Kategorie: Nuus

Dak van kerk stort ineen in Nigerië

Die dak van ‘n volgepakte kerk in die suide van Nigerië het Saterdag in duie gestort.

Minstens 60 mense is dood, het ooggetuies en amptenare aan AP gesê.

Die “Reigners Bible Church International” in Uyo, die hoofstad van die Akwa Ibom-staat, was nog onder konstruksie en werkers het gejaag om dit betyds klaar te maak vir Saterdag se seremonie om die kerk se stigter, Akan Weeks, as biskop in te huldig, het lede van die gemeente gesê.

Honderde mense, onder wie die goewerneur­ van die staat, Udom Emmanuel,­ was in die kerk toe die metaal­dwarsbalke op die aanbidders neergestort en die sinkplaatdak ingeval het. Emmanuel en Weeks, wat predik dat God sy aanhangers­ ryk sal maak, het ongedeerd ontsnap.

Die oorskot van 60 slagoffers is reeds uit die puin gehaal, maar die dodetal kan styg namate ‘n hyskraan meer rommel verwyder.

‘n Woordvoerder van die goewerneur, Ekerete Udoh, sê ‘n ondersoek is gelas om vas te stel of met die boustandaarde laat slaplê is. Geboue stort gereeld in Nigerië ineen as gevolg van endemiese korrupsie asook kontrakteurs wat onderstandaard-­boumateriaal gebruik en inspekteurs omkoop om swak werk of ‘n afwesigheid van boupermitte te ignoreer.

In 2014 is 116 mense dood toe ‘n multiverdieping-­gastehuis van ‘n kerk in Lagos, Nigerië se kommersiële hoofstad, ineengestort het. Die meeste slagoffers was Suid-Afrikaanse volgelinge van die kerk se invloedryke stigter, T.B. Joshua.

Twee strukturele ingenieurs, Joshua en trustees van die kerk is van strafregtelike nalatigheid en onopsetlike manslag aangekla nadat bevind is dat strukturele probleme, wat deur die ontwerp en foute met die bouproses meegebring is, daartoe gelei het dat die gebou ineengestort het.

Lagos se staatsaanklaers se pogings om hulle voor die hof te bring, het telkens misluk vanweë vele regsuitdagings wat die verhoor steeds vertraag.

Le Clos maak swemgeskiedenis

Chad le Clos het sy derde goue medalje by die Kortbadwêreldkampioenskap in Windsor, Kanada, gewen en daarmee swemgeskiedenis gemaak.

Le Clos het nou nege goue medaljes verower.

Met dié oorwinning het hy die eerste manswemmer geword wat die 50-, 100- en 200-metervlinderslag op twee agtereenvolgende wêreldbyeenkomste gewen het.

Le Clos se wentyd in die 50-metervlinderslag was 21-komma-nege-agt sekondes. Die Amerikaner, Tom Shields was tweede en David Morgan van Australië derde.

Twee bomontploffings ruk Istanboel

Die dodetal ná twee bomontplof­fings kort na mekaar naby die Istanboelse sokkerstadion het tot 38 gestyg, met 166 mense wat beseer is, het die Turkse minister van binnelandse sake, Suleyman Soylu, gister gesê.

Onder die slagoffers was minstens 30 polisiebeamptes.

Turkye het gister as nasionale roudag afgekondig ná die aanvalle in die hart van Istanboel na aan die tuisveld van die sokkerspan Besiktas.

Die aanval kom ure nadat WikiLeaks eposse uitgelek het van Erdogan se skoonseun Berat Albayrak se bande met ISIS se onwettige oliehandel.

‘n Motorbom het buite die Vodafone Arena-voetbalstadion op die oewers van die Bosporusrivier ontplof ná ‘n wed­stryd in die superliga-toernooi tussen Besiktas en Bursaspor. Minder as ‘n minuut later het ‘n selfmoordbomaanvaller in ‘n nabygeleë park toegeslaan.

Die owerhede het nie ‘n aanduiding gegee wie vir die bomaanvalle verantwoordelik is nie. Istanboel en ander stede het vanjaar ‘n reeks aanvalle beleef waarvoor die Islamitiese Staat(ISIS) en Koerdiese militante die skuld gegee word.

Turkye se eerste minister, Binali Yildirim, het die opdrag gegee dat die landsvlag halfmas wapper en pres. Recep Tayyip Erdogan het ”n beplande besoek aan Kazakstan afgestel, het die staatsnuusagentskap, Anadolu, berig.

Volgens Soylu is tien verdagtes in hegtenis geneem.

‘n Forensiese span het die stadion reeds geïnspekteer om bewyse in te samel en munisipale voertuie was besig om die puin op te ruim.

Erdogan het ná die aanvalle in ‘n verklaring gesê “’n daad van terrorisme het ons veiligheidsmagte en burgers by Besiktas vanaand geteiken”. Hy sê die tydsberekening van die ontploffings was sodanig dat dit daarop gemik was om die maksimum lewensverlies te veroorsaak.

Die polisie het die gebied rondom die stadion afgekordon wat naby die Dolmabahce-­paleis van die Ottomaanse era is waar die kantore van die eerste minister gehuisves word.

Die toneel is ongeveer ‘n kilometer van die besige Taksim-plein, ‘n groot toeriste-­trekpleister.

Die regering het kort ná die aanval ‘n verbod op die uitsending van beeld­materiaal van die aanval geplaas, iets wat deesdae telkens gebeur in die nadraai van geweldpleging in die land.

Siriese magte trek terug uit Palmyra na ISIS-aanvalle

Russiese lugaanvalle het talle vegters van die Islamitiese Staat (ISIS) in die antieke Siriese stad Palmyra gedood en ander gedwing om die wyk te neem nadat hulle vroeër die stad herbeset het.

Maar ISIS het weer aangeval en Siriese magte uit dele van die stad verdryf.

Meer as 60 lugaanvalle is oornag uitgevoer met meer as 300 ISIS-djihadiste wat dood is.

ISIS het verlede week met ‘n offensief naby Palmyra, ‘n Unesco-wêrelderfenisterrein, begin. Nadat hulle Aleppo verloor het, skuil hulle nou by die erfenisterrein om bombardemente te ontsnap in die hoop om ‘n propaganda-oorwinning te behaal.

In die offensief het hulle ongeveer 50 lede van die Siriese regering om die lewe gebring en gelyktydig aanvalle op verskeie posisies van die regering in die omgewing van Palmyra uitgevoer.

In Mei 2015 het ISIS beheer oor Palmyra geneem en massiewe skade aan baie van die antieke plekke in die stad aangerig.

Twee wat dokter op Rouxville vermoor kry lewenslank

Twee swartes is tot lewenslange tronkstraf gevonnis in die Bethulie rondgaande hof vir die moord op ‘n Smithfieldse arts, Bennie Cilliers.

Die Cilliers-egpaar aangeval op hul plaas naby Rouxville in Januarie vanjaar.

Waarnemende Regter Liza Tsatsi het ook ‘n voormalige plaaswerker van Cilliers, Thabang Jordaan, tot 22 jaar gevangenisstraf gevonnis op roof-verwante aanklagte en 10 jaar op ‘n aanklag van poging tot moord.

Die tweede beskuldigde in die saak, taxibestuurder Dawid Zamayo, is gevonnis tot 20 jaar gevangenisstraf.

Zamayo het ook 10 jaar gevangenisstraf gekry vir die poging tot moord wat verband hou met Cilliers se vrou, Cecilia wat die aanval oorleef het.
 
Regter Tsatsi het die twee moordenaars het ‘n man wat op die hoogtepunt van sy loopbaan was en ‘n mediese dokter, asook ‘n persoon met vaardighede waaraan Suid-Afrika ‘n dringende behoefte het, doodgemaak. Sy het ook gesê as ‘n boer het Cilliers werk vir baie mense geskep wat nou sonder inkomste sit.

Tsatsi het gesê sy kan nie enige wesenlike omstandighede vind vir die hof om af te wyk van die minimum vonnisse wat vir die misdade voorgeskryf word nie.

Cilliers het die aanval met ‘n swaar ysterstaaf tydens die plaasaanval nie oorleef nie.

Na die hofverrigtinge, het Cilliers se oudste seun, Pieter, aan OFM-nuus gesê hulle is verlig die saak is gesluit.

Hy het gesê hopelik kan die familie nou terugkeer na ‘n soort van normale lewe. Die jongste seun het die hoop uitgespreek dat die letsels van die voorval nie weer oopgemaak word nie.

Guptas steel van swartes, sê groep

Atul Gupta se massiewe rykdom is skokkend en ontstellend en “anti swart”.

Dit is die reaksie van die groep Save South Africa, nadat die bekend geword het die Gupta-familielid is onder die top 10 rykste swart mense in Suid-Afrika.

News24 berig Save South Africa glo dit is ontstellend dat een man so vinnig so ryk kon word, veral in die lig van die familie se berugtheid en beweringe van korrupsie en staatskaping.

Gupta is die naweek aangewys as die tiende rykste swart man, met ‘n geraamde persoonlike fortuin van R10 miljard.

Hy is een van 35 swart mense op die lys van 200 supperrykes, en volgens Save South africa is dit duidelik dat daar ‘n afname is van swart eienaarskap van ondernemings onder die leierskap van President Jacob Zuma is.

Hulle beweer hy fasiliteer doelbewus die Guptas se ekonomiese aktiwiteite, terwyl swart bemagtiging in die slag bly.

Bron: OFM Nuus

Was dit die kebab of die kopdoek?

‘n Moslemtiener beweer sy is afgeskop Berlyn se openbare vervoer vir die dra van ‘n kopdoek, maar die meisie se wolhaarstorie is weerlê deur ‘n passasier wat ook op die trein was.

Die 14-jarige Moslem het Duitse owerhede vertel dat die bestuurder in Friedrichshagen geweier het om die tremhalte te verlaat en oor die luidspreker aangekondig het dat hy nie iemand met ‘n kopdoek sal vervoer nie.

‘n Polisiebeampte sê ‘n klag is ingedien oor die voorval, waarin videomateriaal wys hoe ‘n meisie met ‘n kopdoek op die trem klim Woensdag. Omdat die videomateriaal nie gepaard gaan met klank nie, het die Moslem tiener waarskynlik gedink sy kan wegkom met net haar weergawe van die gebeure. Sonder klank kon die “anti-Moslem” aankondiging natuurlik nie gehoor word nie.

Maar ‘n getuie het te voorskyn gekom, wat ook op die trem was toe die bestuurder gevra het dat die 14-jarige moet uitklim. Die rede was toe nie die kopdoek, soos die 14-jarige volgehou het nie, maar die feit dat sy ‘n sosatie in die trem verorber het, wat streng verbode is.

Die Berlynse Vervoermaatskappy (BVG) het bevestig aan die Berliner Morgenpost koerant dat na die hersiening van videomateriaal, hulle glo dat die bestuurder haar gevra het om die trem te verlaat omdat sy teen hul regulasies besig was om aan ‘n souserige kebab-broodjie, ‘n Döner-kebab, te smul.

“Op die video wat jy kan sien hoe twee meisies op die trem klim en dan hul Döner-sosaties begin uitpak; hulle kyk dan op na die luidspreker, terwyl die bestuurder aankondig dat hulle nie mag eet op die trem nie,” het ‘n BVG-woordvoerder Petra Reetz verduidelik.

Volgens die ooggetuiene, het die meisie die waarskuwing botweg geïgnoreer, “waarna die bestuurder gevra het dat die meisie in die wit kopdoek die trem te verlaat en buite eet.”

Die bestuurder sê hy is “geskok” oor hoe die voorval uitgebuit is deur die immigrant wat gemaak het asof sy ‘n slagoffer van rassisme is.

Agenda-nuus probeer die ontdekking van ‘n vals ambassade toesmeer

‘n Ondersteuner van Ghana se hoofopposisieparty is dood toe gewelddadige botsings by ‘n politieke vergadering in die aanloop tot die presidentsverkiesing uitgebreek het. En Ghana het nooit apartheid gehad nie!

Ses mense is in ‘n kritieke toestand in die hospitaal ná Maandag se geweldpleging en die Weste dink dit is nuus om daaroor te berig asof dit ‘n Westerse land is, want een of ander globalistiese agenda moet gedien word.

Die dienende president, John Mahama, se grootste opposisie kom van die gunsteling, Nana Akufo-Addo. Ghanese het Donderdag hulle stemme in die verkiesing uitgebring.

Verlede maand is Akufo-Addo se woning in Accra aangeval toe hy op ‘n veldtog-toer was. Sy party voer aan dit was ‘n poging om ‘n atmosfeer van vrees in die land te skep, maar Afrika-verkiesings gaan selde nie gepaard met geweld nie.

Die regte nuus uit Ghana is die ontdekking van ‘n valse Amerikaanse ambassade in die hoofstad Accra. Die “ambassade” is beman deur Turkse burgers, wat Engels en Nederlands praat.

Ondersoeke het ook ontbloot dat ‘n valse Nederlandse ambassade bedryf is, het die VSA se departement van buitelandse sake gesê. Amptenare in Nederland was nie onmiddellik beskikbaar vir kommentaar nie.

“Beide Ghanese en Turkse georganiseerde misdaad en ‘n Ghanese prokureur wat in immigrasie en strafreg spesialiseer, het dit bedryf,” het die departement van buitelandse sake in ‘n verklaring gesê.

Die kriminele bende het vrylik outentieke visums vir ‘n dekade lank uitgereik. Hulle het betaal sodat korrupte amptenare by die regte ambassade moet wegkyk.

Dit is bedryf vanuit ‘n pienk twee-verdieping gebou, met ‘n Amerikaanse vlag buite. Binne is ‘n portret van president Barack Obama in die “amptelike” kantoor.

Die misdadigers het hulself as konsulêre amptenare voorgehou. Beslag is gelê op outentieke en vervalste Indiese, Suid-Afrikaanse en Schengen-visums en 150 paspoorte uit 10 verskillende lande saam met ‘n skootrekenaar en ‘n paar slimfone.

Die valse ambassade was drie oggende per week oop, maar het geen instap-navrae aanvaar nie, net soos die regte een. In plaas daarvan, het die misdadigers geadverteer op reklameborde in Ghana, asook naburige Afrikalande Togo en die Ivoorkus.

Hul kliënte is van regoor Wes-Afrika gebring omdat visums vir blanke Westerse lande in groot aanvraag is in Afrika. Baie ambassades glo hul visumstelsels word deur die georganiseerde misdaad geteiken.

Dit is nog nie duidelik hoeveel van die outentieke visums uitgereik is, of hoeveel mense onwettig toegang tot die EU of die VSA en ander lande verkry het nie.

Weste speel viool terwyl hul regime-veranderingsprojek in Aleppo afbrand

Siriese terroriste wat uit die buiteland befonds word om van die land se president Assad ontslae te raak, het nou hulle Moses teëgekom.

Hulle is tans deur die Siriese weermag in die beleërde oostelike deel van Aleppo vasgekeer. Hul Westerse ondersteuners het vir ‘n onmiddellike vyf-dag-lange wapen­stilstand gevra.

Alles wat beweeg in hulle vestings word dadelik gebombardeer, sê ooggetuies. Terwyl die Westerse proksiemagte ‘n gewisse uitwissing in die gesig staar, maak die ses Westerse lande by die VN se Veiligheidsraad asof niks gebeur het nie.

Die dringende versoek is glo sodat burgerlikes en gewondes na veiligheid geneem kon word, maar dit is duidelik dat die Weste probeer om hulle ‘n kans te gee om te hergroepeer. Dit lyk egter na ‘n verlore saak.

Hulle het dus nog geen aanduiding gegee dat hulle bereid is om te onttrek soos deur Damaskus en Moskou geëis is nie.

Die Siriese magte en sy bondgenote het die afgelope twee weke vinnig gevorder en is nou na aan die volle beheer van die stad.

Aleppo was voor die oorlog Sirië se stad met die grootste bevolking. ‘n Oorwinning vir die regeringsmagte sal ‘n belangrike sege in die ses-jaar-lange konflik wees.

Sirië en Rusland wil hê die Takfiri’s moet Aleppo verlaat en sal nie ‘n skietstilstand oorweeg voor dit gebeur nie.

Die Russe verwag dat Aleppo teen die naweek bevry sal wees van die indringers.

Inisiasiesterftes en giftige geloofsdrankies is nuus in die Oos-Kaap

Nog vier swart tieners is dood by inisiasieskole in die Oos-Kaap, wat die dodetal die afgelope drie weke tot tien opstoot.

‘n Woordvoerder van die provinsiale departement van tradisionele sake, Mamnkeli Ngam, sê ouers en gemeenskappe moet help op die sterftes my inisiasieskole te bekamp, maar dit is elke jaar maar weer die ou gewone storie.

Niemand in die Xhosa-gemeenskap steur hulle aan dié raad nie, selfs nadat miljoene rande gemors is op veldtogte want swart mans aanmoedig om hulself te laat besny.

Volgens Ngam sal nadoodse ondersoeke gedoen word om te bepaal wat die seuns se dood veroorsaak het.

Die bestaan van “onwettige skole” is glo die probleem, volgens die owerhede, maar die ou afgesaagde verklaring vir die sterftes klink onoortuigend.

Meer as 20 gemeentelede het intussen “ineengestort en gebraak” Donderdag, het die Oos-Kaapse gesondheidsdepartement gesê.

Die spul het ‘n raaiselagtige vloeistof aan hulle gegee deur hul pastoor in Mthatha, gedrink.

Oos-Kaap se departement van gesondheid se woordvoerder Sizwe Kupelo gesê nooddienste is ontbied na die stadsaal in die Mthatha middestad teen 17:30.

“Daar word beweer dat die gemeentelede ‘n vloeistof deur hul pastoor gegee is toe hulle skielik begin braak het en ineengestort het.

“Meer as 20 mense is deur paramedici behandel op die toneel, maar het geweier om na die hospitaal geneem te word. Slegs een ingestem om na die Nelson Mandela Akademiese Hospitaal afgevoer te word.”

Kupelo het gesê die vloeistof is nog nie geïdentifiseer nie en die polisie sal ondersoek die saak.

Die pastoor, profeet Phumzile Topi, het na bewering van die toneel gevlug.