Nuus Archives - Page 1237 of 1583

400 wrakstukke van Air France-vlug gevind

Franse ondersoekbeamptes het Woensdag gesê meer as 400 wrakstukke van Air France se vlug 447 is gevind ná ’n noukeurige soektog in die Atlantiese Oseaan.

Maar geen gevolgtrekking oor die oorsaak van die ramp kan nog gemaak word nie.

“As ons ’n gevolgtrekking oor iets gemaak het of iets uitgesluit het, sou ons julle laat weet het,” het mnr. Paul-Louis Arslanian, hoof van die Franse vliegongelukondersoekagentskap BEA, gesê.

Hy was “effens meer optimisties” dat leidrade van wat presies tot die ongeluk gelei het, gevind sal word. Hy het gesê nog wrakstukke wat opgespoor is, verklein die soekgebied tot Brasilië se noordoostelike kusgebied.

Die Air France Airbus A330 het op 31 Mei met 228 mense aan boord in die see gestort nadat dit donderstorms moes trotseer op die vlug van Rio de Janeiro na Parys.

Arslanian het gesê meer as 400 wrakstukke is gevind en word in ’n vliegtuigloods in Recife, Brasilië, gehou. Die stukke kom van “alle gedeeltes” van die vliegtuig, maar hy het nie besonderhede gegee nie.

Die vliegtuig se twee vlugopnemers met vlugdata is nog nie gevind nie en is vermoedelik diep onder die see.

игры для деочек лобановский депутат

Noord-Korea ‘hou ernstige berdeiging in’

Amerikaanse en Suid-Koreaanse leiers het Noord-Korea gister gemaan om sy “kernambisies” te laat vaar en die bedreiging wat dit vir die Koreaanse skiereiland en omstreke inhou, te staak. Pyongyang bly, na wat berig word, op koers om ’n langafstand-missiel te lanseer.

President Barack Obama het ná ’n spitsberaad in Washington met president Lee Myung-bak van Suid-Korea gesê ’n kernbewapende Noord-Korea hou ’n ernstige bedreiging vir die wêreld in.

Hy het gesê die nuwe VN-sanksies teen Noord-Korea wat ingestel is nadat die land op 25 Mei ’n kerntoets gedoen het, sal met mening afgedwing word.

Intussen het Russiese en Chinese leiers wat tans in Moskou vergader, ’n beroep gedoen dat die sespartysamesprekinge oor Noord-Korea se kernprogram hervat moet word.

President Hu Jintao van China en sy Russiese eweknie Dmitri Medwedev het in ’n gesamentlike verklaring ná ’n ontmoeting hul ernstige kommer uitgespreek oor die bedreiging wat Noord-Korea inhou.

Obama het op sy beurt in Washington gesê: “In die lig van Noord-Korea se volgehoue en strydlustige dreigemente teenoor buurlande, dink ek nie daar is enige twyfel nie dat dit ’n destabiliserende situasie is wat ’n daadwerklike bedreiging inhou – nie net vir Amerika nie, maar ook vir wêreldveiligheid.”

Hy het onderneem om ’n einde te maak aan die siklus van gebeure wat Noord-Korea toelaat om ’n kernkrisis te bewerkstellig, net om daarna toegewings in die vorm van byvoorbeeld voedsel en brandstof te bekom in ruil daarvoor dat hy die kernkrisis afweer – en daarna weer die krisis van nuuts af op die spits dryf.

“Dit is ’n patroon wat 'n gewoonte raak,” het Obama gesê. “Ons gaan dit beëindig.”

Данильченко Харьков

VSA troef Iran met Twitter

Die Amerikaanse regering het ontken dat hulle in Iran se verkiesing ingemeng het met behulp van die netwerk Twitter.

Maandagmiddag het 'n amptenaar van die State Department, die departement van buitelandse sake, Jared Cohen, 'n e-pos aan Twitter gerig om te vra dat die netwerk nie onderhoud aan hulle wêreldwye net doen nie, omdat Iranese inligting oor die verkiesing en die teenkanting teen die uitslag daarop uitruil.

Die VSA, sê adjunk-buitelandse sekretaris vir openbare aangeleenthede P.J. Crowley, "het 'n belangrike rol om te speel op hierdie kritieke tydstip in Iran".

Iran is die wêreld se vyfde grootste olieprodusent en is betrokke by ’n langdurige kernwapengeskil met Amerika en Israel. Gevolglik geniet die protesaksie aandag in die VSA.

Rusland het egter die herverkose Iranse president Dinsdag in Ekaterinaburg verwelkom en hulle van die opposisie in Teheran, wat skielik Engels as voertaal verkies, ook op plakkate in die stad, gedistansieer.

Twitter het gehoor gegee aan die versoek en hulle opgradering van die netwerk laat oorstaan tot laat Dinsdagmiddag, Woensdag in Teheran, omdat die eienaars die "belangrike rol wat Twitter as kommunikasiemiddel in Iran speel", erken.

Die departement het gesê dit verteenwoordig nie inmenging in 'n buitelandse moondheid se interne sake nie, omdat die versoek drie dae ná afloop van die verkiesing gerig is aan Twitter.

Crowley het gesê dit is in lyn met dei VSA nasionale beleid om vryheid van spraak aan te moedig. Inligting moet aangewend word om vryheid van spraak te bevorder, het hy gesê.

Hillary Rodham Clinton gebruik toenemend die uitdrukking "e-diplomasie" en verwys na die krag daarvan. Die Obama-administrasie beskou kennelik die internet se sosiale netwerke as 'n nuwe pyl in hulle diplomatieke koker.

Cohen, wat aan Stanford Universiteit studeer het, was verlede maand met 'n Amerikaanse afvaardiging in Bagdad om Twitter aan Irak te verkoop "om die land se inligtingsnetwerk te herbou". Hy is 'n spesialis van Twitter en Facebook.

Mir Hussein Moussavi, Iran se grootste opposisiekandidaat, het blykbaar Facebook gebruik om sy ondersteuners op hoogte van sy bedrywighede te hou.

Twitter word glo gebruik om insidente van polisieoptrede teen betogers en die Withuis se ontleding van die situasie rond te stuur omdat die owerhede in Iran selfoonteksboodskappe geblokkeer het

Alhoewel die regering ook probeer het om die Twitter te sluit, het internetgebruikers blykbaar maniere gevind om die versperring te omseil.

Die buitelandse media in Iran is Dinsdag amptelik verbied om hul kantore te verlaat – wat hulle verhoed om verslag te doen oor betogings teen die onlangse verkiesingsuitslae.

Die ministerie van kultuur het gesê joernaliste werk steeds uit hul kantore, maar alle akkreditasie vir die buitelandse media is gekanselleer.

“Geen joernalis mag verslag doen, filmopnames maak of foto’s in die stad neem nie,” het ’n amptenaar gesê. Die aankondiging kom nadat minstens sewe mense reeds oor drie dae in straatbetogings dood is.

Die verslane presidentskandidaat Mirhossein Mousavi sou gister ’n byeenkoms hou om, volgens hom, sy ondersteuners se lewens te beskerm. Ondersteuners van pres. Mahmoud Ahmadinejad het intussen ’n byeenkoms by dieselfde terrein beplan om Mousavi te troef.

Malema ‘beheer’ Zuma

Julius Malema

Zuma het die tienduisende ANC-ondersteuners in die Katlehong-stadion toegespreek oor op die rol van die nuwe Nasionale Jeugontwikkelingsagentskap, wat gister amptelik bekend gemaak is. Hy was die hoofspreker by die Jeugdag-vieringe aan die Oos-Rand.

Die agentskap beoog om armoedeverligting, landelike ontwikkeling, dwelm- en alkoholmisbruik en die stryd teen misdaad aan te pak, het die president gesê.

“Die regering gaan in die volgende vyf jaar opvoeding vooropstel – dit gaan een van die ANC se belangrikste take wees om ’n omgewing te skep waarin vaardighede ontwikkel kan word en jong mense ekonomies aktief kan raak.

“Ek herbevestig op hierdie dag dat ons die stemme van ons jong mense in nood gehoor het. Ons weet van die werklose jong mense . . . wat op ’n baan van botsing met die gereg verkeer. Ons weet van die mense in nood in ons lokasies en op die platteland. Daarom gaan die opheffing van die jeug vir ons regering van die grootste belang wees.”

Julius Malema, wat ook gepraat het, het ’n beroep op die skare gedoen om aktivisties te wees, veral in die stryd teen misdaad en MIV/vigs. “Gebruik jul burgerlike arrestasieregte om die misdadigers vas te trek. En onthou om rond te slaap is selfmoord. Jul leuse moet ‘een kêrel, een meisie’ wees.”

Malema het weer kritiek teen Zuma se teenstanders uitgespreek tot groot vermaak van die skare. Hy het die jeug verseker dat hulle die president "beheer" en die besluit oor sy ampstermyn sal fel.

italiasvet Лобановский

Kuba lei 300 medici vir SA op

Byna 300 Suid-Afrikaners studeer tans in Kuba in 'n mediese rigting, het adjunk-minister Rejoice Mabudafhasi van die departement van waterwese en die omgewing Dinsdag gesê.

Die aantal van 287 is tydens 'n sakeseminaar tussen die twee lande bekend gemaak. Sy het Kuba bedank vir die opleiding van jong Suid-Afrikaners en gesê talle van hulle word leiers.

Meer as 200 Kubaansopgeleide mediese personeel is intussen weer terug in die land en 100 is besig om hul internskap te voltooi. Kubaanse tegniese adviseurs is insgelyks van hulp by meer as 228 behuisingsprojekte.

"Die Masupa-Tsela Youth Pioneer Programme en die werwing van Kubaanse spesialiste na Suid-Afrika sal help om maatskaplike werkers op te lei," het Mabudafhasi gesê en bygevoeg dat die onwikkeling van vaardighede besig is om vrugte af te werp.

Daar is tans 302 Kubaanss spesialiste in die land ontplooi.

Daar is ruimte vir die uitbreiding van olie-ontginning en navorsing in geologie, het sy gesê. Ook in biotegnologie, nano-tegnologie en -wetenskap en klimaatsverandering.

Mabudafhasi het gesê Suid-Afrika het nog altyd teen VN-resolusies gestem wat Kuba van menseregtevergrype beskuldig. Suid-Afrika vra ook dat die VSA hulle ekonomiese, kommersiële en finansiële blokkade teen Kuba moet ophef.

Die adjunk-minister het gesê dit is 'n "destruktiewe" maatreël eerder as opbouend en "die tyd het aangebreek dat dit moet gaan".

Sestig Suid-Afrikaanse sakemense het Mabudafhasi na Havana vergesel.

кукол кукол Данильченео

Drie verkoop munisipale grond aan plakkers

Drie mans is Dinsdag in Roodepoort gearresteer nadat hulle na bewering grond wat aan die munisipaliteit behoort, aan krotbewoners verkoop het. Die Johannesburgse metropolisie het hulle vasgetrek.

Lede van die metropolisie het 20 nuwe krothuise in die Phepisonglokasie opgemerk volgens hoofsuperintendent Wayne Minnaar. Nadat hulle die inwoners konfronteer het, het dit geblyk dat die plakkers die grond van "Moloi and Partners" aangekoop het.

"Die maatskappy was nie geregistreer nie en sou ook nooit die transaksies kon beklink nie omdat die grond aan die munisipaliteit behoort," het Minaar gesê.

"Mense het tussen R7000 en R14 000 vir die grond betaal, afhangend van die grootte. Die plakkers wat om die bos gelei is, het selfs 'n aankoopkwitansie ontvang wat uiters legitiem gelyk het."

Klaarblyklik is die "maatskappy" al geruime tyd met die beweerde bedrogspul aan die gang, aangesien 'n aansienlike persentasie krotbewoners erwe van hulle "gekoop" het.

Drie van die mans is by hulle "kantore" in die lokasie in hegtenis geneem. Na verwagting sal hulle Woensdag voor die lanndros in Roodepoort verskyn.

evolution Лобановский Харьков

Fifa krabbel onbeholpe terug oor Afrikaans

Beeld berig dat die volledige Suid-Afrikaanse volkslied Woensdagaand gespeel sal word wanneer Bafana Bafana Nieu-Seeland in die Konfederasiebeker-sokkertoernooi aanvat, nadat Fifa geëis het dat die volklied verkort word.

Die swak bywoning by wedstryde het die internasionale sokkerliggaam kennelik laat besluit dat hulle nie nog wit toeskouers kan verloor nie. Daarbenewens is die meeste van die stadions deur Afrikaanse raadgewende ingenieurs opgerig, en het dit dalk intussen tot die beheerliggaam deurgedring.

Fifa het gister gesê dat hy ’n nuwe, volledige weergawe by Safa gekry het wat in die Royal Bafokeng-stadion in Rustenburg gespeel sal word.

Nicolas Maingot, Fifa se mediahoof, het gister gesê: "Die nasionale volksliedere vorm ’n belangrike deel van ons protokol voor wedstryde. Ons respekteer dit ten volle. Ons verkort nie volksliedere nie." Maingot het nie laat blyk dat dit Fifa was, volgens wat berig word, wat aan Safa gevra het om die volkslied te verkort nie.

“Nkosi sikeleli” is Sondagaand tydens die openingswedstryd van die konfederasietoernooi op Fifa se aandrang verkort omdat “volksliedere sowat 90 sekondes lank moet wees om balans te verseker”.

Die Afrikaanse dele van die volkslied is daarna weggelaat om die lied te verkort. Rich Mkhondo, kommunikasiehoof van die plaaslike reëlingskomitee, het gesê Fifa het die Suid-Afrikaanse span vir ’n opname van 90 sekondes gevra.

Die Switserse hoof van Fifa, Sepp Blatter, het die ANC geprys vir hulle volkse openingseremonie, asook vir hulle doeltreffende organisasie. Nietemin was motoriste ontstoke oor die swak reëlings by die ry-en-parkeer stasies.

Polisie moes mense se kaartjies by hekke nagaan omdat sokkeramptenare vir die tweede keer gestaak het. Hulle het Sondagaand tydens die wedstryd tussen Italië en die VSA op Loftus Versfeld weer oor salarisse ophou werk.

Amptenare het Sondag voor die openingswedstryd gestaak, maar het na hulle poste teruggekeer nadat Mkhondo aan hulle nuwe kontrakte belowe het.

Indi? berispe Pakistan weer

Die Indiese premier, Manmohan Singh, wat die leier van Pakistan vir die eerste keer sedert verlede jaar se Moembai-aanvalle ontmoet het, het hom gevra om te verseker dat militante nie vanuit Pakistanse grondgebied opereer nie.

“Ek is bly om u te kan ontmoet, maar my mandaat is om vir u te sê dat die grondgebied van Pakistan nie vir terreur gebruik moet word nie,” het Singh aan president Asif Ali Zardari gesê in ’n ontmoeting by ’n Sjanghai-samewerkingsberaad in Rusland.

Sy streng woorde dui daarop dat daar geen dramatiese deurbraak in betrekkinge tussen Indië en Pakistan sal wees nie.

Die VSA is gretig om te sien dat bande tussen dié lande verbeter sodat die spanning in die streek, wat Afganistan insluit, kan afneem.

игры для дивчаток

Obama druk vir openbare mediese versekering

Barack Obama het dokters vandeesweek gewaarsku die Amerikaanse gesondheidstelsel is ’n tydbom wat reeds tik en hulle gevra om sy hersieningsplan daarvoor te ondersteun.

Sy plan sluit ’n openbare versekeringskema, waaroor baie dokters skepties is, in.

Obama het sy gesondheidsveldtog na die jaarvergadering van die invloedryke Amerikaanse mediese vereniging (AMA) geneem, wat meer as 250 000 dokters verteenwoordig en histories teen ’n groter regeringsrol in gesondheidsorg gekant is.

“As ons nie ons gesondheidstelsel regmaak nie, kan Amerika dieselfde pad loop as GM; meer betaal, minder kry en bankrot speel,” het hy gesê met verwysing na die sukkelende motorvervaardiger General Motors, wat aansoek gedoen het om likwidasie.

“Dit is ’n tikkende tydbom vir die federale begroting. En dit is onvolhoubaar vir die Verenigde State van Amerika.” Obama wil teen Oktober ’n hervormingswetsontwerp op sy lessenaar hê.

Nagenoeg 46 miljoen Amerikaners het nie mediese versekering nie en min toegang tot mediese sorg.

Die debat oor sekere kwessies van die hersiening wat deur die kongres opgestel word, het in felheid toegeneem.

Onder dié kwessies is die finansiering van die plan en of dit ’n openbare program moet insluit om met private versekeraars mee te ding.

In Washington het die voorsitter van die senaatskomitee oor finansies, mnr. Max Baucus, gesê sy paneel sal vandeesweek wetgewing oor hervorming van die gesondheidsorgstelsel voorlê.

Die kanse lyk goed dat die maatreël met steun van albei partye in die voltallige senaat deurgevoer sal word.

Talle Republikeine verwerp egter die plan omdat hulle meen dit sal uiteindelik private versekeraars kelder.

Die AMA het ook twyfel uitgespreek oor enige openbare skema wat soortgelyk is aan die regering se Medicare-program vir senior burgers.

обуви кривой

Israel ‘wil vredespogings saboteer’

’n Woordvoerder van die Palestynse leier, Mahmoud Abbas, het gesê Israel is besig om die vredespogings te saboteer.

Die Israelse premier, mnr. Benjamin Netanyahu, het gister geëis dat Jerusalem die uitsluitlike hoofstad van Israel moet wees en dat Palestynse vlugtelinge nie in die land toegelaat behoort te word nie.

’n Woordvoerder van Abbas het verklaar dat Netanyahu se standpunt “alle inisiatiewe gesaboteer het, alle pogings vir vrede verlam het”.

“Die vredesproses beweeg teen ’n slakkepas. “Netanyahu het vanaand in sy dop teruggetrek,” het mnr. Saeb Erekat, ’n onderhandelaar, gesê.

Die Europese Unie (EU) se kommissaris vir buitelandse beleid, Javier Solana, het ’n beroep op Israel gedoen om veiligheid deur vrede te soek.

Hy het ook gewaarsku dat toekomstige gesprekke met die EU afhang van “Israel se gedrag”.

“Dit is belangrik om Israel te oortuig dat vrede ’n beter waarborg vir sy veiligheid sal wees.

“Ek dink president Barack Obama het dit duidelik gestel in sy ontmoeting met die Israelse premier, mnr. Benjamin Netanyahu, in Washington,” het Solana hier aan verslaggewers gesê.

Obama is sedert sy beëdiging in Januarie op soek na maniere om die vredesamesprekinge weer aan die gang te kry. Sy gesant, George Mitchell, het pas deur die Midde-Ooste getoer en Amerika se steun vir ’n tweestaat-oplossing herbevestig.

“Die EU volg tans ’n soortgelyke proses[as die VSA],” het Solana ná sy gesprek met Egipte se president en sy minister van buitelandse sake gesê.

Na verwagting sal Israel nie hierdie oplossing sal steun nie.
fruit casino