Skrywer: Dan Roodt

Kenia se presidensiële kandidaat Uhuru Kenyatta word daarvan verdink dat hy gruwelike misdade gepleeg het deur moordbendes te betaal om vroue en kinders te laat doodmaak.

Die opposisiekandidaat in Kenia staar ook aanklagte van misdade teen die mensdom in die gesig, en soos Kenia se verkiesingsuitslag nader, het die Obama-administrasie ‘n waarskuwing uitgereik wat lui: “Keuses het gevolge.”

Toe die stemtellery hierdie week begin het, was Uhuru Kenyatta, die seun van Kenia se eerste president, los voor in die wedloop vir die presidentpos. Binnekort, kan die Obama-administrasie en sy bondgenote ‘n moeilike keuse hê tussen die twee voorloperkandidate.

Sommige diplomate het al van die “Mugabe”-faktor gepraat.

Wat maak die Verenigde State as Kenyatta hierdie verkiesing wegraap? Sal dit al die ander strategiese Amerikaanse belange gevestig in Kenia in gevaar stel, en moet ‘n belangrike bondgenoot vervreem word? Kenia is ‘n belangrike middelpunt vir alles vanaf die miljard-dollar gesondheidprogramme en Amerikaanse korporasies tot agente wat op Al-Kaida spioeneer.

Die Britte het reeds in die openbaar gesê dat hulle enige kontak sal vermy, tensy dit noodsaaklik is.

As hy wen, sal Kenyatta, wat voor is met 50 persent van die stemme, die tweede Afrikastaatshoof wees na Soedan se Omar Hassan al-Bashir wat by die Internasionale Strafhof in Den Haag sal aangekla word.

Kenia ontvang byna $1 miljard in Amerikaanse steun elke jaar en het ingestem om Somaliese seerowers gevange te hou en honderde duisende vlugtelinge te aanvaar, op die versoek van donateurs soos die Verenigde State.

Nairobi, Kenia se hoofstad, is die tuiste van die grootste Amerikaanse ambassade in sub-Sahara Afrika en ‘n uitgestrekte Verenigde Nasies-kampus wat programme regoor die wêreld bestuur. Dit maak ditveral moeilik vir die Verenigde State van Amerika om sy hulpbronne te iewers anders te konsentreer.

Daar is regtig baie min hefboomkrag wat die VSA en ander lande kan uitoefen omdat Kenyatta maklik kan draai na China, wat belangrike vordering gemaak het in die bou van paaie en selfs geheime finansiering aan ‘n paar Keniaanse militêre operasies gee.

Hofstukke teken ‘n ontstellende prentjie van Kenyatta. Volgens die aanklaers, is honderde van sy mede-Kikuyu’s deur mededingende etniese groepe gedood in die ontploffing van geweld na die laaste belangrike verkiesing in 2007, en Kenyatta het daarna vergaderings georganiseer met ‘n Nairobiese straatbende om wraak te neem.

Die berugte bende, die Mungiki, het mense, insluitende klein kinders doodgebrand in hul huise.

In die Keniaanse politieke landskap is min figure so polariserend soos Kenyatta, 51, ‘n adjunk-eerste minister. Baie lede van ander etniese groepe beskuldig hom en sy familie dat hul voorvaderlike grondgesteel het, die basis vir die Kenyatta-fortuin.

Maar Kikuyu sien Kenyatta as ‘n verlosser. Hy is ‘n selfversekerde spreker, opgevoed by Amherst College.

Baie Westerse regerings sal duidelik die eerste minister, Raila Odinga, verkies, maar hy lyk na die verloorder.

Die VF Plus het ‘n klag met bewysstukke by die openbare beskermer, Adv Thuli Madonsela, ingedien om die voortdurende viktimisasie van fluitjieblasers in die DA-beheerde Midvaal munisipaliteit in Gauteng te ondersoek.

Dit volg nadat mnr Corrie Pypers, wat vir 10 jaar reeds voorsitter van die Meyerton Golfklub is sedert sy verkiesing as VF Plus raadslid vir Midvaal in Mei 2011 en na die vrystelling van ‘n openbare beskermerverslag oor Midvaal, toenemend deur die DA geteister word.

Die DA orkestreer ondermeer op ‘n gereelde basis aksies teen die Meyerton Golfklub ten einde van Pypers ontslae te raak.

Mnr Corrie Pypers was een van die fluitjieblasers in die saak wat gelei het tot die publikasie van ‘n verslag van die Openbare Beskermer op 8 November 2011, getiteld “It can’t be right: Remedying self Interest”. Hierdie verslag het ondermeer wanadministrasie in Midvaal bevind en gelei tot die afdanking van mnr Andre Odendaal, prokureur en diensverskaffer van regsdienste van die Midvaal munisipaliteit. Odendaal was voorheen die voorsitter van die DA in Midvaal.

Ondersoeke deur die spesiale ondersoekeenheid na beweerde kriminele oortredings in Midvaal, wat uit bevindings in die verslag voortspruit, is tans aan die gang.

Odendaal is egter onlangs, ten spyte van die bevinding van die Openbare Beskermer, weer as diensverskaffer van regsdienste in Midvaal aangestel.

Odendaal het ook in 2011 ‘n lasteraksie teen die VF Plus, verteenwoordig deur mnr Jaco Mulder LPW, mnr Corrie Pypers en mnr Kobus Hoffman, ‘n voormalige DA lid van die burgemeesterskomitee oor finansies in Midvaal, begin nadat bewerings van vermeende wanadministrasie en korrupsie in die media gemaak is.

Daar is ‘n groot skroef los in Midvaal sê Pypers en ten spyte van die feit dat die leierskap van die DA, onder leiding van me Helen Zille, dit reeds sedert 2009 onder die mat invee sal die waarheid binnekort seevier.

ANC-LP Winnie Madikizela-Mandela het gister beloof om die regering te wys hoe om dienste te lewer aan mense na ‘n besoek aan ‘n ​​skool waar leerlinge aan ‘n ​​sanitasiekrisis blootgestel is nou al vir die afgelope ses jaar.

Die situasie het so sleg geraak dat die meer as 500 leerlinge op Polonia Primêre Skool, in Mmakau, Noordwes, hulself in die skool se agterplaas verlig as gevolg van die disfunksionele toiletstelsel.

“Ek het hierheen gekom, want ek wil help. Ek gaan toesien dat ek ons regering wys dat dit gedoen kan word,” het Madikizela-Mandela gesê.

Die ANC-veteraan, wat ook deel van die Minister van Menslike Nedersettings Tokyo Sexwale se ministeriële taakspan is oor sanitasie, het die skool besoek gister ná ‘n brief van die Nasionale Vereniging van Skool Beheerliggame.

“Ons moet erken dat ons ons kinders faal. Ons moet die waardigheid van ons kinders herstel,” het sy gesê.

Die regsverteenwoordigers van goudmyn-werkers wat aan die longsiekte silikose ly, het met ‘n aansoek om ‘n groepsgeding teen Anglo American begin.

Die aansoek is die jongste in ‘n reeks groepsgedinge teen Suid-Afrika se eens magtige goudmynbedryf.

Anglo American wat sy hoofkantoor in 1999 van Johannesburg na Londen verskuif het, het nie meer goudmyne in Suid-Afrika nie.

Die regsverteenwoordigers sê egter die afdeling van die maatskappy, wat in Johannesburg gebaseer is, het bates van sowat ‘n miljard rand.

Hulle beweer dat Anglo American nalatig was en nie die blootstelling aan stof en silikose voorkom het nie.

Pres. Jacob Zuma het die onlangse rits gewelddadige misdaad, spesifiek teen vroue en kinders, veroordeel.

“… Ons moenie vergeet dat die meerderheid van die 52 miljoen Suid-Afrikaners vredeliewende, goeie, wetsgehoorsame burgers is nie,” het hy in die parlement gesê.

Hy het die geweldskultuur aan apartheid se nalatenskap toegeskryf, asook aan swart vaders wat nie na hulle kinders omsien nie.

“Die stelsel van apartheid kon net volgehou word deur middel van geweld, en geweld het verskans geraak in apartheid Suid-Afrika,” het Zuma gesê.

“Swart kinders het die laagste persentasie van huidige vadertoesig op 31,1%, terwyl Indiërkinders die hoogste het op 83,0%, met wit kinders agter op 80,8% en vir gekleurde kinders is die verhouding 53%.”

“[Suid-Afrikaners] is lief vir hul land. Hulle doen elke dag hul bes om Suid-Afrika ‘n beter plek te maak… Wanneer ‘n mens wil uitvaar, moet ons versigtig wees om nie alle Suid-Afrikaners as gewelddadig en brutaal uit te beeld nie. Ons moet versigtig wees om nie ons land sleg te sê nie.”

Zuma het bygevoeg dat burgers nie vertroue in hul eie menslikheid moet verloor nie.

“Ons moet ook nie ons pragtige land uitbeeld as ‘n inherente gewelddadige plek om te woon nie,” het die president gesê.

Hy meen die land moet “soos alle lande” vir oplossings soek.

Volgens hom is mense geregtig om teen die onlangse geweld in die land uit te vaar. Zuma meen dit dui aan dat burgers nie hul sin vir reg en verkeerd verloor het nie.

“Ons moet nou saam werk om oplossings te vind.”

President Jacob Zuma sê Suid-Afrika is nie ‘n gewelddadige land nie.

Daar is egter sekere elemente wat op ‘n skokkende wyse optree. Zuma het die Huis van Tradisionele Leiers in die Parlement in Kaapstad toegespreek.

Hy sê mense moet nie alle Suid-Afrikaners as gewelddadig en wreed skets nie.

Zuma se opmerkings kom te midde van ‘n vlaag protesoptredes, misdade en beweerde polisiewreedheid die afgelope tyd in die land.

Hy sê Suid-Afrikaners moet nie vertroue verloor in hul eie menswees en bevoegdheid om dit wat verkeerd is in die land, reg te maak nie.

Die Paralimpiese atleet en moordverdagte Oscar Pistorius en sy familie het besluit om nie meer die dienste van die beeldpoetser te gebruik wat namens hom opgetree het nie, het ‘n berig Donderdag gelui.

Die maatskappy, Vuma Reputation Management, het egter volgens The New Age ontken dat die besluit verband hou net onlangse uitlatings van Pistorius se pa in ‘n onderhoud met ‘n Britse koerant. Henke Pistorius het in dié onderhoud gesê die ANC-regering doen nie genoeg om wit mense te beskerm nie.

“Absoluut nie, dit het niks te doen met die uitlatings nie. Ons is in die proses om alles aan die familie te oorhandig want ons kontrak met hulle was vir slegs twee weke,” het Lunice Johnson, woordvoerder vir die maatskappy, gesê.

Die maatskappy het ‘n dag ná die skietdood op 14 Februarie van Pistorius se vriendin, Reeva Steenkamp, begin om die atleet se sake in die media behartig.

Johnson het gesê hoewel die familie steeds in rou is, en hoewel Pistorius nog sukkel om te verwerk wat gebeur het, glo hulle die familie kan nou self medianavrae hanteer.

Die groep van 21 Kongolese mans wat aangekla word vir die beplanning van ‘n staatsgreep teen die regering van die Demokratiese Republiek van die Kongo het Maandag in die Pretoria Landdroshof waar die borgverhoor plaasvind, verskyn.

Staatsaanklaer Shaun Abrahamson het gesê lede van die groep behoort agter tralies gehou te word.

In die verklaring van die ondersoekbeampte, luitenant-kolonel Noel Zeeman, is talle redes vervat waarom borg geweier behoort te word, het Abrahamson gesê.

Hy het aan landdros Solly Mkhabela verduidelik dat daar 3000 rebelle binne-in die DRK ontplooi is en ‘n verdere 4000 mense in Rwanda en Uganda, sowel as lojale ondersteuners in ander buitelandse moondhede, insluitende die Verenigde State State, Kanada en Frankryk.

Lede van die rebelle-groep het ook aan die polisie-agente wat die groep geïnfiltreer het, vertel dat hulle die M23-groep in die Demokratiese Republiek van die Kongo as vyande beskou omdat hulle ondersteun word deur die Ugandese regering.

Die beweerde staatsgreepbeplanners is verlede maand in hegtenis geneem in ‘n klopjag op ‘n wildsplaas in Limpopo. Die arrestasies kom na ‘n ses-maande lange geheime operasie deur die Suid-Afrikaanse Polisiediens se misdaad intelligensie teen-terrorisme-afdeling.

Abrahamson het aan die hof gesê die rebelle het nie belangestel in enige onderhandelinge met die regering van president Joseph Kabila nie en was vasbeslote dat die president in hegtenis geneem moet word en ​​verhoor word. “As hy deur ‘n dwaalkoeël getref word, laat dit so wees,” het die rebelle glo aan een van die agente gesê.

“‘n Volskaalse oorlog was hul enigste oplossing,” sê Abrahamson. “Hulle wou die DRK binne 90 dae oorneem.”

Abrahamson het gesê die rebelle het geweet waar ‘n arsenaal van wapens weggesteek lê in die Groot Mere-gebied en het te kenne gegee dat hulle toegang gehad het tot wapenopslagplekke van Viktor Bout.

Bout, ‘n Rus, is in 2012 in die Verenigde State tot 25 jaar tronkstraf veroordeel, ná sy skuldigbevinding op aanklagte van terrorisme na ‘n Amerikaanse lokvaloperasie.

Die berugte wapenhandelaar is ‘n paar jaar gelede deur Nicholas Cage in die Hollywood-film, Lord of War, gespeel. Alhoewel die produsente nooit amptelik erken het dat die film Bout se lewensverhaal uitbeeld nie, is dit algemene kennis.

Die Vrystaatse provinsiale regering gaan vasstel of hy waarde vir sy geld gekry het in ‘n ooreenkoms vir sy multimiljoenrand-webwerf, het premier Ace Magashule Woensdag gesê.

Magashule het dié aankondiging Woensdag op ‘n sake-ontbyt gemaak.

Volgens berigte betaal die Vrystaatse regering R40 miljoen vir die ontwikkeling van ‘n regeringswebwerf.

Olley Mlamleli, LUR vir samewerkende regering, het op dieselfde geleentheid gesê die provinsie het R47 miljoen spandeer op die herontwerp en ontwikkeling van die 38 provinsiale regeringswebwerwe. Sy het gesê die ooreenkoms sluit in navorsing, ontwerp en ontwikkeling.

Die provinsie het gesê die projek, wat 38 webwerwe insluit, het R24 miljoen gekos in die 2011/12-boekjaar en sal R23,8 miljoen in die 2012/13-boekjaar kos.

Die Vrystaatse premier se departement het sowat R14,8 miljoen aan die projek bestee sedert dit in 2011 begin is.

Dít vorm deel van die R23,8 miljoen waarvoor daar in 2012/13 begroot is. Die provinsiale departement van samewerkende regering sal die res van die R23,8 miljoen betaal.

Twee van die maatskappye in die konsortium, Cherry Online Design en Ikamva, behoort aan die Bloemfonteinse sakeman Tumi Ntsele, eienaar van Letlaka Communications. Die maatskappye Jugganaut is die ander aandeelhouer in die konsortium.