Nuus Archives - Page 1568 of 1583

Swart ekonomiese bemagtiging is ‘nie diskriminerend nie’

Elizbeth Thabethe

As swart ekonomiese bemagtiging (SEB) korrek toegepas word, kom dit nie neer op diskriminasie teen blankes nie. Dit is die mening van JD Squire Mahlangu, verbonde aan die Staatsdienskommissie. Hy het gister ’n internasionale mensekragkonferensie, gerig op die openbare sektor, in Kaapstad toegespreek.

Die konferensie is deur die Staatsdienskommissie aangebied en het sowat 250 afgevaardigdes van oor die hele wêreld getrek. Volgens Mahlangu koester hy geen haat teenoor blankes nie. “Ek is lief vir witmense. Ek sê net dat ons die gebrek aan balans moet regstel.” Hy het verder voorgestel dat die staatsdiens blankes moet aanstel in poste wat vroeër deur swartes beklee is.

As voorbeeld het hy na verpleegsters verwys. “Verpleging is nie ’n werk wat net op Afrika-vroue gerig is nie – daar is jong blanke vroue wat ook verpleegsters wil wees. Lei hulle op en stuur hulle dan na waar hulle behoort te gaan.“

Op dieselfde dag het die adjunkminister van handel en nywerheid, Elizabeth Thabethe, by die tweede jaarlikse stokvelkonferensie in Johannesburg opgetree. Volgens haar sal transformasie net afgehandel wees as meer swart Suid-Afrikaners ’n rol in die land se ekonomie speel. Sy het ’n beroep op konferensiegangers gedoen om stokvelfondse nie net te gebruik om hul huishoudelike inkomste aan te vul nie, maar ook om rykdom vir hulle gemeenskappe te skep. Sy is self ’n lid van twee stokvel-verenigings en sien die verskynsel van stokvel-organisasies as “’n voertuig“ om ontwikkeling op gemeenskapsvlak te bevorder.

Volgens haar kan die ekonomie alleenlik groei as alle Suid-Afrikaners by die proses betrek word. Die doelstelling van SEB is juis om die uitsluiting van Suid-Afrikaners in die ekonomiese proses om te keer. Thabethe, wat oor ’n sertifikaat in ekonomie van UNISA beskik, het egter erken dat haar departement aandag sal moet gee aan hindernisse wat swartmense tans verhoed om hulle rol in die ekonomie te speel. Sy het hierdie probleme gedefinieer as gebrek aan toegang tot inligting asook probleme om finansiering te bekom.

Данильченко Харьков

Kwazulu-Natal se munisipaliteite sukkel

Zweli Mkize

Sowat 53 sukkelende munisipaliteite in Kwazulu-Natal is aan die provinsiale regering se finansiële departement “oorgedra” as gevolg van die geldelike verknorsing waarin hulle verkeer.

“Hulle kan nie ’n begroting opstel nie, hulle het nie personeel om geld in te samel nie en hulle sien nie as dinge verkeerd loop nie; dit is dus waarmee ons te doen het,“ het Zweli Mkhize, die provinsie se LUR vir finansies, gesê. Volgens hom gaan ’n afdeling binne die provinsiale tesourie voortaan die munisipaliteite bystaan om hulle geldsake te bestuur. Hy het egter beklemtoon dat hierdie stap nie beteken dat die provinsiale regering die munisipaliteite “oorneem“ nie. Hulle sal wel “bygestaan“ en “gemonitor“ word.

Лобановский Харьков

Die DRK se ?nasionale trots?

Kongolese kernreaktor

Daar is net ’n dunnerige doringdraad rondom Afrika se eerste kernreaktor, wat tans stadig en ongebruik in Kinshasa agteruitgaan. Verlede week het internasionale deskundiges weereens hulle kommer uitgespreek oor veiligheidsmaatreëls by die Kinshasa Streeksentrum vir Kernnavorsing (KSN) wat oor die reaktor toesig hou.

Hierdie nuwe waarskuwing word vervat in ’n verslag wat voorts meld dat die KSN se uraanstawe, wat destyds deur die VSA verskaf is, genoegsaam verryk is om in ’n kernwapen of ’n sogenaamde “dirty bomb” gebruik te word. Dié verslag is opgestel deur die Belgiese senator Alain Destexhe. Destexhe het ’n beroep gedoen op die Demokratiese Republiek van die Kongo (DRK) om eerder die reaktor tot niet te maak. Die laaste inspeksie van die Internasionale Atoomenergie-agentskap in 2004 het aangetoon dat slegs 10% van internasionaal erkende veiligheidsmaatreëls hier toegepas word.

Volgens die senator se verslag word die skakel vir die reaktor net deur ’n plastiekdoppie beskerm en word uraanstawe met ’n visstok in en uit die reaktor getel. Die beheerkamer is verder heeltemal verouderd. Radio-aktiewe afval word in ’n onbewaakte geboutjie gestoor. Die afval is “in transito“, aangesien die permanente stoorarea nog gebou moet word.

Werknemers van die KSN voel egter dat die reaktor behou moet word en dat dit van nut kan wees in verskeie navorsingsprojekte. “Hierdie reaktor is ons nasionale trots. Dit is ’n absoluut noodsaaklike instrument vir mediese, kern en landbounavorsingsdoeleindes,” meen Leopold Makoko, die waarnemende hoof van die DRK se atoomenergie-agentskap. Volgens hom word die terrein korrek afgesper. “Die reaktor is wel al vir ’n aantal jare gesluit, maar dit is in ’n baie goeie toestand.“

Die Triga Mark 11-reaktor is agter twee glasdeure en sewe meter onder die grond gebou. Die oorspronklike reaktor is in 1958 gebou en is in 1972 met die huidige een vervang. Dit is bekend dat uraan uit die DRK destyds in die sogenaamde Manhattan-projek gebruik is om die wêreld se eerste kernbom te vervaardig, wat Hirosjima op 6 Augustus 1945 vernietig het.

Die DRK word al dekades lank daarvan beskuldig dat die land se natuurlik verrykte uraan óf verkoop word, óf nie behoorlik beveilig word nie. Meer as 90% van die land se mineraaluitvoere, wat uraan insluit, geskied nie deur amptelike kanale nie. Net verlede maand is twee beamptes van die KNS oor onwettige uraanverkope gearresteer.

Johannesburg moet regmaak vir bevolkingsverskuiwing ? Mbeki

Woonstelgebou in Johannesburg

Thabo Mbeki, die ANC-president, het enkele dae gelede tydens ’n sogenaamde “imbizo” in Braamfontein, Johannesburg, gesê dat dié stad hom moet regmaak vir nog baie nuwe intrekkers “van elders in die land”.

“Dit is iets wat ons in ag moet neem en al die ander kwessies van menslike vestiging,” het hy gesê. Volgens Mbeki is dit nodig om te begroot “teen hoër koerse as gewoonlik” in stede soos Johannesburg, maar ook Kaapstad en Durban waarheen groot getalle mense stroom.

Amos Masondo, die ANC-burgemeester vir Johannesburg, het aan Mbeki gesê dat die bevolking van dié stad met 3,5% per jaar groei weens instroming van elders in die land en vanuit die res van Afrika.

Volgens die ANC-premier van die Gauteng-provinsie, Sam Shilowa, sal daar voor 2009 120 000 huise gebou word om nuwe aankomelinge te akkomodeer. Volgens die munisipaliteit woon daar reeds 100 000 mense in agterplaasgehuggies en in geboue wat oorgeneem is en nie meer dienste of huur invorder nie.

казино online

Demokrasie in Nigeri

Verkiesing in Nigeri?

Inwoners van Nigerië se 36 state het verlede week staatsgoewerneursverkiesings gehou, ter voorbereiding van die presidensiële verkiesing wat hierdie naweek gaan plaasvind. Die verkiesing is gekenmerk deur onluste, diefstal van stembriefhouers, brandstigting en het tot die dood van ten minste 21 mense gelei. Verwarring oor stemlyste en stembriefies wat in sekere dele van die land nie beskikbaar was nie, het verdere chaos tot gevolg gehad.

Die regering het honderde polisiemanne oor die land ontplooi om wet en orde te probeer handhaaf. Openbare byeenkomste is verder verbied, om meer geweld te verhoed.

Die komende verkiesing van hierdie naweek sal die eerste keer sedert 1960 wees dat ’n wettig verkose president (Olusegun Obasanjo) deur ’n ander wettig verkose leier vervang word, ná dekades van militêre diktatorskap. Vir die meeste van die 140 miljoen inwoners van hierdie Wes-Afrikaland het weinig egter verander sedert Obasanjo in 1999 aan bewind gekom het.

Van Obasanjo se beloftes om korrupsie uit te roei en die 20 miljard Britse pond wat die land jaarliks uit petrol te verdien beter te benut, het nie veel gekom nie. Hy het wel ’n klompie IMF-hervormings deurgevoer en regeringsbesteding ietwat ingekort, wat daartoe gelei het dat Nigerië uitstel ontvang het van die lande aan wie hy enorme bedrae geld skuld. Verder word Nigerië deesdae geklassifiseer as een die groep van sogenaamde “Next 11” lande, wat na verwagting Indië en China se voorbeeld van ekonomiese welvaart gaan volg.

Umara Yar-Adua

Die president het ’n spesiale taakspan aangewys om die korrupsiekultuur in die land te beveg, maar volgens beamptes van hierdie span word daar jaarliks steeds tot 40% van die land se inkomste uit petrol verduister.

Die kandidate vir hierdie naweek se presidensiële verkiesing onderskei hulleself egter nie in hulle ywer om korrupsie uit te roei nie. Die gunsteling om by Obasanjo oor te neem, is die 55-jarige staatsgoewerneur Umaru Yar-Adua, die uitgaande president se keuse. Een van sy belangrikste teëstanders is vise-president Atiku Abubakar, wat pas gediskwalifiseer is om aan die verkiesing deel te neem, as gevolg van korrupsie-aanklagte. Abubakar meen egter dit is president Obasanjo wat self die klagtes georkestreer het, nadat die twee onlangs ’n uitval gehad het. Die gewilde voormalige militêre diktator Muhammadu Buhari staan ook ’n goeie kans om hierdie naweek te wen.

инструментов арсенал Александр Фильчаков

Spioen in Ka?ro vasgetrek

Abdel Megied Mahmoed

Egiptiese owerhede het Dinsdag bevestig dat ‘n spioenasienetwerk wat deur Israel bedryf is, oopgevlek is. ‘n Egiptiese ingenieur, ‘n Ier en ‘n Japanner was daarby betrokke, volgens ‘n justisiewoordvoerder.

Die prokureur-generaal, Abdel Megied Mahmoed, het die aankondiging van die inhegtenisname van die Egiptiese burger gedoen en bygevoeg dat die twee ander verdagtes ontsnap het.

Mohammed Sayyed Saber, 35 jaar oud, word daarvan aangekla dat hy inligting aan die Mossad, die Israelse inligtingsdiens, verkoop het. Dié inligting behels “die verskillende aktiwiteite” van die Kernkragkommissie van Egipte.

Die prokureur-generaal het ook bevestig dat die aangeklaagde reeds skuld op die aanklag beken het. Mahmoed, werknemer by die Kommissie, het tussen Februarie 2006 en Februarie 2007 blykbaar vertroulike inligting aan die Mossad verkoop vir die bedrag van 17 000 dollar.

Egipte het in September verlede jaar aangekondig dat hy sy kernprogram sal hervat, nadat dit vir 20 jaar opgeskort was. Dié land beoog om ten minste een kernsentrale teen 2020 in werking te kan hê.

Die verdagte is op 18 Februarie in hegtenis geneem op die lughawe van Kaïro nadat hy teruggekeer het van Hong Kong. Hy het daarna die Ier as Brian Peter en die Japanner as Shiro Aizo geïdentifiseer, volgens die prokureur-generaal.

Mahmoed is in 2005 in Hong Kong deur die Ier en Japanner genader en versoek om inligting aangaande die werksaamhede van die Egiptiese Kernkragkommissie aan hulle te verskaf.

Daarna het Mahmoed verslae uit die navorsingsentrum van Inchass, die Kommissie se kantore waar hy werksaam was, laat verdwyn. Die Prokureur vir Staatsekuriteit, Hicham Badaoui, wat ook teenwoordig was by die perskonferensie, het dit bevestig.

Die ambassades van Ierland en Japan in Kaïro was gister nog nie bewus van die inhegtenisname nie en kon geen inligting aangaande hul landsgenote bevestig of ontken nie.

Israel het by monde van hul diplomatieke verteenwoordiger die bestaan van ‘n spioenasienetwerk ten sterkste ontken. Mark Regev, Israelse buitelandse woordvoerder, het gesê dat daar dikwels sulke verhale sonder bewyse in die Egiptiese hoofstad opduik.

Benny Sharoni het namens die Israelse ambassade gesê dat sy missie niks anders weet as wat in die pers verskyn het nie en dat die Egiptiese owerhede nog geen amptelike korrespondensie betreffende die saak aan Israel gerig het nie.

Egipte was in die tagtigerjare op die punt om ‘n kernkragsentrale van 1 000 megawatt in Dabaa, oos van Alexandrië, op te rig toe die ontploffing in Tsjernobil in 1986 die projek op die lange baan geskuif het.

Intussen het Egipte voortgegaan met navorsing op die gebied van verrykte uraan en in 1997 het ‘n 22 megawatt-reaktor noord van Kaïro die lig gesien. Die reaktor voorsien geen elektrisiteit nie en is slegs op die ontleding van kernkrag gemik. Dit is met die hulp van die Argentynse liggaam INVAP opgerig.

Zimbabwe vier 27 jaar oehoeroe sonder petrol, maar met Mugabe

Robert Mugabe

Zimbabwe vier vandag Woensdag 18 April sy 27ste jaar van onafhanklikheid van Brittanje te midde van ekonomiese ineenstorting en toenemende politieke spanninge wat die gebeurtenis van enige luister ontneem.

Die veteraanpresident, Robert Mugabe, wat sedert 1980 in die voormalige Rhodesië aan bewind is, sal vandag die hooftoespraak lewer by die Harare-sokkerstadium waar die aanvanklike onafhanklikheidsvieringe destyds gehou is terwyl kleiner byeenkomste in provinsiale hoofstede regoor die land gehou sal word.

“Dié man gaan binnekort aftree en wil ’n laaste stoot aan Zimbabwe gee,” het Mugabe aan honderde skoolkinders en onderwysers wat van uitgesoekte skole af byeengebring is, gesê.

Mugabe, wat op 83 Afrika se oudste leier is, het ook sy plaaslike teenstanders as “boosdoeners wat hier as sy (Blair) se verteenwoordigers optree” beskryf en wat deel is van ’n veldtog om “Zimbabwe weer ’n kolonie te maak”.

’n Onlangse klopjag teen die opposisie-“Beweging vir Demokratiese Verandering”, wat die inhegtenisname en aanranding van sy leier Morgan Tsvangirai ingesluit het, het tot hernieude kritiek vanuit die Weste gelei wat sanksies op Mugabe en sy onmiddellike kliek toegepas het ná bewerings dat hy die 2002-verkiesing gemanipuleer het.

Die Suid-Afrikaanse president, Thabo Mbeki, is deur sy mede-staatshoofde in die streek gevra om as tussenganger tussen die heersende ZANU-PF-party en die MDC op te tree te midde van vrese oor die gevolge van die ekonomiese krisis in Zimbabwe waar 80 persent van mense sonder werk is en inflasie uithaal om 2000 persent te bereik.

Die ekonoom in Harare, Victor Zirebgwa, meen dat min mense waarskynlik gaan feesvier in die lig van die enorme probleme waaronder hulle tans gebuk gaan.

“Wat is daar om te vier? Mense kry swaar vanweë die ekonomiese en politieke krisis,” sê hy.“Ons hoop net vir ’n wonderwerk om te gebeur, maar ons weet nie wanneer dit gaan kom nie.”

Maar die Hoofsweep van die regering, Rugare Gumbo, meen onafhanklikheidsdag behoort steeds ’n bron van trots te wees en behoort ’n geleentheid te bied om die dae van slegs blankes-regering onder die bewind van die toentertydse eerste minister Ian Smith in herinnering te roep.

“Ons is nou baas in ons eie land. Dis jammer dat mense onafhanklikheidsdag verpolitiseer,” het Gumbo aan AFP gesê. “Nou het ons bewegingsvryheid, godsdiensvryheid, vryheid om te assosieer, onder andere. In die verlede is swartes nie eens toegelaat om in die middestad te loop nie.”

Boervrou met tuinvurk vermoor

In nog ‘n plaasmoord, is die 55-jarige Susan Bristow eergister met ‘n tuinvurk op haar plaas naby Louis Trichardt vermoor. Volgens ‘n polisiewoordvoerder op die dorp is haar lyk in ‘n watertenk gevind met steekwonde van die tuinvurk.

Bristow het blykbaar Sondagaand hulp probeer ontbied oor ‘n burgerbandradio. Wie op haar hulpkreet gereageer het, is nie bekend nie.

Haar hond is insgelyks met die tuinvurk van kant gemaak.

Die dagblad Beeld berig dat die gemeenskap in die Witvlag-gebied waar die moord plaasgevind het, geweldig geskok is. “Dit is ‘n baie, baie wrede moord, ons almal is erg geskok,” het mnr. Tobie van den Heever, voorsitter van die Witvlag-plaaswag, gister gesê.

Nietemin is dit die eerste plaasaanval in dié gebied vanjaar. Sowel op die dorp van Louis Trichardt as in die distrik word ‘n dorps- en plaaswagte bedryf ten einde sulke voorvalle te voorkom.

Sover die polisie kon vasstel, is niks gesteel nie en geen arrestasies het nog plaasgevind nie.

Cosatu los vir Zuma

Jacob Zuma

Leiers van die Kongres van Suid-Afrikaanse Vakbonde (Cosatu) eis dat die federasie sy steun vir Jacob Zuma as hul voorkeurkandidaat vir die ANC-presidentskap laat vaar, berig die Sunday Times.

Zuma se kandidatuur is bespreek by ‘n vurige sentrale bestuursvergadering wat by die federasie se Johannesburgse hoofkantoor van 26 tot 28 Februarie gehou is.

Cosatu-leiers wat die vergadering bygewoon het, sê dat die meeste dagbestuurslede hul bedenkinge oor steun vir die korrupsiebeskuldigde uitgespreek het.

“Stel u ‘n situasie voor waar ons ‘n ANC-president het wat die meeste van sy tyd in hofsake deurbring,” het ‘n Cosatu-amptenaar vandeesweek gesê.

Volgens Cosatu-leiers het dié houding na vore gekom vanweë “ernstige oorweging dat Zuma op aanklagte van korrupsie verhoor mag word teen Desember as die ANC se nasionale konferensie in Pietersburg, Limpopo, plaasvind.

Cosatu se Sekretaris-generaal, Zwelinzima Vavi, is meegedeel dat “die werkers” nooit ‘n formele besluit geneem het om Zuma vir die ANC-presidentskap te ondersteun nie, maar hom eerder gesteun het teenoor die oënskynlike misbruik van staatsmag.

In die onlangse maande het die Nasionale Vervolgingsgesag sy voorneme om voort te gaan met ‘n klag van korrupsie teen Zuma duidelik gemaak deur in howe aansoek te doen om toegang tot dokument wat Zuma by korrupsie mag betrek.

Volgens senior Cosatu-amptenare het Vavi aan die dagbestuur verklaar dat hy nooit gesê het dat Zuma die volgende president behoort te wees nie, aldus die Sunday Times.

Vavi het ook verlede week tydens ‘n onderhoud met dieselfde koerant gesê dat Cosatu nie ‘n besluit geneem het oor wie vir die ANC-presidentskap gesteun moet word nie.

In die binnekringe van die vakverbond word gesê dat Vavi, wat twee jaar gelede beweer het dat ‘n Zuma-presidentskap ‘n “onkeerbare tsoenami” was, se ommekeer voortspruit uit die dagbestuursvergadering.

Dit verteenwoordig ‘n slag vir Zuma se presidensiële ambisies want Vavi en ander Cosatu-leiers was tot dusver op die voorpunt van diegene wat sy presidentskap bevorder, tesame met die ANC-jeugliga en die SA Kommunisteparty, meen die koerant.

Volgens Cosatu-leiers het Vavi aan die komitee voorgestel dat die federasie ‘n alternatiewe kandidaat behoort te oorweeg.

Daar is toenemende druk op Cosatu om amptelike steun aan die ANC se sekretaris-generaal, Kgalema Motlanthe, toe te sê.

Cosatu se sekretaris-generaal in Kwazulu-Natal, Zet Luzipho, het gesê dat die federasie nog nie besluit het wie om te steun nie.

Die sentrale komitee is ‘n breër liggaam as die dagbestuur en sluit leiers in die laer range in.

Die inhoud van die vergadering word as streng vertroulik beskou, aldus die Sunday Times.

цена

China se “Olimpiese Volksmoordspele”

Terwyl Mbeki homself tuis voordoen as die vredemaker in Darfoer nadat die AU se vredesmag AMIS skouspelagtig daar misluk het, het Hollywood nou die knoop deurgehaak.

Aanduidings is dat Soedan bereid sal wees om na die volle implementering van die VN-plan te kyk sodat bykomende soldate kan toetree in Darfoer in die uitvoering van ’n internasionale vredesopdrag.

Die reis van die Chinese hoë gesant Zhai Joen na Soedan onlangs en sy besoek aan drie vlugtelingkampe het wenkbroue laat lig omdat die Volksrepubliek nie graag in Afrikalande se binnelandse kwessies inmeng nie ten spyte van China se uitgebreide olie- en sakebelange in Soedan. Tot dusver was China nie besorg oor die dodetal in dié deel van Soedan nie.

Mia Farrow, bekende aktrise, het deur haar volgehoue aktivisme egter daarin geslaag om die menseslagting in Darfoer teen die komende Olimpiese Spele in Beijing in 2008 af te speel, ’n teer punt in Beijing. Farrow, ook ’n ambassadeur vir die VN se Kinderfonds, het deurentyd na die Spele as die “Genocide Olympics” verwys nadat ’n mediaveldtog ’n maand gelede afgeskop het.

Sy het druk op korporatiewe borge asook mede-Hollywoodbekende Steven Spielberg – ’n artistieke adviseur vir die Chinese regering – uitgeoefen om China in die openbaar oor Darfoer aan te vat. In ’n artikel in die Wall Street Journal van 28 Maart 2007 waarsku Farrow vir Spielberg dat hy in die geskiedenisboeke die “Leni Riefenstahl van die Beijing-spele” kan word as hy nie dadelik optree nie.

Riefenstahl word steeds onthou vir haar uiters geslaagde Nazi-propagandafilms.

Dit was skynbaar ’n voltreffer. Enkele dae later is ’n brief aan Hu Jintao gestuur waarin Spielberg die Chinese regering soebat om hul invloed te laat geld in Soedan “om ’n einde aan die menslike lyding daar” te maak.

Talle groepe wil graag sien dat die Spele geboikot word, maar nie eens Tibet-aktiviste kan met dieselfde sukses spog nie. Me. Farrow is na berig word ekstaties oor die Chinese besluit. Mnr. Spielberg het op sy beurt laat weet dat hy bewus was van die toestand in Darfoer maar eers onlangs verneem het van China se betrokkenheid daarby.

Mnr. Zhai het aangekondig dat hy hoop Soedan buigsaam sal wees in hul taksering van die kwessie in Darfoer. China het daarop aangedring dat Darfoer nie tydens besprekings oor die Spele op die agenda moet verskyn nie. Desnieteenstaande het China nog geen aanduiding gegee dat hulle sanksies teen Kartoem sal oorweeg nie.

’n Groot horlosie is reeds op Tianmenplein aangebring om die minute tot die Spele af te tel en Olimpiese koors loop oral in China hoog. Die motto van die Spele is “One World, One Dream”.

вихревой насос