Dan Roodt, Author at praag.co.za

Zimbabwe: binnekort in ‘n woonbuurt naby jou…

Zimbabwe is ‘n bron van nimmereindige spekulasie onder bekommerde Suid-Afrikaners. Wanneer gaan die ineenstorting sy finale stadium bereik? Hoekom weier Thabo Mbeki om effektiewe druk toe te pas? Hoe kry die Zanu PF dit reg om enige kiesers hoegenaamd oor te haal om vir hom te stem? Gaan die Zimbabwiese dollar aan die rand gekoppel word en Suid-Afrika se ekonomie ook oor die afgrond meesleur?

Uiteraard kan mens slegs spekuleer oor die ANC-regime se misterieuse ondersteuning vir die Mugabe regime, iets wat sekerlik ‘n enorme internasionale verleentheid vir die Suid-Afrikaanse owerhede moet wees. Daar is moontlik heelwat fasette hieraan. Een is dat enige kritiek op ‘n swart regering, al is dit ‘n despoot s’n, Thabo Mbeki se Afrosentrisme dwars in die krop steek. Moontlik is die onverklaarbare ondersteuning vir ‘n kranksinnige ou man, ten koste van sy eie ekonomie, verwant aan Mbeki se weiering om die skakel tussen MIV en vigs te erken. Kan dit wees dat Mbeki enige Westerse kritiek op ‘n swart staatshoof, al is laasgenoemde ‘n brutale diktator, as rassisme sien, nes hy enige sprake van vigs as rassistiese kritiek teen dierlike swart seksuele gewoontes ervaar?

Hoe dit ook al sy, sit die ANC met ‘n geweldige tamelêtjie sover dit Zimbabwe betref. Dit sou bitter maklik wees om Mugabe uit die kussings te lig. Mbeki hoef slegs ‘n foonoproep na Megawatt Park te maak om Zimbabwe se elektrisiteit af te sny, en dan is dit ‘n kwessie van tyd. Sodoende sal Mbeki egter teen ‘n ou bondgenoot draai, en die Weste gelyk gee oor iets wat Mbeki self, as ‘n intelligente man, reeds lankal besef het: Afrika se regerings en staatshoofde is fundamenteel geneig tot magsbeheptheid, wanbestuur en anargie.

Dit is reeds so dat miljoene Zimbabwiese burgers onwettig in Suid-Afrika is. Dat blanke belastingbetalers lank reeds as onvrywillige maar vrygewige gasheer vir gratis opvoeding aan derduisende Zimbabwiese skoolkinders optree, en goedgunstiglik vir swanger Zimbabwiese vrouens se bevallings betaal, is ‘n feit soos ‘n Nguni-koei. Wat blanke Suid-Afrikaners egter meer moet bekommer, is die nagevolge van die onvermydelike finale ineenstorting van Zimbabwe, iets wat sekerlik slegs ‘n paar maande weg is.

Die een en enigste ding wat Mugabe steeds aan bewind hou, is ‘n lojale polisie- en weermag. Mugabe se regime sorg eerstens vir sy veiligheidsmagte. Dis húlle wat die belaglike edik namens Mugabe afdwing, waarvolgens alle winkels hul pryse moes halveer. Selfs ‘n tienjarige kan voorspel wat sal gebeur as handelaars gedwing word om goedere onder kosprys te verkoop. Oorweeg egter vir ‘n oomblik die situasie teen Kersfees 2007, wanneer die ekonomie in Zimbabwe finaal ineengestort het. Mugabe kan nie meer sy veiligheidsmagte betaal nie. Hulle is egter gewoond aan ‘n lewenspeil wat ver bo die normale Zimbabwiër s’n verhewe is. Skielik sit hulle in dieselfde bootjie as hul ellendige mede-landsburgers. Wat gaan hierdie goed-bewapende en opgeleide soldate en polisielede doen?

Reg geraai: hulle gaan wettelose entrepreneurs word. Dit help natuurlik nie om onwettige "sakebedrywighede" in ‘n land met ‘n vernietigde ekonomie te bedryf nie, want alles is reeds daar geplunder. Anders as in Waterkloof en Bryanston. As ons gedink het die misdaadgolf van 2006/7 was erg, hoe gaan 2007/8 s’n lyk, wanneer derduisende desperate Zimbabwiese weermag- en polisielede met AK-47’s in die hand die poreuse Limpopogrens oorsteek?

Dis mis weer in Latyn gevier

Benediktus XVI

Die meeste Suid-Afrikaners het nie veel ag geslaan op die besluit van historiese belang wat pas deur pous Benediktus XVI geneem is nie. Die pous het naamlik ’n dekreet deurgevoer wat dit weer moontlik maak vir Katolieke om in Latyn te aanbid. Tydens die sitting van die tweede Vatikaan-konsilium in die vroeë sestigerjare van die vorige eeu is daar besluit om weg te doen met die Latynse mis. Die liberale atmosfeer van daardie periode het kerkleiers laat voel dat Latyn uitgedien was en ’n hindernis vir gewone kerkgangers geword het. Die mis sou voortaan in “gewone taal“ gevier word en die altaar moes na die gemeente se kant gedraai word. Dit was in teëstelling met die kerk se tradisie, wat tydens die konsilium van Trent in die sestiende eeu ontstaan het, om die mis in Latyn te vier en die altaar in ’n oostelike rigting te draai, met die priester wat sy rug na die gemeente draai terwyl hy die mis lewer.

In ’n brief wat die pous pas aan kerkleiers in die Katolieke kerk gestuur het, ontken hy dat hierdie stap verdeeldheid binne die kerk gaan veroorsaak en dat dit ’n poging is om die tradisionele vleuel te paai. ’n Groot groep Katolieke het hulle naamlik verset teen die liberale besluite van die tweede Vatikaan-konsilium en het voortgegaan om die mis in Latyn te vier en om hul eie biskoppe in te huldig. Die gebruik van Latyn was ’n manier om te protesteer teen die liberale winde van eukemeniese verandering wat deur die kerk gewaai het. In 1988 is die hoof van hierdie tradisionele faksie, Monseigneur Lefebvre, uit die Katolieke kerk verban, wat baie bitterheid by sy aanhangers geskep het.

Katolieke kan van nou af by hulle plaaslike priester daarop aandring om die mis in Latyn aan te hoor of volgens die ou Latynse formulier gedoop of in die huwelik bevestig te word. Indien die priester so ’n versoek sou weier, kan gemeentelede hulle op hul biskop beroep, so nie direk ’n versoek aan die Vatikaan rig.

Die huidige pous is bekend vir sy ortodokse standpunte. As kardinaal het hy homself reeds sterk uitgespreek teen moderne verdraaiings van die mis.

Jode het beswaar aangeteken teen die pous se jongste besluit, aangesien die Latynse mis volgens hulle anti-Semitiese elemente bevat. Op Goeie Vrydag word daar naamlik spesifiek gebid dat Jode hulle tot die Katolieke godsdiens sal bekeer.

Alhoewel die tradisionaliste in die Katolieke kerk verheug is oor Benediktus XVI se besluit, is die besluit oor die mis in Latyn nie ’n algehele oorwinning nie: die gewone mis sal steeds die norm van eredienste wees. Dit bly egter ’n belangrike toegewing en kan dalk daartoe bydra dat die kloof tussen moderniste en tradisionaliste in die kerk oorbrug word.

Mosambiek kry ?n hupstoot

Wag vir toeriste

Die Wêreldbank het gister bekendgemaak dat dié instansie krediet ter waarde van 100 miljoen dollar aan Mosambiek gaan toestaan ten einde die land se padnetwerk te verbeter. Mosambiek sal geen rente betaal nie en 40 jaar gegun word om die bedrag terug te betaal.

Die herstel van paaie en bou van brûe is een van Mosambiek se prioriteite. Die regering het enkele maande gelede ’n internasionale tender ter waarde van een miljard dollar bekendgemaak om ’n snelweg te bou wat die onderontwikkelde noordelike provinsies met die meer ontwikkelde suide sal verbind. Die naam van die maatskappy wat die tender ontvang het, sal later vandeesmaand aangekondig word.

Daar word gehoop dat ’n verbeterde infrastruktuur meer toeriste na die land sal lok, veral tydens die Wêreldbekertoernooi in 2010, wanneer duisende mense in Nelspruit naby die grens verwag word.

Tans oorleef sowat 80% van Mosambiek se 20 miljoen mense danksy bestaansboerdery. Daar word gereken dat tot een miljoen Mosambiekse burgers tans in Suid-Afrika werk, hoofsaaklik in die myne, maar ook in die landbousektor en boubedryf.

отделка бани Александр Фильчаков

Die agtste wonder van die w?reld

‘n Wêreldwye peiling is onlangs gehou om die sewe wonders van die hedendaagse wêreld te kies. Van die sewe wonders van die antieke wêreld bestaan daar slegs nog een, naamlik die groot piramide by Gizeh.

Die ander wonders het ingesluit die hangende tuine van Babel en die lighuis by Alexandrië. Bykans 100 miljoen mense het deelgeneem aan ‘n internasionale stemmery. Die sewe wonders van die moderne wêreld is as volg gekies: die Groot Muur van China, die Taj Mahal in Indië, die Colosseum in Rome, die Christusbeeld in Rio de Janeiro, die Inka’s se stad Machu Picchu in Peru, die ruïnes van Petra in Jordanië en die stad Chichén Itzá in Meksiko.

Asië het die verkiesing "gewen" met drie wonders, Europa het slegs ‘n (politiek korrekte?) een gehad, Suid-Amerika twee en Noord-Amerika een. Wat natuurlik skitter in sy afwesigheid is die wêreld se tweede grootste kontinent, Afrika. Afrika het weliswaar ‘n kandidaat gehad: die stad Timboektoe in Mali.

Ongelukkig vir Afrika het die deelnemers aan die kiesery waarskynlik besef dat die Islamitiese akademie aldaar bitter min met Afrika en inheemse denke te doen gehad het. Die intellektuele stukrag van die akademie was volledig van Arabiese oorsprong. Van die res van Afrika, en veral die lande buite die Arabiese invloedsfeer, was daar hoegenaamd geen melding gemaak nie.

Ek hoef nie uit te brei oor watter geskiedenislose vakuum en letterlike donkerte Afrika suid van die Sahara verteenwoordig nie. Hierdie was die kontinent wie se inwonders vir eeue na die see gestaar het sonder om daaraan te dink om ‘n skip te bou, die kontinent waar basiese uitvindsels soos die wiel, die geskrewe woord, skarniere, riolering en besproeiing onbekend was, laat staan nog telefone, buskruit of die differensiaalrekenkunde.

Vernederend, is dit nie, dat ‘n reusagtige kontinent so arm van gees kon wees dat ‘n blote skiereiland, Europa, nie minder nie as ses nominasies kon ontvang teenoor die embarrasserende een van Afrika nie, een wat boonop onder eksterne invloed opgerig is?

Tog is daar diegene, veral lede van die swart groepe van Amerika en akademici soos Martin Bernal, wat hardnekkig bly ontken dat Afrika ‘n enorme agterstand het. Hierdie mense kwalifiseer vir my as die agtste wonder van die wêreld.

Hulle is mense wat teen alle beskikbare getuienis in bly aanspraak maak daarop dat veral Westerse denke en beskawing grootliks hul oorsprong in Afrika gehad het, wat aanhou aanspraak maak daarop dat Afrikane en Inkas se beskawings op ‘n gelyke vlak was. Daar is selfs ‘n hele beweging wat probeer om hedendaagse geloofwaardigheid of relevansie aan primitiewe gebruike soos toordoktery te verleen onder die naam inheemse kennis ("indigenous knowledge").

Mens hoef egter nie so ver soos Bernal se instansie, Columbia Universiteit, te soek vir só ‘n wandelende wonder nie. Thabo Mbeki se Afrosentrisme steun sterk op werke soos Black Athena. Nader aan die huis het selfs Afrikaners een in eie geledere: Max du Preez. Max bly wonderbaarlik en hardnekkig ontken dat Afrika ‘n agtergeblewe kontinent is.

Hy is onbeheerbaar opgewonde oor ‘n sogenaamde metropool wat glo naby Johannesburg in antieke tye bestaan het, en oor enkele goue beeldjies wat in die Noord-Transvaal gevind is. Vreemd dat daar bitter min van Max se "metropool" oor was in 1886 toe goud op die Witwatersrand ontdek is, of hoe? Nee, darem nie regtig vreemd nie.

Die sogenaamde metropool was in der waarheid bloot ‘n versameling tydelike skuilings en vuurherde opgerig deur nomadiese trekboere, waarvan slegs enkele, onbeduidende oorblyfsels agtergelaat is. Van ‘n hoë beskawing (in teenstelling met ‘n kultuur) was daar egter geen sprake nie.

Afrosentriste soos Mbeki en Du Preez doen Afrikane kennelik ‘n enorme onreg aan. Dit is eers as mens jou eie probleme eerlik in die gesig kan staar, dat jy daadwerklike vordering kan toon. Asiate soos die inwoners van China en Japan het gesnap dat, hul geskiedenis van hoë beskawing ten spyt, hulle sou moes aanpas om by te hou in die moderne wêreld.

Vandag maak Taiwan, Japan en China veel beter en meer koste-effektiewe rekenaarskywe as enige Westerse land. Max du Preez, Martin Bernal en Thabo Mbeki se wonderbaarlike maar halstarrige weiering om die realiteit vierkantig in die oë te staar, gaan Afrikane nog duur te staan kom.

Van Nqakula & Selebi tot varke & bobbejane

Die onlangse misdaadstatistiekverslag en gepaardgaande uitsprake deur Minister Nqakula en Komm. Selebi, verwys.

In George Orwell se boek: "Animal Farm", figureer bobbejane weliswaar nie as karakters nie, maar wel (vet) varke. Selfs 'n aap met 'n ertjiepitbrein sal vir jou kan sê dat die Nuwe Suid-Afrika beswaarlik beter funksioneer vandag as 'n Piesangrepubliek. Om die punt te bewys: Ons sit blykbaar met 'n moderne Grondwet vol allerlei teoretiese en filosofiese waarborge van vryheid, gelykheid, demokrasie en dies meer op papier, maar in realiteit beleef 'n mens net die teenoorgestelde: Naamlik 'n regeringsgesteunde vertrapping van minderheidsregte, geïnstitusionaliseerde diskriminasie by indiensneming en die ongelooflike miskenning van 90% van Suid-Afrikaners (wit, swart en bruin) se demokratiese wens om die doodstraf terug te bring in bykans die misdadigste land ter wereld!

Om die Suid-Afrikaanse "Animal Farm" in beter te verstaan, moet mens ook die narre in beheer kan eien. Hulle is gewoonlik 'meer gelyk' as die res van die gepeupel en skuil uiteraard agter tientalle lyfwagte en/of gedra hulself soos ware varke met hul hoëspoed gewapende konvooie op ons snelweë, pleks daarvan dat hulle net 'n slag van hul ideologiese troontjies afklim en hul werk begin doen. Die vernaamstes van hulle sit in regeringsposte met vanne soos Nqakula, Selebi, Msimang, Pandor, Balfour, Xingwana . . . gits, ek moet stop — net-nou lys ek al 28 van hulle minus een (dit is natuurlik Manuel)!.

Dis nou reeds algemeen om terme soos 'regstellende aksie', 'kwota', 'SEB' en dies meer in verband te bring met onbevoegdheid, onverdienstelikheid, ens. Die here Nqakula en Selebi staan ongetwyfeld heel voor in die ry van sulke toekennings — die afgemete bekendmaking van ongetemde misdaadstatistieke is die swart-op-wit bewys daarvan.

Ons kan beter doen sonder sulke (s)otte in die Suid-Afrikaanse orweliaanse grap wat hulle graag die Nuwe SA noem. Sal Pres. Mbeki asb. hierdie nikswerd ("onderpresterende" is onvanpas, want dit impliseer prestasie al is dit van onaanvaarbaarde gehalte) Minister en Kommisaris vervang — selfs al is dit dan met bobbejane uit die dieretuin! Ons sal waarskynlik beter daaraan toe wees. Ten minste kan 'n bobbejaan nie pêlle raak met elemente van die onderwêreld nie en kan hy ook nie vir jou en my wat reeds hoë belasting betaal en 'n sekuriteitsbedryf reeds twee keer die grootte van die Polisiemag in stand hou met na-belaste geld, vra wat jy doen om misdaad te bekamp nie!

Daarvan gepraat, hoe doen mens dit as jy ontwapen word deur die regering en wanneer jy dit wel waag om 'n vermeende moordenaar of verkragter in jou huis te skiet, dan sluit hulle jou summier toe oor 'n naweek in 'n Polisiesel waar jou eie verkragting deur mede-aangehoudende kriminele 'n uitgemaakte saak is. Hoe doen mens dit in die skadu van ontbinde spesialiseenhede, ontbinde kommando's, die afskaffing van die doodstraf, sonder 'n flinke 10111 diens, met polisievoertuie sonder brandstof, met misdadigers wat op vroeë parool gaan, met misdadigers wat op strepe vrygelaat word weens oorvol tronke, ens.?

Op die keper beskou het misdaadbekamping onder die beheer van die twee genoemde here net een rigting gegaan, en dit was snel agteruit! Dalk was alles in die ou-SA tog nie so sleg gewees nie!

logo for euro

Die kleure van die Franse weermag

Saterdag is die herdenking van die bestorming van die Bastille-gevangenis, ‘n nasionale vakansiedag in Frankryk. En volgende Saterdag, 14 Julie, sal weer ‘n geleentheid vir Franse soldate wees om in hul deftige uniforms voor Nicolas Sarkozy verby te marsjeer in Parys.

Onder die troepe is baie swart en Arabiese gesigte. Maar onder die bevelvoerders nie ‘n enkele een nie. Etniese verskeidenheid bestaan, maar net vir die laagste range. Dié toestand het die Verteenwoordigende Raad vir Swart Assosiasies, Conseil représentatif des associations noires (Cran), genoop om ‘n ope brief aan die president te rig.

Maar daar is blykbaar reeds ‘n roering onder besluitnemers oor die aangeleentheid. Die minister van Verdediging, Hervé Morin, wil graag "sigbare minderhede" in verantwoordelike poste sien. Alhoewel hy die gedagte van "regstellende aksie" verwerp, het hy homself verbind tot "diversiteit". Hy wil sien dat "arm kinders, sonder geleenthede", toegelaat word om aan die voortreflike militêre instellings soos Saint-Cyr of Navale te studeer.

Vanaf 2008 wil die minister studente by die beste militêre opleidingskole inskryf vir oorbruggingsklasse alhoewel hulle nie kwalifiseer vir toelating nie. "Dit is nie ‘n geval van die toelatingsvereistes wat ons wil verlaag nie, maar om die jeug te kry om in ‘n goeie omgewing te studeer want hulle glo dat sulke instellings nie vir hulle is nie." Só gesels ‘n amptenaar wat gemoeid is met die saak.

Die Infanterie rekruteer 13 000 siele per jaar en is besonder sensitief oor die aangeleentheid. Dit is "’n sentrale onderwerp, een wat ons ná aan die hart lê," sê die opperbevelvoerder generaal Bruno Cuche. As ‘n oud-bevelvoerder van Saint-Cyr meen die generaal dat hy nog nie die "sigbare minderhede" opgemerk het nie. Die ideaal volgens hom is dat die weermag die bevolking ten volle weerspieël.

Sy direkteur van Indiensneming, generaal de Bavinchove, voeg by dat die enigste gekleurde gesigte by Saint-Cyr Coëtquidan dié van buitelanders is. "Ons is dekades agter die VSA." Dit sal weliswaar eers in 2040 wees dat een van die kinders van immigrante-ouers ‘n bevelsposisie sal beklee indien hy vandag aansluit.

Eric Deroo, historikus wat navorsing oor koloniale troepe gedoen het, sê daar was "in die dertigerjare ‘n vyftigtal swart offisiere (…) maar nog nooit ‘n swart generaal nie."

Desnieteenstaande is immigrante se kinders aangetrokke tot die weermag. Op die oomblik skat waarnemers dat 15% van die mag uit nie-blankes bestaan. Word daar teen hulle gediskrimineer? In ‘n boek oor die onderwerp wat deur die ministerie van Verdediging geborg is, Couleurs du drapeau (Kleure van die Vlag), sê die skrywers dat nie-blankes Frans voel, maar dat hulle dikwels sukkel om die weermag dit te laat glo.

Die neteligste kwessie is Islam en die Moslemgeloof. Hulle voel dat die Franse agterdogtig bly dat daar ‘n verdeelde lojaliteit by sulke soldate is. In 1975 was die bevelvoerder van die Spesiale Magte in Laos egter generaal Wolsztynski, seun van ‘n Poolse immigrant, en voorstanders van "diversiteit" dink hy sal as uitstekende voorbeeld dien om die bevelstruktuur te verswart…

no deposit win

Iran slows enrichment

Iran has slowed down the expansion of its nuclear enrichment programme at its plant in Natanz, UN nuclear chief Mohamed ElBaradei has said.

The IAEA secretary general also said he was sending a team of officials to Tehran on Tuesday for discussions. Iran insists that its nuclear programme is for purely civilian purposes.

Tehran is under growing pressure from the US and EU to halt enrichment, and the UN has passed two resolutions and packages of sanctions against it.

So far Iran has been defiant, vowing repeatedly to install thousands of the centrifuges that, when run in a series, enrich uranium.

"We have seen a fairly slow development in commissioning new cascades," Mr ElBaradei said.

He said International Atomic Energy Agency inspectors had noticed Iran’s slowdown "in commissioning new cascades for the treatment of nuclear material" while on a visit to the nuclear facility at Natanz last week. Mr ElBaradei welcomed this.

"Iran needs to do everything to cool things down," he said. "[There is a] need to shift from the mode of confrontation to the mode of goodwill and co-operation."

Mr ElBaradei repeated a call for the United States to speak directly to Iran about Iran’s nuclear programme.

"I think that would help for in many ways for us to make progress. You need to understand where each other is coming from," he said.

Мордвинов topcargo

Nigerian kidnappers free girl

Nigerian kidnappers on Sunday released a 3-year-old British girl they had seized in the southern city of Port Harcourt, authorities said.

Unknown gunmen had snatched Margaret Hill from the car in which she was being driven to school while it was stuck in traffic on Thursday morning.

”We can confirm that she has been released back to her parents. She is fit and well,” said an official at the British High Commission in Abuja.

No further details were immediately available.

The girl’s mother said on Friday the kidnappers had called her, first demanding a swap between the daughter and the father, and later demanding a ransom. The amount demanded was unclear.

The kidnappers had threatened to kill the girl.

The High Commission official said he did not know whether a ransom had been paid.

Abductions for ransom are common in the oil-producing Niger Delta, where Port Harcourt is located, although it is rare for children to be targeted.

The abduction of the toddler caused outrage in Nigeria, including among militant groups in the Niger Delta who said it undermined their campaign for greater local control of oil revenues.

topcargo

Plan om Zim-dollar te red

Die Suider-Afrikaanse Ontwikkelingsgemeenskap (SAOG) is tans besig met ’n plan om die Zimbabwiese dollar aan die Suid-Afrikaanse rand te koppel. Die plan behels dat die monetêre area van Suid-Afrika, Namibië, Lesotho en Swaziland uitgebrei sal word om Zimbabwe in te sluit. Die rand kan tans in al hierdie gebiede gebruik word en plaaslike geldeenhede is daaraan gekoppel. Dit bring mee dat hulle wisselkoers stabiel bly teenoor die Amerikaanse dollar en ander geldeenhede.

Amptelik is die inflasiekoers in Zimbabwe tans 4 500%, maar die werklike koers is waarskynlik dubbel so hoog. Dit het die Zimbabwiese dollar en Zimbabwiese salarisse feitlik waardeloos gemaak. Op die swart mark word die Amerikaanse dollar tans vir Z$250 000 verhandel.

Ingevolge die SAOG-plan sal die reserwebanke van Suid-Afrika en Botswana geld aan die Zimbabwiese reserwebank gee om die bank aan die gang te hou. Die idee is om in ruil vir geldelike bystand president Robert Mugabe tot politieke hervormings oor te haal.

Verteenwoordigers van Mugabe se ZANU-PF en die MDC-opposisieparty begin vandag buite Pretoria met onderhandelinge oor die politieke situasie in Zimbabwe.

99spravok

Sy Majesteit kry kompetisie

Zwelethini en Mswati

Elf amakhosi in Kwazulu-Natal het onlangs aansoek gedoen by die Nhlapo-kommissie vir tradisionele leierskapgeskille- en eise om konings te word met dieselfde status as koning Goodwill Zwelithini. President Thabo Mbeki het in 2004 vir professor Thandabuntu Nhlapo aangestel om hoofmanne en konings se klagtes aan te hoor.

Die kommissie se uitspraak word eers oor twee jaar verwag. ’n Vergadering van tradisionele leiers het egter verlede week in Ulundi die elf eise verwerp. Die meeste amakhosi is lojaal aan die Zoeloekoning. Tydens verlede week se vergadering het Mangosuthu Buthelezi gesê dit sal “tragies” wees as niks aan hierdie saak gedoen word nie. Hy meen alle tradisionele leiers moet later vandeesmaand die sitting bywoon waar die elf eise aangehoor sal word.

Zwelithini se koninklike huishoudelike begroting vir 2007/8 beloop R36,4 miljoen, rojaal voorsien deur belastingbetalers. Zwelithini is egter bekend daarvoor dat hy gereeld sy begroting oorskry. Verlede jaar het hy R3,5 miljoen meer as die toegekende bedrag bestee. Dr Vusi Shongwe, hoof van die koninklike huishouding, het vroeër vanjaar die Kwazulu-Natalse finansiële portefeuljekomitee toegespreek en die spandabelrige uitgawes van die Zoeloekoning geblameer op die konflik tussen “moderniteit en tradisie”. Hy het verder daarop gewys dat koningshuise nog altyd met “oordaad” geassosieer is.

In 2006 het koning Goodwill Zwelithini ses Mercedes-Benz E200 Kompressors vir sy ses vroue aangeskaf, vir die bakatel van R2,3 miljoen. Die Toyota Corollas waarmee hulle ses chauffeurs hulle vroeër vervoer het, het kwansuis nie by hulle status gepas nie. Sy eie S-klas Mercedes kos R1,8 miljoen. Elke band van die spoggerige voertuig kos R28 000 om te vervang.

Die koninklike huishouding is lief vir reis en weelderige akkommodasie. In een maand verlede jaar het sy entourage (wat soms uit 145 persone bestaan) amper R600 000 op reis en verblyf spandeer.

In die lig hiervan behoort dit seker nie verbasend te wees dat die leiers van die amaHlubi, amaNgwane, Mngomezulu, amaThonga, Nhlangwini, abaNguni, amaZizi en ander groepe ook koninklike apsirasies koester nie…

подвесной светильник topcargo развод