Nuus Archives - Page 182 of 403

Groot verandering kom in Amerika se buitelandse beleid

Wanneer verkose president Barack Obama Maandag sy nasionale sekuriteitspan bekend maak, gaan dit senator Hillary Clinton insluit, generaal James Jones, die voormalige NAVO-bevelvoerder, en Robert Gates, die huidige en toekomstige minister van verdediging. Hulle is gekies omdat hulle grootliks die aanpassing van die hulpbronne vir die land se verdediging ondersteun.

Die veranderinge, wat hoofsaaklik uit die reuse militêre begroting betaal sal word, sal 'n uitgebreide korps van diplomate en hulpwerkers daarstel, wat die Obama-administrasie se visie sal uitdra regoor die wêreld om konflikte op te los en gefaalde state weer te help opbou.

Of hulle verskil sal kan maak "sal die groot buitelandse beleidseksperiment van die Obamapresidentstermyn wees," het een van sy adviseurs gesê.

'n Jaar terug het Gates begin om praat oor die beperking van magte in oorloë waar geen oorwinning moontlik is nie. Hy het die statistiek wat deur Obama gebruik is, gewild gemaak, naamlik dat Amerika meer militêre orkeste het as dienende offisiere in die buiteland.

Hy het erken dat Amerika deels sy vermoë om teen 'n vyand op te staan, om hulp te verleen en te kommunikeer met ander dele van die wêreld, die "sagte mag" wat so belangrik was in die Koue Oorlog, ingeboet het. Hy het beide die Clinton en Bush administrasies blameer en in 'n onderhoud gesê "dit is amper asof ons alles vergeet het wat ons in Viëtnam geleer het."

Obama se keuse vir nasionale sekuriteitsadviseur, Jones, het voor die verkiesing gesê, "moenie 'n fout maak nie, NAVO wen nie in Afganistan nie."

Hy het voortgegaan en beskryf waarom Amerika en sy bondgenote nie wen nie. Na byna sewe jaar se oorlog het hulle nie daarin geslaag om strategieë te ontwikkel wat op betroubare wyse ontwikkelingsprojekte daarstel waar die Taliban verdryf is nie, wat elke oorwinning 'n tydelike een maak, wat omgekeer word so gou as wat die soldate daar onttrek word.

Verskeie kere in sy bewind het president George W. Bush belowe om daardie beleid te verander, selfs om 'n burgerkorps van nasiebouers daar te stel onder die toesig van die staatsdepartemente, maar die administrasie het nooit werklik moeite gedoen om die plan in aksie te stel met die nodige personeel en fondse nie. Indien Obama en sy span dit kan regkry om so verandering in plek te kry, sal dit een van die belangrikste veranderinge wees in die nasionale sekuriteitsbeleid in dekades, en Clinton se magte as minister van buitelandse sake aansienlik verhoog.

Obama het belowe om 'n diplomatieke poging aan te wend wat veel wyer is as net Afghanistan. In Oktober 2007 het hy beloof om diplomasie 'n hoë prioriteit te maak. "In pleks daarvan om ons konsulaatgeboue agter hortjies toe te maak, moet ons aanhou om hulle oop te maak in die harde, hopelose dele van die wêreld," het hy gesê.

Gedurende die veldtog het Obama beloof om Amerikaanse hulp te verdubbel, tot $50 miljard teen 2012. In onlangse maande het hy egter daardie tydskedule verleng, en die blaam daarvoor op die ekonomiese krisis geplaas.

розетка коляски Данильченко

Watertoevoer na Harare afgesny

12:03:53 Zimbabwe het die watertoevoer na die hoofstad, Harare, afgesny, volgens die staatsmedia. Die grootste deel van die stad is nou sonder water terwyl die owerheid poog om die cholera-epidemie onder beheer te kry.

Aangesien die Zimbabwe-nasionale waterowerheid (Zinwa) nie in staat is om chemikalië te vind om die watertoevoer te behandel nie, het die staatsbeheerde watermaatskappy Sondag opgehou om water na die hoofstad te pomp, het die regeringsmondstuk, die Herald, vandag berig.

"Die grootste deel van Harare – waaronder ook die middestad – het nie vandag water gekry nie te midde van bewerings deur Zinwa-personeel dat die owerheid opgehou het om water te pomp nadat die nodige chemikalië opgeraak het," het die Herald berig.

Praag se Engelse webblad in eksperimentele fase

Ten einde 'n plaaslike en internasionale gehoor te bereik, het Praag oor die naweek 'n Engelse webwerf by www.praag.co.uk geloods wat tans in 'n eksperimente fase verkeer. Die blad sal oor die volgende paar dae met stories en kommentaar in Engels bygewerk word.

"Praag is vol vertroue dat ons nuus en inhoud wat reeds 'n onontbeerlike plek in Afrikaans ingeneem het, ook internasionaal byval sal vind," het dr. Dan Roodt, uitgewer, gesê. "Ons voorsien dat die twee nuusblaaie mekaar sal invul, eerder as wat die twee spieëlbeelde van mekaar gaan wees, hoewel sommige basiese nuusitems op beide webwerwe te vinde sal wees."

шприцы и

Winkelassistent doodgetrap deur skare swart winskopiejagters

'n Winkelassistent is doodgetrap deur 'n skare winskopiejagters by 'n winkel wat 'n uitverkoping geadverteer het die naweek in 'n New Yorkse voorstad.

Polisie het gesê dat 'n buitebeheer skare van meer as 2000 swart mense deur die deure van 'n Long Island Wallmart gebars het en Jdiytai Damour omgestamp het.

Damour, (34), 'n immigrant van Haïti het na asem gehyg terwyl die skare die winkel ingestroom het. Die winkel behoort aan dieselfde Amerikaanse groep wat Brittanje se Asdakettingwinkelgroep het.

Polisielede wat probeer het om hom noodbehandeling te gee is ook in die chaos vertrap. Vier ander kliente, insluitend 'n 8 maande swanger vrou is in die hospitaal behandel vir geringe beserings.

"Hulle het die deure van die skarniere afgeloop. Hy is voor my doodgetrap," het Jimmy Overby (43) gesê. "Hulle het my ook omgestamp. Ek moes letterlik baklei om hulle van my rug af te hou."

Die skare het sedert Donderdagaand begin saamdrom. Vyf minute voor die winkel moes oopmaak het kopers begin druk teen die glasdeure. Senuweeagtige werkers by die winkel het 'n menslike ketting gevorm om kopers terug te hou, maar hulle is oorweldig.

By 'n Wallmart in Columbus, Ohio, het 'n bakleiery uitgebreek tussen 'n man en vrou oor 'n televisiestel wat afgemerk is van $1000 tot $798.

Twee mans by 'n Toys 'R' Us uitverkoping in Palm Desert, Kalifornië, het mekaar doodgeskiet nadat die vrouens wat saam met hulle was, 'n woordewisseling begin het.

Die dag na die Amerikaanse dankseggingsvakansiedag is bekend as Swart Vrydag, omdat dit na bewering die dag is wat winkels begin om profyt te maak en in die "swart" in te gaan.

Die dag is die begin van die Kersfees en Nuwejaar inkopieseisoen, wat die groter deel van die winkels se jaarlikse verkoopsyfers opmaak.

roulette free

Dodetal styg tot oor 300 in Nigeriese sektariese geweld

Geweld in Nigeri?

09:12:34 Bendes het huise, kerke en moskees afgebrand in die tweede dag van opstande en die dodetal het tot meer as 300 geklim in die ergste sektariese geweld oor baie jare in die Afrikaland met die grootste bevolking.

Sheikh Khalid Abubakar, die imam by die stad se hoofmoskee, het gesê dat meer as 300 liggame Saterdag na die moskee gebring is en 183 liggame was nog naby die gebou sigbaar, waar hulle gewag het om begrawe te word.

Dié wat in die Christelike gemeenskap doodgemaak is, sal waarskynlik nie na die stad se moskee gebring word nie, wat die moontlikheid laat ontstaan dat die sterftesyfer heelwat hoër kan wees. Die stad se lykshuis was nie Saterdag toeganklik nie.

Die geweld is die ergste in die rustelose Wes-Afrikaland sedert 2004, toe soveel as 700 mense dood is in Plato-staat gedurende die Christen-Moslemgevegte daar.

Jos, die hoofstad van Plato-staat, het 'n lang geskiedenis van gemeenskapsgeweld wat dit moeilik gemaak het om verkiesings daar te organiseer. Opstande in September 2001 het meer as 1 000 mense dood gelaat.

Die stad is geleë in Nigerië se middelstrook, waar lede van honderde etniese groepe saamleef in 'n gebied met vrugbare grond waaroor daar gestry word. Dié strook grond skei die land se Moslems in die noorde van die Christene in die suide.

Woedende skares het Donderdag in Jos bymekaargekom nadat verkiesingswerkers nie daarin geslaag het om stemuitslae bekend te maak nie, wat baie mense laat dink het dat die stemmery net die jongste episode in 'n lang geskiedenis van Nigeriese verkiesingsbedrog was.

Opstande het Vrydagoggend uitgebreek en 15 mense is dood.

Plaaslike etniese en geloofsleiers het Saterdag op die radio 'n beroep op mense gedoen om kalm te bly en die strate was redelik kalm gewees. Soldate is opdrag gegee om op oproeriges te skiet.

Die geweld is die ergste sedert die inswering in Mei 2007 van president Umaru Yar'Adua, wat die verkiesing gewen het, hoewel die verkiesing nie deur waarnemers as vry en regverdig beskou is nie.

Min Nigeriese verkiesings is as vry en regverdig beskou sedert onafhanklikheid van Brittanje in 1960 en militêre oornames het ook sporadies in die land plaasgevind.

black jack tutorial

‘KVP tree op soos kakkerlakke’

Nog 'n ANC-jeugligaleier het homself gewend tot haatspraak en die aanhitsing van geweld.

Die liga se voorsitter in die Vaal Sedibeng streek, Jason Mkhwane, het verlede week aan Al Jazeera gesê dat die leiers van die kongres van die proletariaat (KVP), bekend as COPE in Engels, kakkerlakke is wat doodgemaak moet word.

Hy het gesê hy voel nie sleg oor die stelling nie, omdat die KVP soos kakkerlakke optree wat vernietig moet word.

Toe die Mail and Guardian Mkhwane aangespreek het oor Malema se probleme oor die woord "doodmaak" het hy eenvoudig gesê hy praat nie oor mense nie maar oor kakkerlakke.

Hy het gesê "As mens 'n kakkerlak in jou huis sien wat maak jy? Jy maak hom dood."

Die etikettering van mense as kakkerlakke het in 1994 gelei tot die Rwandese volksmoord.

Фильчаков

Kongorebelle neem nog ‘n stad in

Rebelle in die ooste van die Kongo het nog 'n stad ingeneem in die gebied waar hulle met pro-regeringsrebelle slaagsgeraak het, het de VN se missie in de Kongo gesê.

"Daar is 'n klein NKVM teenwoordigheid in Ishasha," het luitenant-kolonel Jean Paul Dietrich, woordvoerder vir die VN-vredesmagte gesê met verwysing na lede van die Nasionale Kongres vir die Verdediging van die Mense rebellegroep.

'n MONUC-patrollie in onderweg na die gebied, het hy gesê.

MONUC is die akroniem vir die vredesending na die Kongo.

Die gebeure het plaasgevind net voor die VN se spesiale woordvoerder Olusegun Obasanjo die naweek met president Joseph Kabila en rebelleleier Laurent Nkunda sou vergader in 'n nuwe poging om vrede in die streek te bewerkstellig.

Die dorp is geleë teen die grens met Oeganda, sowat 130 kilometer noord van Goma, die hoofstad van noord-Kivuprovinsie waar die konflik tussen die rebelle onder leiding van Laurent Nkunda, 'n voormalige generaal, en die regeringsmagte gesentreer is.

Die rebelle het Donderdag gesê dat hulle beheer oorgeneem het van die dorp.

Met die oorname van Ishasha, het die rebelle nou meer as 30 kilometer noord beweeg in minder as 24 uur.

Sowat 13 000 mense het oor die grens na Oeganda gevlug in die laaste twee dae om te ontkom aan die gevegte, het die VN se vlugtelingagentskap gesê.

Die rebelle beheer nou twee noord-Kivu-dorpe wat ook grensposte is na Oeganda. Dié dorpe is belangrike bronne van inkomste vir die provinsiale owerhede vanweë die doeanegelde wat dit inbring.

Die ander dorp wat deur die rebelle beheer word, is Bunagana, wat ongeveer 60 kilometer noordoos van Goma is.

Spanning tussen Kinshasa en Nkunda het in Augustus oorgekook, wat meer as 250 000 mense ontwortel het. Hulle het óf na vlugtelingkampe gegaan óf in die bosse gaan skuil, waar hulle buite bereik van die hulplenigings-organisasies is.

Фільчаков прокурор

Petrolprys gaan met R1.61 daal

Die kleinhandelprys van petrol gaan volgende week met R1,61 daal, het die Departement van minerale en energiesake Vrydag gesê. Die groothandelprys van diesel met 'n 0,05% swaelinhoud gaan daal met 81 sent per liter daal, en die prys van diesel met 0,005% swaelinhoud sal met 80 sent per liter daal.

Die groothandelsprys van paraffien sal met 75 sent per liter daal, en die enkel maksimum nasionale kleinhandelprys vir paraffien met R1,01 per liter.

прокурор Фильчаков

Kredietgroei neem effens af

Die land se privaatkredietsektorgroei het in Oktober effens afgeneem, en enige hoop op 'n verlaging in die rentekoerse vir Desember platgeslaan.

Vrydag het die Reserwebank gesê dat die privaatsektorkredietgroei effens gedaal het van 16,28% in September tot 16,17% in Oktober.

Dit is onverwags, aangesien ekonome wat deur Bloomberg ondervra is die syfer op 15,3 gesien het vir Oktober.

Die sentrale bank het gesê die groei in die wydgedefinieerde M3 maatstaf van geldvoorraad in Oktober toegeneem het tot 15,59%, vergeleke me die vorige maand se 15,23%.

Die syfer was hoër as die 15,3% gemiddeld wat voorspel is deur ekonome wat deur Bloomberg genader is.

Blatante aanval laat spoor van verwoesting

Goed opgelei, gefokus en tot die tande toe gewapen, het 'n klein groepie geharde Islamitiese militante ongesiens in die finansiële hoofstad van Indië ingekom en 'n spoor van verwoesting gesaai.

Indiese sekuriteitsbeamptes het gesê dat ten minste 'n dosyn aanvallers Moembaai van die see af ingekom het met opblaasbote Woensdagaand, nadat hulle dieper op die oop see deur 'n groter skip afgelaai is.

Hulle het daarna in groepe verdeel. Een van die eerste teikens was die Chhatrapati Shivaji-spoorwegstasie, waar ten minste twee mans met outomatiese wapens losgetrek het en granate tussen die mense wat in die hoofsaal gewag het, ingegooi het.

Hulle het byna 50 liggame agtergelaat, en beelde van hulle kalm gesigte op die geslotebaantelevisiekameras.

Hulle het Indiese veiligheidsmagte wat die stasie bestorm het, vermy en 'n welsynshospitaal vir vroue en kinders aangeval, die Cama-hospitaal, waar hulle wild geskiet het.

Weer het polisie gereageer, insluitend die hoof van Moembaai se teen-terreureenheid, Hemant Karkare, wat saam met twee offisiere buite die hospitaal doodgeskiet is.

Nog 'n groep het die Café Leopold, een van Moembai se bekendste restaurante en toeriste uithangplekke, aangeval.

'n Jong Australiese paartjie, David Coker en Katie Anstee, het beskryf hoe verskeie gewapende mans deur die deure gebars het en net begin skiet het.

"Ons het letterlik net klaar bestel toe dit soos vuurwerke klink en mense geskree het," het Coker gesê. Sy vriendin is in die been gewond.

Nog 'n groep het 'n geskaakte polisievoertuig gebruik vir verbyryskietaksies voordat die hoofteikens aangeval is, simbole van Moembaai se weelde en multikulturele karakter.

Die teikens was twee luukse hotelle, die Taj Mahal, een van Moembaai se bekendste landmerke en die Oberoi/Trident, asook 'n sake- en woonkompleks, wat ook 'n Joodse sentrum se hoofkwartier en hostel vir Joodse besoekers was.

Die eerste teken was gaste en personeel by die Taj wat die klank van geweerskote en ontploffings vanaf die hotel se swembadarea af gehoor het.

Toe hulle eers binne was, het die gewapende mans begin om gyselaars te neem.

"Hulle was baie jonk, meer soos seuns, met denims en T-hemde," het een Britse hotelgas van die aanvallers gesê. "Hulle het gesê hulle soek enige iemand met Britse en Amerikaanse paspoorte."

Die militante het toe na die boonste vloere van die hotel beweeg en geskiet na enige iemand wat hulle teëgekom het.

игры девочкам