Reserwebank ‘behoort rentekoerse af te bring’, s? eiendomsmaatskappy

ImageDie Suid-Afrikaanse reserwebank behoort die uitleenkoers met 'n volle 100 basispunte te verlaag wanneer die monetêre beleidskomitee in Februarie vergader, het die JAB-genoteerde Colliers Internasionaal Woensdag gesê.

"Indien die reserwebank die rentekoers net 100 basispunte verlaag wanneer hulle op 11 Februarie vergader, sal dit die uitwerking hê om die mark vir huiskopers te stimuleer. Dit sal die beste nuus in jare wees vir huiskopers," het Brian Falconer, die uitvoerende direkteur van die maatskappy se residensiële afdeling gesê.

Indien die reserwebank die rentekoers in Februarie met 100 basispunte verlaag sal dit 'n daling van amper R1 000 per maand in verbandbetalings wees op 'n verband van 'n miljoen rand, het Falconer gesê.

Die uitleenkoers, dit is die rentekoers waarteen die reserwebank geld aan kommersiële banke leen, het op 'n hoogtepunt van 12% gedraai in Augustus voordat dit met 50 basispunte in Desember verlaag is.

Dit is nou op 11,5% met die primakoers op 15%.

"Die verlaging met amper 50% van die petrolprys en 'n skerp daling in inflasie, behalwe vir voedselinflasie het aan die bank al die nodige redes gegee om 'n merkbare verskil te maak aan die rentekoers," het Falconer gesê.

"Ander lande in ontwikkelende markte, soos Australië en Thailand, het rentekoerse aggressief verminder, en nou is dit die beste moontlike skuif vir die plaaslike ekonomie."

интернет магазины детских игрушекtopcargo отзыв

Swartman verkrag 16-jarige in Johannesburg, vra om verskoning

'n 29-jarige swartman is Woensdag gearresteer in Johannesburg vir die beweerde verkragting van 'n 16-jarige meisie, het polisie gesê.

Kaptein John Maluleka het gesê die man het na bewering die meisie Dinsdag verkrag by die Manhattan-woonstelle op die hoek van Plein- en King Georgestrate omstreeks elfuur die oggend.

"Volgens die meisie het die man haar om verskoning gevra nadat hy haar verkrag het, en aan haar gesê het dat hy 'n kondoom aangehad het. Hy het haar R30,00-omkoopgeld aangebied om stil te bly. Ons het die kondoom gevind en dit gestuur vir forensiese toetse," het Maluleka gesê.

Die man wat van verkragting aangekla gaan word behoort na verwagting Vrydag in die Johannesburgse landdroshof te verskyn.

ігри для дєвачекФильчаков прокурор харькова

DA-webwerf van lyn af weens rekenaarwurm

Die Demokratiese Alliansie se webwerf is vir die laaste week al van lyn af en sal waarskynlik so bly, vanweë 'n "wurm" wat geplant is deur 'n onbekende Suid-Amerikaanse kraker.

Pogings om die werf te besoek laat 'n boodskap vertoon wat sê dat dit werf nie aanlyn is nie, "nadat dit deur 'n kraker gekompromitteer is".

Die DA-direkteur vir verhoudingsbestuur, Anthony Hazel, het Vrydag aan SAPA gesê dat 'n tydelike "mini-webwerf" binne 'n week op en in werkende toestand sal wees, en dat 'n nuwe kraakbestande webwerf teen Oktober vanjaar weer in werking sal wees.

Op vrae of die party die verantwoordelike persone kon opspoor, het hy gesê dat dit duur kos om die krakers se spoor te volg, aangesien hulle hul spore goed uitgevee het.

DA-woordvoerder, Lindiwe Mazibuko, het gesê dat iemand die rekenaarwurm etlike maande terug in die rekenaarstelsel geplant het, en "elke keer wat ons die probleem herstel, dupliseer die wurm homself weer".

"Ons het dit opgevolg tot êrens in Suid-Amerika."

'n Wurm is 'n program, of algoritme wat homself dupliseer binne 'n rekenaarnetwerk en al die bronne binne die sisteem opgebruik. 

free online bonus no depositДанильченко Харьков

Ontsnapte gevangene weer aangekeer

'n Verhoorafwagtende gevangene wat ontsnap het van die selle in Port St. Johns se landroshof is weer gearresteer in die Godini-woongebied, het Oos-Kaapse polisie Dinsdag gesê.

Kaptein Zamukulungisa Jozana het gesê die 26 jarige man is gearresteer by sy wegkruipplek gedurende 'n polisieklopjag in die woongebied teen drieuur die middag.

Hy het op 1 Desember verlede jaar saam met 5 ander uit wettige aanhouding ontsnap.

"Die 6 verhoorafwagtende gevangenes het 'n polisiebeampte oorweldig en sy dienspistool, 'n Z88 en 14 rondtes ammunisie gesteel," het Jozana gesê.

Vyf van die gevangenes is gedurende Desember weer gevang naby Umthathat Ultra City.

Voor die ontsnapping het gevangenes gewag vir verhore op klagte van moord, gewapende roof en kaping. 

fruit warpДанильченео

Irene Mall vir ‘n derde keer beroof

Image'n Gewapende bende van 14 mans het die Irene Farm Village Mall Dinsdag  in die vroeë ure van die dag beroof van skoene, klere en parfuum, het Pretoriase polisie gesê.

Die arrogansie van die rowers demonstreer hoë vlakke van selfvertroue, wat 'n direkte gevolg is van die ANK-regering se onvermoë om misdaad uit te roei, het die ACDP gesê.

Hoewel die sentrum redelik nuut is, is dit voorheen reeds twee keer tydens besigheidsure beroof, het ACDP-raadslid AnneMarie Sparg Dinsdag in 'n verklaring gesê.

"Dit is dié tipe chroniese misdaadaktiwiteit wat beleggers ongelukkig maak en lei tot die sluiting van besighede en die aflegging van werkers, met 'n gevolglike verhoging in werkloosheid," het sy gesê.

Polisiewoordvoerder Aveline Hardaker het gesê die rowers het in 'n konvooi van bakkies en sedanmotors na die sentrum gery, en ingery deur een van die vele ingangshekke, waar hulle langs 'n sekuriteitswag gestop het.

"Vier gewapende mans het uit die voertuig geklim en  gewere op die wag gerig, waarna hy beveel is om te gaan lê," het sy gesê.

Die rowers het toe nog 'n wag nader geroep wat in die omgewing was en beide wagte beveel om hulle na die winkels te begelei.

Daar het sommige van die rowers die venster van 'n winkel gebreek en klere en skoene gesteel. Sommige van die ander rowers het die deur van 'n winkel langsaan gebreek en die plek deursoek.

Die bende het die twee wagte beveel om te help om die buit na die voertuie te dra.

'n Derde wag het in die sentrum ingery toe die rowers weggery het, waarna hulle op hom begin skiet het.

"Een van die rowers het hom van agter verras en sy vuurwapen van hom afgeneem," het Hardaker gesê.  

swarovski crystal bridalФільчаков Олександр Васильович

ANC-leiers bevestig eie regsaksie om Zuma te red

Image

Jacob Zuma

Die ANK se nasionale werkskomitee het hulle voorberei om "heeltemal betrokke" te raak by die korrupsiesaak teen ANK-president Jacob Zuma, het 'n woordvoerder Dinsdag gesê.

"Ons beoog om ten volle betrokke te raak. Die ANK het die siening dat hy betrokke sal raak by die regsopsies van die resident. Die situasie van die president raak die ANK," het woordvoerder Carl Niehaus gesê.

Op vrae van hoe die ANK betrokke sou raak in die bedrog en korrupsiesaak, het Carl Niehaus geantwoord: "Die res van dit word net spekulasie. Ons kyk steeds na ons opsies met die regsadviseurs."

Die nasionale werkskomitee het Maandag 'n vergadering gehou om verskeie sake te bespreek, insluitend die hangende saak teen hulle presidentskandidaat vir vanjaar.

"Die gesprekke was nie werklik enige iets wat nie in die loop van die laaste week gesê is nie… ons gaan by die regsproses aansluit en het ons regslui opdrag gegee en oorweeg ons opsies," het Niehaus gesê.

Verlede week het die appèlhof uitspraak gelewer in die guns van die nasionale vervolgingsgesag, en gevolglik die klagte van korrupsie, bedrog, geldwassery en afpersing teen Zuma weer ingestel.

Sy regsopsies sluit nou in 'n appèl in die konstitusionele hof en 'n aansoek dat die klagte teen hom permanent teruggetrek kan word.

iron man 2лобановский александр

Rwandese troepe steek Kongolese grens oor om Hoetoe-milisie te beveg

Image

Rebellesoldate in die Kongo

Meer as 1500 Rwandese soldate het die grens oorgesteek na die oostelike Kongo toe, en hulle aangesluit by die Kongolese magte in 'n poging om die Hoetoe-rebelle wat deelgeneem het aan die 1994 volksmoord in Rwanda uit te wis, het amptenare gesê.

'n Kongolese regeringswoordvoerder, Lambert Mende, het gesê die Rwandese magte het Dinsdagoggend aangekom vir 'n gesamentlike militêre operasie wat tot 15 dae kan duur.

"Ons het gevra dat die Rwandese weermag deelneem aan die ontwapeningsoperasie teen die Hoetoe-milisie, wat reeds begin het," het Mende gesê.

In 'n rare voorkoms van samewerking, skerp die twee nasies pogings op teen die Hoetoe-milisie wat reeds geruime tyd die streek gedestabiliseer het. Ten spyte daarvan was nie een van die lande in staat daartoe om die Hoetoe-rebelle  wat reeds in 1994 na die Kongo toe gevlug het, uit te wis nie.

Die Hoetoe-rebele, wat gehelp het om die volksmoord te pleeg waarin meer as 500 000 etniese Toetsies en gematigde Hoetoes vermoor is, het onaangeraak in die Kongo gebly, waar hulle swaar bewapen is en ook in beheer verkeer van die winsgewende myne in afgeleë heuwels en woude.

Die Hoetoe-milisie het burgerlike mense geterroriseer, aan Toetsierebelle 'n rede gegee om aan te hou veg en ook veroorsaak dat Rwanda die Kongo in 1996 en 1998 binnegeval het.

Die VN-sending in die Kongo het gesê hulle is nie betrokke by die operasie nie, maar het bevestig dat dit voortgaan. Die VN-vredesmagte se woordvoerder, lt.kol. Jean-Paul Dietrich, het gesê tussen 1500 en 2000 Rwandese soldate het die grens oorgesteek. 

одежда для младенцевлобановский александр дочь

SAL-bemanning aangekeer weens 50 kg dagga

Die vlieënier en hele bemanning van 'n SAL-vliegtuig is Dinsdag gearresteer nadat 50 kilogram dagga op 'n vlug van Johannesburg na Londen se Heathrow-lughawe gevind is, het doeanebeamptes gesê.

Die dwelms, wat sowat 150 000 pond werd is, is deur beamptes van die Britse grensagentskap (BGA) gevind, het 'n woordvoerder vir haar majesteit se inkomste en doeane diens (HMID) gesê.

Die dwelms is gevind in drie stukke bagasie. Die mense wat gearresteer is op die vliegtuig, wat om 8:00 op Londen se hooflughawe geland het, sluit in die vlugbemanning en kajuitbemanning het hy gesê.

"Toe die bemanning deur 'n doeaneklaringspunt beweeg het, het BGA-amptenare 'n hoeveelheid dagga in drie tasse gevind," het woordvoerder Bob Gaiger aan AFP gesê.

Die hele bemanning van die vliegtuig is gearresteer en word nou in aanhouding gehou en ondervra deur  HMID," het hy bygevoeg, en bevestig dat die vlieënier ook een van die aangehoudenes is.

"Onderhoude sal gevoer word en sal waarskynlik oorloop na môre toe, waarna ons sal besluit of ons enige iemand sal aankla, of van die mense sal vrylaat, op borgtog indien nodig," het hy gesê.

Geen verdere besonderhede is beskikbaar nie, maar die woordvoerder het beklemtoon hoe ernstig die Britse doeanediens sulke dinge opneem.

"HMID, tesame met die BGA speel 'n belangrike rol in die stryd om onwettige dwelms te verhoed om die land in te kom, en om ons gemeenskappe te beskerm teen die geweld en korrupsie wat altyd dié afstootlike handel vergesel," het hy gesê. 

расширительный бачок на отоплениеФільчаков прокурор

Finansi?le vrese laat aandele in Asi? tuimel

Asiese aandele het Woensdag in vroeë handel gedaal nadat Wallstraat ook gedaal het, waar finansiële vrese die hoop oorskadu het dat president barack Obama vinnig sal beweeg om die sukkelende ekonomie te onderskraag.

Beleggers was bekommerd oor die probleme van banke wat sukkel in Amerika en Europa, wat verdere hulp gaan benodig of dalk selfs genasionaliseer sal moet word, wat verdere druk op regerings se finansies sal plaas.

Aandele het gedaal "oor toenemende kommer oor die solvensie van banke in die ontwikkelde wêreld, en veral in Amerika," het Dariusz Kowalczyk, hoofbeleggingstrateeg by SJS Markets in Hong Kong gesê.

"Die bloedbad was die resultaat van 'n kombinasie van negatiewe verdiensteaankondigings en afgraderings in vooruitsigte deur makelaars, wat die feit beklemtoon het dat bankverliese in die toekoms die skatting ver gaan verbysteek," het hy bygevoeg.

Met geen Obama-herstel oornag op Wall Straat nie, het Tokio 1,93% gedaal teen middagete, terwyl Hong Kong 3,3% gedaal het. Seoel het 3,5% gedaal en Sjanghai 1,2%.

Aandele het 2,0% gedaal in Singapoer, waar die regering gesê het dat die ekonomie 16,9% gekrimp het in die 4de kwartaal, in die ergste vertoning nog in die geskiedenis.

освобождение от физкультуры купитьДанильченко

Obama soek streeksbondgenote om Afghanistan te stabiliseer

Image

Clinton, die VSA se nuwe buitelandse minister

President Barack Obama lyk ingestel daarop om 'n streeksdiplomatieke strategie te volg, sowel as 'n militêre, om Afghanistan en Pakistan te verhoed om nuwe veilige hawens vir teen-Amerikaanse militante te word.

Ten spyte van sy planne om nog duisende soldate na Afghanistan te stuur om stabiliteit te probeer verseker, blyk dit dat die Obama-administrasie na die advies van kenners luister en daarvan bewus is dat 'n militêre oplossing op die lang termyn nie moontlik is nie.

Hillary Clinton, Obama se keuse vir minister van buitelandse sake, het verlede week nagelaat om 'n militêre oorwinning te noem.

Clinton, wat voor 'n senaatbevestigingsverhoor verskyn het, het in die plek daarvan gepraat van die "toepassing van 'n breë strategie in Afghanistan, wat bedreigings teen ons veiligheid verminder en die vooruitsigte op stabiliteit en vrede verhoog".

"Ons sal al die elemente in ons mag gebruik – diplomasie, ontwikkeling en verdediging – om saam met daardie mense in Afghanistan en Pakistan te werk wat Al Kaida, die Taliban en ander geweldaddige ekstremiste wil uitwis," het Clinton gesê.

Oorblyfsels van die Taliban-regering, wat in die Amerikaans geleide inval in 2001 omvergegooi is om Al Kaida-militante uit te dryf, voer nou 'n insurgensie teen die Amerikaans ondersteunde regering van die Afghaanse president Hamid Karzai.

Daar is omtrent 70 000 Amerikaanse en ander buitelandse soldate in die land wat sy aan sy veg met Afghaanse veiligheidsmagte om die Taliban te onderdruk.

Clinton het die nodigheid van breër ondersteuning erken, en het ook gesê dat sy bemoedig is deur die feit dat die nuwe Pakistanse regering verstaan dat die ekstremiste binnelande stabiliteit bedreig, en dat "dit hulle eie geveg is, en nie net ons s'n nie".

Clinton het opmerkings van generaal David Petraeus, uitgaande president Bush se bevelvoerder vir die streek, sowel as senators en ander mense beaam met haar stelling dat lande in dié gebied aan boord gebring moet word vir 'n oplossing.

'n Oplossing vereis 'n streeksbenadering… wat insluit Pakistan, Indië, die sentraal-Asiese state en selfs Sjina en Rusland, dalk selfs saam met Iran op een punt vorentoe," het Petraeus gesê. 

керамические коронкиtopcargo отзывы сотрудников