'n Air India-vlug wat na Moembaai op pad was, moes halfpad na Goa omdraai toe die slapende vlieëniers deur lugbeheer wakker gemaak is.
Omtrent 100 passasiers was aan boord van die vlug wat lugbeheer uiteindelik moes bel om die vlieëniers wakker te maak, wat toe die vliegtuig omgedraai het.
Mugabe het gister weereens daarop aangedring dat die verkiesing sou voortgaan soos dit beplan is.
Morgan Tsvangirai se naam is steeds op die stembrief vir die uitklopverkiesing in weerwil van sy onttrekking.
Die SAOG-boodskap het egter nie Tsvangirai se oproep aan Afrikaleiers om 'n oorgangsregering aan te vra, gesteun nie.
Die VSA gaan Pjongjang van sy lys van staatsondersteunde terrorisme afhaal.
Die land gaan nie enige inligting oor sy uraanverrykingsprogram bekendmaak nie, maar sal goed gedokumenteerde besonderderhede oor plutonium-gebaseerde stowwe en fasiliteite verskaf.
Suid-Korea het bevestig dat die verklaring oorhandig is.
Washington sal nou oor die volgende ses weke die verklaring verifieer.
Die petrolprys kan volgende week weer styg. Dit kan tot 80c per liter duurder kos en die wurggreep op die ekonomie verhewig.
Die gemiddelde onderverhaling op die prys van petrol was gister 73,5 sent.
Die adjunkdirekter-generaal van minerale en energie, Nhlanhla Gumede, het tydens ’n mediakonferensie gesê dat die groothandelaars se winsgrens noodgedwonge verhoog moes word.
Die regering wil geld belê in die nodige infrastruktuur om brandstoflewering te kan verseker, veral met die oog op 2010.
Die Vryheidsfront Plus het sy skok en afkeer uitgespreek oor die optrede van die Johannesburgse Metropolisie (JMPD) gister waar die Metropolisie-lede in ‘n poging om te staak, hulleself gewend het tot misdadige optrede deur hoofpaaie in Johannesburg wederregtelik af te sper. Dit het uiteindelik gelei tot ‘n skermutseling tussen die JMPD en SAPD.
Hierdie optrede kom minder as ‘n week nadat adv. Anton Alberts, Vryheidsfront Plus-raadslid in die Johannesburg Metroraad, die gedrag, toegewydheid en opleiding van die Metropolisie in die raadsvergadering van 19 Junie 2008 gekritiseer het. LBK Phakathi het tydens die vergadering aggressief gereageer op adv. Alberts se kritiek en hom daarvan beskuldig dat hy nie weet wat die werklike stand van sake is nie. Hy het verder adv. Alberts daarop gewys dat die Johannesburgse Metropolisie hierdie jaar ‘n prys gewen het vir die beste polisie-eenheid in die land. “LBK Phakathi kon eenvoudig nie glo dat ek dit waag om die JMPD te kritiseer nie”, sê Adv Alberts. “Ek was die enigste stem in die hele raad wat dit gewaag het om die JMPD se swak optrede en opleiding bloot te lê.”
“Nou blyk my kritiek geregverdig te wees, maar in ‘n veel erger omvang as waarvan ek kon droom”, adv. Alberts gesê. “Hoe is dit moontlik dat twee polisie-eenhede in ‘n skietgeveg met mekaar betrokke kan raak? Hoe vêr het die JMPD se opleiding, dissipline en selftrots gedaal om tot op hierdie plek te kom? Dit is duidelik dat Johannesburg terug is in die ou dae van die Wilde Weste waar die geweer die reg is en geregtigheid nie bestaan nie”, het adv. Alberts verder kommentaar gelewer.
Volgens hom sal die enigste oplossing wees om alle JMPD-lede wat deelgeneem het aan die staking summier te ontslaan. Diegene wat hulle skuldig gemaak het aan onwettige optrede, moet gearresteer word. Die enigste oplossing is om nou voorbeelde te maak van diegene wat veronderstel is om die publiek te beskerm.
Omtrent die helfte van alle huisverbande vir swartes en Spaanssprekendes is subprima, teenoor omtrent een sesde vir blankes.
Die ergste huisprysinsinkings het in oorwegend gekleurde stede soos Las Vegas, Miami, Phoenix en Los Angeles plaasgevind.
Of huiseienaarskap werklik spanning verminder, is nie seker nie.
In die South Central woongebied van Los Angeles, waar die 1992-rasseonluste uitgebreek het, was vyf uit agt wonings deur hul eienaars bewoon.
Dr. Peter Hotez, 'n deskundige by die Washington-universiteit in die VSA, sê siektes wat deur wurms en parasiete veroorsaak word, is besig om die gesondheid en energie van swart Amerikaners te dreineer.
Malaria wat met mynwurm en pellagra, 'n vitaminetekort, gepaard gaan, het 'n generasie van anemiese, swak en onproduktiewe kinders en volwassenes geproduseer, sê Hotez.
Parasietsiektes het tans 'n soortgelyke uitwerking.
Toksokariase, 'n rondewurmparasiet wat deur honde-ontlasting oorgedra word, het tot 2,8 miljoen arm swart kinders in die middestede van suidelike Amerika besmet.
Hotez noem die gebrek aan behandeling vir sulke siektes 'n onbedoelde vorm van rassisme.
In Suid-Afrika beskik die Xhosa-bevolking in die Ooskaap oor die hoogste koers van lintwurmbesmetting.
Een van die magtigste evangeliese groepe in die VSA, Focus on the Family, gaan nie in die komende verkiesing vir die Republikeinse Party stem nie.
In Colorado Springs, die sentrum van die evangeliese beweging, is daar min McCain-ondersteuners.
Anders as Bush, verwys McCain min na sy persoonlike geloof.
Sekere van Barack Obama se raadgewers glo nou dat hulle vele evangeliese kiesers kan oorhaal wat vir Bush gestem het aangesien vele kerke nou nie-Republikeinse kwessies soos armoede, vigs en omgewingsbewustheid omhels het.
Lugrederye staar geweldige uitdagings in die gesig met die stygende brandstofkoste.
IATA het verlede maand gesê dat brandstofpryse 'n verlies van R18,4 miljard vir lugrederye gaan veroorsaak.
Dié beraming is gegrond op 'n ou ru-olieprys van $106 per vat Brent-ruolie.
Amerika se sewe grootste rederye het reeds bedryfsverliese in die eerste kwartaal aangekondig.
Drie uit die vier besigheidsklasspesialisrederye het reeds bankrot gespeel en 'n kommerwekkende 25 rederye het reeds oor die afgelope ses maande hul deure gesluit.
Nelson Mandela het Koningin Elizabeth II van Engeland vertel dat sy jonger lyk toe sy hom gister by Buckinghampaleis verwelkom het.Mandela is in Londen vir 'n reuse negentigste verjaardagpartytjie in Hydepark wat môre gehou word.
Koningin Elizbeth en Mandela het al verskeie kere ontmoet en deel 'n warm vrienskap.
Koningin Elizabeth het geglimlag en gesê dat die mooi weer in Engeland spesiaal vir hom gereël is.
Die voormalige Robbeneilandgevangene is deur sy vrou, Graca Machel, vergesel.
