opgesaal word op die opname. Die video is gemaak in antwoord op die Universiteit se intergrasiebeleid vir koshuise wat in 2007 ingevoer is.

Volksblad se Henry Cloete het die prys vir gedrukte medium gekry, terwyl Christo van Staden die rubriekskrywerprys vir sy rubriek wat as 'n brief aan die Reitzinwoners verskyn het, ontvang het. 'n Volksbladfotograaf het ook 'n toekenning gekry vir 'n foto oor dieselfde onderwerp.

Die wenners het elk R7 500 in die sak gesteek en het deurgedring na die finaal wat op 7 November by die Sandton Sun gehou word.

зонты Александр Фильчаков

Mboweni reageer op Pretorius

17:08:55 Reserwebankgoewerneur Tito Mboweni het gereageer op die eis om 'n apologie wat aandeelhouer Mario Pretorius verlede maand teen hom ingedien het. In 'n prokureursbrief behou hy hom die reg voor om in die toekoms te reageer op die "aantygings" wat oor hom gemaak is.

Mboweni ontken Pretorius se aantygings dat hy hom 'n rassis genoem het en dat daar enige gronde vir 'n versoek om 'n apologie bestaan. Enige hofaansoek deur Pretorius sal teengestaan word.

Pretorius sê in sy reaksie dat vandag 'n mylpaal in die teleurstelling van elke Suid-Afrikaner is wat met die haatlike woord "rassis" gebrandmerk is. Hy het die afgelope twee weke hard probeer om die gees van versoening lewend te hou maar dit lyk nou asof dit doodgebore is. Hy gaan Goliat nou aanvat, sê die aandeelhouer.

Pretorius sê hy hoop steeds dat gesonde verstand sal seëvier en dat die nasionale belang voorrang bo persoonlike ego sal geniet. Hy het sy eie motiewe ondersoek en herondersoek. Pretorius sê met hierdie geringe standpunt teen rassisme en mishandeling, salueer hy die baie en verskillende Suid-Afrikaners wat dikwels 'n moeilike beginselstandpunt ingeneem het.

Pretorius hoop dat hy steeds kan help om die burgers van dié pragtige land te versoen en daartoe bydra om goeie leiers te vind wat Suid-Afrikaners met hulle uiteenlopende verledes in 'n gemeenskaplike toekoms vir die Republiek te verenig. Hy sê hy gaan geen steen onaangeroer laat om sy reputasie in ere te herstel nie en om van die rassis-etiket ontslae te raak. Pretorius sê hy hoop dat hy elke Suid-Afrikaner wat hom- of haarself bevind in 'n posisie van rassistiese beskuldigings hiermee 'n weldaad gaan bewys.

Mboweni het verlede maand 'n brief van aandeelhouer Mario Pretorius ontvang. Pretorius het 'n verskoning geëis nadat Mboweni hom op September se jaarvergadering na bewering daarvan beskuldig het dat hy op 'n rassistiese manier gepraat het. Pretorius het twee maal aan Mboweni gesê dat hy 'n punt van orde op die vergadering wil maak. Toe hy nie erken is nie, het hy gesê dit is skokkend, waarop Mboweni gereageer het.

Mboweni se antwoord was dat hy Pretorius nie sal toelaat om met hom te praat soos wittes gewoonlik met swartes gepraat het nie. Pretorius het deur sy prokureur, Johan van Huyssteens 'n openbare verskoning vir dié beskulding gevra of anders gaan hy 'n eis van R1 miljoen teen Mboweni en die Reserwebank instel. Die brief sê as Mboweni se ongevraagde brandmerk van Pretorius as 'n rassis 'n negatiewe inlvoed op sy besigheid sou uitoefen, behou hy hom die reg voor om verdere eise teen Mboweni en die Reserwebank in te stel.

new online casino topcargo отзывы

Lekota nie meer gewild in ANC

Voormalige minster van verdediging, Terror Lekota wat ‘n onlangse ope brief aan die ANC gestuur het, is vandag deur die ANC jeugliga as ‘n sterwende perd beskou wat sy laaste skoppe na die party mik. Segsman Floyd Shivambu sê die liga wou eers nie reageer op die brief van Lekota nie, en het moeg geraak vir die man se “kinderagtige, openlike weerstand en verdraaiing” van die party se beginsels.

“Die ANC Jeugliga sou mnr. Lekota los om ‘n gek van homself te maak, en hom toelaat om soos alle sterwende perde ‘n paar skoppe in te kry” het Shivambu bygevoeg. Donderdag het Lekota, wat ook die nasionale voorsitter was, die ANC leierskap daarvan beskuldig dat hulle die party weglei van sy politieke kultuur en waardes.

In ‘n sterk bewoorde verklaring aan die ANC sekretaris-generaal, Gwede Mantashe, het hy gesê dat die huidige leierskap binne die ANC ‘n direkte en klinkklare vertrek van die Vryheidshandves geneem het. Lekota het hom ook uitgespreek teen die hoë vlakke van onverdraagsaamheid in die ANC.

Shivambu het gesê dat Lekota homself met die skryf van dié brief soos ‘n bedorwe brokkie gedra het. Hy sê dat Lekota nou te ver gegaan het en dat hy homself buite die organisasie se beginsels en riglyne gedefinieer het. Volgens Shivambu behoort Lekota onderworpe te wees aan prosesse, beginsels en dissipline, indien hy nog ‘n lid van die organisasie is.

Hy het gesê dat die liga ‘n uitgebreide benadering tot die verklaring sal bespreek met hulle volgende vergadering. Hy sê ook dat die ANC nie deur lafaards en agente wat oproer stook gyselaar gehou sal word nie en ook nie wat dreigemente van wegbreek van die party maak nie.

Só 'n aksie sal volgens hom die werklike magsbehepte lede ontbloot. Die mense wat wil wegbreek van die ANC moet dit nou doen sê Shivambu. Hy sê dat dit net eiebelang sal uitwys van die mense wat nie demokratiese besluite kan aanvaar nie.

Lekota beweer in sy brief dat lede wat standpunte gehad het wat verskil van die gewilde menings, later uit die party se strukture verwyder is. Dit is volgens hom iets wat indruis teen die ANC se demokratiese kultuur. Lekota sê dat in pleks daarvan om respek vir demokratiese institusies te kweek, die ANC-leiers dreigemente maak dat hulle die land tot stilstand sal bring indien regsuitsprake nie strook met wat hulle wil hê nie.

Donderdag het minister van vervoer en lid van die uitvoerende raad, Jeff Radebe, in antwoord op die brief van Lekota gesê dat ANC-lede se kritiek teen die party dieselfde is as hulle kennisgewing om te bedank. Die ANC is volgens Radebe ‘n vrywillige samekoms van individue wat in die ANC glo en wat vry is om dit te verlaat as hulle nie meer daarin glo nie.

Die geskiedenis is vol voorbeelde van individue wat te groot geword het vir die ANC. Die mense kon hulle self nie meer onderwerp aan die dissipline van die organisasie nie. Hulle was dan voor die keuse om vrywillig te bedank of hulle was geskors. Radebe het aan Lekota geskryf dat hy hoop dat hulle hom nie hoef te skors nie.

бурение

Weste probeer Siri? uit IAEA hou

16:31:36 Westerse lande probeer om Sirië daarvan te weerhou om 'n rotasie-sitplek op die raad van die Internasionale Atoom Energie Agentskap in te neem omdat dié Midde-Oosterse land na bewering 'n geheime kernreaktor gebou het. Die eerste besoek van IAEA-inspekteurs aan die beweerde perseel in Sirië se woestyn het egter niks opgelewer nie.

Volgens diplomate is die Verenigde State en ander Westerse IAEA-lede daarop uit om later vandag op die Agentskap se algemene konferensie in Wenen eerder vir Afghanistan as Sirië te stem om een van die 35 raadslede te word. Die feit dat 'n stemmery nodig is om die saak te besleg, dui op 'n tweespalt tussen lede van die IAEA. Die groep Midde-Oosterse en Suid-Asiatiese lande kom gewoonlik ooreen oor 'n kandidaat om te nomineer wat dan vanselfsprekend op die algemene konferensie aanvaar word.

Washington het in April die Agentskap in Wene van inligting voorsien wat daarop dui dat Damaskus baie naby daaraan was om 'n reaktor, wat verlede jaar deur Israel se lugmag gebombardeer is, te voltooi. Sirië hou vol dat die perseel 'n konvensionele militêre installasie was. Verskeie Westerse lande het Sirië gekritiseer omdat verdere besoeke van inspekteurs nie toegelaat is nie asook vir die verbod op toegang tot bykomende persele.

Ibrahim Othman, direkteur-generaal van Sirië se Atoom Energie Kommissie het op die konferensie beklemtoon dat sy regering met die Agentskap saamwerk. Hy sê die samewerking sal egter nie op enige wyse ten koste van die bekendmaking van Sirië se militêre persele of 'n bedreiging van hulle nasionale sekuriteit geskied nie. 'n Diplomaat sê Afghanistan is vol vertroue dat dit die steun van die meerderheid IAEA-lede geniet. Geloofwaardigheid van die kernagentskap is vir die VSA op die spel. 'n Diplomaat van 'n Europese land sê die uitslag van die verkiesing is onseker.

Britse maatskappye ontdek olie in Egipte

Britse oliemaatskappye Circle Oil en Premier Oil sê hulle het olie net af van die kus van Egipte ontdek in hulle Noordwes Gemsa konsessie.

Die twee maatskappye het Vrydag gesê dat hulle ontdekking meer as 3 000 vate ru-olie per dag sal lewer asook 4 miljoen kubieke meter natuurlike gas

Die konsessie lê suid-oos van Kaïro in die Golf van die Suezkom.

Circle het 'n 40% aandeel in die Noordwes Gemsa konsessie, terwyl Premier 10% aandeel hou.

Данильченко

ANC en DA se dubbele standaarde

Die Vryheidsfront Plus het gesê dat die ANC en DA hul aan dubbele standaarde skuldig maak deurdat twee VF Plus-raadslede vir 60 dae geskors is rakende opmerkings wat hulle gemaak het tydens 'n debat oor plek- en straatname tydens gister (Donderdag 2 Oktober) se raadsvergadering. Die twee raadslede, mnre. Cornelius Jansen van Rensburg en Conrad Beyers, het aangedui dat hulle teen die besluit gaan appelleer.

Volgens Rdl. Cornelius Jansen van Rensburg, gebeur dit gereeld in die raad, insluitende by gister se vergadering, dat die ANC en PAC na die wit bevolking van Suid-Afrika verwys as "kolonialiste, setlaars en rassiste", maar hulle word nooit aangespreek of uitgejaag nie. "Die DA het nog nooit gevra dat dissiplinêre aksie teen persone ingestel word wat sulke taal gebruik nie. Maar sodra die VF Plus die ANC in eie munt terugbetaal, kla die DA die VF Plus dissiplinêr aan", het Jansen van Rensburg gesê.

Volgens Jansen van Rensburg is dit die ergste moontlike belediging om na landsburgers te verwys as kolonialiste en setlaars omdat jy vir daardie mense sê: "Jy hoort nie in jou geboorteland nie.” Hierdie uitlatings word egter telkens deur die ANC en DA gekondoneer. "Dit is tyd dat hierdie tipe dubbele standaarde stopgesit word.”

Volgens die VF Plus is dit te verstane dat 'n naamkwessie wat verkeerd hanteer word tot ernstige polarisasie en negatiewe emosie in die samelewing sal lei. Die VF Plus-raadslede het die frustrasies verwoord wat by baie Afrikaners bestaan rakende die miskenning en minagting van hulle erfenis en geskiedenis. Die VF Plus het benadruk dat 'n onderhandelde politieke meganisme noodsaaklik is om 'n sensitiewe saak soos die naamkwessie te hanteer. Dit is belangrik dat alle gemeenskappe met respek en waardigheid behandel word, andersins lei dit tot verdere polarisasie in die land.

асти игристое