beeld – Bladsy 41 – praag.co.za

18 000 Zimbabwi?rs het cholera, s? Oxfam

Die cholerakrisis in Zimbabwe het sowat 18 000 mense besmet en kan erger word soos wat die swaar reëns dreig om die dodelike siekte verder te versprei, het hulpwerkers in Brittanje gesê.

Oxfam, 'n vooraanstaande welsynsorganisasie, het gesê dat hulle hul versoeke vir sowat 4 miljoen pond (R60 miljoen) verhoog het om skoon water, sanitasie en voedsel aan meer as 1 miljoen mense in Zimbabwe te kan voorsien.

"Die vinnige verswakkende toestand in Zimbabwe maak dit 'n baie ernstige humanitêre krisis wat in 2009 verder kan verswak," het Oxfam se humanitêre direkteur, Jane Cocking, gesê.

Volgens Oxfam, toon syfers van de VN dat cholera, wat deur water oorgedra word, reeds meer as 18 000 mense besmet het en omtrent 800 mense se dood veroorsaak het.

Inflasie daal verder, maar nie genoeg

Verbruikersinflasie het vir die derde agtereenvolgende maand effens gedaal, het Statistiek SA Woensdag gesê.

Volgend die Pretoriagebaseerde agentskap, het die VPIX (wat hooflyninflasie insluit maar huisverbande uitsluit) gedaal tot 12,1% op 'n jaar tot jaar grondslag vanaf 12,4% die vorige maand.

Dit was egter nie soos wat ekonome voorspel het nie.

"Ons het 11,9% verwag," het die Efficient Groep se Dawie Roodt gesê.

"Dit bevestig my vermoede dat die reserwebank verlede week 'n fout gemaak het deur die rentekoerse te verlaag. Almal het gesê dat ek 'n pretbederwer is, maar ek was reg," het hy gesê.

Statistiek SA het gesê dat die alle-itemsverbruikersprysindeks of VPI jaarliks gestyg het tot 11,8% teenoor 12,1% in Oktober.

Op 'n maandelikse basis het dieVCPIX op 0,2% gestaan in November terwyl die hooflyn VPI op 0,1% was.

topcargo развод

Britse pond op rekordlaagtepunt

Die Britse pond het Woensdag tot nog 'n rekordlaagtepunt teen die Euro gedaal, tot 1,0984 Euro, wat sy onlangse swakheid vererger het ná die bekendmaking van nog slegte ekonomiese nuus.

game free topcargo кидалы

MTN se swart hoof kan R300-miljoen maak

Die swart hoofbestuurder van die MTN-groep, Phuthuma Nhleko, kan dalk R300-miljoen maak uit die groep se oorname van 'n struktuur wat opgerig is om swart eienaarskap van die maatskappy te bevorder.

MTN is van voorneme om die struktuur – bekend as Newshelf – oor te neem en het Maandag aangekondig dat hulle aandele regstreeks aan swart Suid-Afrikaners in 2009 gaan verkoop.

Newshelf besit 13,3 persent aandele in MTN namens sleuteldirekteure en swart personeel. Die markwaarde van die Newshelf-aandeel, wat ses jaar gelede gekoop is, is R24-miljard maar dit het skuld van omtrent R21,8-miljard gehad.

In die ontbondeling sal MTN 'n 6-persentaandeel – wat anders gestel 'n gelykheidseienaarskap van tot 25 persent in MTN Suid-Afrika uitmaak – aan swart lede van die SA publiek en ook swart personeel verkoop.

Die selfoonoperateur sê egter die grootte van die openbare aanbod kan verander "na gelang van markomstandighede en die omvang van herinvestering in die nuwe breëbasisstruktuur deur die Newshelf-begunstigdes."

Die groep sal 'n spesiale dividend van R3,1-miljard aan die 3,200 begunstigdes van Newshelf uitbetaal.

Rajay Ambekar, 'n portefeuljebestuurder by Cadiz American Harvest, sê hy reken elke begunstigde sal omtrent R1-miljoen ontvang.

"Nhleko sal egter met omtrent R300-miljoen wegstap omdat hy 8 persent van Newshelf besit."

Sifiso Dabenwa en Rob Nisbet, MTN se hoofoperasiebestuurder en hooffinansiesbestuurder onderskeidelik, kan elkeen R180-miljoen in hulle sakke steek.

‘Terror bedreig regstellende aksie’

Die Swart Prokureursassosiasie (SPA) het hulle besorgdheid oor die nuutverkose KVP-president Terror Lekota se uitlating oor regstellende aksie uitgespreek en dit as 'n "bedreiging" bestempel.

Lekota het gister tydens die party se inlywingskongres gesê die KVP sal verbind bly tot die grondwet en is toegewy aan die beleid van regstellende aksie.

Lekota het egter verklaar dat regstellende aksie nie op grond van ras geïmplementeer sal word nie.

Die president van die SPA, Andiswa Ndoni: "Dié standpunt vertoon 'n gebrek aan begrip vir die bestaansrede van indiensnemingsgelykheid en Breëbasis-Ekonomiese Bemagtigingsbeleide.

"Albei hierdie beleide is bedoel om swart mense te bemagtig om as gelykes aan die korporatiewe wêreld en die ekonomie deel te neem."

Hy sê enige iemand wat daartoe verbind is om uitvoering te gee aan die Menseregtehandves in die grondwet, sal besef dat swartmense, insluitende swart beroepslui, nog steeds benadeel word in die korporatiewe wêreld en in die ekonomie as 'n geheel.

"Die syfers wat jaarliks vrygestel word deur die Indiensnemingsgelykheidskommissie spreek vanself. Enige ander grondslag as ras is nie werkbaar nie omdat dit presies vanweë rassediskriminasie van die verlede is dat die demografie van die land nie in die werksplek weerspieël word nie."

Ndoni sê volle en doeltreffende deelname van swartmense aan die ekonomie kan net bereik word deur die versnelling van beide beleide.

Hy sê die SPA sal sy lede en ander broederorganisasies in die nuwe jaar konsulteer oor hoe om die beste op hierdie "bedreiging" te reageer.

"Die KVP is skynbaar vasberade om die bietjie vooruitgang wat swartmense gemaak het, om te keer om blanke stemme te trek," sê Ndoni.

"Dit is kortsigtig en nie in pas met die aspirasies van swartmense en die gelykheidsvoorskrifte van die Grondwet nie."

палатка цена

Rowers kom weg met luuksevoertuie

Drie gewapende mans het weggekom met twee splinternuwe luuksevoertuie nadat hulle die sekuriteitswagte by die Motorviadepot in Kaalfontein oorrompel het, het Tembisa polisie gesê.

Kaptein Munyadziwa Ralidzhiva het gesê die drie rowers het Maandagnag die wagte met wapens aangehou en hulle hande en voete met tou vasgebind.

"Hulle het twee karre gesteel – 'n wit en silwer Audi 22 4.2 – wat R1,3 miljoen kos, het Ralidzhiva gesê.

Geen arrestasies is sedertdien gemaak nie. Dit was die tweede rooftog by Motorvia in sewe dae.

Verlede week is maatskappytoesighouers en wagte in die vroeë oggendure by die hoofingang deur gewapende mans aangehou. Hulle het die sleutels gevra en het weggery met ses voertuie, onder andere 'n Iveco en 'n Ford Ranger-dubbelkajuitbakkie, het Ralidzhiva gesê.

"Polisie het die Iveco verlate gevind in die straat in Daveyton terwyl die Ford Ranger gevind is by 'n 35-jarige man in Etwatwa, waarna hy gearresteer is," het hy gesê.

deposit free

Anglo besnoei uitgawes

Anglo American, een van die wêreld se grootste myngroepe, het sy kapitaaluitgawes vir 2009 met vyftig persent na R45-miljard verminder.

Die groep sê hulle het 'n "wydreikende oorsig oor die kapitaaluitgaweprogram" geneem in 'n tyd wat die mynbedryf "'n ongekende tydperk van vinnige dalings in kommoditeitspryse weens wêreldwye ekonomiese onsekerheid beleef."

Sulke omstandighede bied geheel en al 'n ander korttermynvooruitsig en dit is noodsaaklik dat die groep hulle beleggingsplanne aanpas, sê Anglo American.

"Kapitaaluitgawes vir 2009 is ingeperk op $4,5-miljard, 'n terugsnoeiing van omtrent 50 persent, insluitende $1,3-miljard vir bly-in-besigheidkapitaaluitgawes, 'n laer vlak as die geprojekteerde bedrag vir 2008," sê die maatskappy. "Die substansiële veranderings aan die kapitaaluitgawes sal hoofsaaklik bereik word deur baie van die groep se ontwikkelingsprojekte te herskeduleer."

Miljoene gewaarsku teen Internet Explorer n? Chinese bedrie?rs rekenaars daarmee kaap

'n Fout in die wêreld se mees algemene webblaaier, Internet Explorer, is nog nie deur Microsoft reggemaak nie.

Miljoene internetgebruikers word bedreig deur 'n fout wat kriminele kan toelaat om persoonlike en bankbesonderhede te kan bekom.

'n Groot fout is ontdek in Microsoft se internet Explorer-webblaaier, wat deur 70% van alle rekenaars gebruik word.

Omtrent 2 miljoen rekenaargebruikers het na bewering reeds die slagoffers van die probleem geword nadat hulle klaarblyklik veilige webwerwe besoek het, en die probleem dreig om oor die hele wêreldwye web te versprei.

As gevolg van die fout kan "Trojaanse perd"-virusse op miljoene rekenaars oorgedra word, wat aan kriminele toegang tot die rekenaars gee oor 'n afstand.

Kuberkrakers in Sjina is die middelpunt van die kuberaanval, wat die ernstigste is in die geskiedenis van Microsoft se bedryfstelsel. Soveel as 10 000 webwerwe is reeds geraak volgens die teen-virusvervaardiger Trend Micro.

Tot dusver het die krakers die tegnologie benut om rekenaarspeletjiewagwoorde te steel wat op die swartmark in die verre ooste verkoop kan word. Daar bestaan wesentlike vrese dat kuber-kriminele die fout kan uitbuit om bankrekeninge se toegangskodes te steel of om gemors-e-pos uit te stuur.

Microsoft het gesê dat die aanvalle sover net op die weergawe 7 van Internet Explorer plaasgevind het, maar het gewaarsku dat ander weergawes ook potensieel kwesbaar kan wees.

Die probleem is dat Microsoft se webblaaier, wat deur 1 miljard mense gebruik word, 'n basiese fout in die kernkomponent bevat wat dit toelaat om data van 'n webbladsy af te kan lees.

Krakers het 'n reeks HTML-kodes gevind, (die kodes waarmee webwerwe geskryf word) wat daardie fout uitbuit en veroorsaak dat Explorer nie wil werk nie.

Dit aktiveer 'n skadelike program wat deur die krakers geïnstalleer word wat aan hulle toegang gee tot die rekenaar sonder dat die eienaar dit weet.

Elia Florio, van die internetsekuriteitsmaatskappy Symantec, het gesê dat indien die masjien nie beskerm is nie, dit soos 'n oop deur vir 'n dief is.

Trend Micro se senior sekuriteitsadviseur in Brittanje, Ric Fergusson, het gesê "die bedreiging gaan van hier af net toeneem."

Microsoft werk oortyd om 'n programmatuurinlasprogram op te stel om die fout in die sekuriteit reg te stel. Intussen stel sommige industriekenners voor dat mense na alternatiewe webblaaiers toe moet oorskakel soos Opera en Firefox. Ander sê weer dat dit in belang is van sekuriteitskenners om te praat oor die saak, om hulle sagteware se verkope te help verhoog.

Microsoft stel voor dat gebruikers hulle internetsekuriteitsgebied na "hoog" toe verstel en Internet Explorer verstel om in "beskermde modus" te werk, en ook om teen-virusprogramme op datum te hou.

John Curran, hoof van Microsoft Windows se kommersiële besigheidsgroep in Brittanje het gesê die maatskappy werk 24 uur per dag om die probleem aan te spreek. Hy het gesê dat mense wat na ander webblaaiers toe oorskakel mag vind dat hulle ander, meer ernstige, sekuriteitsskuiwergate mag teëkom.

arabian nights games topcargo

Re?n vererger Zim-cholera-epidemie, s? Rooikruis

Die aanvang van die reënseisoen in Zimbabwe het vrese laat toeneem dat die cholera-epidemie in 'n katastrofe kan verander met derduisende wat reeds siek is en die verspreiding van die siekte na die buurlande, het die Rooikruisvereniging gesê.

"Ons het reeds 'n baie ernstige situasie op hande en die reëns gaan dit net baie erger maak," het Matthew Cochraine, 'n woordvoerder vir die internasionale federasie van die Rooikruis en Rooi sekelmaanverenigings gesê. Die reën wat normaalweg vloede teweeg bring in die Suider-Afrikaland het reeds begin in die noordelike provinsies, het hy gesê.

Hulpagentskappe het gewaarsku dat die reën die cholera verder kan versprei onder die bevolking wat reeds verswak is deur siekte en honger. Die uitbraak neem steeds toe en die sterftesyfer is kommerwekkend hoog, het Cochraine gesê wat uit Zimbabwe teruggekeer het. Die VN het Maandag gesê dat 18 413 mense reeds besmet is met die wateroordraagbare siekte en dat 978 mense reeds daaraam dood is. Tensy hulpagentskappe en die regering die hulpverlening baie vergroot, gaan dit katastrofies wees het hy gewaarsku.

Die totale hoeveelheid gevalle kan tot op 60 000 styg en cholera wat reeds in Suid-Afrika en Botswana versprei het, kan ook na ander buurlande toe versprei.

Мильстрим

Ontevrede Zimbabwiese soldate dreig met verdere onluste

In tonele wat die regering van president Robert Mugabe geskok het, en spekulasie aangeblaas het dat dié regering se dae getel is, het dosyne soldate op 1 Desember amok gemaak in Harare, uit protes teen die ekonomiese verval in die land.

Sommige bystanders het toegekyk, terwyl ander meegedoen het toe junior soldate, wat gefrustreerd was omdat hulle vanweë 'n kontanttekort nie hul skamele salarisse kon trek nie, deur die strate gehardloop het en winkels geplunder het. Hulle het ook swartmarkgeldhandelaars aangeval.

Alhoewel die staat vinnig inbeweeg het om die toestand onder beheer te kry, en 16 soldate gearresteer is wat nou militêre vervolging in die gesig staar, waarsku die voetsoldate van Mugabe se regering dat hulle dalk weer kort voor lank die strate kan binnevaar.

"Net soos enigiemand anders het ons ook gesinne om kos te gee. Ons kry ook swaar, net soos ander burgers in die land," het een junior offisier, Ola, (skuilnaam) aan Deutsche Presse-Agentur vertel.

In 'n huis in die Mbare-woongebied suidwes van Harare, geklee in gehawende stewels en 'n gebleikte gevegsbroek, vertel Ola, 'n vader van twee, en Duke, (nie sy regte naam nie), van die frustrasie wat tot hulle uitbarsting aanleiding gegee het.

"Daar is geen junior offisiere meer in die weermag wat Mugabe ondersteun nie. Ons is moeg en ons kry swaar," beweer Duke. "Indien 'n buitelandse weermag ons kom aanval, sal ons met hulle saamwerk of na 'n buurland vlug."Die oproer het begin toe soldate geforseer is om in lang toue te staan saam met gewone Zimbabwiërs om hulle salaris by 'n kitsbank te kry en nie soos gewoonlik by die barakke betaal is nie."Geld het opgeraak by die barakke omdat die top offisiere al die geld geneem het. Toe het ons maar dorp toe geloop om in die tou te gaan staan vir kontant," het Ola gesê."Ons het kwaad geword toe ons nie geld kon kry nie. Die bank se kontant het opgeraak. Dit is toe die chaos begin het."

Die oproer was die eerste uitdaging aan Mugabe wat van binne die normaalweg lojale weermag afkomstig is. Lojaliteit staan egter steeds sterk in die boonste offisiers kringe, wat deur Mugabe met geskenke oorval word. Dié geskenke sluit luukse voertuie en gekonfiskeerde plase in. Junior offisiere wat ook die byt van die ekonomie voel, begin tekens van moegheid toon. Die laags besoldigde soldaat in Zimbabwe verdien sowat 10 dollar per maand.

Blanke vrou op KVP-bestuur

Sy is net 1,5 meter lank, maar Dinsdag het Lynda Odendaal op die Suid-Afrikaanse politieke toneel verskyn met 'n tentoonstelling van energie.

"Ek is nie in die minste geïntimideer deur senior politici nie, omdat ek die belange van die mense op die hart dra," het die ma van vier aan SAPA gesê in 'n onderhoud van aangesig tot aangesig kort ná haar verkiesing as die tweede adjunkpresident van die Kongres van die Proletariaat (KVP).

Vir baie wat saamgetrek het by Bloemfontein was die keuse van Odendaal 'n verrassing, aangesien dit verwag is dat Charlotte Lobe, die party se sekretarisgeneraal, die pos sou kry.

Odendaal is in die Ooskaap gebore en het so te sê op die fabrieksvloere grootgeword, aangesien beide haar ouers in die vervaardigingsbedryf was.

Sy het soos baie ander Suid-Afrikaners wat 'n droom volg as jong dame na Gauteng gekom en die korporatiewe leer in die sakewêreld geklim.

In 2005 is Odendaal as hoofuitvoerendebeampte aangestel van Network Support Services, wat beskou word as 'n Suid-Afrikaanse markleier in die voorsiening van geïntegreerde diens versekeringbestuursoplossings.

"Maar ek het bedank en my voltydse posisie is nou om my mense te dien, het die 44-jarige gesê.

As 'n enkelma het Odendaal gesê verstaan sy die probleme van vroue en dié wat sukkel om kinders sonder 'n maat groot te maak. Haar jongste kind is 12 en haar oudste is 25.

"My kinders verstaan wat ek doen, en verkies dat ek die regte ding doen eerder as om by die huis te sit en hulle mal te maak. En net soos ek sal hulle ook leer wat dit is om onafhanklik te wees."

Die feit dat sy nuut is in die politiek is 'n groot uitdaging, het sy gesê, maar een waarin sy goed sal doen.

"Die mense het goeie regering nodig, en ek is geïnspireerd en werk baie hard. Ek dink dat vorentoe gaan die KVP mense met geloofwaardigheid en leierskap nodig hê."

By 'n vroeëre perskonferensie het sy gesê dat dit vir haar 'n voorreg is om die KVP en haar land te dien.

"Daar is gelykheid vir ons almal in die KVP en ons sal voortgaan om met ander partye saam te werk en met hulle in gesprek te tree."

Die partypresident, Mosioua "Terror" Lekota, het gesê dat Odendaal soos baie ander gerieflike poste verlaat het om aan iets te werk wat die moeite werd is. "Lynda het ons baie gehelp en nie vir 'n oomblik gehuiwer nie. Sy was een van die vrywilligers wat in stilte baie hard gewerk het."

"Met die verloop van tyd sal haar profiel gebou word, Suid-Afrika sal haar beoordeel op haar optrede en ons het absolute vertroue in haar vermoëns."

Lekota, wat tussen sy twee adjunkte gesit het by 'n perskonferensie, het gesê dat hy trots is om langs hulle te sit, en was vol vertroue dat meer vroue van verskillende kulturele agtergronde in die leierskap vir die KVP 'n oorwinning sal verseker.

to advertise topcargo отзывы

Umkhonto-soldate in Bloemfontein vereer

Werkers was Dinsdagoggend besig om 'n podium voor te berei by die Phahameng begraafplaas in Bloemfontein voor die ANC se Heldedagvieringe.

Teen 9-uur Dinsdagoggend, met slegs 'n klein handjievol gaste en media teenwoordig, was werkers besig om 'n tent op te slaan vir die gedenkdiens deur lede van Umkhonto we Sizwe (MK).

Na verwagting sal voormalige MK-lede in uniform 'n drilvertoning gee voordat daar na die heldeakker by die Seisa Ramabodu-stadion beweeg sal word, wat omtrent 5 kilometer van die begraafplaas geleë is.

Die ANC hou in die Vrystaatse hoofstad 'n nasionale dag van vieringe om die 47ste jaar van MK, sy voormalige militêre vleuel, te gedenk.

In Phahameng was klein groepies mense reeds opgemerk wat in die rigting van die Seiso Ramabodu stadion beweeg het.
Die ANC-president, Jacob Zuma, sal na verwagting die ANC-saamtrek toespreek.

Busse het Dinsdag vroegoggend reeds in Bloemfontein aangekom vir die ANC-vieringsbyeenkoms, sowel as 'n byeenkoms van die nuwe politieke party, die KVP.

Die KVP wat in Bloemfontein is vir die inhuldigingskongres, gaan sy verkiesingsbyeenkoms Dinsdagmiddag in die krieketstadion in die stad hou.

Tiener in hegtenis oor verkragting van 10-jarige dogtertjie

'n Sewentienjarige seun is in hegtenis geneem vir die beweerde verkragting van 'n 10-jarige dogtertjie in Mhluzi naby Middelburg, het Mpumalangapolisie Dinsdag gesê.

Superintendent Abie Khoabane het gesê die meisie het teen 14:00 Sondag met haar maat in die straat gespeel. Sy het na die buitetoilet toe gegaan by haar maat se huis toe die seun haar gegryp het.

"Haar mond is klaarblyklik toegemaak met 'n lap. Nadat die seun haar met 'n mes gedreig het, het hy haar verkrag," het Khoabane gesê.

"Alhoewel daar mense in die huis was, het niemand iets gesien nie, omdat die toilet aan die agterkant van die huis is."

Die tienerseun is gearresteer nadat 'n dokter bevestig het dat die meisie wel verkrag is.

Hy gaan Woensdag in die landdroshof op Middelburg verskyn, het Khoabane gesê.

Zimbabwe-dodetal bereik 978, volgens VN

Die choleradodetal in Zimbabwe het gestyg tot 978, met 18 413 gevalle waarin mense daarmee besmet is regoor die Suider-Afrikaland, het VN-syfers Maandag getoon.

Harare, die land se hoofstad, en die distrik is die ergste getref met 208 sterftes en 8 454 besmettings, het die VN se kantoor vir die koördinasie van humanitêre aangeleenthede gesê.

Beitbrug, wat aan die grens met SA lê, is ook erg getref. Sowat 91 mense is reeds dood in die grensdorp terwyl 3 546 mense die siekte onder lede het.

Die nuutste syfers kom nadat Amerika en Brittanje na verwagting by die VN Sekuriteitsraad gaan vra dat meer druk op president Robert Mugabe geplaas moet word.

Harare het belowe om Westerse pogings om druk op Zimbabwe te plaas by die veiligheidsraad te weerstaan, aangesien Zimbabwe nie 'n bedreiging vir wêreldvrede is nie.