Nissan Motors sê elektriese motors gaan winste verseker.
Nissan se uitvoerende hoof, Carlos Ghosn, sê om motors te bou wat deur alternatiewe brandstof aangedryf word maar steeds ruolie gebruik is onvolhoubaar.
Hy sê van nou af aan gaan dit zero-uitlaatgas wees.
Volgens Ghosn gaan Nissan binne twee jaar die eerste motormaatskappy word wat 'n massamark-, zero-uitlaatvoertuig in die VSA verkoop. Die maatskappy beplan om sulke motors globaal teen 2012 te bemark.
Die paal wat 'n verbinding tussen die substasies van Lotuspark en Isipingo verskaf, het omgeval toe die boute wat dit anker gesteel is, volgens Tony Dold van die eThekwini-munisipaliteit.
Suid-Afrika sal sy ouerwordende werksmag moet vervang, sê 'n menslikehulpbronnemaatskappy.
Die ondersoek het egter tot die gevolgtrekking gekom dat swartes in topbestuursposte meer as verdubbel het vanaf 12,5% in 2001 tot 30,6% in 2006, wat meer as die nywerheidsgemiddeld van 22,2% is.
Op nie-uitvoerende direkteursvlak het swart verteenwoordiging gestyg vanaf 0,05% tot 37%.
Die maatskappy sê dat vakkundige opleiding heelwat groter beleggings deur sowel die regering as die privaatsektor vereis.
Troepe van albei kante bly gereed by die antieke Hindoetempel, Preah Vihear, op die grens tussen die twee lande.
Die minister van buitelandse sake van Kambodja, Hor Namhong, het die Veiligheidsraad gevra om dringend 'n oplossing gebaseer op die volkereg te vind.
Dis die jongste voorval in 'n langdurige geskil tussen die twee nasies.
Die dispuut kom op 'n delikate oomblik aangesien Kambodja aanstaande week algemene verkiesing hou en die regeringskoalisie in Thailand toenemend wankelrig voorkom.
Die gebeure in Pretoria waar hoë geboue wat meesal deur arm swartes bewoon word deur kwaaddoeners aan die brand gesteek is, verteenwoordig bloot die jongste insident in die tragiese agteruitgang van ons middestede.
Pretoria se middestad, met sy mengsel van historiese geboue – die “oustad” soos die Europeërs sê – en voortreflike moderne wolkekrabbers wat vanaf die vyftigerjare opgerig is, was eens ʼn plek om op trots te wees.
Dieselfde geld vir die middestad van Johannesburg en die omliggende woonstelbuurte Hillbrow en Berea wat eens as die “Manhattan van Suid-Afrika” bekendgestaan het.
Vandat die ANC egter die munisipale bewind oorgeneem het, is die strate in Afrikabasaars omskep sonder inagname van wette en regulasies wat daar is om handel in ʼn stad ordelik en veilig te laat plaasvind.
Met die vlug van ondernemings en professionele blankes uit die stede, veral uit Pretoria, het ook die residensiële geboue verswart om wolkekrabberlokasies te word. Die ongesofistikeerde inwoners uit die lae inkomstegroep het eenvoudig nie die middele om hoë geboue wat elders ter wêreld in wêreldstede soos New York, Chicago, Tokio of Hongkong teen peperduur pryse verhuur of verkoop word, te onderhou nie.
Aasvoëlspekulante het in die Pretoriase middestad inbeweeg en sulke geboue teen ʼn appel en ʼn ei opgekoop en verhuur, wetende dat die uiteinde net verval kan wees. Waar sulke geboue deur die ANC-stadsraad weens wanbetaling van dienste oorgeneem is, is die geboue ook nie na behore onderhou nie en het dit tot die soort gebeure van die afgelope paar dae gelei waar uitgesette inwoners die geboue aan die brand gesteek het.
Die Pretoriase stadsraad belowe nou dat geboue soos Krugerpark opgeknap sal word om agterna deur dieselfde ongeskoolde laeinkomstegroepe betrek te word. Dus moet die onhoudbare idee van wolkekrabberlokasies nou deur die Pretoriase belastingbetaler onderhou word.
Totdat daar behoorlike stadsbeplanning en begrip kom vir die kulturele, argitektoniese en handelsrol van ʼn middestad, is Pretoria, Johannesburg, Kaapstad en Durban waarskynlik gedoem om die eerste postmoderne murasies te word waar wolkekrabbers soos in Detroit eenvoudig aan die elemente oorgelaat mag word.
Om die proses om te keer, gaan ʼn politieke en kulturele revolusie verg, want inwoners van middestede verteenwoordig elders ter wêreld die room van die bevoking, nie die hulpbehoewende armes nie. Sulke mense woon in ʼn stad omdat hulle naby hul werkplekke soos die aandelebeurs, banke, hoofkantore van maatskappye, regsfirmas, mediamaatskappye, ens. wil wees. Hulle wil ook deelneem aan die kulturele en stadslewe in die vorm van teater, opera, films, boekwinkels, restaurante en wil graag flaneer in die stad se parke of voor die winkelvensters van boetieks en gespesialiseerde winkels.
Die ANC-model om van die middestad ʼn opvangplek vir maatskaplike probleme, onwettige immigrante en gesubsidieerde hulpbehoewendes te maak, is presies die teenoorgestelde van wat ʼn stad gewoonlik is. Die huidige inwoners van die Pretoriase middestad beskik eenvoudig nie oor die opleiding om in ʼn stad met sy ingewikkelde dienstenywerheid te oorleef nie.
Vandaar die onwerkbaarheid van die wolkekrabberlokasies wat nou in vlamme uitbars.
Die land se grondwet word erg bedreig, meen die DA-leier Helen Zille.
Zille het gisteraand by Wits se skool vir regte gepraat.
Sy sê 'n ambisieuse en invloedryke groep binne die regerende party is besig om voor te berei om die mag op elke moontlike manier oor te neem en is daardeur besig om die gees en letter van die grondwet te ondermyn.
Sy meen die ANC-president Jacob Zuma stel partybelange voor grondwetlike verpligtinge.
Die horing van Afrika, wat bekend is vir sy droogtes, oorloë en gereelde hongersnode, staan nou voor nog 'n groot krisis. Volgens die Wêreldvoedselprogram word 15 miljoen mense deur 'n nabye ramp bedreig indien Westerse skenkers nie dadelik fondse verskaf nie.
'n Woordvoerder van die WV Peter Smerdon sê dat indien hulle nie dringend sulke hulp ontvang nie, daar 'n ramp in die streek gaan plaasvind.
'n Miljoen Somaliërs gaan geen graan in Augustus hê nie tensy skepe na hul land gestuur word. As gevolg van seerowery en die algemene wetteloosheid in Somalië, weier handselskepe egter om daarheen te gaan.
Smerdon het daarom 'n beroep op Westerse lande gedoen om oorlogskepe te stuur om die vaartuie met noodvoorrade te vergesel sodat dit afgelewer kan word.
Generaal Norton Schwartz, die volgende Amerikaanse lugmagstafhoof, het gewaarsku dat die VSA nie Russiese bomwerpers met 'n kernvermoë in Kuba sal aanvaar nie.
Hy sê dit sou beteken om 'n rooi lyn te oortree.
Die Russiese koerant Izvestia, het berig dat die Russiese lugmag gereeld langafstandbomwerpers na Kuba wil laat vlieg.
Dit was in reaksie op Amerikaanse planne om missielafweerstelsels in Oos-Europa te installeer.
Soortgelyke omstandighede het gedurende die 1962-Kubaanse missielkrisis geheers.
Terwyl gelukwensinge heen en weer vlieg van die VN en Suid-Afrika betreffende die ooreenkoms tussen Mugabe en sy opposisie, sukkel die samesprekings om aan die gang te kom.
Die hoofonderhandelaars vir die heersende Zanu-PF-party, justisieminister Patrick Chinamasa en arbeidsminister Nicholas Goche het nog nie 'n vlug uit Harare geneem om hul eweknieë van die MDC-opposisie te ontmoet nie.
Onderhandelaars van die groter faksie van die MDC, soos voorsitter Lovemore Moyo en sekretaris-generaal Tendai Biti het ook nog nie vertrek nie.
Die samesprekinge is veronderstel om in Pretoria plaas te vind. Slegs die kleiner faksie van die MDC het reeds 'n verteenwoordiger in Suid-Afrika.
’n Heilige is iemand wat die volk met ’n sweep regeer en uitmoor, bloot ter wille van die volk self. – Charles Baudelaire
Soos wat die wêreldmedia met ligte euforie terugblik op Madiba se 90ste verjaarsdag, amper soos wat Suid-Afrika gedoen het na die rugbywêreldbekeroorwinning verlede jaar, sal daar ongetywfeld so hier en daar stemme opkom wat die teenoorgestelde verhaal oor dié man se grootsheid sal verkondig. Daar is gelukkig mense met genoeg politieke insig om nie hulself te laat meesleep met golwe van massahisterie nie. Vanweë my natuurlike agterdog teen die blinde verheerliking van politieke leiers, kan ek myself nogal tuis vind in die wêreld van diegene met afwykende menings.
Dit is inderdaad ’n studie werd waarom Mandela so opgehemel word ondanks die verdriet en ellende wat hy agter hom gelaat het, hoofsaaklik onder sy eie mense. Hy het onder andere in sy outobiografie toegegee dat hy die Kerkstraatbom in 1983 bekragtig het waarin 19 dood en 200 gewond was. Deur sy aanhitsing om Suid-Afrika onregeerbaar te maak, het sowat 21 000 meestal swart Suid-Afrikaners omgekom. Sowel die VN se Misdaad teen die Mensdom Kommissie as die Waarheids -en Versoeningskommissie het die aantal swartes wat direk as gevolg van die vorige regering se sekuriteitsmagte gedood is gestel op 518. Die res is veroorsaak deur diegene wat nie na die ANC se pype wou dans nie. Hoe meer verdriet en ellende’n mens dus saai, hoe groter is die kans om as ’n heilige gesien te word.
Om hierdie vreemde verskynsel nog verder uit te lig kan ons kyk na die aksies van die ander linkse halfgod Ernesto ‘Che’ Guevara. Hierdie man, wie se ystersterk rewolusionêre blik blykbaar die mees bekende gesig ter wêreld geword het, word ook verkeerdelik weergegee in films soos The Motorcycle Diaries. In plaas van ’n dapper stryder teen onreg en liefhebber van vrede en broederlikheid, was hy in heelwat opsigte presies die teenoorgestelde gewees.
Die Kubaanse dissident Humberto Fontova het geskryf dat Che gewoon ’n kille massamoordenaar was. Hy het nie geblik of gebloos toe hy ’n ses maande swanger vrou in die maag geskiet het nie, net omdat haar gesin nie eens was met sy oogmerke nie. Daarbenewens was Che ’n lafaard gewees wat vir weke lang weggesku het na ’n bakleiery, het plesier daarin gevind om honde dood te skop, was ’n liefhebber van weelde en luukse (sy lewe was gespaar gewees toe ’n koeël van sy Rolex se horlosieglas afgekets het), en vir hom was die Sowjet-Unie onder Kroestsjof veel te saggeaard gewees, en het daarom liewer met Mao onderhandel. O ja…hy was ook baie bang gewees vir motorfietse.
Met Mandela en Che in gedagte lyk dit asof daar ideologiese breuke bestaan tussen die noordelike en suidelike halfrond. Amerika het van Che se gesig ’n multimiljoendoller industrie gemaak, en waarskynlik kan Mandela se bankrekening van dieselfde getuig.
Dieselfde kan origens van Moeder Theresa gesê word. Daardie tante het geweier dat haar boekhouding gekontroleer word. Sy het wel medisyne van die swakkes weerhou omdat hulle “moes ly soos Christus”, terwyl sy na die beste Europese hospitale gegaan het vir behandeling as iets haar makeer het.
Mandela se eerste toespraak toe hy vrygelaat is, het gewemel van rewolusionêre taal. Die gewapende stryd moes ondanks alles voortgaan, ongeag lewensverlies. Che het vir ’n hartlike applous gesorg toe hy die VN ambassadeurs in New York opgehits het met taal wat die ondergang van Amerika pleit, tesame met die stelling “natuurlik stel ons mense tereg” en het herhaaldelik “Muerte!” (maak dood!) krete geslaak.
Mandela kan pronk met ’n dodetal van 21 000 van sy mense. Che kan spog met 14 000. Laasgenoemde het geen geheim gemaak van die feit dat hy met die aankoms van kernkoppe op Kuba New York daarmee wou bombardeer nie. Dit is ’n raaisel hoe die ANC se regering met atoomwapens sou omgaan as De Klerk dit nie betyds gedemonteer het nie.
Om weer terug te keer na hierdie vraag: Hoekom word hierdie terroriste verheerlik, terwyl ’n meer gematige terroris soos Milosevic deur die wêreldmedia heeltemaal verguis word? Milosevic was in Den Haag aangekla vir die teregstelling van 8 000 mense onder die noemer “volksmoord”. ’n Mens sou sommer dink dat Milosevic se misdaad is dat hy te min mense gedood het.
Iewers moet daar seker ’n mate van Westerse skuldgevoelens hiervoor verantwoordelik wees. Mandela se vonnis en Che se populariteit het juis plaasgevind ten tye van die dekolonisasie. Die vorige Nederlandse minister van Buitelandse Sake, Hans van der Broek, het dit gestel dat die situasie in Suid-Afrika die gevolg was van Nederland se aktiwiteite. Nederland het met ander woorde skuldig gevoel oor die lot van Suid-Afrika se swartes. Dit verklaar deels waarom Van der Broek vir Klaas de Jonge beskerm het.
Ander faktore wat ’n rol kon gespeel het is die invloed van televisie in Europa en die Verenigde State, wat in dieselfde tydperk massaal deel geword het van elke huishouding. Die Viëtnamoorlog kon in al sy wreedheid in elke huis gebeeldsend word waar die gewone publiek die gruwel kon aanskou van Amerika se wapentuig teenoor agterlike Viëtnamese boere. Beelde van die Vietnamees wat met ’n kopskoot tereggestel word en die jong meisie wat naak wegvlug vir die napalmwolke het die Weste met afsku gevul. Wat egter minder bekend is, is toe die Amerikaanse soldate onder protes weggetrek het uit Vietnam, het Ho Tsji Min vir ’n byna ongekende bloedbad gesorg onder die Viëtnamese wat deur die VSA beskerm was. Nog ’n rewolusionêre hel wat agter die rooi sluier weggesteek is.
Seker die belangrikste medebepaler was die testosteroon van die babyboom-generasie. Jong mense wat na die oorlog gebore was en in hul laat tiener- en vroeë twintigerjare was, het van hul ouers die vreeslikste oorlogverhale gehoor, en dit het hul opstandigheid jeens outoriteit versterk wat later uitgemond het in die Paryse studenteopstande van 1968 en die Maagdenhuisbesetting van die Universiteit van Amsterdam in dieselfde tyd.
Die sosialiste, wat hierdeur oppermagtig geword het, het ’n fees gehad om hul helde te mitologiseer. Che het sy lewe gegee vir ’n stryd teen Westerse oormag. Ofskoon hy deur die Boliwiese weermag gedood is, is die samesweringsgedagte dat die CIA daaragter gesit het waarskynlik die rede vir sy martelaarskap. Mandela het veertig jaar later die Weste “vergewe” vir hul vergrype in Afrika. Tewens het hierdie figure goeie plaasvervangers van Christus as verlosser geword in ’n tydperk waarin Europa se kerke grotendeels leeg staan.
Een van die mees effektiewe propagandametodes wat linkses gebruik is meerderheidskonsensus. Die sielkundige Solomon Asch het met sy konformiteitesksperiment aangetoon hoe effektief hierdie maatreël werk. Kry genoeg mense van verskillende oorde om dieselfde standpunt aan te hang en die res van die bevolking volg hulle menings soos skape, selfs teen ’n mens se nugter verstand in.
Terwyl die Weste nou verlig voel oor Mandela se vergifnis, is die werklikheid van sy land skreiend anders. Dieselfde geld vir Che se geboorteland Argentinië. Daardie land was teen die einde van die negentiende eeu een van die wêreld se welvarendste lande gewees, en het ’n BNP groter as Duitsland of Switserland gehad. Die armoede wat later Suid-Amerika getref het was hoofsaaklik veroorsaak deur die invloed van kommunistiese rewolusionêre gewees. Che het meer moorde op sy gewete as die ‘regse’ Videla of Pinochet gehad, maar omdat laasgenoemde twee pro-Westers was, word hulle soveel as moontlik verketter en Che as ’n held uitgeroep.
Om maar te swyg oor die situasie in Suid-Afrika wat eens op ’n stadium net kortgeskiet het van ’n supermoontheid en nou letterlik in armoede en ’n Hobbesiaanse ‘Oorlog van almal teen almal’ verval het, terwyl Mandela geloof word vir die ‘vrede’ wat hy gebring het.
Weereens bewys hierdie gebeurtenisse hoedat die belangrikste geskiedkundige gebeure eerder bepaal word deur Europa en Amerika se gewetenslas as deur die werklikheid op voetsoolvlak. Om die woorde van die Romeinse historikus Tacitus te leen: “Hulle rig ’n bloedbad aan en noem dit vrede”. Hiermee word ons pynlik herinner dat Francis Fukuyama se voorspelling, naamlik dat die einde van die geskiedenis na die val van de Berlynse Muur sou aanbreek, nie bewaarheid is nie. Die geskiedenis gaan nog steeds voort, waarvan sommiges deelnemers en ander toeskouers is.
Ons kan maar net die futiele hoop koester dat die volgende heilige tog werklik iets goed sal doen vir sy mense.
