Streeksnuus – Bladsy 23

Korrupsie nie so erg, s? Teenkorrupsieforum

Fraser-Moleketi

Openbare persepsies oor korrupsie en die werklike omvang van die probleem verskil geweldig, het ’n studie getoon wat gister aan die Nasionale Teenkorrupsieforum voorgelê is.

Die studie oor korrupsie in die privaatsektor toon dat omkopery slegs by 11,5 persent van maatskappye voorkom wat deel van die opname is, maar dat 74 persent glo dat korrupsie bestaan.

“Dit wys vir ons dat negatiewe persepsies een van die grootste uitdagings in die stryd teen korrupsie is,” sê Geraldine Fraser-Moleketi, die ANC-minister van Staatsdiens en Administrasie.

Die studie wat deur Besigheid teen Misdaad Suid-Afrika onderneem is, het 760 maatskappye in 14 nywerheidsektore regoor Suid-Afrika bestudeer. Dit toon dat die algemeenste vorms van korrupsie plaasvind by die toekenning van tenders, gevolg deur diefstal by maatskappye en “frontpersone” as dit kom by swart bemagtiging.

Terwyl omkoopgeld die algemeenste was, word sogenaamde gunslone en selfs geskenke en gewone gunse gebruik om korrupte verhoudings te bewerkstellig.

Omkoopgeld van onder R1000 oorheers, maar daar is ook baie gevalle waar groter bedrae betaal word en waar selfs meer as R1 miljoen van eienaar verwissel.

Nog ’n dokument wat deur die forum bespreek is, is ’n verslag oor ondersoekende joernalistiek en korrupsie wat deur die SA Nasionale Redakteursforum voorgelê is.

Volgens Fraser-Moleketi toon dit dat die media se fokus op hoëprofielkorrupsiesake tot ’n “negatiewe psigose” bydra dat Suid-Afrika in die algemeen korrup is. Sy het voorbeelde soos adjunk-president Jacob Zuma en die parlementêre reisskandaal gegee.

Die ANC-minister sê dat haar regering trouens in die meeste gevalle korrupsie ontbloot.

Volgens die forum behoort die media verby ondersoekende joernalistiek te streef en ’n meer bemagtigende en opvoedkundige rol te speel. Daarbenewens moet daar meer gereeld oor positiewe verwikkelinge in die stryd teen korrupsie ook berig word.

лобановский класс

Grondeis ontaard in ‘n bakleiery

Xingwana: nog onteienings oppad

Die eerste eiendom wat deur die regering onteien is, naamlik die Lutherse kerk se plaas buite Pniel in die omgewing van Kimberley, is tans ’n twispunt tussen die eisers. Die staat sal gevolglik vir ’n ruk as kurator van die grond optree voordat dit aan die eisers oorhandig word.

Mashile Mokono, grondeisekommissaris in die Limpopo-provinsie, het die Pniel-gemeenskap op 10 Maart toegespreek en verduidelik dat die grond, wat op 26 Januarie vanjaar in die regering se naam geregistreer is, nie dadelik aan die gemeenskap oorhandig gaan word nie.

’n Bakleiery tussen lede van die Gemeenskapseiendomvereniging, wat die eisers verteenwoordig, het tot dié besluit gelei. Die staat sal op 15 Maart fisies besit van die eiendom by die Lutherse kerk oorneem. Volgens Mokono moet die eisverifikasieproses ook nog gefinaliseer word en planne beraam word vir hoe die grond in die toekoms benut gaan word.

Die Lutherse kerk en die regering het vier jaar lank oor die prys van die 25 000 hektaar onderhandel, totdat minister Lulu Xingwana op 13 Februarie vanjaar besluit het die proses het lank genoeg geduur en dat die grond onteien sou word. Die plaas is uiteindelik vir R35.5 miljoen verkoop.

Ses plase in die noorde van die Mpumalanga-provinsie is volgende op die regering se lys van eiendomme wat onteien gaan word. Die regering se spertyd vir die afhandeling van bykans 7 000 grondeise verstrek aan die einde van volgende jaar. Teen 2014 moet 30% van landbougrond in die land in swart hande wees. Dit behels 26 miljoen hektaar grond waarvan 24,6 miljoen hektaar tans in wit besit is.

“Dit beteken ons kan nog 12 000 kommersiële boere verloor,” sê dr Chris Jordaan, bestuurder van eiendomsreg by TLU SA, aldus Rapport op 22 Maart.

In 1993 was daar 57 980 plase wat in 2002 tot 45 818 verminder het. Bykans 200 000 plaaswerkers is in hierdie periode afgedank. Die aantal boere het in dieselfde periode met ’n derde verminder van 68 647 tot 46 027. Volgens Agri SA en TLU SA is daar tans nie meer as 40 000 kommersiële boere in die land oor nie.

Anargie by Binnelandse Sake

Mapisa-Nqakula

Nosiviwe Mapisa-Nqakula het gister bekendgemaak dat afgetrede rekenmeesters en inligtingstegnologiedeskundiges die Departement van Binnelandse Sake gaan bystaan om die huidige chaotiese situasie te probeer beredder.

Dit volg op bevindinge van ’n taakspan beamptes van die Staatsdienskommissie en ander staatsinstellings wat bevind het dat die departement “ernstige bestuursprobleme” ondervind. Die bestuur van menslike hulpbronne is uitgesonder as een van die ernstigste kwessies waarmee Binnelandse Sake tans worstel. “Ons moet die hele departement herstruktureer,” het Mapisa-Nqakula gister tydens haar perskonferensie gesê. Daar is tans geen direkteur-generaal wat die departement bestuur nie. Volgens die minister gaan sy poog om die posisie voor die einde van Mei te vul. Die volledige verslag van die taakgroep sal eers aan die media beskikbaar gestel word nadat die parlementêre komitee vir Binnelandse Sake die bevindinge volgende week bespreek het.

Intussen het die Demokratiese Alliansie (DA) gister die regering daarvan beskuldig dat hy hardkoppig ontken dat sy swart bemagtigingsbeleid die rede vir Suid-Afrika se vaardighedekrisis is. Die DA-woordvoerder, Mark Lowe, het verklaar dat die party nie ’n probleem het met regstellende aksie om die ongelykhede van die verlede reg te stel nie, maar wel met die wyse waarop die beleid toegepas word. “Meriete en kwaliteit” word misken en “ras” eerder as “individuele vermoë” word as kriterium vir aanstellings gebruik. Volgens Lowe is “apartheidonderwys” gedeeltelik verantwoordelik vir die huidige gebrek aan vaardighede, maar kan foute van die afgelope elf jaar ook hiervoor geblameer word. Die SITA-stelsel funksioneer tans nie, skoolonderwys gaan agteruit en ervare senior staatsamptenare word afgedank, terwyl daar nie genoeg swart beamptes met ervaring is om die posisies te vul nie.

Die Vryheidsfront Plus (VF+) gaan intussen voort om hulle klag oor regstellende aksie met die Internasionale Arbeidsorganisasie (waarvan minister Membathisi Mdladlana die voorsitter is) op te volg. Volgens Willie Spies, die party se woordvoerder, word regstellende aksie gebruik om “’n nuwe vorm van apartheid” te bewerkstellig.

Ons eie Warren Buffet

Die batebestuursgroep Allan Gray het op 7 Maart bekendgemaak dat amper 19% van hul aandele aan ’n swart bemagtigingsmaatskappy, E², verkoop is. Thando Mhlambiso is die voorsitter van die swart groep. Standardbank het die lening aan E² toegestaan waarmee die aandele gekoop is. Die stigter van die fondsbestuursgroep, Allan Gray, het verder R1.1 miljard van die transaksie se opbrengs geskenk vir beurse om studente te help wat entrepreneurs wil word. Sowat 500 studente sal oor die volgende vyf jaar beurse ontvang wat al hulle koste sal dek. E² gaan uit sy dividendopbrengs sy fondse kry. Daar word gehoop dat die Gray-studente uiteindelik van E² se fondse gebruik sal maak om hul eie besighede te begin.

Prof Jakes Gerwel, voorsitter van Allan Gray Orbis Foundation Africa Endowment en Allan Gray Orbis Foundation, het gesê dié stap laat hom dink aan die Amerikaanse beleggingsdeskundige Warren Buffet wat meer as $43 miljard aan liefdadigheid geskenk het.

Volgens Allan Gray, ’n Suid-Afrikaner wat tans in die buiteland woonagtig is en die firma in 1973 begin het, glo hy nie daarin om sy geld aan sy kinders na te laat nie, maar verkies hy om dit in die gemeenskap te belê.

“We are almost obsessed with performance,” lui Allan Gray se gevleuelde woorde op die maatskappy se webwerf.

Hy gaan verder volgende maand ’n bemagtigingstransaksie met personeel bekendmaak wat 10% in die groep gaan verkry. Die totale belang in swart hande sal dan op 27% te staan kom.

As ’n laaste vrygewige gebaar het Gray ook aangekondig dat die kinders van Allan Gray-werkers, wat minder as R250 000 per jaar verdien, se studiegeld betaal sal word.

купить воронеж ключи

Waar is ons gratis onderwys?

Die ANC-regering het die mense van Suid-Afrika in die steek gelaat deur nie gratis onderwys in alle staatskole te verskaf nie. Dit is die mening van die Congress of South African Students (Cosas).

“Cosas dring daarop aan dat privaat skole genasionaliseer word en dat gratis onderwys in alle staatskole aangebied word,” het die voorsitter van Cosas, Kenny Motshegoa, gesê. Die verklaring is gister uitgereik ná die organisasie se uitvoerende komiteevergadering wat verlede week plaasgevind het.

“Ons dring aan op die skrapping van skoolgeld, dat geskiedenis ’n verpligte vak word asook ’n produktiewe, werkersklasgerigte sillabus,” het Motshegoa voorts kwytgeraak. Cosas het verder studente opgeroep om betrokke te raak in die stryd teen vigs en het geëis dat die ouderdom vir alkoholgebruik van 18 tot 21 jaar verhoog word. Drankmaatskappye behoort verder rehabilitasiesentra vir jongmense met drankprobleme oral in die land op te rig as “deel van hulle sosiale verantwoordelikheid.”

Volgens Motshegoa gaan Cosas sy bes doen om regeringsbeleid oor onderwyskwessies te beïnvloed. Hulle gaan die regering versoek om die huidige voedselprogram na hoërskoolleerlinge uit te brei. Veiligheid in skole en een nasionale skooluniform vir alle leerlinge is ook op hulle agenda.

Die studente het hulle steun uitgespreek vir Jacob Zuma as volgende leier van die ANC en staatshoof van die land. Hulle het 16 Maart as “dag van militante aksie” teen die onderwysdepartement verklaar. Leerlinge gaan op daardie dag gevra word om te betoog vir gratis onderwys vir almal.

Swart boere in Zim se wittebrood verby

Gideon Gono

Robert Mugabe se regering gaan binnekort finansiële hulp onttrek aan swart boere wat ingevolge die land se grondhervormingsbeleid blanke plase oorgeneem het.

Hierdie stap volg op beskuldigings verlede week deur Gideon Gono, goewerneur van die Zimbabwiese reserwebank, dat die grondhervormingsprogram ’n chroniese voedseltekort laat ontstaan het.

Plase is sedert 2000 lukraak gekonfiskeer en swart boere het nóg die toerusting, nóg die ervaring gehad wat nodig was om die grond suksesvol te bestuur. Die reserwebank het tot dusver baie van hierdie nuwe boere finansieel gehelp. Gono het egter die afgelope naweek bekendgemaak dat hulle binnekort “gespeen” gaan word. “Dit is nou sewe jaar sedert ons ons grond teruggeneem het, maar ons kyk steeds na die regering vir hulp,” het die goewerneur gesê. “Volgende seisoen gaan ons alle A2 (swart) boere speen, want hulle is nou volwasse.” Hy het boere wat groot plase besit verder beskuldig dat hulle hul regeringsubsidies misbruik en in gebreke bly om lenings terug te betaal.

Tydens sy toespraak voor ’n parlementêre komitee verlede week het Gono gesê dat dit “’n skande” is dat Zimbabwe ten spyte van grondhervorming steeds voedsel moet invoer.

Die inflasiekoers staan tans op 1 600% (die hoogste ter wêreld). Verlede jaar moes 565 000 ton mielies uit Suid-Afrika en Zambië ingevoer word. Volgens die Verenigde Nasies gaan sowat 15% van die bevolking van voedselhulp afhanklik wees tot die volgende oes in April plaasvind. Intussen het die regering besluit om die uitvoer van beesvleis na die Europese Unie (EU) te stop, aangesien hulle nie aan die nuwe, streng kriteria kan voldoen nie. Vroeër is sowat 9 ton vleis per jaar na EU-lande uitgevoer. Zimbabwe se 1.5 miljoen beeste het die afgelope paar jaar dramaties afgeneem tot slegs 250 000.

Verlede week het lede van die Zimbabwiese intelligensiediens beslag gelê op kassette met die onderhoud wat die staatsradio- en TV-stasie met Mugabe gevoer het tydens sy onlangse verjaarsdagvieringe. Hy het skerp te velde getrek teen sy ambisieuse visepresident Joyce Mujuru en daar word vermoed dat Mugabe die kassette laat konfiskeer het om verdere onenigheid in die regerende party te vermy.

Intussen is Edgar Tekere, veteraanpolitikus en een van die stigterslede van ZANU-PF, uit die party geskop omdat hy Mugabe durf kritiseer het in sy onlangse boek, A Lifetime of Struggle. In die boek beskryf Tekere Mugabe in die beginjare van die stryd as “ besluiteloos, swak en sonder enige militêre ervaring.” Hy verwys ook na sy hooghartige houding en die feit dat hy geen vriende gehad het nie. Volgens Mugabe is A Lifetime of Struggle, wat tans ’n blitsverkoper in Zimbabwe is, die produk “van ’n ongebalanseerde persoon.”

mobile casino Лобановский Харьков

Regstellende aksie hier om te bly

Mdladlana

Membathisi Mdladlana, minister van arbeid, het Saterdag verklaar dat regstellende aksie in Suid-Afrika “nooit sal verdwyn nie.” Hy het die jaarlikse Koning Silamba-byeenkoms van die Ndebele in Pretoria toegespreek.

“In teenstelling met oproepe in die parlement deur die Demokratiese Alliansie-opposisie gaan regstellende aksie en huidige gelyke indiensnemingwetgewing nooit herroep word nie, maar wel sterker toegepas word,” het die minister gesê.

Mark Lowe van die Demokratiese Alliansie het verlede week tydens ’n parlementêre debat oor werkskepping gevra dat regstellende aksie afgeskaf word. Hy het die tekort aan gekwalifiseerde ambagsmanne op regstellende aksie geblameer. Die Verenigde Party, die Vryheidsfront Plus, asook Mangosuthu Buthelezi, het almal die versoek gesteun.

Volgens Mdladlana is regstellende aksie nie diskriminasie teen sekere bevolkingsgroepe nie, maar wel ’n poging om “ongelykhede van die verlede” reg te stel. Hy het verder ontken dat regstellende aksie net van toepassing is op “diegene wat ons ingestem het.”

In sy reaksie het Dirk Hermann van Solidariteit gesê Mdladlana behoort as voorsitter van die Internasionale Arbeidsorganisasie te bedank, aangesien sy siening oor regstellende aksie nie ooreenstem met die organisasie se beleid nie. Volgens die organisasie is regstellende aksie bloot van ’n tydelike aard.

Willie Spies van die Vryheidsfront Plus het ook die minister se uitspraak veroordeel en gesê dat hy sy reputasie as “een van die ANC se mees geharde rassiste” hiermee bevestig het.

De Klerk bekommerd oor grondwet

Grondwet sal ons red

Die vorige president FW de Klerk meen 2007 gaan ’n bepalende jaar vir Suid-Afrika wees. Hy voorsien stormagtige jare vorentoe en daarom wil hy hê dat die land by sy grondwet moet hou.

Onlangs is die grondwet vertrap deur die Transvaalse Hooggeregshof wat Ermelo-hoërskool gedwing het om sy taalmedium te verander.

Tydens ’n kongres by Sun City, het De Klerk gemeen heelwat hang af van die uitslag van “die huidige stryd om die siel van die ANC” tussen Cosatu, die SA Kommunisteparty en die ANC-jeugliga, enersyds en andersyds die algemene rigting wat deur ANC-presidente Thabo Mbeki en Nelson Mandela neergelê is.

Hierdie stryd sal by die ANC se komende nasionale konferensie in Desember beslis word.

“Ongelukkig het diegene van ons buite die ANC-alliansie min of geen sê in hierdie proses nie, wat nogtans die omgewing waarin ons leef en werk vir die afsienbare toekoms gaan bepaal,” het De Klerk gesê.

“Miskien, soos bekommerde familie, behoort ons rol te wees om vriendelike raad in die geheim te verskaf…”

Onder andere behoort die waardes waarop die nuwe maatskappy gebaseer is, onderhou te word, soos hulle in die grondwet verwoord en beliggaam is, het hy voortgegaan.

Die nuwe Suid-Afrika sal slaag of misluk na gelang van sy vermoë om by die grondwet te hou en die nasionale konsensus wat dit verteenwoordig.

Terselfdertyd behoort meer gedoen te word om die ernstige probleme wat die land in gesig staar op te los – om die lyding wat vigs veroorsaak te vookom en te verlig, asook die voortdurende en onaanvaarbare ongelykheid en armoede in ons samelewing.

“Sowel vigs as misdaad verteenwoordig eksistensiële krisisse en vereis die mobilisering van watter nasionale hulpbronne ook al nodig is om hulle te beveg.”

Hy het gemeen dis van die allergrootste belang om doeltreffend op te tree teen die grondliggende oorsake van armoede en ongelykheid, veral werkloosheid.

Terwyl daar vele oorsake vir werkloosheid is, staan die rigiede arbeidswetgewing sentraal. Dit het die reële arbeidskoste ver bokant ander ontluikende ekonomieë verhoog waarmee Suid-Afrika in globale markte moet meeding. Hoë koste en oorregulering ontmoedig indiensneming.

“’n Arbeidstelsel wat minimum standaarde vir almal daarstel, is nodig, maar in ’n land soos Suid-Afrika is veel meer buigsaamheid nodig, veral vir mediumgrootte en kleiner ondernemings,” het hy gesê.

“Suid-Afrika word binnekort 13 jaar oud. Soos die meeste ouers, is ons baie lief vir ons tiener. Ons kan nie verhelp om vir ons vriende die jongste foto’s te wys en om hier en daar ’n bietjie oor skoolrapporte en sportprestasies te spog nie.”

“Feit is dat ons tienermaatskappy met al sy groeipyne soveel beter as die oue is. Maar as ons tienermaatskappy die stormagtige jare vorentoe gaan oorkom, moet hy by die bewese waardes in ons grondwet hou.”

Uiteindelik het dit slegs nodig om die verbintenisse waaroor reeds ooreengekom is in terme van NEPAD na te kom en om by internasionale norme van goeie regering te hou.

“Indien die samelewing al hierdie dinge doen, het ek geen twyfel dat dit in ’n sterk, gebalanseerde en suksesvolle volwassene sal ontwikkel nie,” het De Klerk afgesluit.

SA sakemanne geesdriftig oor grondhervorming

Op 20 Februarie het ‘n groep Afrikaanse sakelui voorstelle oor grondhervorming aan president Mbeki en minister Lulu Xingwane voorgelê.

Die groep het bestaan uit Ton Vosloo (voorsitter van Naspers), prof Willie Esterhuyse (kenner van sake-etiek en een van die figure wat destyds ‘n leidende rol in die samesprekings tussen die ANC en die NP gespeel het), mnre Mof Terreblanche (oud president van die Afrikaanse Handelsinstituut en Vrystaatse sakeman ), Thys du Toit (hoof van Coronation), Hendrik du Toit (hoof van Investec se batebestuurdepartement), G.T. Ferreira (voorsitter van Rand Aksepbank) en Giuseppe Ciucci (hoof van Stonehage Wealth Management).

Hulle het ‘n verslag oor die Renosterrivierprojek, wat beoog om ‘n model vir grondhervorming te wees, aan die president voorgelê. Mof Terreblanche, wat self ‘n plaas het in Edenville (naby die Renosterrivier-projek) en die koördineerder is van die proefprojek, meen swart boere is gedoem tot mislukking wanneer grond aan hulle gegee word sonder dat hulle oor die nodige vaardigheid beskik. Dan is daar ook die swak winsgewendheid van die landbousektor, die tekort aan finansiering en die gebrekkige ervaring van opkomende boere wat ‘n rol speel.

Volgens die verslag behoort daar nie soveel klem op die oordrag van grond geplaas te word nie, maar eerder op die volhoubaarheid van die nuwe ondernemings. Swart boere moet opgelei word en daar moet van “agterdog en wantroue” ontslae geraak word. Die privaat sektor gaan ‘n ondersteuningsentrum stig om boere te help. Vennootskappe tussen swart boere en gevestigde boere om saam beeste te voer en te bemark, word ook beplan.

‘n Woordvoerder van Mbeki het die vergadering, wat by Genadendal plaasgevind het, as “vrugbaar” bestempel.

Ton Vosloo (eienaar van verskeie wonings in Frankryk) en G.T. Ferreira (eienaar van die wynplaas Tokara) het reeds R1.5 miljoen van hul eie fondse tot die projek bygedra.

Zimbabwe nader die eindspel

Zimbabwe is besig om die eindspel te nader met die laaste, desperate stuiptrekkings van ‘n bewind wat een van Afrika se min suksesvolle ekonomieë vernietig het en sodoende miljoene mense in gruwelike armoede gedompel het wat tot die dood van tienduisende weens wanvoeding en gebrekkige gesondheidsorg gelei het.

Kinders vind eiers op Harare-vullishoop

Dit mag nie vandag gebeur as president Robert Mugabe sy 83ste verjaardag met koek en sjampanje by ‘n partytjie van $1,2 miljoen vier terwyl honderdduisende Zimbawiërs sukkel om op brood en water te oorleef nie.

En waarskynlik sal dit nie in die aanloop tot 18 April, die 27ste herdenking van die einde van blanke heerskappy en Mugabe se magsoorname wees nie.

Maar jare van wanbesteding en verwaarlosing is besig om in onhoudbare krisisse te ontaard.

“Die mense se woede is besig om te styg,” sê die Zimbabwiese politieke wetenskaplike John Makumbe. “Hulle is nie meer bang om op straat te gaan nie en ek die regering vrees wat volgende mag gebeur.”

Die wêreld se ergste hiperinflasie is besig om buite beheer te raak, en daarmee saam kom tekorte aan kos, brandstof, medikasie en elektrisiteit. Die polisie het betogings in die opposisievestings in die hoofstad, Harare, vir drie maande verbied. En kritiek binne Mugabe se regerende party, wat verdeel is oor wie hom gaan opvolg en wanneer, is besig om toe te neem.

“Een en elke individu in die boonste lae” is besig om vir posisies te baklei, het Mugabe Woensdag op sy eintlike verjaardag tydens ‘n uitsending op die land se enigste staatsbeheerde televisiestasie gesê.

Maar hy het kategories verklaar: “Daar is geen vakante poste nie want ek is steeds hier.”

Mugabe blameer sanksies, droogte en die vorige koloniale mag Brittanje vir die ineenstorting van ‘n ekonomie wat op die uitvoer van ‘n verskeidenheid landbou- en minerale produkte gebaseer is.

Ander blameer die grondroof van die afgelope aantal jare waartydens Mugabe swartes aangemoedig het om die meeste van die 5 000 blanke kommersiële boere met geweld uit te dryf wat 40 persent van alle landbougrond besit het en 75 persent van alle landbou-uitset geproduseer het.

Blanke boere het die land se grootste arbeidsmag in diens gehad en hul uitsetting het tot die verplasing van 300 000 gesinne gelei. Die plase wat meesal aan Mugabe se familie, bondgenote en handlangers gegee is, het sedertdien in onbruik verval en Zimbabwe beskik nie oor die buitelandse valuta om voedsel in te voer nie.

Die Wêreldbank beraam dat dit meer as 20 jaar sal neem vir Zimbabwe se ekonomie om tot die vlakke van 1980 terug te keer toe die land as die broodmandjie van die streek beskou is.

Die verbod op betogings volg ná botsings oor die naweek waartydens polisie traangas en waterkanonne teen opposisievergaderings gebruik het. Die opposisie het beplan om te protesteer teen die hoë lewenskoste, asook Mugabe se plan om sy termyn tot 2010 te verleng.

Mugabe “maak oorlog” teen sy eie mense, het die opposisieleier Morgan Tsvangirai vandeesweek verklaar.

Die Nasionale Gronwetlike Vergadering, ‘n koalisie van menseregte-, kerk- en voetsoolvlakorganisasies, het gister, Vrydag, ‘n verklaring uitgereik waarin die polisieoptrede gekritiseer word.

“Dis nie ‘n misdaad om ‘n mens teen ‘n onwettige aanval te verset nie en indien nodig behoort mense hulself teen ‘n partydige, gewelddadige polisiemag te beskerm wat poog om ‘n diktatuur en die lyding van die gewone volk te verleng,” lui die verklaring.

Intussen vind mense dit toenemend moeilik om net te oorleef.

Die hiperinflasiekoers, wat tans naby aan 1600 persent verkeer en deur ekonome as ‘n reguit lyn boontoe op ‘n grafiek beskryf word, het die bevolking in opstand. Die aantal Zimbabwedollars wat ‘n drieslaapkamerhuis met’n swembad en tennisbaan in 1990 kon koop, sal vandag net ‘n baksteen koop.

Die maandelikse pensioen van iemand wat lewenslank in die staatsdiens gewerk het, kan nie meer ‘n brood koop nie. Liefdadigheidsorganisasies berig oor depressie, selfmoord en wanvoeding onder pensioenarisse – waarby ‘n tipe van vitaminetekort wat die tandvleis, bene en hare aantas, inbegrepe is.

Kinders ly die ergste onder hierdie toestande, met een uit vier Zimbabwiese kinders wat wees gelaat is en meer as 2 miljoen wat hongersnood in die gesig staar, het die VN se Kinderfonds laat weet.

Die regering probeer om die inflasie te beheer deur geld te druk en die wisselkoers te beheer. Verlede jaar, toe ‘n halfdosyn eiers meer as ‘n miljoen Zim-dollars gekos het en die armste Zimbabwiërs miljoenêrs was, het die regering eenvoudig drie nulle van die geldeenheid verwyder. Die minimum maandelikse salaris van ‘n bediende het van $15 miljoen tot $15 000 gedaal. Die amptelike wisselkoers is op 250 Zim-dollar per VS-dollar vasgestel, maar in werklikheid verhandel dit teen 5000 teen een.

Sekere Zimbabwiërs word ryk uit die ellende. Party- en regeringsamptenare met toegang tot buitelandse valuta koop dit teen die amptelike koers aan en verkoop dit dan teen die straatwaarde, waardeur hulle reusewinste maak.

азота Данильченко Харьков

‘Te min swart Geoktrooieerde Rekenmeesters kom deur’ – Instituut

Die Suid-Afrikaanse Instituut vir Geoktrooieerde Rekenmeesters het Vrydag sy teleurstelling uitgespreek oor die swak slaagsyfer van Geoktrooieerde Rekenmeesterstudente. Die slaagsyfer het met 14 persent afgeneem tot 41 persent terwyl die aantal suksesvolle swart kandidate insgelyks laag bly.

“Ons is teleurgesteld oor die lae slaagsyfer, veral onder die swart kandidate aangesien ons ons daartoe verbind het om die aantal swart OR’s in Suid-Afrika te vermeerder,” het die voorsitter van die instituut, Ignatius Sehoole, gesê. "Tot ons spyt voldoen die mees onlangse statistiek nie aan ons verwagtings nie wat gedeeltelik ‘n aanduiding is van die buitengewoon hoë standaarde wat aan aspirantrekenmeesters gestel word, asook die behoefte om ons pogings te versterk.”

As deel van die ANC-bewind se “transformasie”-beleid het groot ouditeursfirmas rojale beurse tot die beskikking van swart studente in die rekeningkunde gestel terwyl blankes dikwels ontmoedig word om om werk by sulke firmas aansoek te doen. In die bedryf word daar gespekuleer dat standaarde vir die OR-eksamen verlaag kan word om meer swart kandidate toe te laat om te slaag of dat ‘n kwotastelsel ingevoer mag word.

Volgens Sehoole het studente veral swak gedoen in die tweede deel van die eksamen in Bestuursrekeningkunde wat praktiese finansiële analise toets. Dit word deur kandidate afgelê wat reeds die eerste deel deurgekom het en wat oor ten minste 18 maande van praktiese ervaring beskik. “Dit is kommerwekkend,” het Sehoole verklaar.

Фильчаков

Ons buurman, die despoot

Verjaar lekker…

President Robert Mugabe van Zimbabwe word vandag 83. Hy is steeds veglustig, ten spyte van ‘n wankelende ekonomie, groeiende onrus in die land en onsekerheid oor wie hom gaan opvolg.

Daar word tans koorsagtig geld ingesamel by firmas en gewone burgers om te betaal vir ‘n reuse verjaarsdagpartytjie wat Saterdag gehou gaan word.

Volgens die Wêreldbank gaan die Zimbabwiese ekonomie vinniger agteruit as enige ander land ter wêreld – oorlogsgebiede uitgesluit. Met werkloosheid geskat op 80%, die inflasiekoers wat nou op 1 600% staan en Zimbabwiese vroue wat oor die laagste lewensverwagting op die planeet beskik (34 jaar), wil dit voorkom of die bevolking dalk nou genoeg gehad het.

Op 18 Februarie het die polisie padblokkades, traangas en waterkanonne gebruik om deelnemers aan ‘n (wettige) anti-regeringsbetoging te verdryf. Sedert die begin van die jaar was daar reeds verskeie stakings om hoër lone.

Morgan Tsvangirai, leier van die MDC, het ná die gebeure van 18 Februarie onderneem om alles moontlik te doen om Mugabe uit die stoel te lig. Sowat 130 mense is die vorige dag deur die polisie gearresteer.

Dit is nog nie ‘n uitgemaakte saak dat Mugabe volgende jaar, wanneer sy termyn verstryk, gaan aftree nie. ZANU-PF is tans besig met planne om die 2008 presidensiële verkiesing met twee jaar uit te stel, maar nie almal in die party stem hiermee saam nie. Mugabe is al sedert 1980 aan bewind.

Die Europese Unie het eergister hulle sanksies teen Zimbabwe met nog ‘n jaar verleng.

Intussen het Mugabe gisteraand in ‘n TV-onderhoud wat in Zimbabwe uitgesaai is, gesê dat daar geen “vakature” vir die presidentspos bestaan nie. Hy het diegene in ZANU-PF wat hulle tans posisioneer om hom op te volg, gewaarsku. Hy het soos gewoonlik teen Tony Blair te velde getrek en het verder die meerderheid ministers in sy kabinet as “oneerlik” en “korrup” bestempel.

Joyce Mujuru, vise-president van Zimbabwe, en Emmerson Mnangagwa, minister van landelike behuising, word tans as die sterkste aanspraakmakers op Mugabe se pos gesien.

Gerugte rondom Mandela

Die SAPS het gister te velde getrek teen ‘n reeks e-posse en ‘n sms-veldtog waarin blankes gewaarsku word dat oud president Nelson Mandela tans in ‘n koma verkeer en dat swartmense blankes gaan begin aanval sodra hy sterwe.

Sally de Beer, woordvoerder vir Jackie Selebi, het gister gesê die boodskappe het blankes verder aangesê om na “veilige areas“ te vertrek en om hulleself te beveilig. Sy het ontken dat daar enige waarheid in die boodskap steek. Volgens haar is die gerugte deur ‘n groep genaamd Suidlanders, onder leiding van Gustav Muller, versprei. De Beer meen dat daar met die veldtog beoog is om “rassehaat en histerie“ onder die bevolking aan te wakker.

Zelda la Grange, Nelson Mandela se assistant, het gister ‘n persverklaring uitgereik waarin sy sê dat Mandela tans in Mosambiek vakansie hou en dat hy nie siek is nie. Skynbaar doen hierdie gerugte al maande lank die rondte. “Ten spyte van ons pogings om dit te ontken, duik hierdie gerugte telkens weer op en word dan verder versprei,“ het sy gesê.

такое хамам

Afrikaanse skole is ‘rassistiese kastele’

Fikile Mbalula

Volgens die ANC-jeugliga verteenwoordig Afrikaanse skole “rassistiese kastele… waarin ouers daarna streef om ‘n rassismeduiwel te bestendig”. Die organisasie meen dat ouers van Afrikaner-kinders “wat vaskleef aan die rampspoedige apartheidsvisie” nie toegelaat moet word om hul “biologiese kinders op skool te vergiftig nie”. Die organisasie doen dus op ‘n manier aan die hand dat die staat soos in die voormalige Sowjetunie beheer sal neem oor Afrikanerkinders om hulle in staatswaardes te “skool” of te indoktrineer.

Die ANC-jeugliga beskou “die lawaai oor eksklusiewe Afrikaner-skole as bloot die top van die ysberg wat rassisme betref. Nie in ons leeftyd nie, en ook nie in ‘n miljard jaar sal ons rassisme toelaat nie!” het die leier van die beweging, Fikile Mbalula, gesê.

Die beweging se standpunt volg op die veldtog wat die ANC-onderwysminister teen Ermelo, die laaste oorblywende Afrikaanse hoërskool in die Oos-Transvaal, voer. Die hoofregter van die Transvaalse Hooggeregshof, Bernard Ngoepe, het verlede week in ‘n verrassende ommekeer uitspraak gegee teen die skool se reg om in Afrikaans voort te gaan.

Volgens die ANC-jeugliga wil Afrikaners hul “eie mense vanaf ‘n jong ouderdom die beketenis van eksklusiewe Afrikanerskap leer. Met ander woorde, hulle fantaseer nog daaroor om die beginsels van apartheid in ons demokratiese bedeling te beoefen”. Uiteindelik is hierdie begeerte verwant aan Afrikaners se strewe om nie ondertrou met diegene wat hulle as ‘n “minderwaardige ras” beskou nie.

Nietemin meen Mbalula dat nie alle Afrikaners die “Volkstaat”-droom of Afrikaanse skole wil hê nie. “Vele van hulle is demokrate wat besef dat hulle die werklikheid van ons reënboognasie moet aanvaar.”

прокурор Фильчаков