Sake – Bladsy 9 – praag.co.za

Deflasie van SA eiendomspryse vererger

Huisprysdeflasie op 'n jaargrondslag het in Desember vererger tot -1,7%, het Eerste Nasionale Bank Maandag gesê toe hulle die huisprysindeks vrygestel het.

Huisprysinflasie vir 2008 is gemiddeld 5,2% beter vanweë beter omstandighede vroeg in verlede jaar.

Vir 2008 as 'n geheel was die gemiddelde huisprys R748 591, wat 5,2% hoër was as die R711 591 vir 2007.

Die gemiddelde prysinflasievlak vir die jaar was heelwat laer as die 11,2%-gemiddeld vir 2007 en verteenwoordig die vierde jaar waartydens huisprystoename verswak het van die 29,5%-vlak wat in 2004 behaal is, "wat die topjaar was in die mees onlangse behuisingsbloeitydperk," het ENB gesê.

Dit wil voorkom asof die mark vir twee slaapkamerhuise en kleiner die swakplek verteenwoordig, het die bank gesê.

Vir die vierde kwartaal van 2008 het die gemiddelde tweeslaapkamerhuisprys (R332 000) met 9,6% afgeneem wat 'n jaar-tot-jaarvergelyking betref.

"Dit verteenwoordig 'n daling van 6,5% jaar-tot-jaardeflasie in die vorige kwartaal," het ENB gesê.

Die deeltitel "twee slaapkamer en kleiner"-mark het effens beter gevaar maar ook in die gemiddelde prysdeflasie inbeweeg in die finale kwartaal van 2008, het FNB gesê.

Die gemiddelde prys van deeltiteltweeslaapkamerhuise (R612 072) het met 0,4% gedaal op 'n jaar-tot-jaarbasis, terwyl die gemiddelde prys van deeltiteleenhede wat kleiner is as twee slaapkamers (R434 535) met 0,2% gedaal het.

ENB het gevind dat die drie slaapkamermark stewiger voorkom in vergelyking en steeds in die enkelsyferprysinflasie verkeer, hoewel dit ook 'n verstadigende neiging toon.

Amerikaanse verbruikersvertroue daal tot historiese laagtepunt

Amerikaanse verbruikersvertroue het 'n historiese laagtepunt bereik in Desember, en verder gedaal vanweë die vooruitsig van stygende werksverliese, Die daling verteenwoordig nog 'n teken dat verbruikersbesteding waarskynlik nie daarin sal slaag om Amerika vinnig uit die jaarlange resessie te help nie.

Verbruikers was maande lank senuweeagtig om groot bedrae geld te bestee; mense het nuwe klere vermy en het eerder winkelhandelsname aangekoop by die kruidenierswinkels, wat alles daartoe bygedra het dat dit vir handelaars die ergste vakansieseisoen in dekades kan wees.

Die verbruikersvertroue-indeks wat deur die konferensieraad ('n private navorsingsgroep) gemeet is, het tot 38 gedaal in Desember van 'n hersiene 44,7 in November. Dit is die laagste punt sedert die groep begin het om die indeks in 1967 saam te stel en is onderkant die vorige laagtepunt van 38,8 in Oktober.

Ekonome wat deur Thomson Reuters ondervra is, het verwag dat die indeks inkrementeel sou styg tot 45.

"Dalende vertroue ten opsigte van die behoud van poste en dalende pryse van bates werk teen die optimisme wat mag ontstaan het as gevolg van dalende brandstofpryse," het Dana Saporta, 'n Amerikaanse ekonoom by die beleggingsbank Dresdner Kleinwort, gesê.

Die werkloosheid het 'n 15-jaarrekordvlak bereik in November en ekonome verwag addisionele verliese aan poste in die eerste helfte van 2009. Die mense wat in die konferensieraadondersoek gesê het dat dit moeilik is om werk te kry het in Desember toegeneem tot 42% teenoor 37,1% in November, toe werkloosheid op 6,7% gestaan het.

детям топкарго

Japanse aandelebeurs sluit ergste jaar ooit af

Japannese aandeelpryse het Dinsdag gesluit teen 42,12% laer as in 2007, wat dit die ergste jaarlike persentasiedaling ooit gemaak het om die Nikkei-indeks te tref terwyl die globale ekonomiese krisis gewoed het.

Ontleders voorspel dat die markte steeds meer probleme in die nuwe jaar kan ervaar terwyl die wêreld steier onder die ergste finansiële krisis sedert die Groot Depressie.

Die Nikkei het geëindig op 8,859.56 punte toe dit die jaar met 'n halfdagsessie afgesluit het. Die Japannese aandelemarkte heropen op 5 Januarie.

Vanjaar se dalingwas die ergste in persentasie uitgedruk sedert die indeks begin is in 1949.

"Dit was 'n jaar wat ons ons nooit kon voorstel nie," het Kazyhiro Takahashi, 'n ontleder by Daiwa-sekuriteite SMBC gesê.

topcargo отзывы

Europe?rs meen euro gaan dollar binne 5 jaar verbysteek

Euronote

Die meeste Europeërs voel dat die euro die dollar in globale belangrikheid binne die volgende 5 jaar kan verbysteek, volgens 'n opname deur die Financial Times en Harris-navorsingsdienste, dae voor die enkelgeldeenheid se tiende verjaarsdag.

Die ondersoek het ook getoon dat Eurosone-inwoners verdere uitbreiding ondersteun, maar pessimisties is omtrent die ekonomie en voel dat die Europese Sentrale Bank (ESB) nie genoeg gedoen het om inflasie in die Eurosone te beheer nie.

Die Eurosone sal 16 lede en rofweg 330 miljoen inwoners hê wanneer Slowakye Donderdag ook aansluit.

Sedert die loodsing op 1 Januarie 1999, het die Euro se posisie as buitelandse reserwegeldeenheid van 18% toegeneem tot 27% en die waarde van euro's in omloop is meer as dié van dollars.

Die FT/Harris-ondersoek het nie 'n groottotaalsyfer gegee nie, maar die ondersoek toon dat omtrent 70% van Spanjaarde en twee derdes van Franse sterk saamstem of redelik sterk saamstem met die stelling dat die euro die dollar kan verbysteek in globale belang. In Duitsland was die syfer 58% en in Italië 62%.

Ongeveer 48% van Amerikaanse inwoners wat gevra is, het ook met die stelling saamgestem.

Europeërs was pessimisties omtrent die ekonomiese vooruitsig, en 'n groter meerderheid het gesê die ESB se optrede in die bestryding van inflasie was "sleg" en "verskriklik".

Dit was die geval, al het die bank oor die algemeen daarin geslaag om te voorkom dat inflasie ver bo die teiken van 2% geklim het.

Sommige pryse het skerp gestyg met die formele bekendstelling van die euronote en -munte sewe jaar terug, drie jaar nadat die geldeenheid geloods is as 'n virtuele eenheid wat gebruik word in boekhouding en finansiële transaksies.

'n Kwart van diegene wat ondervra is, het gevoel dat die resessie 'n jaar of minder sal duur, terwyl die Britte verwag dat dit twee jaar kan duur. Een derde van Duitsers het gesê Europa se grootste ekonomie sal nie omkeer en groei toon binne die nabye toekoms nie.

www euro com

Japannese invoere daal skerp weens swak vraag

Japannese uitvoere het met 'n rekord-26,7% gedaal in November, het die ministerie van finansies gesê en ook die daling in die globale vraag na voertuie, elektroniese onderdele en ander Japannese produkte beklemtoon.

Ekonome waarsku dat uitvoere, wat 'n groot deel van die wêreld se tweede grootste ekonomie verteenwoordig, verder sal daal met geen uitkoms in sig vir die globale ekonomie nie. Selfs uitvoere na die res van Asië het skerp gedaal.

"Die aanvraag het baie afgekoel, nie net in Amerika en Europa nie, maar ook in Rusland en die Midde-Ooste, en ons verwag verdere dalings in uitvoere soos wat die globale ekonomie verder verswak," het Hideki Matsamura, 'n senior ekonoom by die Japannese navorsingsinstituut in Tokio gesê.

Getref deur dalende verkope en 'n versterking in die jen, het groot uitvoerders soos Toyota Motor Corp. en Sony Corp. reeds verliese aan poste aangekondig, asook laer winsprojeksies.

Uitvoerders het hulle grootste jaar-tot-jaardaling aangekondig sedert die statistiekstelsel in 1980 in werking getree het.

Uitvoere se totaal was $60 miljard gewees, terwyl invoere met 14,4% gedaal het van 'n jaar tevore tot $62 miljard, het die ministerie gesê.

Dit het 'n handelstekort van $2,5 miljard teweeggebring. Dis die vierde keer vanjaar dat Japan gesê het dat hulle invoere die uitvoere oortref.

Jare lank het Japan kritiek gekry van sy handelsvennote oor sy handelsoorskotte. Maar nou het die globale ekonomiese insinking Japan in 'n netto invoerder verander, ten minste in die onlangse maande.

полиграф купить цена

Toyota-motors gaan verlies aanteken

Toyota se voertuigvervaardigingsafdeling gaan vir die eerste keer ooit 'n verlies aanteken in die finansiële jaar in Maart 2009, het Japannese media berig, en die kritieke toestande wat motorvervaardigers wêreldwyd in die gesig staar beklemtoon.

Die Nikkei, Japan se belangrikste daaglike sakekoerant, het gesê Toyota se bedryfsuitslag gaan 'n verlies wees teen die einde van die finansiële jaar wat 31 Maart 2009 eindig. Dit het nie bronne genoem nie. Kyodo-nuus het 'n soortgelyke berig gehad.

Die berigte het beweer dat die Toyotagroep van maatskappye, insluitend Daihatsu Motor Co. wat klein motors maak en vragmotorvervaardiger Hino Motors, wel daarin sal slaag om winste te toon in die finansiële jaar tot Maart 2009.

Toyota het geweier om kommentaar te lewer op die berigte.

Toyota Motor Corp, wat die gewilde Camry-sedan en die Prius petrol-elektriese hibriede motors maak, het nog nooit 'n verlies aangemeld sedert dit begin het om bedryfswinste in1941 bekend te maak nie.

Japannese voertuigvervaardigers, wat tot onlangs toe die probleme van hulle Amerikaanse kompetisie vrygespring het, word nou deur die daling in motorhandel in Amerikaanse en ander markte benadeel.

Die styging in die jen, wat oorsese verdienste verminder het, het ook hulle winste verminder. Die dollar het gedaal tot op die laagste vlak in 13 jaar, tot minder as 90 jen.

Ontleders het gesê dat berekeninge toon dat verliese vir Toyota alleen onvermydelik is, as mens kyk na hoe sterk die jen is en die daling in motorhandel.

bover светильники

Bank van Japan verminder rentekoers na 0,1 persent

Die Bank van Japan het Vrydag gesê dat hy sy rentekoers gaan verminder van 0,3% na 0,1%, in 'n handeling wat aansluit by die globale rentekoersverlagings wat daarop gemik is om ekonomiese probleme hok te slaan.

Japan het reeds voorheen rentekoerse van nul persent gehad, wat in Maart 2001 deur die BOJ ingestel is.

турецкий хамам

Madoff omring deur horde kameramanne n? hofverskyning

Bernard Madoff

Toe Bernard Madoff huis toe gegaan het na sy woonstel in Manhattan, was dit vir hom onmoontlik om nie die skade raak te sien wat hy veroorsaak het met sy beweerde $50-miljardbeleggingsbedrog nie.

Kameras het hom ingewag buite die hof toe hy na sy voertuig toe geloop het. Minute later is 'n smalende Madoff weer omring deur nog kameras toe hy in die woonstelgebou ingeloop het, en op een stadium het dit in 'n skrum ontaard met 'n stampery tussen Madoff en 'n joernalis.

Hy is daarna met 'n elektroniese moniteringsarmband toegerus en onder huisarres geplaas in sy $7-miljoenwoonstel.

Madoff se chaotiese rit huis toe het gekom nadat die skandaal van New York na Washington versprei het, met die Sekuriteite en Beurskommissie (SBK) wat meer kritiek moet verduur en die Kongres wat ook by die saak betrokke raak.

Die voorsitter van die Huis se kapitaalmarktesubkomitee, verteenwoordiger Paul Kanjorski, 'n demokraat van Pennsilwanië, het aangekondig dat 'n raad van ondersoek vroeg volgende maand gaan begin kyk na die grootste piramideskema ooit en hoekom die regering dit nie raakgesien het nie. Daar gaan ook gekyk word na die verhouding tussen Madoff se niggie en 'n voormalige SBK-prokureur wat Madoff se besigheid bekyk het.

Madoff het sy verskyning in die hof gemaak om voorwaardes vir sy borgtogpakket te onderhandel. Die regter het van hom verwag om twee bykomende mense te kry om saam met hom, Madoff, te teken, maar klaarblyklik was daar niemand wat saam met hom in die lig van die skandaal gesien wou word nie.

Regter Gabriel W. Gorenstein het gereageer deur 'n verandering aan die borgvereistes goed te keur. Uiteindelik moes Madoff by die hof verskyn om eienaarskap van sy boonste Oostekantwoonstel oor te teken, en sy huise in Florida en die Hamptons in New York.

система брекетов

Duitse sakevertroue gaan verder daal

Duitse sakevertroue lyk of dit Desember weer gaan val vir die sewende maand agtereevolgens, volgens die voorspellings van 'n ondersoek wat Donderdag vrygestel gaan word. Dit stem ooreen met tekens dat die afneem van die grootste ekonomie in Europa begin om momentum te kry.

Met die globale ekonomiese duisternis wat Duitsland se uitvoere bedreig, voorspel ontleders dat die Ifo-sakevertroueindeks wat goed dopgehou word, sal daal tot op 84 punte.

Die voorspelling van die daling in Desember kom nadat die indeks deur Ifo, wat in Munich gestasioneer is, meer gedaal het in Desember tot op 85,5 punte vanaf 90,2 punte in Oktober.

Die Desember-Ifo-ondersoek, wat gebaseer is op inligting vanaf 7 000 Duitse uitvoerende beamptes, val saam met die publikasie van 'n groot klomp aanduiders en data wat die donker ekonomiese vooruitsig wat oor Europa hang, ondersteun.

Die eindresultaat is dat die verdere daling in die Ifo-indeks die maand verdere druk kan plaas op die Europese sentrale bank om voort te gaan met die vermindering van rentekoerse tot in die nuwe jaar.

ротор купить

Inflasie daal verder, maar nie genoeg

Verbruikersinflasie het vir die derde agtereenvolgende maand effens gedaal, het Statistiek SA Woensdag gesê.

Volgend die Pretoriagebaseerde agentskap, het die VPIX (wat hooflyninflasie insluit maar huisverbande uitsluit) gedaal tot 12,1% op 'n jaar tot jaar grondslag vanaf 12,4% die vorige maand.

Dit was egter nie soos wat ekonome voorspel het nie.

"Ons het 11,9% verwag," het die Efficient Groep se Dawie Roodt gesê.

"Dit bevestig my vermoede dat die reserwebank verlede week 'n fout gemaak het deur die rentekoerse te verlaag. Almal het gesê dat ek 'n pretbederwer is, maar ek was reg," het hy gesê.

Statistiek SA het gesê dat die alle-itemsverbruikersprysindeks of VPI jaarliks gestyg het tot 11,8% teenoor 12,1% in Oktober.

Op 'n maandelikse basis het dieVCPIX op 0,2% gestaan in November terwyl die hooflyn VPI op 0,1% was.

topcargo развод

Britse pond op rekordlaagtepunt

Die Britse pond het Woensdag tot nog 'n rekordlaagtepunt teen die Euro gedaal, tot 1,0984 Euro, wat sy onlangse swakheid vererger het ná die bekendmaking van nog slegte ekonomiese nuus.

game free topcargo кидалы

MTN se swart hoof kan R300-miljoen maak

Die swart hoofbestuurder van die MTN-groep, Phuthuma Nhleko, kan dalk R300-miljoen maak uit die groep se oorname van 'n struktuur wat opgerig is om swart eienaarskap van die maatskappy te bevorder.

MTN is van voorneme om die struktuur – bekend as Newshelf – oor te neem en het Maandag aangekondig dat hulle aandele regstreeks aan swart Suid-Afrikaners in 2009 gaan verkoop.

Newshelf besit 13,3 persent aandele in MTN namens sleuteldirekteure en swart personeel. Die markwaarde van die Newshelf-aandeel, wat ses jaar gelede gekoop is, is R24-miljard maar dit het skuld van omtrent R21,8-miljard gehad.

In die ontbondeling sal MTN 'n 6-persentaandeel – wat anders gestel 'n gelykheidseienaarskap van tot 25 persent in MTN Suid-Afrika uitmaak – aan swart lede van die SA publiek en ook swart personeel verkoop.

Die selfoonoperateur sê egter die grootte van die openbare aanbod kan verander "na gelang van markomstandighede en die omvang van herinvestering in die nuwe breëbasisstruktuur deur die Newshelf-begunstigdes."

Die groep sal 'n spesiale dividend van R3,1-miljard aan die 3,200 begunstigdes van Newshelf uitbetaal.

Rajay Ambekar, 'n portefeuljebestuurder by Cadiz American Harvest, sê hy reken elke begunstigde sal omtrent R1-miljoen ontvang.

"Nhleko sal egter met omtrent R300-miljoen wegstap omdat hy 8 persent van Newshelf besit."

Sifiso Dabenwa en Rob Nisbet, MTN se hoofoperasiebestuurder en hooffinansiesbestuurder onderskeidelik, kan elkeen R180-miljoen in hulle sakke steek.

Verskansingsfondse verloor miljarde in Madoff-skandaal

Eers het verskansingsfondse miljarde dollars verloor in hulle mislukte weddenskappe met Bernard Madoff. Nou kan hulle weer geraak word deur beleggers wat hofsake aanhangig maak om hulle groot verliese te probeer terugwen.

Dié uitgebreide bedrog deur die eens befaamde belegger Madoff het ernstige vrae laat ontstaan oor die rol van verskansingsfondse in die bedrogspul sedert fondsbestuurders miljarde dollars oorhandig het aan Madoff sonder om hom eers behoorlik te ondersoek.

Dit ondermyn die beloftes van verskansingsfondse aangaande hulle vaardigheid en betroubaarheid, en die eindresultaat kan 'n bloedbad afgee in die industrie indien beleggers groot wen in hofsake of heeltemal sou ophou om verskansingsfondse te benut, het kenners gesê.

"Hulle is kwaad, verward en soek vergelding," het Stephen A. Weiss van die regsfirma Seeger Weiss, wat kliënte verteenwoordig wat dink daaraan om regstappe te neem teen verskeie fondse, asook die fondse van Madoff.

Een van die eerste regsaksies het laat Dinsdag ingekom toe die New York Regskool Ascot Partners LP gedagvaar het. Ascot Partners LP is 'n beleggingsvennootskap wat bestuur word deur die voorsitter van GMAC Financial Services, J. Ezra Merkin. Die skool het gesê hulle het $3 miljoen belê by Ascot in 2006 en dit is nou niks werd nie, vanweë die verkeerde handeling van die verdedigende party.

Dit het 'n voorsmaak gegee van wat verskansingsfondse in die gesig kan staar indien die gevolge van die Madoff-geval wyer kan uitkring.

Dis 'n baie groot verandering sedert die onlangse verlede toe ryk kliënte en organisasies se pensioenfondse gestroom het om sulke beleggings te maak. Sulke beleggers het gekyk na verskansingsfondse om hulle portefeulje te verbreed, en hulle kon bekostig om die minimum beleggingsbedrae te betaal wat deur die fondse gevra is. Die bedrae het gewoonlik meer as $250 000 beloop.

Madoff het na bewering 'n Ponzi-, of piramideskema bedryf . Dit is 'n bedrieglike beleggingsmetode wat hoër rentekoerse as die mark belowe aan beleggers. In die skema word die geld wat deur nuwe beleggers betaal word gebruik om oënskynlike hoë rentes aan beleggers in die vroeër stadium te betaal. Die skema val plat wanneer die vereisde betalings meer is as die nuwe beleggings.

игры ла ла лупси

Anglo besnoei uitgawes

Anglo American, een van die wêreld se grootste myngroepe, het sy kapitaaluitgawes vir 2009 met vyftig persent na R45-miljard verminder.

Die groep sê hulle het 'n "wydreikende oorsig oor die kapitaaluitgaweprogram" geneem in 'n tyd wat die mynbedryf "'n ongekende tydperk van vinnige dalings in kommoditeitspryse weens wêreldwye ekonomiese onsekerheid beleef."

Sulke omstandighede bied geheel en al 'n ander korttermynvooruitsig en dit is noodsaaklik dat die groep hulle beleggingsplanne aanpas, sê Anglo American.

"Kapitaaluitgawes vir 2009 is ingeperk op $4,5-miljard, 'n terugsnoeiing van omtrent 50 persent, insluitende $1,3-miljard vir bly-in-besigheidkapitaaluitgawes, 'n laer vlak as die geprojekteerde bedrag vir 2008," sê die maatskappy. "Die substansiële veranderings aan die kapitaaluitgawes sal hoofsaaklik bereik word deur baie van die groep se ontwikkelingsprojekte te herskeduleer."