Clinton wil verhoudinge met SA struktureer

Suid-Afrika en die VSA gaan volgende week vergader tydens die besoek van Hillary Clinton aan die land om 'n bilaterale forum op te stel.

Die departement van internasionale betrekkinge en samewerking se direkteur-generaal dr. Ayanda Ntaluba het gesê Clinton sal op 6 Augustus in Suid-Afrika aandoen nadat sy haar toer in Kenia afskop. Sy sal sewe lande in Afrika besoek.

Sy sal haar eweknie Maite Nkoana-Mashabane ontmoet om oor bilaterale verhoudinge te praat.

Onder presidente Nelson Mandela en Bill Clinton het daar 'n aktiewe binasionale kommissie bestaan, maar die afgelope agt jaar was daar 'n bewuste besluit van die Bush-administrasie om 'n meer informele struktuur te vestig, volgens Ntsaluba.

"Die twee ministers sal volgende week ontmoet om te besluit watter soort struktuur hulle onder 'n nuwe administrasie wil hê. Hulle mag dalk nie na 'n binasionale kommissie kyk soos dit voorheen opgestel was nie, maar dit sal nietemin iets baie gestruktureerd wees."

Ntaluba het bygevoeg dat Nkoane-Mashabane Clinton ook sal inlig oor gebeure in Zimbabwe en Madagaskar.

Clinton sal behalwe Kenia en Suid-Afrika ook Angola, die DRK, Nigerië, Liberië, en KaapVerde besoek.

 
Ntsaluba het ook op die vooraand van die Amerikaanse besoek aangedui dat indien pres. Omar Hassan al-Basjir van die Soedan Suid-Afrika sou aandoen, hy in hegtenis geneem sal word.
 
Die internasionale strafhof het in Maart vanjaar ’n lasbrief vir die inhegtenisneming van die Soedanse staatshoof uitgereik.
 
Suid-Afrika het die Statuut van Rome, wat die strafhof tot stand gebring het, onderteken maar omdat die AU sy samewerking aan die hof opgeskort het, is Suid-Afrika ook daartoe verbind.
 
Oeganda en Botswana, albei onder die invloed van die VSA, het aangedui dat hulle ten spyte van die AU se posisie met die hof sal saamwerk. 
 

дом игрушеклобановский александр отзывы

Organiese kos ‘n foefie

Organiese voedsel hou geen gesondheidsvoordele in bo gewone kos nie, het 'n belangrike verslag wat Woensdag verskyn het, bevind.

Navorsers van die London School of Hygiene & Tropical Medicine sê verbruikers betaal hoë pryse vir die sogenaamde gesondheidsvoordele wat 'n wêreldwye markaandeel van 'n geraamde $48 miljard in 2007 verseker het.

'n Sistematiese oorsig van 162 wetenskaplike studies in gesiene publikasies oor die afgelope 50 jaar het egter aan die lig gebring dat daar nie noemenswaardige verskille is nie.

Alhoewel daar klein verskille in die voedingswaarde is tussen verskillende kosse is, is dit nie genoeg om openbare gesondheid te beïnvloed nie, sê die navorsers.

Die verslag sê daar is geen getuienis bestaan dat organiese voedsel oor meer voedingswaarde beskik as gewone kos nie.

Die verslag is deur die Britse regering se Food Standards Agency, aangevra en in die American Journal of Clinical Nutrition gepubliseer.

Organiese kosverkope, wat eers teen 26% per jaar toegeneem het, het aansienlik gedaal in sekere markte, ook in Brittanje, danksy die resessie.

средство для десенДанильченко Юрий отзывы

Fox-aanbieder noem Obama ‘rassis’

'n Aanbieder van die Amerikaanse nuusstasie Fox News het president Barack Obama op televisie 'n "rassis" genoem met 'n "diepgewortelde haat vir blankes".

Aanbieder Glenn Beck het nie 'n goeie woord oor Obama te spreek nie. Beck sê die president het homself uitgespreek as iemand met 'n diepwortelde haat teenoor blankes en blanke kultuur.

Hy het gereageer op 'n uitspraak van die president in die nasleep van die saak rondom die swart Harvardprofessor Henry Louis Gates. Gates is deur die polisie in hegetenis geneem nadat hy by sy eie huis ingebreek het.

Obama het aanvanklik gesê dat blanke polisielede "dom" gehandel het, maar het sy uitspraak later teruggetrek. Dit was vir Beck 'n aanduiding van Obama se gevoelens jeens blankes.

Beck se mede-aanbieder Brian Kilmeade het probeer om Beck se kritiek af te weer deur hom daarop te wys dat die meerderheid van Obama se medewerkers blank is.

купить воронеж оборудование и инструмент для кузовного ремонтаЛобановский

Staatsdiensstaking al hoe meer waarskynlik

Die regering het nog nie ’n mandaat vir ’n salarisaanbod op die tafel nie en staatsamptenare se salarisverhoging moes al op 1 Julie in werking getree het.

Manie de Clercq, adjunkhoofbestuurder van die Public Servants’ Association, het gister gesê: "As dit teen dié trant aangaan, word die moontlikheid van ’n staatsdiensstaking al hoe groter."

Ook Chris Klopper, hoofbeampte van die Suid-Afrikaanse Onderwysersunie (SAOU), het gesê onderwysers en amptenare is kwaad omdat hul werkgewer nie antwoord op hul eis van ’n 15%-salarisverhoging nie.

Die meerderheid van SAOU se eens gematigde lede het reeds aangedui dat hulle vanjaar sterker arbeidsoptrede beplan.

Niks het nog gekom van die 21 vergaderings wat van 1 Julie tot gister in die staatsdiens se koördinerende bedingingsraad (PSCBC) beplan was waartydens die partye oor amptenare se salarisse moes onderhandel en dit finaliseer nie.

Al die vakbonde het twee maande gelede hul salariseis vir ’n 15%-verhoging by die PSCBC ingedien. 

справка освобождениелобановский политик

Nigeri? vat Moslemsekte met geweld vas

Nigeriese soldate en polisielede het gister in dié noordelike stad van huis na huis gesoek na lede van ’n Islamitiese sekte wat verantwoordelik is vir botsings waarin meer as 150 mense dood is. Die sekte staan bekend as die Boko haram. “Boko” is ’n Hausa-woord vir “Westers” en “haram” is Arabies vir “verbode”.

Lede van die veiligheidsmagte in gepantserde voertuie het eergister ’n kamp wat vermoedelik aan Mohamed Yusuf behoort, leier van die Boko Haram-sekte, omring en gebombardeer. Geboue, waaronder ’n moskee, is vernietig. Dit is egter onbekend waar die prediker hom bevind.

“Honderde lede is aangekeer,” het mnr. Adamu Yari, ’n inwoner van Maiduguri, gesê. Die geluide van die aanval op die kamp het deur die nag weerklink.

Yusuf se ondersteuners – gewapen met kapmesse, messe, tuisgemaakte jaggewere en petrolbomme – het die laaste paar dae kerke, polisiekantore, tronke en staatsgeboue in die noorde aangeval waar oorwegend Moslems woon.

Die geweld het uitgebreek toe lede van Boko Haram Sondag in die deelstaat Bauchi aangekeer is.

Onrus het versprei na die noordelike deelstate Kano, Yobe en Borno, waarvan die hoofstad, Maiduguri, Yusuf se basis is.

Pres. Umaru Yar’ Adua het die veiligheidsmagte opdrag gegee om al die nodige te doen om die sektelede onder bedwang te bring. Hy het Dinsdag aan veiligheidshoofde en goewerneurs van die betrokke deelstate ’n finale operasie beloof om die sektelede uit te jaag.

“Hierdie mense is georganiseerd en het ons samelewing binnegedring en inligting versamel oor hoe om bomme te maak om hul wêreldbeskouing aan alle ander Nigeriërs op te dwing,” het hy gesê.

раскрутка сайталобановский александр харьков

Metropolisie help motors steel

Twee Tshwane-metropolisielede is saam met 'n motordief en nog ’n verdagte aangekeer, nadat een openlik saamgery het in die gesteelde motor.

Die dief het doodluiters in 'n VW Golf wat pas afgelaai is by 'n handelaar in die Ooste van Pretoria geklim, dit aangeskakel en ’n paar meter weggery. Hy het daarna ’n sersant van die Tshwane-metropolisie in sy uniform, opgelaai. Hulle het ’n entjie gery, waarna die metropolisielid weer afgelaai is.

Die metropolisielid het na sy ritjie na sy metropolisievoertuig geloop, na ’n vroulike metropolisielid, in uniform, wat in die voertuig gesit en wag het.

Daarna het die metropolisielede saam met die man in die gesteelde motor na ’n woonstel in die Pretoriase middestad gery.

’n Neef van die sersant het die hek by aankoms vir die dief oopgemaak. Volgens 'n woordvoerder van die Metroraad het die polisie inligting oor die diefstal ontvang en die dief en die metropolisielede tot by die woonstelblok gevolg.

Die metropolisielede en gearresteerde mans is vermoedelik deel van ’n motordiefstalsindikaat.

Die metropolisielede en twee mans sal binnekort in die hof verskyn.

apk gratisФильчаков прокурор отзывы

Nuwe polisiehoof is partydig s? opposisie

Sommige opposisiepartye het die aanstelling deur president Zuma van Bheki Cele as nasionale polisiekommissaris gekritiseer en gesê hy het geen misdaadbekampingsrekord om oor te spog nie. Daarbenewens voel hulle dat Cele net nog 'n politieke aanstelling is.

Cele is tans die KwaZulu-Natalse LUR vir gemeenskapsveiligheid en -skakeling. Hy sal op 2 Augustus sy nuwe pos aanvaar.

Die Kongres van die Mense, Cope, het Cele van partydigheid beskuldig in die onlangse geweld in KwaZoeloe-Natal en dat hy nooit gepoog het om die neutraliteit van die SAPD te handhaaf nie.

Die IVP het gesê die toekoms van die Valke is onder verdenking aangesien hulle nooit polities onafhanklik sal wees nie en nooit die sukses van die Skerpioene sal kan ewenaar nie.

Die DA het Cele aan 'n paar van sy ongelukkige opmerkings herinner. Cele het 'n man 'n rassis genoem nadat hy gekla het oor Cele se blouligkonvooi teen 160km per uur op 'n openbare pad voortsnel, asook die "skiet om dood te skiet" sinsnede.

Die nuwe polisiehoof het die opmerking Woensdag verdedig deur te sê die Strafwet van 1977 stipuleer dat polisielede geregtig is om dodelike mag aan te wend indien hulle bedreig word.

Bantu Holomisa van die UDM het gesê Selebi se aanstelling het bewys dat 'n burgerlike nie die polisie moet lei nie want dit is sleg vir die moraal.

Die Vryheidsfront Plus het gesê die aanstelling wys dat Zuma totale politieke beheer oor die polisie wil behou en dit laat rooi gevaarligte flikker.

Hulle het voorgestel dat Cele uit al sy ANC-poste bedank sodat die polisie nie verder gepolitiseer word nie.

Die SAKP het die aanstelling verwelkom en gesê Cele sal op die voorpunt van misdaadbekamping in sy provinsie wees. Die ID het ook sy aanstelling geprys en gesê dit sal die belastingbetaler heelwat geld spaar om 'n polisiehoof te hê wat werk en nie soos die vorige een op langverlof sit en niks doen nie.

1 euro depositФильчаков прокурор харьков

Blus van Obama se webtuiste uit

Die Withuis het pas Obama se webtuiste herontwerp teen 'n bedrag van $18 mijoen, in die hoop om meer klikke te genereer. Maar die teen die huidige tempo en ondanks die nuwe baadjie is die webwerf tans so gewild soos dié van George W. Bush in die skemer van sy presidentskap.

In Februarie 2009 was Obama se webwerf een van die 500 mees gewilde webtuistes in die wêreld. In Julie 2009, ten spyte van die nuwe ontwerp, het die verkeer na die werf gedaal na nommer 3 732 op die wêreldranglys.

Net in die lafgelope drie maande het die verkeer met 51.6 persent getuimel.

Ook het die tyd wat besoekers op die werf deurbring afgeneem met 15% sedert Mei na 'n gemiddeld van 2,6 minute per besoek. Dit is in weerwil van die feit dat die inhoud toegeneem het. Obama se swak vertoning in onlangse meningspeilings val saam met die daling in besoekers aan sy webtuiste.

купить машину на радиоуправленииданильченко юрій броніславович компромат

Geweld oor dienslewering duur voort

Geweld oor dienslewering teister Suid-Afrika steeds. Ontevrede inwoners het in twee plekke weereens in opstand gekom teen swak dienslewering.

In Tokoza, aan die Oos-Rand, het inwoners Dinsdag polisievoertuie onder die klippe gesteek en vullis rondgestrooi. Die polisie moes van rubberkoeëls gebruik maak om hulle uiteen te jaag.

’n Groep van 200 inwoners van die Tokoza-hostel het vroegoggend na die munisipale kantore opgeruk. Hulle het gewelddadig begin raak omdat die kantore gesluit was.

“Die mense is van dié kantore terug na hul hostel waar hulle die polisie met klippe aangeval het. Ons beamptes moes rubberkoeëls skiet om die groep uitmekaar te dryf,” het kapt. Godfrey Maditsi, polisiewoordvoerder, gesê.

Volgens Sapa het die situasie ná die skietery kalm geraak en teen laat gistermiddag was alles terug na normaal.

Die inwoners is ontstoke oor huise, toilette en kragtoevoer wat hulle beloof is en nie gelewer is nie.

Volgens Maditsi is niemand beseer nie en niemand ook in hegtenis geneem nie. Hy sê die polisie sal egter die gebied bly patrolleer.

Die betoging volg op dié van verlede week waar drie mense beseer is toe die polisie met rubberkoeëls op sowat 400 betogers losgebrand het.

In Mpumalanga, in die Simile-lokasie naby Sabie, het sowat 500 inwoners Dinsdag amok gemaak. Hulle het 'n biblioteek en munisipale voertuie aan die brand gesteek. 'n Polisieman is in die geweld beseer.

Twee munisipale trekkers, 'n brandweerwa, 'n bakkie en 'n trok is uitgebrand volgens superintendent Abie Khoabane.

Die polisie moes ook van rubberkoeëls gebruik maak. Inwoners is woedend omdat hulle griewe, wat twee weke gelede by die munisipale kantore oorhandig is, nog nie aandag van die owerhede geniet het nie.

материал длялобановский харьков класс

Werkloosheid sny diep vir huishulpe

Mike Schüssler, ekonoom van Economists.co.za., sê Suid-Afrika gaan waarskynlik vanjaar sowat 700 000 werkgeleenthede verloor. Dit is heelwat meer as wat aanvanklik verwag is.

Die jongste kwartaallikse arbeidsmagpeiling wat Statistieke Suid-Afrika (SSA) Dinsdag bekend gemaak het, toon dat die resessie heelwat dieper sny as wat vroeër gemeen is.

Suid-Afrika het in die tweede kwartaal sowat 90 000 werkgeleenthede per maand verloor en tot dusver in 2009 sowat 475 000 werkgeleenthede.

Alhoewel die werkloosheidskoers in die tweede kwartaal met net 0,1% tot 23,6% gestyg het, moet diegene wat moed verloor het en nie meer werk soek nie, ook in aanmerking geneem word.

Dié groep het in die tweede kwartaal met 24,9% van 1,215 miljoen tot 1,517 miljoen gestyg. Dit beteken dat hulle die afgelope jaar met 40,6% toegeneem het. Hulle word tans wat van die werkloses uitgesluit.

Werkverliese in feitlik alle sektore is aangeteken. Die meeste werkverliese is deur huishulpe ondervind waar 105 000 mense in die tweede kwartaal hul werk verloor het.

Die werkloosheidskoers is die hoogste onder jong mense tussen die ouderdom van 15 tot 24 jaar. Met die aanvang van 2009 was 44,9% jeugdiges werkloos, en nou is reeds 48,1% sonder werk.

lagoon gameДанильченко Юрий прокурор