Navorsers by die Stanford-mediese sentrum in die VSA het 'n plantgegronde entstof teen kanker ontwikkel.
Die revolusionêre entstof is in staat om die ligaam se immuunreaksie aan die gang te sit en kan vir 'n spesifikie tumortipe aangepas word.
Indien die immuunreaksie voldoende is, sal dit 'n manier wees om die dodelike siekte sonder newe-effekte te behandel, het die senior outeur Ronald Levy gesê.
Die proses het reeds kanker in muise suksesvol genees.
Die jongste Batman-film, The Dark Knight, het alle vorige loketrekords vewoes deur $200 miljoen in die eerste drie dae te verdien. In die VSA het dit $158,35 miljoen ontvang. Sodoende het Batman die vorige rekord wat deur Spiderman 3 in Mei 2007 gestel is met sewe miljoen dollar oortref.
Gister was die sperdatum vir buitelandse burgers wat hulself by die departement van binnelandse sake as vlugtelinge wil registreer.
Terwyl omtrent 700 buitelanders by die Glenanda-kamp in Johannesburg so gemaak het, het die meerderheid geweier.
'n Woordvoerder vir Gauteng het egter gewaarsku dat mense wat weier uit hul huisvesting gesit sal word.
Verlede week het die VN se Hoë Kommissie vir Vlugtelinge berig dat 17 000 Zimbabwiërs reeds uit Suid-Afrika gedeporteer is. Die liggaam het 'n beroep op Suid-Afrika gedoen om die deportasies te staak.
Die Zambiese minister van inligting Mike Mulongoti het gister die Zambiese slagoffers van onlangse etniese aanvalle in Suid-Afrika gemaan om terug te keer huistoe en 'n nuwe lewe te begin.
Volgens hom bestaan daar baie geleenthede in Zambië vir slagoffers. Die regering sal alles in sy vermoë doen om die slagoffers te help om hulle te vestig.
Meer as 120 Zambiërs het van Suid-Afrika af teruggekeer en ysingwekkende verhale vertel van die geweld wat teen buitelanders gerig is.
Mulongoti het ontken dat die geweld deur die staat gepleeg is of dat dit Suid-Afrikaanse regeringsbeleid is maar meen dit is deur misdadige elemente gepleeg.
Agtien gewapende mans is gister in 'n Pick 'n Pay-supermark in Vosloorus vasgetrek, volgens die Oosrandse polisie.
'n Polisiewoordvoerder het gesê dat 25 mans die winkel laat gistermiddag binnegekom het en werkers sowel as kliënte gyselaar gehou het.
Vyf mans was met gewere gewapen en die res het 9mm-pistole gedra.
Een van die kliënte het daarin geslaag om die polisie te bel en 18 van die 25 mans is gearresteer.
Geen skote is geskiet nie en geen beserings is aangegee nie.
Die jongste rassedispuut wentel nou om die teater.
Hy meen blanke bestuurders bied weerstand om swart kunstenaars geleenthede te bied. Hy het gemeenskapsteater ontwikkelingsgemors genoem wat bedoel is om swartes as 'n ras terug te hou.
Motloung se blanke kollegas het gereageer deur te sê die kunste word as 'n kwalik verdoeselde voertuig vir 'n Afrikanistiese politieke agenda gebruik.
Een van die blanke skrywers het gesê dat hy nie simpatiek staan teenoor diegene wat dink dat dit benede hul waardigheid is om hul vak te leer en te ontwikkel nie.
Hy het bygevoeg dat die aanleer van 'n vaardigheid nie een of ander imperialistiese komplot is nie.
Zimbabwiërs staar hongersnood in die gesig na die wydverspreide mislukking van hul jongste oes.
Sewe Franse koerante het met die grootste Franse telekommunikasiemaatskappy saamgespan om 'n elektroniese nuustoestel te toets.
France Télécom is nie die eerste maatskappy wat koerante op elektroniese papier plaas nie.
Die Kindle, 'n toestel wat deur die aanlynboekwinkel Amazon in die VSA verkoop word, laat lesers toe om 19 koerante van regoor die wêreld daarop af te laai.
Kindle sal binnekort ook buite Amerika beskikbaar wees.
Maar Read & Go sal anders as die Kindle en soortgelyke elektroniese koerantprojekte wees. Dit sal advertensies bevat.
Nog 'n rasse-aanmerking deur Butana Komphela het tussen Suid-Afrikaanse sport en die parlement beland.
Komphela gaan by die Menseregtekommissie aangegee word deur SASKOK, die Suid-Afrikaanse Sportkonfederasie en Olimpiese Komitee weens sy belediging.
Komphela het in 'n koerantonderhoud gesê dat SASKOK vol blankes en Indiërs is wat nie transformasie begryp nie en 'n gebrek aan visie toon.
Alle sportfederasies in die land, rugby en krieket inkluis, is by SASKOK geaffilieer.
Die onlangse kragonderbrekings in Finetown, suid van Johannesburg, wat drie dae geduur het, is as gevolg van luiheid deur Eskom.
Inwoners is vies omdat Eskom 'n week gelede in kennis gestel is van 'n foutiewe transformator, maar niks is daaraan gedoen nie.
'n Werknemer by een van Eskom se inbelsentrums sê die tegnici in die gebied is doodgewoon lui.
Hy sê hy blameer inwoners nie wat hulle woede en frustrasie op inbelsentrums uithaal omdat tegnici te lui is om te werk nie.
Hy sê dit skilder 'n swak prentjie van Eskom as 'n diensteverskaffer.
Wyksraadslid Freedom Sotshantsha het saamgestem dar sekere tegnici nie hulle werk doen nie.
