Internasionale nuus – Bladsy 24

Uitblinkerskool kan sluit omdat rassegelykheid nie deel vorm van leerplan

‘n Britse skool wat ‘n 96% slaagsyfer het word gedreig met sluiting na inspekteurs die skool se “gedateerde” rassegelykheidsbeleid gekritiseer het.

Stretfordskool word deur die regeringsinspekteurs beskou as 'n skool wat “nie geslaag het nie”.

Hulle sê die skool se kurrikulum is “onvoldoende” terwyl hulle tog toegee dat akademiese standaarde “uitsonderlik en konstant hoog is”.

Die Manchesterskool is die eerste skool wat onder spesiale maatreels geplaas word, wat beteken dat die skool gesluit kan word indien dit nie ''verbeter'' nie.

Verlede jaar het 96% van Stretford se leerlinge 5 GCSE’s ontvang tussen A* en C graad, ‘n werklik uitsonderlike prestasie.

Maar Ofsted, die regeringsliggaam wat skole monitor, het gesê die kurrikulum en die leierskap is onvoldoende. Die verslag waarsku dat die skool nie in lyn is met statutêre vereistes ten opsigte van rassegelykheid en gemeenskapseenheid nie.

Prestasie was ook gereken as onvoldoende, as gevolg daarvan dat 'meisies en anderskleuriges baie stadige vordering maak’.генератор аренда прокурор Фильчаков

Disney se eerste swart prinses

Staan opsy Sneeuwitjie, Disney se eerste swart prinses is hier.

Met Amerika se eerste swart president in die withuis, reken Disney dat ‘n swart prinses ook ‘n groot treffer gaan wees in Hollywood.

Maar selfs al gaan “Die prinses en die padda” eers later vanjaar vrygestel word, is daar reeds kontroversie oor die saak.

Hoewel prinses Tiana en baie karakters in die fliek swart is, is die prins wit.

Dit het gelei tot klagtes van sommige kritici dat Disney die geleentheid gemis het om ‘n feetjieverhaaleinde te skep vir ‘n swart prins en prinses. Disney se eerste swart prinses heet prinses Tiana en haar prins, prins Naveen. Sommige kykers het Disney verdoem omdat hulle die eerste swart prinses ‘n prins gegee het wat lyk of hy wit is.

Terwyl ander weer Disney se besluit geloof het as ‘n spieelbeeld van die Amerikaanse smeltkroes, voel talle dat dit 'n onduidelike boodskap uitstuur.

Alhoewel die swart prinses se geliefde in die nuwe geanimeerde musikale fliek se naam Prins Naveen van Maldonia is en die stem gedoen word deur ‘n Brasiliaanse akteur, lyk hy meer wit as swart in die foto’s wat Disney vrygestel het uit die film.

Sedert Sneeuwitjie en die sewe dwergies in 1937, was al Disney se prinsesse hoofsaaklik wit.

Александр Фильчаков

Spioen ter dood veroordeel

Jemen se staatsveiligheidshof het een van sy landsburgers ter dood veroordeel omdat hy glo vir Israel gespioeneer het.

Twee ander mans moet gevangenisstraf uitdien.

Regter Mouhssien Alwan het gesê die hof het die drie gevonnis nadat genoeg bewyse gekry het om aan die hof genoeg duidelikheid te gee.

Die staatsaanklaer het gesê die 3 jong mans is aangekla dat hulle kontak gemaak het met Israel se voormalige eerste minister Ehud Olmert, en aangebied het om vir die Mossadintelligensie agentskap te werk as agente.

mosoblburenie

Al-Bashir ignoreer lasbrief

Soedan se president het na Eritrea gereis op sy eerste oorsese reis sedert die internasionale hof ‘n lasbrief uitgereik het teen hom op aanklagte van oorlogsmisdade in Darfoer.

Die Arabiese nuuskanaal Al-Jazeera het beeldmateriaal gewys van president Omar al-Bashir wat Maandag aangekom het op die Asmaralughawe en sy amptelike ontvangs.

Die besoek is nie aangekondig nie, maar die kanaal het gesê dat Eritrea die uitnodiging aan al-Bashir al in die middel van Maart gerig het.

Volgens die ooreenkoms van die Internasionale hof, is lidlande verbind daartoe om mense wat van iets aangekla is te arresteer indien die persone hulle landsgrense binnekom. Eritrea is nie een van die Internasionale hof se lidlande nie.

Spanning in Israelse veiligheidsmagte

Verlede week se publikasie van ooggetuieverslae deur Israeli soldate van beweerde mishandeling van Palestynse burgerlikes in die onlangse gevegte in Gasa beklemtoon ‘n debat in Israel oor die reëls van oorlog. Maar dit ontbloot ook iets anders: die stryd tussen sekulêre liberales en gelowige nasionaliste vir beheer oor die weermag en die samelewing.

Verskeie van die getuienisse wat gepubliseer is deur ‘n instituut wat ‘n voor-militêre kursus aanbied en geaffilieer is met die linkse sekulêre kibboetsbeweging, toon ‘n duidelike onverdraagsaamheid met gelowige soldate, en stel hulle voor as selfaangestelde heilige stryders.

Vir die eerste vier dekades van Israel se bestaan is die weermag – soos menige ander lande s’n – gedomineer deur die kibboetslede wat hulself as sekulêr, Westers en opgevoed beskou het. In die laaste 2 dekades het gelowige nasionaliste, insluitend baie van die setlaarsbeweging in die Westelike Oewer in meer belangrike militêre posisies inbeweeg.

In die Israelse samelewing is hulle ‘n groeiende teenwoordigheid, anders as en meer modern as die swart geklede ultra-ortodokses, wat van militêre diens vrygestel word.

“Die offisierskorps van die elite Golani-brigade is nou gepak met gelowige regses van die voorbereidingsakademies,” het Moshe Halbertal, ‘n Joodse professor in filosofie opgemerk. Hy was ‘n medeskrywer aan die militêre etiese kode en is self polities liberaal, maar streng godsdienstig.

‘n Rabbiniese edik uit die godsdienstiges se geledere teen begenadiging van die vyand het onlangs vir nog 'n herrie gesorg. Die slagspreuk lui: “Hy wat genadig is teenoor die wrede, sal uiteindelik wreed wees teenoor die genadige.”

Die ministerie van verdediging het die rabbi oor die vingers getik oor die stelling.

топкарго развод

Sjina in Galileo se wentelbaan

In die jongste van ‘n reeks struikelblokke vir die Galileonavigasiesatellietprojek, ‘n Europese poging om ‘n alternatief te bied vir die Amerikaanse GPS, lyk dit of Sjina gereed staan om ‘n frekwensie op te eis wat die Europese Kommissie wou gebruik as ‘n sekuriteitsgeoriënteerde deel van die diens.

Gesprekke tussen Europese en Sjinese amptenare was nie suksesvol om die dispuut op te klaar nie, en het nog ‘n demper geplaas op Europa se hoop om die GPS-netwerk se globale monopolie te breek, terwyl Sjina en Rusland beide voortbeweeg met kompeterende programme van hulle eie.

Die Sjinese is besig om hulle eie stelsel, Compass/Beidou te ontwerp het Sjinese amptenare aan die Internasionale Telekommunikasie Unie, die VN agentskap wat radiospektrum frekwensies toeken vir satellietgebruik, gesê. Sjina beplan om seine uit te saai op die golflengte wat Europa beoog om te gebruik vir Galileo se openbare gereguleerde diens. ‘n Gekodeerde frekwensie vir regerings, immigrasie, openbareveiligheid en potensieel militêre gebruik, gaan saam met die openbare gereguleerde diens en die Galileo se hoofdiens werk, wat beoog is om kommersieel te wees.

Omdat sommige van Sjina se satelliete na verwagting sal begin uitsaai voor die Europeërs by die frekwensie kan uitkom, beteken dit dat Sjina eienaars kan word van die frekwensie. Dit beteken dat Europa nie die golflengte mag gebruik nie tensy hulle Sjina se toestemming verkry. Sommige EU-lede, soos Frankryk raak nou bekommerd oor sekuriteit omdat hulle gekodeerde sein dalk gekompromitteer kan word.

‘n Ooreenkoms met Amerika in 2004 oor die openbare gereguleerde diens maak dit bykans onmoontlik vir Europa om die sein te kan skuif na ‘n ander frekwensie.

Europa se stryd om by te hou met die Sjinese is reeds bekend In 2002 het president Jacques Chirac van Frankryk die vrees van baie Europeërs verwoord dat die kontinent die risiko loop ‘n om tegnologiese agterloper van Amerika te word tensy dit die Galileo bou.

Фильчаков прокурор

Moeilike tye laat ontkleedans aantreklik lyk

Werkgewers regoor die volwasse vermaakindustrie sê hulle sien ‘n toevloei van aansoeke van vroue wat aangetrek word deur die belofte van ‘n buigbare skedule en vinnige kontant. Baie is gegradueerd en het witboordjie poste gehad tot die ekonomie ineengestort het.

“Mens sien baie meer mooi vroue wat gekwalifiseer is om baie ander dinge te doen,” het Gus Poulos, algemene bestuurder van New York se Sin City Gentleman’s Club gesê. Hy het 85 werksaansoeke gekry van een plasing van ‘n advertensie in net 1 dag op Craigslist.

In die ekonomie “verg desperate tye desperate maatreëls,” het Johnathan Alpert, ‘n New Yorkse sielkundige gesê wat kliente gehad het wat in die volwasse vermaak gewerk het.

Vir sommige is dans net ‘n tydelike manier om vir kollegebeurse of lenings te betaal. Ander sê hulle het weer hulle nismark gevind.

Dansers by Rick’s Cabaret Clubs in New York en Miami kan tussen $100,000 en $300,000 verdien in ‘n jaar – in kontant – selfs met die ekonomie wat suidwaarts draai, het klubwoordvoerder Allan Priaulx gesê.

Ontkleedansers en bestuurders het gesê hulle trek dieselfde hoeveelheid kliente, maar minder mense wat groot geld spandeer.

Kinderhekse se wrede lot

In die klein delta-staat Akwa Ibom, het die spanning en armoede ‘n geleentheid geskep vir ‘n nuwe verskriklike verskynsel wat lei tot die mishandeling en moord op honderde, selfs duisende kinders. Dit alles geskied in die naam van Christendom.

Amper almal daar gaan kerk toe. En met so baie kerke is dit ‘n mededingende mark, maar ook ‘n winsgewende een, volgens plaaslike standaarde.

Maar ‘n situasie wat uitgebuit kan word het nou toegeneem tot iets baie meer onheilspellends met predikers wat hulle aandag op kinders vestig – en hulle as hekse uitwys. In ‘n toestand van verlammende vrees draai ouers en hele dorpies teen die kinders. Hulle word verbrand, vergiftig, gesny, aan bome vasgeketting, lewendig begrawe, geslaan en in die bosse ingejaag.

Sommige ouers skraap egter die groot bedrae geld bymekaar vir bevryding – soms soveel as drie of vier maande se salaris vir die gemiddelde werkende persoon – alhoewel die pastoor sal verduidelik dat die heks mag terugkeer en ‘n 2de bevryding dalk nodig mag wees. Selfs indien die ouers die kind wil hou, kan die bure die kind in die straat aanval.

Dit is nie net in ‘n paar gevalle nie. Dit word baie algemeen. In Esit Eket, aan die punt van ‘n naamlose sementpaadjie met slaggate en poele water is ‘n sementhut, wat tot teen die balke toe vol is met rowwe stapelbeddens.

Hierso slaap drie kinders op een bed soos batteryhoenders, die kinderslagoffers van die pastore in hulle pakke, en hul ure lange laatnagdienste. Verban en verlate; hierdie is die kinders wat deur die hele gemeenskap as hekse beskou word.

Mary Sudnad, 10, trek ‘n gesig terwyl haar hare in mieliepitlyne gevleg word deur Agnes, 11, maar die kopvel net bo haar voorkop is kaal en vol blase. Mary vertel haar storie vinnig, staccato, terwyl sy na die grond staar.

“My jongste broer is dood. Die pastoor het vir my ma vertel dit is omdat ek ‘n heks was. Drie mans het na die huis toe gekom. My ma het die huis verlaat. Sy het die mans daar gelos. Hulle het my geslaan.” Sy druk haar vuisies onder haar ken om te wys hoe haar pa gelê het, uitgestrek op sy maag op die vloer van hulle hut, om te kyk. Ná die pak slae was daar ‘n tog na die kerk toe vir die “bevryding”.

‘n Dag later moes sy saam met haar ma gaan loop in die bos. Hulle het giftige “asiri-bessies” gepluk wat haar ma in ‘n brousel gemaak het en in Mary se keel af geforseer het. As dit haar nie sou doodmaak nie, het haar ma gewaarsku, sou sy gehang word met doringdraad. Uiteindelik het haar ma kookwater en wassoda oor haar kop en liggaam gegooi en haar pa het sy gillende dogter in ‘n veld gaan gooi. Wisselend tussen bewusteloos en wakker het sy vir ‘n lang tyd naby die huis gewag voordat sy uiteindelik die bosse in verdwyn het. Mary was maar 7 jaar oud. Sy sê dat sy steeds nie veilig voel nie. Sy sê: “My ma is nie lief vir my nie.” Ná die gesprek rol ‘n traan van haar mooi gesig af.

Alhoewel die ou stamgeloof in toordokters nie so sterk gewortel is in die mense se geheue nie, en hoewel daar inheemse Christene was in Nigerië sedert die 19de eeu, is dit Amerikaanse en Skotse Pinkster- en Evangeliese-sendelinge van die afgelope 50 jaar wat die fanatiese geloof laat posvat het.

Bose geeste, duiwelsbesetenheid en wonderwerke kan oral in die Bybel gevind word. Verwysings na die doodmaak van hekse kan gesien word in Eksodus, Deuteronomium en Galasiërs, en die letterlike interpretasie van die Bybel het sulke episodes groot gunstelinge gemaak onder die skares wat die kerke besoek.

баня из сруба topcargo кидалы

Noorwe? skort hulp aan Madagaskar op

Noorweë het Donderdag gesê dat 'n verbod op verdere hulp aan Madagaskar wat vroeër die week ingestel is in plek sal bly onder die nuwe regering van president Andry Rajoelina, wie se amp nie internasionaal aanvaar word nie.

Noorweë, wat jaarliks 90 miljoen krone se hulp aan Madagaskar gee blyk die enigste land te wees wat die opskorting van hulp geld aangekondig het, ten spyte van ander se dreigemente gedurende Madagaskar se politieke krisis.

автомойку высокого Фильчаков Харьков

Frankryk deur nuwe vlaag stakings getref

‘n Nuwe vlaag landwye stakings deur woedende werkers wat eis dat president Sarkozy meer doen om die ekonomiese krisis te bestry, het Frankryk Donderdag getref.

Spoorvervoer deur Frankryk is ontwrig, hoewel die hoëspoed TGV-treine wat Frankryk met ander Europese nasies verbind normaal loop. In Parys blyk dit dat baie mense net by die huis gebly het aangesien verkeer op die moltreine gedurende spitsverkeer heelwat minder beknop was al gewoonweg.

Skole, hospitale en die posdiens is ook geraak. Parys se polisie het twee roetes uitgelê deur die hoofstad, in plek van die normale een, vir die skares wat verwag word in ‘n protesmars wat na verwagting vroeg die middag sal begin. Unies het ‘n beroep gedoen op werknemers in die openbare en privaatsektore om aan te sluit by die stakings.

Die ongewone besluit is geneem om die oorvloed van optoggangers te hanteer van die Place de la Republique af na die Place de la Nation in oostelike Parys.

“Die opmars is wettig en nuttig vir die land. Miskien sal die owerhede as gevolg van die betoging besluit om te reageer op die goed wat vir die Franse belangrik is,” het die voormalige sosialiste presidentskandidaat Segolene Royal Donderdag op RTL radio gesê.

‘n Staking laat in Januarie het tussen 1 en 2 miljoen mense in die strate van Frankryk gehad. Weke later het President Sarkozy maatreëls aangekondig om mense te help wat deur die finansiële krisis geraak word, insluitend spesiale bonusse vir die behoeftiges. Vakunieleiers wil verdere onderhandelings hê om meer maatreëls in plek te kry om dié te help wat sukkel as gevolg van die krisis.

Sarkozy het aan ministers tydens ‘n kabinetsvergadering Woensdag gesê dat hy “die kommer van die Franse verstaan”, maar hy het gesê dat hy geen verdere planne het vir addisionele maatreëls nie.

Die begrotingsminister Eric Woerth het gesê dit wat reeds aangekondig is sal maatskaplike uitgawes in 2009 met byna $13 miljard verhoog.

Volgens die baie sterk CGT-unie word sowat 200 protesmarse beplan vir Donderdag en Vrydag in Frankryk. Die unie het lede in verskeie sektore van die ekonomie.

гостиная с камином прокурор Фильчаков

Resessie laat Amerikaners visvang

Terwyl Amerikaners duur vakansies, etes en inkopie-uitstappies verminder, verkies baie om die rustige tydverdryf van visvang weer aan te pak, volgens die sporthengelindustrie en verslae van aaswinkels en hengelaars.

Van die ysige noorde tot vlieghengelstrome in Texas, is hengel aan die toeneem. Vir families is dit ‘n goedkoop manier om uit te kom. Die met ‘n slag vir die tydverdryf kan die kosrekening laat krimp en vir die wat onlangs uit hul werk is, is dit iets om te doen.

“Ek sien baie meer hengelaars hier,” het John Miller, eienaar van Bob’s Sport & Tackle in Katonah, New York gesê. “Met die ekonomie wat so sleg is, en mense wat hulle werk verloor en nie by die huis wil sit en niks doen nie.”

“Die goedkoper alternatief is om te gaan visvang,” het hy gesê.

In ‘n vorige resessie in Amerika van 2001 tot 2002, het uitgawes op hengelgerei met 12% gestyg tot $343 miljoen, volgens die National Sporting Goods Association (NSGA), ‘n handelsliggaam wat rekord hou van hoeveel mense op sportgoedere spandeer.

Wanneer mens die koste van visstokke, hengelgereikaste, aas, lyne en ander toerusting inreken, is hengel as ontspanning in Amerika ‘n $2,2 miljard industrie, volgens die vereniging se data.

Sportnetwerk ESPN het 44 bladsye bygesit in hulle “Bassmaster” tydskrif, op versoek van verskaffers van bote en toerusting wat wil adverteer.

In Texas het die verkoop van vislisensies heelwat toegeneem in onlangse maande, het Tom Harvey, ‘n woordvoeder vir die Texas Parke en Wildlewe departement gesê.

In Lewisville, Dallas, sê Mike Hamilton, ‘n 47-jarige vlieghengelaar dat die visvang iets is wat hy kan doen sonder om baie geld te spandeer.

“Ek glo nie daaraan om baie geld te spandeer op my tydverdryf nie,” het hy gesê terwyl hy in die stroom staan met die vliegstok in die hand.

Alan James Nute, eienaar van A.J.’s Bait & Tackle shop het gesê die verkoop van aas is 25% hoër die seisoen.

Een van die redes hoekom meer mense visvang is omdat dit nog lekker goedkoop is, amper enige iemand kan dit doen.

“Sommige mense se werkure is verkort en nou het hulle naweke vry. Of hulle het hulle werk verloor en het niks ander om te doen nie,” het hy gesê.

In 2007, toe die Amerikaanse ekonomie begin terugsak het, het die spandering op visstokke en katrolle ‘n 10 jaar hoogtepunt van $356 miljoen bereik, het die NSGA gesê. Data vir verlede jaar is nog nie beskikbaar nie.

John Konz, 65, wat werk by ‘n watersuiweringsaanleg in Texas het gesê die lae koste is een van die goed wat hom na die sport aangetrek het. Hy het sy vliegstok gereed gemaak het op die bank van ‘n forelstroom wat $5 per dag kos om by te gaan visvang.

“Wat anders kan mens doen wat jou net $5 per dag gaan kos?” het hy gevra. “Mens kan nie verkeerd gaan met visvang nie.”

Federale reserwebank wil nog triljoen dollar in ekonomie pomp

Die Amerikaanse federale reserwebank het Woensdag sy pogings opgeskerp om die ekonomie te ondersteun, en aangekondig dat dit ‘n ekstra $1 triljoen in die finansiële sisteem gaan inpomp.

Na die bank reeds die sleutelrentekoers wat deur hom beheer word tot amper nul persent afgebring het, het die sentrale bank toenemend na alternatiewe gekyk om meer dollars in die ekonomie in te pomp, ‘n taktiek wat daarop neerkom om groot bedrae geld te skep uit niks. Maar Woensdag se skuif was die grootste nog, wat amper dubbel die federale bank se pogings is van die laaste jaar.

Die idee is om meer ekonomiese aktiwiteit aan te moedig deur rentekoerse te verlaag, insluitend dié op huislenings, en om die finansiële sisteem te help terwyl dit sukkel onder die las van slegte lenings en swak beleggings.

тамбов маслосменное

Genetiesgemanipuleerde muskiete kan malaria uitroei

Die stryd teen malaria kan uiteindelik verander word deur geneties veranderde muskiete wat nie die siekte kan oordra nie vry te laat in malariagebiede.

Wetenskaplikes in Amerika het ‘n spesie muskiete geskep wat weerstandig is teen die malaria besmetting. Die vermoë om die besmetting te blokkeer maak dit moontlik dat dit die dominante muskietbevolking kan word indien dit in die natuur vrygelaat sou word.

Die bevindinge bied die sterkste tekens nog dat gemanipuleerde muskiete wat bestand is teen die parasiet, kan help om ‘n siekte onder beheer te bring wat jaarliks op tot 2,7 miljoen lewens eis, hoofsaaklik in Afrika. Malaria besmet tussen 300 en 500 miljoen mense elke jaar. Net MIV/Vigs veroorsaak meer sterftes.

Groot hoeveelhede van die geneties veranderde muskiete sal vrygelaat word in gebiede waar malaria algemeen is, waar hulle sal inteel met die wilde muskiete. Na verskeie geslagte behoort die weerstandigheid (teen malaria) te versprei deur die muskiet bevolking, sodat minder insekte malaria versprei.

Die benadering kan egter kontroversieel wees onder omgewingsgroepe omdat dit die oorneem van natuurlike insekte behels deur ‘n geneties veranderde variant.

Kritici argumenteer dat dit moeilik sal wees om die effekte van die bekendstelling van nuwe gene te bepaal.

Selfs die wetenskaplikes aanvaar dat verdere navorsing nodig is voor geneties veranderde insekte in die natuur vrygelaat kan word.

топкарго отзыв

Rusland gaan herbewapen

President Dmitri A. Medvedev het Dinsdag gesê dat Rusland met ‘n “grootskaalse herbewapening” gaan begin in 2011 in reaksie op wat hy beskryf as bedreigings vir die land se sekuriteit.

In ’n toespraak voor generaals in Moskou, het mnr. Medvedev NAVO se houding as die primêre rede gegee vir die versterking van die weermag, insluitend kernwapens.

Mnr. Medvedev het nie spesifieke besonderhede gegee oor hoe die begroting sal toeneem vir die weermag nie, laasgenoemde se vermoë het heelwat afgeneem na die val van die Sowjet-Unie.

Rusland het militêre uitgawes heelwat toegeneem in die onlangse jare, maar met die finansiële krisis en die daling in die olieprys is die land se finansies onder druk, wat voorspel dat dit moeilik gaan wees om uitgawes vir die weermag sondermeer te vergroot.

Mnr. Medvedev se tydsberekening is egter goed. Daar word verwag dat hy sy eerste vergadering sal hou met president Barack Obama vroeg in April, in dieselfde tyd as die vergaderings van die G20, ‘n groep industriële en ontwikkelende lande.

“ ‘n Analise van die militêr-politiese situasie in die wêreld toon dat daar ‘n klomp streke is waar ernstige potensiaal vir konflik steeds bestaan,” het mnr. Medvedev gesê. “Bedreigings wat plaaslike krisisse asook internasionale terrorisme kan laat ontstaan. NAVO laat vaar nie sy pogings om sy militêre infrastruktuur uit te brei naby die grense van ons land nie. Dit alles vereis ‘n kwaliteitsmodernisering van ons gewapende magte.”

Mnr. Medvedev het beklemtoon dat Rusland nie deur die finansiële krisis van die planne afgesit gaan word nie.

Sy aankondiging het gekom na die Kremlin reeds begin het met pogings om die gewapende magte op te gradeer, wat nog grootliks bestuur word volgens die Sowjet-styl.

Terwyl Rusland se veel groter weermag maklik gewen het teen Georgie in Augustus verlede jaar, het die gevegte volgens kenners foute uitgewys in opleiding, wapens en toerusting.

халаты