Dan Roodt, Author at praag.co.za

Israel val Gasa aan

Die Israeliese weermag het lugaanvalle teen ‘n wapenfabriek en twee tonnels in die Gasastrook geloods na vuurpyle vanuit dié Hamasbeheerde area op Israel gevuur is.

“Ons lugmag het gisteraand ‘n wapenfabriek en twee ondergrondse tonnels naby Gasa se grens met Egipte, wat vir wapensmokkelary gebruik word, aangeval,” het ‘n militêre woordvoerder aan AFP gesê.

Die militêre woordvoerder het bygevoeg dat geen ongevalle of skade deur die Palestynse vuurpyle, wat in die Negev-woestyn geland het, aangemeld is nie.

Sedert die beëindiging van Israel se verwoestende aanvalle teen Gasa op 18 Januarie vanjaar, het Palestynse militante vegters sowat 125 vuurpyle en 76 mortierbomme op Israel afgevuur, volgens Israeliese syfers.

Ongeveer 1 400 Palestyne en 13 Israeliete is dood tydens verlede jaar se 22-dae lange aanval deur Israel in ‘n poging om vuurpylaanvalle vanuit die Gasa-strook te keer.

Burgemeester van Pretoria uit haar amp geskors

Die Vryheidsfront Plus het betroubaar verneem dat die Burgemeester van die Tshwane-metroraad, dr. Gwen Ramokgopa, tydelik uit haar amp geskors is. Verder is die stadsbestuurder, Kiba Kekana asook lede van die Burgemeesterskomitee, nl. Absolom Ditshoke en Zodwa Masondo uit hulle ampte geskors.

Die Vryheidsfront Plus het gister in ‘n verklaring geëis dat die Burgemeester en haar komitee verwyder moet word vanweë swak dienslewering en die ernstige finansiële krisis waarin hulle die stad gedompel het.

Volgens dr. Conrad Beyers, VF Plus-raadslid, was die VF Plus hierdie stap te wagte omdat daar lank reeds in ANC-geledere groot ontevredenheid is met Ramokgopa (‘n Mbeki-aanstelling’) en die burgemeesterskomitee.

“Die VF Plus verwelkom die gerugte, maar is bekommerd oor die feit dat die Burgemeester maar net deur ‘n ander ANC-lid vervang sal word. Hoewel enige verandering tans ‘n verbetering sal wees, sal die VF Plus slegs tevrede wees wanneer ‘n koalisie van partye na die komende munisipale verkiesings hul eie Burgemeester kan aanwys,” het Beyers gesê.

Vroeër is ‘n verslag deur die onafhanklike graderingsmaatskappy, Empowerdex bekendgemaak, wat bevind het dat die Tshwane-metroraad geen basiese dienste aan byna ‘n kwart (23.8%) van sy inwoners verskaf nie. Dit sluit in basiese dienste soos toegang tot behuising, kraanwater, sanitasie, vullisverwydering en elektrisiteit.

Pretoria word ook in die verslag aangedui as die slegste stad om in te woon in die hele land vanweë swak dienslewering. “‘n Voortsetting van die huidige swak bestuur sal tot ‘n ineenstorting van die munisipaliteit lei. Dit sal tot verdere onrus en geweld lei wat selfs die 2010 FIFA Wêreldbeker kan ontspoor.”

Die VF Plus is skepties oor die ANC se vermoë om die stad reg te ruk, want onder ANC-beheer het talle problem ontstaan, insluitende

· Ineenstoring van die stad se finansies vanweë swak bestuur en spandabelrigheid;

· Talle klagtes van swak diens waar daar eenvoudig geen reaksie uit die metroraad verkry kan word nie, selfs in gevalle van dringende navrae en aanmeld van probleme.

· Swak wetstoepassing op paaie, met onder andere taxi’s wat toegelaat word om die wet na willekeur te verbreek;

· Uitbrei van plakkerskampe in gevestigde gebiede;

· Polarisasie van die stad se bevolking deur onverantwoordelike naamsveranderings, terwyl die meerderheid van die stad se inwoners in strate sonder name woon;

· Politieke inmenging in stadsadministrasie deur die aanstel van ANC-lojaliste in sleutelposisies, met die daaropvolgende uitvloei van kundigheid.

справка в бассейн

‘n Vroeë voorspelling vir 31 Oktober

Laat ek dit onomwonde stel: ek is ‘n ondersteuner van die Bulle. Hoe dan anders vir ‘n oud-Tukkie en inwoner van Verwoerdburg?

Ek is egter bevrees dat dinge nie so goed sal lyk vir mense soos ek op 1 November 2009 nie. Op daardie datum gaan die Vrystaat die Curriebekerkampioen wees, as jy my vra.

Hier is my redes:

1. Die Bulle se skrum is al die ganse seisoen verdag, en met tye bra beroerd. Die Vrystaat, daarenteen, het die Haaie se Springbokvoorry die afgelope naweek ‘n absolute les in skrumwerk geleer. Die Vrystaatse voorry is ‘n orde beter as die regstellende-aksie Zimbabwiese Mtwarira en die blygemaakte haker, John Smit. Die Bulle se skrum, wat op sy beurt swak afsteek teen die Haaie s’n, gaan op 31 Oktober deurentyd in trurat werk. Beide Fourie du Preez, die beste skrumskakel op aarde, en sy losvoorspelers gaan gevolglik geneutraliseer word. Met jou skrum op die agtervoet, kan jou losvoorspelers glad nie so effektief aanval of verdedig nie.

2. Heinrich Brussow. As balsteler het hierdie korterige fenomeen geen gelyke nie. George Smith en Richie McCaw kan loop slaap. Hierdie Afrikanerseun is die beste losvoorspeler in wêreldrugby. Hy gaan die lewe hel maak vir die Bulle se losvoorspelers. Omgekeerde balbesit, ten gunste van die Vrystaat, gaan aan die orde van die dag wees.

3. Die onlangse geskiedenis. Die Bulle het onlangs gesukkel teen die Vrystaat in die eindstryd. Een keer was dit verloorsake, een keer gelykop.

Daar is enkele faktore wat die Vrystaat se opmars kan kniehalter. Een is hulle lynstaan, en die tweede is die stelskoppery. Ek is egter van mening dat die bogenoemde drie faktore deurslaggewend gaan wees.

Dus: ek gaan die Curriebekereindstryd op 31 Oktober met een oog dophou, siende dat my span, die Bulle, nie veel van ‘n kans het nie. My troos gaan wees dat die Vrystaat beslis my tweede gunstelingspan is. Ek is veel, veel gelukkiger daarmee dat die Curriebeker deur die Vrystaat gewen word, as deur die kunsmatige Haaie se gekoopte geldspan, of die WP met die afstootlike Puke Watson as kaptein.

Lees Anton Barnard se woernaal, SAmizdat.

купить липецк ключи

Vonke spat by minderheidskonferensie

‘n Groepie Afrikaneraktiviste wat die regering en die swart meerderheid kaalvuis gepak het oor diskriminasie en geweld teen minderhede, het gister ‘n warm onderonsie by die SA Menseregtekommissie se hoofkantoor in Parktown, Johannesburg veroorsaak.

21 Oktober is Afrikanmenseregtedag en die doel van gister se konferensie oor “Minderheidsregte in Suid-Afrika” was om ‘n konsepverslag oor dié saak vir die Verenigde Nasies se Menseregtekomitee in Genève te bekragtig

Drs. Pieter Duvenage en Dan Roodt, asook mnre. Louis Smuts en André Alkema, kon hulle nie met die konsepverslag vereenselwig nie en het die vervreemding en ontnugtering van die Afrikanervolk teenoor die huidige bestel ondubbelsinnig verwoord. Terwyl dr. Dan Roodt van PRAAG ‘n onderhoud buite die gebou aan die SAUK-radio en -TV toegestaan het, het Duvenage gesê dat die staat nie meer oor enige legitimiteit beskik nie omdat hy nie meer die veiligheid van sy burgers kan waarborg nie. Duvenage het ook beweer dat die teenwoordigheid van die Afrikaner in die land nie eens deur die staat erken word nie.

Hierna het een swart spreker, Colett Letlojane, Duvenage ingevlieg en hom van ondankbaarheid jeens die swart meerderheid beskuldig wat hom vir apartheid vergewe het.

Die hoof van die SA Menseregtekommissie, adv. Tseliso Thipanyane, het aan die einde van die oggendsessie spottend na die Afrikaanse afgevaardigdes verwys deur herhaaldelik as ‘n grap die frase te herhaal: “I want my Afrikaans, I want my Afrikaans”, tot groot vermaak van die omstanders.

In die loop van die besprekingsessie waar Duvenage op emosionele wyse aangeval is, het dr. Dan Roodt gesê dat hy “dit gaaf vind dat Duvenage vir apartheid vergewe is. Maar as ‘n mens dink dat slegs 900 mense in politieke geweld tydens apartheid dood is en 750 000 reeds sedert 1994 vermoor is, waaronder tienduisende Afrikaners, dan moet Duenhage sy toehoorders veel meer vergewe as andersom, want lede van die meerderheid is steeds besig om dié gruweldade te pleeg.”

Hierna was die vet in die vuur en swart deelnemers aan die konferensie het begin om die begrip “minderheid” te bevraagteken. Volgens ‘n amptenaar van die departement van justisie en staatkundige ontwikkeling is “minderheid ‘n dinamiese begrip en dis nie te sê dat daar wel in SA minderhede bestaan nie”.

Vele swart sprekers het beaam dat die begrip “minderheidsregte” die land “terug na apartheid” kan neem. ‘n Regeringsamptenaar het gemeen dat “lede van minderheidsgroepe by die regerende party kan aansluit en sodoende aan die politiek kan deelneem”, waarop dr. Roodt gevra het of dit ‘n pleidooi vir ‘n eenpartystaat is. Die regeringsamptenaar het egter gevoel dat minderhede onder geen omstandighede enige vorm van politieke mag of invloed behoort te hê nie.

Terwyl regerginswoordvoerders by die konferensie die bestaan van ‘n Afrikanerminderheid in Suid-Afrika ontken het, is daar gevoel dat nie-heteroseksuele mense wel as ‘n minderheid met spesifieke regte in die land geag moet word. Omdat die fokus vanuit ontwikkelde lande by die VN-vergaderings in Gernève op dié kwessie val, wil die ANC insgelyks gay-regte in die land gebruik om enige aansprake deur etniese minderhede soos Afrikaners te ontlont.

Nadat Roodt die herafbakening van die Pretoriase munisipaliteit deur dr. Michael Sutcliffe as ‘n voorbeeld van diskriminasie en verdrukking van minderheidsgroepe genoem het, het me. Nkaro Mateta, ‘n senior bestuurder van die Onafhanklike Verkiesingskommissie, gesê dat sy ‘n lid van die afbakeningskomitee was en dat Afrikaners ondergeploeg is met die doel om hulle te “integreer”. Hierteenoor het Roodt teruggekap deur “integrasie ‘n eufemisme vir assimilasie” te noem. Volgens hom bestaan daar drie maniere om volksmoord te pleeg: deur etniese suiwering soos om Afrikaners deur wetgewing uit die land te verdryf, deur assimilasie en deur geweld, elemente waarvan reeds in Suid-Afrika bestaan.

Hierop het die voorsitter van die Menseregtekommissie beweer dat hy ‘n Sotho is wie se voorvaderlike grond in die Vrystaat voor 1930 afgevat is en dat hy as lid van die meerderheid nie bereid is om enige toegewings aan die Afrikanerminderheid te maak nie.

Tydens die middag se verslag oor die oggend se besprekings het Pitso Montwedi, die hoofdirekteur vir menseregte en humanitêre aangeleenthede van die departement van buitelandse sake dit goedgedink om na die syfer van 900 mense wat in politieke geweld tydens apartheid gesterf het te verwys. Hy het dit as “onwaar” bestempel.

Tydens die vraesessie het dr. Dan Roodt versoek dat die ware syfer oor ongevalle in politieke geweld tydens apartheid bekendgemaak word, indien dit dan nie nie 900 is nie, ‘n syfer wat in die verslag van die Waarheids- en versoeningskommissie voorkom.

Hierop het prof. Ayesha Kajee, ‘n Indiërakademikus aan die universiteit van die Witwatersrand en hoof van die Internasionale Menseregteuitruilprogram uitgebars en geskree dat daar “honderde duisende swartes deur Afrikaners tydens apartheid doodgemaak is” en dat Roodt nie “tussen feit en fiksie kan onderskei nie”.

“Moenie u eie propaganda glo nie,” het Roodt op Kajee se bewerings van volksmoord wat deur Afrikaners gepleeg is, geantwoord.

Die konsepverslag oor minderheidsregte wat aan die konferensie voorgelê is, is grondig deur die Afrikanerafgevaardigdes gekritiseer. Dié verslag gaan op 11 November aan die Verenigde Nasies se Menseregtekomitee in Genève voorgelê word. Sowel Roodt as Duvenage het voorgestel dat ‘n “minderheidsverslag oor minderhede” in Genève ter tafel gelê word en het ‘n beroep op alle Afrikaanse organisasies gedoen om saam te werk om so ‘n verslag vir die internasionale vergadering voor te berei.

Uit die vergadering, asook die vurige debat en beskuldigings wat tussen lede van die meerderheid en die Afrikanerminderheid rondgeslinger is, het dit geblyk dat minderheidsregte in Suid-Afrika ‘n plofbare kwessie is.

Tot dusver is geen van die radio- en TV-onderhoude wat dr. Dan Roodt in Afrikaans en Engels aan die SAUK toegestaan het nog uitgesaai nie.

Blink motors, vrot paaie

Dit sal baie interessant wees om uit te vind waarom die meeste ANC ministers díé spesifieke motorfabrikate verkies, wat hulle só ruimskoots met belasting geld aankoop. Dit is gewoonlik swart en baie luuks met laeprofiel bande. Met ander woorde, die motor se bakwerk is baie naby aan die padoppervlak. Mnr. Trevor Manuel, minister van “wie weet wat ookal”, het baie onlangs ook vir hom so ‘n enetjie aangeskaf. Die motor het in die omgewing van ‘n miljoen rand gekos. En dit nadat hy deur baie beskou is as iemand wat weet hoe om verantwoordelik met die belastingbetaler se geld om te gaan.

Dit is duidelik dat hierdie ministers, met hierdie motors, slegs op die land se tolpaaie bestuur, want op enige ander pad kan daar deesdae net met ‘n vierwiel-aangedrewe voertuig veilig by jou bestemming uitgekom word. Dit is dalk die rede waarom regeringsamptenare nie weet in watter haglike toestand die land se paaie is nie, want hulle motors kan nie daar ry nie.

Dit het verlede week in ‘n parlementêre debat geblyk dat Suid-Afrika ‘n padonderhoud-agterstand van R38,3 miljard rand in die gesig staar. Die minister van vervoer, mnr. Sbu Ndebele, het erken dat die land ’n agterstand van R18,4 miljard het, wat betref die onderhoud van die kern-netwerk van nasionale paaie. In die provinsies is daar ’n verdere agterstand van R19,9 miljard. Verder kan hy egter nie sê of die agterstand ingehaal kan word nie, maar kan hy net bevestig dat dit wel die benarde situasie is. Of die pad-probleme opgelos kan word, hang daarvan af of die nasionale tesourie genoeg geld beskikbaar kan stel.

Dit is ‘n feit dat 32%, dit is 4 142 km, van die nie-tolpaaie wat nog bestaan, ’n oorblywende strukturele lewensverwagting van minder as vyf jaar het. Om dit in die volgende vyf jaar te herstel, sal R35,2 miljard kos. Tans is die begroting hiervoor, in terme van die mediumtermyn-begrotingsraamwerk, slegs R16,8 miljard. Dit beteken net 1 980 km se paaie sal versterk kan word.

Oplossings is die volgende: Die belastingbetaler moet verder besteel word met die uitbreiding van tolpaaie, of geld moet iewers geleen word om die paaie te herstel. Die tweede opsie sal natuurlik die koste van herstel amper verdubbel. As die paaie egter nie onderhou word nie, sal hulle tot niet gaan, met ernstige gevolge vir die land se ekonomie.

Net soos met die land se infrastruktuur vir elektrisiteit, water en spoorvervoer, is die situasie met paaie die gevolg van jare se verwaarlosing, swak beplanning en die tekort van goed geskoolde ingenieurs en padbouers.

Hierdie blink-motor-ministers word uitgedaag om ‘n slag bietjie tussen Middelburg en Wonderfontein te gaan ry. Gaan doen ‘n paar besoeke in die omgewing van Standerton. Gaan kyk hoe lyk die pad tussen Jozini en Mkuze. Gaan ry ‘n slag saam met ‘n boer mielies in silo’s toe, in die Carolina omgewing. Van hierdie paaie is onherstelbaar; dit sal heeltemal oorgebou moet word.

Die genoemde bedrag van R35,2 miljard skiet dus reeds ver te kort.

to play

VF+ eis Khompela se kop

“Die VF Plus verwerp met minagting die laakbare stellings van die voorsitter van die parlementêre portefeuljekomitee oor Sport, Butana Khompela, wat hy tydens gister se vergadering gemaak het asook die dreigemente teenoor die President van die Internasionale Vereniging van Atletiekfederasies (IAAF), Lamine Diack,” sê adv. Anton Alberts, die Vryheidsfront Plus se Parlementêre woordvoerder oor Sport.

Volgens nuusberigte het Khompela gesê dat Diack eers om verskoning aan Caster Semenya moet vra vir die wyse waarop die IAAF haar behandel het alvorens hy Suid-Afrika binnekom en president Zuma besoek. Daarby het hy ook die volgende gewraakte stelling gemaak: “Let me tell you, we will go to that airport to receive this powerful president of a federation and things are not going to be very nice for him”.

“Hierdie absurde optrede van Khompela is in lyn met die gees van sy vorige onsinnige uitsprake waarvolgens hy gedreig het om Springbok-rugbyspelers se paspoorte in te trek indien die span nie swart genoeg is nie. Dit is nou duidelik dat Khompela nie bevoeg is om die voorsitter van die portefeuljekomitee oor Sport te wees nie en moet sy bedanking indien.

Sy uitsprake is emosioneel-belaaide retoriek wat niks bydra tot versoening in Suid-Afrika nie. Trouens, nie alleen is dit kontra-produktief nie, maar getuig van mense wat nie selfondersoek na hulle eie aandadigheid aan die krisis waarin hulle Caster Semenya gedompel het kan doen nie,” meen adv. Alberts.

“Daarom daag die VF Plus mnr. Khompela uit om die volgende vrae eerlik te beantwoord:

1. Het die portefeuljekomitee ASA se aandadigheid na hierdie aangeleentheid behoorlik ondersoek, spesifiek die persoonlike aandadigheid van die voorsitter, mnr. Leonard Chuene? Is hy nie met sy uitlatings besig om eerder die IAAF-president nou as die sondebok uit te sonder om die fokus van Chuene af te haal nie?

2. Wat presies bedoel mnr. Khompela as hy sê dat hulle mnr. Diack by die lughawe sal inwag en dat dit nie baie lekker vir hom sal wees nie? Maak hy dreigemente van aanranding en indien nie, besef hy dat hy die atmosfeer skep vir sodanige gebeurtenis?”

Die VF Plus beskou hierdie gebeurtenis in ‘n ernstige lig en sal selfs die saak verder opneem met President Zuma indien nodig. Suid-Afrika het alreeds ‘n tanende beeld in die buiteland en hierdie swak optrede van Khompela dra net by tot die uiteindelike isolasie van Suid-Afrika uit die wêreldgemeenskap.

Teebediende word finansiële hoof

Sicelo Shiceka, minister van die departement van koöperatiewe regering en tradisionele sake, het Woensdag in Boksburg op die department se nasionale indaba ’n oorsigverslag, State of Local Government in South Africa, bekend gestel.

Die verslag is saamgestel nadat taakspanne van die departement die 283 munisipaliteite in die land besoek het tussen April en Augustus vanjaar.

Volgens die verslag is daar verskeie redes waarom so baie munisipaliteite ineengestort het. ‘n Gebrek aan vaardighede en aanstellings van onbekwame mense word ondermeer daarin genoem.

In een geval is ’n teebediende as ’n munisipaliteit se finansiële hoof aangestel, het die taakspan wat die munisipaliteite vroeër vanjaar geëvalueer het, gevind.

“Een van die taakspanne het byvoorbeeld by ’n munisipaliteit uitgevind ’n teebediende het die finansiële hoof geword.”

By ’n ander munisipaliteit is poste geadverteer sodat “mentors” vir die munisipale bestuurder en finansiële hoof aangestel kon word. “Dit is straks gemaak weens ’n gebrek aan kapasiteit of oor persoonlike agendas, maar dit sou nie die geval gewees het as strenger maatreëls vir menslike hulpbronnebestuur in plek was nie.”

Shiceka het gesê dit is duidelik dat ’n nuwe benadering nodig is op plaaslike regeringsvlak.

“Ons benodig munisipaliteite wat reaktief, verantwoordbaar en doeltreffend is.”

Shiceka sê ’n omvattende omkeer sal voor die einde van die jaar aan die kabinet voorgelê word.

topcargo

Kovsies kry swart SV-voorsitter

Die studente aan die Universiteit van die Vrystaat se hoofkampus in Bloemfontein het hulle eerste swart studenteraadsvoorsitter verkies.

Volgens Lacea Loader, woordvoerder van die UVS, is die nuwe voorsitter ‘n BA Filosofie-student en is hy ook lid van die studente-organisasie Sasco. Moses Masitha, was in 2007/2008 die ondervoorsitter van die studenteraad.

Altesame 6926 studente het Woensdag aan die verkiesing op die hoofkampus deelgeneem. Die verkiesing is onder die toesig van Sasco, die VF+, die DA en Cope gedoen.

Volgens Loader het prof. Thomas Acho, hoofverkiesingsbeampte, die verkiesing as regverdig en eerlik bestempel.

play free slots casino

Duitse spelers gaan koeëlvastebaadjies kry vir 2010

Sokkerspelers in Duitsland is Woensdag gewaarsku dat hulle tydens volgende jaar se toernooi koeëlvastebaadjies in Suid-Afrika sal moet dra wanneer hulle van die hotel wegbeweeg.

Die hoof van die Leverkusen-gebasseerde sekuriteitsfirma BaySecur, wat na die Duitse Sokker Federasies (DFB) en hul gaste omsien wanneer die nasionale span in die buiteland speel, het gesê sterre soos Michael Ballack sal ekstra versigtig in Suid-Afrika moet wees.

BaySecur is een van die firmas wat na verwagting deur die sokkerfederasie ontplooi gaan word, terwyl die span aan die toernooi vanaf 11 Junie tot 11 Julie gaan deelneem, met die eindwedstryd wat in Johannesburg sal plaasvind.

“Die moontlikheid vir die spelers om buite die hotel se grense te beweeg, sal tot ‘n minimum gehou word,” het Guenter Schnelle van BaySecur aan die Duitse tydskrif Sport-Bild gesê.

“So nie, moet die span te alle tye vergesel word van sekuriteitsbeamptes, en daar moet ook koeëlvastebaadjies vir die spelers wees.”

Die DFB kyk reeds na moontlikhede om die veiligheid by die span se hotel in Pretoria te verskerp.

Volgens Helmut Spahn, sekuriteitsbaas by BaySecur, gaan hulle nog 20 ekstra sekuriteitswagte aanstel vir die span se verblyf by hul vyfster-woning.

“As gevolg van die hoë misdaadsyfer in die republiek wil ons geen kanse met sekuriteit of veiligheid neem nie.”

Private lyfwagte sal die spelers in en om die Velmore Grande hotel in Pretoria beskerm.

“Ons sal seker meer personeel as normaalweg gebruik,” het Spahn gesê. Hy gaan reeds volgende week vier dae in Suid-Afrika deurbring om na veiligheidsmaatreëls te kyk.

“Ons moet eers ‘n idee kry watter veiligheidsmaatreëls reeds in plek is, vir die spelers sowel as die media.”

“Ons sal dan daarna ‘n besluit maak of ons dit wil verbeter en of dit voldoende is.”

Volgens Spahn is die kanse klein dat die DFB slegs op plaaslike sekuriteitswagte in Suid-Afrika sal staatmaak. Hy sê Duitsland se federale polisie is reeds in gesprekke met die sokkervereniging oor dié kwessie.

Фільчаков прокурор

Staatshospitale ‘kritiek’

Die parlement moes Woensdag hoor dat Suid-Afrika se staatshospitale in ‘n swak toestand is danksy ‘n drastiese tekort aan dokters in die land.

Volgens prof. Bongani Mayozi, die hoof van interne geneeskunde aan die Universiteit van Kaapstad, neem dit sowat drie dae voordat pasiënte in staatshospitale ‘n bed ontvang.

“Dit neem sowat 24uur ‘n dag vir ons om 50% van die mense in ‘n bed te kry,” het hy gesê.

“Hierdie mense is siek en wag op stoele of in trollies. Hulle moet opgeneem word. Sommiges wag tot drie dae,” het hy gesê.

Prof. Mayozi is van mening dat hierdie situasies totaal onaanvaarbaar is. “Ons sal dit vir niemand toewens nie.”

Volgens hom word operasies ook uitgestel en afgeskaal omdat daar nie genoegsame toerusting is nie. Die opleiding van nuwe dokters het glo ook drasties afgeneem.

“As jy oorlog toe gaan, moet jy soldate hê. Jy kan nie ‘n oorlog wen sonder soldate nie.”

Op die huidige tydstip is daar 0.58 dokters vir elke 1000 persone in Suid-Afrika. In Brasilië en Mexiko is daar ten minste 2 dokters vir elke 1000 persone.

“Hierdie statistieke het ‘n invloed op die hoeveelheid sterftes wat jaarliks in Suid-Afrika plaasvind. Al hoe meer babas sterf met geboorte en al hoe meer mense sterf weens aansteeklike siektes,” het Mayozi gesê.

Daar is al hoe meer druk op staatshospitale en al hoe minder hulpbronne beskikbaar.

“Die rede vir hierdie situasie is omdat daar die afgelope 15 jaar nie genoeg geld in die gesondheidsektor belê is nie.”

Volgens Andries Stulting, waarnemende hoof van die skool vir geneeskunde aan die Universiteit van die Vrystaat, is die provinsies se gesondheidsektor in ‘n kritieke situasie.

“Daar is ‘n ineenstorting van die stelsel in die Vrystaat. Ek wens ek kon vir julle goeie nuus gee, maar daar is ongelukkig nie goeie nuus nie,” het hy gesê.