Dan Roodt, Author at praag.co.za

Swaab wen Nobelprys vir letterkunde

Die Nobelprys vir letterkunde is vanjaar aan die Roemeens gebore Duitse skryfster Herta Müller toegeken.

Müller is op 17 Augustus 1953 in ‘n Duitssprekende dorpie Nitzkydorf in die weste van Roemenië gebore as deel van ‘n Duitse minderheidsgroep wat bekend staan as die Swabe van Banat.

Sy het haar literêre debuut in 1982 gemaak met ‘n versameling kortverhale getiteld “Niederungen” wat (persoonlike) laagtepunt beteken.

Sy het in 1987 in Duitsland aangekom, nadat sy vrygekoop is vir 8 000 mark wat die Wes-Duitste regering aan die Roemeense diktator Ceausesco moes betaal.

Die pas verskene roman, Atemschaukel (In Engels: Everything I Possess I Carry With Me) word as hoogtepunt van haar lewenswerk beskou. Daarin beskryf sy die lyding van ‘n 17-jarige seun, wat as gevangene na ‘n strafkamp in die Oekraïne gedeporteer word.

In al haar werke beskryf sy die leed wat mense aangedoen word waar hulle deur die staat onderdruk word. Sy vertel van die noodlot van vlugtende families, ‘n lewe vol van verraad en verraaiers, asook vrees, wat uiteindelik geen ruimte laat om meer vrylik asem te haal nie, maar ook van die onverskilligheid van diegene wat hulself in hierdie omstandighede inleef deur met die regime saam te werk.

Sy het eerstehandse ervaring deurdat sy gereeld die teiken was van die Ceausescu-diktatuur in Roemenië. Nadat haar boeke verbied is, sy haar werk verloor het en aan aanhoudende huisdeursoekings onderwerp is, moes sy en haar man hul geboorteland noodgedwonge verlaat.

Sy word al lank as kandidaat vir die prys beskou en die permanente sekretaris van die Akademie, Peter Englund, het haar geloof as ‘n woordkunstenaar wat fantastiese taalgebruik met die uiterste akkuraatheid kombineer.

Die toekenning van die prys aan haar is ook ‘n bekentenis dat kuns en etiek twee kante van dieselfde medalje is. Dit verleen verder ook erkenning aan die diaspora-kultuur van die Banatse Swabe en hul grootste skryfster.

Herta Müller word die 12de vrou wat die gesogte literatuurprys wen, wat in 2007 aan Doris Lessing van die Verenigde Koningkryk toegeken is en verlede jaar deur J.M.G. Le Clézio van Frankryk verower is.

кукол кукол Фильчаков прокурор

Vliegtuigwrakstuk soek

Ondersoekers is op soek na ‘n gedeelte van die enjin van die SA Airlink-vliegtuig wat verlede maand in Durban neergestort het.

Die Suid-Afrikaanse Burgerlugvaartowerheid, BLO, het Donderdag gesê hulle weet nie in watter stadium die enjindeel van die vliegtuig geskei is nie.

“Dit is moontlik dat iemand dit van die toneel verwyder het,” het die BLO in ‘n verklaring gesê.

“Om dié gedeelte op te spoor sal die ondersoekproses aanhelp.”

Dié gedeelte van die enjin is ‘n metaalskyf, die grootte van ‘n koeldrankblikkie met ‘n staaf wat aan die middel geheg is.

Die vliegtuig het Erfenisdag op ‘n skoolveld in die suide van Durban neergestort.

Kaptein Alistair Freeman en drie ander mense is ernstig beseer toe die vliegtuig kort ná dit opgestyg het, op ‘n skoolveld in Merebank neergestort het.

Freeman het Woensdag aan sy beserings beswyk.

set jewellery топкарго отзыв

462 polisiebeamptes aangekla

Altesaam 426 polisiebeamptes is tussen April 2008 en Augustus 2009 aangekla van moord, verkragting, korrupsie en gewapende roof.

Nathi Mthethwa, minister van polisie, het dié onthulling gemaak in reaksie op ‘n geskrewe vraag van die DA.

Mthethwa het gesê 82 polisiemanne is in dieselfde tydperk ontslaan.

Regoor die land is 60 beamptes, waarvan 17 ontslaan is, vir moord aangekla en 39 beamptes, waarvan slegs sewe ontslaan is, aangekla van verkragting.

Driehonderd-en-ses beamptes, waarvan 51 ontslaan is, word aangekla van korrupsie en 21 beamptes, waarvan sewe ontslaan is, is afgedank.

Dianne Kohler-Barnard, DA-woordvoerder, het in ‘n verklaring gesê dít is ‘n groot openbaring van die regering se onvermoë om die polisiediens in so ‘n mate te bestuur dat die wetstoepassers die wet gehoorsaam.

“Dit is net eenvoudig onregverdig dat die mense wat verantwoordelik is om die onskuldiges te beskerm, self skuldig is aan verkragting en moord.”

Intussen is ‘n metro-polisiebeampte van Pretoria in hegtenis geneem nadat hy en twee verdagtes in ‘n huis in Wierdabrug naby Pretoria ingebreek het.

Console Tleane, die woordvoerder van Pretoria se munisipaliteit het gesê die SAPD en die mentropolisieeenheid het inligting ontvang wat beweer dat dié beampte in kriminele aktiwiteite betrokke is.

“Die munisipaliteit se departement van veiligheid is diep teleurgesteld in die polisieman se gedrag,” het Tleane gesê.

‘n Interne prosedure sal so vinnig moontlik aan die gang gesit word om die verdagte te skors.

топкарго кидалы

Franse minister se kop kan waai oor seks

Frankryk se minister van kultuur, Frédéric Mitterrand, se kop kan rol ná openbarings uit sy outobiografie dat hy “jong seuns” betaal het om met hulle seks te hê.

Die openbarings wat Mitterrand in sy boek, The bad life, gemaak het, het die week weer kop uitgesteek nadat die politikus teen die VSA uitgevaar het vir die vervolging van Roman Polanski.

Die VSA dring daarop aan Switserland die bekende regisseur aan Amerika uitlewer om tereg te staan op ‘n aanklag dat hy in 1977 met ‘n dertienjarige meisie seks gehad het.

Mitterrand is uit verskei oorde gekritiseer vir sy vurige aanval op die VSA oor die Polanski-saak.

‘n Verregse party in Frankryk het die vure vandeesweek gestook deur uittreksels uit Mitterrand se outobiografie bekend te maak.

“Ek het die gewoonte ontwikkel om te betaal vir seks met seuns,” het die Franse minister geskryf.

Mitterrand het aangehou met sy onwettige praktyke selfs nadat hy “die vieslike details van die handel” uitgevind het, het hy geskryf.

“Die rituele van die kindermark, die slawemark, die oorvloed van aantreklike en beskikbare jong seuns het my met wellus gevul,” skryf Mitterrand.

Lede van beide die verregse Front National en Frankryk se sosialistiese party het gevra dat die minister uit sy amp bedank.

Mitterrand het egter die aanval op hom afgewys.

Die minister het gesê hy beskou dit as ‘n eer indien ‘n verregse party sy naam deur die modder wil sleep.

Is ‘n paar skoene ‘n ANC-kader se loopbaan werd?

Misdaad is misdaad is misdaad. Of jy ‘n bruinbrood of ‘n miljard rand steel, steel bly steel. Een van die dinge wat my egter telkens opval wanneer lede van die ANC-regime of hul meelopers in die moeilikheid kom agv korrupsie, is die relatiewe snuisterye of onbenullighede waarvoor hulle letterlik alles op die spel plaas, veral gegewe dat die oortreders dikwels relatief welgestelde mense is. Armoede word dikwels as verskoning vir misdaad aangevoer, maar die Travelgate-sondebokke, almal LP’s wat goeie salarisse sou verdien, was bereid om korrupsie te pleeg. Hulle was bereid om van jou en my, die belastingbetaler, te steel, vir iets so onbenulligs soos ‘n paar vlugte of ‘n paar rand.

Tony Yengeni, ‘n ander ANC-kader, kon sekerlik enige een van ‘n aantal poste in die privaatsektor op grond van sy verbintenisse met die heersende kleptokrasie bekom. Al daardie poste sou aan Yengeni ‘n simboliese aanstelling gegee het (soos wat die meeste RA-aanstellings maar is) en miljoene rand per jaar aan ‘n sogenaamde salaris. Nietemin het Yengeni afslag op ‘n viertrekvoertuig verkry, wat hom uiteindelik in die tronk laat beland het, en gelei het na sy skokkende en siek heldebegeleiding na die gevangenis. Dit was nie eens so ‘n groot afslag nie, maar steeds was Yengeni bereid om die risiko van tronkstraf daarvoor te loop.

Die Kommissaris van Polisie verdien insgelyks ‘n beduidende salaris. Wat Jackie Selebi op sy salariskerf as kleingeld sou beskou, kan baie van ons en ons gesinne van kos vir die maand voorsien. Luidens getuienis wat deur Glenn Agliotti in Jackie Selebi se verhoor aangevoer is, was een van die geskenke wat Agliotti aan Selebi verskaf het egter ‘n paar skoene wat Selebi aan Thabo Mbeki as ‘n geskenk wou gee.

Ek koop my skoene ongetwyfeld nie by dieselfde plekke as waar Selebi inkopies doen nie, en R500 vir ‘n paar is vir my duur (het Shoe City sulke skoene?) Kom ons wees toegeeflik en veronderstel Mbeki se skoene is een of ander spesiale soort wat slegs by ‘n Sandton-City-boetiek gekoop word en kos tien maal meer as wat ek as duur beskou, R5 000. Vir iemand wie se salaris sekerlik miljoene per jaar beloop, is dit steeds kwalik ‘n groot bedrag. Nietemin was die Kommissaris van Polisie weer eens bereid om sy ganse loopbaan en reputasie op die spel te plaas.

Alles vir ‘n skamele paar skoene en ander relatief onbenullige bedraggies, etes en kleinerige geskenkies. Al het daardie geskenkies uiteindelik opgetel na meer as ‘n miljoen rand, is ‘n miljoen rand steeds nie so ‘n groot bedrag vergeleke met Selebi se salaris nie.

Goed, ek gee toe dat ‘n honger plakkerskampinwoner ‘n brood kan steel en mens hom seker kan vergewe daarvoor. Nóg Yengeni, nóg Selebi kan egter as armes beskryf word; inteendeel. Waarom dan jou ganse lewe en loopbaan op die spel plaas?

Is steel en misdadige gedrag ‘n bepaalde mentaliteit wat in die gene van ‘n ANC-kader gegriffel is? Is dit nog een van die legio ondinge waarvoor apartheid uiteindelik geblameer sal word?

Dwelmbaas huil oor hy teen Selebi getuig

Die veroordeelde dwelmhandelaar Glenn Agliotti het in trane uitgebars in die hof en sê hy wou nooit teen sy destydse vriend en die voormalige polisiehoof Jackie Selebi, getuig nie.

“Edelagbare, dit is nie maklik om hier te wees nie…”

“Ek wou nie hier wees om teen my destydse vriend en die beskuldigde getuig nie,” het Agliotti gesê toe hy sy getuienis in Selebi se korrupsieverhoor lewer.

Regter Meyer Joffe het hom toe gevra of hy ‘n oomblik nodig het om homself te kalmeer waarna die hof verdaag is.

Die staatsaanklaer, Gerrie Nel, het na Agliotti, wat sy bril afgehaal en die trane afgevee het, gestap.

Selebi het uit die hof gestap en gesê: “Hy het ‘n boks snesies nodig vir môre.”

Selebi staan tereg op twee aanklagte van korrupsie en dwarsboming van die gereg wat verband hou met betalings van sowat R1,2 miljoen wat hy van Agliotti, die ontslape mynmagnaat Brett Kebble en die voormalige Hyundai-baas en sakeman Billy Rautenbach, ontvang het.

Die verhoor duur voort.

top 10 free

Waardetoevoeging tot Landbou

Daar word al meer gewys op die gevare van ‘n naderende hongersnood as voortgegaan word met politieke prosesse van sogenaamde grondhervorming, en waarna dit blyk dat grond nie meer produktief benut word nie, en gevolglik nie meer sy opbrengs lewer nie.

Tog is onproduktiewe grond nie werklik iets nuuts nie. Veral rondom die stede sien ons al van oudsher dat mense wegvlug van die rumoer en geraas van die stad, om die rustigheid van die platteland op ‘n kleinhoewe te geniet. En in baie gevalle, dalk selfs die meeste gevalle, is kleinhoewe bewoners juis dit: bewoners, maar geen boere nie. Grond van tussen een en vyf en twintig hektaar lê braak sonder enige aktiwiteite daarop.

In Europa is plase van dié grootte vol produksie-eenhede. Inderdaad is ons klimaat en omstandighede anders, maar met die koms van presisieboerdery, droogtebestande kultivars, waterbesparende maatreëls, minimum-bewerkingsmetodes en organiese boerdery-metodes, is die bepaling van ekonomiese eenhede dalk al verouderd en uit pas. Dit beteken dat mense wat tot dusver gedink het dat hulle op ‘n onekonomiese kleinhoewe bly, dalk tog verbaas kan wees.

Maar met die styging in bevolkingsgetalle, die vermindering in optimaal benutte landbougrond, gevolglike skaarser kos en daarmee saam hoër pryse, word dit al hoe meer noodsaaklik dat elke moontlike stukkie grond gebruik word vir voedselverbouing, op die kleinhoewe, maar selfs ook deur die groentetuin in die agtertuin van die dorps- en stadseiendom.

Dit is die een kant van die munt. Die ander kant is die verdere verwerking van geproduseerde produkte. Boere worstel al jare met die probleem dat hulle byvoorbeeld mielies of koring verbou, daarvoor ‘n minimale prys kry in terme van wat die produksieproses hulle gekos het, dan gaan dit in die verdere voedselverwerkingsketting, beginnende by meulenaars, en uiteindelik kom die produk weer op die boer se eie tafel, vier, sewe of twintig keer duurder as wat hy daarvoor gekry het. Sou die vermoë daar kon wees om baie van hierdie tussenprosesse self in hande te hou, kon daardie toegevoegde waarde in die boer se sak gewees het, in plaas van dikwels multi-nasionale en volksvreemde hande.

Dieselfde beginsel geld dalk juis vir die kleinboer, wat op sy hoewe boer, of dié wat die agtertuin in die stad gebruik. Dit word egter al hoe duideliker dat kennis nodig is vir dit alles. ‘n Kleinhoeweboer wat nie weet wat sy skaap makeer as hy gaan lê nie, kan groot skade ly. Iewers moet hy daardie kennis kry. Ja, daar is boeke voor, maar ‘n boek antwoord nie as jy hom van ‘n spesifieke probleem vra nie. Daarvoor is interaksie tussen die onkundige met kundiges nodig.

Sodanige interaksies vind juis plaas op boeredae, soos die Landboukorrels Boeredag, wat Radio Pretoria saam met TLU SA môre en Saterdag by Cullinan aanbied. Dit bied die ideale geleentheid aan die volkseie kleinboer en tuinboer om daardie kundigheid te bekom, en om ook te leer van waardetoevoegingsmetodes, wat nie net geld kan spaar nie, maar wat ook die geleentheid skep om ‘n ondernemer te word en ‘n geldjie te verdien. Moet dus nie dié geleentheid misloop om daardie noodsaaklike kundigheid op te doen nie, en lewer sodoende ‘n sinvolle bydrae tot voedselsekerheid.

тамбов подъемники

Nie-rassigheid

{jathumbnail off}

Vegvliegtuig stort neer

Twee vlieëniers is dood en talle is beseer toe ‘n Russiese MiG-23 vegvliegtuig Woensdag op ‘n huis in die Libiese hoofstad Tripoli neergestort het, het ooggetuies aan AFP gesê.

Die vegvliegtuig was deel van ‘n vertoning in ’n Libiese lugskouvertoning, LAVEX 2009.

Daar is nog geen verdere besonderhede in verband met die oorsaak van die ongeluk bekendgemaak nie.

Drie gesinslede wat in die huis gewoon het, was onder die beseerdes, het ooggetuies gesê.

Die drie het die dood vrygespring omdat hulle toevallig in ’n vertrek was wat nie in die ongeluk verwoes is nie.

RIA Novosti, ‘n Russiese nuusagentskap, het berig dat ‘n MiG-23 sowat 2 km van die lugskou se hoofpawiljoen verongeluk het.

Die agentskap het egter geen sterftes genoem nie.

Die Russiese staatswapenhandelaar, Rosoboronexport, het Maandag luidens ‘n verklaring gesê hulle verwag ‘n “skerp styging” in Russiese wapenverkope aan Libië LAVEX 2009. Die lugskou loop Donderdag tot ‘n einde.

Kuberoorlog

“Die volgende wêreldoorlog gaan in die kuberruim plaasvind, en dit sal ‘n katastrofe wees. Die verlies van sy kubernetwerke sal enige nasie op sy knieë dwing. In ‘n kuberoorlog is daar geen supermoondhede nie en alle nasies is kwesbaar daarvoor…”

Aan die word is Hui Min Neo, telekomunikasiehoof van die VN. Hy het Dinsdag gepraat by die Internasionale Telekommunikasie Unie (ITU) se 2009 wêreldskou in Geneve.

Dit is egter nie slegs moondhede wat teen mekaar oorlog maak nie, maar ook etniese en godsdienstige groepe wat vir hul regte veg.

Terroriste en vryheidsvegters hoef hulle nie meer te wend na plofstof of vuurwapens nie – die wenners van ‘n kuberoorlog is nie meer die party met die grootste aantal divisies of eskaders vliegtuie nie, maar die party met die skerpste breinkrag. ‘n Klein aantal talentvolle kuberkrakers wat regoor die wêreld verspreid is kan ‘n land of regering teiken en op sy knieë dwing. Hulle kan selfs regerings tot ‘n val bring en ‘n regimeverandering bewerkstellig.

Vryheidsvegters hoef nie meer in ondergrondse tonnels weg te kruip en kraglyne in die nag opblaas nie. Vandag is dit moontlik om ‘n rekenaar viruskode van buite die land in ‘n land se kragnetwerk te plant wat maande of selfs jare later homself sal aktiveer en die hele kragnetwerk buite werking stel. Dit is vandag moontlik om van buite die land se grense ‘n aandelebeurs te sluit, om ‘n munisipaliteit se totale boekhoudingstelsel te vernietig, om lughawens te sluit en selfs om stadsverkeer tot stilstand te dwing.

Om hulle teen sulke aanvalle te beskerm het lande regoor die aardbol nou die International Multilateral Partnership against Cyber Threats (IMPACT), gestig om pro-aktief teen kuberaanslae en dreigemente op te tree. Tegnologie het die mensdom tot nou toe gedien, maar die era het aangebreek waar die mens die tegnologie sal moet dien.

Maar die problem lê by die programmatuur wat na twintig jaar of langer steeds kwesbaar en relatief maklik binnegedring kan word.

Microsoft het byvoorbeeld in Juliemaand vanjaar die vreemde stap gedoen om te waarsku dat sy Windows XP ernstige sekuriteitsgebreke het wat nog nie aangespreek is nie. Hierdie gebreke laat kuberkrakers toe om beheer te neem oor slagoffers se rekenaars. Slagoffers hoef slegs ‘n werf te besoek wat gekraak is om hul eie plaaslike netwerk te besmet en buite werking te stel.

Tot nou toe was dit die grootste en sterkste politieke magsgroep wat die septer in ‘n land geswaai het, maar in die toekoms mag dit die vindingrykste en talentvolste groep wees wat die grootste politieke invloed gaan hê. Die hele wese van die getalle demokrasie mag nou verander en verskuif van die groep met die grootste aantal stemme, na ‘n kuberdemokrasie, dws na die groep wat die sterkste potensiële IT-dreigement verteenwoordig.

Voorwaar ‘n geweldige paradigmaverskuiwing wat ernstige implikasies vir elke land inhou, ook vir Suid-Afrika met sy diverse volksgroepe wat tevrede gehou moet word.

Фільчаков прокурор