Nuus Archives - Page 1444 of 1583

Midde-Oosterse lugrederye floreer

Emirates het so pas nog 'n jumbostraler by sy vloot gevoeg. Dié keer is dit die wêreld se grooste vliegtuig, die Airbus A380-superjumbo.

Terwyl die lugnywerheid met 'n enorme krisis sukkel, is die magsbalans besig om na die olieryke Midde-Ooste te verskuif.

Lugrederye van American Airlines tot Thai Airway International reageer op hoë oliepryse deur poste te verminder, roetes terug te snoei en vliegtuie uit diens te stel.

Maar Midde-Oosterse rederye brei so vinnig as hulle kan uit.

Emirates het sedert 2002 sy bestelling van die aanvanklike sewe superjumbo's met meer as agt vermenigvuldig.

Die plan is om plekke soos Afrika met China, of Rusland met Suid-Afrika te verbind.

Die nuwe passasiersvliegtuig spog met 76 besigheidsklasbeddens, 'n dekoratiewe waterval en twee spastorte vir eersteklaspassasiers.

Beijing sukkel met lugbesoedeling

Beijing sukkel om die rookmis in die aanloop tot die Olimpiese spele te beperk.

Die owerheid sal meer fabrieke sluit, asook die aantal motors verder verminder en alle boubedrywigheid staak.

As daar baie ongunstige weersomstandighede kom, sal daar noodmaatreëls getref word, het amptenare belowe.

Ná twee dae van verbetering in die lug, was die Chinese hoofstad weereens gister in 'n dik laag rookmis gehul.

Beijing verduur skerp kritiek van atlete en omgewingsgroepe weens die swak luggehalte in die stad.
Olimpiese organiseerders het gewaarsku dat uithounommers soos marathons uitgestel of gekanselleer kan word indien besoedelingsvlakke te hoog is.

‘Lugmag stort in duie’

SALM-Gripen D, maar gaan hy ooit vlieg?

Die minister van Verdediging, mnr. Mosiuoa Lekota, sê die Lugmag het die afgelope drie en ‘n half jaar 91 vegvlieëniers en 822 tegnici verloor. Tans beskik die Lugmag net oor twintig operasionele vegvlieëniers. Dit is in antwoord op ‘n vraag van mnr. Pieter Groenewald van die Vryheidsfront Plus in die parlement.

“Dit is duidelik dat die Lugmag besig is om in duie te stort. Behalwe die kommer oor die vlieëniers is die werklike krisis die groot aantal tegnici wat verloor is. Sonder tegnici kan vliegtuie nie onderhou en gevlieg word nie. Dit is ook een van die groot redes hoekom die Cheetah-vegvliegtuie vier jaar vroeër finaal uitgefaseer is. Hierdie situasie maak Suid-Afrika kwesbaar teen ander Afrika-lande soos Zimbabwe”, sê mnr. Pieter Groenewald (LP), hoofwoordvoerder van Verdediging vir die Vryheidsfront Plus.

“Minister Lekota erken in sy antwoord dat swak salarisse en die persepsie dat blankes beperkte loopbaanvooruitsigte in die Lugmag het, van die hoofredes is hoekom lede die Lugmag verlaat het. Die Vryheidsfront Plus het Lekota sedert 2005 gewaarsku dat regstellende aksie en ‘n beperkte begroting gaan veroorsaak dat die Lugmag leegloop. Lekota maai nou wat hy gesaai het”, het Groenewald gesê.

Van die bestaande twintig operasionele vlieëniers is 17 blanke mans, een blanke vrou en twee swart mans. Die Lugmag lei ook tans 123 leerling-vlieëniers op. In 2005 het die minister ook op ‘n vraag van Groenewald in die parlement gesê, die Lugmag lei 131 leerling-vlieëniers op. Ten spyte hiervan is daar slegs 20 operasionele vegvlieëniers. Volgens die antwoord van die minister is die trekpleister na ander lande minder misdaad, verlengde loopbane, onmiddellike burgerskap en verbeterde lewensstandaarde.

Dronk regter kan nie spel nie

Sy edele regter Motata

Regter Nkola Motata wat tans teregstaan op 'n klag van dronkbestuur, kan nie behoorlik spel nie. Dit het gister aan die lig gekom toe sy handgeskrewe nota aan mnr. Richard Baird as bewysstuk in die Johannesburgse streekhof toegelaat is.

Onder andere spel Motata Transvaal met twee l'e en hy kan nie die Engelse woord vir afdeling korrek skryf nie. Ook sy identiteitsnommer het foute bevat.

Motata het in die muur van mnr. Richard Baird vasgery. Baird het in die hof getuig dat sy eerste woorde aan die polisie was: "Ek het 'n dronkie in my muur."

Volgens Baird was sy edele Motata vas aan die slaap agter die stuurwiel toe hy ondersoek gaan instel het. Die saak duur vandag voort met Baird wat sy getuienis hervat.

палатка купити

Onverbonde lande steun Iran se kernprogram

Meer as 100 nasies wat aan die onverbonde beweging behoort, het Iran se reg op die vreedsame gebruik van kernkrag ondersteun.

Die onderskraging versterk Teheran se hand in sy weiering om gehoor te gee aan 'n VN-Veiligheidsraadresolusie wat vereis dat die land alle uraanverryking staak.

Die hoogste Iranese leier Ajatolla Ali Khameinei het hom daartoe verbind om sy land se kernprogram voort te sit. Iran se hoofverteenwoordiger by die Internasionale Atoomenergie-agentskap het ook gesê dat sy land nie sy kernaktwiteit, verryking inkluis, gaan staak nie.

Die Onverbonde beweging bestaan uit sulke uiteenlopende lese soos kommunistiese Kuba, Jamaika en Indië, maar meeste lede deel 'n vyandige houding jeens die VSA en die ontwikkelde wêreld oor die algemeen.

детский велосипед

Senegal verleng sy presidensi?le termyn

Abdoulaye Wade

Die Senegalese parlement het gister 'n nuwe wet aanvaar wat die presidensiële termyn van vyf tot sewe jaar verleng.

Die bepaling sal nie op die huidige president, Abdoulaye Wade, van toepassing wees nie, maar op die volgende president.

Betogers buite die parlementsgebou wat teen die verlenging gekant is, is deur die polisie uiteengejaag.

Wade het in die jaar 2000 in die Wes-Afrikaanse land aan bewind gekom.

Hy is verlede jaar onder 'n nuwe grondwet herkies vir 'n tweede en finale vyfjaartermyn wat in 2012 ten einde loop.

Kritici beskuldig die tagtigjarige Wade daarvan dat hy toenemend outoritêr raak.

Aardbewing laat Kaliforni?rs sidder

Suidelike Kalifornië is gister deur 'n aardbewing van 5,4 op die Richterskaal geskud. Dit het 50 km oos van Los Angeles teen 'n diepte van 12 km plaasgevind, het die Amerikaanse geologiese opnamekantoor gesê.

Miljoene mense van Los Angeles tot in San Diego het die seismiese skokke gevoel.

Geen ernstige beserings of skade is na afloop van die aardbewing aangemeld nie.

Geboue oral in die streek het geskud en geswaai, en vele kantore is ontruim.

Die aardbewing is deur 27 geringe naskokke gevolg wat toeriste in Disneyland en inwoners so ver oos as Las Vegas op hol gejaag het.

Die goewerneur van Kalifornië, Arnold Schwarzenegger, sê die streek is baie gelukkig om aan 'n grootskaalse ramp te ontkom.

Фильчаков

Senior polisieman gevang met ID’s en bestuurslisensies

'n Senior lid van Durban se metropolisie verkeer tans op verlengde borgtog en sy verhoordatum is op Oktober in die Durbanse streekhof gestel.

Hy staan tereg op 'n aanklag van korrupsie omdat hy na bewering omkoopgeld aanvaar het om spoed- en ander boetes te kanselleer.

Meganathan "Dees" Govender is ook aan korrupsie skuldig bevind tydens 'n interne dissiplinêre verhoor.

Govender is verlede jaar in Julie tuis in hegtenis geneem, nadat kartondose vol identiteitsdokumente en bestuurslisensie na bewering in sy besit gevind is.

Die paneel wat by die interne verhoor betrokke was, sê hy kan afgedank word of 'n waarskuwing ontvang.

bad wolfe topcargo отзыв

Clinton nie hoog op Obama se lys nie

Hillary Clinton

Senator Hillary Rodham Clinton het dit gedurende die nominasiestryd duidelik gemaak dat sy belangstel om Obama se medekandidaat te word vir die presidentsverkiesing.

Maar die getuienis neem toe dat Obama se belangstelling in haar heelwat getaan het.

Obama het Sondag tydens 'n onderhoud met NBC gesê dat sy visepresidentskandidaat iemand moet wees wat nie sterk met Washington verbind word nie.

Dit sluit Clinton blykbaar uit.

Clinton het onlangs aan haar kollegas vertel dat sy meen daar is slegs 'n geringe moontlikheid dat Obama haar gaan kies.

China se internet bars uit sy nate

China se groeiende internetbevolking het dié van die VSA verbygesteek om die wêreld se grootste te word.

Daar is 253 miljoen mense aanlyn ondanks regeringsbeheer oor internetgebruik in China.

Dit verteenwoordig 'n 56-persenttoename van 'n jaar gelede, het die China-

internetnetwerkinligtingsentrum gesê.

Daar is meer ruimte vir groei ook, aangesien die gedeelte van die Chinese publiek wat die internet gebruik net 19,1 persent is.

Die Verenigde State het 'n beraamde 223,1 miljoen internetgebruikers en die aanlynpenetrasie staan op 71 persent.

Die kommunistiese regering moedig internetgebruik vir sake en onderwys aan maar poog om toegang tot pornorgrafiese of ondermynende webwerwe te blokkeer.

фонарь прожектор