Beginsels en populariteit – hoe kies die kiesers?

Pas het ‘n nuwe kieskompas in Nederland die lig gesien. Dié kieskompas merk op dat baie kiesers in Nederland in hul harte met die beleid van die betreklike klein ChristenUnie saamstem, maar dat 80 % van die kiesers sê hulle sal nooit hul kruisies by dié party trek nie.

‘n Waarnemer meen die ChristenUnie se bykans onversetlike houding oor aborsies en genadedood moet die blaam dra.

Om van buite te veel in die Nederlandse politiek te probeer lees is fataal. Die Nederlandse pers skryf hul politiek is daarvoor vir buitelanders veels te skisofrenies.

Tog laat dit sekere vrae ontstaan. In lande soos Nederland (CDA en CU), België (CD & V) en Duitsland (CDU) is die Christen-demokratiese partye (nog) die dominante partye in die regerende koalisies. Hier in Suid-Afrika, waar 80 persent van die mense hulself as Christene opgee, figureer Christen-demokratiese en Christen-Volkseie partye op die rand van die radarskerm.

Toe Cope tot stand gekom het en sy beleidsvoete moes vind, was die politieke dam aan die kant van humanistiese politiek – liberaal-demokraties, sosiaal demokraties, sosialisties, ens oorbevolk. Die dam van Christen-demokrasies erg ylbevolk.

En vir so verre Cope beleidstekens toon, lyk dit of hy eerder ook in die oorbesette hoek gaan indons het, sy pogings om prominente kerklui te betrek ten spyt.

Hoekom Suid-Afrika so lyk, het moontlik baie te make met die lang geskiedenis as deel van die Engelse wêreld. Die Engelse wêreld, Brittanje in die besonder, se grootste partye mag dalk nie Christen-demokratiese per se wees nie (hoewel die Tories organisatories inskakel by die oorkoepelende liggaam vir Christen-demokratiese partye), maar die kiesafdeling-kiesstelsel neig om dit wat voet in die deur het, taamlik te verskans.

In ‘n omgewing waar jou party se beleid almal geval, maar die uitbring van stemme anders lyk, is so ‘n stelsel rof met partye wat opgang wil maak, tensy hulle regionaal deurbreek.

Miskien moet ook nie te veel gelees word in die huidige posisie van die Christen-demokrate in Europa nie. Oor ‘n paar jaar kan dit dalk lyk of die Christen-demokrate ‘n soort transito-fase vervul het van die era van liberalisme en permissiwiteit, na ‘n swaai terug na konserwatiewer waardes.

Baie redes is geopper vir die verskynsel dat ‘n skynbaar baie liberale Wes-Europa sy rug, skynbaar sat vir permissiwiteit – op liberalisme gedraai het, en steeds as dikwels ateïste, hul kruisies by die Christen-demokrate gaan trek het.

Nou is daar in verskillende Wes-Europese lande ‘n skynbare trek na verder behoudend – soos Denemarke, maar in besonder België waar Vlaamse nasionalisme gevoed word.

Hoekom gebeur iets soortgelyks nie struktureel in Suid-Afrika nie?

Dat kiesers lankal nie meer so gekonsolideerd agter die groot partye staan as wat die werklike stemgetalle aandui nie is heelmoontlik. ‘n Mens hoef maar net ‘n oog te werp op internet-meningspeilings, op munisipale betogings, Cope se probleme, en die DA wat skynbaar op die punt staan om die ID in te sluk.

Pres. Zuma het ook reeds swart kiesers daarop gewys dat hulle moreel verplig is om vir die ANC te stem.

Tog is daar geen groot, werklik mededingende Christelike-volkseie-party in die parlement nie, en is die Christen-demokratiese partye oor die algemeen net so klein en versplinterd soos die regse partye, met, selfs al word hul getalle bymekaar gereken, steeds klein bly.

Wanneer daar gestem word, gaan koek die kiesers steeds in die oorvol-gedeelte van die dam saam.

Hoekom?

Die antwoord uit verskillende dele van die land sal verskil.

‘n Duidelike demonstrasie: Met die laaste oorlooptydperk het ‘n sekere Wes-Kaapse raadslid van die ACDP, erg fundamentalisties, uitgesproke pro-jong aarde kreasionisme, na die DA oorgeloop. In Gauteng loop ‘n raadslid, ‘n boer, na die ANC oor. Beide is blank, Afrikaans. Die Gautengse lid het ‘n lang, bitter naar ervaring van die DA in sy raad agter die blad, wat onder meer voortydig grondbelasting op landbougrond ingestel, en met vervolging teen “wanbetalers” begin het.

Tog, breedweg kan die indruk nie ontsnap word dat die DA in die Wes-Kaap veel meer opgehemel word as in die res van die land nie. Daar het die DA immers die ANC se kortstondige “bevryding” van die Wes-Kaap afgeskud, en kon die provinsie onder die res van die land uit begin uitpresteer.

Of die demokrasie in die Wes-Kaap as iets anders verstaan sal word as dat dit beteken ‘n kieser kan vir enige party stem solank dit die DA is, wanneer die DA se posisie gekonsolideer sal wees, is moeilik om te voorspel.

Om te beweer die ander (kleiner) partye het net hulself te blameer vir situasie, is deels waar, maar die DA het ook lang lyste blapse op die kerfstok – raadslede wat uit die provinsies waar hulle verkies is verhuis, maar geen vakatures verklaar word nie, raadslede wat “lewend ontval,” raadslede wie se name saam met ANC-raadslede op lyste van wanbetalers pryk, ‘n onderburgemeester wat benewens ‘n reistoelaag ook ‘n gehuurde ampsmotor kry ….

Persoonlikheidsbotsings, duidelike onderlinge beleidsverskille en waardesisteme… dis alles daar teenwoordig.  Tog groei die party. Vir die ander is dit dikwels fataal. Het Suid-Afrika, soos baie ander lande,. ‘n minimum drempel gehad van persentasie stemme om op verteenwoordiging in die parlement geregtig te wees, was ‘n hele span daarmee heen. In sommige lande is die drempel so hoog as sewe persent. In Suid-Afrika sit ‘n span partye in die parlement wat minder as twee, en selfs een persent stemme gekry het.

Die huidige samestelling is egter nie heeltemal iets wat sommer sal herhaal nie. Met die totstandkoming van Cope het ‘n gees onder baie kiesers posgevat dat hierdie die eerste kraak in die ANC verteenwoordig, en behoorlik stukrag gegee moet word. Partye het dus baie stemme verloor.

‘n Deel hiervan was sterk ANC-kaders, wat egter in die ANC gesien het hulle gaan nie die mas opkom nie, en opportunisties na kleiner partye soos die ACDP gemigreer het waar sommiges inderdaad daarin geslaag het om tot bo te vorder (en dan met ‘n oorloop terug te keer ANC toe, maar in ‘n stewig-versterkte posisie). Met Cope se totstandkoming het hierdie party skynbaar dieselfde opsie gebied.

In wese het baie kiesers opportunisties of hoopvol hul gewig by Cope ingewerp met die hoop dat dit ‘n soortgelyke magsbreuk vir die ANC sou inhou as die DA in die Wes-Kaap.

Met ‘n nuwe verkiesing sal die Cope-suigkrag waarskynlik nie meer so aanwesig wees nie, en is dit moeilik denkbaar om te voorsien hoe die DA sy Wes-Kaapse rol (nou reeds) suksesvol na die res van die land sal kan ”uitrol”. In die res van die land sal anders gedink moet word – elke kieser sal optimaal die geleentheid moet hê om die beginsels waaroor hy sterk voel te kan uitleef.

Die Christen-volkseie gaan nie as “lastig” van die tafel gevee kan word nie, en nog minder met argumente oor outyds of verkramp –nie met die “wonderlike” grondwet wat kort-kort nie so wonderlik werk nie.

‘n Interessante vraag is of die Christen-demokrasie oor die momentum – veral intellektuele momentum –gaan beskik om nou die simplistiese veldtog van “godsdiens hoort nie in die politiek nie” teen te werk. Veral nou dat ‘n reuse aantal “mighty men” aldus die voorafaankondigings by Greytown moes gaan hoor ‘n Christen is ‘n Christen, nie net in die kerk nie, maar ook in die gesin, die skoolbeheerraad,  die parlement. In kort, hy kan nie Sondae teen aborsies en dobbel  en die res van die week daarvoor wees nie.

Maar …die Christen-demokratiese en Christelike volkseie partye moet ook hul kant bring. Plek-plek is nuwe besems nodig.

Met waarskynlik meer eertydse prominente lede deur eerw. Kenneth Meshoe uit die ACDP gedryf as wat hulle nou in die party bevind, is dit geen geheim wat bedoel word nie. Hy is waarskynlik eiehandig daarvoor verantwoordelik dat die ACDP –in weerwil van die aanspraak op die webwerf van “the fastest growing party in South Africa” meer as die helfte van sy nasionale en provinsiale setels prysgegee het.

Volkseie is doodgewoon deur ‘n grondwetlike bedeling uitverkoop.

Die stemreg-gedeelte van demokrasie sal eers werk as kiesers vir die beginsels kan stem waarin hul glo.

Hoe gaan die uitslag lyk as stembriewe vervang word met ‘n rekenaarpaneel waarop die kiesers beleidsvrae moet beantwoord. Vrae soos: “Glo u in privaat besit? Glo u in aborsies op aanvraag? Glo u in die doodstraf?” Na afloop van die verkiesing verwerk die rekenaar die antwoorde ooreenkomstig die partye se beleid, en ken setels toe.

Sonder Zuma se appèl op swart kiesers dat hulle moreel verplig is om vir die ANC te stem, gaan die uitslag baie, baie anders lyk.

купить зарядное устройство для автомобильных аккумуляторовОлександр Фільчаков прокурор

China bied Zambië ‘n miljard dollar aan vir hidro-skema

Die China Ontwikkelingsbank (COB) het Dinsdag ‘n miljard dollar (787 miljoen euro) vir ‘n beplande hidroëlektriese stasie in Zambië aangebied en ‘n Chinese maatskappy vir die ontwikkeling van die projek voorgestel. 

Jiang Chaoliang, president van die COB in Chinese staatsbesit, het gesê die Beijing-gebaseerde Sinohydro Corporation, stel belang in die ontwikkeling van die 1,5-miljard-dollar Laer Kafuekloofstasie, en kan waardevolle ondervinding tot die projek voeg. 

“Met die finansiële statuur wat COB het en die ryk ervaring van Sinohydro Power Corporation, glo ons dat ons sal in staat wees om tot die verligting van die knelpunte in Zambië in terme van hidrokrag by te dra,” het Jiang tydens ‘n besoek aan Zambië gesê.

Die bou van die 600-megawatt projek, wat gerig is op die verligting van kragonderbrekings in Suider-Afrika se arm lande, sal na verwagting volgende jaar begin.

Sinohydro is tans die kontrakteur vir Noord-Zambië met Kariba se Noordwalhidro-uitbreidingprojek, wat 360 megawatt tot die 600-megawatt Kariba-aanleg sal voeg. 

COB het gehelp om ‘n aantal projekte in Zambië te finansier, met uitstaande lenings ten bedrae van 112 miljoen dollar. Die Chinese bank het gesê hulle sal finansiering van tot 1,4 miljard dollar gee vir verskeie projekte, waaronder die een miljard dollar vir die Kafuekloofstasie. 

Kenneth Konga, Zambië se minister van energie en waterontwikkeling, het gesê Zambië het nodig om meer hidro-kragkapasiteit te bou en wil “vinnig beweeg” om die beloofde fondse van COB aan te wend.

сайт игрушкидепутат лобановский

Nuwe landbouplan ‘belaglik’

Om te verwag dat boere 40 persent van hul landboubelang aan swart aandeelhouers oordra,  is “ongehoord” en “totaal onaanvaarbaar “, het die landbou-unie TLU-SA Dinsdag verklaar.

Die TLU-SA het gereageer op minister van Landbou Tina Joemat-Pettersson se aankondiging Maandag dat die regering op soek na ‘n aandeleskema vir swart boere is om die gewillige koper, gewillige verkoper beginsel te vervang om grondhervormingteikens te bereik

“TLU is, om te sê die minste, absoluut verstom oor hierdie aankondiging,” het president Ben Marais, in ‘n verklaring gesê.

Joemat-Pettersson het gesê die regering se doel van die oordrag van 30 persent van die land se landbougrond aan swart eienaarskap teen 2014 het misluk vanweë die gewillige koper, gewillige verkoper stelsel. Slegs vyf persent is tot dusver oorgedra. 

Die nuwe plan kan ingesluit word in ‘n hersiene swartbemagtigingshandves vir die landbousektor, het sy gesê. 

Marais het gesê TLU-SA het tevergeefs geprobeer om met Joemat-Pettersson te vergader vir ‘n geruime tyd al.

“Vergaderings is uitgestel, en in die laaste geval, sy het nie eens kennisgewing gegee dat sy nie beskikbaar sou wees nie,” het hy gesê.

Dit het die indruk geskep dat Joemat-Pettersson nie die unie in persoon wou te woord staan nie, want sy het geweet wat die reaksie sou wees teenoor die “onaanvaarbare en belaglike plan”.

“Die minister wil die boere daarvan beskuldig dat hulle verantwoordelik is daarvoor dat 30 persent van die grond aan swart mense nie oorgedra kan word nie, omdat hulle die gewillige koper gewillige verkoper beginsel toepas,” het hy gesê.

“‘n Demografiese studie vir die Ontwikkelingsbank wat in 2001 ter tafel gelê is, dui daarop dat die staat, saam met swart mense, bruin mense en Asiërs reeds meer as 56 persent van die grond in Suid-Afrika besit.”

Die feit bly staan dat meer grond geteiken is op ‘n wyse wat sou beteken dat grond teen byna geen vergoeding afgestaan sou word.

In daardie geval is, het Marais gesê die boere sal staatmaak op die vryemarkstelsel om behoorlike vergoeding vir hulle grond.

Hy het gevra of die minister ‘n 30 persent mislukking van alle landbou grond wil sien, na die aankondiging van die “skandelike” idee sonder konsultasie met die landbou en boere. 

“Sal mark-verwante pryse vir die aandele sal oorweeg word? Of is dit die bedoeling dat die aandele wat oorgedra moet word, ook gratis moet wees of byna niks nie? Dit sal ewe onaanvaarbaar wees as eensydige onteiening.”

TLU-SA lede sal hulle verset teen die nuwe plan in die nasionale belang, want dit was ‘n bloudruk vir die vernietiging van voedselsekuriteit, het Marais gesê.

no deposit needed casino bonusтопкарго

Klagtes teen ministers gelê

TLU SA en die Nasionale Waterforum het strafregtelike klagtes gelê teen drie kabinetsministers.

Die Ministers van Waterwese, Minerale Sake en Landbou is by die Brooklyn polisiekantoor in Pretoria daarvan aangekla dat hulle Artikels 151(i) en (j) van die Nasionale Waterwet, Wet 36 van 1998, oortree het. Die Waterwet bepaal dat die Staat verantwoordelik is vir die beheer en bestuur van Suid-Afrika se Waterbronne.

TLU SA en NWF beskuldig die ministers daarvan dat hulle bewus is van die situasies rondom waterbesoedeling in die land maar dat hulle onregmatlg en nalatig handelinge verrig, of ‘n versuim begaan, wat ‘n waterbron besoedel of waarskynlik besoedel, of wat ‘n waterbron nadelig raak.

Mnr. Louis Meintjes, wat die klagtes namens TLU SA en NWF gelê het, het ‘n volledige lys van besoedelingsgevalle voorgelê, en die polisie ook voorsien van digitale videoskywe met inligting vanuit die media en ter plaatse besoeke op plekke waar besoedeling voorkom.

Die beëdigde verklaring, tesame met die bylaes, kan verkry word op NWF se webwerf, by http://www.nwf.za.net/images/stories/NWF/Hoof_Klagstaat.pdf

банюлобановский александр жена

Brittanje het nuwe regering

Wetmakers van die Liberale Demokrate (LibDems) het vroeg Woensdag gesê hulle het ‘n magsdelingsooreenkoms met die Britse Konserwatiewes (Tories) goedgekeur om ‘n regering te vorm. 

Dít volg ná Brittanje se onbesliste verkiesingsuitslag.

Die voormalige Britse premier, Gordon Brown, het Dinsdag bedank.

Die Tory-leier David Cameron sal Brittanje lei. Hy het die pos as intrekker van Downingstraat 10 aanvaar met die veelseggende woorde: “Hierdie gaan taai en moeilike werk wees.” 
“Namens die hele land wil ek hulde betoon aan die uittredende eerste minster vir sy lang rekord van volgehoue publieke diens,” het hy aan die media gesê. 

монтаж баниДанильченко Юрий Харьков

Mynmagnaat se ontvoerde seun terug

’n Angolese mynmagnaat wat se vyfjarige seun Sondagoggend in Johannesburg ontvoer is, is weer met sy familie herenig, het twee radiostasies Dinsdag bevestig.

Declan Condon, ‘n kriminele speurder het aan die radiostasies gesê die losprys is betaal en die seun is aan sy familie terugbesorg.

“Ons het ‘n ooreenkoms met die ontvoerders aangegaan. Ons het ‘n groot hoeveelheid dollars aan die ontvoerders oorhandig en geëis dat hulle die kind op dieselfde tyd moet teruggee.

Ná spanningvolle onderhandelings, het die ontvoerders nader geloop en die kind aan ons oorhandig,” het hy gesê.

Kapt. Cynthia Magoai kon dit nie bevestig nie, maar was op pad na die seun se ouerhuis.

Die polisie is ondersoek tans die ontvoering.

игра модницаtopcargo отзывы сотрудников

Marzaan se derde aanvaller vas

Die derde man wat glo in die aanval op baba-Marzaan Kruger betrokke was is in hegtenis geneem, het polisie Dinsdag gesê.

Die 28-jarige Chakhoma Machaba is met die hulp van Interpol en polisie van Mosambiek in hegtenis geneem, het die polisie in ‘n verklaring gesê.

Machaba was deur die polisie gesoek in verband met die aanval op die eenjarige Marzaan en haar oppasser, Francina Sekhu, by hul huis in Randburg op 22 April.

“Speurders sal binnekort na Mosambiek vertrek om hul ondersoeke daar verder te sit en te bevestig dat dit wel Machaba is.”

Daar is geen uitleweringsverdrag tussen Suid-Afrika en Mosambiek nie.

Twee mans, Nelson Maphosa, 25, en Gerald Nyantumbo, 28, is ‘n paar dae ná die aanval in hegtenis geneem en sal na verwagting Woensdag in die Johannesburgse landdroshof verskyn.

free bonus no deposit requiredФильчаков прокурор

Malema mag maar aanhou sing

Julius Malema is ten minste vrygespreek vir die sing van die ‘Skiet die boere’. 

Sy openbare ondersteuning van Zanu-PF, pres. Robert Mugabe se party, dat hy ‘n joernalis ‘n “baster” en ‘n “agent” genoem het en omdat hy steeds “Skiet die Boere” gesing het nadat die hof dit verbied het, word nie deur die ANC teen hom gehou nie.

Die enkele klagte teen hom hou daarmee verband dat hy die ANC en die regering in oneer gebring het.

Die ANC het die president van sy jeugliga, Julius Malema, ‘n boete van R10 000 opgelê, beveel om terapie te ondergaan om sy woede te beheer en pres. Jacob Zuma om verskoning te vra, berig Eyewitness News.

Dié boete moet Malema binne drie maande aan ‘n jeugontwikkelingsprojek betaal.

Hy is ook beveel om vir 20 dae die ANC se politieke skool by te woon.

Malema se tugverhoor is kort ná 20:00 Dinsdagaand afgehandel.

Daar is slegs bevind dat ’n onlangse opmerking wat hy oor pres. Jacob Zuma gemaak het, opruiend was en as ondermyning van eenheid in die party vertolk kan word.

Malema het ‘n apologie aan Zuma aangebied in ’n ANC-verklaring wat gisteraand laat deur die party uitgereik is. Daarin vra hy Zuma en die party om verskoning vir uitlatings wat hy by die jeugliga se oproerige provinsiale kongres in Limpopo gemaak het.

Malema se partylidmaatskap kan ook summier opgeskort word as hy binne twee jaar ’n soortgelyke oortreding begaan.

Mathews Phosa, ANC-tesourier, het Malema verteenwoordig.

best jackpotФільчаков Олександр Васильович

Kondig noodtoestand af

“Die graad van geweldsmisdaad in Suid-Afrika en meer spesifiek Gauteng, het reeds alle perke oorskry,” sê mnr. Jaco Mulder, VF Plus-LPW en leier van die party in Gauteng, na die moord gister op mnr. Robert Botha in die moordgeteisterde Kameeldrift-omgewing buite Pretoria.

Mulder wat ook ‘n lid van die portefeuljekomitee vir Veiligheid in Gauteng is, eis dat die regering nou onmiddellik ‘n noodtoestand in die Kameeldrift-omgewing afkondig en selfs in die hele land tydens die 2010 Sokkertoernooi.  “Dit behoort soos in Duitsland ‘n standaard prosedure te wees,” het Mulder gesê.

“Die situasie in Suid-Afrika is tans reeds uiters plofbaar en kan selfs lei tot burgerlike opstand.  Hierdie buitengewone situasie verg buitengewone optrede,” het Mulder bygevoeg.

“Die grondwet van Suid-Afrika is nie die papier werd waarop dit geskryf is indien fundamentele regte soos die veiligheid van die land se burgers nie deur die staat gewaarborg kan word nie.  Die staat het reeds misluk en sy burgers gefaal,” het Mulder gesê.  Hy het ‘n beroep op die publiek gedoen om paraat te wees en hulself te beveilig.

“Die situasie in Kameeldrift het selfs na besoeke van minister Nathi Mthethwa en verskerpte polisie-optrede in die gebied nie verbeter nie.  Hierdie is reeds die vierde moord binne etlike weke.  Die SAPD se misdaadintelligensievermoë laat veel te wense oor,” het Mulder gesê.   Die wrange vrugte van die afskaffing van die kommandostelsel deur die destydse minister van Verdediging, mnr. Mosiau Lekota word nou gepluk.

“Ek rig hierdie versoek op ‘n dringende basis in die media aan minister Nathi Mthethwa, genl. Beke Cele, die LUR vir Veiligheid in Gauteng, mnr. Elias Mosunkuthu asook die Kommissaris van Polisie in Gauteng, luitenant-generaal Naidoo.  Die VF Plus gaan die saak op ‘n dringende basis met die regering opneem.”

купить игрушечный автоматДанильченко Юрий Брониславович компромат

Red Bull storm voort in Spanje!

Die span van Red Bull Racing het die afgelope naweek voort gestorm ná nog ’n oorwinning op die F1-kalender. Ná vry oefening Saterdag het die twee Red Bulls van Sebastian Vettel en Mark Webber vir die soveelste keer in die 1st en 2 de plek weggespring.

Lewis Hamilton in sy Mclaren het reg agter Webber in die 2de plek gejaag toe een van sy bande gebars het en hom in die relings in geskiet het. Dit was twee rondtes voor die einde en skielik het Webber die vryheid van die baan gehad om die Spaanse F1-wedren te wen. Hamilton het met die ongeluk afgeskuif na die 7de plek op die bestuurderspunteleer. Sou hy 2de geëindig het, was die punteverskil tussen hom en die voorloper op die leer, Jenson Button, net 3 punte.

Ferrari se Fernando Alonso het 2de geëindig en die ander Red Bull met Vetel agter die stuur het kreupel-kreupel met enjinmoeilikheid 3de onder die geruite vlag deur gejaag. Die heer Schumacher het met sy nuwe motor die eerste keer dié seisoen onder die eerste vyf geëindig met ’n 4de plek. Button was 5de en Massa in die ander Ferrari 6de.

Die 2010 Spaanse Grand Prix sal as een van die verveligste wedrenne van die jaar onthou word. Daar het regtig niks opwindends gebeur nie en die twee Red Bulls raak so dominerend soos wat Ferrari so ‘n paar seisoene gelede was. Die kroon van die hele seisoen wag volgende week in Monaco op die 16de Mei. Kom ons hoop die kort straatwedren bied soos elke tweede jaar meer opwinding en miskien kan Ferrari Mclaren in die komende wedrenk op die vervaardigerspunteleer verbysteek.

Die volledige bestuurderspunteleer lyk soos volg:

Posisie

Bestuurder

Herkoms

Span

Punte

1

Jenson Button

Groot Britanje

McLaren

70

2

Fernando Alonso

Spanje

Ferrari

67

3

Sebastian Vettel

Duitsland

Red Bull

60

4

Mark Webber

Australia

Red Bull

53

5

Nico Rosberg

Duitsland

Mercedes GP

50

6

Lewis Hamilton

Groot Britanje

McLaren

49

7

Felipe Massa

Brazilië

Ferrari

49

8

Robert Kubica

Poland

Renault

44

9

Michael Schumacher

Duitsland

Mercedes GP

22

10

Adrian Sutil

Duitsland

Force India

16

11

Vitantonio Liuzzi

Italië

Force India

8

12

Rubens Barrichello

Brazilë

Williams

7

13

Vitaly Petrov

Rusland

Renault

6

14

Jaime Alguersuari

Spanje

Toro Rosso

3

15

Nico Hulkenberg

Duitsland

Williams

1

Die spanne se punteleer lyk soos volg:

Posisie

Span

Punte

1

McLaren

119

2

Ferrari

116

3

Red Bull

113

4

Mercedes GP

72

5

Renault

50

6

Force India

24

7

Williams

8

8

Toro Rosso

3

поставка насосного оборудованияалександр лобановский класс