Kategorie: Nuus

Swart olimpiese naelloper se dogter doodgeskiet

Die dogter van die swart Amerikaanse Olimpiese naelloper, Tyson Gay, is tydens ‘n skietery tussen swartes in Lexington, in die Amerikaanse staat, Kentucky, doodgeskiet.

Die polisie sê Trinity Gay is in die nek gewond toe twee motors met swart insittendes op mekaar geskiet het in die parkeerarea van ‘n kitskosrestaurant.

Volgens RSG het die “motors” op mekaar geskiet. Kennelik wil die SABC nie graag die ras van die insittendes bekend maak nie.

Die tiener is by die hospitaal dood verklaar. Die polisie het die een motor opgespoor en twee swart verdagtes word vir ondervraging aangehou. Die soektog na die tweede motor duur steeds voort.

Trinity was in haar tweede jaar by die Lafayette Hoërskool waar haar pa ook ‘n naelloper was. Sy was die vierde generasie van ‘n familie van naellopers en het verlede jaar vierde geëindig in die 100 meter-eindronde in die staat.

Terwyl die Demokrate teen wit polisiebeamptes uitvaar en wapenbeheer wil instel, het moorde op wittes gepleeg deur swartes, in die VSA toegeneem.

In Chicago, waar streng wapenbeheer geld, is minstens 19 swartes geskiet en ses noodlottig gewond van Vrydagaand tot Saterdagoggend in soortgelyke verbyry-vuurgevegte as waartydens die tiener in Lexington omgekom het.

Daar heers chaos en bloedvergieting in die stad wat 2016 een van die dodelikste jare in Chicago se geskiedenis sal maak, waarin kinders en onskuldige inwoners dikwels met hul lewens boet.

DNA Info berig dat Cook County Staat se Prokureur Anita Alvarez verwag dat Chicago se moordsyfer 700 teen die einde van die jaar gaan haal.

“Wit” misdaadsatistiek in die VSA sluit Spaanssprekendes, Arabiere en Indiërs in, terwyl Afro-Amerikaners as “swart” getel word. Byna twee keer soveel blankes word deur swartes dood gemaak as anders om.

Twintig oproermakers van UV kry borg

Regter Loyiso Mzana het die 20 studente van die Universiteit van die Vrystaat (UV) wat vir die onwettige byeenkoms op die Bloemfontein-kampus in hegtenis geneem is, Vrydag gewaarsku om weg te bly van onwettige protes.

Die studente is vrygelaat op gratis borgtog met voorwaardes.

Die voorwaardes sluit in dat hulle by die hof op elke hofdatum moet aanmeld, en nie ‘n ander misdryf pleeg tot dan nie. Hulle moet hul regsverteenwoordiger in kennis te stel indien hulle die Bloemfontein-area verlaat.

Die verdediging het aangevoer dat die beskuldigdes vrygelaat moet word op gratis borgtog omdat hulle nog studente is met geen vorm van inkomste is nie.

Hulle moet weer in die hof wees op 3 November.

Meeste klasse hervat Maandag by universiteite

Die Universiteit van Pretoria en die Tshwane Universiteit van Tegnologie sal na verwagting Maandag hul akademiese program hevat.

Swart rewolusionêres, meestal druipelinge, en veiligheidswagte het verlede week by die TUT slaags geraak uit protes teen die orde wat die instelling probeer herstel. ‘n Aantal oproeriges is in hegtenis geneem nadat hulle in die middestad van Pretoria betoog het.

Voorlopige aanbevelings van ‘n “klasgeldkommissie”, wat deur president Jacob Zuma in die lewe geroep is, word volgende maand verwag en sal na verwagting sy werksaamhede Maandag hervat.

Alhoewel die rewolusionêres voorgee dat die onluste verband hou met klasgelde, is dit ‘n gerieflike verskoning vir ‘n politieke opstand wat deur Zuma se vyande aangeblaas word met ongeveer 5% van die sogenaamde “studente” wat tersiêre onderrig gekaap het.

Weens die gapende gebrek aan leierskap van die Universiteit van die Witwatersrand se Adam Habib, het swart rewolusionêres die universiteit weer uitgedaag en die aandklokreël verontagsaam. Habib is die rewolusionêres telkens ter wille.

Die universiteit het die klokreël Vrydag ingestel wat bepaal dat studente van tienuur saans tot sesuur soggens nie buite koshuise mag wees nie.

Groepies rewolusionêres het egter buite koshuise saamgedrom, begin dreunsing en geweier om die vereistes van die klokreël na te kom. Daarna het hulle paaie probeer versper. Die polisie het met rubberkoeëls die oproeriges uiteengejaag. Rewolusionêres en die polisie het kort-kort slaags geraak.

By die Universiteit van Kaapstad sal klasse ook na verwagting vandag hervat word. Klasse is geskeduleer om teen die tweede van aanstaande maand klaar te maak, waarna die eindeksamen op die sewende sal begin.

Dit volg na die opskorting van klasse oor die voortslepende onluste die afgelope paar weke.

Die Universiteit van Wes-Kaapland se bestuur en personeel hou “samesprekings met studenteorganisasies” terwyl die Kaapse Skiereiland Universiteit van Tegnologie sy administratiewe bedrywighede na die Wingfield millitêre basis in Goodwood verskuif het om ontwrigting tot die minimum te beperk.

Geboue is verlede week aan die brand gesteek deur die rewolusionêre voorhoede en veiligheidswagte is in een van die brandende geboue toegesluit.

By die Universiteit Stellenbosch gaan klasse normaal voort.

Die Universiteit van die Vrystaat het intussen ‘n reddingsplan aangekondig sodat studente die 2016 akademiese jaar kan voltooi.

Die Bloemfontein- en Suid-kampus sal van 28 Oktober sluit alhoewel die universiteit nie vir die res van 2016 sal sluit nie.

Onderrig sal gedurende November elektronies gelewer word. Op hierdie manier sal geen pogings om die res van die akademiese jaar te ontwrig, studente se akademiese program raak nie, het die UV in ‘n verklaring gesê.

Studente sal egter die eksamen op die kampus aflê.

China sal greep op Thailand versterk na koning se dood

Koning Bhoemibol Adoeljadej (88) van Thailand wat Donderdag oorlede is, se dood sal China se greep op die land versterk.

Die koning was die wêreld se langs regerende monarg wat langer as 70 jaar aan bewind was nadat hy die troon op 9 Junie 1946 bestyg het.

Thailand het tydens sy bewind tien militêre staatsgrepe, die laaste een in Mei 2014, beleef.

Bhoemibol, ‘n figuur van eenheid, se nalatenskap rus op die leier van die mees onlangse staatsgreep, premier Praioeth Tsjanotsja.

Die Thaise premier, wat simpatiek is teenoor China, het aangekondig dat kroonprins Maha Vajiralongkorn (64) die koning sal opvolg.

Bob Dylan wen Nobelprys vir Letterkunde

Die linkse sanger-liedjieskrywer Bob Dylan, gebore Robert Allen Zimmerman, het die Nobelprys vir Letterkunde gewen, die eerste keer dat die toekenning aan iemand toegeken word wat nie in die eerste plek bekend is vir die skryf van boeke nie.

Hoewel hy ‘n roman gepubliseer het in die bewussynstroom-styl, Tarantula, is sy hoofmedium pop- en rockmusiek.

Sara Danius, permanente sekretaris van die Sweedse Akademie, sê Dylan is gekies omdat hy “‘n groot digter in die Engelssprekende tradisie” is.

“Vir nou 54 jaar is hy voortdurend met die skep van ‘n nuwe identiteit besig,” het sy aan verslaggewers in Stockholm gesê.

Dylan het die studenterevolusie en die hippiebeweging in die 1960’s ondersteun, met deur sy bekende liedjie “The times they are a-changin”.

Hy is die tweede Jood wat vanjaar bekroon word. Michael Kosterlitz het ‘n gesamentlike prys ontvang, saam met David Thouless en Duncan Haldane vir fisika.

Ras en rewolusie geniet voorrang hoor Kovsie Stabilis

Die Kovsie Stabilis-groep, hoofsaaklik wit, oorweeg dit om ‘n aansoek by die hoogeregshof in te dien om die Universiteit van die Vrystaat te dwing om klasse op dié universiteit onverpoosd te laat voorgtaan, maar die “verkeerde” ras van die groep is vir swartes klaarblyklik die enigste oorweging om dit te beveg.

Kovsies Stabilis wil hulle beywer vir die stille meerderheid en studente wat wil studeer op die Kovsie-kampus sê die groep wat besorgde ouers, personeel, alumni en belanghebbendes insluit.

Maar swart studente wat glo hoop om hul studies te voltooi wil hulself nie vereenselwig met die groep nie en is gekant teen hul oproep.

Volgens die swart “leergierige” studente op kampus is hierdie groep, wat op Facebook begin het as ‘n stem vir diegene wat teen die huidige onluste op die UV-kampus gekant is, “net besig om verder konflik aan te vuur”.

Kovsie Stabilis het vandeesweek gedreig met regstappe teen die UV om te verseker dat studente hul akademiese jaar voltooi. Hulle wil ook geld terugeis vir diegene wat nie sal kan nie.

Stabilis is die leuse van Grey Kollege, ‘n voorste Vrystaatse skool. Dit is nie bekend of die groep se lede van Grey is nie.

‘n Trustfonds is intussen gestig om die koste van die aansoek te befonds.

Die swartes, wat ook glo ook “hoop dat klasse hervat”, sê egter die Kovsie Stabilis-lede moet hulself in die betogers se skoene plaas om tot ‘n vergelyk te kom, eerder as om “heeltemal teen” die oproeriges te wees.

Kennelik is dit ‘n aandrang dat die onsinnige eise van die onlusmakers op iets anders as rewolusionêre koors berus.

Net 5% van ­Suid-Afrika se studente hou die land se kampusse gyselaar, volgens dr. Dianne Parker, ­adjunk­-direkteur-generaal vir ­universiteite in die ­departement van hoër ­onderwys en opleiding.

Sy het nie in haar toespraak voor lede van die Nasionale ­Vergadering (NV) en ­Nasionale Raad van Provinsies (NRP) se komitees oor hoër ­onderwys genoem dat hulle almal ook swart is nie, alhoewel sy hulle “barbaars” genoem het.

Om die oproeriges nie te na te kom nie, het Parker dit ‘n “aanklag” teen die owerhede genoem, alhoewel sowat 20 verskillende swart oproerige groepe hulself al net by die Universiteit van die Witwatersrand aangemeld het, almal met verskillende eise.

Dit skep ‘n konsultasie-nagmerrie, benewens die feit dat nie een van die groepe ‘n samehangende standpunt nog kon formuleer nie, maar eerder daarin belangstel om ‘n onderhoud met Radio702 toe te staan om sodoende belangrik te kan voel.

Die doelwit van die oproeriges is om die akademiese jaar tot stilstand te dwing, en die land te destabiliseer in die hoop dat hulle polities daarby kan baat.

In Noordwes prut oproer by swart kampusse steeds

Oproer by die Vaal Universiteit vir Tegnologie (VUT) in Vanderbijlpark, het bedaar nadat betogende swart studente en polisiebeamptes Donderdagaand buite dié kampus slaags geraak het.

VUT se woordvoerder, Mike Khuboni, sê personeel het vanoggend opgedaag vir werk en studente woon klasse by.

Khuboni sê hy sal vanoggend terugvoer kry oor die voorval laat gisteraand waartydens studente hand uitgeruk het en polisiebeamptes met klippe bestook het.

Khuboni sê daar was gister woelinge op die kampus.

Sekuriteitsbeamptes moes intree en ‘n kleinerige groep betogers, wat personeellede se geparkeerde motors met klippe beskadig het, is uitmekaar gejaag omstreeks 11:30.

Maar betogers het die polisie en brandweerbeamptes in die vroeë oggendure op die Noordwes Universiteit (NWU) se Mafikeng-kampus met klippe bestook. Die situasie is steeds gespanne.

Streng veiligheidsmaatreëls is in plek en geen klasse word op die Mafikeng-kampus aangebied nie.

‘n Sekuriteitspunt, wat geleë is op die grens van die kampus, is van buite aan die brand gesteek. Betogers het ook verskeie vullisdromme gebrand. NWU-woordvoerder, Louis Jacobs, sê niemand is beseer nie en daar was geen inhegtenisnames nie.

Jacobs sê ‘n besluit om klasse vandag te hervat sal deur die loop van die dag geneem word, soos die situasie ontvou. “Geen finale besluit is geneem om die kampus te sluit nie.”

Die NWU se Potchefstroom- en Vaaldriehoek-kampus gaan soos normaal voort.

Dwelmfabriek op Rustenburg gevind

Dwelms met ter waarde van bykans R8 miljoen is Dinsdag in ‘n dwelmfabriek op ‘n plaas naby Rustenburg gevind, het Noordwes-polisie gesê.

Polisiewoordvoerder, Sabata Mokgwabone, sê die polisie het Dinsdagaand tydens ‘n klopjag omstreeks 23:00 op die plaas by Boons, afgekom.

Hy sê ‘n 54-jarige vrou wat na bewering die dwelmlaboratorium bedryf het, is aangekeer. Mandrax-tablette en chemikalieë wat gebruik word om ander dwelmmiddels te vervaardig is gevind.

Mokgwabone sê die waarde van die dwelms kan moontlike hoër wees as wat voorheen geglo is. ‘n Klag van omkopery word ook teen die vrou ondersoek.

“Toe die polisie by die betrokke plaas aangekom het was die hekke gesluit. Terwyl hulle gewag het dat iemand die hekke kom oopsluit, het hulle twee mans sien weghardloop. Hulle het toe ondersoek gaan instel en ondek dat die plek as dwelmlaboratorium gebruik word. Die eienaar van die plaas is inhegtenis geneem en aangekla vir die oortreding van die Wet op Dwelmmiddels, Wet 140 van 1992,” sê Mokgwabone.

Sy sal na verwagting vandag in die landdroshof op Koster verskyn.

Kaapse Persklub kanselleer Steve-uitnodiging ná linkse geweldsdreigement

Die sanger Steve Hofmeyr is deur die Kaapse Persklub uitgenooi om oor spraakvryheid te kom praat, maar ná geweldsdreigemente uit linkse geledere is die uitnodiging teruggetrek. In ‘n epos wat in PRAAG se besit is, spreek mnr. Donwald Pressly sy spyt uit dat hy die uitnodiging na die funksie, wat môre sou plaasvind, moes terugtrek.

Steve Hofmeyr self het die nuus op Twitter bekendgemaak.

Uit Pressly se epos blyk dit dat linkses gedreig het om ‘n “skokgranaat” na die Persklub te gooi indien Hofmeyr toegelaat sou word om daar – ironies genoeg – oor pers- en spraakvryheid te kom praat. Hy skryf verder aan Steve Hofmeyr:

“Ons is oorval met besware, waaronder ‘n stelling dat ‘n skokgranaat Vrydagoggend na die lokaal gewerp sal word.

“Ons as ‘n komitee glo sterk dat ons ‘n neutrale platform vir alle sienings verskaf, waaronder u s’n, maar ongelukkig was dit nie die siening van ons lede nie.”

Omstrede figure wat reeds by die Kaapse Persklub toegelaat is om te praat, is onder andere Julius Malema en Ronnie Kasrils. Eersgenoemde het reeds male sonder tal in die openbaar geweld en revolusie gepredik, terwyl Kasrils ‘n oortuigde kommunis en terroris is wat voorheen bomme in Suid-Afrikaanse stede gestel het.

VSA het verskoning om toe tree in Jemen na aanval

Amerika sê daar is toenemende aanduidings dat Iran-gesteunde Houthi-rebelle, ondanks ontkennings, vir Sondag se aanval op die Amerikaanse vlootvaartuig ná aan die kus van Jemen, verantwoordelik was.

Die rebelle het oënskynlik klein skuitjies as uitkykposte gebruik om te help om aanduidings vir ’n missielaanval op die oorlogskip te gee, het Reuters berig.

Amerika ondersoek ook die moontlikheid dat ’n radarstasie onder Houthi-beheer in Jemen gebruik is om die posisie van die USS Mason vas te stel en dit aan die rebelle beskikbaar te stel om die aanval te beplan.

Nie een van die twee missiele wat van die Houthi-beheerde gebied afgevuur is, het die USS Mason of die nabygeleë USS Ponce, ’n amfibiese transportdok getref nie.

Die voorval bied nou aan die Amerikaanse weermagoptrede ‘n verskoning om teen Houthi-rebelle in Jemen op te tree.

Die Houthies het tot nou enige rol in die aanval ontken.