Dan Roodt, Author at praag.co.za

Hoeveelheid vals lisensies is net punt van die ysberg

17:51:20 Die 35 000 mense wat in die eerste ses maande van 2008 in Kaapstad sonder geldige rybewyse gevang is, is net die ore van die seekoei. Onder die verskonings wat die ANC vir die toestande aanvoer, is die lang wagperiode vir aspirant-bestuurders om afsprake vir toetse te kry.

ANC-raadslid Werner Scwhella sê hy is uiters bekommerd oor die groot getalle mense wat sonder lisensies bestuur. Hy sê die vraag is of mense bloot die reg verontagsaam en of hulle die kans waag om sonder lisensie te bestuur weens die lang wagperiode. Kroll Background Screening-bestuurshoof Ina van der Merwe sê terwyl dit waar is dat daar lang wagperiodes by toetsentrums is, verskoon dit nie opportunistiese bestuurders wat kortpad kies en lisensies van korrupte beamptes koop nie. Sy sê baie werkplekke vereis dat 'n werknemer moet reis.

Baie werknemers verkies om sonder lisensie te bestuur as om hulle werk te verloor. In gevalle waar 'n bestuurslisensie 'n voorvereiste vir indiensneming is, verkies die werknemer om eerder 'n vals lisensie te koop as om die risiko te loop om nie die werk te kry nie. Van der Merwe sê werkloosheid is baie hoog en mense is desperaat.

Volgens die Metropolisie se kwartaalverslag het Kaapstad se verkeersafdeling gedurende April, Mei en Junie vanjaar 19 234 ongelisensieerde bestuurders en net minder as 11 000 ongelisensieerde voertuie hanteer. Waarnemende veiligheids- en sekuriteitsdirekteur Heathcliff Thomas sê die wagperiode vir 'n nuwe lisensie is landswyd nege maande maar Kaapstad het die wagtyd na 'n gemiddeld van ses maande verminder.

Willie Meyer, hoof van van die Spesiale-ondersoekeenheid sê sy ondersoekers het 350 lisensiekantore besoek en 1,4 miljoen lêers deurgewerk. Uit dié ondersoek was dit duidelik dat 91 596 bestuurders se lisensies ongeldig was. Hy sê die huidige situasie maak die lewe vir keuringsmaatskappye baie moeilik.

Hulle word verplig om 'n lisensie geldig te verklaar totdat dit deur die departement van vervoer gekanselleer is. Kroll Background Screening, die grootste maatskappy van sy soort in Suid-Afrika, prosesseer miljoene navrae oor die egtheid van bestuurslisensies, paspoorte, grade en diplomas.

Van der Merwe sê een van die grootste probleme wat hulle in die gesig staar, is dat die houers van vals lisensies dalk in beheer van busse is, wat 'n risiko op die lewe van duisende pendelaars plaas. Van der Merwe het 'n beroep op die departement gedoen om die probleem ernstig aan te spreek en vals lisensies uit sirkulasie te kry. Sy sê dit is net so belangrik dat lisensiekantore wat baie van dié vals lisensies uitreik, gesluit moet word.

casino free

Rebelle ontken dat hulle helikopter afgeskiet het in Darfoer

16:55:24 Rebelle in die oorlog-geteisterde Darfoer-streek het bewerings verwerp dat hulle 'n helikopter wat deur die Verenigde Nasies se vredesmag gekontrakteer is, afgeskiet het. Vier bemanningslede is in die voorval dood.

Soedan se polisie beskuldig Darfoer-rebelle daarvan dat hulle die helikopter wat Maandag neergestort het naby die uitgestrekte Kalma-kamp vir ontwortelde mense afgeskiet het. Kartoem sê die kamp is 'n vesting vir insurgente. Maar rebelle van Soedan se Bevrydingsleër het die bewerings verwerp en sê die beraamde 80 000 inwoners is burgerlikes en nie soldate nie.

Mahgoub Hussein, die Londen-gebaseerde woordvoerder van die SBL-eenheidsfaksie sê die misdaad was 'n terroriste-aksie en hulle het niks daarmee te doen nie. Hulle veroordeel die aanval en ontken enige betrokkenheid. Die SBL-eenheid is een van die rebellegroepe met die meeste ondersteuners in die Kalma-kamp.

Die helikopter is die privaat eiendom van 'n Soedanese maatskappy maar is deur die gesamentlike Afrika Unie- Verenigde Nasies-vredesmag in Darfur gekontrakteer. Soos dit die gebruik vir alle VN-vliegtuie is, was dit wit geverf.

Die helikopter wat onderweg was om twee ton voorrade af te laai, het kort nadat dit van Suid-Darfoer se hoofstad Nyala opgestyg het, neergestort. AU-VN-woordvoerder Kemail Saiki sê hulle ondersoek die voorval maar kon nie gerugte bevestig of ontken dat die helikopter neergeskiet is nie.

Die Europese Unie het vroeër dié maand Soedan se militêre owerhede veroordeel vir die gebruik van wit vliegtuie in Darfoer. Die EU sê dit is 'n moedswillige poging om verwarring met VN-vliegtuie te skep. Soedan het die bewerings verwerp.

deposit топкарго

Herbenoeming van hospitale verwelkom deur swartbewussynsgroepe

16:40:11 Die Azaniese Jeugorganisasie (AZAJO) het Dinsdag die herbenoeming van die Pretoriase akademiese hospitaal na Steve Biko-akademiese hospitaal verwelkom.

Die organisasie het die naamsverandering ten gunste van die vader van die swartbewussynsbeweging as 'n oorwinning beskou.

Maandag het die Gautengse LUR vir gesondheidsdienste, Brian Hlongwa, die herbenoeming van drie hospitale in Gauteng, onder andere die Pretoriase akademiese hospitaal aangekondig.

Die organisasie het gesê hulle hoop die regering erken ook ander mense, soos dr. Abu Bakar Asvat en Onkgopotse Tiro wat geweldig baie tot die vryheidsaak bygedra het.

Die organisasie het ook 'n beroep op die Ooskaapse regering gedoen om vinnig die openbare gesprekke aan die gang te kry om die naam van King William's Town na Steve Biko te verander.

Die organisasie het verder gesê dat hulle enige besware van die Demokratiese Alliansie en ander groepe verwerp. "Ons sal enige metode en wetgewing volg wat die name van ons gevalle helde erken," het die organisasie gesê.

игры девочкам

Sonkarre voor steil toets in Suid-Afrika

16:49:57 Die eerste sonkrag-aangedrewe motorwedren in Afrika is uiteindelik aan die gang met sewe spanne van Suid-Afrika, Indië, Japan en Maleisië wat na verwagting die kwarteindrondte Maandagaand op Beaufortwes bereik.

Die wedren het Sondag in Pretoria begin en ses sonkrag-aangedrewe motors en 'n bromponie wat deur hoë-kragbrandstof aangedryf word, word voor die einde van die week in Durban verwag.

Die voertuie gaan ongeveer 140 dorpe aandoen op hulle 4 200-kilometerreis vanaf Gauteng oor Kaapstad en Durban. SA Sonkrag Uitdaging-organiseerder Johan Viljoen sê die gebeurtenis word beskou as 'n uitdaging eerder as 'n wedren en die doel is om openbare bewustheid oor alternatiewe brandstof- en vervoertegnologie te stimuleer. Die weer was op die eerste dag tussen Pretoria en Kimberley vir die grootste gedeelte van die oggend betrokke.

Die vinnigste motor (uit Japan) kon 'n topspoed van slegs 80 kpu behaal weens die tekort aan sonkrag. Drie Suid-Afrikaanse voertuie neem deel – een elk uit Johannesburg, Kaapstad en Pretoria. Twee spanne elk uit Indië, Japan en Maleisië (waarvandaan die bromponie kom) maak die ander deelnemers uit.

Viljoen sê dit is jammer dat daar geen spanne uit Durban is wat deelneem nie omdat die Universiteit van Kwazulu-Natal die eerste universiteit in die land was wat 'n sonkrag-aangedrewe motor gebou het. Indien niks voorval nie gaan sewe baie snaakse voertuie Sondagmiddag in Durban aankom.

Al die voertuie gaan Maandag by die openbare vertoning van MTN se Wetenskapsentrum by Gateway in Umhlanga te sien wees voordat hulle op die finale been van hulle terugreis na Johannesburg vertrek. Mense sal met die spanlede oor hulle motors en die ongewone tegnologie kan gesels.

'n Soortgelyke 3 000-kilometeruitdaging word sedert 1983 in Australië gehou maar die Suid-Afrikaanse gebeurtenis is meer veeleisend omdat die voertuie met byna 70 kilometer steil opdraandes te doen kry terwyl die Australiese wedren oor 'n feitlik plat terrein gehou word.

Blankes meer skepties oor 2010 sokker, maar hulle gee steeds om

16:29:40 Die Raad vir Geesteswetenskaplike Navorsing het bevind dat wit Suid-Afrikaners meer skepties is oor Suid-Afrika se gereedheid om die 2010-sokkerwêreldbeker aan te bied ofskoon dit nie beteken dat hulle nie daarvoor omgee nie.

Die opname wat Dinsdag op die RGN se webwerf gepubliseer is, lui dat wit Suid-Afrikaners meer skepties as Indiër- en gekleurde Suid-Afrikaners is en baie meer as swart Suid-Afrikaners.

Ongeveer 3 300 mense het aan die opname deelgeneem. Die bevindinge is gebaseer op 'n ontleding van dieselfde opname in 2007 ná die kommentaar van die vorige minister in die presidensie, Essop Pahad, tydens die Beijing-Olimpiese Spele.

Pahad het beweer wit Suid-Afrikaners wil graag sien dat Suid-Afrika se gasheerskap van die Wêreldbeker 'n mislukking moet wees. Die opname sê hulle kommer kan eerder geïnterpreteer word as 'n teken dat hulle omgee dat die land in die bes moontlikste lig gesien word as wat dit 'n gebrek aan belangstelling toon.

Die studie het bevind dat minstens 95 persent van wit Suid-Afrikaners oor die laaste drie jaar konsekwent geglo het dat die land as gasheer voordeel uit die skouspel sal trek. Die voordele strek van werkskepping, verhoogde toerisme tot ekonomiese groei. Oor die nalatenskap van die gebeure is swart Suid-Afrikaners meer optimisties oor die impak van die wêreldbeker.

Die opname het bevind dat 8 uit 10 wittes glo in die saambindende krag van sport. Die opname wys dat wit Suid-Afrikaners, soos andere, by die Wêreldbeker betrokke is en daarvoor omgee. Om iets anders te beweer, ondermyn die gemeenskaplikheid wat bevorder behoort te word.

Finansi?le markte wat tuimel verhoog kerkbesoek

15:03:17 Terwyl Wallstraat sidder ná die stormsee wat hom verpletter, blyk dit dat vele mense wat in die finansiële wêreld werk weer

Naaldekoker op Wallstraatbordjie

terugkeer na die een ding wat vele as vertroosting beskou: geloof.

Geestelike leiers het opgemerk dat die besoekerstalle gedurende verlede se middagete dienste by 'n hele paar kerke van verskeie gelowe heelwat hoër was as in die verlede.

Daar is ook opgemerk dat daar heelwat meer mense in kantoordrag was, wat ‘n duidelike teken was dat die besoekers vanaf die Wallstraatdistrik was.

Eerwaarde Mark Bozzuti-Jones van die Trinity-kerk, Wallstraat, het verlede Vrydag se middagdiens gewy aan hoe om die finansiële krisis te hanteer.

Hy het opgemerk dat daar van die manne en vroue was wat net gesit het in gebed terwyl ander gehuil het ná hulle skielik hul werk kwyt was. Hy het verskeie versoeke gehad van mense wat skielik hulp nodig gehad het om huur vir hulle woonplekke te betaal. Volgens hom is daar duidelike tekens dat die mense totaal uitgeput was.

Die kerk beplan ook om in die volgende paar weke kursusse aan te bied, wat onde andere insluit “hoe om spanning te hanteer in onsekere tye” en “hoe om werksverandering te hanteer".

Net ‘n paar blokke weg was daar ‘n redelike verhoging van mense in sakepakke by die St Peters Kerk. Volgens Vader Peter Madigan was daar in die laaste paar dae hoë vlakke van benoudheid en angs te bespeur onder die mense wat die kerk besoek het. Volgens hom is geloof een van die dinge wat die mens wel kan dra in die baie onseker ekonomiese tye waarin ons vandag lewe.

Die Wallstraatsinagoge het van dié week af begin om saans ook oop te bly om die finansiële werkers tegemoet te kom. Rabbi Meyer Hagen sê dat daar nie soveel van ‘n verhoging wasin die getall wat die sinagoge besoek het nie, maar eerder ‘n verandering in die gereelde besoekers. Hy sê dat die tekens van spanning en kommer baie duidelik is op die gesigte van die mense wat by die groot banke werk.

Die sinagoge is in 1929 gestig, die jaar waarin Wallstraat sy groot ineenstorting beleef het.

Verkenning van die land

Kusskeepvaart het tot in die negentiende eeu nodig gebly weens die gebrek aan goeie paaie. Die oudste pad in Suid-Afrika, die

Fran?ois Levaillant, 1753-1824

"wagenpad na 't bos", het van die Kasteel af om Duiwelspiek en verby die huidige Rondebosch na die kloof bokant Kirstenbosch geloop waar die Kompanjiewerkers bome afgekap het.

Daar is in 1653 met die pad begin en dit het teen 1666 oor Constantianek tot by Houtbaai geloop. Die "ou Kaapse wapad" het al op die rand van die Kaapse Vlakte geloop na Pampoenkraal (waar Durbanville is) en dan na die Hantam. Die los duinsand op die Kaapse Vlakte het dit te moeilik gemaak vir 'n wa.

Van die Kompanjie se ekspedisies het beweeg oor die huidige Citrusdal en Clanwilliam tot by die mond van die Oranje. In 1655 het 'n ekspedisie gevorder tot by die huidige Malmesbury, en in 1667 tot by Clanwilliam. 'n Ekspedisie onder Simon van der Stel het die "Koperberge" naby Springbok in 1685 bereik. Al die paaie van Kaapstad na die binneland of die ooskus moes oor die bergreeks kom wat van Kaap Hangklip tot by Porterville strek. 'n Roete is in 1657 deur Abraham Gabbema verken. Die nasionale pad van Kaapstad na Johannesburg loop tot by die Paarl nog hoofsaaklik langs dié roete, behalwe dat die Roodezandpas of Tulbaghpad meer noord is as die Dutoitskloofpas. Dit was 'n gesukkel om oor berge en riviere te kom. Brûe het ontbreek; hier en daar was 'n pont, maar die meeste het driwwe gebruik.

Op Van der Stel se reis het Hendrik Claudius gekleurde tekeninge van diere en plante gemaak. Hy was een van talle mense wat die Kaapse natuurlewe beskryf het. In Rijk Tulbagh se tyd het J.A. Auge 'n groot bydrae gelewer tot die kennis van die Suid-Afrikaanse plante, onder meer ná 'n reis in 1761-1762 in Namakwaland tot oorkant die Grootrivier of die Gariep, soos die Khoi-Khoin dit genoem het. Dié rivier het op 23 Desember 1777 'n nuwe naam gekry. Kaptein Robert Jacob Gordon het in Oktober 1777 met 'n geselskap 'n soektog na die vermeende "Groot Rivier" begin. Net suid van die huidige Bethulie het hulle die rivier bereik en Gordon het die vlag van die prins van Oranje gehys en die naam Oranje aan die rivier gegee. Hy en luitenant William Paterson was die eerste blankes wat in Augustus 1779 die mond van die Oranje besigtig het. Gordon was een van die grootste ontdekkingsreisigers van ons land, maar sy reisjoernale en ander geskrifte is eers in 1964 in Engeland gevind.

Auge was gids op een van die reise van die Sweedse botanikus C.P. Thunberg, "vader van die plantkunde aan die Kaap", se eerste ekspedisie in 1772. Op dié tog is ook 'n menigte voëls en diere gesien. Thunberg maak melding van die pragtige hout wat die reisgeselskap veral anderkant Swellendam by die koloniste gesien het. Baie boere het kamassiehout gebruik vir meubels, maar vir tafels geelhout. Die mooiste van alles was egter die stinkhout. Stinkhout het ook 'n groot indruk gemaak op die Franse reisiger, Francois le Vaillant, wat in die 1780erjare drie jaar binne en buite die kolonie rondgeswerf het. Dit was vir hom die waardevolste houtsoort van Afrika.

палатки купить киев Фильчаков прокурор

Gesteelde selfone neem wraak

Gesteelde selfone word nou geleer om teen diewe te draai, deur boodskappe te stuur van waar hulle is en deur die regmatige eienaars toe te laat om na die oproepe van die skelms te luister.

Maverick Mobile het toekennings gewen by 'n onlangse DEMO-byeenkoms van 72 maatskappye in suidelike Kalifornië deur sagteware bekend te stel wat die eienaar toelaat om die gesteelde foon te kan opspoor en die diewe te kan teister.

"Nadat ek twee fone verloor het, het ek deur baie ongelukkigheid en spanning gegaan," het Sujit Jian, die stigterslid van Maverick gesê by die bekendstelling van Secure Mobile.

Die verliese en daaropvolgende werk het 'n produk die lig laat sien wat nie net die toestel sal beskerm nie, maar ook die data wat op die foon is, deur middel van sagteware wat op die foon se hardeware installeer en nie net op die sim-kaart wat verwyder kan word nie.

Die toepassing werk onsigbaar in die agtergrond in selfone, terwyl dit kontaknommers en ander data kodeer wanneer skelms nuwe sim-kaarte in die gesteelde foon sit.

Die sagteware trek ook kontaklyste van die toestelle af en stuur nuwe simkaart-nommers en liggingsdata aan mobiele telefone wat deur die regmatige eienaars aangewys is. Daarmee saam word nommers wat die dief skakel en enige teks boodskappe ook na die aangewese foon gestuur. Verder word dit ook op so manier gedoen dat die kostes vir die aksies deur die skelm betaal word.

Eienaars van die gesteelde fone beskik ook oor die vermoë om die foon te sluit of 'n alarm te laat skree, wat weer sal begin skree as die battery gelaai of vervang word.

Secure Mobile is 'n "Demogod" toekenning gegee vir een van die beste produkte op die skou. Deur die sagteware aan die foon eerder as aan die simkaart te koppel kan Maverick die foon opspoor en die kliënt die vermoë gee om die dief te teister, sodat hy dalk nie weer so aksie sal herhaal nie.

Daar is verskeie mobiele sekuriteitsprodukte en –dienste wat 'n toestel kan sluit of die data kan herwin, maar Maverick Mobile is die eerste een wat beide doen en ook aan die kliënt die satisfaksie gee deur wraak te neem op die dief wat hardverdiende goedere steel.

Yougetitback.com het Maandag 'n diens bekend gestel wat mense toelaat om die ligging van 'n foon te kan vasstel deur middel van ingeboude GPS-vermoë van die foon of deur die ligging uit te werk deur die selfoontorings waar die foon is te identifiseer.

Die betrokke Amerikaanse maatskappy spesialiseer daarin om mense se gesteelde skootrekenaars, slim-fone, i-Pods en ander elektroniese toerusting terug te kry.

Die hoofuitvoerendebeampte van Yougetitback.com, Frank Hannigan, sê dat die vermoë om goedere wat dalk verplaas is of gesteel is te kan terugkry vir mense meer gerustheid kan gee.

As voorbeeld, kan 'n gebruiker in New York uitvind dat die verlore item dalk in Texas of Kalifornië is en kan hy die foon per afstandbeheer sluit, nadat Mobile Superhero die foon opgespoor het.

Mobile Superhero is 'n internetgebaseerde toepassing wat die spoor van die toestel hou, selfs nadat die sim-kaart van die toestel vervang word met 'n nuwe een.

сканер автомобильный топкарго развод

$1,2 triljoen uitgewis in een dag

Volgens die Dow Jones Wilshire 5000, die mees omvattende aanduider van markaktiwiteit, is $1,2 triljoen se markwaarde Maandag in een dag uitgewis. Dit is byna twee keer soveel as ie veelbesproke hulppakket wat gister in die Amerikaanse Huis van Verteenwoordigers verwerp is.

Markte was oral paniekbevange omdat die verwerping kan dui op groter onstabiliteit. Die Dow Jones se algemene Nywerheidsindeks het met 777.68 punte gedaal, die grootste dalin ooit in een dag. Die vorge groot daling was op 17 September 2001 na die terreuraanvalle op New York en Washington.

arabian nights game topcargo кидалы

Amerika is g’n leier nie

Indien daar ooit rede was om te vermoed dat die VSA nie hulle leierskapsrol in die wêreld begryp nie, was gister se stemuitslag wat die hulppakket sou goedkeur om die wankelende finansiële stelsel te red, 'n goeie rede om te glo dat die reus nie opgewasse is nie.

Tydens die debat het kleinlikhede oor partyverskille geseëvier en Bush se besondere swak leierskap is uitgelig nadat sy pleidooie aan die Republikeine om die pakket goed te keur, met twee-derdes verwerp is. Terwyl die wêreld asem opgehou het vir Washington om die vallende kaartehuis te keer, het partypolitieke eiebelang oorheers.

Politieke loopbane is voorop geplaas en danksy die gebrek aan leierskap, kon die nee-stemmers nie tot ander insigte gebring word nie. John Boehner, voorsitter van die Republikeine in die huis van verteenwoordigers, het glo emosioneel geraak soos hy sy party probeer aanspoor het om die hulppakket in te stem.

Toe hy sien dat sy party sy versoeke ignoreer het hy die skuld op die Speaker, Nancy Pelosi, geplaas vir haar eensydige toespraak. Pelosi het al die stemme wat sy belowe het, gebring, maar dit was nie genoeg om die reddingsplan deur te dra nie.

Senator John McCain en Senator Barack Obama, die twee kandidate wat beplan om oor te neem, was nie eens naby Washington nie, en was soos ware akteurs besig om hulle persoonlike aansien elders te poleer sonder om daaraan te dink dat een van hulle die gevolge van die stemmery eersdaags sal moet behartig.

Nie een van die twee het blykbaar oor die aangeleentheid kommentaar gelewer nie. McCain wou nie reageer nie en het op sy vliegtuig geklim na Iowa sonder om met die media te praat. Obama het 'n paar woorde gesê maar sy ondersteuning vir die hulpplan was ten beste louwarm. Sy veldtogbestuur het opgemerk dat hy nie enige druk op Demokrate uitgeoefen het om die pakket heelhartig te steun nie.

Фільчаков прокурор