Die Sentrum vir ontwikkeling en onderneming, ʼn Johannesburgse liberale dinkskrum, meen dat grondhervorming mag veroorsaak dat Suid-Afrika nie meer mededingend op landbougebied sal kan produseer nie. Groot gebiede produktiewe landbougrond sal vir jare nie bewerk word nie, want ten minste vyftig persent van suikerrietland is onderhewig aan grondeise en so ook groot bosbouplantasies wat deur papiervervaardigers besit word.
Volgens die sentrum se direkteur, Ann Bernstein, “word die ekonomiese lewensvatbaarheid van vele plattelandse gebiede bedreig, wat tot negatiewe gevolge vir die breër ekonomie en maatskappy kan lei”.

'n Topamptenaar van die departement van landbou is in die Transvaalse Hooggeregshof in Pretoria aan moord skuldig bevind. David Linley Sonkosi het sy vrou Pumla Mkatali doodgeslaan ná 'n beweerde verhouding met 'n ander man deur haar kop en lyf herhaaldelik teen die vloer te stamp en deur haar met 'n leergordel te slaan.

Hier in die Kaap word ‘n porno-ekspo, dit staan bekend as Sekspo, tans groot gepromoveer – ook in die dagblaaie, soos Die Burger, en deur die e-pos. Dit gaan van 8 tot 11 Mei in die Kaapstad Internasionale Konvensiesentrum aangebied word.
Daar bestaan alllerlei gevare rondom die internet en e-pos. Iedereen wat die internet gebruik, moet bewus wees van die risiko's en ook hoe om jouself te beskerm teen sulke gevare. Alhoewel die internet 'n enorme bron van inligting is, bevat dit ook slaggate en is dit nie net wetsgehoorsame burgers wat die internet gebruik nie! Die lokaas wat kuberkriminele aantrek, is inligting wat die gewone internetgebruiker verskaf en stoor, hetsy op sy rekenaar, hetsy op webwerwe soos Myspace en Facebook. Hierdie gids is nie allesomvattend nie, maar kan as bron dien om van die risiko's verbonde aan internetgebruik te verminder.
Vyf mense is deur veiligheidsmagte gedood in die hoofstad van Somalië, Mogadisjoe, tydens 'n hongeropstand. Die opstand het uitgebreek as gevolg van stygende voedselpryse en rekordinflasie.