Dan Roodt, Author at praag.co.za

Nederlander Geert Wilders verklaar tot man van die jaar

Geert Wilders

Die Nederlandse regse politikus, Geert Wilders is deur die Amerikaanse Horowitz-vryheidsentrum tot man van die jaar benoem.

Die leier van die Party vir die Vryheid (PVV) staan aanhoudend vir Westerse tradisies, het die konserwatiewie instituut bevind.

Wilders word beskryf as iemand wat ondanks alle bedreigings wat teen hom gerig word, onvermoeid voortgaan met die stryd teen islamisering.Die Horowitz-instituut vermeld verder dat "dit geen wonder is dat baie Nederlandse burgers begin saamstem met Wilders se siening oor die Islamitiese bedreiging nie. Volgens 'n meningsopname in Mei 2005, glo 43 persent van Nederlanders tans dat Islam onversoenbaar met 'n Westerse samelewing is. In 'n soortgelyke opname in 2006 is bevind dat die meerderheid inheemse Nederlanders Islam as onverdraagsaam, gewelddadig en vyandig teenoor vroue beskou. Nie dat Wilders veel erkenning gekry het omdat hy dié kwessies onder die nasionale aandag gebring het nie. Vir sy moeite is hy as 'n "verregse" rassis en vreemdelingehater uitgekryt."

Die Horowitz-instituut is gestig deur David Horowitz, die seun van twee Joodse kommuniste wat aanvanklik in die sestigerjare self links was, maar deesdae 'n toonaangewende konserwatiewe denker in Amerika is.

"Geert Wilders het al die regte vyande gemaak," meen die Horowitz-instituut. In 'n tyd waarin vele aanbeveel dat Islamitiese eise geakkomodeer moet word, bly Wilders uitgesproke. In 'n tydvak waarin Westerse selfveragting hoogty vier, verdedig hy ons beskawing sonder om verskoning te vra. In weerwil van dreigemente teen sy lewe, verseg hy om te swyg. Daarvoor verdien Wilders die lof van vele – diegene in die Weste wat hom verguis, inkluis."

игри девочкам прокурор Фильчаков

FW bewonder ook vir Suzman

Helen Suzman

Helen Suzman was vir baie jare 'n eensame verdediger van liberale waardes in die Suid-Afrikaanse parlement, het die FW de Klerkstigting Donderdag ná die liberale politikus se afsterwe gesê.

"Sy het haar vreesloos uitgespreek en aktief gewerk vir die vryheid en regte waarin sy met soveel passie geglo het. Sy het gelewe om te sien hoe baie van haar ideale waarhede geword het in die tussentydse grondwet in 1993 en ons huidige grondwet in 1996," het FW de Klerk in 'n verklaring gesê.

De Klerk het gesê hy en Suzman was vir jare lank politieke opponente, maar het mekaar altyd gerespekteer.

"Ons het wel verskil oor die behoefte om gemeenskapsregte en minderheidsregte te beskerm. Helen Suzman het geglo dat sulke regte die beste beskerm kon word deur individuele regte te waarborg, terwyl ek geglo het dat hulle spesifieke beskerming nodig gehad het."

Hy het gesê dat in onlangse jare, deur die stigtings wat hulle name dra, hulle verenig was in hulle gesamentlike doel om die regte en instellings te verdedig wat deur die grondwet beskerm word.

"Helen Suzman het 'n groot bydrae gemaak tot die totstandkoming van ons konstitusionele demokrasie en die bevordering van 'n nie-rassige regstelsel in Suid-Afrika."

прокурор Фильчаков

Gedruk en vertrap in Bangkokse brand

Uitgebrande Santiklub in Bangkok

Oorlewendes het vertel hoe partytjiegangers slagoffers gedruk en vertrap het om aan die Nuwejaarsbrand in 'n volgepakte Bangkokklub te ontkom tydens die polisie-ondersoek na die voorval waarin 60 mense gesterf het.

Meer as 210 mense, onder wie talle buitelandse toeriste, is beseer toe ’n brand vermoedelik ná ’n vuurwerkvertoning in die gesogte Santika-nagklub uitgebreek het.

Sowat duisend benoude partytjiegangers het almal deur die hoofingang of gebreekte vensters probeer ontsnap, omdat hulle nie die twee ander ongemerkte uitgange kon sien nie.

“Ek het gesien hoe veral jong meisies uit die pad gestamp en doodgetrap is terwyl mense probeer ontsnap het,” het mnr. Sompong Tritaweelap, wat naby die klub woon, gesê.

“Dit was ’n verskriklike toneel. Mense het oral by die vensters om hulp geskreeu. Hul klere en hare het gebrand, maar hulle kon nie van die vlamme ontsnap nie.”

Me. Nomfanelo Kota, woordvoerder van die Suid-Afrikaanse departement van buitelandse sake, het gister gesê hulle kon nog nie vasstel of enige Suid-Afrikaners onder die slagoffers is nie.

Die departement is in deurlopende kontak met die Thaise owerhede, maar omdat bitter min Suid-Afrikaanse toeriste ambassades van hul bewegings inlig, is dit moeilik om te sê hoeveel in die omgewing kon wees.

Volgens die Thaise polisie is 53 mense in die nagklub dood en nóg 7 later in plaaslike hospitale. Talle kan weens hul beserings nie geïdentifiseer word nie en geen identiteitsdokumente kon vir hulle opgespoor word nie.

Minstens 32 oorledenes is teen gisteraand nog nie uitgeken nie. Onder die res was minstens een toeris van Singapoer.

Minstens drie Australiërs, asook toeriste van Brittanje, Frankryk en die VSA is onder die 212 beseerdes wat in plaaslike hospitale behandel is.

Lt.kol. Prawit Kantwol het gesê die brand het omstreeks halfeen (Thaise tyd) uitgebreek ná ’n vuurwerkvertoning in die nagklub. Talle mense het versmoor en is doodgedruk toe hulle uit die gebou probeer ontsnap het.

topcargo кидалы

‘n Tsjeggiese Europa

Van vandag af is die Tsjeggiese republiek vir ses maande lank voorsitter van die Europese Unie. Dié land neem die leiding by die polities korrekte Franse oor.

Plaaslik word Frans deur die Alliance Française geadverteer as "Le français, langue au service de la diversité" oftewel, "Frans, 'n taal in diens van diversiteit". Hierdie polities korrekte slagspreuk som min of meer Frankryk se buitelandse beleid op, want dié land sien hom toenemend as Europese pleitbesorger vir die Derde Wêreld en dan veral vir Afrika. Hoewel Afrikaners tradisioneel die bevolkingsgroep in ons land is wat die meeste belangstelling en waardering vir die Franse kultuur gekoester het, handhaaf Frankryk vir alle praktiese doeleindes 'n kulturele boikot teen ons.

Met die Tsjegge is dit egter anders gesteld. Die Tsjeggiese president, Vaclav Klaus, is sterk anti-sosialisties en omdat sy land nooit kolonies gehad het nie, ly hy geensins aan die sindroom van wit skuld nie.

Die Afrikanervolk behoort die volgende ses maande as 'n geleentheid aan te gryp om ons griewe aan die Europese Unie oor te dra. Immers is die huidige bestel te wyte aan Britse en Europese inmenging in Suid-Afrika se binnelandse aangeleenthede. In vele opsigte beskou die Europese Unie steeds ons land as 'n kolonie en is hulle voortdurend besig om hulle met onderwys, landbou, verdediging en ander kwessies te bemoei.

Volgens meningsopnames glo die meeste Afrikaners vandag dat daar nie meer 'n toekoms vir hulle oor die langer termyn in Suid-Afrika bestaan nie. Afrikaners glo dat hul eiendom en ander bates, soortgelyk aan dié van blanke Zimbabwiërs, binne die afsienbare toekoms afgeneem sal word en dat hulle waarskynlik gedwing sal word om hul geboorteland te verlaat. Meer as 'n miljoen blanke Suid-Afrikaners het in elk geval reeds uit die land gevlug vanweë geweldsmisdaad en die stelsel van geïnstitusionaliseerde anti-blanke rassisme wat as "transformasie" bekendstaan.

Die Europese Unie se wette en beginsels wat erkenning aan kleiner volkere en tale verleen, maak dialoog met die EU moontlik oor die volgende sake:

Erkenning van die Afrikanervolk as 'n nasionale minderheid in Suid-Afrika met 'n eie taal, kultuur, identiteit en afkoms.
Erkenning vir Afrikaans as nie net 'n Afrikataal nie, maar ook as Europese taal binne die kader van die "Europese Buro vir Minder Gebruikte Tale". Die groot aantal Afrikanervlugtelinge in veral Groot Brittanje wat van die Suid-Afrikaanse geweld en diskriminasie wegvlug, geniet tans geen erkenning vir hul taal binne Groot Brittanje nie, nóg binne die EU waarvan ons voorouers vandaan kom. Sodanige erkenning vir Afrikaans mag 'n sleutelrol in die oorlewing van ons taal speel, aangesien Afrikaans in die praktyk geen amptelike status meer in Suid-Afrika geniet nie.
Erkenning vir die feit dat ons ons in Suid-Afrika bevind vanweë, enersyds, Nederlandse en Britse kolonialisme wat die vestiging van blankes aan die suidpunt van Afrika moontlik gemaak het en, andersyds, Franse godsdienstige onverdraagsaamheid wat ons Hugenotevoorouers uit Frankryk verdryf het. Ons volk het nie net uit die lug geval nie, maar is die gevolg van dié twee historiese feite.

Sedert die 1980s het dit sowel Britse as EU-beleid geword dat die Afrikanervolk nie op enige vorm van soewereiniteit of selfbeskikking geregtig is nie – iets wat in stryd is met die Europese Handves van Regte – en wat vir Suid-Afrika geweldige gevolge het. Een gevolg daarvan is die meedoënlose verafrikanisering van ons eens Westerse land, met 'n verlies aan kundigheid, kapitaal en entrepreneurskap wat uiteindelik op 'n tweede Zimbabwe móét uitloop.

Hierdie soort argumente moet met die EU onder die Tsjeggiese voorsitterskap aangeknoop word. Indien dit EU-beleid is dat alle Afrikaners uiteindelik etnies vanuit hul geboorteland gesuiwer moet word, hetsy deur fisieke aanvalle, hetsy deur wetgewing wat hul ekonomiese en opvoedkundige kanse benadeel, dan goed en wel. Maar ten minste sal Afrikaners dan weet waar hulle met die Europeërs staan, terwyl die res van die wêreld ook van hierdie afsydige standpunt sal kennis neem.

Op sy minste, kan ons Afrikaners deur dialoog met die EU vinniger van hul illusies oor die toekoms ontneem. Op sy beste kan ons 'n diplomatieke proses aan die gang sit wat op die duur 'n katalisator kan word om ons mense uit hul moedeloosheid en apatie wakker te skud aangesien hulle sal kan sien dat ons wel eventueel deur die 27 lidlande van die Europese Unie ernstig opgeneem word.

wedding hair Александр Фильчаков

Matriekuitslae: In die land van die blindes…

Die woorde van die Gautengse LUR vir onderwys, Angie Motshekga, was sekerlik ironies bedoel toe sy blykbaar in Afrikaans gesê het: "Ek wil weet hoe die Boere dit doen." Daarmee het sy verwys na die honderdpersentslaagsyfer en ongekende aantal onderskeidings wat soveel Afrikaanse skole behaal het.

Tot dusver het die ANC uit sy pad uit gegaan om juis nié die Afrikanermanier van doen na te volg nie, maar eerder die Britse koloniale manier. Veral onder die Natalse Indiër, Kader Asmal, het Suid-Afrika die baba met die badwater uitgesmyt en begin om met Britse en Kanadese onderwysmetodes soos uitkoms-gebaseerde onderrig te eksperimenteer. Ten einde die wonderbaarlike styging in die slaagpersentasie te bereik, het Asmal ook standaarde verlaag en is punte agter die skerms gemanipuleer.

In die provinsie Gauteng oftewel die PWV-gebied bestaan sewe uit die tien toppresteerders wat puntegemiddeldes betref uit Afrikaners wat aan Afrikaanse hoërskole gestudeer het. As 'n mens in ag neem dat ons slegs 13% van die bevolking in dié provinsie verteenwoodig, kom mens onder die indruk oor hoeveel beter Afrikaanse skole as Engelse skole presteer.

Terwyl 'n mens deel in die vreugde van daardie leerlinge (ek kon nog nooit aan die begrip "leerder" gewoond raak nie), skole en onderwysers wat so hard gewerk het, is die argelose opstapeling van onderskeidings tot sewe, agt, nege en selfs tien deur die uitblinkers tog kommerwekkend. Kom ons wees eerlik: onder die ou stelsel was ses onderskeidings raar en sewe onderskeidings soortgelyk aan 'n wonderwerk.

Kennelik baat Afrikaanse leeringe ook by die opwaartse punte-aanpassings wat die onderwysedepartement uitvoer om sy slaagsyfer reg te knoei. Afrikaanse skole mag nie 'n valse sin van hoe briljant ons is ontwikkel nie. Soos die spreukwoord lui: in die land van die blindes is eenoog koning.

Die toenemende prestasiegaping tussen betreklik homogene Afrikanerskole en die sogenaamde "geïntegreerde" Engelse skole bevestig net die wêreldwye tendens van multikulturele skole om swakker te vaar as ander skole waar kinders dieselfde taal, kultuur en etniese afkoms deel.

Afrikaanse skole behoort hulself dus nie aan die swakker Engelstalige skole in Suid-Afrika te meet nie, maar aan die onderwysstelsels van kleiner volke in Europa, soos dié van die Finne, Dene, Noorweërs, Vlaminge en Nederlanders.

Afrikaners verdien ook om hul eie onderwysstandaarde te kan stel, eerder as die derdewêreldstandaard van die Suid-Afrikaanse onderwysministerie en wat kennelik weinig uitdagings aan ons kinders en onderwysers bied, afgesien van die burokratiese rompslomp wat daarmee gepaard gaan.

Hoe gouer Afrikaners dus op 'n eie onderwysdepartement en beheer oor eie skole begin aandring, hoe beter.

Paris Hilton stimuleer Australiese ekonomie met inkopies

Paris Hilton

Paris Hilton, die Amerikaanse sosiale vlinder, het haarself verdedig as 'n redder wat inkopies doen vir 'n groter saak in taai ekonomiese tye.

In Sydney, Australië, die gasheer vir 'n eksklusiewe Nuwejaarsdanspartytjie, het die 27-jarige erfgenaam van die Hilton-hotelfortuin vandeesweek erge kritiek uitgelok met haar inkopie-uitstappie, waarin sy in 40 minute sowat 5 560 Australiese dollar geblaas het.

Plaaslike welsynsorganisasies het haar van genadelose oordadigheid beskuldig, maar Hilton het haar uitgawes verdedig.

"Ek is in Australië, ek dink dit is belangrik om uit te help weet jy, die ekonomie hier, orals ter wêreld," het sy aan verslaggewers voor haar nuwejaarsfunksie gesê.

"En wat is fout daarmee om bietjie inkopies te doen? Dit is Nuwejaar, en ek het 'n rok nodig vir die Nuwejaarsfunksie."

Die waarnemende Australiese eerste minister, Julia Gillard, wat Dinsdag ondervra is gedurende die perskonferensie, het die sosiale vlinder geloof daarvoor dat sy Australië se waarde as 'n mode- en inkopiebestemming raaksien.

"Ek het gehoor dat 'n politikus dit gesê het," het Hilton gesê, "en ek het gedink dat dit nogal oulik en baie waar is."

Hilton gaan deur die partytjie se promotors 100 000 Australiese dollar betaal word vir haar verskyning in Sydney en het belowe om in die loop van die geleentheid voor middernag vir 'n paar veranderings van kostuum te sorg.

Фильчаков Харьков

Amerikaanse verbruikersvertroue daal tot historiese laagtepunt

Amerikaanse verbruikersvertroue het 'n historiese laagtepunt bereik in Desember, en verder gedaal vanweë die vooruitsig van stygende werksverliese, Die daling verteenwoordig nog 'n teken dat verbruikersbesteding waarskynlik nie daarin sal slaag om Amerika vinnig uit die jaarlange resessie te help nie.

Verbruikers was maande lank senuweeagtig om groot bedrae geld te bestee; mense het nuwe klere vermy en het eerder winkelhandelsname aangekoop by die kruidenierswinkels, wat alles daartoe bygedra het dat dit vir handelaars die ergste vakansieseisoen in dekades kan wees.

Die verbruikersvertroue-indeks wat deur die konferensieraad ('n private navorsingsgroep) gemeet is, het tot 38 gedaal in Desember van 'n hersiene 44,7 in November. Dit is die laagste punt sedert die groep begin het om die indeks in 1967 saam te stel en is onderkant die vorige laagtepunt van 38,8 in Oktober.

Ekonome wat deur Thomson Reuters ondervra is, het verwag dat die indeks inkrementeel sou styg tot 45.

"Dalende vertroue ten opsigte van die behoud van poste en dalende pryse van bates werk teen die optimisme wat mag ontstaan het as gevolg van dalende brandstofpryse," het Dana Saporta, 'n Amerikaanse ekonoom by die beleggingsbank Dresdner Kleinwort, gesê.

Die werkloosheid het 'n 15-jaarrekordvlak bereik in November en ekonome verwag addisionele verliese aan poste in die eerste helfte van 2009. Die mense wat in die konferensieraadondersoek gesê het dat dit moeilik is om werk te kry het in Desember toegeneem tot 42% teenoor 37,1% in November, toe werkloosheid op 6,7% gestaan het.

детям топкарго

Taxibestuurder doodgeskiet in taxigeweld

'n Taxibestuurder is Dinsdag doodgeskiet in Primrose, Germiston in wat polisie glo 'n voorval voortslepende taxigeweld was.

'n Polisiewoordvoerder, kaptein Owen Mlumbi, het gesê gewapende mans het in 'n voertuig langs die taxi ingetrek en die bestuurder (50) doodgeskiet en twee passasiers gewond.

Die passasiers is in die hospitaal opgeneem.

Mlumbi het gevra dat enige iemand wat inligting het omtrent die skietvoorval met die naaste polisiestasie in verbinding tree.

липецк воротки,

Oegandese rebelle maak 400 in Kongo dood, volgens liefdadigheidsorganisasie

Oegandese LRA-rebelle het meer as 400 mense doodgemaak tydens Kersdagslagtings in die noordooste van die DRK, het die Caritas-liefdadigheidsorganisasie Dinsdag gesê.

Die rebelle het dit ontken en soldate van de DRK, Oeganda en suidelike Soedan daarvan beskuldig dat hulle die slagoffers "gebom" het.

Die LRA het 'n dorp geteiken waar 'n Kersdagkonsert gehou is, en ook waar 'n Katolieke kerk was, en aanvalle gaan steeds voort langs die Soendanese grens, het die Katolieke organisasie in 'n verklaring gesê.

Caritas-werkers het gesê dat "meer as 400 mense doodgemaak is in die aanvalle in 'n gebied in die noorde van Kongo, wat insluit Faradje, Duru, Gurba, Doruma en Province Orientale," het die verklaring verder gelui.

Die aartsbiskop van Dungu-Doruma, Monsignor Richard Domba, het aan AFP gesê dat ten minste 150 mense doodgemaak is by 'n Kersdiens in Faradje, 80 in Duru en ten minste nog 200 in Doruma en in die omliggende dorpies.

"Dit is 'n dramatiese situasie waarin ons hier lewe," het hy gesê. "Hulle (die rebelle) is onbeskryflik barbaars en wreed. Hulle maak mense dood met kapmesse en knuppels. Hulle verbrand mense lewendig in hulle huise saam met hulle eiendom."

Die LRA neem ook jong seuns en dogters gevange en dwing hulle om in die lande te werk, het hy gesê.

topcargo кидалы

SA handelstekort vergroot in November

Suid-Afrika se handelstekort het in November vergroot tot R12,1 miljard – grootliks te wyte aan hoër voertuiginvoere en laer edelmetaaluitvoere – het amptelike data Dinsdag getoon.

Die Suid-Afrikaanse inkomstediens het gesê die gaping het toegeneem van R9,8 miljard in Oktober, ten spyte van 'n skerp afname in olie-invoere.

Ekonome wat verlede week deur Reuters ondervra is, het 'n tekort van R6 miljard voorspel, maar die handelsyfers is tradisioneel moeilik om te voorspel.

Uitvoere het met 17,93% gedaal terwyl invoere met 12,59% toegeneem het. Edelmetale, wat die grootste deel van die uitvoere opmaak, het met 30% gedaal vanweë die swak globale ekonomie.

"Dit is baie meer as wat ons verwag het… en dit is nie 'n goeie syfer nie. Dit toon voortslepende strukturele probleme in ons handelsrekening," het Russel Lamberti, 'n ekonoom by die markontleders ETM gesê.

Die SAID het gesê die saamgestelde handelstekort vir die eerste 11 maande van die jaar was R84,2 miljard, teenoor R68,1 miljard verlede jaar gedurende dieselfde tyd, wat druk plaas op 'n ongesonde lopende rekening.

Die tekort op die lopende rekening, wat met 7,9% van die bruto binnelandse produk toegeneem het in die derde kwartaal van 2008, het op 'n 36-jaar-hoogtepunt van 7,3% vir 2007 verkeer en sal na verwagting toeneem tot 8,9% van BBP in 2010.

Lamberti het gesê die handelstekort mag dalk afneem in die komende paar maande terwyl invoerders en uitvoerders aanpas ná 'n skerp daling in die rand.

Die rand het vanjaar omtrent 27% teen die dollar verloor. Terwyl dit herstel het van 'n ses-en-'n-half-jaarlaagtepunt van 11,88 in Oktober, is meeste ontleders maar negatief omtrent die mediumtermynvooruitsig, deels as gevolg van die hoë lopenderekeningtekort.

дівчачі ігри онлайн