Die hofsaak geskied teen die privaatveiligheidsfirma CACI International en twee van sy ondervraers, Daniel Johnson en Tim Dugan, asook die vertalingsagentskap L-3 (voorheen Titan Corp) en hul tolk, Abel Nakhla, het die mans se regsverteenwoordiger gesê.
Hulle klag sou gister by howe in Maryland, Ohio en Washington ingedien word – die Amerikaanse deelstate waar die beweerde folteraars woon – asook in Michigan waar L-3 die meeste van sy tolke in diens geneem het.
'n Blanke boere-egpaar is in Zimbabwe aangeval en beseer. Hulle is Sondag deur swaar gewapende mans van hul plaas in die Chegutu-distrik ontvoer.
Al drie is na 'n indoktrinasiekamp geneem waar hulle met moord gedreig is indien hulle nie 'n dokument onderteken wat 'n hofaansoek terugtrek wat verband hou met 'n grondeis op hul eiendom nie.
Die Verenigde State is van plan om die VN aan te spoor tot meer omvattende sanksies teen Zimbabwe.
Die VSA het 'n VN-resolusie opgetrek wat 'n algehele wapenboikot teen die regering van Robert Mugabe instel.
Dit doen voorts 'n beroep op die internasionale gemeenskap om die bates van spesifieke Zimbabwiese persone en maatskappye te bevries.
'n Algehele reisverbod teen lede van die Mugabe-regime word ook in die vooruitsig gestel.
Wêreldoliepryse het vanmore deur die vlak van $142 beweeg.
Kommer oor die aanbod en die swak Amerikaanse dollar is besig om toe te neem.
Die Brent-kontantprys het insgelyks Vrydag 'n nuwe rekord van $142,97 behaal.
Volgens ontleders is die weerstandsvlak op $140 nou gebreek en kan dit in die nabye toekoms nóg hoër styg.
Terwyl die meeste streeks- en internasionale leiers hoogs krities is oor Thabo Mbeki se bemiddelingspogings in Zimbabwe, is daar een merkwaardige uitsondering. Robert Mugabe het Mbeki kwistig lof toegeswaai nadat die Zimbabwiese president die eenpartyverkiesing oor die naweek gewen het.Hy sê Zimbabwe skuld Mbeki baie vir sy pogings om vrede en harmonie in Zimbabwe te bevorder. Mugabe se teenstaander, Tsvangirai, het onttrek van die verkiesing weens wydverspreide verkiesingsgeweld.
Sy naam het egter steeds op die stembriefie gepryk wat pogings om Mugabe te striem bemoeilik.
In 'n TV-onderhoud het afgetrede aartsbiskop, Desmond Tutu, by Mugabe gepleit om uit te tree ter wille van sy land en Afrika.
Die MDC het 'n versoek aan die Afrika-Unie gerig om Mugabe toegang tot 'n AU-spitsberaad te weier. Die party se vise-president, Thokozani Khupe, sê dit sal verkeerd wees van die AU om Mugabe te verwelkom na alles wat hy gedoen het.
Sy sê die AU-leiers weet presies wat Mugabe voor en tydens die presidensiële uitklopverkiesing gedoen het. Leiers van die AU vergader tans in die Egiptiese vakansieoord van Sjarm-el-sjeg.
Khupe sê sy het vrugbare samesprekings met Afrika-leiers oor die situasie in Zimbabwe gevoer.
Jens Lehmann, die veteraan- Duitse sokkerdoelwagter het gesê dat sy span in 'n toestand van skok verkeer nadat hulle Sondag se Euro 2008-finaal met 0-1 verloor het.
Duitse spelers sê dat die groot teleurstelling eers gaan kom ná die aanvanklike skok waarin hulle tans verkeer.
Dis die eerste keer dat Spanje die Europese titel verower sedert 1964 en hul eeste eindwedstryd sedert 1984.
Die Duitse verdediger Philip Lahm, wat dit vir Torres moontlik gemaak het om die wendoel aan te teken, het gesê dat Duitsland te veel foute gemaak het.
Dit is regstreeks in stryd met 'n kabinetsvoorskrif van 2002 wat vereis dat alle nasionale en provinsiale departemente kwalifikasies moet nagaan.
IN 2005 is 'n beroep op al 29 nasionale en provinsiale departemente gedoen om 'n waarmerkoudit van huidige staatdienswerknemers se kwalifikasies te onderneem.
Sestien vervalste kwalifikasies is gedurende die waarmerkproses deur die nege departemente ontbloot.
Die meeste G8-lande is ver agter sover dit hul beloftes van verhoogde hulp aan Afrika by Gleneagles betref.
In 'n konsepcommuniqué wat deur die Londense Financial Times verkry is en wat by die Juliespitsberaad in Japan uitgereik gaan word, bly die G8 in gebreke om hul teiken te noem.
Dié stap kan 'n verleentheid vir Japan wees wat van ondersteuning aan Afrika 'n tema van die spitsberaad gemaak het.
Die Japannese eerste minister, Jasoeo Foekoeda, het onlangs 'n verdubbeling van hulp aan Afrika teen 2013 aangekondig.
Agt Afrikaleiers is veronderstel om die G8-beraad op 7 Julie by te woon.
Duisende gewapende Inkatha-vryheidspartyondersteuners het Saterdag in Johannesburg teen die stelselmatige vernietiging van hul kulturele identiteit en geskiedenis betoog.
Omtrent 6 000 IVP-jeugbrigadelede het die middestadverkeer by die Gauteng-wetgewer ontwrig.
Soortgelyke opmarse is onlangs in Durban gehou waar die IVP Mbeki daarvan beskuldig het dat hy Mangosuthu Buthelezi se nalatenskap met naamsveranderings wou verwoes.
Die naamsverandering is die voorgestelde Griffits Mxenge-snelweg in plaas van Mangosuthu-snelweg in Umlazi.
Die optog deur 10 000 IVP-ondersteuners het Durban verlede maand tot stilstand gebring.
Nuus het uitgelek dat 'n briljante lugtaktikus, Aviam Sela, in die geheim met die Israelse Eerste Minister Ehud Ohlmert ontmoet hetSela was die meesterbrein agter Operasie Opera toe Israel 'n langafstandaanval op Irak se Osirak-kernreaktor in 1981 geloods het.
Op die vooraand van die Paasfees vroeër vanjaar het Olmert gesweer dat Iran nooit 'n kernmoonheid sou word nie.
Die adjunk-premier van Isreal, Shaul Mofaz, het vroeër vandeesmaand gesê dat Israel geen ander keuse sou hê as om Iran aan te val nie.
