Menings Archives - Page 76 of 161

Dubbele standaarde oor Clive Derby-Lewis

Die dubbele standaarde wat geld ten opsigte van Clive Derby -Lewis is onaanvaarbaar en reflekteer ernstig op korrektiewe dienste en op die ANC.

Waarom is dit nodig om ’n hofbevel te bekom ten einde te verseker dat Derby-Lewis mediese behandeling in die tronk kry?

Regter Neil Tuchten het gister so ’n bevel toegestaan ten einde te voorkom dat ’n verwaarloosde besering van Derby-Lewis oorgaan in gangreen en hy die risiko loop dat hy sy been kan verloor.

Derby-Lewis, op ouderdom 74, voldoen aan al die vereistes om parool te kry. Die besware teen sy parool van ander politieke partye hou geen water nie.

Derby-Lewis is skuldig bevind aan ’n baie ernstige misdaad, naamlik die moord op Chris Hani. Sy misdaad verskil egter geensins van Robert McBride, van die wit wolf Barend Strydom of van die 22 000 ANC-lede wat voor die Waarheidskommissie nog die eerste keer gesit het, reeds vrygelaat is. Die toets wat by hierdie mense aangelê was, was of hulle ’n politieke misdaad as motief vir die misdaad gehad het. Derby-Lewis het geen ander motief as politiek gehad nie.

Met die Record of Understanding tydens die onderhandelinge in 1993 is ’n verdere 126 ANC-gevangenes, wat baie ernstige misdade soos moord en halssnoermoorde gepleeg het, vrygelaat. Tydens die Waarheidskommissie-proses, wat eers na hierdie vrylatings begin het, is allerlei nuwe hekkies, gebaseer op die Norgard-beginsels aangewend om amnestie aan Derby-Lewis te weier. Hy voldoen aan hierdie Norgard-beginsels en ook aan die normale paroolvoorwaardes wat geld vir nie-politieke gevangenes van sy ouderdom. Tog word parool geweier. Dit is dubbele standaarde wat ongeag die emosie wat met die Hani-moord verband hou, veroordeel moet word.

лобановский политик

Draai die horlosie dertig jaar terug

‘n Afgestofde grappie lui dat die kaptein van ‘n vlug uit die buiteland kort voor die landing op OR Thabo-lughawe die passasiers soos volg inlig: “Ons land binnekort op OR Thabo-lughawe, Suid-Afrika. Draai u horlosies dertig jaar terug, en pas die horlosies en ander besittings goed op tydens u verblyf.”

Word na die politieke toneel in verskeie belangrike lande gekyk, lyk die land wel deeglik uit pas met die jongste verwikkelings.

Oor minder as twee maande gaan die Amerikaners stembus toe en word vir ‘n groot deel van die kongres gestem. Vergelykings word reeds met 1994 getref toe die Republikeine groot winste getoon het, hoewel min mense nou heeltemal dieselfde winste vir die Republikeine, ook bekend as die Grand Old Party, GOP, verwag.

‘n Onlangse peiling het 61 persent van die stemme vir die GOP gegee, en 41 % vir die Demokrate van pres. Barack Obama. Dit is die grootste gaping in 60 jaar. Sedertdien fluktueer die peilings erg.

Die GOP speel Donderdag, 20 September ‘n belangrike troef wanneer die party sy regeeragenda bekend stel. Dit word ‘n kontrak met die mense genoem, en simbolies van die voetsoolvlak-ingesteldheid, word dit op die stoep van ‘n ysterwarewinkel in Sterling, Vancouver, uitgereik.

Die Republikeinse party word grootliks gerugsteun deur ‘n sterk belangegroep, bekend as die Tea Party, wat die afgelope jaar nie net ontstaan het nie, maar massiewe openbare steun trek. Dit het al belangrike demokratiese vestings in tussenverkiesings lat tuimel. Die Tea Party kan breedweg as ‘n konserwatiewe beweging beskou word, en Sarah Palin dien as belangrike vaandeldraer. Dit verseker dat die groeiende Christen-fundamentalistiese beweging bykans eenparig by die Tea Party staan. Die Demokrate se teenvoeter, die Coffee Party, blyk nog grootliks ‘n windeier te wees.

Dié aksie het momentum gekry sedert die verkiesing van pres. Obama, wie se verkiesing as ‘n dertigjarige terugslag beskryf is vir die stryd om aborsies op aanvraag weer verbied te kry. Die euforie vir Obama was destyds so groot dat baie mense wat sterk gekant is teen baie van Obama se standpunte, ook vir hom gestem het. Afgesien van die aborsie-kwessie sluit dit sake in soos die wettiging van gay-huwelike, maar ook kwessie soos die omstrede gesondheidsorg-wetgewing en die koers wat ingeslaan moet word vir ekonomiese herstel. Terselfdertyd bly werkloosheid in die VSA hoog, en armoedesyfers is onder veral die swart en Spaanssprekende bevolking baie hoog – tradisioneel die jagveld van die Demokrate.

Op die meer omvattende skaal dui die verkiesingsuitslae van onder meer België, Nederland en nou ook Swede op ‘n groot swaai na regs. ‘n Anti-Islam-houding is dikwels aanwesig, soos in die VSA, waar Obama se hantering van sake oor Islam-kwessies, soos die voorgenome bou van ‘n Islamitiese sentrum naby Ground Zero, ook stemme laat swaai.

En heel uit pas hiermee handel die debat in Suid-Afrika nou, soos met die ANC se kongres in Durban en die vernaamste opposisiepolitiek, hoe links of ver links die land moet wees, en hoe sosialisties die ekonomie gedryf moet word.

Draai die horlosies dertig jaar terug.

светильники на дом

Die gevare van ‘n de facto-eenpartybedeling

Binne die politieke wetenskap doen ‘n sêding die rondte: “Die demokrasie is ‘n gemors, maar dis die beste gemors wat ons het.”

Dat die oë van die land van vandag af vir die duur van die week op Durban gerig is, is tegelykertyd verstaanbaar en hartseer.

Verstaanbaar, omdat die land se regerende party ‘n belangrike beleidskongres hou, maar hartseer omdat die belangrikheid hiervan bykans alle kenmerke van ‘n de facto eenpartystaat dra. In beginsel kan die land nou, afhangende van watter uiteenlopende denkrigting koning kraai, op koers na ‘n kommunistiese ekonomiese bestel geplaas word.

So ‘n situasie ontstaan wanneer die bevolking se beleids- en selfs regeerkeuses hoofsaaklik binne die regerende party afspeel, en nie tydens verkiesings tussen ‘n veelheid partye soos dit in ‘n grondwetlike demokrasie hoort nie. In Suid-Afrika beteken dit tot ‘n groot mate dat opposisiepartye se rol tot dié van drukgroepe gereduseer word, en waarvan die rol boonop ook gereduseer is omdat die grondwetlike liggame, waarna eens as wigte en teenwigte verwys is, disfunksioneel is of as verlengstukke van die regerende party beskou word.

Ook ander instellings wat veronderstel is om die konsep van veelparty-demokrasie te onderskraag, soos die SABC-raad, se lede word effektief deur die regerende party aangewys.

Voeg hierdie die rol van die Progressive Business Forum wat in effek daarop neerkom dat sakelui wat gedagtes met regeringslui wil wissel, hul hand diep in die sak moet steek vir die voorreg om ministers en selfs hul senior staatsamptenare te kan ontmoet – geld wat in die ANC se verkiesingskoffers gestort word.

Die situasie is verder aangehelp deur ‘n groep opposisielede wat onder die vaandel van “ons sal jul stem wees” ‘n mandaat gekry het om van binne die ANC sekotorale belange te bevorder – en sedertdien ‘n baie stil stem geblyk te wees het. Voeg hierby die aksies van die ANC self om alle stemme binne die sogenaamde “broad church” te ondervang, ‘n uitgesproke doelwit toe mnre. Gwede Mantashe, Darryl Swanepoel en Renier Scoeman kort voor die vorige algemene verkiesing samesprekings met Agri SA se hoofbestuurder, mnr. Hans van der Merwe gevoer het. Nie baie later nie, het beide Agri SA en die TLU SA uit ‘n regeringsgeleide kongres oor landbou gestap waar hoegenaamd nie belanggestel is om na die boere se stem te luister nie, en retoriek as feite opgedis is.

Die oë is ook nog meer op die kongres gerig omdat van die belangrikste demokratiese waarborge, mediavryheid en die reg tot inligting, van vandag af ook formeel onder die valbyl gesleep kan word.

Dat die kiesers die demokrasie faal, skyn nog duideliker te wees deur opnames wat toon dat die premier van die provinsie waar munisipaliteite – aldus die Ouditeur-generaal – onder die swakstes in die land vaar, die ekonomie onder die swakstes is en die howe ‘n rits tenders tersyde gestel en selfs hertoegeken het, die gewildste is. Ook toon die peiling dat 68 % van die land se mense nou glo dat pres. Jacob Zuma goed vaar, weliswaar ‘n skerp daling vanaf 77 % ‘n jaar gelede.

In die proses om ‘n kiesersblok teen die ANC te vorm, stem baie mense nou ook vir die DA, al het die party se beleid en dit wat hulle self glo min raakvlakke. In die proses ontkieser baie kiesers hulself ideologies.

Die toets of die land se grondwet so ideaal vir ‘n heterogene bevolkingsamestelling is was graag voorgehou word, dat die grondwet so goed is as wat hoog opgegee word, kom nader.

Pigspotter is onskuldig

Die Johannesburgse Metropolisie soek hoog en laag na ‘n blogger bekend as Pigspotter. Dis terloops snaaks dat hulle nie onpadwaardige taxi’s en hul bestuurders met heeltemal dieselfde ywer as Pigspotter probeer vervolg nie. Pigspotter het mense op Twitter gewaarsku teen padblokkades en spoedlokvalle, en volgens die Metropolisie kom dit neer op dwarsboming van die gereg.

Ongelukkig vir die Metropolisie is hulle verkeerd op verskeie vlakke.

Eerstens was daar enkele jare gelede ‘n hofsaak waarin ‘n motoris aangekla is omdat hy ander motoriste mbv flitsende ligte gewaarsku het oor ‘n spoedlokval. Hy is toe aangekla van dwarsboming van die gereg. In die hofsaak was sy verweer dat die doel van spoedlokvalle hoort te wees om motoriste kry om die spoedperk te gehoorsaam, en dat sy flitsende ligte ook dieselfde ten doel gehad het. Hy is onskuldig bevind op grond van hierdie verweer.

Tweedens gaan dwarsboming van die gereg van die veronderstelling uit dat die gereg benadeel word deur iemand se optrede. Daar is dus twee partye: een wat die gereg moedswillig dwarsboom, en tweedens iemand wat die gereg verteenwoordig. Dis met laasgenoemde dat daar ‘n enorme probleem is waar dit by die Metropolisie kom. Hulle noem hulself kennelik ‘n polisiemag, maar om hulle as die vaandeldraers van reg en geregtigheid te wil voorhou, is eenvoudig absurd. Die taxi-bestuurders wat absolute minagting vir die reëls van die pad het, lyk soos engeltjies in vergelyking met die fundamenteel-korrupte en misdadige Metropolisie.

Wie kan ooit vergeet van die skietery enkele jare gelede tussen die Metropolisie en die gewone polisie op een van Johannesburg se snelweë? Die Metropolisie is sedert 1994 getransformeer na ‘n spul misdadige skuim, wat bloot daarop uit is om hetsy hulself, hetsy hul werkgewer te verryk. Korrupsie is aan die orde van die dag, en dit is moeilik om te bepaal of daar selfs een eerlike lid van die Metropolisie is.

Ek is al persoonlik in Midrand voorgekeer omdat ek versuim het om ‘n veiligheidsgordel te dra. Ek was skuldig. Die individu wat my voorgekeer het, het sy naamplaatjie doelbewus afgehaal, sy voertuig of motorfiets moedswillig iewers versteek, en toe vir my gevra: “What do you have for me?” Ek het my dom gehou en uiteindelik is ek meegedeel dat ek hetsy ‘n paar honderd rand aan ‘n boete kon betaal, hetsy vir hom R50 kon gee. Ek het hom toe laat weet ek verkies die boete-kaartjie, iets wat hom só gegooi het dat ek uiteindelik sonder om die omkoopgeld te betaal én sonder ‘n boete gery het.

Dit is ‘n welbekende feit dat padblokkades gehou word om motoriste af te pers om omkoopgeld te oorhandig. Dit lyk byvoorbeeld op die oog af of Bees Roux voorgekeer is met die doel om hom af te pers, wat stellig ‘n geweldige misrekening was aan die kant van die oorlede vermeende afperser. Waar dit die Metropolisie aanbetref, is die hou van ‘n padblokkade dus op sigself ‘n kriminele handeling aan die Metropolisie se kant.

Pigspotter se optrede kan dus maklik gesien word as synde misdaad-voorkoming. Hy waarsku motoriste immers teen die Metropolisie se kriminele optrede en verhoed sodoende dat motoriste die slagoffers word van die endemiese misdaad en korrupsie waaraan die Metropolisie homself skuldig maak.

Die Metropolisie voel hom waarskynlik gekrenk omdat iemand soos Pigspotter hulle so openlik minag. Baie soos die ANC-regime hom gekrenk voel oor die minagting waarmee elke denkende, wetsgehoorsame Suid-Afrikaner hom beskou, en derhalwe die pers se mond probeer snoer. Ek is persoonlik nie hoopvol dat die ANC of die Metropolisie ooit tot die besef sal kom dat respek iets is wat verdien moet word nie.

Александр Фильчаков

Eksotiese skade

By ‘n onlangse beraad in Kopenhagen het wetenskaplikes ‘n beroep op die regerings van die EU gedoen om te wikkel met wetgewing wat skade deur nie-inheemse soorte aan die natuur sal beperk. Elke jaar rig die eksotiese plante, diere en ander organismes na raming sowat 12 miljard euro’s skade aan.

Van die ekoloë meen die skade is veel groter, omdat beramings oor sommige eksotiese lewe nog heeltemal onbekend is.

Van die sowat 10 000 eksotiese soorte in Europa, het sowat 1 300 ‘n negatiewe invloed op die omgewing, gesondheid of die ekonomie.

Terwyl dit vir die publiek verstaanbaar is hoekom die invoer van eekhoringsoorte wat die inheemse rooi eekhoring sal verdring, is ander sake minder duidelik. Een leser vra die vraag of daar nou ‘n stewige rekening aan die Italiaanse regering gestuur moet word omdat die Romeine die appelboom na Noord-Europa gebring het.

Die lysie eksotiese kossoorte is lank – aartappels, tamaties, mielies – presies hoe lank bly iets eksoties voor dit as deel van ‘n landstreek se fauna en flora aanvaar word?

Terwyl koppe gestamp word, neem die eksotiese lewe toe. Na raming het dit die afgelope 30 jaar in Europa met 76 persent toegeneem. Pogings om lewensvorme wat eens inheems in Wes-Europese lande voorgekom het, te hervestig, vind ook plaas. In 2007 het die Nederlandse bewaringsowerhede weer die eens byna uitgestorwe wisent in die “natuur” – ‘n park van 300 Ha, vrygelaat.

бак

Professor is stil oor huidige polisie

Is dit nie opvallend hoe stil die spraaksame kopdoekie-professor is oor die huidige polisie (SAP en METRO) en hulle manewales en koste vir die gewone belastingbetaler nie? Miskien moet die einste geleerde hom daarvan vergewis dat die huidige polisie (SAP en METRO) die grootste enkele bedreiging vir die veiligheid en sekuriteit van die gewone burgery is. Ons het al `n gewapende roof by die huis gehad en gelukkig – verbeel jou gelukkig! – was daar geen lewensverlies nie. Dit is meer as 4 jaar gelede en tot op datum het ek nog niks van die huidige SAP verneem nie. Net `n saaknommer gekry. Ek het `n sterk vermoede dat die polisie – dit is om `t ewe of dit die SAP/METRO is – daarby betrokke was vandaar my opdrag aan my gesinsmense dat as die polisie by die hek aanmeld om die eiendom te betree, aktiveer onmiddelik die paniekalarm sodat die sekuriteitsmaatskappy (wat my `n klomp geld kos) ook teenwoordig kan wees. Die huidige polisie-uniform en voertuig het geen goeie trou/bona fide nie – en daar is goeie redes daarvoor! Miskien is die professor nie bewus hiervan nie. Dalk moet iemand dit vir hom in die oor fluister.

In hierdie verband wil ek herhaal wat ek al vroeër gesê en geskryf het:

De Kock het simbool geword van `n k*k-skikking met die ANC. Die ANC se ‘De Kocks’ loop vry rond en sit selfs in regeringsposte terwyl plaas- en stadsmoorde ongesteurd voortgaan. Hierdie moordenaars is veel erger as De Kock. Met dié gang van sake het FW de Klerk `n verleentheid vir die Nobelprys geword!

Eugene de Kock is nie enigste bron nie – repliek aan prof. Piet Croukamp

As ek na die professor se repliek kyk dan verbaas dit my dat ‘n persoon wat veronderstel is om ‘n akademikus te wees en met feite te werk hom op ‘n klomp snert verlaat en aan die hand daarvan wilde bewerings maak wat hy beslis nie met enige feite kan staaf nie.

Ek kry die indruk dat Eugene de Kock is die enigste bron waaroor die professor beskik en dat alles wat hy sê as feite aanvaar word en dat dit die grondslag is waarop hy sy standpunte baseer. Die professor mag homself ‘n guns doen om meer geloofwaardige bronne te raadpleeg. Ek verstrek graag die volgende besonderhede wat op feite gebaseer is:

Ek het die getal persone wat deur die Polisie doodgemaak is en ten opsigte waarvan amnestie gevra is, op 200 gestel. Die meeste gevalle is deur lede van die Veiligheidstak doodgemaak. Soos ek reeds by herhaling beklemtoon het, sou baie van hierdie gevalle op noodweer neergekom het. Die enigste wyse waarop hierdie getal noukeurig bereken kan word is om al die relase van die amnestieverhore te raadpleeg wat ‘n uiters moeilike taak gaan wees. Ek was egter in noue voeling met lede van die Veiligheidstak wat amnestie gevra het en het aan die hand van daardie kennis bereken dat die getal hoogstens 200 moet wees. Ek het ook met mnr. Jan Wagener ons prokureur wat tydens die amnestieverhore verreweg die meste lede van die polisie verteenwoordig het, geraadpleeg en hy is ook van mening dat die getal nie meer as 200 beloop nie. Om ruimte te laat vir enige vergissing het ek die getal tussen 200 en 300 gestel. Die verskil raak beslis nie die wese van die argument nie. Ek betwis ten sterkste dat die Polisie duisende persone vermoor het.
Die stelling wat die professor maak dat ek nie weet hoeveel mense deur die apartheidstaat vermoor is nie klink vir my so na goedkoop ANC propaganda en ek hoop werklik nie Eugene de Kock is sy bron nie. Kom ons bepaal ons by feite en ek vra graag die professor (Eugene de Kock kan hom gerus help) om die volgende feite te verstrek :
Benewens die gevalle waarvoor amnestie gevra is en daardie gevalle waar geregtelike doodsondersoeke gehou is, die name van persone wat vermoor is, die datums en plekke waar hulle vermoor is en waarom dit beweer word dat die apartheidstaat hulle vermoor het. Eugene de Kock het alle moontlike inligting waaroor hy beskik aan die Nasionale Vervolgingsgesag beskikbaar gestel.. Ek sal graag by die Nasionale Vervolgingsgesag wil verneem of hierdie sake tans deur hulle ondersoek word of andersins waarom hulle geen stappe gedoen het om die sake te ondersoek nie. Dit is mos hoegenaamd nie denkbaar dat daar soveel persone vermoor is sonder dat die sake behoorlik ondersoek en ale feite blootgelê word nie.
Die name en besonderhede van persone wat vermoor is waarby ekself of ander generaals betrokke sou geweers het waarvoor ek nie amnestie gevra het nie. Ek ontken ten sterkste dat ek by enige sodanige voorvalle betrokke was.
Ek weet nie of Eugene de Kock aan geheue verlies ly en of die professor dalk nie die vermoë het om hom reg te begryp nie. Eugene het tydens elke amnestieverhoor uit sy pad gegaan om die generaals te beswadder. Waar hy kon het hy ‘n generaal betrek en is so ‘n generaal noodwendig deur die WVK kennis gegee dat hy deur Eugene de Kock geïnkrimineer word en dat hy die reg het om homself te verweer. Al daardie gevalle is behoorlik geboekstaaf. Gee Eugene de Kock nou voor dat hy sekere generaals, wat myself insluit, se name doelbewus tydens sodanige verhore verswyg het om hulle te beskerm? Ek kan vir geen oomblik glo dat Eugene de Kock so onnosel kan wees nie, want dit sal ‘n flagrante leuen wees wat met die grootste gemak weerlê kan word.
Dit is duidelik dat Eugene de Kock nooit ‘n ondersoekbeampte was nie en min verstaan van die wesenlike probleme waarmee ons geworstel het om sake voor die hof te bring en te bewys. Dit verduidelik dan ook die professor se skreiende onkunde wanneer hy die vraag stel waarom die persone wat die polisiemanne en hulle gesinne met handgranate wou vermoor nie doodeenvoudig gearresteer en voor die hof gebring is nie. Die Veiligheidstak Oos-Rand het oor ‘n betroubare beriggewer in die geledere van die betrokke studente beskik en dit was inderdaad die enigste getuie waaroor ons beskik het. Benewens die feit dat dit bykans onmoontlik sou wees om aan die hand van ‘n enkele getuie so ‘n aanklag teen die booswigte te bewys, sou die getuie en sy familie sonder enige twyfel die slagoffers van halssnoermoorde geword het. Daar is geen manier waarop ons so ‘n getuie sou beweeg om in die openbaar getuienis te gee nie. Eugene de Kock het ‘n onbenullige rol tydens hierdie voorval gespeel en is daarom nie van al die feite bewus nie. Ek het die lede van die Veiligheidstak by herhaling gemaan dat daar geen uitlokking van enige aard moet plaasvind nie en dat ons bloot die handgranate of ander wapens, wat gemodifiseer sou word, aan die booswigte moes verskaf. Dit moes aan hulleself oorgelaat word om te besluit of hulle die polisiemanne en hulle gesinne wou vermoor.
Ek was en is nog steeds bereid om vir Eugene de Kock in die bres te tree, maar dan op grond van feite en beslis nie aan die hand van sy holrug geryde bewerings dat hy in die steek gelaat is nie. Hy kon dit nooit tydens die amnestieverhore bewys nie en sal dit beslis ook nie in die toekoms kan doen nie. Dit is jammer dat die professor wat eintlik van beter behoort te weet, hom deur Eugene de Kock op sleeptou laat neem en sodoende inderdaad laasgenoemde die geleentheid ontneem om op ‘n geloofwaardige wyse sy saak te bepleit. Dit sal baie help as die professor hom van cliché’s weerhou en sy stellings op feite baseer.

Apartheidstaat het baie mense laat vermoor

Op RSG se “Praat saam” waaraan ek en genl Van der Merwe deelgeneem het, het hy gesê daar is nie meer as 200 sterftes agv polisie optrede nie, en sedertdien het hy sy syfer aangepas na soveel as 300. Sien ook dat hy nou baie spesifiek net van die Veiligheidstak praat en nie van die SAP nie – wie sal verantwoordelikheid neem vir sterftes wat nie deur die toedoen van die Veiligheidstak gepleeg is nie?

Die WVK het dit oor sterftes gehad waarby die hele SAP (en selfs die weermag) betrokke was sedert die 1960s. Die genl het nie ‘n idee hoeveel mense deur die apartheidstaat vermoor is nie en blaas sommer oor sy duim. Maar, sy duimblasery maak ook van Eugene de Kock die grootste moordenaar in die apartheidstaat se arsenaal. As Eugene verantwoordelik was vir 86 moorde (sommiges indirek) uit 200, het apartheid hom grootliks op een man verlaat, wat maar ‘n paar jaar aan die hoof van Vlakplaas was, om te “elimineer” en te moor namens die staat. Die generaal het na my wete ook nie aansoek om amnestie gedoen vir alle moorde waarby hy betrek kan word nie. Ek hoor hy het ook nou vir ‘n pardon aansoek gedoen van die staatspresident. Ons weet ook dat baie ander generaals en voetsoldate nie aansoek gedoen het om amnestie nie. By wie se rekening voeg ons daardie moorde?

Wat het dit alles met my vriend Eugene de Kock se saak te doen?

1. Die generaal se ontkenning van die breër prentjie maak van Eugene die meester-moordenaar. Hy staan nou pa as sou hy apartheid se moordmasjien gewees het. Terwyl die generaal behoort te weet Eugene was deel van ‘n groter stelsel laat hy toe dat Eugene uitgesonder word asof hy sonder die wete van die generaal en die NP-leiers opgetree het. In daardie opsig is die generaal nie beter as die polisie-manne wat teen Eugene getuig het nie, almal manne wat maklik gemoor het. En, Eugene hou dit nie teen hulle nie, hy besef die generaals se rug was nie reguit genoeg vir die waarheid nie en die politici soos De Klerk is nooit anders as lafhartig gewees nie. Maar die relativering van die werklikheid en die waarheid, wat die generaal in retireer en en op die agtervoet pleeg, gooi ‘n donker wolk oor Eugene se betrokkenheid.

2. Die generaal se vraag in sy boek Trou tot die dood toe, “waar kom die persepsie vandaan dat die generaals en die politici van alles geweet het?” is seker die mees siniese ontkenning van ‘n generaal wat ek ooit gesien het. Dit is dieselfde man wat die vertragingsmeganismes van handgranate verwyder het sodat sg terroriste hulself kan opblaas. Hoekom daai mense nie net gevang en verhoor was nie, weet nugter, behalwe vir die logiese veronderstelling dat die generaal deur sy totale loopbaan bereid was om elke internasionale konvensie en Suid-Afrikaanse wet te oortree in die formulering van sy werkswyse. Die generaal en die politici het ‘n stelsel geskep wat net deur wandade, korrupsie en moord instand gehou kon word, en nou is die generaal verbaas as dit wel plaasvind en beweer hy hy het maar net van sowat 14 moorde geweet. Generaal, die statuur van jou waarheid word verdwerg deur die eerlikheid van jou grootste soldaat, Eugene de Kock.

3. As die generaal en die politici by die WVK opgestaan het en gesê het, ja ons neem verantwoordelikheid vir die beleid van apartheid, as sook vir die konsekwensies van daardie beleid, het Eugene ook ‘n tweede kans gekry.

4. Die generaal doen Eugene se saak skade deur sy pogings om apartheid te regverdig (wat Eugene verfoei), en deur ‘n ideologies-regse regverdiging aan te bied vir wat gebeur het by Vlakplaas. Sy bewerings dat Eugene ‘n sikofantiese, maar dividendlose verhouding met die ANC probeer smee is om Eugene se eerlikheid op ‘n redelik laakbare manier te bevlek.

Met die generaal en die Natte wat onder die dekmantel van “ons het nie geweet, en ons het nie so baie moorde gepleeg nie” hul stories plooi, is daar vandag niemand kredietwaardig van die ou orde wat vir Eugene opstaan nie. Die generaal se brief aan Thabo Mbeki waarin hy vra om begenadiging vir Eugene is so ‘n naïewe politieke gebrabbel dat daar nooit ooit iets van sou kon kom nie. Ek sien Eugene gereeld, hy is ‘n rateltaai, maar ‘n bright bliksem wat neersien op die wyse waarop hy op die slagveld agter gelaat is. Die generaal was nooit ‘n soldaat nie, en sou dit waarskynlik ook nie kon wees nie.

zishao детская одежда топкарго

Bymotiewe by Absa se dom skuif?

Hierdie skuif van Absa om teen wit rugbyspeler te diskrimineer, wil al lyk of dit ‘n politieke klank het wat ten hemele stink.

Dit is waar dat Absa, uit Volkskas en Trustbank gebore, hoofsaaklik opgebou is met die Afrikaners se geld uit die destydse Federale Volksbeleggings. En baie Afrikaners is al sedert die jare sestig en sewentig kliente van die bank.

As gevolg van sy verlede en verbintenis met Federale Volksbeleggings was dit sedert 1994 nie die “inding” vir swartmense en regeringsinstellings om rekeninge oop te maak by Absa nie, en suig hulle wat dit betref aan die agterspeen. Baie min, indien enige, regeringsdepartmente het rekeninge by Absa, en daar gaan letterlik miljarde Rande deur daardie rekeninge. Hier en daar is daar munisipaliteite wat rekeninge by Absa bedryf.

Nou, ek glo dit was nog altyd vir die bank se direksie ‘n doelwit om regeringsrekeninge te kry, en hulle het sekerlik nog altyd planne gemaak om hulle beeld by die ANC, die ANC elite, die ANC vetkatte, en Swart bemagtingingsmaatskappye te “verbeter”.

Eers het hulle van al hulle wit dienspersoneel ontslae geraak, toe Afrikaans as dienstaal, en toe dit nie werk nie, het hulle besluit om hierdie dom skuif in Rugby, wat “Afrikanerheiligdom” is te maak. Dom, baie dom.

En dit net om ‘n paar regeringsrekeninge te kry!!! Ek is seker daar word vanaand 17 September en dwarsdeur hierdie naweek direksievergadering gehou om die nagevolg van hierdie besluit te bespreek.

Ek is ook al 25 jaar ‘n klient van Absa, maar volgende week skuif ek my rekening, en ek hoop dat alle Afrikaners wat kliente is, ook daardie rekeninge wat hulle kan, plus alle beleggings, sal skuif na ander banke.

Фильчаков прокурор

Die rasnorm elders

Op die voorblad van Volksblad vanoggend word berig dat Absa ontsteld is oor die – soos dit gestel is – Saru se ernstige gebrek aan toewyding met transformasie.” Van die Curriebekerspanne is te wit.

Dit klink bykans bisar dat sommige Suid-Afrikaners so bekommerd sal wees oor die kleursamestelling van spanne, terwyl dit elders ter wêreld dikwels oor ‘n maak-of-breek oor lewensmiddele handel.

Vanoggend berig die Nederlandse koerant Trouw dat armoedevlakke in die VSA tot die hoogste vlak – 51 miljoen – in bykans ‘n halwe eeu gestyg het. Dit is ook die hoogste persentasie sedert 1994 en staan nou op 14,3 persent.

Die slotsin lui dat dié armoede swart en Spaanstalige Amerikaners twee maal so hard as hul wit en Asiatiese landgenote tref.

Dit val saam met die VN se voedselorganisasie se syfer dat die aantal hongerlydendes wêreldwyd tot onder ‘n miljard gedaal het. In Afrika Suid van die Sahara styg dit egter, en ly een uit elke drie mense honger.

In Vlaandere broei dit nadat ‘n skool afsonderlike onderrig vir – soos dit gestel word – allochtonen-kinders begin aanbied het. Dit geskied op versoek van die ouers. Die minister is ontsteld, en wil dit ondersoek, en die ouers van die wat nie reeds verskeie geslagte Vlaams is nie, is ontevrede. Hul kinders sit nou in klasse van verskillende nasionaliteite, en die ouers meen dit sal nou moeilik gaan om Vlaams aan te leer.

SA Rugby was al oor transformasie by die Internasionale Rugbyraad in die sop omdat rugby, soos die meeste sportkodes, rassisme verbied. Wat die een as transformasie versuiker, is vir die ander rasgedrewe kwotas, en diskriminasie teen presteerders van die sogenaamde verkeerde ras.

Dit is bykans onmoontlik om werklike nie-rassigheid te bereik so lank as wat rasbeheptheid die ingesteldheid lei. Daar word wel dikwels gehoor dat swart per definisie nie rassisties kan wees nie, dat swart bewussyn ‘n positiewe kenmerk is, maar die teenargument is dat dit juis op ‘n toppunt van rassisme dui.