11:14:51 Met slegs 15 dae oor voordat alle vlugtelingkampe gesluit word, sit die City of Tshwane met meer as 2 000 mense by die Klerksoordkamp noord van Pretoria.
Die stadsraad sê nou dat al die kampeerders vlugtelinge van ander Afrikalande is.
'n Lid van die stadsraad, Bongi Lehobye, beweer dat slegs 200 buitelanders is. Die res, sê sy, is Suid-Afrikaners wat voordeel uit die kamp wil trek.
Sy sê dit is moeilik om mense in die bestaande geemenskappe rondom Pretoria te herintegreer wat van Mpumalanga, die Weskaap en ander plaaslike gebiede afkomstig is.
Die ANC-regering het die VN-veiligheidsraad se besluit om nie sanksies teen Zimbabwe toe te pas nie, verwelkom.
Die Anglo-Amerikaanse sanksievoorstel het 'n reisverbod en batebevriesing teenoor president Mugabe en sy binnekring ingesluit.
Ronnie Mamoepa het namens die departement van buitelanse sake gesê dat Suid-Afrika deur die verbintenis tot dialoog van Zimbabwe se politieke partye bemoedig is.
Hy het die hoop uitgespreek dat dit die mense van Zimbabwe in hul poging om 'n omvattende oplossing vir die huidige situasie te vind van hulp sal wees.
11:10:33 Die ANC-president Jacob Zuma laat reeds die hele party na sy pype dans.
Dit het duidelik geword na die benoeming van Kgalema Motlanthe as 'n kabinetslid asook die afdanking van twee premiers
Helen Zille, die DA-leier, het gesê dat sleutel-ANC-besluite, soos die afdanking van die twee premiers, deur interne magstryde bepaal word.
Polisie in Sierre Leone het gister op 700 kg kokaïen beslag gelê wat aan boord van 'n vliegtuig by Lungi-lughawe versteek was.
Wes-Afrika het een van die belangrikste smokkelpunte vir dwelms geword wat deur Latyns-Amerikaanse handelaars gebruik word om hul goedere na winsgewende Europese markte te verskeep.
Volgens die assistant-inspekteur-generaal, Francis Munu, is dit die grootste dwelmfonds wat nog ooit in Sierra Leone gemaak is.
Die straatwaarde van die 700 kg kokaïen is omtrent $35 miljoen in New York, volgens 'n beraming wat deur die Verenigde Nasies se kantoor vir dwelms en misdaad gemaak is.
Kokaïengebruik in Europa is aan die styg en volgens 'n Europese agentskap was daar in 2006 reeds 4,5 miljoen kokaïengebruikers teenoor 3,5 miljoen 'n jaar vantevore.
09:58:11 Die nasionale polisiekommissaris Jackie Selebi poog tans om die Skerpioene te dwing om 'n dossier wat korrupsie-ondersoeke oor hom bevat te oorhandig. Hy het 'n aansoek voor die adjunk-regterpresident van die Witwatersrand, Phineas Mojapelo, gebring.
Op hul beurt wil die Skerpioene die polisie dagvaar om dokumente wat hulle beweer van wesentlike belang is in hul saak teen Selebi te oorhandig.
Verlede maand het Gerrie Nel, die hoofaanklaer van die Skerpioene, die versekering in die Randburgse landdroshof gegee dat hul dossier teen 4 Julie aan Selebi se regspan gelewer sou word.
09:55:29 'n Senior superintendent van die Sunnyside-polisiekantoor het reeds forensiese bewysstukke in 52 sake geweier omdat die dekbriewe daarvoor in Afrikaans was.
Die sake is meesal uit die Vrystaat afkomstig. Ondersoekbeamptes in belangrike moord- verkragting- en gewapende roofsake het spesiaal Pretoria toe gery om die bewysstukke vir ontleding in te dien, maar senior superintendent Mokone het geweier om dit te ontvang omdat hy teen Afrikaans gekant is.
Die voorval is nou deur die kantoor van die polisie se Vrystaatse provinsiale kommissaris onder die hoof van die laboratorium se aandag gebring. 'n Klag van regsverydeling is ook teen Mokone aanhangig gemaak.
Die twee Zimbabwiese partye, die MDC en heersende Zanu-PF, het misluk om enige gemene grond gedurende hul onlangse samesprekings in Pretoria te vind.
Die MDC-faksie wat deur die presidensiële kandidaat Morgan Tsvangirai geleis is, asook 'n kleiner groep onder Athur Mutambara, het Donderdag 'n voorbereidende gesprek met Mugabe se Zanu-PF onder beskerming van Suid-Afrikaanse bemiddelaars in Pretoria begin.
Chamisa, 'n woordvoerder van die MDC, het gesê dat geen betekenisvolle vooruitgang gemaak is nie maar die staatsbeheerde Sunday Mail in Zimabwe het beweer dat die partye oor 'n werksraamwerk ooreengekom het wat die weg op ernstige samesprekings berei het.
Die Sunday Independent het gister in Johannesburg berig dat die partye 'n ooreenkoms sou onderteken om intensiewe samesprekings te lei wat Woensdag in Harare sou begin en tot die einde van die maand sou duur.
Nege Amerikaanse soldate het in aksie in Afghanistan gesterf.
Dit is een van die grootste verliese wat die VSA-weermag nog gely het sedert hulle die land in 2001 binnegeval het.
Die voorval het gekom toe Afghaanse en internasionale magte deur Islamitiese militantes in die Koenar-provinsie aangeval is.
NAVO se internasionale sekerheidsbystandsmag sê die soldate is in 'n skermutseling wat vir 'n paar ure geduur het, dood.
Die insurgensiemagte het met mortiere en vuurpyle op die internasionale magte gevuur.
Gevegte het onlangs in Afghanistan toegeneem in kontras met Irak waar koalisiemagte daarin geslaag het om relatiewe vrede te bewerkstellig.
Vier mense het in 'n ongeluk wat teen 'n hoë spoed plaasgevind het, gesterf. Een van hulle het die peperduur sportmotor wat hy onlangs as verjaarsdag geskenk ontvang het, bestuur.
Die 22-jarige Brett Scott, het klaarblyklik beheer van sy Lamborghini Diablo verloor toe hy teen 'n hoë spoed om 'n draai gegaan het.
Hy het teen aankomende verkeer gebots.
Die sportmotor, wat 'n waarde van om en by 3-miljoen rand gehad het, het in vlamme uitgebars.
Die motor waarteen hy gebots het, is volgens noodpersoneel tot minder as die oorspronklike lengte daarvan saamgepers.
Die bestuurder daarvan is as Albert Ncube geïdentifiseer. Hy en sy twee passasiers is op slag dood.
Nog 'n jongvrou het verdwyn nadat sy met 'n man op die teksdiens, Mxit, betrokke geraak het.
Jeanetta Swanepoel, het klaarblyklik weggeloop van haar tuiste in Ritchie in die Noord-Kaap.
Haar pa, David Swanepoel, het sy 21-jarige dogter as 'n stil, verantwoordelike persoon beskryf.
Hy sê hy het Vrydagoggend opgestaan en gevind dat sy dogter uit die huis verdwyn het.
Sy het voorheen lang kletssessies met 'n persoon met die naam Chris op Mxit gehad.
Daar word vermoed dat iemand in Ritchie haar 'n geleentheid Kimberley toe gegee het.
'n Aantal jongvroue het onlangs verdwyn nadat hulle op Mxit met mans betrokke geraak het.
Swanepoel sê hy wil net 'n boodskap by sy dogter uitkry dat haar ouers besorgd is oor haar.
