Dan Roodt, Author at praag.co.za

Asiese immigrante in Brittanje verdubbel in ‘n jaar

Syfers wat deur die Europese Kommissie bekend gemaak is, toon 'n merkbare afname in immigrasie van Oos Europa, 'n daling van 205 000 na Brittanje in 2006 tot 185 000 in 2007.

Ter selfde tyd het die syfers van immigrante wat Brittanje binnekom vanuit nie-Europese gebiede soos Asië skerp gestyg. Dié syfer het amper verdubbel, van 90 000 in 2006 tot 176 000 in 2007.

Die Konserwatiewe Party het dié onlangse syfers gebruik om hulle versoeke dat daar 'n jaarlike perk op die hoeveelheid immigrante geplaas word wat Brittanje binnekom uit nie-EU lande, te rugsteun.

Die EU syfers wat vandag bekend gemaak word, sal na verwagting wys dat die bevolking met 1,8 miljoen mense gegroei het sedert die Arbeidersparty aan bewind gekom het.

модули подготовки прокурор Фильчаков

Iran hang veroordeelde Israeli spioen

Iran het 'n man wat van spioenasie vir Israel beskuldig was tereggestel in die eskalerende intelligensieoorlog tussen die twee lande, het 'n hooggeplaasde Iranse sekuriteitsbeampte Saterdag op 'n perskonferensie gesê.

Ali Ashtary, 'n besigheidsman wat kommunikasie- en sekuriteitstoerusting verkoop het aan Iranse sekuriteitsorganisasies, is in 2007 gearresteer en skuldig bevind daaraan dat hy vir die Mossad, die Israeliese intelligensie agentskap, gespioeneer het, het die semi-amptelike nuusagentskap Mehr die beampte aangehaal.

Die beampte, wat die hoof is van die teenspioenasie eenheid van die inligtingsministerie, en wat nie by name geïdentifiseer was nie, het gesê dat Ashtary Maandagoggend tereggestel is. Associated Press het berig dat die man gehang is.

Die teenspioenasie-eenheidbeampte het gesê dat die Mossad satelliettelevisie advertensies en kletskamers gebruik om Iranse burgers te werf om inligting omtrent Iran in te win.

Iranse beamptes het Israel en Amerika beskuldig daarvan dat hulle verskeie separatistiese militante groepe binne en buite die land ondersteun.

Dinsdag, met die aanvang van 'n hofsaak in Tehran, het drie mans hulle aandeel in 'n bomontploffing erken by 'n aanbiddingsplek in Shiraz, in sentraal-Iran, in April. Iranse beamptes het gesê Amerika en Israel was betrokke by die ontploffing wat 14 mense dood gelaat het.

Tehran se prokureur-generaal het gevra vir die doodstraf vir die mense wat by die aanval betrokke was, wat ook 200 mense beseer het, het die amptelike IRNA nuus agentskap gesê.

Данильченко

Kenner waarsku dat waterkrisis kan lei tot onstabiliteit in Suid-Afrika

Besoedelde water

11:37:18 Anthony Turton, 'n politieke wetenskaplike en navorser in die veld van waterbronne bestuur, is verlede week by die WNNR geskors nadat hy verhoed is om 'n studie bekend te maak waarin hy bevind dat ons op 'n erge waterkrisis afstuur.

Volgens die WNNR, het dr. Turton 19 jaar se ondervinding met strategiese beplanning en risikobepaling in gebiede waaroor daar gestry word, insluitende onderhandeling om die komplekse en uitgerekte tye van konflik te beëindig.

Ingesluit hierby was die onderhandelinge wat gelei het tot die onttrekking van Suid-Afrika uit Angola; die implementering van die VN se resolusie 435 en die onafhanklikheid van Namibië; die geheime onderhandelings wat gelei het tot die vrylating van politieke gevangenes en die Kodesagesprekke; asook die geheime diplomatieke onderhandelinge wat Mosambiek se burgeroorlog beëindig het.

Turton het 'n doktorsgraad in die waterpolitiek van Suid-Afrika, het baie geskryf oor waterbronne se bestuur en het 'n spesiale belangstelling in regering. Verder dien hy op die redaksie van die Internasionale tydskrif vir die bestuur van waterbronne en is ook 'n gereelde spreker by groot internasionale geleenthede.

Die waterkrisis sal waarskynlik sosiale onstabiliteit aanblaas en toekomstige ekonomiese ontwikkeling beperk, het hy gesê.

Sy waarskuwings oor die dreigende waterkrisis volg op waarskuwings vroeër vanjaar deur ander waterbestuurskenners, wat heftige ontkenning in die parlement uitgelok het van die minister van waterwese en bosbou, Lindiwe Hendricks.

Dié kenners het gesê dat Suid-Afrika se beperkte watervoorsieningstelsel die gesondheid van miljoene bedreig en het gewaarsku dat 'n krisis, soortgelyk aan die elektrisiteitskrisis, kan ontstaan indien onmiddellike stappe nie geneem word om die kwaliteit van water te bewaar nie.

как купить справку

Noordwes universiteit skors Facebook-student

'n Student wat verbind is met 'n Facebookgroep is geskors uit die universiteit van Noordwes, het 'n woordvoerder Maandag gesê.

Louis Jacobs het gesê dat 'n dissiplinêre verhoor die student skuldig bevind het daaraan dat hy die universiteit se goeie naam deur die modder gesleep het.

Sewe studente by die universiteit van Noordwes het is dissiplinêr verhoor oor die groep "ek laaik nie 'n houtkop nie, sou what", wat onlangs op Facebook verskyn het.

Die groep se lede het neerhalende woorde en kommentaar oor swartmense op die groep geplaas. Op die groep was daar ook 'n foto van 'n witman wat 'n geweer vashou terwyl hy poseer oor die trofee van 'n jong swartman wat op die grond lê.

Jacobs het gesê die studente, wat almal by die Potchefstroomkampus geregistreer was, was aangekla omdat hulle optrede nadelig vir die universiteit was , of nadelig kon wees vir die goeie naam, orde, dissipline en vordering van die universiteit.

Ses van hulle is nie skuldig bevind nie. Jacobs het gesê die dissiplinêre komitee kon geen getuienis vind dat hulle aktief deelgeneem het aan die groep nie.

Met verwysing na die student wat geskors is, het Jacobs gesê dat die universiteit sekere regte gehad het aangaande die verwagte optrede van studente.

topcargo развод

Vyf vas vir moord op ‘heks’

Vyf mans het in die Amsterdamse landdroshof verskyn op aanklagte dat hulle 'n vrou, wat hulle daarvan verdink het dat sy 'n heks was, vermoor het, het die Mpumalanga polisie gesê.

Superintendent Abie Khoabane het gesê dat omtrent teen 05:15 het die vyf mans na bewering by die 51 -arige vrou se kamer, by Redcliff net buite Amsterdam, waar sy geslaap het, ingebreek.

Daarna het hulle haar na bewering met 'n byl oor die kop gekap.

Sy is op die toneel oorlede. Die vyf mans is Sondag gearresteer.

Hulle saak is uitgestel tot 5 Desember vir borgaansoek. Die mans, wie se ouderdomme wissel van 18 tot 23, bly steeds in aanhouding, het Kgoabane gesê.

хамама мозаикой

Suid-Afrika waarsku teen ineenstorting van Zimbabwe

Suid-Afrika se president Kgalema Motlnthe, het Maandag gewaarsku dat die dooiepunt in Zimbabwiese politiek die reeds sukkelende land verdere probleme op die hals kan haal, nadat hy nuwe samesprekinge aangekondig het om die gesprek in dié land weer aan die gang te kry.

Motlanthe het gesê dat Zimbabwe se politieke teenstanders Dinsdag in Suid-Afrika sal ontmoet in die nuutste poging on die magsdelingsooreenkoms wat twee maande terug geteken is maar nooit geïmplementeer is nie, te red.

"Tensy die oorsaak van die afwesigheid van 'n wetlike regering nie opgelos word nie, gaan die situasie daar vererger, of dalk heeltemal ineenstort," het hy gesê.

Suid-Afrika se leier van die regerende party, Jacob Zuma, het gewaarsku dat die twee partye nou dringend 'n ooreenkoms moet bereik om die cholera-uitbraak wat reeds amper 300 mense dood gelaat het, op te los. Vier van die mense is in Suid-Afrika dood nadat hulle hierheen gekom het vir behandeling.

"Laat ons 'n manier vind om die ooreenkoms geïmplementeer te kry vir die Zimbabwiërs. Ons kan nie met die ooreenkoms saamstem sonder dat dit in werking gestel word nie. Dit is nou 'n dringende saak, aangesien mense doodgaan," het hy gesê.

Zuma het ook gesê hy gaan 'n sending van sy ANC-lede stuur om president Robert Mugabe se Zanu-PF en die MDC te oorreed om die ooreenkoms te aanvaar.

"Ons het nie hier te doen met 'n teoretiese situasie nie. Ons het hier te doen met 'n situasie wat die lewens van mense raak," het hy gesê.

Motlanthe en Zuma het gepraat nadat hulle met voormalige VN-sekretarisgeneraal Kofi Annan en voormalige Amerikaanse president Jimmy Carter vergader het. Laasgenoemde twee is visums geweier vir die humanitêre sending wat hulle vir verlede naweek beplan het.

Annan, Carter en Graça Machel, die vrou van voormalige Suid-Afrikaanse president, Nelson Mandela, het beplan om Zimbabwe te besoek om te kyk na maniere om die humanitêre krisis daar te verlig, maar hulle is deur die Mugabe regering toegang tot die land geweier.

"Die hele basisstruktuur het tot niet gegaan. Dit is alles aanduidings dat die krisis in Zimbabwe baie groter, baie erger is as wat ons ooit kon dink," het Carter gesê.

Die VN het gesê dat meer as 6 000 mense reeds cholera opgedoen het in Zimbabwe, wat 'n aanduiding is van hoe die verval van die nasionale infrastruktuur die basiese sanitasienetwerk vernietig het.

Wat help ‘n ‘vrye Zimbabwe’ sonder blankes?

09:05:20 Vandag begin die soveelste rondte "onderhandelings" tussen die Zimbabwiese opposisie en regering in Suid-Afrika. Vanuit die buiteland en veral die VSA het die druk op Mugabe om toegewings aan Morgan Tsvangirai se Beweging vir Demokratiese Verandering te maak, toegeneem.

Weens die afsetting van Mbeki, het Mugabe 'n belangrike bondgenoot verloor en is Suid-Afrika besig om die Amerikaanse en Britse oproepe vir Mugabe om afstand van die mag te doen, te ondersteun. Enersyds gaan dit vir die Zuma-faksie van die ANC daaroor om hom duidelik van Mbeki te onderskei en andersyds soek die Zuma-faksie ook toenadering tot die VSA en Brittanje wat hom nie goedgesind is nie en meer van Mbeki gehou het.

Amerika is besig om sowel oud-president Carter as uitgaande president George W. Bush in die media te gebruik in 'n laaste desperate poging om Mugabe tot 'n val te bring. Bush het so pas tydens 'n spitsberaad in Lima, Peru 'n beroep gedoen op 'n "einde aan die Mugabe-bewind se brutale onderdrukking van basiese vryhede en die vorming van 'n legitieme regering wat die wil van die mense verteenwoordig soos dit tydens die verkiesing van Maart 2008 uitgedruk is".

Die kwessie wat almal egter uit die oog verloor, is die volgende: die ekonomiese – en tans sogenaamde "humanitêre" – krisis in Zimbabwe is nie deur 'n gebrek aan demokrasie veroorsaak nie. Daar bestaan vele nie-demokratiese lande wat ekonomies uitermate suksesvol is of was. Sowel Singapoer as China het 'n ongekende ekonomiese opbloei beleef onder regerings wat allerweë in die Weste as ondemokraties of selfs totalitêr gekritiseer word.

Suid-Afrika onder Verwoerd in die vroeë sestigerjare is 'n ander voorbeeld van 'n land met volle indiensneming, vrede en 'n hoë ekonomiese groeikoers waar die begrip "een mens, een stem" juis nié toegepas is nie. Die mees liberale koerant destyds in Suid-Afrika, die Rand Daily Mail, het die toestand in die land as 'n "oorvloed van voorspoed" beskryf.

Kom ons wees vir eens eerlik oor Zimbabwe: die ineenstorting van die land se ekonomie is deur sogenaamde "grondhervorming" en die verdrywing van die blanke bevolking veroorsaak. Dit lei tot die logiese vraag: hoe sou Zimbabwe baat by demokrasie, behalwe dat 'n nuwe politieke bestel in die land 'n invloei van korttermynhulp vanuit die Weste gaan veroorsaak?

Die eertydse, welvarende Zimbabwe het saam met Suid-Afrika en Namibië die voorspoedige suide van die Afrikakontinent uitgemaak. Dit is ook die deel waar blanke vestiging sy hoogtepunt op ons vasteland bereik het.

Die treurige waarheid is dat die ou Zimbabwe – of moet ons eerder sê die oud-Rhodesië? – vir altyd verby is. Die land is permanent geknak en tensy daar 'n revolusie in Suider-Afrika plaasvind met Verwoerd en Ian Smith wat uit die dode opstaan, gaan die welvaart van weleer nooit weer terugkeer nie.

Hulpgeld het nêrens in Afrika voorspoed vir die swart massas gebring nie. Die een miljard pond wat Brittanje belowe indien Mugabe sou uittree, gaan weinig, indien enige, verligting bring. Die hulpgeld sal bloot in die sakke van die amptenary, asook die "deugdelike engele" – soos die Amerikaanse skrywer Paul Theroux met bytende sarkasme die horde Westerse hulpwerkers in Afrika beskryf – beland. Kortom, Oxfam en die meer as veertig ministers in die Zimbabwe-kabinet gaan by die "beloning vir demokrasie" baat, nie die gewone Zimbabwiërs nie.

Amerikaanse "demokrasie" met die koekversierings van verkiesings en meer as een faksie wat oënskynlik met mekaar verkeer sonder om die panga of AK-47 uit te haal, bring geen reële verbetering in Afrika nie. Net so min as wat Afrika gebaat het by die kommunistiese najaag van gelykheid en die vorming van volksrepublieke, baat die vasteland tans by demokrasie. Daarvoor is die ontwikkelingsprobleme van ons vasteland eenvoudig te groot. Demokrasie is ook 'n stelsel wat vreemd is vir Afrikane met hul sin vir lojaliteit aan 'n hoofman en die begunstiging wat hulle van hom verwag.

Of daar dus vandag of aanstaande week of selfs aanstaande jaar 'n sogenaamde "politieke oplossing" in Zimbabwe gevind word, is eintlik irrelevant.

Die werklike oorsaak van die land se probleme is die verdrywing van die blanke minderheid wat 'n sleutelrol in die ekonomie gespeel het. Nóg die wêreldmedia, nóg die VSA wat binnekort 'n swartman in die Ovaalkantoor gaan hê, is bereid om dié eenvoudige waarheid in die oë te kyk.

хамам в квартире

Ramos by NUK om Motlanthe in te lig

Transnet het Maandag gesê dat die nuwe hoofuitvoerendebeampte van Absa, Maria Ramos, 'n ANC nasionale uitvoerende komiteeraadsvergadering bygewoon het om president Kgalema Motlanthe in te lig omtrent haar besluit om uit te tree uit Transnet.

Woordvoerder John Dludlu het gesê sommige mense in die media het gespekuleer oor die feit dat Ramos, voorheen die groepshoof van Transnet, gesien is by nasionale uitvoerende komitee van die ANC.

Ramos en die bankgroep se voorsitter, Gill Marcus, het die ANC se NUK-vergadering bygewoon om verhoudinge tussen die party en private instansies op 'n goeie voet te hou, het die ANC Maandag gesê.

DA leier, Helen Zille het Maandag aan Absa gevra om te verduidelik waarom die ANC en Absa 'n goeie verhouding het.

"Daar is geen rede hoekom die regerende party 'n baie goeie verhouding behoort te hê met private instansies wat moet tender vir staatskontrakte nie en -dienste nie," het Zille gesê.

"Die ANC het reeds die grense tussen party en staat vervaag. Dit blyk nou dat die ANC vasberade is om die grense tussen staat, party en besigheid ook te wil vervaag."

Maandag het die ANC sekretarisgeneraal, Gwede Mantashe gesê : "gedissiplineerde kaders van die ANC gee wel kennis wanneer hulle rondbeweeg."

Dit het verwys na Ramos wat die ANC ingelig het da sy bedank het uit Transnet.

"Wat ons met die inligting maak is nie belangrik nie…" het hy gesê.

"Absa was 'n privaatinstelling wat nie aan die ANC behoort het nie" het hy gesê, maar "Maria Ramos en Gill Marcus was histories lede van die ANC, en daarom is dit belangrik vir ons om die verhoudinge op goeie voet te hou, al het ons geen beheer oor hulle nie."

slots to play for free with bonuses

Kongres van die Gepeupel?

07:56:25 Ek sien Praag hou vol om na die nuwe Congress of the People-party te verwys as die Volkskongres ondanks my baie duidelike uitwysing dat dit nie vir die Afrikaner aanvaarbaar kan wees nie want onder VOLK verstaan ons hedendaags 'n groep mense wat dieselfde kultuur. geskiedenis, taal en ander gebruike deel. En hierdie mense beskou hulself beslis nie as 'n "volk" nie. Hulle verwerp die begrip totaal en al al verstaan hulle dit.

Die redakteur van die Praag-nuusblad het in 'n uitgebreide repliek op my beswaar, my regstreeks daarvan beskuldig dat ek agter Naspers aanhol deur na die nuwe party as COPE te wil verwys. In die stempeiling op die Praag-nusblad is die vrae dan ook hoogsgelaai sodanig gestel: Jy stem vir "Volkskongres" en dus vir Praag of jy stem teen "Volkskongres" en saam met Naspers. Dit was 'n uiters onbehoorlike en verwronge keuse en daarom het ek dan ook nie 'n stem uitgebring nie. Deur te stem sou ek net aansien en geldigheid verleen het aan die soort gekonkel. Die lae stemmetal laat my vermoed dat andere ook so gevoel het.

Ter inligting die volgende: So 'n jaar of twee gelede het Jan-Jan Joubert, redaksielid van Die Burger, 'n rubriek geskryf waarin hy na die byeenkoms in Kliptown baie jare gelede waar die Freedom Charter deur die ANC aanvaar is, verwys het as die "volkskongres" by Kliptown. Die rubriek is ook in Beeld gepubliseer.

Ek het hom in 'n brief aan Beeld aangevat en aangevoer dat hy bra roekeloos met die begrip "volk" omgaan. Beeld het – bo alle verwagtinge in – die brief gepubliseer – nogal as die hoofbrief in die betrokke kolom. Dit is interessant dat Beeld nie weer die term "volk" so skeef gebruik het nie — ook nie nou nie.

Dit is duidelik dat dit nie ek is wat agter Beeld aanhol nie, maar Beeld wat my uiteensetting ter harte geneem het.

Maar nou vind ons dat die pro-Afrikaner organisasie, Praag, vir Jan-Jan omhels en ewe lustig saam met hom in hierdie vals koor oor die woord "volk" sing. En ek het uit verskeie dinge die indruk gekry dat Praag nou nie juis baie van Jan-Jan gehou het nie.

As Praag nou wil volhou met hierdie skewe vertolking, moet ek vra dat daar duidelik uitgewys word na watter "volk" verwys word in hierdie gebruik van "volkskongres". Dit is beslis nie die Afrikanervolk nie. Dit kan ook nie die Zoeloevolk wees nie want dit lyk my Zuma en die Zoeloes het die ANC oorgevat. Dit kan dalk die Xhosavolk wees, maar dit lyk nie die nuwe party rig hom slegs op hierdie volksgroep nie. Moet asseblief tog nou net nie praat van die "Suid-Afrikaanse volk" nie. Ten beste is daar 'n Suid-Afrikaanse nasie, maar selfs dit moet sterk betwyfel en aangevat word.

Daar is een ander aspek rondom die saak wat baie pla: Verlede week het ek in 'n kort briefie sommer lekker sarkasties geskryf dat Praag dalk tog reg is in sy gebruik van die woord "volkskongres" want ek sien die nuwe party gaan sy stigtingsvergadering op 16 Desember hou!

Die briefie het nou nog nie op die webblad verskyn nie. Is Praag nou besig om, soos Beeld, briewe wat hom nie aanstaan nie, in die elektroniese snippermandjie te laat beland? As een van diegene wie se briewe lank nie meer deur Beeld gepubliseer word nie, kan ek my nie indink dat Dan Roodt sulke optrede sal goedkeur nie.

Ek vra dus mooi: Los asseblief hierdie "Volkskongres"-ding uit. Verwys dan na die Congress-party of die Peoples Congress – of as julle dan 'n Afrikaanse woord wil gebruik, wat van Kongres van die Gepeupel? Baie nader aan die waarheid.

Hier volg Thys Human se briefie van 19 November (red.):

Dalk is Praag tog reg oor die gebruik van "Volkskongres" vir die naam van die nuwe swart politieke party. Ek sien die party se stigtingsvergadering word op 16 Desember gehou!

Dink julle hulle gaan die Gelofte ook voorlees?

хрустальные люстры

Oorgewig mense het die reg op twee vliegtuigsitplekke

Oorgewig mense het die reg om twee sitplekke vir die prys van een te kry op vlugte binne Kanada, het die hooggeregshof Donderdag bevind.

Die hof het geweier om appèl aan te hoor deur die Kanadese lugdienste omtrent 'n besluit van die Kanadese Vervoer Agentskap, dat mense wat funksioneel gestremd is as gevolg van oorgewig, geregtig is op twee sitplekke vir die prys van een.

Die lugdienste het 'n appèlsaak in die federale hof verloor in Meimaand en het probeer om 'n nuwe appèlsaak aanhangig te maak. Die hof se besluit om nie 'n nuwe appèlsaak aan te hoor ne, beteken dat die "een-persoon-een-tarief" beleid bly staan.

Die appèl is aangeteken deur Air Canada, Air Canada Jazz en WestJet.

no deposit bet