Die FW de Klerk-stigting het vroeër vandeesmaand aangekondig dat dit saam met Afriforum en ‘n liberale Engelse organisasie genaamd die Quaker Peace Centre gaan werk om ‘n hofsaak teen president Jacob Zuma te maak.
Volgens Megan Dick, ‘n woordvoerder van die FW de Klerk-stigting, verteenwoordig die drie organisasies ‘n “losse koalisie en ‘n diverse deursnee van Suid-Afrikaners, wat verenig is in hul (wens) om ‘n terugkeer na grondwetlike waardes en die regstaat te sien sover dit alle aangeleenthede betref wat die staat raak”.
Die Afriforum-FW-de-Klerk-QPC-koalisie gaan aansoek doen om ‘n verklarende bevel vanaf die Grondwethof wat die president weens botsende belange sal verbied om ‘n geregtelike ondersoek na “staatskaping” aan te wys. Volgens die FW de Klerk-stigting, het “die president reeds voorheen so ‘n botsing van belange voor die Grondwethof tydens die Nkandla-saak erken”.
Die Suid-Afrikaanse rand het vanoggend verder verswak tot R13,10 per dollar nadat dit Maandag twee persent van sy waarde verloor het in reaksie op ‘n verklaring deur die openbare beskermer, Busisiwe Mkhwebane, wat gesê het dat die Reserwebank nie meer die waarde van die geldeenheid in ag moet neem as dit kom by die “beskerming van die maatskaplike status van Suid-Afrikaanse burgers nie”.
Standard & Poor het gister gewaarsku dat indien die Reserwebank se onafhanklikheid aangetas sou word, sou die land se kredietgradering nog verder verlaag word. Wat skuld in buitelandse geldeenhede betref, verkeer Suid-Afrika reeds op sogenaamde “rommelstatus”-vlak.
Die vrystelling van die Mynbou-handves wat swart eienaarskap van myne van ‘n verpligte 25 persent tot 30 persent verhoog, speel ook ‘n rol by die negatiewe sentiment wat daar tans oor die rand bestaan.
Dit wil voorkom asof daar steeds kapitaal uit die land vloei, want die tekort op die lopende rekening het in die eerste kwartaal toegneem van 1,7% tot 2,1% van die BNP. Die tekort op die lopende rekening in die eerste kwartaal het toegeneem tot R92 miljard, ‘n syfer wat gister vrygestel is. Markontleders het verwag dat die syfer tussen R79 miljard en R85 miljard sou wees.
Daar word egter verwag dat die swak verbruikersvraag in die SA ekonomie die geldeenheid in die komende maande mag ondersteun, soos wat minder goedere ingevoer word.
Verskeie ANC-politici het oor die afgelope dae weereens die slagspreuk “radikale ekonomiese transformasie” herhaal, waaronder nasionalisering van bates verstaan moet word. President Jacob Zuma het ook op Jeugdag gesê dat die jeug “radikaal en revolusionêr” moet dink.
Die Franse polisie sê die kamikaze-aanval op die Champs-Elysees was ‘n gefaalde terreuraanval.
Die voertuigbestuurder wat gistermiddag met sy voertuig in ‘n polisiemotor vasgery het in Parys, was sedert 2015 op ‘n veiligheidslys, die sogenaamde “Fiche S” en was bekend aan sekerheidsagentskappe. ‘n Joernalis van Libération het gesê hy het ‘n ontploffing gesien.
Die aanvaller was volgens wetstoepassers ‘n lid van ‘n radikale djihadistegroep. Die man het aan sy beserings beswyk na die botsing. Die polisie het ‘n AK-47 aanvalsgeweer, handwapens en gashouers in sy motor gevind.
Niemand anders is in die voorval beseer nie, maar twee metrostasies moes gesluit word in die area wat graag deur toeriste besoek word.
Maandag se terreuraanval kom ‘n dag ná die einde van Frankryk se parlementsverkiesings waarin president Emmanuel Macron se party ‘n meerderheid gewen het, as gevolg van ‘n wegblystem van sowat 20 persent sedert 2012 om ‘n historiese hoogtepunt van 58 persent te bereik.
Die swaarste immigrante- en Moslem-gebied, te wete Seine-Saint-Denis langs Parys, het die hoogste wegblystem van die 102 departemente gehad.
Macron beplan om die huidige noodtoestand te normaliseer met ‘n formele wetsontwerp Woensdag, wat daarop dui dat die regering geen einde aan die vlaag van terreuraanvalle sien nie. Die land verkeer sedert 2015 onder ‘n noodtoestand.
Die Britse Eerste minister, Theresa May het intussen die voorval gisteroggend by ‘n moskee in Londen as ‘n “terreuraanval” op Moslems beskryf, alhoewel die polisie sê die man het alleen gehandel.
‘n Man, vermoedelik van Walliese afkoms, het met sy voertuig in ‘n groep mense by die moskee ingeploeg. Elf mense is beseer.
ISIS-ondersteuners het ‘n oproep vir wraak vir die Finsbury Park aanval gedoen. Die simpatiseerders bevraagteken hoekom die aanvaller, wat met ‘n mes gewapen was, nie deur die polisie geskiet is soos die aanvallers van die Londen-brug nie.
“Hoekom het die polisie nog nooit ‘n Kaffer (nie-gelowige) geskiet nie?” het een op die “War News” WhatsApp-groep gekla.
Hulle het ‘n beroep op fanatici gedoen om “wakker te word” en wraak te neem in die nasleep van die gebeurtenis.
Niemand het opgedaag nie
Intussen het ‘n Moslem-vredesmars teen Islamitiese ekstremisme en terrorisme in die Duitse stad Keulen meer wit liberale joernaliste as werklike Moslems gelok.
Die opvallende gebrek aan entoesiasme het nie die aandag van Duitse politici en media ontsnap nie. “Ek vind dit jammer dat meer joernaliste en polisiebeamptes vandag [in sentrale Keulen] as betogers opgedaag het,” het Michael Groschek, hoof van die kantoor van die Duitse Sosiaal-Demokratiese Party in Noord-Ryn-Wesfale, gesê.
Die optog, onder die slagspreuk, “Nie saam met ons nie”, is georganiseer deur prominente Moslemse openbare figure.
Alhoewel die geleentheid ondersteun is deur die meeste groot Duitse Moslem-verenigings, insluitende die Sentrale Raad van Moslems in Duitsland (ZMD) asook die Duitse Ahmadiyya-Moslemgemeenskap, het baie min Moslems eintlik gekom.
Die polisie is in groot getalle ontplooi, insluitend swaar gewapende onluspolisie, voor die optog, het die Duitse media berig.
Optoggangers het plakkate en baniere opgehou wat lees: “Moslems is nie te blameer nie”.
Brandbestryders langs die Tuinroete probeer steeds om veldbrande tussen Rheenendal en KaRatara buite Knysna te blus wat gisteraand weer opgevlam het.
Sowat 60 brandbestryders is in die gebied ontplooi, het RSG berig.
Die plaaslike brandweerhoof, Clinton Manuel sê die brande het die potensiaal om opnuut verwoesting te saai indien die wind begin waai. Dit brand ook by Plettenbergbaai. Geen huise of lewens word in die stadium bedreig nie.
Vroeër vandeesmaand is sewe mense dood en meer as 400 huise vernietig in brande in die gebied.
Knysna Toerisme sê intussen planne word beraam om alle besoekers te huisves wat die jaarlike Oesterfees volgende maand wil bywoon.
Vier-en-twintig gastehuise is tydens die onlangse wegholbrande in puin gelê. ‘n Woordvoerder van die Toerismeraad, Elmay Bouwer sê daar is genoeg akkommodasie.
Die Franse anti-immigrasie politikus Marine Le Pen (48) het Sondag ‘n setel in Frankryk se parlement verower, het Reuters berig.
Sondag na die tweede ronde van die wetgewende verkiesing,sal haar party, die Front National na verwagting tussen vyf en sewe setels wen. Nadat hy teen Emmanuel Macron in die presidensiële verkiesing verloor het, het Le Pen aangekondig dat sy ‘n parlementêre setel sal betwis, aangesien dit belangrik is dat wetgewers Macron se beleid teenstaan.
Le Pen het weer eens kritiek op Frankryk se verkiesingsstelsel gehad en gesê dat proporsionele verteenwoordiging haar party baie meer setels in die parlement sal gee.
“Dit is ‘n skandaal dat ons party wat 7,6 miljoen stemme in die eerste ronde van die presidensiële verkiesing gekry het en drie miljoen meer in die tweede ronde, nie ‘n groep in die Franse parlement kan vorm nie,” het die FN-leier gesê.
‘n Groep kan slegs gevorm word as ‘n party 15 setels kry, wat toegang tot befondsing asook meer spreektyd beteken.
Le Pen het 59 persent van die stemme gewen in ‘n oortuigende oorwinning teen haar beginner-mededinger in Henin Beaumont, ‘n arm voormalige mynstad, het die FN-woordvoerder Steeve Briois bevestig.
Sy het maklik die eerste ronde van die stryd teen nie minder nie as twaalf teenstanders gewen, en het ‘n aanspraakmaker van die nuwe president se party, La Republique en Marche (REM), Anne Roquet, gewen.
Le Pen se vennoot en party-adjunk, Louis Aliot het sy setel in Suidwes-Frankryk gewen.
Florian Philippot, haar regterhand in die Nasionale Front (FN), kon nie sy setel behou in die voormalige industriële gebied van Moselle in Oos-Frankryk nie. Hy word verantwoordelik gehou vir haar verlies, nadat Marine nie Macron verslaan het nie.
Gilbert Collard, ‘n ander topadviseur en een van slegs twee anti-immgrasie wetgewers in die parlement van 2012-2017, het ook sy setel verloor.
Die stempersentasie was besonder laag, wat aan Macron se alliansie ‘n voordeel tot dusver besorg het. Die Franse president se REM het volgens aanduidings ‘n groot meerderheid behaal in die tweede rondte van die parlementêre verkiesing. Sy party wat saam met Modem ‘n alliansie aangegaan het, het tot dusver 351 van die 577 setels in die Parlement ingepalm. Finale uitslae word afgewag.
Inligting oor die verslae wat na verwagting vandag deur die Openbare Beskermer (OB), Busisiwe Mkhwebane, bekend gemaak gaan word, is klaarblyklik nie volledig nie.
Haar woordvoerder, Cleopatra Mosene, het by navraag bevestig dat verskeie verslae vandag deur die kantoor vrygestel gaan word, maar wou nie verdere inligting bekend maak nie.
Die OB het gedurende haar besoek aan die Noord-Kaap verlede maand aangedui dat verskeie ondersoeke in die Vrystaat reeds afgehandel is en dat van die verslae nog vandeesmaand vrygestel kan word.
Mkhwebane het onder meer die omstrede multimiljoenrandse Vrede-suiwelprojek asook die Vrystaatse webtuiste-skandaal in die provinsie ondersoek. Van die verslae sou reeds in April bekend gemaak word, maar uitstel is glo gevra.
Intussen het die opposisie ‘n beroep op Mkhwebane gedoen om vandag die geleentheid te gebruik om verskeie verslae wat die betrokkenheid van die Gupta-familie insluit, ook openbaar te maak.
Die Britse polisie sê die dodetal na die brand in `n woonstelgebou in Londen het tot minstens 12 gestyg. Die woonstelgebou word hoofsaaklik deur Marokkane bewoon.
Op Twitter is daar gespekuleer dat dwelmhandelaars die gebou aan die brand gesteek het, maar dit kon nie bevestig word nie.
Sewentig pasiënte is in hospitale opgeneem en twintig van hulle se toestand is kritiek. Omstanders sê hulle het ligte aan die bokant van die gebou van 24 verdiepings en vasgekeerde mense met kinders voor vensters gesien.
Die polisiehoof, Stuart Cundy sê die dodetal sal waarskynlik nog verder styg. Cundy sê die soektog en opruimingswerk gaan nog lank duur.
Inwoners van die woonstelgebou het telkens oor die brandgevaar in die gebou gewaarsku en sê die afwerking van die gebou het moontlik bygedra dat die brand so vinnig versprei het.
Geweerskote is afgevuur op die N1 in Midrand by die Mall of Africa, naby die Allandale-afrit. Nie net geweerskote het geklap nie, maar taxi’s word geskut en pendelaars word erg ontwrig weens protesoptrede deur taxibestuurders in Gauteng.
Groot verkeersontwrigtings kom regoor die provinsie voor. Meer as tien taxi’s is geskut omdat hulle die N1 hoofweg versper het.
Sommige pendelaars, veral in Pretoria, is met geweld uit busse gedwing. Taxi’s ry op plekke ook baie stadig om motoriste te frustreer.
PRAAG het met ‘n motoris in Fourways gepraat wat sê motors waag dit nie naby die taxi-versperrings nie weens die intimidasie.
Die Gautengse polisie probeer om die situasie onder beheer te kry. Mense is ook aangeraai om hul ritte uit te stel totdat die situasie onder beheer is.
Ontwrigtings kom voor op die N1 en M1 hoofweë tussen Johannesburg en Pretoria te midde van duisende taxi-pendelaars wat vandag staak.
Die Suid-Afrikaanse Taxi-raad het bevestig dat sy lede ‘n protesoptog na die kantore van die Suid-Afrikaanse taxi-finansieringsdiens in Midrand, noord van Johannesburg gaan hou.
Hulle betoog teen hoër finansieringskoste vir minibusse. Die taxi-eienaars en -bestuurders het toestemming vir die protesoptrede. SANTACO sê hulle sal ook motorvervaardigers, banke, versekerings- en brandstofmaatskappye teiken.
‘n Republikeinse kongreslid Steve Scalise verkeer in ‘n kritieke toestand nadat hy geskiet is deur ‘n linkse wit terroris wat belowe het om Trump te vernietig.
Die man het losgetrek op Republikeinse kongreslede wat bofbal geoefen het om in ‘n vriendskaplike wedstryd teen Demokrate te speel, nie ver van die Withuis nie.
Die skieter, wat deur die wetstoepassingsbeamptes geïdentifiseer is as die 66-jarige James T. Hodgkinson, is ‘n ondersteuner van Bernie Sanders en ‘n vurige ondersteuner van verlinkse TV-propagandiste, John Oliver, Rachel Maddow, en Bill Maher, het sy sosiale mediarekeninge gewys.
Oliver bied die The Daily Show aan waarin hy mbv “grappige” leuens veral wittes swartsmeer om ‘n anti-wit-agenda te bevorder. Verlinkses in Suid-Afrika is ook aanhangers van Oliver.
Volgens sy Facebook-bladsy was Hodgkinson ‘n “demokratiese sosialis” wat Bernie Sanders ondersteun het. Hy het selfs ‘n groot afbeelding van Sanders gehad as sy banier en ‘n profielfoto wat sê: “Demokratiese sosialis verduidelik in drie woorde: Ons die mense.”
Hodgkinson was onder die invloed van linkse samesweringsteorieë en het geglo dat president Trump bande met Rusland het. Hy het ‘n petisie onderteken waarin hy gevra het vir ‘n ondersoek na Trump-Rusland verhoudinge.
Imagine if an Infowars fan tried to massacre Dems.
This gunman loved John Oliver, Rachel Maddow & the Daily Show.
Daar is niks buitengewoon oor die toekenning van naturalisasie-sertifikate aan die Gupta-familie nie, sê die minister daarmee belas.
Die voormalige minister van binnelandse sake, Malusi Gigaba het Dinsdag ‘n verklaring uitgereik waarin bevestig word dat dokumente wat op sosiale media versprei is met betrekking tot hierdie besluit eintlik werklik is.
Gigaba se woordvoerder, Mayihlome Tshwete, het aan OFM News gesê die minister het die aansoek wettiglik goedgekeur ingevolge die Suid-Afrikaanse Burgerskapswet Amendement van 2010 in die Grondwet.
Tshwete het gesê die minister het die Gupta-familie se burgerskap aansoek goedgekeur nadat dit saam met ander aanbevelings van individue van ander dele van die wêreld na hom gebring is.
“Soos die meeste van die aanbevelings wat van die departement na die minister kom, het hy hulle goedgekeur,” het hy gesê.
“Die individue waaroor ons praat, was sedert 2008 selfs permanente inwoners. Ongelukkig is dit vir binnelandse sake, of hulle van sekere mense hou of nie en of sekere mense onaantasbaar geag word of nie, hulle het ‘n diens om aan elke individu of familie te lewer wat die dienste van Binnelandse Sake versoek.”
Hy het gesê daar was niks buitengewoon oor hierdie spesifieke geval nie en die feit dat dit in departementele dokumentasie geskryf is, bevestig dat die wet tot op die letter gevolg is.
Gigaba het in die verklaring gesê mediaberigte oor die saak was onregverdig en van sensasionele aard.
Hy het gevra dat die Departement van Binnelandse Sake chronologiese besonderhede verskaf van hoe al die aansoeke deur die Gupta-familie hanteer is sedert die familie die departement genader het.
David Hlabane, woordvoerder van die departement van Binnelandse Sake, het gesê hul departement het Gigaba se reaksie opgemerk. Hulle sal die feite verifieer en betyds ‘n ingeligte verklaring uitreik.
