Musiek en boeke – praag.co.za

Mimi Coertse sing ‘Heimwee’

Luister na die bekende Afrikaanse lied, “Heimwee”, soos uitgevoer deur Mimi Coertse.

Heimwee

My hart verlang na die stilte
van die wye wuiwende veld
ver van die stadsgeluide
en die klinkende klank van geld

Ek is moeg vir die rustelose lewe
van mense wat kom en gaan
wil terug na die vrye ruimte
waar ‘n siel in woon, wat verstaan

O, ek sien weer die son op die velde
en die ewige blou daarbo
en my hart skiet vol van heimwee
en my drome swem in my oë (x2)

Ek sien weer die ylbloue berge
daar ver oor die westerkim
en wonder nie meer waarom weemoed
so sag uit my liedere klim

Klim na die grys lug bowe
waar die son in die miste kwyn
want o, ek verlang na die velde
na die ewige sonneskyn

Mimi Coertse

Mimi Coertse (1932-), is ‘n Suid-Afrikaanse sopraan. Sy is welbekend vir haar vertolking van Afrikaanse kunsliedere.

Maria Sophia Coertse is op 12 Junie 1932 in Durban, Natal gebore. Sy matrikuleer aan die Hoër Meisieskool Helpmekaar in Johannesburg. In 1949 begin sy haar stemopleiding in Suid-Afrika.[2] In Julie 1953 trou sy met die uitsaaier en komponis, Dawid Engela. Sy verruil Suid-Afrika in September 1953 vir Londen, reis later na Den Haag en uiteindelik na Wene. Sy begin haar opleiding met Maria Hittorff en Josef Witt in Januarie 1954.

Coertse maak haar debuut in Januarie 1955 as die Eerste Blommemeisie in Richard Wagner se Parsifal by die Teatro San Carlo-teater in Napoli, Karl Böhm het begelei. Sy sing ook in Basle by die Teatro San Carlo. Op 17 Maart 1956 maak sy haar debuut by die Weense Staatsopera as die Koningin van die Nag in Die Towerfluit deur Mozart en bly aan by die Weense Staatsopera tot 1978. Haar Covent Garden-debuut was in 1956, in dieselfde rol.[3] Sy het dié rol uiteindelik meer as 500 keer in vier tale (Duits, Engels, Frans en Italiaans) uitgevoer.

In die 1960’s tree sy dikwels ook in ander Europese operasentra op. In 1966 ken die Oostenrykse regering die titel Kämmersangerin aan haar toe.

In 1973 keer sy terug na Suid-Afrika, waar sy gereeld vir die destydse streeksrade optree, terwyl sy tot in 1978 ook nog kontrakverpligtinge in Wene nakom. Sy ‘n gereelde gas op Suid-Afrikaanse verhoë en ook ‘n gereelde uitsaaier op radio en televisie.

In 1996 word sy deur Oostenryk se Bondsministerie vir Wetenskap en Kuns met die goue Österreichisches Ehrenkreuz (Oostenrykse Erekruis, eerste klas) vereer, die hoogste eerbewys wat ’n kunstenaar in dié land kan ontvang. In dieselfde jaar werk het sy die EP The Diva Divine saam met Nataniël uitgereik.[4] In 1998 word ’n eredoktorsgraad van die Universiteit van Pretoria en in 2013 van Unisa aan haar toegeken.

Sy het haarself ook toegespits om jong Suid-Afrikaanse sangers uit te wys en op te lei. In 1998 stig Mimi Coertse en Neels Hansen die Black Tie Ensemble, ‘n ontwikkelingsprojek wat jong, klassiek-opgeleide sangers die geleentheid bied om die gaping tussen hulle opleiding en ‘n professionele optrede te oorbrug.

Vererings en toekennings

1961: Medalje van Eer van Die Suid-Afrikaanse Akademie vir Wetenskap en Kuns.
1966: Die prestige titel van “Kammersängerin” vanaf die Oostenrykse Regering.
1985: Sy ontvang die Dekorasie vir “Meritorious Services” in Suid-Afrika ter erkenning van haar bydrae tot die Kuns.
Augustus 1996: sy ontvang die hoogste eerbewys wat ‘n kunstenaar van die Oostenrykse Regering kan ontvang: die “Oesterreichische Ehrenkreuz für Wissenschaft und Kunst”.
1998: Sy ontvang ‘n D. Phil. van die Universiteit van Pretoria, Suid-Afrika.
2002: Sy ontvang die goue “Rathausmann” vanaf die burgemeester van Wene, Dr. Michael Häupl.
2002: ‘n Ster, voorheen bekend as Sagittarius RA 18h 56m 14,74’s DZ25Vsu0W, is na haar genoem.[5]
2004: Sy behaal ‘n 94ste plek in die SAUK3 se stemming om die 100 grootste Suid-Afrikane van alle tye te bepaal.
2008: Die Mimi Coertse Museum van Afrikaans open by die Huis vir Afrikaanse Poësie (hAp) in Capital Park, Pretoria.
2012: 1 Julie – 30 September: Spesiale uitstalling in die Staatsoperamuseum, Wene: Mimi Coertse, ‘n Weense vrou uit Suid-Afrika.

Repertoire

Behalwe vir haar Afrikaanse kunsliedere het sy onder andere die volgende operas uitgevoer:

Die Towerfluit (Wolfgang Amadeus Mozart) – Koningin van die Nag
Il Seraglio (Wolfgang Amadeus Mozart) – Constance
Ariadne auf Naxos (Richard Strauss) – Najade, later Zerbinetta
Rigoletto]] (Giuseppe Verdi) – Gilda
Les contes d’Hoffmann (Jacques Offenbach) – Olympia, Antonia, Giulietta, Stella
Palestrina (Hans Pfitzner) – die engel
Carmen (Georges Bizet) – Frasquita
Martha (Friedrich von Flotow) – Martha
Mignon (Ambroise Thomas) – Philine
La traviata (Giuseppe Verdi) – Violetta
An Irish Legend (Werner Egk) – vroulike hoofsanger
Unverhofftes Begegnen (Joseph Haydn) – vroulike hoofsanger
I Pagliacci (Ruggiero Leoncavallo) – Nedda
Arabella (Richard Strauss) – Fiaker-Milli
Bastien und Bastienne (Wolfgang Amadeus Mozart) – Bastienne
The Merry Widow (Franz Lehár) – Hanna Glawari
Lucia di Lammermoor (Gaetano Donizetti) – Lucia
Die Fledermaus (Johann Strauss II) – Rosalinde
L’heure espagnole (Maurice Ravel) – Concepcion
Don Giovanni (Wolfgang Amadeus Mozart) – Donna Elvira
La bohème (Giacomo Puccini) – Musetta
Norma (Vincenzo Bellini) – Norma
Così fan tutte (Wolfgang Amadeus Mozart) – Fiordiligi
Falstaff (Giuseppe Verdi) – Mrs. Alice Ford
Turandot (Giacomo Puccini) – Liu, ‘n jong slavin
Angelique (Jacques Ibert) – Angelique
Don Giovanni (Wolfgang Amadeus Mozart) – Donna Anna
Die schweigsame Frau (Richard Strauss) – Aminta, Tímida
Die ägyptische Helena (Richard Strauss) – Aithra
Daphne (Richard Strauss) – Daphne
Don Carlos (Giuseppe Verdi) – Elisabeth von Valois

Bron: Wikipedia.

Sarah Palin se boek verkoop tonne

Die voormalige Republikeinse goewerneur van Alaska, Sarah Palin, se memoires “Going Rogue” het opgeskiet tot die bopunt van die Amerikaanse topverkoperlys, na net die eerste week van publikasie, het bedryfsyfers gister aangetoon.

Amper ‘n halfmiljoen eksemplare van “Going Rogue: An American Life” is verkoop, wat die nuwe rakbrekers van James Patterson en Stephen King geklop het om die besverkopende boek in die land te word, volgens Nielsen BookScan.

Palin het verlede jaar gestaan vir vise-president op John McCain se verloorplatform en word gesien as ‘n potensiële Republikeinse presidensiële aanspraakmaker.

Sy het die outobiografie, wat op die 10de November deur HarperCollins uitgegee is, met ‘n warrel van mediaverskynings en ‘n politieke veldtog-styl boektoer geloods.

Haar verskyning op die Oprah Winfrey Show het oorweldigende belangstelling ontvang, wat tot beide die publisiteit en Oprah se kykersgetalle bygedra het – en selfs in sommige gebiede tot verdubbelde kykgehore bygedra het, sê Nielsen.

Palin se verkiesbaarheid bly steeds onder bespreking, maar in die boekeresies doen sy goed teenoor ander Washington-swaargewigte.

Eerste-week statistieke wys dat “Going Rogue” 469,000 eksemplare verkoop het, ietwat minder as voormalige president, Bill Clinton, se 2004 memoires “My Life” na dieselfde tydperk se verkope, maar net beter as Staatsekretaris Hillary Clinton se 2004 “Living History” .

“Going Rogue” troef die vertoning van President Barack Obama se 2007 se “Audacity of Hope” wat 67,000 eksemplare na publikasie verkoop het.

Ander topverkopers wat hierdie maand binne ‘n week van Palin se outobiografie uitgegee is, sluit “I, Alex Cross” deur Patterson en King se “Under the Dome” in.

HarperCollins het ‘n aanvanklike oplaag van 1,5-miljoen eksemplare aangekondig, dit terwyl Palin met die idee speel om in 2012 te probeer om die Withuis vir die Republikeinse regtervleuel te verower.

Sjina verwerp oproep deur bekende skrywers

Liu Xiaobo

Sjina het Dinsdag 'n oproep verwerp deur prominente internasionale skrywers en akademici om die Sjinese rebel, Liu Xiaobo vry te laat. Die versoek is in 'n brief aan die Sjinese president Hu Jintao gestuur.

"Sjina is 'n land waar wet en orde heers, en die saak sal binne die raamwerk van die reg opgelos word," het die minister van buitelandse sake se woordvoerder Qin Gang aan verslaggewers gesê.

"Sjina staan enige inmenging van buite in sy binnelandse aangeleenthede teen."

Liu is in polisieaanhouding vir die afgelope 15 dae, nadat hy 'n ope brief – Handves 08 – geskryf het waarin hy vra vir demokratiese hervorming in Sjina.

Die Europese Unie en Amerika het reeds kommer uitgespreek oor Liu se aanhouding, maar Sjina het dit afgemaak as inmenging in sy binnelandse aangeleenthede.

Die brief wat aan Hu gestuur is, is geteken deur romanskrywers soos Brittanje se Salman Rushdie en Italië se Unberto Eco, asook Nobelpryswenners wat die Ierse digter Seamus Heaney insluit.

платья

Skryfkursus in Clarens, ‘n ongelooflike lekker ervaring

Dit was met 'n mate van huiwering dat ek die Vrydagoggend my sak gepak het met skryfblok, pen en ander los goed om my te gaan aansluit by die ander mense op die kursus. Daar was soveel vrae, onsekerhede wat in my binneste rondgemaal het, om nie eens te praat van die opgewondenheid oor die interaksie met die ander mense nie.

Dit was die eerste keer dat ek so iets doen, om saam met volslae vreemdelinge in 'n klas te gaan sit en 'n kreatiewe skryfkursus by te woon, maar wat 'n ervaring was dit toe nie. Die huiwering van onbekendheid het vinnig verdamp, en in plek daarvan het 'n kameraderie ontstaan, 'n wonderlike ervaring.

Elkeen het uit 'n ander agtergrond gekom en dit het in die koffiedrinktydjie 'n geselsery van 'n ander wêreld afgegee. Elkeen se drome, wense en verwagtinge was so wyd uiteenlopend, en tog was daar een deurlopende draad: elkeen het die versugting om woorde op papier te pen, om watter doel ook al.

Anne Marie du Preez Bezdrob, die aanbieder, is 'n briljante fasiliteerder. Haar gemaklike manier van gesels en om 'n boodskap oor te dra, het almal vinnig op hul gemak geplaas. Haar ervarings, waarvan 'n mens in Sarajevo Roses, kan lees, gee jou net 'n klein kykie in haar kleurryke lewe, wat jou sommer ook lus maak om berge te probeer versit.

Die kursus het afgeskop met 'n lekker koppie koffie en 'n geselsie, en daar was deur die dag koffie en tee beskikbaar vir dié wat 'n ietsie warms nodig gehad het om kreatiewe denke te stimuleer.

Ek het besluit om die naweek weg te kom van die rekenaar, en hoewel ek die skootrekenaar saamgedra het, het die blikbrein in die sak bly lê terwyl ek weer die ink-op-papier-metode gevolg het. En dit was heel insiggewend. Omdat 'n mens deesdae meestal op 'n rekenaar werk, verroes jou handskrif vinniger as wat jy dink. Met ons eerste oefening het my skrif ongeveer gelyk soos 'n krap wat in ink getrap en homself skeef-skeef oor my bladsye begewe het, maar gelukkig het dit verbeter namate die dag gevorder het.

Die kursus was 'n luide wekroep, want skryf is nie so maklik as wat die meeste mense dink nie – dit behels baie meer as om net woorde neer te pen.

Dit was vir my interessant hoe elkeen se verstand dieselfde stukkie inligting inneem en anders verwerk, so asof elkeen sy of haar eie "kopfliek" sien van dieselfde stukkie inligting. Dit was insiggewend om ná die eerste oefening te hoor watter oorspronklike benadering elkeen gevolg het.

So het die dag aangegaan en, ná 'n lekker tuisgekookte ete (ingesluit by die kursusfooi) het ons weer ingeval.

Iets wat my opgeval het, is hoeveel van jouself 'n mens in jou werk projekteer sonder dat jy eens daarvan bewus is. Dit gebeur heel spontaan en is baie insiggewend. Jy weet dikwels nie wat in jou binneste broei totdat jy begin skryf nie. Ek dink ons het almal baie van onsself en die ander op die kursus geleer, ook uit mekaar se ervarings, belangstellings en avonture.

Wat opvallend was, is hoe goed die kursus gestruktureer was, en hoe gemaklik die aanbieding.

Die volgende dag se oefeninge het intense skryfwerk opgelewer. Mense het diep uit hul harte geskryf en was soms so emosioneel dat hulle nie hul eie werk kon voorlees nie. 'n Paar keer het iemand gesit en snik terwyl iemand anders sy/haar werk probeer voorlees het.

Dit was ontroerend om dinge te hoor wat lank en diep in mense se binneste versteek was.

Aan die einde van die kursus het Anne Marie, wat die slaggate in die skryfbedryf goed ken, vir ons waardevolle raad gegee.

Dit was vir seker twee dae se waardevolle ondervinding wat ons opgedoen het en ek kan die kursus sterk aanbeveel vir mense wat wil skryf. Anne Marie het 'n slag om mense se kreatiwiteit te stimuleer, te laat borrel met interessante gedagtes wat net wag om neergepen te word.

Vir inligting oor die volgende kursusse kan belangstellendes die boekwinkel Bibliophile in Clarens kontak, of Anne Marie du Preez Bezdrob by 082 228 5134.

Die kursus word in die mooi dorpie Clarens aangebied – 'n goeie verskoning om uit die stad se rotresies weg te breek en jouself 'n slag weer te vind.

Kursusgangers moet self reël vir huisvesting by een van die dorp se besprekingskantore.

no deposit casino free Фильчаков

Paul Simon dagvaar horlosiemaker

Paul Simon

Paul Simon wil die verspreider van 'n musikale horlosie dagvaar omdat dié sy liedjie Bridge Over Troubled Water gebruik het.

Die sanger en liedjieskrywer het Rythm in die VSA voor die federale hof van New York gedaag.

Hy sê die maatskappy het nooit sy toestemming gehad om die muurhorlosies wat die beroemde liedjie speel te verkoop nie.

Simon wil 10 miljoen dollar hê van die filiaal van 'n Japannese vervaardiger.

Simon se regspan beweer dat die maatskappy sedert 2003 meer as 40 000 muurhorlosies verkoop het wat Bridge Over Troubled Water speel.

slots game online Фильчаков

Genoeg-CD is ‘n vonds!

Koop nou met u kredietkaart.

So nou en dan kom daar ’n vonds oor jou pad waarvan jy kwalik genoeg kan kry. Die CD wat ek ’n ruk gelede toevallig in ’n musiekwinkel raakgeloop het, is só ’n ontdekking.

Genoeg is genoeg ! heet die album. Daar is ’n prentjie van ’n weegskaal op die omslag. Die skaal trek swaar na onder met die volgende woorde daarop gebalanseer:

Bedrog

Geweld

Misdaad

Korrupsie

Diensverskaffing

Onbevoegdheid

“10 Protesliedjies deur ons land se nuwe stemme,” meld die omslag verder.

Groot was die verrassing toe ek die name van die kunstenaars agterop bekyk. Bekende sangers soos Koos Kombuis, Bok van Blerk, Klopjag en Gian Groen het bydraes gelewer.

Die boodskap in bykans al die liedjies is dieselfde : almal is moeg vir misdaad en korrupsie. Die reënboognasie oortuig nie meer nie. Afrikaners is ontnugterd. Hierdie protesmusiek gaan waarskynlik iewers deur iemand met die Voëlvrybeweging vergelyk word. Die groot verskil is egter dat die kunstenaars van Genoeg is genoeg! nie om verskoning vra nie. Die skuldgevoel is weg en is vervang met ’n strydlustige opstandigheid teen die onreg van die huidige bestel, soms met ’n weemoedige noot daarby.

Abel Kraamsaal het spesiaal ’n snit genaamd B.E.E vir dié CD geskryf – myns insiens een van die treffendste liedjies van die album :

Toe die gravy trein ontspoor

Het ons miljoene verloor

En ons politicians sing steeds voor in die koor…

Bedrieg en vermoor, dis net ons wat bly verloor

Maar daar is iets wat ons kan doen

Teen hierdie knoeiery

Ons moet hande vat en saamstaan,

Teen daai B.E.E…

Omgekeerde rassisme is aan die orde van die dag

Terwyl boere op plase wakker lê in die nag

Vir die eerste keer word die werk van Liezl Op Bladsy 5, Hanru Niemand en die Transkei Cowboys gehoor. Die nuwelinge Glaskas en Foto Na Dans maak ook hulle verskyning.

Daar is verder bydraes deur Snotkop, Zinkplaat, Die Kaalkop Waarheid, Rian Malan, Mallies le Roux, Blouklip, Die Helde en Die Melktert Kommissie.

Sommige van hierdie kunstenaars is nog nie baie bekend nie, maar gaan beslis nog vir hulleself naam maak. Een van die interessantste figure is die sanger Snotkop. Sy regte naam is Francois Henning. Op sy webwerf word sy musiek soos volg beskryf: “Die edgy ‘funk-punk-rock’ album sal jou ma laat regop sit en haar kinders laat toesluit in hulle kamers.”

Henning het in 2000 sy eerste kontrak losgeslaan as “Lekgoa” – die land se eerste wit kwaito- sanger. Hy het vinnig een van die mees gewildste kwaito-sterre in Suid-Afrika geword. Henning en sy ses dansers het dwarsdeur Afrika getoer en voor miljoene aanhangers opgetree. Hy is ook vir beide Sama en Kora All Africa-toekennings genomineer. “Lekgoa” het ’n groot impak gemaak op gehore in Frankryk en London en daar is verskeie internasionale dokumentêre programme oor hom vervaardig. Ná vier jaar as Suid-Afrika se wit kwaito-held het Henning egter besluit dat dit tyd is om eerder in sy moedertaal te sing.

Sy liedjie op die album Genoeg is genoeg! heet Ons gaan dit nie vat nie en is uitdagend strydlustig. Die musiek is natuurlik dié van Twisted Sister:

Ons gaan dit nie vat nie

Nee, ons gaan dit nie vat nie

Ons gaan dit nie vat nie, nee nee nee

Ons het die reg om te veg, ja

En dis die een ding waarvoor ons sal opstaan

Nardus du Plooy en sy Pretoria-gebaseerde groep, Die Kaalkop Waarheid, se liedjie Willem is een van die hoogtepunte van die album.

Willem, hierdie brief wat ek skryf,

Ek bid dat jy dit kry…

Die rassehaat en nyd sê vir my:

Hoeveel keer gaan ek nog probeer

Om my onskuld te bewys?

Hoeveel keer geëtiketteer, ontken, verwyt?

En wanneer kom die vrede?

En wie gaan ons kan help?

En wat was die redes?

Was dit mag? Gesag? Was dit geld? …

Ek hoor ons tyd is nou verby

Vir my was die grootste verrassing op die album die verwerking van Sarie Marais deur Hanru Niemand. Die melankoliese toon van hierdie liedjie bly mens dae lank by.

Niemand het aan die Universiteit van Stellenbosch studeer en woon tans in Bloemfontein. Sy eerste CD heet Tot Stilte. Hy is in 2005 aangewys as ’n beurshouer van die Mandela-Rhodes-stigting en was een van Maties se beste studente.

My Sarie Marais is so ver van my hart

Dalk iewers in ’n sloot

Soos Siembamba se kindjie met sy kop oopgekloof

Ja, dalk is my Sarie dood

O bring my terug na daai ou, ou land

Daar waar my Sarie woon

Waar Siembamba nog speel oor die radio

Daai land was so wonderskoon

Mineurklankies is daar wel. Die vrotsige Afrikaans van sommige kunstenaars (ag nee, Melktert Kommissie) en die swak taalversorging van die Afrikaans op die omslag ("die Afrikaans spreukende jeug“) doen ’n bietjie afbreuk aan die kwaliteit van die produk. En Rian Malan … ja, miskien moet hy hom eerder by joernalistiek bepaal.

Dit bly egter fassinerend om te sien hoe die versetbeweging in Afrikaans stadig maar seker vorm aanneem. Hierdie album is een van die opwindendste manifestasies van die protes in Afrikaanse geledere.

Sorg dat jy ’n eksemplaar bekom! Bestel dit teen R100 by inlig@praag.org of betaal per kredietkaart hier.

Genoeg is genoeg!

Hoezit Music

дизайн отдыха в бане Данильченко Харьков