Internasionale nuus – Bladsy 85

Barrikades in Nikosia verwyder

Griekse en Turkse Cipriote het barrikades wat die twee groepe al ‘n halwe eeu van mekaar skei in Ledrastraat, Nikosia, verwyder. Ledrastraat is ‘n kragtige simbool van etniese partisie op die eiland.

Turkye hoop om deur dié stap finaal toegang tot lidmaatskap van die Europese Unie te verkry. Alhoewel dit nie beteken dat die probleem in Ciprus opgelos is nie, gee dit ‘n kykie op wat moontlik is, het die VN se gesant gesê.

Ciprus is sedert 1974 verdeel toe Turkye die eiland binnegeval het na ‘n Grieksgeleide staatsgreep. Barrikades is egter al vroeër deur Turkse Cipriote opgerig in 1958, gevolg deur ‘n permanente blokkade in 1963 ná etniese geweld.

Griekse en Turkse Cipriote het verlede maand ooreengekom om samesprekeinge te voer en sodoende ‘n vyfjaaroue dooiepunt in reunifikasie pogings beëindig.

фальшкамин

Afrika moet beplan vir kosstygings

Afrikaministers het Woensdag gesê dat voedselskaarste geleenthede vir beter voedselproduksie in sommige Afrikalande bied.

Hulle het bygevoeg dat die onlangse styging in internasionale kospryse ‘n groot risiko inhou vir Afrika se groei, vrede en sekuriteit. ‘n Gesamentlike verklaring is aan die einde van ‘n byeenkoms van Afrika se ekonomiese en finansieministers in Addis Abeba uitgereik.

Die ministers is van mening dat toepaslike beleidsrigtings gesoek moet word om die effek van stygende voedselpryse op lewenstandaarde te versag, veral vir kwesbare groepe.

‘n Man is in die Ivoorkus gedood en 24 ander in Senegal in hegtenis geneem tydens gewelddadige opstande oor die naweek as gevolg van hoër voedselpryse.

Israel deel gasmaskers uit

Israeli owerhede sal volgende jaar gasmaskers aan burgelikes uitdeel. Dié stap is aangekondig om die bevolking voor te berei op ‘n moontlike nie-konvensionele aanval.

Die hoof van Israel se nooddienste het in uitsending van die openbare uitsaaier gesê dat daar geen rede tot paniek is nie omdat daar nie agteruitgang in die veiligheidsituasie is nie.

Gasmaskers is tydens die eerste Golfoorlog in 1991 uitgedeel. Die maskers is weer teruggeneem aan die einde van 2006 om dit na te gaan vir foute.

Israelse media het bekend gemaak dat ‘n uitgebreide burgerlike weerbaarheidsoefening binnekort sal plaasvind.

Александр Фильчаков

Sterftes in Irak neem toe

Nadat president Bush aan die einde van 2007 aangedui het dat hy Amerikaanse troepe sal verminder, het die dodetal in Irak vir Maart dramaties gestyg.

Die totale aantal sterftes vir verlede maand staan op 1 082. Die meeste ongevalle is burgerlikes wat in die suidelike oliehawestad, Basra, omgekom het in gevegte tussen regeringstroepe en die Mehdi-leër van Moktada al-Sadir.

Al-Sadir kla dat huise van sy ondersteuners afgebrand word wat teenstrydig is met ‘n vorige ooreenkoms tussen hom en die regering.

Gevegte het Sondag afgeneem, nadat Al Sadir sy magte van die strate af beveel het. Die aantal Amerikaanse soldate wat omgekom het, het ook vir Maart gestyg van 29 tot 37.

Фільчаков прокурор

W?reld staan voor voedselkrisis

Hoewel droogte, ‘n dalende dollar, ‘n verskuiwing van beleggersfondse na kommoditeite en die gebruik van plase om brandstof te produseer tot voedseltekorte bydra, verteenwoordig bevolkingsgroei en Sjina se rykdom die kommerwekkendste langtermynuitdagings.

Kortom, die wêreld staan voor ‘n voedselkrisis en op sommige plekke het dit reeds begin oorkook. Die Organisasie vir Ekonomiese Ontwikkeling en Samewerking, die OEOS, het sy kommer uitgespreek omdat stygende voedselpryse ‘n verdere terugslag vir die wêreldekonomie is.

‘n Snelgroeiende wêreldbevolking, wat teen 2050 nege miljard gaan haal, vra meer melk en vleis wat meer grond vereis om te produseer.

Die wêreld se koringvoorraad is ook by 30-jaarlaagtepunte as gevolg van ongewone weersomstandighede en graanpryse styg voortdurend, wat dekades van goedkoop voedsel beëindig.

Globale voedselpryse het reeds 35% gestyg in die jaar tot einde Januarie.

спб topcargo отзывы

Britte beangs sonder selfone

Meer as die helfte van Britte voel angstig as hulle nie selfoonontvangs geniet nie. Hulle voel ewe ontredderd indien hulle hul selfone sou verloor, die battery sou pap word of indien hulle geen lugtyd meer sou hê nie.

Dít, volgens ‘n opname wat gister gepubliseer is.

Ongeveer 58 persent van mans en 48 persent van vroue raak paniekerig as hulle ‘n probleem met hul selfoon ondervind, terwyl nege persent van Britte gespanne raak as hulle hul selfone afskakel,

2163 mense het in Maart aan die meningsopname deelgeneem.

Nuwe choleragevalle in Kenia

Nege-en-dertig mense is die afgelope paar weke in Kenia dood weens cholera en gesondheidswerkers vrees ‘n nuwe uitbraak, het ‘n senior gesondheidsbeampte Sondag gesê.

Amptelike syfers toon dat daar 468 aangemelde gevalle van cholera was waarvan 123 positief getoets het.

Die aantal gevalle het sedertdien afgeneem, maar die owerheid bly op sy hoede omdat reën veroorsaak het dat verskeie putlatrines weggespoel is, wat ‘n nuwe epidemie mag veroorsaak.

Die honderde duisende mense wat deur die onlangse verkiesingsgeweld uit hul huise verdryf is en tans in kampe tuisgaan, kan ook deur cholera besmet word.

Cholera word deur water gedra en veroorsaak ernstige diarree en naarheid wat dodelik kan wees indien dit nie binne 24 uur behandel word nie. Die siekte kan voorkom word deur mens se hande te was voordat jy voedsel hanteer en deur besmette drinkwater te vermy.

кухни украина

Obama se voorsprong rek

‘n Nuwe meningspeiling wys dat Barak Obama sy voorsprong oor sy medepartygenoot, Hillary Clinton, vergroot het met 52% teenoor 42%.

Die vorige Eerste Dame sê sy besef mense wil haar veldtog beëindig hê, maar hulle is verkeerd. Clinton is onder stygende druk om af te sien van die benoemingstryd sodat die Demokrate op die Republikeinse Mc Cain kan fokus.

Vrese neem toe onder Demokrate dat die bitter stryd tussen Obama en Clinton die party in twee kan skeur.

Clinton het ‘n groot oorwinning in Pennsilvania nodig omdat sy gespog het dat sy die enigste kandidaat is wat die belangrike deelstate kan wen vir ‘n terugkeer na die Withuis.

Hulp verswak Afrikaregerings

‘n Britse afvaardiging wat tans deur Afrika toer, die Africa All Party Parliamentary Group, het in ‘n 69-bladsy verslag aangedui dat buitelandse hulp Afrika se demokrasieë verswak het omdat dit regerings minder aanspreeklik teenoor hulle kiesers maak.

Die groep sê skenkers is histories gesien geneig om oor en neffens regerings te werk eerder as saam te werk. Dit veroorsaak dat Afrikaregerings meer verantwoording doen teenoor skenkers as hul eie mense, volgens die verslag.

Brittanje se Departement vir Internasionale Ontwikkeling asook die Wêreldbank is twee van die skenkers wat deels verantwoordelik is vir Afrika se verswakte parlementêre instellings. Die verslag het daarom ‘n dringende beroep op skenkers gedoen om meer fondse opsy te sit om sulke instellings op te bou.

Die verslag verwys ook na die groeiende belang van Chinese hulp aan Afrika en waarsku dat die Chinese nie sal bydra tot die uitbou van regeringsvaardighede nie.

play топкарго отзыв

Vyf vas in DRK n? hulle vliegtuig stroop

In die DRK is vier Kongolese en ‘n Rus in aanhouding nadat hulle vliegtuigonderdele van ‘n vliegtuig wat in ‘n makabere ongeluk betrokke was, gesteel het.

Die Rus is ‘n eienaar van ‘n privaat vliegmaatskappy wat ook van dieselfde tipe-12 Antonofvliegtuig gebruik maak.

Die vliegtuig waarvan die parte afgesteel is, het soldate in Oktober 2005 vervoer na Soedan toe ‘n band gebars het. Die paniekbevange en swaargewapende soldate het daarna die luik oopgedwing en op VN-vredesmagte wat hulle te hulp gesnel het, begin vuur.

автосканер

Dakar kom dalk terug na Afrika

Die president van ASO, Amaury Sport Organisation, organiseerder van die Dakartydren, Patrice Clerc, het gesê die tydren sal terugkeer na Afrika, na sy wortels. Die Dakar vind in 2009 in Chile en Argentinië plaas.

Die beroemde tydren is in 1979 deur Thierry Sabine begin maar is gekanselleer vir 2008 omdat terroriste in Mauritanië gedreig het om die tydren te verongeluk.

Volgende jaar gaan die renjaers ‘n ander woestyn ontdek, naamlik die Atakama in die noorde van Chile. Die 9000 km sal in Buenos Aires wegspring en eindig na ‘n draai deur onder andere die Andes gebergtes en Patagonië.

воздуха бытовой

Wallstraat verloor 20 000 poste

Oor die volgende twee jaar gaan meer as 20 000 mense hul werk op Wallstraat verloor, sê die New Yorkse Onafhanklike Begrotingskantoor. Die kantoor voorsien dat 12 600 werknemers vanjaar gaan afgedank word en 7 600 volgende jaar.

Die afdankings kom as gevolg van krimpende krediet in Amerika wat finansiële instellings negatief raak. Winste op Wall Straat het met 80% afgeneem in 2007.

Die aantal afdankings sluit nie instellings soos Bear Stearns se redundante personeel in nie. Bear Stearns is onlangs deur JP Morgan oorgeneem nadat die maatskappy in die moeilikheid geraak het.

Dit is ‘n kopseer vir New York se openbare begroting omdat byna 35% van die stad se inkomste uit salarisse van die finansiële sektor kom.

сделать мед справку Данильченко Харьков

Rusland en Egipte onderteken kernverdrag

Egipte en Rusland het ‘n ooreenkoms onderteken wat Egipte se posisie as kernvoorloper van die Arabiese blok sal bestendig. Iran en Israel is die ander twee groot kernmoondhede in die gebied.

Hosni Moebarak en Vladimir Poutin het Dinsdag mekaar die hand gegee in ‘n stap wat Westerse moondhede bekommer.

Egipte het hul samewerking met Rusland op kerngebied eers opgeskort ná die Tjsernobielramp in die Oekraïene in 1986, maar sal dit nou hervat.

‘n Twaalftal Arabiese lande het reeds aangedui dat hulle in kernaanlegte belangstel. Nie een van dié lande is ‘n lid van die IAEA, die Internasionale Atoomenergie-agentskap, nie.

депутат лобановский

Meer as 660 mense gee hulself oor aan Sjina in Tibet

Sjina het vandag gesê dat meer as 660 mense hulself oorgegee het weens bloedige betogings in en naby Tibet. Intussen het die Franse president, Nicolas Sarkozy die moontlikheid van ‘n openingseremonieboikot van die Olimpiese Spele in Beijing geopper.

Volgens Sjoe Tao, ‘n plaaslike hoof van die Kommunistiese Party, is diegene wat na vore gekom het meesal gewone mense of monnike wat mislei is of ontnugter is.

Aanklaers het ook lasbriewe vir die inhegtenisname van 29 mense wat na bewering betrokke was by ‘n betoging op 14 Maart in in die Tibetaanse hoofstad uitgereik, terwyl ‘n mees gesogte-lys van 53 mense deur die polisie vrygestel is.

Tibet verkeer reeds sedert 1950 onder Sjinese heerskappy en die Tibetaanse onafhanklikheidsbeweging beskou die Olimpiese Spele wat vanjaar in Beijing plaasvind as ‘n geleentheid om hul stryd wêreldkundig te maak.

липецк очистка Фильчаков