Vrystaat Landbou dreig die regering al die afgelope drie jaar met ‘n hofgeding.
Landbougrond langs die grens is niks meer werd nie omdat wetteloosheid bly heers.
Die organisasie het sy regsmense opdrag gegee om voort te gaan om hofstukke teen nege staatsdepartemente op te stel in ‘n poging om ‘n gesonde samelewing te herskep.
Gasmaskers is tydens die eerste Golfoorlog in 1991 uitgedeel. Die maskers is weer teruggeneem aan die einde van 2006 om dit na te gaan vir foute.
Israelse media het bekend gemaak dat ‘n uitgebreide burgerlike weerbaarheidsoefening binnekort sal plaasvind.
Die president van Zimbabwe, Robert Mugabe se ZANU-PF party het sy meerderheid in die Parlement verloor.
Die verkiesingskommissie het vanmiddag die aankondiging gemaak.
Die jongste uitslae gee die Beweging vir Demokratiese Verandering 105 setels in die Parlement. Met net nog ‘n handjievol uitslae uitstaande beteken dit dat Zanu-PF 93 setels ingepalm het.
Mugabe se vorige inligtingsministerJonthan Moyo wat as onafhanklike kandidaat gestaan het, het sy setel in die 210-setelkamer behou.
Nie Strijdom, Verwoerd, Vorster of Botha het geglo dat die stelsel van rasseskeiding en minderheidsregering op die duur sou kon voortbestaan nie. Trouens, geen denkende mens het dit geglo nie.
Om egter by 'n regverdige en werkbare stelsel uit te kom, het meer as die wysheid van Salomo geverg. Erkenning van etnisiteit het die apartheidssisteem se uitgangspunt gevorm, en alles is daarom beplan – want die alternatief sou wees oorheersing van een etniese groep oor 'n ander, met die droewige gevolge wat ons vandag beleef.
Ongelukkig was die tuislandbeleid / konstellasie van state / federasie / desentralisering nie aanvaarbaar vir die wêreld nie, en is ons gedwing in die huidige gemors in. Natuurlik was apartheid onregverdig. Vandag se bestel waarin minderheidsgroepe uitgelewer is aan die meerderheid, ook. Maar tydens die apartheidsera was daar werklike soeke na 'n beter bestel – die tyd en die wêreldgees het ons egter ingehaal voor ons by 'n oplossing was.
Om egter aan die "apartheidsleiers" blindelings kwaadwilligheid, rassisme en gemeenheid toe te dig, is ver van die werklikheid. Hulle was meesal mense wat ook maar met menslike tekortkominge eerlik na 'n uitweg uit 'n oorgeërfde dilemma probeer soek het. Nie een van hulle was boos in die sin van 'n Stalin of Hitler nie. (Ferdi Greyling noem apartheid "rasgedrewe fascisme", maar fascisme is volgens die HAT 'n "anti-parlementêre staatstelsel waar die wetgewende en uitvoerende mag by 'n diktator berus". Die term "Fascisme" het mettertyd die kommuniste se veeldoel-skelwoord vir alle nie-kommunistiese gedagtes geword, en die gebruik daarvan in hierdie konteks is niksseggend.)
Die gedurige gekerm van Kollapen en sy trawante gaan nie soseer oor werklike of gewaande onregte nie; dit gaan oor 'n kondisioneringsproses om alle weerstand, trots en selfstandigheid by wittes te ondermyn totdat ons wittes op 'n willose ekskuus-dat-ek-leef manier ons knegskap aanvaar. Ek aanvaar hoegenaamd nie dat Kollapen "…'n man van beginsels…" is nie – hy is maar net nog 'n opportunistiese klein gifsaaier wat iewers na 1994 uit die houtwerk uitgekruip het, en wie se eensydige geteem teen die "wittes" geen geloofwaardigheid het nie.
Persoonlik weier ek om vir enigiets voor 1994 om verskoning te vra.
Volgens ‘n direkteur van die SAPS, Sally de Beer, is die 25-jarige veiligheidswag gister teen 8.15 aangekeer. Hy het Estée vermoor terwyl hy veronderstel was om haar te beskerm.
Volgens Estée se oom, André Botha, het die veiligheidswag haar motor, bankkaart en ‘n televisiestel gevat.
Volgens Karen Meyer, die DA se woordvoerder oor gemeenskapsveiligheid in Pretoria, is die misdaadsituasie in dié stad skrikwekkend.
Die feit dat die verdagte ‘n lid is van ‘n veiligheidsmaatskappy is totaal skokkend, het sy gesê.
Die totale aantal sterftes vir verlede maand staan op 1 082. Die meeste ongevalle is burgerlikes wat in die suidelike oliehawestad, Basra, omgekom het in gevegte tussen regeringstroepe en die Mehdi-leër van Moktada al-Sadir.
Al-Sadir kla dat huise van sy ondersteuners afgebrand word wat teenstrydig is met ‘n vorige ooreenkoms tussen hom en die regering.
Gevegte het Sondag afgeneem, nadat Al Sadir sy magte van die strate af beveel het. Die aantal Amerikaanse soldate wat omgekom het, het ook vir Maart gestyg van 29 tot 37.
Volgens ‘n woordvoerder, Doreen Gough, sal die universiteit ook ontwikkelingsprogramme instel wat opleiding in rassismebewustheid sal bevat.
Die rektor, Barney Pityana, het verlede week verklaar dat die hernuwing van Unisa moet geskied deur middel van ‘n personeelkorps wat ten volle rasverteenwoordigend sal wees.
Tans verteenwoordig swart personeel slegs 42,2 persent van die totaal terwyl swartes 79,6 persent van die bevolking uitmaak. Unisa se transformasieplan gaan die rasse- en geslagsdemografie, asook die institusionele kultuur van die universiteit, fundamenteel verander.
Botswana, een van Afrika se rykste lande, het ‘n nuwe president.
Khama vervang Festus Mogae, wat die afgelope dekade die diamantryke Suider-Afrikaanse land regeer het.
Die voormalige luitenant-generaal Khama het onder kritiek deurgeloop omdat hy ‘n meer outokratiese bestuurstyl het as die vriendelike Mogae.
Hy het gewaarsku dat sy regering geen buitensporige en teenproduktiewe burokrasie sal duld nie en dat hy eerder verantwoordbaarheid en harde werk sal aanmoedig.
Hoewel FIFA voortdurend oor Suid-Afrika se misdaadprobleem bekommerd was, het die land se elektrisiteitsprobleem die deurslag gegee by die neem van die besluit om die toernooi elders aan te bied.
Volgens Blatter was dit ‘n treurige stap om te neem, maar FIFA kon nie die risiko neem om in 2010 donker stadions op die wêreld se televisieskerms te vertoon nie. FIFA het sy spyt teenoor Suid-Afrika uitgespreek en die land genooi om weer aansoek te doen sodra ons elektrisiteits- en misdaadprobleme opgelos is.
‘n Uiters suksesvolle metode van ons volksvyande om beheer oor ‘n volk se gedagtegang uit te oefen, is die geheime boekesensuur wat reeds jare lank in Suid-Afrika en talle ander lande toegepas word. Dit beteken die uitsluiting deur die boekhandel van alle boeke en tydskrifte wat ‘n neutrale standpunt inneem, of gekant is teen die doelstellings van die geldskieters en hul liberalisme. Die aandag is veral gevestig op boeke en tydskrifte waarin konserwatiewe standpunte onomwonde gestel word.
Reeds in die vroeë sewentigerjare is die saak in Suid-Afrika tydens ‘n Volksraadsitting geopper deur ‘n LV wat hierdie gekontroleerde denke beskryf het as so laakbaar soos boekverbranding, juis dít wat die ANC deesdae met ons geskiedenis- en godsdiens-skoolhandleidings doen. Die geheime verbanning van boeke is selfs gevaarliker as verbranding omdat dit sonder die wete van die meeste mense plaasvind.
Ook in die sewentigerjare is die aandag weer op die onderwerp gevestig tydens ‘n kongres van die Rhodesian Front in Salisbury. ‘n Voorstel is aangeneem waarin die regering gevra is om ondersoek in te stel na die onderdrukking van die vryheid van spraak in die destydse Rhodesië se boek- en tydskrifhandel.
Die feit dat dit nodig was om hierdie vraag in die Suid-Afrikaanse Volksraad sowel as op ‘n partykongres van die Rhodesian Front te stel, dui daarop dat selfs hierdie lande, waar die linkse ondermyners soveel weerstand uitgelok het, se politieke leiers onbewus was van die gevare wat op die kulturele en die intellektuele vlak gedreig het. Nou, na meer as dertig jaar, wil dit steeds voorkom asof politieke leiers nie bewus is van hierdie magtige denkkontrole-wyse nie, of nie kans sien om hierdie stryd met mening te pak nie. Intussen het al die tekens van ‘n onopgevoede volk sy verskyning gemaak, ‘n volk wat duidelik vir jare nie die regte leesstof onder oë gehad het nie, ‘n onbelese, geestelik bankrot nasie wat nie weet wat besig is om met hulle te gebeur nie, daarom nie kan standpunt inneem nie, daarom nie kan terugveg nie. Dus, ‘n verlamde, sterwende Afrikanervolk in 2008! Hoséa 4:6 was toe honderd persent in die kol en kon net sowel gelees het: “My volk hét toe te gronde gegaan weens ‘n gebrek aan kennis!”
Toe wyle JF Kennedy ‘n kandidaat was in die Amerikaanse presidentsverkiesing, het hy reeds twee boeke geskryf, wat beide prominent uitgestal is deur boekwinkels in Suid-Afrika en Rhodesië, voor, gedurende en na die verkiesingsveldtog. In die daaropvolgende verkiesing was senator Barry Goldwater ‘n kandidaat wat toevallig ook reeds twee boeke geskryf het, maar ten spyte daarvan dat albei sy boeke vryelik beskikbaar was in die VSA, ook in ‘n goedkoop slapbanduitgawe, kon hulle nêrens in Suid-Afrika of Rhodesië gevind word nie. Die verskoning dat geen vraag na boeke sou bestaan wat daarop bereken is om politieke weerstand in Suid-Afrika en die destydse Rhodesië te versterk nie, raak deursigtelik wanneer daar tegelykertyd massa-uitstallings van linkse leesstof in die vensters van dieselfde boekwinkels is – om nie eers te praat van die gunstige kommentaar daaroor in die resensies van plaaslike nuusblaaie nie! Dit was ook nie verbasend dat die denkkontrole van Suid-Afrika op presies dieselfde wyse destyds gemanifesteer het in Rhodesië nie, aangesien die boekhandelonderneming daar, slegs ‘n verlengstuk was van Suid-Afrika se "Central News Agency".
Die beskikbare boeke en tydskrifte lyk vandag nog meer aanloklik in die vensters en rakke, en daar is vanselfsprekend geen leë plekke op die rakke wat jou in kennis stel van die afwesigheid van die ander nie! Dit is ook nooit nodig om die liberale boeke spesiaal te bestel nie, en as die voorraad soms opraak, word die voornemende koper dadelik meegedeel: “Daar kom nog baie binnekort.”
Soms gebeur daar glipse, selfs in die ordelikste liberale koerante, soos die pragtige resensie van James Burnham se Suicide of the West, met die onmiddellike gevolg van ‘n lewendige vraag na die boek. Ongelukkig moes belangstellendes die standaardantwoord oral ontvang: “Jammer, geen voorraad, daar is geen aanvraag nie.” Dit, terwyl daar massa-uitstallings was van Richard West se White Tribes of Africa, ‘n venynige, anti-blanke stuk leesstof vir swart-agitators, destyds seker een van die beste verkopers. Hierdie prentjie herhaal hom jaar in en jaar uit, soos ek weer pas ondervind met ‘n bekende boekhandelaar in Pretoria ná my bestelling van ‘n boek oor sensitiewe rasse-aangeleenthede, geadverteer reeds in November 2005 in een van ons bekende liberale koerante, en seker nog lank sal wag vir daardie beloofde oproep…
Intellektuele van die regtervleuel het reeds vóór die sewentigerjare gekla oor die Kommuniste byna alle uitgewerye binnegedring het en ‘n doeltreffende veto teen hulle boeke georganiseer het, met die gevolg dat regsgesinde skrywers dit uiters moeilik gevind het om ‘n boek gepubliseer te kry. Tans is Suid-Afrika in ‘n nog meer haglike posisie aangesien die ANC besig is met wetgewing wat enige skrywer en spreker verbied om ‘n openbaring van die regime se wandade en misdade op enige wyse te openbaar.
Daar was egter ook vanaf die sewentigerjare reeds Amerikaners wat ten spyte van hulle links-liberalistiese landsbestuur, maniere probeer vind het tot eie redding. Uitgewerye soos Devin-Adair, Henry Regnery, Holt, Rinehart & Winston, Noontide Press en nog andere, het al meer voorsien in die dringende behoefte aan boeke wat die ander kant van die saak stel. Die linkse monopoliste was behoorlik geskok toe hulle byvoorbeeld moes verneem dat daar van ‘n boek soos John A Stormer se None Dare Call It Treason, binne sewe maande oor die sewe miljoen eksemplare verkoop is. Daar bestaan dus wyses waarop daar gewaak kan word teen dié kommunistiese denkbeheer.
