Dan Roodt, Author at praag.co.za

BNP wil nie-blanke lid maak

{jathumbnail off}

Rajinder Singh, ‘n ouerige Sikh, wat Islam vir die dood van sy vader met die skeiding van Indië in 1947 blameer, gaan die BNP, British National Party, se eerste nie-blanke lid word. Twee miljoen mense is gedood tydens die skeiding.

Alhoewel Singh reeds ‘n dekade of meer simpatiek teenoor die BNP staan, word hy tans nog weerhou van volwaardige lidmaatskap omdat hy nie wit is nie.

Maar verlede naweek het die BNP se leierskap die eerste stappe geneem om hulle lidmaatskap vereistes te verander om nie-blankes te aanvaar. Die Britse Menseregtekommissie het onlangs die party met regstappe gedreig omdat hulle nie-blankes weier.

Martin Wingfield, die BNP se kommunikasiehoof, het lede in ‘n skrywe op hulle webwerf aangemoedig om die stap te neem. Singh, ‘n afgetrede onderwyser van Wellingborough, Northamptonshire, het gesê hy sal geëerd voel om as lid aanvaar te word.

Sy beweegrede om aan te sluit is omdat die party se sentrale gedagte hom aanstaan, sê hy. “Ek wil nie hê… enige een moet hulle uit die land van hulle voorvaders verdryf nie.”

Singh en nog ‘n Sikh van Slough, bekend as Ammo Singh – nie sy ware identiteit nie – probeer al geruime tyd om Hindoe’s en Sikh’s te werf vir die BNP omdat hulle fel anti-Moslem is, maar sonder veel sukses.

promoted posts Фільчаков прокурор

Microsoft, News Corp wil Google die stryd aansê

Microsoft het samesprekings met News Corp gehad oor ‘n plan wat behels dat die mediamaatskappy betaal sal word om sy nuuswebwerwe op Google te “de-indekseer,” wat die tafel sal dek vir ‘n soekenjingeveg wat ‘n ligstraaltjie vir die koerantbedryf kan bied.

Die impetus vir die samesprekings het van News Corp, die eienaar van koerante wat strek van die Wall Street Journal tot The Sun van Brittanje, gekom, sê ‘n persoon wat bekend is met die situasie, wat gewaarsku het die samesprekings is in ‘n vroeë stadium.

Die Financial Times het egter vasgestel dat Microsoft ook ander groot aanlynuitgewers genader het om hulle te oorreed om hulle webwerwe van Google se soekenjin te verwyder.

News Corp en Microsoft, wat die mededingende soekenjin Bing besit, het verseg om kommentaar te lewer.

Een webwerfpubliseerder wat deur Microsoft genader is, sê die plan “plaas enorme waarde op die inhoud indien die soekenjins bereid is om ons te betaal om by hulle te indekseer.”

Microsoft se belangstelling word as ‘n regstreekse aanval op Google geïnterpreteer, want dit plaas druk op die soekenjin om te begin om vir inhoud te betaal.

“Dit gaan alles daaroor dat Microsoft Google se winsgrense sal seermaak,” sê die webbladpubliseerder wat bekend is met die plan.

Maar die grootste begunstigde van die worsteling kan die koerantbedryf wees, wat nog ‘n betroubare aanlynbesigheidsmodel moet konstrueer wat kwynende druk- en advertensie-inkomste sal vervang.

In ‘n moontlike aanduiding van onderhandelinge wat kom, het Google verlede week die belangrikheid van koerantinhoud afgepraat.

Matt Brittin, Google se Britse direkteur, het ‘n Vereniging van Redakteurs-konferensie vertel dat Google nie nuusinhoud nodig het om te oorleef nie. “Ekonomies is dit nie ‘n groot deel van hoe ons ‘n inkomste genereer nie,” het hy gesê.

News Corp het aanlynbetalingsmodelle vir hulle koerante ondersoek en het ‘n toenemende taai houding teenoor Google ingeslaan.

Rupert Murdoch, die voorsitter van News Corp, het gesê hy sal wettige metodes gebruik om Google te verhoed om stories wat in sy koerante gepubliseer word, te “steel.”

Microsoft is desperaat om Google op die gebied van internetsoektogte in te haal en, na vyf jaar en honderde miljoene rande se verliese, is Bing in Junie geloods, wat hulle mees ambisieuse poging tot dusver aandui.

Steve Ballmer, hoofbestuurder van Microsoft, sê die maatskappy is bereid om groot geld te spandeer vir baie jare om Bing ‘n ernstige mededinger vir Google te maak.

Microsoft poog om Bing te differensieer deur stof wat nie elders beskikbaar is nie, in te trek, maar het tog nie ekslusiwiteit van inhoudsvennote verwag nie. Bing is verantwoordelik vir 9,9 persent van die soektogte in die VSA in Oktober, hoër as die 8,4 persent tydens die loodsing daarvan.

James Murdoch, voorsitter en hoofbestuurder van News Corp Europa en Asië, het verlede week geskimp dat die maatskappy vordering maak met hulle aanlynplanne. “Ons dink daar is ‘n baie opwindende markplek, potensieel ‘n groothandelmarkplek, vir digitale joernalisme, wat ons sal ontwikkel,” het hy gesê.

Krieket bekyk swak bywoning

Krieket Suid-Afrika, KSA, het IFM Sports Marketing Surveys South Africa aangestel om na die moontlike oorsake vir die swak bywoning van die Proteas se openingswedstryde teen Engeland te kyk.

16 600 toeskouers het die Wanderersstadion vir die eerste Twintig20-wedstryd volgesit, terwyl 7 934 toeskouers op SuperSport Park in Centurion kaartjies gekoop het.

Die uitvoerende hoof van KSA, Gerald Majola, het gesê hulle hou daarvan om van toeskouers te hoor.

“Die laaste opname wat onder toeskouers gedoen is, het regtig interessante insigte opgelewer wat ons toe opgevolg het. Mense het my gevra vir meer inligting en ons het ‘n platform op Facebook en Twitter geskep en dít het ons interaksie met ons aanhangers laat verbeter.”

Majola het gesê die Proteas verdien om voor ‘n groot skare te speel en het belowe dat KSA sy bes sal doen om Suid-Afrikaners 100% agter hulle span te kry.

Marc Jury, besturende direkteur van IFM, het gesê hul navorsing wat verskillende sportgedrag ontleed, toon dat “energie” en die “atmosfeer” van ‘n wedstryd in die stadion ‘n kritieke element is om ondersteuners te lok.

“Die regstreekse ondervinding het nie tred gehou met die gemak van die “TV-weergawe” nie dus verkies mense om in hul sitkamers eerder as in ry F te sit.”

Jury het gesê besluitnemers maak dikwels besluite wat op gevoel gebaseer is en luister nie na die ondersteuners nie.

“KSA is besig om pro-aktiewe stappe te neem om seker te maak spelers soos Smith, Pietersen, Strauss en die res van die spanne speel voor vol stadions die res van die somerseisoen.”

Die opname wat gedoen is, sluit onderhoude en aanlynnavorsing op KSA se webwerf in.

Navorsers was Vrydag by die OR Tambo Internasionale Lughawe asook Sondag se tweede eendagwedstryd by SuperSportpark om inligting in te samel. Die aanlynopname sal binnekort op KSA se webwerf te siene wees.

справка освобождение Данильченко Харьков

Witskrif oor onteiening is nag

Die gehate onteieningswet kan dalk nie in sy geheel vervang word nie. Dié wet is verlede jaar weens erge teenkanting kort voor die verkiesing onttrek.

Volgens voorstelle wat in ’n Witskrif oor grondbeleid vir die ANC se omvattende Landelike ontwikkelingsprogram (CRDP) vervat is, is dieselfde onteieningsiening egter weer op die agenda.

Die ANC stel voor dat die howe ingevolge die nuwe grondbeleid die laaste sal sê hê oor die prys van eiendom wat onteien word, maar dat ander staatdepartemente ook oor ‘n mandaat sal beskik om by onderhandelinge betrokke te raak wat ‘n regsgeding oorbodig sal maak.

Een betrokke bepaling dat vergoeding geen wins vir die grondeienaar sal inhou nie, gaan waarskynlik groot ongelukkigheid in landboukringe veroorsaak.

Voorts sal waardasies om vergoeding te bepaal, die werk van die raad van grondsake by die departement van Openbare Werke wees.

Die konsepdokument maak voorsiening daarvoor dat eiendom in die openbare belang onteien mag word indien daar nie tot ’n vergelyk gekom kan word tussen die koper en verkoper nie.

Tortellinislaai

{jathumbnail off}

‘n Ongewone, maar heerlike manier om tortellinipasta te geniet, ‘n ware lenteresep. Kook 400g varsgemaakte tortellini met spinasie of pesto gevul, 20 aspersiepunte en ‘n koppie ertjies saam. Die vars pasta neem ongeveer 3 minute om gaar te kook. Voeg die aspersiepunte en ertjies vir die laaste minuut by. Dreineer en vervars onder yskoue water.

Voeg 4 radyse, dun gesny, twee koppies babaspinasieblare en ‘n eetlepel grasuie by. Rangskik in ‘n mooi bak. Bedruip met ‘n slaaisous van rooiwynasyn en olyfolie en geur met sout en peper.

Opsioneel is gekruide bokmelkkaas en dennepitte, maar dan raak die dis ‘n uitdaging vir die beursie!

лампы классика

Vreemdelinghaat vlam weer op

Die jongste gebeure by De Doorns in die Wes-Kaap, waar geweld teen vreemdelinge uitgebreek het, is simptomaties van ‘n sweer vlak onder die oppervlak.

Met Suid-Afrika se werkloosheidskoers, gevoed deur hemelhoë verwagtinge danksy verkiesingsbeloftes, verwag die breë gemeenskap vooruitgang en beter salarisse. Nie om te sien hoe buitelanders bereid is om vir die minimum lone baie hard te werk nie.

Dit is dan ook van die buitelanders se belangrikste verwere: hulle sę Suid-Afrikaners verstaan nie werksetiek nie, en die spaza-bedryf teen wie baie meeding, verstaan nie die konsep van groter wins uit hoër omset nie. Suid-Afrikaners wil glo vinnig ryk word deur maksimale wins per item deur onderlinge prysvaspennings. Dit kom neer op die uitbuiting van die publiek.

Baie buitelanders, veral die Somali’s op die Kaapse Vlakte, leer baie gou Afrikaans aan, anders as die aankomelinge uit die ou Trans- en Ciskei, en doen daarom makliker sake met die honderde duisende Afrikaanssprekendes daar.

Die reaksie van Suid-Afrikaners is dikwels nie om selfondersoek te doen nie, maar om die bakhand- en uitbuitingsindroom te wil verskans – met geweld indien nodig.

Die verdere ironie is dat baie van die vlugtelinge in die land is weens die een of ander vorm van versuim van die regering. By De Doorns is baie van die vlugtelinge Zimbabwiërs, ‘n tragiese gevolg van Suid-Afrika se versuim om in dié rampspoedige potensieel skatryk buurland in te gryp.

Die 3 500 buitelanders in ‘n klein dorpie soos De Doorns het na bewering almal werkspermitte – hoe hulle dit reggekry het, is duister.

Talle het in die land gekom deur uiters gebrekkige grensbeveiliging wat hoegenaamd nie tred hou met die omvang van die bedreiging daarvan nie.

Dit is ook nie net vlugtelinge wat die land inkom nie. Uiters gewelddadige Pakistanse misdaadsindikate, Nigeriese dwelm- en prostitusiebase, en vele meer haal gereeld die nuus.

Dit is moeilik om te bepaal hoeveel mense die land onwettig binnegekom het. Selfoonverkoopsyfers dui aan dat heelwat meer selfone besit en gebruik word as die aantal mense wat amptelik in die land woon en normaalweg toegang daartoe behoort te hę. Syfers van etlike miljoen instromelinge word gereeld genoem, heelwat meer as die amptelike werkloosheidskoers.

Ervaring in die verlede leer dat geweld in een gemeenskap dikwels ‘n domino-effek deur die land het. Die land hou nou asem op.

Om bloot vir die bevolking te preek om nie vreemdelinge te haat nie, beteken dadels. Selfs protesoptredes teen ander sake soos swak dienslewering wat in geweld ontaard, is potensieel gevaarlik vir buitelanders in die omgewing. Hulle word in redelose woede geteiken.

Die vraag is, wanneer gaan witmense ook die teiken van daardie geweld word. Ten minste is dit broers wat uit Zimbabwe kom – baie nader familie as wit Afrikaanssprekendes wat nou nog die skuld kry vir alles wat verkeerd gaan. Politici se uitlatings, beleid soos regstellende aksie, verandering van name, miskenning van Afrikaans… al die dinge maak van ons vreemdelinge in ons eie land. Hoe lank gaan dit wees voor die visier van vreemdelingehaat na witmense draai?

Dit is net die regering wat die kultuur kan verander.

5 pound free

Wit boere gaan negatief geraak word deur Zim/SA-ooreenkoms

AfriForum gaan dié week ‘n groep Suid-Afrikaanse boere met grond in Zimbabwe bystaan om ‘n diskriminerende beleggingsooreenkoms tussen die Suid-Afrikaanse en Zimbabwese regerings wat Vrydag in Harare geteken gaan word, te keer.

Die beleggingsooreenkoms, kortweg bekend as BIPPA, beoog om huidige en toekomstige beleggings van Suid-Afrikaners in Zimbabwe te beskerm, maar sluit uitdruklik die beleggings van Suid-Afrikaanse boere wat deur Robert Mugabe se grondhervormingsprogram geraak is, uit.

AfriForum het ‘n regsmening van een van Suid-Afrika se voorste menseregte-advokate aan die minister van handel en nywerheid, Dr Rob Davies, voorsien waaruit dit blyk dat die beoogde ooreenkoms strydig is met die Grondwet, sekere internasionale regsbeginsels asook bestaande hofbevele van die Hooggeregshof in Pretoria en die tribunaal van SAOG.

Indien die ondertekeningsseremonie voortgaan, sal aansoek om ‘n interdik Vrydagoggend in die Noord Gautengse Hooggeregshof gedoen word.

Die groep boere word verteenwoordig deur Mnr Louis Fick, ‘n boer van die plaas Friedawil naby Chinoye in die Ooste van Zimbabwe. Fick is ‘n

Suid-Afrikaanse burger en boer sedert 1993 in Zimbabwe op Friedawil. Hy was een van 79 boere wat in November 2008 suksesvol was in hulle regsaksie voor ‘n tribunaal van SAOG (die Suid-Afrikaanse Ontwikkelingsgemeenskap). Die tribunaal het destyds geskiedenis gemaak met sy bevinding dat pres Robert Mugabe se grond-grypprogram rassisties en onwettig was en daarom gestaak moes word.

Mugabe het hom egter nie gesteur aan die tribunaal se bevinding nie en sy program verskerp. Fick se plaas is ook na die bevinding van die tribunaal beset deur ‘n groep onder leiding van ‘n hoë amptenaar van die Zimbabwese Reserwebank, ene Mr Mashiringwani.

Die groep het Fick op ‘n stadium by herhaling verhinder om sy vee te versorg. Dit het gelei tot 200 vrektes van varke en ander vee weens honger en dors. Fick moes onlangs weens desperate omstandighede al sy oorblywende vee op die plaas van kant maak.

Nadat hy nie gehoor gegee het aan ‘n amptelike kennisgewing dat hy sy plaas moet verlaat nie is hy gearresteer en ‘n nag lank in die polisieselle op Chinoye aangehou. Hy is sedertdien aangekla en word binnekort verhoor op aanklag dat hy Mugabe se grondhervormingsprogram dwarsboom. Indien hy “skuldig” bevind word aan die “misdryf”, kan hy tot twee jaar tronkstraf in ‘n Zimbabwese tronk opgelê word. Fick en sy gesin woon nou in Harare.

и бани Фильчаков прокурор

Mulder as VF+ partyleier herkies

Dr. Pieter Mulder, adjunkminister van Landbou, Bosbou en Visserye, is die naweek eenparig as leier van die VF Plus herkies.

Alle leiersposisies in die VF Plus word op ’n tweejaarlikse basis deur die party se Federale Raad oor gekies. Die Federale Raad is die VF Plus se hoogste gesagsliggaam en bestaan uit afgevaardigdes uit al nege provinsies. Die naweek se Federale Raadsvergadering was die grootste Federale Raadsvergadering wat nog gehou is, met talle nuwe afgevaardigdes uit alle provinsies.

Mnr. Abrie Oosthuizen, Vrystaatse leier van die party, is as die Voorsitter van die party herkies.

Na sy eenparige verkiesing het dr. Mulder die afgevaardigdes bedank vir hulle vertroue in hom en sy tevredenheid uitgespreek met die entoesiasme en voltallige bywoning van die vergadering. Hy het daarop gewys hoe oorhaastige transformasie en regstelling tot krisisse in staatsondersteunde instellings soos Eskom, SAL, Transnet, SABC en Krygkor gelei het. By al hierdie instellings is die hoofde die afgelope jaar afgedank. Om te kritiseer en te kla alleen gaan egter nie help nie. “Wat lê anderkant kla?” het dr. Mulder gevra. Volgens dr. Mulder lê die VF Plus se beleid en antwoorde anderkant kla.

Dr. Corné Mulder (Wes-Kaapse leier en LP), mnr. Pieter Groenewald (Noordwes-leier en LP), adv. Anton Alberts (VF Plus Parlementslid), mnr. Andrew Gerber (voormalige Noordwes-LPW) asook mnr. Jaco Mulder (Gautengse leier en LPW) is as lede van die VF Plus se Uitvoerende Dagbestuur verkies.

“Die vernuwing van die party was duidelik uit die feit dat soveel jong mense die vergadering bygewoon het en dat twee van die provinsies nuwe provinsiale leiers verkies het,” het dr. Mulder gesê.

Noord-Kaap en Limpopo het nuwe provinsiale leiers aangewys. Mnr. Wollie Burger is as nuwe provinsiale leier vir die Noord-Kaap gekies in die plek van mnr. Carel Boshoff IV wat nie weer beskikbaar was nie. In Limpopo is mnr. Louis Trichardt as provinsiale leier verkies in die plek van dr. Willie Snyman wat uitgetree het.

и поршневой

Ahmadinejad in Gambië

Die Iranse president, Mahmoed Ahmadinejad, het gister in Gambië aangekom vir ‘n werksbesoek van 24 uur wat daarop gemik is om verhoudinge tussen die Islamitiese republiek en die Wes-Afrika-land uit te bou.

Ahmadinejad sou samesprekings met sy Gambiese eweknie, Yahya Jammeh, oor ekonomiese en sekuriteitsaangeleenthede gevoer het.

Die Iranse leier – wat Gambië laas besoek het toe dit die Afrika-uniespitsberaad in 2006 aangebied het – sou agterna vertrek na Brasilië, Bolivia, Venezuela en Senegal.

Voordat hy op sy reis uit Teheran vertrek het, het hy gesê dat die lande wat hy op sy vyfdagreis sal besoek, “die vermoë het om ‘n nuwe wêreldorde teweeg te bring”.

Jonah Lomu speel weer rugby

Die voormalige All Black-superster, Jonah Lomu, het gister in Frankryk sy terugkeer tot rugby gemaak toe hy vir sy Franse Derde Divisie-span, Marseille-Vitrolles in hulle 63-18 oorwinning oor Motmelian uitgedraf het.

Die 34-jarige Lomu, wat op die internasionale verhoog losgebars het tydens die 1995 Wêreldbeker in Suid-Afrika, net om lamgelê te word deur ‘n siekte wat ‘n nieroorplanting in 2004 geverg het, het nie daarin geslaag om ‘n drie te druk nie en het erken dat taalprobleme sy bydrae gekortwiek het.

“Dit was ‘n bietjie moeilik om my spanmaats wat baie vinnig Frans gepraat het, te verstaan,” het Lomu gereken. Hy het 63 toetse vir sy land gespeel en het ook vir ‘n seisoen vir Cardiff uitgedraf voordat hy na sy tuiste in North Harbour teruggekeer het.

“Ek het hulle gevra om bietjie stadiger te praat. Ek moet vertroue terugwen en ek moet ook beter met hulle kommunikeer. Ek het by tye ietwat verlore gevoel op die veld.”

Lomu, wie se vrou en seun hom van die paviljoen dopgehou het, het nou wel nie punte aangeteken nie maar sy trefkrag op die klub was duidelik uit die feit dat die wedstryd 2,500 toeskouers getrek het.

“Hierdie gaan oor meer as rugby,” sê die klubpresident, Claude Atcher. “Dit gaan oor siekte en lewe.”

Lomu sê hy hoop dit sal die begin van ‘n aantal plesierige jare in Marseille wees.