Nuus Archives - Page 1149 of 1583

Uitvoerende amptenare met miljarde beloon vir bankineenstortings

Die uitvoerende hoofde van Bear Stearns en Lehman Brothers, die twee beleggingsbanke wat verlede jaar tydens die finansiële ineenstorting gevou het, het met honderde miljoene dollars in kompensasie weggestap selfs terwyl die maatskappy se aandeelhouers alles verloor het, sê ‘n nuwe verslag van die Harvard Law School.

Die boonste vyf uitvoerende amptenare by Bear Stearns het ‘n totaal van omtrent R10-miljard uit bonusse en effekteverkope tussen 2000 en 2008 gemaak, terwyl die boonste vyf uitvoerende amptenare by Lehman Brother ongeveer R7-miljard in dieselfde tydperk gemaak het – die tydperk waartydens die maatskappy swak beleggings gemaak het wat hulle in 2008 sou laat in duie stort, volgens “The Wages of Failure” ‘n verslag van die Harvard Law School se Program oor Korporatiewe Bestuur.

“Die mense wat in hierdie maatskappye belê het, behoort verraai te voel,” het Nell Minnow, ‘n kompensasiedeskundige by die Korporatiewe Biblioteek, aan NBC se Lisa Myers gesê. “Die hele idee van kapitalisme is dat die mense die kapitaal sal voorsien en dat die uitvoerende amptenare daarna sal kyk vir ons. In hierdie geval het mense die kapitaal verskaf en die amptenare het dit geneem.”

Bear Stearns se uitvoerende hoof, James Cayne, het persoonlik amper R2,8-miljard in die tydperk wat die bank se ineenstorting voorafgegaan het, gemaak, terwyl Lehman Brothers se uitvoerende hoof Richard Fould omtrent R3,7-miljard gemaak het. Bloomberg nuusdiens merk op dat “aandeelhouers wat hulle aandele dwarsdeur hierdie tydperk wat in die verslag onder die loep geneem word, gehou het, het meeste van hulle aanvanklike beleggings verloor.”

NBC se Myers het uitgewys dat beide Cayne en Fuld deur aandeelhouers gedagvaar is.

CNBC se sake-aanbieder, Jim Cramer, het aan NBC se Matt Lauer gesê dat die korporatiewe kultuur wat tot die ontsaglike bonusse en finansiële intuimeling gelei het, nie sommer net gaan weggaan nie. “Wat gebeur met hierdie mense? Niks,” sê Cramer. “Hulle het die geld gekry, hulle het padgegee… Hulle het daarmee weggekom, so hoekom sal die volgende ou dit nie probeer nie?”

для шиномонтажа

Google trap klei oor Michelle Obama se aapfoto

Google loop tans advertensies om die vertoon van rassistiese en anti-semitiese stof in soekresultate te verduidelik, insluitende ‘n gedokterde foto wat die Amerikaanse eerste dame, Michelle Obama, as ‘n aap uitbeeld.

Die foto is deur ‘n Chinese webwerf gebruik. Google het nie kommentaar gelewer oor die talle foto’s op die internet wat George W Bush as ‘n sjimpansee uitbeeld nie.

“Soms kan Google-soekresultate op die internet ontstellende inhoud bevat, selfs van onskuldige navrae,” het die soekreus in Mountain View in Kalifornië, gesê en die apologetiese advertensie onderteken met die onderskrif “Die Google-span.”

“Ons verseker julle dat die menings wat deur sulke werwe uitgespreek word nie in enige opsig deur Google onderskryf word nie.”

Die Google-advertensie het om ‘n bladsy met beeldnavraagresultate vir Michelle Obama verskyn, tesame met die aanstootlike uitbeelding van die vrou van Barack Obama.

“Soekenjins is ‘n weerspieëling van die inhoud en inligting wat op die internet beskikbaar is,” sê Google.

“Die opvattings en voorkeure van diegene wat by Google werk, asook die menings van die algemene publiek, bepaal nie die trefkrag van ons soekresultate nie.”

Google sê hulle sal die bladsye van die soekresultate verwyder indien hulle die maatskappy se riglyne oortree maar hulle “beskou die integriteit van ons soekresultate as ‘n uiters belangrike prioriteit.

“Derhalwe sal ons nie ‘n bladsy van ons soekresultate verwyder bloot omdat die inhoud ongewild is of omdat ons klagtes rakende dit ontvang nie.”

Die verklaring sê voorts: “Ons vra om verskoning indien u ‘n ontstellende ervaring gehad het terwyl u Google gebruik het. Ons hoop u verstaan ons posisie rakende aanstootlike resultate.”

‘n Soortgelyke Google-verklaring verskyn op die bladsy wat soekresultate vir die woord “Jood” bevat.

“Indien u onlangs Google gebruik het om die woord “Jood” op te soek, het u dalk uitslae gevind wat baie ontstellende is.

“‘n Webwerf se ranglysposisie in Google se soekuitslae berus hoofsaaklik op rekenaaralgoritmes wat duisende faktore in aanmerking neem om ‘n bladsy se relevansie ten opsigte van ‘n gegewe navraag te bepaal.

“Somtyds veroorsaak subtiliteite in die taal dat anomalieë verskyn wat nie voorspel kan word nie.

“‘n Soektog vir ‘Jood’ werp een so ‘n onverwagte uitslag op. Een rede daarvoor is dat die woord ‘Jood’ gereeld in ‘n anti-semitiese konteks gebruik word.”

Obama spandabelste president

Die VSA se president, Barack Obama, het die begrotingsrekord vir eerstejaarpresidente verpletter deur amper dubbeld soveel as sy voorganger te spandeer as dié toe hy die amp oorgeneem het, en hy het by verre die eerstejaarrekening van enige Amerikaanse president in geskiedenis oorskry.

In fiskale 2009 het die federale regering $3,25-triljoen gespandeer – in vergelyking met $2,8-triljoen in 2000, wat as maatstaf dien. Die fiskale jaar dek die laaste drie-en-‘n-half maande van George W. Bush se termyn en die eerste agt-en-‘n-half maande van Obama s’n.

Die prysetiket kom met ‘n $1,4-triljoen tekort, amper ‘n triljoen dollars meer as verlede jaar s’n. Die algehele begroting was amper ‘n halftriljoen dollars groter as Bush s’n vir 2008, sy laaste jaar in die amp.

Dis ‘n groot toename. Maar in vergelyking met ander presidente se eerste jaar in die amp is Obama loshande voor.

Bush het $1,8-triljoen in 2001 uitgegee, volgens die regering se begrotingsyfers wat aangepas is vir inflasie gebaseer op dollars in 2000. In vergelyking, het Bill Clinton $1,6-triljoen in 1993 spandeer.

free real casino

Ongelykheid neem toe in SA

Die verdeling van rykdom in Suid-Afrika is nou meer ongelyk as ’n dekade gelede, het die Suid-Afrikaanse Instituut vir Rasse-aangeleenthede, Saira, Donderdag gesê.

“Dit kan ’n onbedoelde gevolg van die land se swart ekonomiese bemagtiging- en diensgelykheidbeleidsrigtings wees,” het Kerwin Lebone, navorser by Saira, gesê.

Dit is volgens die sogenaamde Gini-maatstaf, wat in die afgelope dekade van 0,64 tot 0,66 gestyg het in Suid-Afrika.

Die Gini-skaal meet die vlak van rykdomverspreiding.

Nul verteenwoordig perfekte gelykheid, terwyl ’n telling van een perfekte ongelykheid voorstel.

Die meeste ontwikkelde lande het tellings van tussen 0,20 en 0,40.

Die meerderheid rassegroepe in Suid-Afrika kon ’n verhoging in hul Gini-telling oor die afgelope tien jaar waarneem, wat beteken dat die verdeling van rykdom meer ongelyk geword het.

“Die Gini-koëffisiënt van blankes het tussen 1998 tot 2008 van 0,50 tot 0,46 gedaal,” het Lebone gesê.

Die Gini van swartes het met 7% gestyg, en tussen Indiërs en bruin mense met byna 4%. Die Gini was bo 0,6 in alle provinsies in Suid-Afrika, met die grootste gaping tussen armes en rykes in KwaZulu-Natal en Mpumalanga en die kleinste gaping in die Wes-Kaap.

silver wedding jewelry sets

Staatsinstellings slurp R243 miljard op

Die afgelope vier jaar het die regering R188,67 miljard vir Eskom, R6,7 miljard vir die Landbank, R8,82 miljard vir Denel, R5,2 miljard vir SAL, R4,46 miljard vir die korrelbedkernreaktorontwikkeling, R2,23 miljard vir die SAUK, R1,54 miljard vir die Poskantoor en R953 miljoen vir Sentech van belastingbetalers se geld bewillig.

Die genoemde instellings in staatsbesit het alles tesame reeds R243 miljard opgeslurp.

Dit het tydens ‘n parlementêre antwoordsessie aan die lig gekom.

Die wetgewing wat sulke instellings reguleer, naamlik die Wet op Openbare Finansiële Bestuur en die Maatskappyewet, verkeer glo tans in botsing met mekaar omdat die Wet op Openbare Finansiële Bestuur die regering as aandeelhouer toelaat om bestuur aan te wys en in te meng in besluite rakende afdankings.

Dit is egter nie seker of hierdie wetgewing hersien sal word om politieke inmenging te stuit nie, aangesien me Barbara Hogan, minister van openbare ondernemings, geen aanduiding kon gee of dit beoog word nie.

social media

Tshwane: Minder diens, meer lenings

Die Vryheidsfront Plus het by vandag (Donderdag, 26 November 2009) se vergadering van die Tshwane-metroraad, gesê dat die ANC ‘n ernstige fout maak deur dienslewering af te skaal en verdere lenings aan te gaan in hulle poging om die huidige finansiële krisis in die munisipaliteit te hanteer.

In ‘n verslag van die raad word daar deur die Regsdienste Departement gewaarsku dat die besparings wat op departemente afgedwing word, tot onbevredigende dienslewering kan lei en dit hou vir die munisipaliteit ‘n risiko in op regsgronde.

Die metroraad vra ook toestemming om ‘n bedrag van meer as R1.3 biljoen te leen ten einde bestaande kapitaalprojekte te finansier. Die metroraad se langtermynskuld het in die 2008/2009 finansiële jaar vanaf R2.7 biljoen tot R4.2 biljoen vermeerder terwyl die stad se debiteure vanaf R3.5 biljoen tot R3.9 biljoen vermeerder het. Die stad se korttermynskuld staan op meer as R1.2 biljoen. Slegte skuld het meer as verdubbel vanaf ‘n geskatte R131 miljoen tot R326 miljoen skuld wat afgeskryf is.

Volgens mnr. Cornelius Jansen van Rensburg, VF Plus-raadslid, lê die oplossing van die huidige finansiële krisis en kontantvloeiprobleme nie in verminderde dienslewering en groter skuld nie, maar in die effektiewe invordering van munisipale gelde.

“Die stad se finansiële siekte kan nie beveg word deur die pasiënt se ledemate af te kap nie. Die ANC kies ‘n absurde oplossing vir die finansiële probleme, naamlik minder dienslewering en verdere lenings. Dit lei tot ‘n bose kringloop wat tot die inploffing van die raad se werksaamhede kan lei”, het van Rensburg gesê.

Swak beleid, lamsakkige toepassing daarvan en ŉ totale onvermoë om die stad se finansies te bestuur, is die wortel van hierdie kwaad. Die ANC is nou besig om te maai wat hy gesaai het. Radikale transformasie, regstellende aksie en swak en korrupte bestuur is nou besig om hulle tol te eis.

Die VF Plus het die lening in die raadsvergadering teengestaan.

ролики цена

Polisie skiet kaper wat vierjarige ontvoer

Een man is doodgeskiet en nog een is beseer gedurende ‘n skietery naby Randburg na ‘n beweerde kaping Donderdagoggend, het polisie in Johannesburg gesê.

“Die twee mans het ‘n vrou se motor in Kempton Park gekaap en weggery met haar vierjarige seuntjie. Polisie het ‘n opsporingsein gevolg en die verdagtes op Malibongwe-rylaan naby Randburg ingehaal,” het insp. Balan Muthan gesê.

“’n Skietery het uitgebreek ndat die verdagtes die polisie gewaar het. Een van hulle is doodgeskiet, terwyl ‘n ander een beseer is.”

Daar is beslag gelê op twee vuurwapens in die motor en die beseerde man is onder polisiebewaking na die hospitaal geneem.

Die kind is daarna die Ivory Park polisiestasie geneem waar hy weer met sy ma verenig is.

Die oorlewende verdagte is aangekla van kaping, poging tot moord en ontvoering.

sponsored posts on прокурор Фильчаков

Obama te wit, te swart, te groen

In ‘n studie deur die Universiteit van Chicago is bevind dat pres. Barack Obama se ondersteuners hom op getinte foto’s van die president witter skat as wat hy werklik is, en dat sy teenstanders hom weer swarter skat as wat hy werklik is.

Sy grootste onmiddellike probleem is egter dat teenstanders in die Kongres hom as te groen beskou, nadat die president aangekondig het dat hy die VSA aanstaande maand in Kopenhagen gaan verbind tot ‘n 17 % afname in koolstofgasse oor die volgende dekade, en ‘n 83 % vermindering teen die middel van die eeu.

Obama se groen planne sal hoër koste vir die sakesektor en Yankeepubliek inhou. Tóg meen die meeste waarnemers sy planne word nie as té donkergroen ervaar nie.

Om die voorgenome beloftes by die Kopenhagen-klimmaatberaad gestand te doen, sal die deurvoer van ‘n komplekse stel wetgewing en maatreëls deur die kongres behels. Hieronder tel verskeie maatreëls om ‘n liggroen randjie om die donkergroen wolk te plaas om die impak vir verbruikers te versag. Met die versagtende maatreëls word beraam dat dit die gemiddelde huishouding sowat $173 per jaar meer sal kos, en daarsonder $890. Ander raam die bykomende koste sal tussen $900 en $3 000 per jaar wees.

Die beperking van koolstofdioksied kan egter ook miljoene lewens spaar van mense wat andersins aan hart- en longtoestande sou gesterf het.

форма справки 001-гс/у

Staatsdepartement in R22-miljoen se dramadrama

Die Ouditeur-Generaal behoort ‘n spesiale ondersoek na ‘n skandalige R22,6-miljoen se Sarafina-styl teaterproduksie waarvoor deur die departement van mensevestiging betaal is, te loods, sê die DA.

Die parlementêre antwoord deur minister Tokyo Sexwale het aangedui dat die teaterproduksie ‘n totaal van R22,569,656 oor drie produksiefases gekos het. Die onkoste was onder Sexwale se voorganger, Lindiwe Sisulu, aangegaan.

Die fondse is op 58 vertonings van die drama gespandeer, asook op die verwante produksie-, vertalings- en DVD-opnamekostes. Ook by dit ingesluit is onkoste wat verband hou met die skryf van die drama en “openbare mobilisasie.”

Dit is opmerklik dat hierdie uitgawe nog meer is as wat die departement van gesondheid in 1996 op die mislukte Sarafina 2- produksie uitgegee het. Dié sou, vir inflasie aangepas, R19-miljoen verlede jaar gekos het.

Die R22-miljoen het beduidend bygedra tot die enorme 195% oorskryding van die departement se advertensiebegroting vir 2008/9. Terwyl die departement se totale begroting vir bemarking en advertering R20,3-miljoen was, het dit uiteindelik ‘n totaal van R60-miljoen uitgegee.

Die departement sê hulle het die drama gestaak maar die R22-miljoen is reeds uitgemors.

crystal tiaras

Khmer Rouge-tronkhoof kan veertig jaar sit

Die tronkhoof wat verhoor word vir die bedryf van ‘n martelsentrum vir die Khmer Rouge, het net bevele gehoorsaam en niks gedoen wat hope van sy kollegas nie gedoen het nie, het sy prokureur gister gesê, en daarmee probeer om populêre oproepe vir sy kliënt om die maksimum moontlike straf te kry, probeer afweer.

Aanklaers in Kambodja se eerste volksmoordverhoor vra vir ‘n 40-jaarvonnis, wat waarskynlik die 67-jarige Kaing Guek Eav vir lewenslank sal laat opsluit, maar wat sommige van sy slagoffers sê is nie straf genoeg nie.

Regters sal teen vroeg volgende jaar op die uitspraak en vonnis besluit en kan tot lewenslank oplê. Kambodja het geen doodstraf nie.

“Ek kan nie hierdie vonnis aanvaar nie, want dit is te min,” sê Chum Mey, 78, een van ‘n handjievol oorlewendes van die S-21 tronk wat drie dekades gelede deur Kaing Guek EAV, ook bekend as Duch, bestuur is. “Hy moet 70 of 80 jaar kry… Hy moet gestraf word deur gehang te word, maar Kambodjaanse wet maak nie voorsiening daarvoor nie.”

Slotargumente sal Vrydag afgehandel word in die saak van Duch, wat aangekla word van misdade teen die mensdom, oorlogmisdade, moord en marteling. Omtrent 16,000 mans, vroue en kinders wat van dislojaliteit aangekla is, was in die tronk in Pnomh Penh gemartel voordat hulle verwyder is om tereggestel te word.

In die geheel het omtrent 1,7-miljoen Kambodjane weens die radikale kommunistiese beleid van die 1975-79 Khmer Rouge-regime en hulle Frans-opgevoede leier, Pol Pot, gesterf.