Washington Post steek die Rubicon oor

‘n Advertensievennootskap tussen die Washington Post en een van die Chinese regering se propagandablaaie het vrae laat ontstaan oor die regsimplikasies van buitelandse propaganda onder ‘n Amerikaanse mashoof.

Die probleem is die Post se China Watch-publikasie, ‘n druk- en aanlyn-reklame-bylaag wat voorgee om nuus oor China te lewer. Die webwerf huisves talle artikels en stukke wat die beeld die Chinese regering poets en veral sy menseregterekord in ‘n gloeiende lig stel.

Sommige etiek- en joernalistiekkenners en China-waarnemers sê die vennootskap breek etiese grense en mislei lesers oor die Chinese regering se rekord oor ‘n hele aantal belangrike kwessies.

Die China Watch-webwerf, wat die Washington Post se amptelike mashoof gebruik, lyk soos baie ander aanlynnuuswerwe, met video’s, artikels en skyfievertonings. Net ‘n klein blokkie in die webwerf se regterkantste hoek verklaar: “‘n Betaalde bylaag tot die Washington Post.”

Joernalistiekkenners glo dat die Post aan lesers moet verduidelik wat die presiese aard van sy verhouding met China nou eintlik behels.

“Hulle moet die spreekwoordelike olifant aanspreek in die woonkamer: Waarom ‘n kommunistiese regering se geborgde publikasie?” vra Lois Boynton, ‘n joernalistiek-professor by die Universiteit van Noord-Carolina se Skool vir Joernalistiek en massakommunikasie.

“Dit bring ‘n etiese kwessie na vore,” sê Boynton, wat China Watch al gekritiseer het vir sy doelbewuste verdoeseling van feite.

“Daar is kwessies van deursigtigheid wat verband hou met China Watch,” het sy gesê.

“Lesers kan reg deur hierdie afdeling gaan asof hulle beweeg deur die harde nuus na meer in-diepte verslaggewing, en nooit besef dat hulle oorval word met Chinese regeringspropaganda nie,” sê Stephen Yates, ‘n voormalige nasionale veiligheidsadviseur vir vise-president Dick Cheney.

China Watch se inhoud word hoofsaaklik deur China Daily vervaardig, ‘n Engelse koerant met ‘n onkritiese blik op die Volksrepubliek van China en die Kommunistiese Party oor ‘n verskeidenheid kwessies, insluitende die ekonomie en politiek.

Baie van die skakels op China Watch neem die leser direk na China Daily se webblad. Die webtuiste word bedryf onder ‘n China-domein naam, wat beteken dat die inhoud daarvan erg gereguleer word deur die Kommunistiese Party se sensors.

Volgens bronne het hulle onlangs ‘n swaar gedokterde transkripsie van ‘n onderhoud met die Chinese vise-president Xi Jinping geplaas, waar die Chinese regering “vrae en antwoorde van sy eie” verskaf het en die Amerikaanse publikasie se vrae geïgnoreer het.

Ombudsman Patrick Pexton verwys na dié artikel as “meer persverklaring of propaganda as nuus.”

Die Post se kommunikasie-direkteur, Kris Coratti, verdedig die koerant se advertensie-beleid: “Die afdeling is duidelik gemerk as advertensie sodat ons lesers weet dit is nie die Washington Post se nuusinhoud nie.”

China Watch se inhoud verhoog ook vrae oor wette wat die werkinge van buitelandse agente beheer ivm politieke propaganda.

“As ‘n regsaangeleentheid is ‘n mens redelik vinnig in troebel waters,” sê Bill Reinsch, ‘n lid van die VSA en China se Economic and Security Review Commission. Hy sê dit mag jare neem om die kwessie uit te pluis.

China se kritici op Capitol Hill sê China Watch illustreer ‘n veel groter probleem.

“Die Chinese het ons eie vryemark en winsstelsel gebruik, en omgedraai, om die Kommunistiese Party in China te ondersteun,” sê ‘n navorser van Rep. Dana Rohrabacher (R., Kalifornië), ‘n uitgesproke kritikus van China.

Ander vrae is geopper oor wat presies die Chinese regering vir sy geld ontvang.

“Wat kry hulle? Verkeersinligting? Identiteitsinligting” wonder Yates. “Alle soorte dinge sal ‘n spoor laat as jy iets lees, ‘n deel van ‘n artikel, kommentaar. Wie gaan daardie inligting kry?”

лобановский александр игоревич харьков

Britse premier verneder homself onherroeplik

David Cameron, Britse premier, het behoorlik laag gekruip voor sy Amerikaanse eweknie. Só laag dat die Britse én Amerikaanse publiek naar is daarvan.

Hy het gaan basketbal kyk saam met president Barack Obama en homself soos ‘n tiener wat wil beïndruk gedra. Cameron se “heildronk” aan Obama by gisteraand se staatsbanket was egter die ergste, sê konserwatiewe meningsvormers.

Die toespraak was al die pad afdraande van die begin af.

Eers dam hy Richard Nixon by – die maklikste moontlike teiken vir ‘n byeenkoms van Obamafiele – en sy eie Tory voorganger Ted Heath. Hy maak aaklige grappies oor krieket en Watergate (“roep die loodgieters”) en loof Obama se “krag, morele gesag en wysheid”. Geen woord oor Ronald Reagan en Margaret Thatcher, twee Britse konserwatiewe ikone nie.

Dan kom wat sekerlik een van die mees kruiperige stellings ooit is: “Obama het die herstelknoppie op die morele gesag van die hele vrye wêreld gedruk”.

Onder Obama, ten spyte van sy beloftes en inderdaad ‘n uitvoerende bevel toe hy oorgeneem het, is Guantanamo steeds oop. Onbemande tuie het eksponensieel toegeneem want dis makliker om verdagtes dood te maak as te vang en hulle te ondervra. Militêre ingryping buite die federale stelsel gaan ongestoord voort, soos onbepaalde aanhouding sonder verhoor.

Obama se paar “pragtige woorde”, soos Cameron Obama se vele beloftes beskryf, is lank reeds vergete en die wêreld beskou die VSA toenemend as die aggressor, met Amerikaanse betrokkenheid in Afghanistan as die laagtepunt.

Obama is heeltemal arrogant en afwysend teenoor die Verenigde Koninkryk op ‘n manier wat president George W. Bush nooit was nie, voel baie Britte. Israel is van mening dat die VSA ‘n baie onbetroubare bondgenoot onder Obama is. Iran se groen revolusionêre kan Obama se “morele gesag” bevraagteken nadat hy toegelaat het dat hulle onder Teheran se teokratiese regime vasgevat word,

Dan was daar die heel onnodige kruipery by swartes soos Cameron die name van Rosa Parks en Martin Luther King, vir geen rede nie, afgestof het om Obama se rassebewussyn te streel.

“Die helfte van ‘n eeu gelede, het die ongelooflike moed van Rosa Parks, die visioenêre leierskap van Martin Luther King, en die inspirerende optrede van die burgerregte-beweging daartoe gelei dat politici gelykheid in die wet ingeskryf het en die ware belofte van Amerika aan al sy burgers gemaak het.

“Maar in die stryd vir geregtigheid en die stryd om vryheid, is daar geen einde nie, want daar is soveel meer om te doen om te verseker dat elke mens hul potensiaal kan vervul. Dit is die rede waarom ons geslag ‘n nuwe burgerregtestryd in die gesig staar.”

Die onnadenkendheid van die Britse premier om die Republikeine tydens hierdie reis te ignoreer, kan ‘n potensiële buitelandse betrekking-ramp vir die VK wees. Mitt Romney, die waarskynlike GOP-genomineerde, was glo gister en vandag in New York en is vermoedelik beskikbaar vir ‘n vergadering. Cameron se voorganger, Gordon Brown het met kandidate Obama, Hillary Clinton en John McCain in Washington in April 2008 vergader. President Obama het Cameron in Londen in April 2009 besoek toe die Tory-leier nog in die opposisie verkeer het.

Dié dwaasheid het net versterk wat almal vermoed het: Dat die Verenigde Koninkryk die baie junior vennoot in die veel geprese “spesiale verhouding” tussen die twee lande is.

As ‘n Republikein die Amerikaanse verkiesing wen, gaan die premier met sy hoed in die hand moet gaan bedel. Daarbenewens het Cameron sy land en party se eer onherroeplike skade berokken.

Александр Фильчаков прокурор

Renosterstropers kan vry stap

‘n Chinese en ‘n Viëtnamese verdagte, aangekla van betrokkenheid by renosterstropery, kan Vrydag uit die Kempton Park-landdroshof as vry mans stap, indien ‘n hofvertaler nie in die hof verskyn nie, het Beeld berig.

Distrikslanddros Eric Mhlari het Donderdag die saak teen die twee uitgestel tot Vrydag, en gewaarsku dat in die afwesigheid van ‘n vertaler, hy die saak van die hofrol sal verwyder.

Vietnamese burger Qifen Chen en Jigua Han uit China, het vir die eerste keer op 21 Februarie in die hof verskyn, volgens Beeld.

Chen is toe in die hospitaal opgeneem met ‘n enkelbesering en die saak is uitgestel tot 29 Februarie, maar hy was nie in staat om die hofsaak by te woon nie, want hy was nog in die hospitaal.

Hofvertaler Melody Lin was nie beskikbaar vir enigeen van die twee hofverskynings nie, dus is die saak uitgestel tot 7 Maart, maar sy kon nie kom nie.

Sy het ‘n boodskap gestuur om die landdros in kennis te stel dat sy net kan tolk uit Chinees, nie Vietnamees nie.

Intussen, het Chen die hof ingelig dat hy in werklikheid vlot Chinees praat, en die saak is uitgestel tot 15 Maart.

Donderdag, het Lin weer versuim om op te daag, nadat sy aan die hof gesê sy het ‘n maagkwaal.

Sy het die hof verseker dat sy beslis die saak Vrydag sal bywoon.

лобановский александр харьков

Revisionistiese geskiedenis 101

By die gedenklesing op die 26ste herdenking van die “Laeveldslagting” het Jackson Mthembu, die ANC se nasionale woordvoerder by die KaNyamazane Gemeenskapsaal, die “bloedbad” deur die vorige bewind geskilder en aan die gehoor sy weergawe van die nuwe geskiedenis oorgedra.

Dié “slagting” deur die apartheidsregering en sy veiligheidsmagte het begin met die dood van ‘n student, Mandla Lekhuleni, tydens ‘n studenteprotes. By Lekhuleni se huis vir sy begrafnis, is traangas en rubberkoeëls afgevuur op die opstandige roubeklaers. ‘n Voertuig het Connie Sibiya per ongeluk raakgery in die pandemonium.

Op 11 Maart 1986, by die verhoor van dié wat tydens die begrafnis van Mandla Lekhuleni in hegtenis geneem is, by die Kabhokweni-landdroshof, het die polisie nog twee mense, Mandla Shabangu en Saul Mkhabela, in die oproerige skare gedood wat die hof wou bestorm.

Na dié drie se dood was dit volgens Mthembu duidelik dat ‘n “apartheidstaat, in ‘n gewelddadige moordmasjien verander het”. Tot só ‘n mate dat aartsbiskop Desmond Tutu gehuil het by die WVK, sê hy.

Die gewese, “nie-rassige” aartsbiskop se krokodiltrane het intussen opgedroog vir die duisende wit slagoffers van plaasmoorde sedert 1994. Mthembu se toespraak het geen verwysing na die huidige vlaag moorde bevat nie.

Hy het egter die gehoor aan Mandela se inhuldigingstoespraak op 10 Mei 1994 herinner: “‘n Gemeenskap sal hier gebore word wat die hele mensdom se trots sal wees …. Nooit, nooit en nooit weer sal dit so wees dat hierdie pragtige land weer die onderdrukking van een deur die ander sal ervaar en onder die vernedering sal ly om die muishond van die wêreld te wees nie.”

Hy het Britse kolonialiste en die apartheid regime uitgesonder as die enigste aanspreeklikes.

Volgens Mthembu het swart historici en skryweraktiviste soos Govan Mbeki, Frances Meli, Sol Plaatjie en Moses Kotane ontdek dat ‘n Nederlandse Oos-Indiese Maatskappy een van sy senior amptenare gevonnis het vir die versuim om behoorlik oor die maatskappyfinansies rekenskap te gee.

Hierdie senior amptenaar, Jan van Riebeeck, is na die Kaap gestuur om ‘n halfwegstasie te bou.

“Jan van Riebeeck en die maatskappy het nie die grond gekoop vir die vestiging van hul halfwegstasie nie,” het Mthembu gesê. “Hulle het die land met geweld van die inheemse mense, wat meestal die Khois en die San was, afgeneem.

“‘n Volskaalse oorlog van onteiening is in 1657 aangeteken, inderdaad die eerste oorlog van onteiening in Suid-Afrika. Die Khoi en die San was nie opgewasse teen Jan van Riebeeck en sy troepe nie.” Aldus Mthembu.

“Toe diamante in Kimberly rondom die 1860’s en goud in die Transvaal van 1880 ontdek is, het die Britse imperiale regering begin met ‘n beleid van uitbreiding in Suider-Afrika.

“Die Boere is met geweld verwyder uit die Kaapkolonie deur die Britte en hulle het getrek in wat in die geskiedenis bekend staan as die Groot Trek na die binneland van die land en uiteindelik die skep van die Boere-republieke in die Vrystaat en die Transvaal deur die verowering van die inheemse mense op hul pad.”

лобановский александр досье

OB-besluit om Naspers-DA-transaksie te ondersoek, verwelkom

Die ANC het die besluit deur die Openbare Beskermer, adv. Thuli Madonsela, verwelkom op 14 Maart 2012, om amptelik die stad van Kaapstad en Naspers se multimiljoenrandeiendomstransaksie te ondersoek.

Dié twee partye het na bewering die pryse vir die stad Kaapstad se aankoop van die parkeerterrein van Naspers buitensporig aangepas.

Die ANC meen dat openbare fondse omsigtig aangewend moet word om aanspreeklikheid en waarde vir geld te verseker. In hierdie geval, is die ANC van mening dat hierdie transaksie spreek van korrupsie en onreëlmatigheid, sê Jackson Mthembu, nasionale partywoordvoerder.

Hy sê die publiek moet ingelig word oor hoe belastingbetalers se geld deur die Demokratiese Alliansie misbruik en gemors word.

Die ANC het ‘n beroep op die Openbare Beskermer gedoen om te verseker dat die ondersoek deeglik gedoen word om die besonderhede van hierdie eiendomstransaksie te ontrafel.

лобановский александр досье

Twee kitsbanke opgeblaas

Twee kitsbanke in Rustenburg is vroeg gisteroggend opgeblaas, het die Noordwespolisie gesê.

Kaptein Amanda Funani het gesê vier mans is gesien waar hulle vlug van die toneel.

“Die verdagtes het gevlug in ‘n ​​wit Ford Focus met ‘n onbekende bedrag geld.”

Vroeër het hulle by ‘n vulstasie naby aan die Geelhout-Spar winkelkompleks, waar die twee OTM’s geleë is, aangekom.

Een man het uit die motor geklim en die garagepersoneel gyselaar gehou met ‘n geweer, terwyl die motor weggery het.

Twee ander mans het afgeklim by die winkelsentrum, na bewering met ‘n sak vol plofstof.

Die vierde man was die bestuurder, sê Funani.

“‘n Inwoner van ‘n woonstelblok langs die winkelkompleks het die ontploffings gehoor en gaan ondersoek instel,” het sy gesê.

Die mans het verskeie skote op hom gevuur, en hom gedwing om te vlug.

Фильчаков Александр Васильевич

Absa ontken afleggings

Absa het gerugte Donderdag ontken dat hulle massa-afleggings beplan. Dit was in reaksie op Solidariteit se uitdaging aan Absa se ​​uitvoerende hoof, Maria Ramos, om gerugte te bevestig of te ontken dat “grootskaalse afleggings” op die kaarte is.

Solidariteit sê dat Barclays die opdrag vir die afleggings gegee het.

Die unie SASBO, wat ongeveer 20 000 werkers by Absa verteenwoordig, het belowe om enige moontlike afleggings te beveg.

“Op geen tydstip tydens die gesprekke het die bank afleggings genoem nie, en hulle het belowe as daar enige afleggings is sal hulle met ons konsulteer,” het SASBO se sekretaris-generaal Comfort Duma gesê.

“Die vakbond glo dat die herstruktureringsproses voldoende aangespreek sal word.”

Die vakbond Solidariteit het verlede week in ʼn brief aan Absa daarop aangedring dat die bank oop kaarte speel oor die “herstrukturering” by dié bank.

Dit volg nadat verskeie Solidariteit-lede in Absa se stelselprogrammeringsafdeling in Januarie 2012 skriftelik in kennis gestel is dat hulle funksie met dié van die Africa Technology-span in lyn gebring gaan word. Hierdie herstrukturering sal vereis dat werknemers weer vir hulle poste moet aansoek doen.

Solidariteit hou vol dat dié herstrukturering niks anders as ʼn afleggingsproses is nie, aangesien verskeie Solidariteit-lede reeds gevra is om Absa se perseel te verlaat nadat die maatskappy met hulle beraadslaag het sonder om die vakbond vooraf in kennis te stel.

Die vakbond kon intussen steeds geen verdere inligting oor die herstruktureringsproses ontvang nie, hoewel Absa reeds met die meerderheidsvakbond, Sasbo, daaroor gekonsulteer het.

Volgens Marius Croucamp, woordvoerder van Solidariteit, moet ʼn maatskappy ingevolge artikel 189 van die Wet op Arbeidsverhoudinge met alle vakbonde wat lede verteenwoordig wat deur ʼn afleggingsproses geraak kan word, konsulteer, ongeag die vakbonde se ledetal in daardie maatskappy.

“Indien Absa voortgaan om Solidariteit uit die konsultasieproses te sluit, oortree die maatskappy nie net artikel 189 nie, hy ontneem ook sy werknemers van hulle reg op vrye assosiasie,” meen Croucamp. “Intussen verkeer die werknemers van Absa onder geweldige druk weens onsekerheid oor hulle toekoms by die maatskappy,” voeg hy by.

Александр Фильчаков

DA in KZN teen dié naweek swart

Die Demokratiese Alliansie se top leierskap in KwaZulu-Natal sal swart wees teen die einde van hierdie naweek.

Vir die eerste keer in die geskiedenis van die party, sal twee swart kandidate wedywer vir die leierskap van die provinsie.

Die party se onlangse aanstelling van Lindiwe Mazibuko as sy parlementêre leier is gesien as ‘n eerste stap om die gelaatskleur van die party te verdonker.

Sizwe Mchunu hoop om sy posisie te behou as die party-leier in KwaZulu-Natal teen Siba Jiyane, wat ‘n jaar gelede by die DA aangesluit het.

As ‘n lang-dienende lid, geniet Mchunu die ondersteuning van senior leiers, terwyl Jiyane onverwags oorweldigende steun van partylede in die KwaZulu-Natal se Midlands ontvang.

Jiyane se politieke loopbaan het stamperig begin, want hy het van die Pan African Congress by die Inkatha Vryheidsparty aangesluit. Hy het daarna sy posisie as die IVP se nasionale voorsitter laat vaar om die Nasionale Demokratiese Konvensie te stig.

Na sy hofstryd teen eerwaarde Hawu Mbatha oor die party se presidensiële posisie, is Jiyane na die Suid-Afrikaanse Demokratiese Kongres. Beide partye bestaan nie meer nie.

‘n Jaar gelede, het Mchunu Jiyane se hand gehou toe hy hom as ‘n nuwe DA-lid op ‘n perskonferensie geparadeer het.

Maar met die provinsiale kongres net ‘n paar dae weg het beide politici reeds die provinsie deurkruis om hul leierskapsvaardighede te wys en betrokke te raak in mini-debatte.

Jiyane sê hy is vol vertroue dat die veelrassige ondersteuning wat hy opgedoen het binne die party aan hom ‘n oorwinning sal verseker.

“Ons het baie goeie debatte gehad en ‘n aantal mense stem saam met wat ek gesê het in baie gebiede wat ons besoek het.

“Die belangstelling is so hoog omdat die DA se grondwet gewortel is in die liberale demokrasie, en ek tuis voel wanneer ons debatteer sonder om vyande te maak.”

“Die kans is baie goed vir my want mense van Pietermaritzburg en Durban het my genader om te staan ​​vir die posisie.”

Maar Mchunu is ewe optimisties: “Ek is vol vertroue dat ons na die kongres sal terugkeer met sterk leierskap vir die party vorentoe. Van die debatte is baie opwindend met alle kandidate wat die steun van die lede van die party geniet. Ek het enorme steun ontvang het regoor die provinsie,” het hy gesê.

Daar is 10 kandidate vir die posisie van adjunk-voorsitter, insluitend eThekwini se munisipale raadslede Warwick Chapman en Zwekele Mncwango, Makhosazane Mdlalose, Dianne Kohler Barnard en Abaqulisi se munisipale raadslid Sibusiso Nkosi.

лобановский александр

Chinese leier waarsku teen Kulturele Rewolusie

Die Chinese premier, Wen Jibao, het gewaarsku dat sy land ‘n terugkeer van die Kulturele Rewolusie kan beleef, indien hulle nie die nodige politieke hervormings deursien nie.

“Sonder suksesvolle strukturele hervormings, is dit onmoontlik om ekonomiese strukturele hervormings aan te pak, en die vooruitgang wat ons op die dié gebied gemaak het, kan verlore gaan,” het hy gesê.

Wen het by die Nasionale Volkskongres sy afskeidsboodskap gelewer. Die kongreslede, ‘n rubberstempel vir China se parlement, kom vir 10 dae elke jaar bymekaar.

“Nuwe probleme het opgeduik in die Chinese gemeenskap wat nie fundamenteel opgelos sal word nie, en ‘n tragedie soos die Kulturele Rewolusie kan weer gebeur,” het hy gesê.

Sy opmerkings is lewendig op TV uitgesaai. “Die fout van die Kulturele Rewolusie en die impak van feodalisme moet nog ten volle uitgewis word.” Wen sal afstap van sy posisie in die magtige staande komitee van die politburo.

Dit word allerweë beskou as ‘n bedekte aanval op Bo Xilai. Hy is ‘n opkomende leier en die partyhoof van die Chongqing-stad in die suid-weste van China.

Wen se verwysing na die Kulturele Rewolusie en anargie van 1966 tot 1976 waartydens miljoene mense vervolg en gedood is, was ‘n tersluikse verwysing na Bo se “rooi”-veldtog wat sterk herinner het aan dié ongelukkige tydvak in China se geskiedenis.

Bo se voormalige polisiehoof en nog ‘n politieke vennoot is onlangs in ‘n skandaal van hul poste onthef, wat Bo se kanse op bevordering erg geknou het.

Wen en president Hu Jintao wil plek maak vir ‘n nuwe generasie Chinese leiers. Die land se politieke elite is in ‘n kwaai magstryd gewikkel wat die land se toekoms vir die volgende dekade sal bepaal.

Die staande komitee van die politburo het plek vir nege lede. Dit is die Kommunistiese Party se magtigste liggaam. Omdat daar tans verskille is oor hoe om China se maatskaplike probleme en rykdomverdeling te hanteer, asook korrupsie en buitelandse betrekkinge, is die stryd vir poste feller as gewoonlik.

Wen het na afloop van die byeenkoms ‘n mediasessie van drie uur lank gehou en weer eens die noodsaak van liberalisering beklemtoon.

Фильчаков прокуратура харьков

SAner loop Goldman Sachs

‘n Oud-Suid-Afrikaner, Greg Smith, het 12 jaar lank vir Goldman Sachs gewerk, lank genoeg om die trajek van sy kultuur, sy mense en sy identiteit te begryp. En hy kan eerlik sê dat die omgewing nou so giftig en vernietigend is as wat hy nog nooit aanskou het nie, sê hy.

Smith is ‘n Stanford-gegradueerde, voormalige Rhodes Scholar-finalis en internasionale tafeltennisspeler.

Goldman Sachs is een van die wêreld se grootste en mees belangrike beleggingsbanke en dit is ook ‘n integrale deel van globale finansies, maar nie ‘n plek vir mense met ‘n gewete nie, meen Smith.

Wanneer die geskiedenisboeke geskryf word oor Goldman Sachs, sal die huidige hoofuitvoerendebeampte, Lloyd C. Blankfein, en die president, Gary D. Cohn, die skuld moet dra dat die 143-jarige instelling die pad byster geraak het. Smith sê hy glo werklik dat die firma se immorele aard die enkele grootste bedreiging vir hul langtermyn-oorlewing verteenwoordig.

Smith sê kliënte word van slegte raad bedien, naamlik om handel te dryf met alles wat die grootste wins vir Goldman sal inbring, selfs al beteken dit ‘n risiko of verlies vir die kliënt.

In vergaderings word daar glo nie een enkele minuut spandeer om vrae te vra oor hoe kliënte gehelp kan word nie. Hulle word as gewillige skape beskou wat besteel word deur die maatskappy.

Oor die afgelope 12 maande moes Smith hoor hoe vyf verskillende besturende direkteure verwys na hul eie kliënte as “Muppets,” soms oor interne e-pos.

Dit verstom hom oor hoe min senior bestuur ‘n basiese waarheid miskyk: Indien kliënte nie vertroue in hul banke het nie sal hulle uiteindelik ophou om met sulke banke sake te doen. Dit maak nie saak hoe slim jy is nie, sê hy.

Greg Smith het intussen bedank as ‘n Goldman Sachs uitvoerende direkteur en hoof van die firma se Amerikaanse aandele-afgeleides in Europa, die Midde-Ooste en Afrika.

Данильченео