Laat Derby-Lewis vry!

Die Bevry Clive Derby-Lewis veldtog het `n skrywe aan die minister van korrektiewe dienste, Nosiviwe Mapisa-Nqakula gestuur waarin vra gestel word oor Derby-Lewis se paroolaansoek. `n Woordvoerder van die veldtog, James Kemp sê hulle sal graag duidelikheid wil hê oor hoekom Derby-Lewis steeds in die gevangenes is.

Die weduwee van wyle mnr. Chris Hani is meer as `n jaar gelede genader om insette te lewer, nadat die paroolraad Derby-Lewis vir parool aanbeveel het. Tot op datum het sy nog nie insette gelewer nie en speel dit `n groot rol in die vertraging van die proses.

“Ingevolge die wet op Korrektiewe Dienste kwalifiseer hy in meer as een opsig vir parool. Die minister moet verduidelik waarom hy vir parool geweier word terwyl Almond Nofemela, wat in die apartheidsjare deel was van `n moordbende wat ANC-lede geteiken het, wel vrygelaat is,” sê Kemp.

In die skrywe word daar ook gevra of die minister opdrag gegee het dat mnr. Derby-Lewis se aansoek onbepaal uitgestel moet word. Mnr. Derby-Lewis het gedurende Junie vanjaar weer voor die paroolraad verskyn. Daar is hy meegedeel dat die minister opdrag gegee het om sy aansoek onbepaald uit te stel.

“Die hoofdoel van die departement korrektiewe dienste is om gevangenes te rehabiliteer. Nie om hulle onbepaald en sonder rede in die gevangenes te hou vir langer as wat nodig is nie. Mnr. Derby-Lewis is in sy sewentigs, langer as vyftien jaar in die gevangenes en `n model gevangene. Ware geregtigheid sal wees om hom vry te laat,” het Kemp bygevoeg.

 

детский игры для девочекданильченко юрий брониславович прокурор

Reitz-vier vandag voor

Die saak teen die vier Reitz-studente sal Maandag begin in die Bloemfonteinse Streekshof open.

Lede van die ANC en Cosatu het aansoek gedoen vir toestemming om voor die hof te betoog, het die woordvoerder vir die Vrystaatse polisie, kaptein Rulene Kühn, gesê.

“Ons het operasionele planne in plek om enige voorvalle te hanteer. Die openbare orde polisie en misdaadvoorkomingseenheid sal die situasie monitor.”

Teen 8vm was alles stil, het sy gesê.

Die verskyning van RC Malherbe, Johnny Roberts, Schalk van der Merwe en Danie Grobler kan uitgestel word, het die Nasionale Vervolgingsgesag oor die naweek aangedui.

“Dit mag wees dat die Staat vir uitstel vra om die kwessie versigtig te oorweeg in die lig van voorstellings wat Woensdag deur die verdediging ingehandig is,” het Medupe Simasiku, woordvoerder van die NVG in in Bloemfontein gesê.

Die vier studente van die Reitzkoshuis word aangekla omdat hulle vyf swart personeellede glo verneder het in ‘n ontgroeningsritueel wat hulle verfilm het.

Die vier swart vroue en een swartman kan gesien word waar hulle op hulle knieë kos eet “waarin daar glo geurineer is”, het Sapa berig.

Die studente het ook hulle teenkanting teen die universiteit se integrasiebeleid in die video geopper.

Jonathan Jansen het verlede week vir opslae gesorg toe hy die vier studente “vergewe” het en hulle genooi het om weer hulle studies aan die universiteit te hervat indien hulle sou wou.

Twee van die studente het reeds hulle studies voltooi, maar die ander twee beplan om terug te keer na die kampus.

Die stap het skerp kritiek ontlok van anti-Afrikaanse organisasies en die nuwe rektor genoop om sonder verwyl Sondag te swig voor die druk en “alle betrokkenes buite en binne die UV… te nooi om die universiteit se bestuur te ontmoet oor die wyse waarop konsensus bereik kan word oor die pad vorentoe”.

 

сделать мед справкуФильчаков прокурор харьков

Beboet omdat hulle nie Engels praat nie

Dallas, in die Amerikaanse deelstaat Texas, se polisie het oor die afgelope drie jaar 39 bestuurders beboet omdat hulle nie Engels gepraat het nie, het polisiehoof David Kunkle Vrydag aangekondig.

Die polsielede wat hulleself daaraan skuldig gemaak het, gaan aangekla word vir ampsoortredings.

Die sake wat nog nie aangehoor is nie, gaan laat vaar word, en diegene wat ‘n $204 boete moes betaal, gaan vergoed word, het hy gesê.

“Ek was verbaas en geskok dat dit kon gebeur, veral in ‘n stad soos Dallas,” het Kunkle gesê. “In my wêreld, sê ‘n mens nooit aan iemand om nie Spaans te praat nie.”

Die boetes is deur ses verskillende wetstoepassers van verskillende afdelings uitgedeel. Een polisiebeampte het vyf van die boetes uitgeskryf.

Die boete aan Ernestina Mondragon op 2 Oktober omdat sy ‘n “nie -Engelssprekende bestuurder” is, het gelei tot die ontdekking van die ander boetes vir die “taaloortreding”.

Die polisiebeampte het glo deurmekaar geraak met ‘n federale wet wat vereis dat kommersiële bestuurders Engels moet magtig wees. Kunkle sê sy departement pas in elk geval nie dié betrokke wet toe nie.

Mondragon se moedertaal is Spaans en sy praat skaars Engels. Die klag teen haar is intussen laat vaar

Die Dallas-polisie reik ongeveer 400 000 boetes per jaar uit en alhoewel die persentasie “taaloortredings” gering is, is dit volgens George A. Martinez, ‘n professor by die Southern Methodist Universiteit se Dedman School of Law, ernstig genoeg om diskriminasie teen Latyns-Amerikaners op grond van hulle taalgebrek te bewys.

 

ландшафтное освещение участка фотоФильчаков прокуратура харьков

Twee Britte in Kenia vermoor

Twee bejaarde Britte is op vakansie in Kenia vermoor.

Die Britse departement van buitelandse sake het Sondag bevestig Norman Joel, 70, en sy vrou, Rita, 67, is verskeie kere gesteek tydens ’n vermeende rooftog in Mombasa, het The Mail on Sunday berig.

Die moorde is op 15 Oktober by die Britse ambassade aangemeld.

“Die polisie ondersoek die saak. Ons is in verbinding met die familie en sal hulle op hoogte hou van die inligting wat ons van die Keniaanse owerhede kry,” het ’n woordvoerder van die Britse departement van buitelandse sake gesê.

Jack Joel, Joel se broer, het gesê: “Al wat hulle wou doen, is om die sonskyn te geniet, op die strand te lê en die plaaslike kultuur in te neem. Ons is geskok en absoluut platgeslaan,” het hy volgens die koerant gesê.

Die departement van buitelandse sake waarsku Britte wat na Kenia reis: “Rooftogte deur bendes kan enige tyd gebeur, veral in Nairobi en Mombasa. Vermy dit om ná donker rond te loop, aangesien aanvalle enige plek kan gebeur, maar veral in afgeleë gebiede soos strande.”

 

автомойка купитьФільчаков прокурор

Zuma prys Malema

President Jacob Zuma het Julius Malema as ‘n goeie leier geprys wat waardig is “om die ANC se erf”, het The Star Maandag berig.

Malema is ‘n “leier in wording” het Zuma in Limpopo gesê.

“Party van ons is nie meer jonk nie, en wanneer ons oor die berge gaan in terme van ons ouderdom, is ons gelukkig dat ons kan aanbeweeg , die organisasie in die ware hande van hulle wat aan die mense sal dink.”

“Die ANC erken talent en leierskap en ons gee die mense ‘n geleentheid. Juluis het aangetoon dat hy ‘n goeie leier is en dat hy mense verstaan,” het Zuma gesê.

Hy het in Malema se tuisdorp Seshego gepraat.

Hy het ook ‘n beroep op die polisie gedoen om “toepaslik te reageer” as misdadigers ‘n vuurwapen op hulle rig.

“My opinie wat ek aan almal gaan skilder is wanneer ‘n misdadiger ‘n vuurwapen uitpluk, is sy bedoeling eenvoudig. Dit is nie om jou te waarsku nie. Dit is om jou te skiet,” het Zuma tydens ‘n saamtrek buite Tzaneen in Limpopo gesê.

“Wanneer ‘n misdadiger ‘n vuurwapen uithaal moet die polisie weet hul lewens is in gevaar en moet hulle dan gevolglik reageer,” het hy gesê.

Kommissaris Bheki Cele, nasionale polisiehoof, het gesê polisiemanne moet nie met hul wapens in hul sakke sterf nie, maar moet “misdadigers doodskiet”.

Die Vryheidsfront Plus het hulle misnoeë met die uitlatings te kenne gegee.

“Pres Jacob Zuma se opmerking by Tzaneen in Limpopo Sondag dat te veel vuurwapens in die hande van burgerlikes is, bewys dat hy waningelig word oor wettige vuurwapens. Vroeër die maand het Zuma gesê baie mense word vermoor as gevolg hiervan. Die minister van polisie, Nathi Mthethwa, het ook die maand gesê die buitensporige misdaad in Suid-Afrika is deels te wyte aan die hoë getal vuurwapens onder burgerlikes.

Daar is geen bewyse vir die stellings van die president en die minister nie. Ek gaan vrae by die parlement hieroor indien, dan kan die Minister die syfers verskaf. Dit is duidelik dat ‘n berekende veldtog van agterdog teen wettige vuurwapeneienaars gevoer word.

Dit wil voorkom asof die twee hofuitsprake oor vuurwapens, en veral die een oor die vergoeding van vuurwapens wat ingehandig word ingevolgedie nuwe vuurwapenwet, ‘n tameletjie is vir die minister,” sê Pieter Groenewald (LP), hoofwoordvoerder van polisie vir die Vryheidsfront Plus.

 

 

детский плед купитьtopcargo

Die internet staan in sy tienerskoene

Leonard Kleinrock sou nooit kon raai dat ‘n projek waaraan hy en ‘n span sowat 40 jaar gelede gewerk het, die wêreld sou oorneem nie.

“Ons is elke keer verras as ons sien wat mense met die internet doen. Die internet was oorspronklik geskep sodat kommunikasie tussen twee rekenaars kon plaasvind. En kyk nou. Ons sou nooit kon raai dat Twitter en Facebook ooit sou bestaan nie,” het Kleinrock aan die AFP gesê.

“Die internet is nou eers ‘n tiener. Hy het al heelwat geleer, maar daar is nog ‘n lang pad wat gestap moet word,” het Kleinrock tydens die internet se 40ste verjaarsdag-partytjie by die Universiteit van California in Los Angeles gesê.

Kleinrock en sy span het die internet op 29 Oktober 1969 geloods. Destyds het niemand regtig in die projek belanggestel nie. Vandag is dit ‘n heel ander storie.

 

для девочек играФильчаков прокуратура харьков

Soldate in Afghanistan se moed byna gebreek

Die sielkundige oorlog wat die VSA in Afghanistan voer om die inwoners van hulle goeie wil te oortuig, die sogenaamde “hearts-and-minds” veldtog, het nog weinig opgelewer. In afgeleë gebiede is stamhoofde openlik vyandig teenoor die Amerikaanse weermag.

Digby South Station, ‘n pos van die VSA se seesoldate in die Helmandprovinsie, sê ‘n stamhoof dat die Amerikaners hulle ekonomie bedreig. “Hulle belowe baie en lewer niks,” sê hy.

Die VSA word gesien as ‘n besettingsmag, sê Haji Khan, ‘n leier van die Baluchstam. Hy sê die jeug is gekant teen hulle en sal weldra die wapen teen die VSA opneem.

Binne die Amerikaanse basis South Station klop soldate mekaar egter op die skouer oor die vordering wat hulle gemaak het, alhoewel hulle pessimisties is oor die vooruitsigte van waarheen die konflik neig.

Kennelik probeer die basisbevel die moedelose soldate moed inpraat.

Generaal Stanley McChrystal, die VSA en NAVO se bevelvoerder in Afghanistan, sê die missie om die inwoners van die Taliban te isoleer en te beskerm, maar die Amerkaanse soldate vind dit hoegenaamd nie makliker as die Britte wat drie jaar lank in die provinsie geveg het nie.

Die Amerikaanse seesoldate sê hulle vind die manier waarop die Taliban met die plaaslike inwoners insmelt “geweldig frustrerend”.

Die terrein maak dit ook moeilik om anders as te voet te beweeg en al het die seesoldate al dikwels die Taliban omsingel, kom die insurgente nog steeds weg.

Die seesoldate kla dat die bevolking weet wat aangaan en hulle kan help sodat hulle nie so blootgestel sal wees aan die ploftoestelle wat oral om die basis versteek is nie, maar weier om dit te doen.

Die plaaslike inwoners was entoesiasties oor die Amerikaanse aanbiedinge om ‘n skool en kliniek te bou en ‘n kanaal te grawe by ‘n onlangse vergadering van die dorpie se gryskoppe, maar van die soldate meen dat die oudstes eenvoudig die kontant in hulle sakke gaan steek en dat hulle die Taliban verder gaan help.

Die Afghaanse kleinboere het natuurlik ‘n sakeverhouding met die Taliban omdat hulle die dwelms wat later vir kontant en wapens geruil word, produseer. ‘n Amerikaanse intelligensie-offisier is skepties oor die vooruitsig om die verhouding tussen die bevolking en die Taliban te verander.

Niemand in die dorpie digby South Station was bewus van die aankondiging in Kaboel verlede week van ‘n vars rondte in die nasionale verkiesing nie, en niemand het in die eerste rondte gestem nie.

“Ons het nog nooit van ‘n verkiesing gehoor nie,” sê ‘n dorpsinwoner.

 

где купить пустойлобановский класс харьков

Berlynse muur staan weer

Die Berlynse muur sal vir ‘n rukkie weer die Duitse hoofstad verdeel, maar hierdie keer sal dit uit reuse kleurvolle domino’s bestaan.

Dié 1,5 km lange muur sal as viering van die 20ste herdenking van die val van die Berlynse muur uit reuse domino’s opgerig word.

Die muur sal uit sowat 1000 domino’s van 20kg elk gebou word. Die stukke sal 1.5m uit mekaar staan en sal deur skoolkinders geverf word.

Dit sal vir twee dae lank staan voor dit aan die einde van die feesvieringe vir hierdie geleentheid omgestamp sal word.

“Dit sal ‘n tydelike ding wees en ek glo dit is ‘n fantastiese manier om die val van die Berlynse muur te simboliseer,” het Klaus Wowereit, die burgemeester van Berlyn gesê.

 

social networking advertisingФільчаков прокурор

‘Opkomende boere’ mors R100 miljoen

‘n Bedrag van R100 miljoen wat vir swart bemagtiging in die Landbou (AgriSEB) bestem was, is glo gebruik om spogmotors en huise te koop.

Die AgriSEB-fonds is bedoel vir landbouprojekte, waaronder ‘n ondersteuningsgroep wat beplan om kos te kweek vir MIV/vigs-lyers en weeskinders.

Die geld is deur die department van landbou na die Landbank oorgedra.

‘n Som van R87.7 miljoen is uit ‘n “spesiale rekening” aan projekte in 2007 en 2008 uitbetaal.

Die Sunday Times berig dat die geld gebruik is om luuksemotors en huise te koop vir individue wat polities aan dié organisasie verbind word.

Die departement van landbou, polisie en die Landbank het nog nie ‘n formele klag aanhangig gemaak of op enige eiendom beslag gelê nie.

Maar Musa Zondi, ‘n woordvoerder van die Valke, het gesê hulle is besig om verklarings by die Landbank te neem.

“Dié saak gaan nie onder die mat gevee word nie.”

social mediaФильчаков прокурор харьков

Steun vir BNP styg sterk in Brittanje

Byna ‘n kwart van volwassenes sou dit oorweeg om vir die regse Britse Nasionale Party te stem, het ‘n meningsopname vandag getoon, ná die partyleier se omstrede deelname aan ‘n BBC-TV-program.

Die YouGov-opname vir die Britse koerant, die Daily Telegraph, wat gedoen is nadat die BNP-voorsitter Nick Griffin Donderdag vir die eerste keer op “Question Time”, die BBC se gewildste politieke paneelbespreking, verskyn het, het bevind dat 22 persent van kiesers dit “ernstig sou oorweeg” om vir die BNP te stem.

Die vraag of Griffen toegelaat moes gewees het om op die program te verskyn – asook kritiek oor die uitsending self – het ‘n vuurwarm debat in Brittanje ontketen en koerantopskrifte oor die afgelope dae oorheers.

Vele kritici van Griffin se deelname vrees dat die platform wat hy ontvang het die regse party ‘n hupstoot gaan gee.

Die meningsopname het bevind dat vier persent gesê het hulle gaan “definitief” oorweeg om vir die BNP te stem, ‘n verdere drie persent sou dit “waarskynlik” oorweeg, met 15 persent wat gesê het hulle is “moontlike” BNP-kiesers.

Meer as die helfte van diegene wat aan die meningsopname deelgeneem het, het met die BNP saamgestem of gedink dat die party “‘n punt beet het” deur te poog om “vir die belange van die inheemse, blanke Britse volk op te kom… wat nie genoegsaam deur opeenvolgende regerings beskerm is nie”.

Ingeslote hierby is 43 persent wat saamgestem het dat hulle “geen simpatie vir die party self het nie”, hoewel hulle die party se kommer gedeeltelik begryp.

Omtrent 12 persent het gemeen dat hulle geheel en al met die BNP saamstem, teenoor 38 persent wat gesê het dat hulle totaal met van die party se politiek verskil.

Die BNP het op se webwerf beweer dat 9 000 mense hetsy aangeteken het hetsy “as potensiële lede geregistreer het of hul name op poslyste geplaas het” sedert die uitsendig plaasgevind het.

Die Britse minister Peter Hain, wat ‘n prominente rol in die eertydse veldtog teen die ou Suid-Afrika in Brittanje gespeel het, het tevergeefs probeer om Griffin van die kassie af te hou. “Dis presies wat ek gevrees het sou gebeur en waaroor ek gewaarsku het.

“Die BBC het vir die BNP die geskenk van die eeu gegee en nou sien ons die gevolge. Ek is woedend hieroor.”

Die BBC het Griffin uitgenooi nadat sy party byna ‘n miljoen stemme – en 6,2 persent – tydens die Europese verkiesing in Junie behaal het, wat genoeg was om Griffin en ‘n kollega na die Europese Parlement in Straatsburg, Frankryk, te stuur.

Die BBC het sy besluit verdedig deut te sê as staatsuitsaaier is hy verplig om onpartydig op te tree.

Die uitsaaier het ook gesê dat hy meer as 350 klagtes oor die uitsending ontvang het, maar die meeste was van kykers wat gemeen het dat die program bevooroordeeld teen die BNP was.

Nagenoeg agt miljoen mense het na die uitsending gekyk – drie keer die gewone gehoor.

VAndag se koerante in Brittanje wemel van berigte en kommentaar oor Griffin se verskyning. Hoofartikels bevat kritiek teen Griffin en die BNP, maar ook die formaat van die program en die paneellede.

Die Times het gesê die BBC was reg om Griffin uit te nooi, maar het “belangrike foute” gedurende die program gemaak, waaronder die vervaardiging van ‘n uitsending “net oor hom” wat “vir die onbetrokke kyker gevaarlik naby aan ‘n geboelie kon gelyk het”.

Die Daily Mail het foto’s van die gehoor geplaas wat blykbaar met die hand uitgesoek is om ‘n skewe beeld van Brittanje as ‘n land van gekleurdes te skep (92% van Britse burgers is steeds blankes). Die programaanbieder, David Dimbleby, het blykbaar lede van die gehoor vooraf aangemoedig om te boe en tussenwerpsels te skree.

Die Financial Times het gesê: “Dis skandelik dat geen van die hoofstroompolitici op die programpaneel die rassiste gekonfronteer het deur immigrasie te verdedig nie.”

Die BNP se webmeester Simon Bennett het gesê: “Tydens die Euro-verkiesings het ons 40 000 navrae bygekry, maar halfmiljoen pond bestee om dit reg te kry.

“Op ‘Question Time’-aand het ons ‘n bagatel uitgegee maar het byna 25 persent van die Euro-verkiesingstotaal behaal binne die bestek van agt ure.

“Ons het ‘n geweldige aantal nuwe mense bekom wat onstel is deur die boelietaktiek wat teen voorsitter Nick Griffin toegepas is.”

Griffin het Vrydag die BBC daarvan beskuldig dat hy ‘n “hangparty” op hom losgelaat het en het geëis dat die program heropgeneem word.

Volgens Griffin was die lede van die Londense gehoor, wat hom met woedende vrae gepeper het, afkomstig vanuit ‘n stad wat reeds “etnies van blanke mense gesuiwer is”.

Hy het gesê dat hy ‘n formele klag teen die BBC aanhangig gaan maak en hulle daarvan beskuldig dat hulle die formaat van die program verander het om hom in ‘n slegte lig te stel.

YouGov het Donderdag en Vrydag aanlynonderhoude met 1 314 kiesers gevoer.

Die opname het die hoofopposisie, die Konserwatiewes se steun op 40 persent geskat, die regerende Arbeidersparty s’n op 27 persent, die Liberaal-Demokrate op 19 persent en ander partye op 14 persent – waaronder drie persent vir die BNP.

для дачиФильчаков прокурор