Die Verenigde State is van plan om die VN aan te spoor tot meer omvattende sanksies teen Zimbabwe.
Die VSA het 'n VN-resolusie opgetrek wat 'n algehele wapenboikot teen die regering van Robert Mugabe instel.
Dit doen voorts 'n beroep op die internasionale gemeenskap om die bates van spesifieke Zimbabwiese persone en maatskappye te bevries.
'n Algehele reisverbod teen lede van die Mugabe-regime word ook in die vooruitsig gestel.
Benewens die politieke voordele wat geografiese konsolidasie vir Afrikaners sou inhou, is daar toenemend ook ekonomiese voordele. By die vryheid om in 'n eie gebied sonder regstellende aksie of SEB te mag handel dryf en om in vrede sonder misdaad te kan leef, kom nou nog die verdere voordeel van 'n besparing in energie- en vervoerkostes.
Van die suksesvolste lande ter wêreld is klein. België, wat maar so groot soos die Krugerwildtuin is en met 'n bevolking van tien miljoen mense, produseer meer as al die Afrikalande suid van die Sahara met hul totale bevoling van 600 miljoen saam. Nederland, 'n ander Lilliput-staatjie wat grondgebied betref, is die wêreld se sestiende grootste ekonomie. Switserland, Hong Kong en Singapoer is ander voorbeelde.
Om nader aan mekaar te woon, skep hegter bande tussen gesinne, maar maak dit ook makliker om 'n gebied teen ons tipiese Afrikageweld en -misdaad te beveilig, sonder die hoë vervoerkoste wat die 1910-staat met sy vervallende spoorweë en vervoerinfrastruuktuur tans op ons afdwing.
Wêreldoliepryse het vanmore deur die vlak van $142 beweeg.
Kommer oor die aanbod en die swak Amerikaanse dollar is besig om toe te neem.
Die Brent-kontantprys het insgelyks Vrydag 'n nuwe rekord van $142,97 behaal.
Volgens ontleders is die weerstandsvlak op $140 nou gebreek en kan dit in die nabye toekoms nóg hoër styg.
Ellispark gaan nie langer Ellispark wees nie.
Die stadion het sy naamregte vir 'n kolossale R45 miljoen aan Coca Cola-internasionaal verkoop. Dit sal voortaan as Cocacolapark bekendstaan.
Volgens 'n artikel in Sondag, is daar verlede Woensdag hieroor ooreengekom toe 'n vierjaarooreenkoms aangegaan is wat vandeesweek aangekondig sal word.
Dis die eerste keer in die geskiedenis dat die stadion se naam verander word.
In 1995 is die einwedstryd van die Rugbywêreldbeker daar gespeel.
Die orgie van Britse selfvoldaanheid verlede week toe Nelson Mandela soos 'n tweede Here Jesus in Londen rondgeparadeer is, toon duidelik in watter mate Brittanje heeltemal in sy skik is met die huidige bestel in Suid-Afrika. Nie net word Afrikaners en ander blankes stelselmatig deur regstellende aksie uit die land verdryf nie, maar ons word ook in ons huise aangeval, beroof en vermoor.Die grusame insident verlede week waar 'n swanger vrou en haar ongebore baba van agt maande gedood is deur haar kop op die vloer pap te slaan, het min of meer op dieselfde tydstip plaasgevind as wat Cherie Blair, Bob Geldof en ander dronk Engelse glanspersoonlikhede saam met hul Xhosa-afgod vir die kameras geposeer het. Een van die Britse koerante, die Daily Mail, het openlik die spot gedryf met die beroemde Britte en Amerikaners soos Bill Clinton wat getoon het tot watter swak smaak hulle in staat is.
Die Groot Madiba het soos 'n bejaarde pous of geriatriese Kremlinfiguur uit die vervloeë dae van die Sowjetunie 'n bewerige, marionetagtige hand na die skares gewuif. Sy toenemend belaglike kleredrag soos die swart hemp met 'n Kaddafi-agtige Afrikakaart op die bors geborduur, het die sirkusaard van die gebeure verder beklemtoon. Mandela se Kaddafi-hemp en Annie Lennox se wit bene in rooi skoene by 'n geel rok wedywer om die eerste prys in die Engelse gwharkompetisie.
Die enigste afwesige persoonlikheid op die gastelys was Robert Mugabe, wat onlangs vir ons 'n gepaste demonstrasie van Afrikademokrasie gelewer het. Om een of ander onverklaarbare rede het Mugabe egter in Londen se onguns verval nadat hy jare lank deur die Engelse op die hande gedra en met hulpgeld gepamperlang is.
In dié konteks is dit vreemd dat 'n Afrikaanse sanger soos Kurt Darrren hoegenaamd uitgenooi is om aan die sogenaamde 46664-konsert in Hydepark deel te neem. Maar so 'n uitnodiging geskied sekerlik as 'n vorm van bedekte vernedering wat aan die adres van die Afrikaner gerig is.
Vandaar dan ook die druk op Darren om reëls te sing wat sy ondersteuners tuis as kwetsend en anti-blank sou ervaar en wat die Britse propagandaspel tot sy uiterste gevoer het.
Die vraag is of Afrikaanse kunstenaars hoegenaamd behoort deel te neem aan sulke Britse propagandaoefeninge wat bedoel is om die ANC se wankelende bewind met elektrisiteitstekorte en die verval in wet en orde te onderskraag?
Immers erken Groot Brittanje en die horde Britse popsangers en openbare persoonlikhede wat almal die linkervleuel van die Arbeidersparty ondersteun, nie die bestaan van die Afrikanervolk nie en daarmee saam kwalik die bestaan van Afrikaans wat reeds twee eeue lank deur Engeland ondermyn word. Uitsprake van die British Council in Namibië het enkele jare gelede Afrikaans as 'n "struikelblok by die aanleer van Engels" getipeer en die owerheid van daardie land aangespoor om meer doelgerig op te tree om die taal deur wetgewing te knak en uit te wis.
Gelukkig hoef die British Council nie sulke oproepe aan die ANC te rig nie, want die party van die geëerde Mandela is sedert sy bewindsoorname in 1994 fanaties hiermee besig.
Kurt Darren het bedroë daarvan afgekom en is deur die Britse propagandameesters misbruik om die illusie van normale kultuuruitwisseling met Suid-Afrika te skep.
In die vervolg behoort Afrikaanse kunstenaars sodanige uitnodigings van die hand te wys. Mandela mag die Britte se skoothondjie wees; ons en ons sangers is dit nie.
Terwyl die meeste streeks- en internasionale leiers hoogs krities is oor Thabo Mbeki se bemiddelingspogings in Zimbabwe, is daar een merkwaardige uitsondering. Robert Mugabe het Mbeki kwistig lof toegeswaai nadat die Zimbabwiese president die eenpartyverkiesing oor die naweek gewen het.Hy sê Zimbabwe skuld Mbeki baie vir sy pogings om vrede en harmonie in Zimbabwe te bevorder. Mugabe se teenstaander, Tsvangirai, het onttrek van die verkiesing weens wydverspreide verkiesingsgeweld.
Sy naam het egter steeds op die stembriefie gepryk wat pogings om Mugabe te striem bemoeilik.
In 'n TV-onderhoud het afgetrede aartsbiskop, Desmond Tutu, by Mugabe gepleit om uit te tree ter wille van sy land en Afrika.
Die MDC het 'n versoek aan die Afrika-Unie gerig om Mugabe toegang tot 'n AU-spitsberaad te weier. Die party se vise-president, Thokozani Khupe, sê dit sal verkeerd wees van die AU om Mugabe te verwelkom na alles wat hy gedoen het.
Sy sê die AU-leiers weet presies wat Mugabe voor en tydens die presidensiële uitklopverkiesing gedoen het. Leiers van die AU vergader tans in die Egiptiese vakansieoord van Sjarm-el-sjeg.
Khupe sê sy het vrugbare samesprekings met Afrika-leiers oor die situasie in Zimbabwe gevoer.
Jens Lehmann, die veteraan- Duitse sokkerdoelwagter het gesê dat sy span in 'n toestand van skok verkeer nadat hulle Sondag se Euro 2008-finaal met 0-1 verloor het.
Duitse spelers sê dat die groot teleurstelling eers gaan kom ná die aanvanklike skok waarin hulle tans verkeer.
Dis die eerste keer dat Spanje die Europese titel verower sedert 1964 en hul eeste eindwedstryd sedert 1984.
Die Duitse verdediger Philip Lahm, wat dit vir Torres moontlik gemaak het om die wendoel aan te teken, het gesê dat Duitsland te veel foute gemaak het.
Dit is regstreeks in stryd met 'n kabinetsvoorskrif van 2002 wat vereis dat alle nasionale en provinsiale departemente kwalifikasies moet nagaan.
IN 2005 is 'n beroep op al 29 nasionale en provinsiale departemente gedoen om 'n waarmerkoudit van huidige staatdienswerknemers se kwalifikasies te onderneem.
Sestien vervalste kwalifikasies is gedurende die waarmerkproses deur die nege departemente ontbloot.
Die meeste G8-lande is ver agter sover dit hul beloftes van verhoogde hulp aan Afrika by Gleneagles betref.
In 'n konsepcommuniqué wat deur die Londense Financial Times verkry is en wat by die Juliespitsberaad in Japan uitgereik gaan word, bly die G8 in gebreke om hul teiken te noem.
Dié stap kan 'n verleentheid vir Japan wees wat van ondersteuning aan Afrika 'n tema van die spitsberaad gemaak het.
Die Japannese eerste minister, Jasoeo Foekoeda, het onlangs 'n verdubbeling van hulp aan Afrika teen 2013 aangekondig.
Agt Afrikaleiers is veronderstel om die G8-beraad op 7 Julie by te woon.
Duisende gewapende Inkatha-vryheidspartyondersteuners het Saterdag in Johannesburg teen die stelselmatige vernietiging van hul kulturele identiteit en geskiedenis betoog.
Omtrent 6 000 IVP-jeugbrigadelede het die middestadverkeer by die Gauteng-wetgewer ontwrig.
Soortgelyke opmarse is onlangs in Durban gehou waar die IVP Mbeki daarvan beskuldig het dat hy Mangosuthu Buthelezi se nalatenskap met naamsveranderings wou verwoes.
Die naamsverandering is die voorgestelde Griffits Mxenge-snelweg in plaas van Mangosuthu-snelweg in Umlazi.
Die optog deur 10 000 IVP-ondersteuners het Durban verlede maand tot stilstand gebring.
