Dan Roodt, Author at praag.co.za

Botswana se nuwe mediawet onder vuur

'n Regsgeleerde wat uitgewers in Botswana verteenwoordig, het gesê hulle het die eerste stap geneem wat hopelik sal lei daartoe dat 'n nuwe mediawet ongrondwetlik verklaar sal word.

Batsho Nthoi, prokureur, sê die regering is Woensdag in kennis gestel dat hulle gedagvaar gaan word oor die wet.

Die uitgewers en mediaregtegroepe sê die wet wat verlede jaar aanvaar is, bedreig die grondwetlike beskerming wat vryheid van spraak geniet. Die regering meen egter dat die wet mediavryheid waarborg en etiese standaarde bevorder.

Die veelbesproke wet maak voorsiening vir 'n mediaraad met 'n klagte- en appelkomittee waarvan die lede deur die minister van kommunikasie aangestel word. Botswana het reeds 'n onafhanklike, selfregulerende persraad en regslui meen die regering is besig om te probeer om staatbeheer oor die media uit te oefen.

super slots no deposit bonus

SA vroue slagoffers van intieme geweld

'n Vrou in Suid-Afrika is ses keer meer aan die dood blootgestel as op enige ander plek ter wêreld, danksy geweld deur 'n persoon waarmee sy 'n intieme verhouding het.

Tydens 'n konferensie oor die onderwerp van seksuele geweld het professor Rachel Jewkes van die Sexual Violence Research Initiative gesê, is "vyf-en-twintig persent van vroue oor die algemeen en tussen 40 en 50 persent in teikengroepondersoeke slagoffers van intieme geweld."

Die konferensie is daarop gemik om oplossings te vind om sulke geweld te kan verhoed. Sy het gesê meer as 40% van mans is gewelddadig teenoor vroue.

Daarbenewens is daar geloofwaardige getuienis wat daarop dui dat vroue wat mishandel word en mans wat dit aan hulle doen, meer geneig is om MIV-positief te wees.

"Mans wat geweld teenoor vroue pleeg is meer as twee keer meer geneig om MIV-positief te wees," het sy gesê.

Suid-Afrika het daarbenewens die hoogste alkoholgebruik per capita ter wêreld, het die konferensiegangers gehoor. Daders is dikwels onder die invloed en vroue die slagoffers. "In tweederdes van die gevalle waar vroue deur 'n intieme eggenoot vermoor word in die Wes-Kaap, is die bloedalkoholvlak twee keer hoër as wat 'n bestuurder wettig mag inneem."

детский хоккей игра

Afrikaners sal m??t saamstaan

Terwyl die debat rondom die powere vertoning van die enigste oorblywende Afrikanerparty in die parlement, die Vryheidsfront Plus, voortwoed, sê sommige mense dat Afrikaners nie oor die nodige getalle beskik om by die stembus hond haaraf te maak nie, gegewe die immer stygende swart bevolking wat tans boonop vanuit ons buurlande aangevul word. Dieselfde mense meen dat die Afrikaner nie deur middel van partypolitiek nie, maar deur sogenaamde burgerlike organisasies sy regte en kultuur kan verdedig.

Feit is egter dat, solank as wat daar vyftig of meer Afrikaanse organisasies bestaan wat elkeen op sy eis die volk wil red, nóg die owerheid, nóg die volk daarbuite die huidige Afrikanerleierskap ernstig gaan opneem.

Terwyl daar konsensus oor kwessies soos die behoefte aan moedertaalonderrig en groter veiligheid bestaan, heers daar tog verskille in benadering en filosofie onder Afrikaners. Breedweg kan daar drie denkskole onderskei word:

1. Diegene wat tevrede is met die huidige grondwetlike bestel en bloot minderheidsregte vir die Afrikaner teenoor die owerheid wil beding. Onder diegene tel die FW de Klerk-stigting, Solidariteit, die Afrikanerbond en ander organisasies.

2. Diegene wat die huidige bestel as ontoereikend sien en Afrikanerselfbeskikking, hetsy in munisipale gebiede, hetsy in 'n aparte volkstaan voorstaan. Onder hierdie groep ressorteer die Vryheidsfront Plus, Radio Pretoria, die Tussentydse Afrikanerraad, Boerevryheidstigting en ander. Dit is ook PRAAG se standpunt.

3. Diegene wat die huidige bestel in sy geheel verwerp en weier om aan verkiesings of gesprekke met die regerende ANC deel te neem. Die HNP en sy verskillende splintergroepe is waarskynlik die beste verteenwoordigers van dié benadering wat die volk tot verset wil oproep.

Nieteenstaande dié verskille in benadering, streef elke faksie op sy manier Afrikanervryheid na en wil nie toesien dat ons volk vergaan of deur 'n groter Suid-Afrika volkome geassimileer word nie.

Dis van die uiterste belang dat alle bestaande groeperings met mekaar moet praat en onderhandel ten einde 'n verenigde front teenoor die regering, maar ook die DA-opposisie wat filosofies tot die verdwyning van die Afrikaner verbind is, daar te stel. Al wil die drie verskillende faksies nie met mekaar saamwerk nie, sou dit nogtans sin maak om drie oorhoofse federasies te vorm wat op elkeen van daardie benaderings geskoei is.

Indien nugterheid seëvier, sou die drie faksies soos hulle tans daar uitsien egter wel van tyd tot tyd met mekaar vergader om die gedagte van Afrikanereenheid te bespreek en gemeenskaplike beleid oor Afrikaanse skole en universiteite, asook gemeenskapsveiligheid en -welsyn, te formuleer.

Die meeste meningsvormers, selfs dié van links, is dit tans eens dat Suid-Afrika op die mespunt verkeer en oor die volgende paar jaar óf in chaos van die Zimabwe-tipe gaan versink, óf 'n samewerkingsmodel tussen die verskillende volkere en gemeenskappe gaan vind wat op die lang duur sukses sal verseker.

Juis omdat Afrikaners nie oor getalle beskik nie, het ons geen keuse as om 'n beeld van groter eenheid teenoor die regering en die buiteland te projekteer nie.

Die Afrikaner het 'n sleutelrol om te speel indien misdaad en die huidige verval in infrastruktuur en staatsdepartemente gestuit gaan word. Maar dan sal ons veel meer georganiseerd moet raak met duidelike politieke, ekonomiese en kulturele doelwitte wat nagestreef moet word.

Tronke se veiligheid gekompromitteer

для автодиагностики

Gebrek aan visie maak kiesers moedeloos

PC Badenhorst skryf heeltemal tereg dat die VF+ oor eienskappe soos doodgewone ordentlikheid beskik. Dit is ongetwyfeld so. Ek het nog nooit een van die Mulderbroers sy stem hoor verhef nie. Ordentlikheid is 'n kenmerk van meeste Afrikaners.

Kontrasteer egter bostaande ordentlikheid met Julius Malema se benadering. Wie kry die meeste publisiteit? Dat dit negatiewe persdekking is, maak nie juis saak nie. Daar is waarheid in die stelling dat enige publisiteit goeie publisiteit is.

Is die VF+ se ordentlikheid dus nie moontlik deel van die probleem nie? Die syfers en stempersentasies vertel my luidkeels dat kiesers eerder die konfrontasionele benadering van 'n Tony Leon verkies. Al is dit kennelik meestal warm lug, skep dit tog die indruk by die kieser dat die Leons van die lewe die ANC aanvat, en persepsies is immers realiteit.

Voorts skryf PC Badenhorst 'n interessante ding (ek neem aan hy is 'n VF+-ondersteuner): "Demografies het die blanke in elk geval nie 'n kans nie." Spreek dit nie moontlik van moedeloosheid en oorgawe by 'n kieser, wat veroorsaak is deur 'n gebrek aan visie nie?

Ja, in die getallespel wat die Suid-Afrikaanse demokrasie verteenwoordig, is blankes weliswaar 'n minderheid.

In Orania is blankes egter nie 'n minderheid nie.

In 'n volkstaat sal blankes ook die oorweldigende meerderheid wees.

Is dit nie 'n suksesvolle politikus se taak om sy volgelinge te inspireer en om 'n geloofwaardige visie aan hulle voor te hou nie?

Barack Obama is verkies omdat hy 'n visie aan die Amerikaanse publiek voorgehou het. Hy het mense hoop gegee, met ander woorde. As 'n party nie 'n visie het of hoop skep nie, is dit 'n probleem, want dan stem mense soos PC Badenhorst vir só 'n party nie omdat hy dink die party het 'n plan of 'n oplossing nie, maar bloot omdat hy simpatiek staan teenoor hulle leiers se ordentlikheid en Christelike waardes, iets wat niks met visie te make het nie.

Hier is my vraag opnuut: Wat sal gebeur as die VF+ sy dubbelsinnigheid laat staan, as hy 'n duidelike visie voorhou, en sy benadering verander na 'n meer konfrontasionele een?

Varkgriepvrees neig soms na die absurde

Die arme Meksikane is deesdae ongewild die wêreld oor. Die uitbraak van die H1N1-virus, oftewel varkgriep, in Meksiko, sorg ook dat die toerisme na die land dramaties afgeneem het. In Meksikostad staan 85% van alle hotelkamers tans leeg.

Maar vrees vir die siekte neig soms na die absurde.

In Nieu-Seeland beveel die owerhede aan dat mense met loopneuse en koors self na die naaste hospitaal bestuur en drie maal toeter blaas daar aangeland. Daarna moet hulle in die voertuig wag totdat hulle na die naaste kwarantynkamer vergesel kan word deur 'n dokter of verpleegster. Die raad is afkomstig van die "Griepbeheerprotokol", berig die Nieu-Seeland Herald.

Parys se lughawens het min of meer tot stilstand gekom omdat personeel wat bagasie sorteer weier om tasse van Meksiko en Spanje af te laai. Honderde passasiers is reeds verontrief en vertraag daardeur.

In Chile, in Viña del Mar, is die besoekende sokkerspan van Meksiko soos melaatses behandel. Die besoekers was so ontstig deur die kille onvriendelikheid van hul gashere, dat een speler in weerwraak in sy teenstander se bakkies gaan hoes het om daarna selfvoldaan te verklaar: "Nou ja, ek het jou so pas met varkgriep aangesteek!"

En laastens het Egipte, 'n oorwegend Moslemland, besluit dat varke die vark in die verhaal is. Die Egiptiese owerhede het gelas dat 350 000 varke van kant gemaak word ten spyte daarvan dat die virus van mens tot mens oorgedra word eerder as van vark na mens.

Obama wil sy familiegeskiedenis in Duitsland navors

President Barack Obama gaan nie met sy volgende besoek aan Duitsland saam met Kanselier Merkel afgeneem word nie. Trouens hy gaan nie eers in Berlyn aandoen nie.

Die Amerikaanse president wil eerder besoek bring aan Dresden en Buchenwaldkonsentrasiekamp om sy persoonlike familiegeskiedenis na te vors. Sy besoek aan Duitsland in Junie sal dus geen amptelike besoek wees nie.

Dit het Dinsdag aan die lig gekom dat 'n verkennende span reeds in die voormalige Oos-Duitse stad Dresden aan die Elberivier besig is om moontlike akkomodasie vir die president te soek.

Obama se grootoom, Charlie Payne, het in die 89ste Infanteriedivisie gedurende die Tweede Wêreldoorlog gedien. Hy het glo deelgeneem aan die bevryding van Ohrdruf, 'n satellietkamp van Buchenwald.

Die Duitse regering help tans aan die voorbereidings vir die besoek, wat 'n draai in Normandië in Junie mag insluit.

Kenners meen die ongewone reëlings is 'n verskoning vir die VSA om bande met Duitsland te probeer versterk, sonder om 'n amptelike besoek aan te kondig. Kanselier Merkel het nog nie besoek aan die Withuis gebring nie.

Diplomate beskryf die verhoudinge tussen die VSA en Duitsland op die oomblik as een van "wedersydse strategiese geduld".

детские куклы

VF+-leierskap het integriteit

Die 'probleem' met die VF+ is dat sy leiers eienskappe soos integriteit en doodgewone ordentlikheid besit. Dat hulle nie in retoriek en moddergooiery betrokke raak nie, maar met Christelike beskaafdheid en waardig optree.

Om genl. De Wet tydens die Rebellie te parafraseer: Ek sit liewer saam met sulke ouens op 'n mishoop as met verwronge 'beginsels' in die parlement.

Demografies het die Blanke in elk geval nie 'n kans nie, dus bly ek by my mense, mense met wie se beginsels en optrede ek my kan vereenselwig

Лобановский

Boereorkes vermaak Vrystaatse wetgewerlede

Honderde gaste het reeds aangekom by die Mangaungsportsentrum in Bloemfontein Woensdagoggend om die inhuldiging van lede van die Vrystaatse wetgewer by te woon.

Die sportsentrum is opgetooi met volvloermatte en swart en goue behangsels vir die geleentheid. 'n Rooi tapyt van die sportsaal se ingangsportaal strek voorts tot by die ingang van die nuutopgerigte kantore.

Buite staan groepe opgewonde gaste en gesels terwyl Greykollege se Boereorkes die wagtendes vermaak.

Sowat 29 nuwe lede sal ingehuldig word. Die ANC het 22 lede, die KVP (Cope) het drie, die DA drie en die VF+ een.

Ace Magashule, die ANC se provinsiale voorsitter, sal later vandag by 'n ander geleentheid as premier van die Vrystaat ingesweer word.

promoted posts

Eskom gaan tariewe moet opskuif

Eskom het 'n alternatiewe befondsingsmodel nodig om R130 miljard vir beplande projekte te vind, volgens Beeld se Sake24.

Die koerant het Woensdag berig dat hulle in die besit van dokumente is wat toon dat Eskom die bedrag oor die volgende drie jaar benodig. Fanie Zulu, segsman, het dit bevestig.

"Eskom moet R274 miljard oor die volgende drie jaar bestee. Daarvan is R141 miljard gewaarborg deur 'n regeringslening en R91 miljard in die vorm van skuld wat deur die regering gewaarborg word," het Zulu gesê.

Hy het gesê Eskom se befondsingsmodel moet "grondig aangepas" word, omdat hulle nie geld kan invorder deur tariewe nie. Tariewe word hoofsaaklik aangewend om lopende uitgawes te dek.

with bonus