Dan Roodt, Author at praag.co.za

Telkom gee nie om vir kli?nte nie

Welkom by Telkom, waar ons niks meer kan regmaak nie.

Gaan soek asseblief vir jou 'n ander diensverskaffer, want ons weet nie wat ons doen nie, en eintlik het ons jou as kliënt nie nodig nie.

Verlede week het ek teen Donderdagmiddag so nou en dan begin sukkel om met die internet te verbind, maar soos dit met baie elektroniese foute gaan, het dit gekom en gegaan, sonder dat daar iets gedoen is.

Teen Vrydag was die probleem van standhoudende aard. Die oggend kon ek nog op die internet kom, maar teen later die middag was dit verniet of mens probeer het om op die net te kom. Geen sukses nie.

Teen Vrydagaand (13.02.2009) het ek die inskakelsentrum gekontak en 'n fout gerapporteer, wat ná so 'n paar toetse aangedui het dat dit nie net my verbinding is nie, maar die hele Clarens blyk daardeur geraak te gewees het. Ek het met 'n ene Warren gesels wat die fout aangemeld het en 'n verwysingsnommer geskep het.

In 'n wanhopige poging het ek Saterdagoggend weer geskakel, maar daar was nie veel hulp nie, net verdere toetse en geen resultate nie, maar beloftes dat die fout se status geëskaleer sal word na dringend toe. (Vir wat dit werd was – geen tegnikus was naby my plek nie). Saterdagmiddag was selfs die tolvrye inbelsentrum nie beskikbaar nie, aangesien die nommer "beset" gelui het. Nou vra ek maar net: hoe de hoenders kan die nommer van 'n inbelsentrum beset wees? Tensy daar skielik daarmee ook fout gegaan het.

Teen Sondagoggend het ek weer geskakel, waarna ons 'n baie swak verbinding kon kry wat geensins stabiel was nie en alle aanduidings getoon het dat dit nie op die modem by my huis is nie, maar dat die fout aan die sentrale se kant lê. Ons het wel vasgestel dat die modem vervang moet word, maar dat dit nie die primêre probleem is nie, aangesien die verbinding nie konstant kon aanbly nie.

Wat my egter vies gemaak het, is dat die konsultant met wie ek gepraat het die fout van die stelsel afgehaal het en as herstel aangedui het. Dit was nie naastenby herstel nie!

Maandagoggend was ek weer eerste ding op die foon om uit te vind wat die status van die fout is en het weer teen die gewone klipmuur vasgepraat.

By 'n persoon genaamd Makish het ek gehoor die "fout" van Vrydag is afgehaal en aangedui as "herstel". Hoewel ek steeds nie kan verbind op die internet nie. Dis seker onnodig om te sê dat ek effens ongelukkig was, maar 'n nuwe fout is darem aangemeld en ek het weer 'n verwysing vir hom gekry.

Later het ek weer geskakel om te hoor of daar al iemand ontwaak het wat iets kan doen om die fout reg te maak en by ene Darryl uitgekom, wat my laat aanhou het tot vervelens toe, waarna iemand anders weer opgetel het en die hele stelsel verder omgekrap het.

Nog 'n ruk later was ek vinnig in die dorp en het met verskeie mense gesels wat almal ADSL gebruik, óf by die huis óf by die kantoor, en tot die gevolgtrekking gekom dat daar ten minste 8 plekke of mense is wat almal sonder diens sit op dié stadium, of op die beste 'n baie swak en wisselvallige diens het.

Daarna het ek weer by die huis Telkom se inskakelsentrum geskakel en dié keer was dit ene Kim met wie ek gesels het, wat weereens toetse gedoen het en die verslag aangeheg het na die tegniese departement. Wat volgens haar baie vinnig op die saak sou wees, aangesien dit die groter deel van die dorpie se ADSL is wat af is.

Ek begin redelik sterk oortuig raak dat Telkom besig is om dieselfde roete te volg as Eskom, wat vanweë onbeholpenheid nie in staat is om diens te lewer soos wat verwag word en op die standaard wat mens wil hê nie.

Ek wil hiermee die voorstel maak dat indien mense enigsins van iemand anders as Telkom kan gebruikmaak as 'n internetdiensverskaffer, dat hulle dit moet doen, aangesien Telkom met dié daad om 'n hele dorpie wat baie sterk van die internet afhanklik is, net te los sodat dinge daar maar kan uitmekaar val, hulle minagting toon vir die mense wat hulle ondersteun.

Daar is hordes ander diensverskaffers wat maar alte gretig sal wees om Telkom se kliente te kan afrokkel en soos dinge tans loop, sal dit nie te moeilik wees nie. Siende dat Telkom nie in staat is om diens te kan lewer nie en ook nie belangstel om hulle huidige kliënte te behou nie. Selfs 'n koordlose datakaart is meer effektief, al is die verbinding soms stadiger op die platteland waar daar nie HSDPA of 3G is nie. En indien mens sukkel om met een netwerk te verbind is daar altyd ander netwerke wat beter werk op party plekke.

Sterkte met die soektog, maar vermy Telkom indien dit enigsins moontlik is, aangesien die beste waarop jy kan staatmaak, swak (lees: geen) diens is.

Senior IVP-lid doodgeskiet

'n Senior IVP-lid is in Empangeni aan KwaZulu-Natal se noordkus doodgeskiet in wat geglo word 'n polities gemotiveerde misdaad is, het die party Maandag gesê.

Die Inkhata-vryheidsparty se provinsiale sekretaris, Bonginkosi Buthelezi, het gesê Sabeloa Zondi en 'n passasier het in sy motor gereis toe mense van die kant van die pad af op hom geskiet het.

Zondi is verskeie kere raakgeskiet en is op die toneel dood. Sy passasier het geen beserings opgedoen nie.

"Mnr. Zondi moet die krediet kry dat hy ten minste 70 mense van die ANK in onlangse weke gewerf het vir die IVP," het Buthelezi gesê.

"Sy harde werk in die gemeenskap het een hom die dank van plaaslike IVP-ondersteuners besorg asook dreigemente deur ANK-ondersteuners. Mnr Zondi sal baie gemis word," het hy gesê.

Buthelezi het gesê die party glo die moord was polities gemotiveer.

'n Polisiewoordvoerder, superintendent Jay Naicker, was nie onmiddellik beskikbaar om die voorval te bevestig nie, maar het gesê hy sal binnekort kommentaar daarop lewer.

Ryk sakeman kom tot Niehaus se redding

Sakeman Vivian, oftewel Vathasallum, Reddy het tot die redding van Carl Niehaus gekom. Niehaus, wat intussen in die engelstalige pers tot "No house" herdoop is, se uitspattige en korrupte lewensstyl wat tot sy geldelike probleme gelei het, is tans in die nuus. Niehaus skuld ongeveer R1 miljoen aan Rhemakerk, Eric Corbishley en die Brett Kebble-boedel.

Reddy is ook een van Jacob Zuma se ondersteuners.

Niehaus het vir Pallo Jordan, Saki Macozoma, Tokyo Sexwale, Cyril Ramaphosa, Gill Marcus en Rick Menell genader vir geldelike hulp, maar sonder sukses.

Die lenings wat hy aangegaan het was onder andere om 'n Porsche, 'n C-klass Mercedes en 'n Jeep Cherokee te finansier.

Reddy het gister gesê dat iemand van Niehaus se statuur gehelp behoort te word as hy in die knyp raak omdat hy een van die eerste Afrikaners was wat homself teen apartheid verset het en groot opofferings gemaak het.

Reddy is 'n gedugte sakeman wat bevriend is met Goodwill Zwelithini sowel as Jacob Zuma. Sy maatskappy voorsien hospitale van anti-retrovirale middels. Hy het die Suid-Afrikaanse Boy Scouts op die ouderdom van 16 in Japan verteenwoordig waar hy die ruimtevaarder Neil Armstrong ontmoet het. Die ontmoeting het 'n groot indruk op die seun, een van nege kinders, gemaak.

Reddy is bekend as die mees gedugte sakeman in Natal.

to win topcargo отзыв

Geert Wilders-geval toon Britse dubbele standaarde oor spraakvryheid

Die angsvallige wyse waarop die Nederlandse politikus deur die Britse owerheid op Heathrow-lughawe aangehou is, toon die dubbele standaarde van Groot Brittanje as dit by spraakvryheid kom. Wilders sou die Britse Hoërhuis oor sy dokumentêre film, "Fitna", gaan toespreek het.

Enigeen wat die film verlede jaar kort ná die vrystelling daarvan op die internet gesien het, sal saamstem dat dit allermins ekstremisties, haatdraend of aanhitsend van aard is. Al wat Wilders baie oortuigend in "Fitna" doen, is om aan te toon in watter mate die beginsels van Islam onversoenbaar met moderne, demokratiese en veral Westerse waardes is. Hy het die film bedoel as waarskuwing vir diegene wat ongebreidelde Moslem-immigrasie na Europa voorstaan en meen dat dit geen gevolge vir die toekomstige waardes en vryheid van Europese bevolkings inhou nie.

Terwyl Brittanje in die redelik onlangse verlede die ANC en SAKP gehuisves het wat stedelike terreur in Suid-Afrika gepleeg het, is dié land nie bereid om 'n filmvertoning en 'n beskaafde gesprek daaroor toe te laat nie. Die morele bankrotskap van Brittanje word deur hierdie stap bevestig.

Op 'n ander vlak is die optrede van Groot Brittanje om 'n demokraties verkose politikus vanuit Nederland bloot op grond van sy kulturele of politieke menings op hul grondgebied te verbied uiters kommerwekkend. Dit toon weereens die toenemende onverdraagsaamheid van die multikulturele samelewing en sy voorstanders. Terwyl multikulti's die regte van nie-Westerlinge voorop stel, word die regte van Westerlinge bykans nie erken nie.

Ook die onhoudbaarheid van die ANC se transformasiemaatskappy wat met kommunisme of fascisme vergelyk kan word, gaan ongesiens in Westerse lande verby omdat die regte van Westerlinge nie op dieselfde vlak as dié van swartes of Moslems deur multikulturaliste gesien word nie.

Terwyl Wilders deur Brittanje die swye opgelê word, heers daar insgeslyks 'n onheilspellende stilte in die Verenigde Koninkryk en ander Westerse lande oor die onreg en geweld wat daar tans teen die Afrikaner in Suid-Afrika gepleeg word. Dit sou dom wees om nie die verband raak te sien nie.

Фильчаков прокурор

Tutu is geen Christen

Ek stem saam met Gustav Venter wat biskop Desmond Tutu se Christenskap bevraagteken en wonder wanneer hy hom gaan bekeer. Tutu gebruik bloot die Bybel en die Christelike geloof om politiek te bedryf. Op 'n stadium het hy dan iets gesê in die trant dat die Bybel 'n beter wapen as Karl Marx se Das Kapital is om 'n revolusie in Suid-Afrika te bewerkstellig.

Die Anglikaanse kerk het noue bande gehad met die ANC se stedelike terreurgroepe wat in die verlede onskuldige burgerlikes vermoor het. Tutu het self nog nooit geweld afgesweer nie. As hy vir enigiemand bid, bid hy waarskynlik vir die plaasmoordenaars wat ons mense doodmartel.

Alwyn Mouton se brief spreek van volslae naïwiteit, iets waaraan baie Afrikaners helaas ly. Tutu is net so min 'n Christen as wat Robert Mugabe een is. Immers het Mugabe ook in sendingskole skoolgegaan en is deur Roomse priesters opgevoed. Tutu is deur Aartsbiskop Trevor Huddleston van die Anglikaanse kerk opgelei om die Afrikaner te vernietig.

Hoewel die Afrikaner oor geen politieke of militêre mag meer beskik nie en tans so hulpeloos soos 'n pasgebore baba sy lot afwag, is Tutu nog nie klaar met ons nie. Sy onlangse verskyning by 'n NG Kerk in Pretoria is maar deel van die sielkundige oorlog wat hy al dekades lank teen die Afrikaner voer en waarvan die Waarheidskommissie 'n integrale deel was.

Om die Rooi Priester se uitsprake op sigwaarde op te neem, moet mens óf baie naïef óf onnosel wees.

Фильчаков

Is Gustav Venter ‘n Christen?

Die rubriek van Gustav Venter oor Aartsbiskop Tutu is die grootste klomp snert wat ek in 'n lang tyd gelees het. Die man klink amper soos ons eie Malema met die kragdadige aanval op die persoon van 'n ou man wat al meer vir die kerk en sy mense gedoen het as wat Venter ooit sal. Dit laat mens dan ook wonder wie sy volgende slagoffer gaan wees.

Gustav se weerbarstige geworstel om Tutu se Christenskap te probeer bevraagteken, is erg verdag aangesien hy nêrens in sy skrywe hoegenaamd 'n aanduiding gee of hy wel een is nie. Indien hy daarop sou aandring dat hy wel een is, sou dit hom 'n patetiese figuur laat. Die Christen met die ystersaaglemtong, gereed om enige ander mens se christenskap te bevraagteken.

As hy praat van die "ons" wat wag vir Tutu om hom te bekeer, wonder ek wie almal deel van die groepie is wat in afwagting sit. Hy waarsku dat hoogmoedigheid nie deel van die Christenmondering is nie, maar in sy skrywe maak hy homself telkens daaraan skuldig.

Ek sou dink verwaandheid hoort ook nie by Christenskap nie, Gustav. As jy niks het om te sê nie, bly eerder stil. Jy verraai jou eie swakhede aan mense wat dit dalk vorentoe gaan uitbuit. Vernaamlik nie-christene.

Wilders dink die Britte is gek en lafhartig

Geert Wilders

Die omstrede Nederlandse filmmaker, Geert Wilders, het Brittanje se weiering om hom toe te laat tot die land as "gek en lafhartig" bestempel.

Wilders, 'n Nederlandse politikus, wat die veel gekritiseerde film oor Islam, "Fitna", verlede jaar gemaak het, het na Londen gevlieg om die film te vertoon, ten spyte daarvan dat hy 'n dag tevore gesê is dat hy nie toegang tot Brittanje sal kry nie.

"Ek het steeds geglo en gehoop dat hulle van plan sal verander," het hy aan CNN per telefoon uit die aanhoudingsentrum by Heathrow-lughawe gesê.

Hy het gesê hy is deur doeanebeamptes ontmoet die oomblik toe hy uit die vliegtuig geklim het.

"Hulle het my na die aanhoudingsentrum geneem," het Wilders gesê, en daar is ek vir "45 sekondes" ondervra voor hulle my paspoort afgeneem het en uitgegaan het.

Wilders is deur die Britse Hoërhuis genooi om sy film "Fitna" Donderdagaand te kom vertoon.

Die Britse ambassadeur in Nederland het Woensdag aan hom gesê dat hy nie toegelaat sal word om die land binne te gaan nie, omdat die menings in die film openbare veiligheid sal bedreig.

Brittanje se departement van binnelandse sake het gesê die verbod op Wilders is toelaatbaar onder Europese-Uniewette, wat state toelaat om toegang te verbied op grond van openbare beleid, openbare veiligheid of openbare gesondheid.

"Die regering is gekant teen ekstremisme in alle vorme," het 'n woordvoerder van die departement van binnelandse sake gesê. Die beampte kon nie geïdentifiseer word nie vanweë beleid in dié geval. "Dit sal die mense wat boodskappe van ekstremisme, haat en geweld wil kom versprei in ons gemeenskappe verhoed om ons land binne te kom."

детски иг топкарго

Niehaus bied aan om te bedank n? bedrogskandaal

Carl Niehaus (links)

ANK-woordvoerder Carl Niehaus het oor die naweek aangebied om te bedank uit sy posisie nadat nuus bekend gemaak is dat hy bedrog gepleeg het om 'n lening te bekom.

"Iets soos dié wat openbaar gemaak word… sal natuurlik gevolge vir my inhou… ek aanvaar dat die ANK oor my toekoms sal besluit," het Niehaus aan SAfm gesê.

"Ek het vanoggend (Vrydag) 'n boodskap aan die sekretarisgeneraal en die tesourier generaal van die ANK geskryf en my bedanking aangebied."

"Ek ws altyd in diens van die ANK en het altyd die ANK se dissipline aanvaar. Die ANK is nie 'n organisasie wat ek as net nog 'n organisasie beskou nie. Dit is my familie. Dit is die organisasie wat ek liefhet en ek sal nooit opsetlik iets doen om die organisasie te skaad nie. Ek sal altyd hulle dissipline aanvaar."

Die weeklikse Mail and Guardian het berig dat hy klaarblyklik 'n vals brief geskryf het terwyl hy hoof was van die Gautengse Ekonomiese Ontwikkelingsagentskap (Geda) en handtekeninge vervals het in 'n poging om 'n lening van 'n sakeman te verkry.

Niehaus het ook na bewering geld geleen van verskeie ANK-grootkoppe om sy hoë lewensstandaard te handhaaf.

"Die meeste inligting waarmee julle my konfronteer, is waar. Ek wens dit was nie so nie. Ek het groot foute gemaak en 'n klomp mense baie teleurgestel. EK het geen illusies dat indien julle die artikel publiseer dit die einde van my loopbaan sal beteken nie," het hy aan die Mail and Guardian gesê.

"Ek het vir mense soos Saki Macozoma, Cyril Ramaphosa, Tokyo Sexwale, Gill Marcus, Pallo Jordan en Rick Mennel gevra om my finansieel te help."

"Ek was platsak. Sommige van hulle het geld gegee en ander nie. EK is inderdaad diep in die skuld. EK het ook geld gekry van Brett Kebble."

Hy het gesê die oorlede mynmagnaat het aan hom R70 000 gegee vir kommunikasiewerk.

"Ek betaal R100 000 terug omdat ek nie meer die likwidateurs kan beveg nie – daar was geen kontrak nie, net 'n mondelinge ooreenkoms," het Niehaus gesê.

topcargo

Amerikaanse banke insolvent

Sommige van die groot Amerikaanse banke is volgens ekonome en ander finansiële kenners soos dooie mense wat loop. Die banke is volgens hulle mening insolvent.

Verbruikers en besighede het egter nie nodig om bekommerd te wees oor hulle beleggings nie, aangesien dit deur die Amerikaanse regering verseker word. En selfs banke wat tegnies insolvent is, kan vir 'n lang tyd bly sake doen en hulle finansiële gesondheid herwin wanneer die ekonomie verbeter.

Maar sonder 'n oplossing vir die slegte bates, sal die kredietkrisis wat die ekonomie aftrek voortduur, omdat banke nie genoegsame lenings kan toestaan om die handel weer aan die gang te kry nie.

Die antwoord, volgens ekonome en kenners is groter, meer direkte betrokkenheid van die regering as wat in die tesouriedepartement se plan verlede week uiteen gesit is.

Sodanige ingryping is deur die Japannese regering van 2001 tot 2003 toegepas, deur die Sweedse regering in 1992 en deur Washington van 1987 tot 1989 om die spaar en leningskrisisse op te los.

"Die geskiedkundige rekord toon dat dit uiteindelik gedoen moet word," het 'n senior persoon by die Peterson-instituut vir Internasionale Ekonomie gesê. "Om dit uit te stel veroorsaak net meer probleme en hoër kostes op die lang duur."

Natuurlik sal die Obama-administrasie se stimulusplan kan help om ekonomiese herstel aan te help en die waarde van banke se bates kan begin toeneem.

Intussen styg die geskatte waardes van verliese steeds.

игры для девачек

VK se Brown meen Zimbabwe, Iran moet verbeter

Brittanje sal nie beter verhoudinge met Zimbabwe of Iran kan bou totdat beide lande nie wys dat hulle internasionale kommer oor hulle interne sake gaan aanspreek nie, het eerste minister Gordon Brown Donderdag aan wetgewers gesê.

Brown het aan die Brtse Laerhuis gesê dat hy ernstige bedenkinge het oor Robert Mugabe se rol in Zimbabwe, ten spyte van Morgan Tsvangirai se aanstelling as eerste minister.

In sy toespraak aan 'n komitee van 30 senior regeringslui, het Brown ook gesê dat die Iranse president Mahmoud Agmadinejad behoort te reageer op president Barack Obama se aanbod van nuwe dialoog deur sy soeke na kernwapens te laat vaar.

Mugabe het Tsvangirai Woensdag as eerste minister ingesweer, na hy na amper drie dekades sy houvas op mag in Zimbabwe verloor het.

Brown het gesê hy het Dinsdag met Tsvangirai gepraat omtrent die land se cholera-epidemie, maar het hom gewaarsku dat Brittanje steeds een van Zimbabwe se ergste kritici sal bly tot toestande daar heelwat verbeter.

справку 086у