Dan Roodt, Author at praag.co.za

Kom ons verklaar ons eie noodtoestand

Gister het ons by PRAAG ‘n berig gedoen oor die gruwelike mesmoord op mnr. Jan dut Toit (67) van die voorstad Dennesig in Middelburg. Oor die afgelope twee weke woed as’t ware ‘n burgeroorlog in Muldersdrift, net ‘n klipgooi van waar ek woon. Sowel Alyssa Botha (13) as André Jordaan (50) is afgemaai.

Vanoggend stuur ‘n PRAAG-medewerker vir my ‘n brief aan wat vanoggend in die Kaapse dagblad Die Burger verskyn het. Daarin skryf Anoniem van die Wes-Kaap:

Daar is nie meer ’n keuse tussen veg, vlug

Ek leef regtig in vrees vir ’n revolusie/burgeroorlog en is oortuig dit is ’n wesenlike vrees vir Suid-Afrikaners in die lig van wat tans in ons land aan die gang is.

Ek sou graag wou weet hoeveel Suid-Afrikaners my oortuiging deel, want dit gee my slapelose nagte.

Ek voel wanhopig en is by die punt waar ek nie eens meer dink dit is nodig om langtermyn-toekomsplanne te maak nie, aangesien dit sinloos (moontlik nog waansinnig) is om te hoop vir die beste, terwyl alles daarop dui dat ons op die randjie van anargie staan.

Ek is baie lief vir my land en kultuur, maar as ek finansieel daartoe in staat was, het ek nou opgepak en gevlug (ja, gevlug). Ek vrees vir my kinders se toekoms, selfs hul lewe. Ek is bang, regtig bang. Is ek alleen in hierdie vrees?

Hierdie anonieme briefskrywer verwoord myns insiens iets wat ons almal op een of ander manier voel. Persoonlik woon ek in ‘n redelike veiligheidsbuurt met toegangsbeheer, kameras vir Afrika, patrollerende wagte met wapens en dies meer. Maar ons is omring van onstabiele swart woonbuurte en plakkerskampe waar daar daagliks buitelanders straffeloos doodgemaak word en natuurlik die gebeure in Muldersdrift wat al hoe meer sinister begin lyk.

Aan die begin van die jaar het ‘n vriend en buurman sak en pak met sy gesin Australië toe geëmigreer omdat hy insgelyks voel dat ons ‘n donker toekoms tegemoet gaan.

Hoe spreek ons hierdie krisis aan?

Ek meen dat die antwoord eenvoudig is: ons moet ons eie noodtoestand verklaar. Hoeveel “onse” in my pond? Ongeveer vier miljoen: Afrikaners en Engelssprekende blankes wat bereid is om met ons saam te werk. Net soos ons tans sáám teen Woolworths se anti-blanke indiensnemingsbeleid mobiliseer, kan ons mekaar die hand reik en sorg dat ten minste daardie dele van die land waar ons in groot getalle woon veilig gestel word. Daarmee saam natuurlik plase en landbougebied waar ons voedsel verbou word.

Skep ‘n veilige toekoms en sluit aan by PRAAG!

Daar is sekerlik vele organisasies, ook privaat veiligheidsmaatskappye, wat ‘n rol hierby kan speel. Vele kundiges is beskikbaar. Maar iemand moet die leiding neem om die noodtoestand te verklaar en te sorg dat mobilisering teen geweld en anargie in fases geskied. Ek sien dit só:

Fase 1: Oprigting van ‘n kommunikasiestelsel (1 tot 2 maande)

Afgesien van die internet en sosiale media, waardeur ons kan kommunikeer om mense landwyd te organiseer, moet ons ook ‘n radiokommunikasiestelsel landwyd tussen dorpe en voorstede oprig. Dit kan met die hulp van radio-amateurs geskied. In ‘n uiterste geval waar Eskom in duie stort, die krag en selfs die selfoontorings afgaan, gaan misdadigers en plunderaars op ons kan toesak sonder dat ons ‘n benul het van wat aangaan. Vandaar die behoefte aan so ‘n radiostelsel.

Fase 2: Insameling van inligting en statistiek oor geweldsmisdaad (1 tot 2 maande)

Met behulp van ons kommunikasiestelsel sal ons in staat wees om ons eie misdaadstatistiek by te hou, wat met die staat s’n vergelyk sal kan word. Teen daardie tyd sal ons verskeie “opskamers” landwyd hê waar ons probleemgebiede kan aanstip en personeel en strukture kan ontplooi.

Fase 3: Mobilisering van vrywiligers en goedgesinde privaat veiligheidspersoneel (4 tot 6 maande)

Tydens hierdie fase kan die ergste slagplase soos Muldersdrift gestabiliseer word en kan buurtwagte en plaaswagte landwyd saamwerk om kriminele vas te vat en uit ons gebiede te verdryf.

Fase 4: Instelling van ‘n nuwe ‘nasionale diensplig’ onder die blanke jeug (1 tot 2 jaar)

Daar bestaan tans verskeie studierigtings aan universiteite wat ‘n verpligte tydperk van “gemeenskapsdiens” behels. Ons moet eenvoudig van alle jongmense wat matriek klaarmaak, verwag om vir ‘n jaar in ons buurt- en plaaswagte te dien. Hulle sal aanvanklik opgelei en gemotiveer word en kan daarna landwyd diens doen op plekke waar hulle benodig word. Hulle kan óf by hul ouers bly óf by vreemdelinge of in koshuise tuisgaan wat ons vir die doel kan inrig. Ons kan selfs buitelandse jeugdiges werf wat dalk sal hou van ‘n jaar se avontuur in Afrika. Immers is daar vele wat elders in Afrikalande as vrywilligers gaan werk: die Amerikaanse Peace Corps-vrywilligers, asook die Franse coopérants.

‘n Boer maak ‘n plan, sê hulle. Ons voorouers het so oorleef tydens tydperke aan die Oosgrens of later in Natal, die Vrystaat en Transvaal toe daar veel groter anargie as tans geheers het. Ons het kommando’s gevorm en te perd gaan patrolleer. Nou het ons al die tegnologie van die een-en-twintigste eeu tot ons beskikking wat dit soveel makliker maak.

Eintlik lees ons elke dag van moorde en verkragtings in die media omdat ons te sleg is om dit deur eenvoudige, doelgerigte optrede te stuit.

Hoewel PRAAG ‘n kultuurorganisasie is wat hom op nuwe media en die bevordering van Afrikaans toespits, was ons ‘n paar jaar gelede nou betrokke by gemeenskapsveiligheidsaksies in die Noord-Transvaal en elders. Op ‘n stadium het ons baie geslaagd opleidingskampe vir boere en stedelinge aangebied. Weens ‘n gebrek aan fondse moes dit egter gestaak word. Ons hele struktuur, instrukteurs en kursusmateriaal is egter steeds beskikbaar en kan weer geaktiveer word, mits ons oor die nodige fondse beskik.

Hoewel ek ook tans betrokke is by die sogenaamde Afrikaner- strategiese komitee waarop etlike Afrikaanse organisasies en invloedryke individue dien, is hierdie saak so dringend dat ons nie op komplekse kollektiewe besluitneming kan wag nie. Dis letterlik lewensnoodsaaklik dat ons sommer vinnig teen geweld en gevaar begin mobiliseer.

Elke dag wat verbygaan sonder dat ons iets daadwerkliks dóén, sterf nóg van ons mense. Die slagting moet nou ophou.

Sonder fondse kan ons dit natuurlik nie aanpak nie. My voorstel sou wees dat mense in groot getalle by PRAAG aansluit sodat ons ten minste die eerste fases van die projek binne die volgende paar weke kan aanpak. As ek sien hoe flink mense op die Woolworths-kwessie gereageer het, maak dit my optimisties dat ons sommer vinnig bepaalde teikens vir befondsing kan bereik.

Die ou kommandostelsel wat deur die ANC-regering afgeskaf is, het blykbaar ‘n begroting van slegs R50 miljoen per jaar gehad. Blykbaar sou dit selfs teen R25 miljoen per jaar bedryf kon word, rofweg R2 miljoen per maand. Ek stel my voor net een van die groot vier banke verhaal binne ‘n paar uur soveel aan dienstegelde van ons. Ons betaal met ‘n glimlag miljarde rande aan “Werner” en sy trawante om hul direkteure en aandeelhouers ryk te maak, maar as dit by die beskerming van ons vroue, kinders en bejaardes kom, wik en weeg ons oor R50. Hoe rym dit?

Dis tyd om die hand aan die ploeg te slaan, maar ook ‘n paar rand by te dra om ons volk van gewisse ondergang te red.

Deur die geskiedenis het gewone mense opgestaan om te sê: Genoeg is genoeg! Ons moet dit ook nou doen.

Die eenvoudigste is vir mense om deur middel van debietorders R50 tot R100 per maand by te dra en sodoende elkeen van die fases te verwesenlik. Ons behoort dit só te laat gebeur:

Fase 1: 2000 nuwe PRAAG-lede (wat ongeveer R100 000 per maand vir die projek beskikbaar sal stel).

Fase 2: Nog 2000 nuwe PRAAG-lede.

Fase 3: Nog 5000 nuwe PRAAG-lede.

Fase 4: Kan in samewerking met ander organisasies en instellings geskied, of ‘n nuwe ledeteiken kan bepaal word om die totale nasionale dienspligstelsel te bedryf.

Ons is heeltemal in staat om die moordsyfer in ons buurte en op ons plase te laat daal tot op die vlak van die Duitse of Switserse syfer wat ongeveer 1 moord per 100 000 lede van die bevolking per jaar is. Duitsland en Switserland is die veiligste lande ter wêreld, maar elke Switserse man dien ook in hul volksweermag en moet elke jaar kampe doen. Dus kom veiligheid selfs in Switserland teen ‘n prys.

Tans is die moordsyfer onder ons boere natuurlik 300 per 100 000 lede van die bevolking en onder blanke stedelinge waarskynlik iewers tussen 50 en 100. Binne twee jaar kan ons dit tot beskaafde vlakke verminder en honderdvoudig laat verminder, mits ons bereid is om saam te werk en elkeen ‘n geldjie of vrywillige werk by te dra.

Daardie boere en stedelinge wat hulself reeds in goeie plaas- en buurtwagte georganiseer het, het bewys dit kan gedoen word, want die aanvallers is nie daar bedrywig nie. Sekere gebiede is reeds uiters veilig en rustig, terwyl moord en doodslag in ander dele botvier.

Wie het gesê? Gee my ses maande.

Alles sal regkom, mits elkeen sy plig doen, soos die geliefde Vrystaatse president, Jan Brand, gesê het.

Vul ons debietordervorm in en ek sal u van ons vordering op hoogte hou. Ons kan en mag dit nie langer vat nie!

Lewer gerus kommentaar op hierdie rubriek. Dit word ook op Facebook geplaas.

U raad, aanmoediging en opbouende kritiek sal waardeer word.

Skep ‘n veilige toekoms en sluit aan by PRAAG!

Rusland sluit NRO’s oor buitelandse politieke inmenging

Die Amerikaanse regering het Dinsdag verklaar dat hy sy hulpsending in Rusland op Moskou se aandrang sluit, ‘n stap wat ontleders toeskryf aan Russiese bedenkinge oor buitelandsbefondsde sogenaamde pro-demokratiese groepe.

Die Amerikaanse Agentskap vir Internasionale Ontwikkeling, of USAID, het meer as $2,6 miljard oor die afgelope twee dekades in Rusland spandeer om onder meer te help om ‘n “sterker burgerlike samelewing” te ontwikkel, en die ekonomie te moderniseer.

Die Russe beskou sulke NRO’s as buitelandse pogings om in die land se binnelandse politiek in te meng.

In die aankondiging van die besluit om USAID in Rusland te sluit, het Amerikaanse ontleders ook ‘n politieke motief raakgesien: Die vermindering van buitelandse steun vir Russiese groepe wat die bevordering van teenkanting teen die Kremlin aanhits en die oppergesag van die reg uitdaag.

Matthew Rojansky van die Carnegie Endowment for International Peace, sê die “diep verskille oor Amerikaanse aktiwiteite in die Midde-Ooste om demokrasie te bevorder,” tussen die twee lande het daartoe aanleiding gegee.

In die aankondiging van die besluit, het die State Department gesê USAID sal voortgaan om te probeer om demokrasie en die burgerlike samelewing te bevorder ten spyte van die sluiting van hul kantoor in Rusland.

Drie Afrikanerleiers kritiseer voorstel om Afrikaans uit volkslied uit te haal

Drie Afrikanerleiers het ‘n voorstel dat Afrikaans uit die volkslied weggelaat word, heftig gekritiseer.

ŉ Afgevaardigde van die polisievakbond Popcru het Maandag by die vakbondfederasie, Cosatu, se 11de nasionale kongres wat by Gallagher Estate in Midrand voorgestel dat Afrikaans uit die volkslied weggelaat word.

Die land se volkslied bevat Afrikaanse en Engelse strofes van Die Stem wat by van die land se huidige volkslied, Nkosi Sikelel’ iAfrika, ingesluit is.

Dr. Pieter Mulder, leier van die VF+ en ANC-adjunkminister van Landbou, het die voorstel skerp gekritiseer en dit ‘n “skop in Afrikaners se tande” genoem.

“Die Afrikaanse deel [van die volkslied] is ook deel van my stryd teen Britse kolonialisme. Dieselfde mense my vra as die adjunk-minister om voedsel van die Afrikaner-boere aan die land te voorsien; 95% van al die voedsel wat plaaslik vervaardig word, word deur hulle voorsien.”

Dave Steward, uitvoerende hoof van die FW de Klerk Foundation, sê die volkslied is ‘n simbool van nasionale eenheid. Hy het gesê om dit te verander sal eenvoudig ‘n stap in die rigting wees om ‘n gemeenskap daar te stel wat Nelson Mandela nie wou gehad het nie.

Dirk Hermann, adjunk uitvoerende hoof van Solidariteit, het in reaksie op Popcru se voorstel oor die weglating van Afrikaans en Engels in die land se volkslied, gesê: “So ‘n besluit sal lei tot die vervreemding van minderhede. ‘n Demokrasie se sukses word juis getoets aan sy vermoë om minderhede te beskerm en te laat tuis voel, want meerderhede word beskerm deur hul meerderheid. Die volkslied is ŉ simbool van die land se verbintenis om vir almal ‘n plek in die land te gee. As jy sekere gedeeltes uitlaat, sal dit ook simbolies wees dat daar net plek vir die meerderheid is. Waar die volkslied nou ‘n simbool is van ŉ inklusiewe demokrasie vir almal, sal die weglating van sekere dele ‘n simbool wees van ‘n eksklusiewe demokrasie net vir die meerderheid,” het hy gesê.

Wittes in topposte is nie die volle verhaal nie

Die ANC verdraai die prentjie van wat werklik met regstellende aksie in die Suid-Afrikaanse ekonomie aan die gang is, deur die klem op slegs die topposte in die ekonomie te laat val.

Volgens die 12de jaarverslag van die Kommissie vir Billike Indiensneming, wat sopas bekend gestel is, beklee wit mans 55% van die topposte. Hierdie topposte is egter slegs 0,3% van alle ekonomiese poste wat beoordeel is. Dit is dus 55% van 0,3% van die ekonomiese poste in die land. Die topposte maak slegs 19 000 (19 352) van die vyf miljoen (5174860) poste wat beoordeel is, uit.

As na die onderste twee kategorieë gekyk word, is wittes ver onderverteenwoordig met slegs 5% van die poste en 1% van die laagste kategorie. Wittes behoort hier 11% uit te maak. Wat hierdie onderverteenwoordiging ernstige diskriminasie maak, is die feit dat dit drie miljoen poste (2 744 435) raak en so baie meer mense raak.

Hierdie tipe diskriminasie is nog erger in die staatsdiens. Waar swartmense 79% volgens die “breedweg verteenwoordigend van die bevolking-“riglyn moet wees, toon onlangse syfers van die Departement van Binnelandse Sake dat 92% van die beamptes in hierdie departement swart is.

Minderheidsgemeenskappe word berekend benadeel. Volgens bogenoemde kriteria behoort daar 9.6% witmense in die departement van Binnelandse Sake te wees – tans is dit slegs 1.92%. Bruinmense moet 8.9 % van die personeelsamestelling uitmaak, maar is slegs 5.27% van die personeel. Indiërs moet 2.5% van die personeelkwota wees, maar is slegs 0.67%.

Wat die ANC nie wil aanvaar nie, is dat hierdie kunsmatige pogings om rasseverteenwoordiging af te dwing, soos ook in die voorgestelde wysigings aan die Wet op Gelyke Indiensneming, eerder ‘n negatiewe uitwerking op die skep van permanente werkgeleenthede het. Dit het ook ‘n verlammende effek op entrepeneurskap wat selfs tot die sluiting van bestaande ondernemings kan lei.

Vanjaar se verslag is gegrond op die verslaggewing van 4 370 groot werkgewers. Dit is werkgewers wat meer as 150 mense in diens het.

Александр Фильчаков

Kaboel-slagoffers se familie wil uit politiek bly

“Ons wil net ons seuns by die huis terughê. Hulle was gewone ouens, wat buitengewone werk in buitengewone omstandighede verrig het om vir hulle gesinne te voorsien.” So sê die gesinslede van die Suid-Afrikaners wat in Afghanistan dood is.

Die boodskap van die families van die agt Suid-Afrikaanse lugvaartkenners wat tydens ‘n selfmoordbomaanval in Afghanistan se hoofstad, Kaboel, gesneuwel het, was ontdaan van enige politieke inhoud.

Hoewel besonderhede van die dodelike ontploffing skraps is, het die agt – twee van wie getroud was – gou gestop vir brandstof. Die aanvaller, ‘n 20-jarige vrou, het met ‘n Toyota Corolla in die mans se minibus vasgery.

Die ontploffing het die minibus heeltemal vernietig en die Suid-Afrikaners se liggame is uitgeslinger. Altesaam 12 mense is dood in die aanval.

Die agt Suid-Afrikaners, wat vlieëniers, ingenieurs en ondersteuningspersoneel insluit, het vir Balmoral Central Contracts gewerk wat deur die firma CemAir gesubkontrakteer is.

Balmoral se Sej Dunning, uitvoerende hoof, het gesê Afghanistan het chaoties geword het as gevolg van die anti-Moslemvideo, wat dit gevaarlik maak om te reis van die een kant van Kaboel na die ander.

Hy het gesê die identifisering van die liggame is uiters moeilik. “Ons is in die proses van die identifisering van liggame.”

Baie van die families van personeel in Afghanistan wag steeds in angs vir inligting oor hul geliefdes.

Sommige het kort boodskappe ontvang uit Afghanistan wat hulle in kennis stel dat hulle nog leef. Die mans kon nie praat nie per telefoon nie, want hul kommunikasies word gemonitor deur die VSA se militêre magte.

President Jacob Zuma het sy meegevoel aan die slagoffer se families oorgedra.

“Ek is diep bedroef deur die dood. Ons gedagtes en gebede is met die families van die oorledenes,” het hy gesê.

Die Amerikaanse ambassade het die voorval veroordeel, en die Amerikaanse ambassadeur Donald Gips het gesê: “Hierdie wrede aanval toon weer die insurgente het geen respek vir menslike lewens nie.

“Soos Hillary Clinton gesê het, is daar nooit ‘n regverdiging vir die gewelddadige optrede van hierdie aard nie.”

Nelson Kgwete, woordvoerder vir die Departement van Internasionale Betrekkinge en Samewerking, het gesê konsulêre ondersteuning sal aan die slagoffers se families gebied word.

Die DA het politieke munt uit die voorval probeer slaan. Die party eis dat Maite Nkoana-Mashabane, minister van internasionale betrekkinge en samewerking, die voorval gebruik om “demokrasie” in Afghanistan aan te moedig.

“Sy [die minister] behoort elke platform tot haar beskikking te gebruik om demokratiese instellings in Afghanistan aan te moedig,” het Ian Davidson, die DA se woordvoerder oor internasionale betrekkinge en samewerking, gesê.

Klaarblyklik is die DA se buitelandse woordvoerder nie bewus van wat die “demokratiese” rewolusies in die streek reeds vermag het om die hand van ekstremiste te sterk nie.

topcargo

Drie Chinese by Warden doodgekap

Drie Chinese is in Warden in die Vrystaat doodgekap, het die polisie gesê.

Sers. Tshegofatso Modise sê die Chinese burgers se lyke is Sondag omstreeks 10:30 in hul winkel by die Piet Retief Konka Clothing Store in Warden gevind.

Ron Ling Chen (31), Li Pin Chen (24) en ‘n 18 maande oue meisie se familielede het op hul lyke afgekom.

Modise sê ‘n saak van moord word ondersoek. Niemand is tot dusver in hegtenis geneem nie.

Peter de Villiers stof sy reënboogbril af

Peter de Villiers, die Springbokke se voormalige bruin afrigter, het sy reënboogbril weer afgestof sodat hy kan sien hoe lyk swart. En hy sien nie genoeg daarvan in Heyneke Meyer se Springbok-vyftiental nie.

Volgens De Villiers is die huidige Bok-span te wit omdat daar slegs drie spelers van kleur ingesluit is in die span.

Meyer het drie swart spelers (Beast Mtawarira, Bryan Habana en Zane Kirchner) ingesluit vir verlede naweek se toets teen die All Blacks in Dunedin. Dieselfde aantal swartes, drie, (Gurthro Steenkamp, Habana en JP Pietersen) het verlede jaar in die Wêreldbeker-kwarteindwedstryd teen Australië uitgedraf in die span wat De Villiers gekies het.

Kennelik het die bruinman se wiskunde hom ook in die steek gelaat.

De Villiers het Maandag in ‘n onderhoud met Ballz Radio gekla dat Meyer nie daarin belangstel om spelers van kleur te kies nie. De Villiers die oomblik goed gekies aangesien Meyer onder kwaai druk verkeer oor die Bokke se swak vertonings.

“Dit is die klein goedjies wat my pla,” het die oud-breier gemaak nederig verklaar. In sy daaropvolgende uitleg van die “klein goedjies” blyk dit toe dat die kwessies eintlik reusagtig is: Ras en die samehang van Suid-Afrika!

“Ons moet weet in watter land ons woon en tans draai ons baie swart mense teen ons deur die span wit te maak en niemand wil oor hierdie dinge praat nie, maar ek moet. En dit is wat…eintlik breek ons weer die land uitmekaar.”

Hy het nie kommentaar gelewer op swart rassiste wat reeds ver gevorder het in hul pogings om die land uitmekaar te breek nie, en met kenmerkende ressentiment dit op die beleërde wit afrigter se brood gesmeer.

“Oral waar ek gaan sê die mense negatiewe goed oor die Springbokke,” het de Villiers gesê. Te oordeel aan die reaksie van wit rugbyliefhebbers, word die rasbewuste oud-afrigter uitgesonder vir nog meer negatiewe kommentaar.

Dié verwikkeling kom nadat Cheeky Watson daarvoor gesorg het dat die Leeus, met ‘n paar Springbokke in die span, uitgestem is om deel te wees van Suid-Afrika se mededingende rugbyreekse, ten gunste van die Konings.

Die Konings in die Oos-Kaap – die ANC-regime se bakermat – se insluiting is daarop gemik om die Afrikanerbeheer van die sport te ondermyn.

Die Leeus het voorheen alles in hul vermoë gedoen het om die reënboognasie ter wille te wees met ontwikkelingsprogramme, anti-rassisme maatreëls op Ellispark, en mediadekking vir swart spelers. Hul kruipery het duidelik nie indruk gemaak by swart besluitnemers of Watson nie.

Afrikanerman (67) wreed vermoor in Middelburg

Mnr. Johannes Jakobus (Jan) du Toit is vanoggend in sy huis deur twee mans met ‘n mes aangeval en vermoor. ‘n Foto van die plas bloed is intussen op Facebook geplaas (hiernaas).

Mev. Anna Maria du Toit is insgelyks aangeval en is in die Midmed-hospitaal opgeneem. Volgens bure van die egpaar het honde in die buurt deur die nag geblaf en daar is ook vreemde swartes in die straat opgemerk. Die bure het ook agterna harde slae soos plofgeluide gehoor. Volgens ‘n ooggetuie het een van die aanvallers oor ‘n muur gespring.

Die moordenaars het deur ‘n venster aan die voorkant van die huis ingebreek. Gerugte in die dorp wat per selfoon versprei het, wil hê dat mev. Du Toit ook baie wreed aangerand is en dat albei haar ore afgesny is. Tans is sy egter buite gevaar in die Midmed-kliniek en daar word bloot van ‘n “wond aan haar oor” gepraat.

Die aanval het in die vroeë oggendure in die voorstad Dennesig plaasgevind. Daar was ‘n hewige worsteling alvorens die aanvallers oor die voorste muur gevlug het.

Sedertdien is die hele Middelburg in rep en roer en blykbaar is alle mobiele alarms op die dorp uitverkoop.

Familie en vriende van die egpaar wat die huis gaan skoonmaak het, het die foto op Facebook geplaas.

Фільчаков прокурор

Klim van die geldrondomtalie af

Daar is ‘n ou Engelse gesegde wat lui “Money makes the world go round”. Ongelukkig is dit nie waar nie. Dit is energie wat die aardbol in die rondte laat draai.

Ons is nou by ‘n kruispad wat energievoorsiening aanbetref. Aan die begin van ons nuwe demokrasie kon Eskom twee keer meer krag opwek as wat die maksimumverbruik was.

Vandag is die opwekkingvermoë en verbruik in perfekte balans.

Die skuldige is natuurlik Verwoerd wat destyds te veel kragstasies laat bou het.

Nietemin stel die huidige situasie nuwe uitdagings aan die regeerders en beplanners.

Die opsies beperk. Hule kan steenkool kragstasies bou maar visioene van stede wat in die see verdwyn as die ys aanhou smelt, maak hulle huiwerig. Kernkragstasies hou ook bepaalde uitdagings in. Hoewel hulle heelwat makliker is om te bedryf as rioolplase en watersuiweringsaanlegte sluip daar soms menslike foutjies in wat nie voorsien kon word nie. Gelukkig word mense maklik hervestig indien daar ‘n herhaling van die Foekoesjima-insident sou plaasvind.

Die gasvelde van die Karoo is verbode terrein. Omgewingsaktiviste het klaar onomwonde vasgestel dat aaklige boortorings die horisonne onherkenbaar gaan vermink. Om nie te praat van die wildsbokkies wat ‘n afgryslike dood gaan sterf as hulle drinkwater besoedel word nie.

Daar is egter ‘n bron van energie wat onuitputlik is. Dit werk op die beginsel van die mees moderne tegnologie wat die mens tot dusver kon bemeester: Kernversmelting.

Kernversmelting is ook baie gevaarlik maar as ons die reaktor ver genoeg van ons af kan wegkry en net die energie wat ons wil gebruik na ons toe kan stuur, is ons heel veilig.

As ons in die oggende opkyk in die lug sal ons sien dat die Skepper alreeds vir ons so ‘n reaktor ontwerp het.

Ons moet net leer om dit te gebruik.

Rusland onthul reusagtige diamantkrater

Rusland het ‘n groot bron van diamante wat die wêreldmark vir die volgende 3000 jaar van blink klippies sal voorsien.

Wetenskaplikes beraam dat daar ‘triljoene karaat’ lê onder ‘n asteroïedekrater in Siberië, meer as tien keer die globale voorraad.

Die Kremlin weet van die reserwes wat onder die impaksone van Popigai Astroblem lê sedert die 1970’s.

Maar dit is tot nou toe geheim gehou, want dit sou groot winste in ‘n swaar beheerde mark tot niet maak.

Regeringsamptenare het uiteindelik aan wetenskaplikes van die nabygeleë Novosibirsk Instituut van Geologie en Mineralogie toestemming verleen om lig te werp op die krater se verborge skatte in ‘n vergadering met die joernaliste oor die naweek.

Die amptelike nuusagentskap ITAR-Tass, het gesê die diamante is twee keer so hard “soos die gewone edelstene, wat dit ideaal maak vir industriële en wetenskaplike gebruike”.

Volgens Die Christian Science Monitor, meen die instituut se direkteur, Nikolai Pokhilenko, dat die nuwe bron ‘n radikale opskudding in die edelgesteentemark gaan veroorsaak.

Rusland se winsgewende diamantbedryf is deur die kolossale myn Mirny, in Jakoetia, gemyn. Dit is 11 jaar gelede as gevolg van krimpende opbrengste en veiligheid kwessies gesluit.

Die nuwe bron by Popigai Astroblem laat Mirny lyk na ‘n blote molshoop lyk en sal ‘n broodnodige herlewing aan die bedryf te bring.

Die klippe by Popigai is bekend as die “impakdiamante” wat ontstaan as ‘n voorwerp soos ‘n meteoriet ‘n bestaande diamantdeposito tref. Hulle is ook uniek

Pokhilenko het gesê: “Die waarde van die impak diamante is bygevoeg deur hul ongewone skuur funksies en groot korrelgrootte.

“Dit brei die omvang van hul industriële gebruik aansienlik en maak hulle meer waardevol vir industriële doeleindes.”

Diamondproduksie het in 2009 tot ‘n ongekende laagtepunt tydens die ekonomiese krisis gedaal.

Met die wêreldmarkte, wat tekens van veerkragtigheid begin wys, kan dit verduidelik waarom Rusland nou sy verborge skatte openbaar.