Briewe – Bladsy 18 – praag.co.za

Verdien ons om van Sowjetonderwys verlos te word?

10:47:34 Na aanleiding van die hoofartikel op Praag, Verlos ons van Sowjetonderwys, wil ek graag die volgende kommentaar lewer:

Dit is inderdaad so dat die vraestelle ter bespreking niks anders as breinspoeling van die Marxistiese tipe is nie. Wat my egter verwar, is die vreemde houding van ouers, onderwysers, en die VF + wat maak asof hierdie aanslag teen Afrikanerkinders nuwe hoogtepunte bereik het of selfs om een of ander rede iets anders van die onderwysdepartement verwag het. Ouers, onderwysers, die VF+ en ander belanghebbendes behoort te weet dat hierdie aanslag teen ons kinders al baie langer aan die gang is as wat ons blykbaar wil herken.

Kader Asmal, destydse minister van onderwys het reeds in 2003 “'n nuwe era van godsdiensvryheid” in Suid-Afrikaanse skole aangekondig. Naledi Pandor het dit later “transformation in education” genoem. Kan dit wees dat ons ouers nie besef wat hier gebeur het of gesê is nie, of is daar dalk ‘n dieper, meer sinistêre antwoord vir die apatiese houding van ons Afrikanerouers teenoor die huidige vlak van opvoeding wat kinders in staatskole ontvang? Dit is miskien harde woorde, maar hoe anders interpreteer mens die feit dat Afrikaners hulle kinders bly terugstuur na hierdie stelsel toe? Dink hulle regtig dit gaan beter word en indien wel, wie gaan dit beter maak?

Op hierdie punt wil ek graag vir die (staats)skoolhoofde wat vir die ouers vertel dat hulle kinders nie deel is van hierdie gemors is nie, en selfs vir die ouers wat dieselfde beweer, graag iets sê: TWAK!

Julle lieg vir die ouers, en julle lieg vir julleself.

Daar is geen manier hoe ‘n staatskool buite die leerplanne van die staat mag of kan beweeg nie. Hoe “steur mens jou nie aan die onderwysdepartement nie”, maar skryf nog steeds die gestandardiseerde eksamens? Het julle ander handboeke as die res van die provinsie/land ?

Deel van die regering se “transformation in education” is die oordrag van ‘n “nuwe, verbeterde” waardestelsel. My vraag aan ouers: Is die waardesisteem van die regering dieselfde as dié van Afrikanerverbondsouers? Is die totale sinkretisties-georiënteerde leerplan bevorderlik vir dit wat veronderstel is om in ons huise gelëer te word? Kinders word blootgestel aan Judaïsme, Islam, Boeddhisme, voorvaderaanbidding, heksery, en en en (die lysie is nimmereindigend). Hierdie gelowe word soos ‘n kieslys aangebied vir die kinders, meestal met gelowe anders as die Christengeloof wat baie aanloklik voorgestel word.

Die gevolge van so ‘n stelsel kan duidelik gesien word: Godsdiensbeoefening word onbelangrik, ‘n eenwêreldgodsdiens, waar die God van die Bybel en Allah as dieselfde entiteit voorgestel word, kry al hoe meer aanhang. Is hierdie ‘n gesonde omgewing waarin Afrikanerkinders vir 6 ure per dag losgelaat behoort te word?

Wat van die aanslag op ons kinders se moraliteit? Kondome word uitgedeel aan laerskoolkinders, met onderrig daarin wat tot in die kleinste besonderhede geskied. “Glipsies” word vinnig reg gemaak met ‘n aborsie, wat die voorkoms van hierdie spesifieke mediese prosedure so algemeen soos asemhalng maak in baie skole. Mens kan ad infinitum aangaan oor die probleme wat so ‘n goedkeuring van ‘n losbandige houding vanaf die owerhede tot gevolg het, maar ek glo die vigs-, aborsie-, swangerskap- en verkragtingsyfers in skole spreek vanself.

Nou hoekom dan hierdie brief as Afrikanerouers, Afrikaneronderwysers, en die VF + reeds hierdie dinge weet? Is ek, die skrywer van hierdie brief, so verwaand dat ek dink ek kan iets aan hierdie groepe mense oordra?

Nee, meneer die redakteur, ek skryf hierdie brief omdat ek voor my siel weet dat, ten spyte van hierdie klaagliedere vanaf ouers, onderwysers en die VF+ , dieselfde mense maar net volgende jaar hulle kinders na dieselfde skole met dieselfde leerplanne en dieselfde opstellers van Afrikaanse vraestelle gaan stuur. Jesus Christus het ‘n spesiale boodskap gehad (soos vervat in Markus 9:42) vir mense wat kindertjies laat struikel.

Ek reken iemand wat ‘n meulsteenfabriek het, gaan binnekort goed geld maak.

липецк очистка топкарго развод

Kongres van die Gepeupel?

07:56:25 Ek sien Praag hou vol om na die nuwe Congress of the People-party te verwys as die Volkskongres ondanks my baie duidelike uitwysing dat dit nie vir die Afrikaner aanvaarbaar kan wees nie want onder VOLK verstaan ons hedendaags 'n groep mense wat dieselfde kultuur. geskiedenis, taal en ander gebruike deel. En hierdie mense beskou hulself beslis nie as 'n "volk" nie. Hulle verwerp die begrip totaal en al al verstaan hulle dit.

Die redakteur van die Praag-nuusblad het in 'n uitgebreide repliek op my beswaar, my regstreeks daarvan beskuldig dat ek agter Naspers aanhol deur na die nuwe party as COPE te wil verwys. In die stempeiling op die Praag-nusblad is die vrae dan ook hoogsgelaai sodanig gestel: Jy stem vir "Volkskongres" en dus vir Praag of jy stem teen "Volkskongres" en saam met Naspers. Dit was 'n uiters onbehoorlike en verwronge keuse en daarom het ek dan ook nie 'n stem uitgebring nie. Deur te stem sou ek net aansien en geldigheid verleen het aan die soort gekonkel. Die lae stemmetal laat my vermoed dat andere ook so gevoel het.

Ter inligting die volgende: So 'n jaar of twee gelede het Jan-Jan Joubert, redaksielid van Die Burger, 'n rubriek geskryf waarin hy na die byeenkoms in Kliptown baie jare gelede waar die Freedom Charter deur die ANC aanvaar is, verwys het as die "volkskongres" by Kliptown. Die rubriek is ook in Beeld gepubliseer.

Ek het hom in 'n brief aan Beeld aangevat en aangevoer dat hy bra roekeloos met die begrip "volk" omgaan. Beeld het – bo alle verwagtinge in – die brief gepubliseer – nogal as die hoofbrief in die betrokke kolom. Dit is interessant dat Beeld nie weer die term "volk" so skeef gebruik het nie — ook nie nou nie.

Dit is duidelik dat dit nie ek is wat agter Beeld aanhol nie, maar Beeld wat my uiteensetting ter harte geneem het.

Maar nou vind ons dat die pro-Afrikaner organisasie, Praag, vir Jan-Jan omhels en ewe lustig saam met hom in hierdie vals koor oor die woord "volk" sing. En ek het uit verskeie dinge die indruk gekry dat Praag nou nie juis baie van Jan-Jan gehou het nie.

As Praag nou wil volhou met hierdie skewe vertolking, moet ek vra dat daar duidelik uitgewys word na watter "volk" verwys word in hierdie gebruik van "volkskongres". Dit is beslis nie die Afrikanervolk nie. Dit kan ook nie die Zoeloevolk wees nie want dit lyk my Zuma en die Zoeloes het die ANC oorgevat. Dit kan dalk die Xhosavolk wees, maar dit lyk nie die nuwe party rig hom slegs op hierdie volksgroep nie. Moet asseblief tog nou net nie praat van die "Suid-Afrikaanse volk" nie. Ten beste is daar 'n Suid-Afrikaanse nasie, maar selfs dit moet sterk betwyfel en aangevat word.

Daar is een ander aspek rondom die saak wat baie pla: Verlede week het ek in 'n kort briefie sommer lekker sarkasties geskryf dat Praag dalk tog reg is in sy gebruik van die woord "volkskongres" want ek sien die nuwe party gaan sy stigtingsvergadering op 16 Desember hou!

Die briefie het nou nog nie op die webblad verskyn nie. Is Praag nou besig om, soos Beeld, briewe wat hom nie aanstaan nie, in die elektroniese snippermandjie te laat beland? As een van diegene wie se briewe lank nie meer deur Beeld gepubliseer word nie, kan ek my nie indink dat Dan Roodt sulke optrede sal goedkeur nie.

Ek vra dus mooi: Los asseblief hierdie "Volkskongres"-ding uit. Verwys dan na die Congress-party of die Peoples Congress – of as julle dan 'n Afrikaanse woord wil gebruik, wat van Kongres van die Gepeupel? Baie nader aan die waarheid.

Hier volg Thys Human se briefie van 19 November (red.):

Dalk is Praag tog reg oor die gebruik van "Volkskongres" vir die naam van die nuwe swart politieke party. Ek sien die party se stigtingsvergadering word op 16 Desember gehou!

Dink julle hulle gaan die Gelofte ook voorlees?

хрустальные люстры

Daar wag ‘n groot taak op Praag

06:53:15 Die artikel in vandag se Praag-koerant oor Media24 wat moontlik sy koerante gaan laat saamsmelt, noop my om kommentaar te lewer. Aan die een kant is dit goeie nuus, maar aan die ander kant spel dit gevaar vir die Afrikaner.

Ons (hier by Praag) sal volstoom moet begin om "nuusjagters" op groot skaal op te lei, sodat ons aan ons lesers elke dag 'n goedgebalanseerde weergawe van gebeure binne en buite Suid-Afrika kan voorsit. Media24 sal by die dag meer "politiek korrek" word, en ons, sowel as die lesers in die buiteland, sal nooit weet wat regtig in ons land aangaan nie.

Daar wag 'n groot taak, met ewe groot verantwoordelikheid, op die redaksie van Praag. Maar, ek dink dit sal 'n aangename taak wees. Dit sal van Praagers helde maak.

Ons is wel deeglik bewus van so 'n vertantwoordelikheid, Peter. Die SA media, veral in Afrikaans, raak al hoe meer eendimensioneel en veral sien hul taak as die breinspoeling van die Afrikaner om alle onreg wat daar teen hom gepleeg word gedweë te aanvaar. Dis ook waar dat 'n groot deel van die gebeure in die land nooit die media haal nie, omdat dit nie polities korrek is nie. Een manier waarop lesers ons kan help, is om eenvoudig al hul familie en vriende van www.praag.co.za te vertel en aan te moedig om ons te lees. – Red.

Лобановский

Wat het van Belharskrywer geword?

06:38:43 Ek is lank nie meer lid van die NGK-familie nie maar Calvinisme is my tuiste. In die lig van die feit dat die Afrikaanse pers daagliks die Belharbelydenis onder die lesers se onwillige oë bring en selfs Boesak daarmee assosieer, ontstaan ernstige vrae.

Op Google vind ek in Wikipedia binne 50 sekondes 'n Engelse weergawe van Belhar wat verklaar dat die oorspronklike Afrikaanse weergawe nie vir openbare gebruik is nie en aan sekere beperkings ten opsigte van verspreiding onderhewig is. Dis blykbaar primêr 'n "binnenshuise dokument".

Volledige Bybelverwysings word gegee sover dit die sonde van segregasie volgens die outeur betref. Die hele Belharbelydenis gaan uitsluitlik oor die rassistiese of politieke segregasie van die NGK-familie.

Verder verneem ons dat prof Dirkie Smit as leraar van die kleurlingkerk die outeur van Belhar is – 1986 tot 1988.

Prof Dirkie Smit se webtuiste is aktief en veral godslastering is 'n onderwerp vir blogbespreking.

Vergun my die gepaste rol van duiwelsadvokaat met die volgende vrae rondom die verskynsel van die Belharbelydenis in die Afrikaanse pers.

Wat het van die outeur geword van so 'n dokument wat al twintig jaar aktueel bly? Na my wete het prof Smit hoegenaamd geen erkenning gekry of op sy pennevrug gereageer nie. Is hy miskien al oorlede?

Was Boesak ‘n medewerker aan die Belharbelydenis terwyl hy gesegregeer het van sy eerste vrou? Nie volgens Wikipedia nie. Is dit 'n sonde om af te stig en polities te segregeer van die ANC? Ek herhinner my dat daar gesê is dat die KP’s van destyds nie hemel toe sou gaan nie. Is dit dan nie ‘n sonde om te segregeer van sy ampte in die VGK nie?

Die ooreenkomste tussen Boesak en Piet Koornhof is opvallend.

Integrasie, segregasie en egskeiding is so belangrik in die Bybel dat een hele boek aan die vraagstuk gewy word, naamlik Esra. In dié Bybelboek word die volk verplig om van hul volksvreemde vrouens en kinders te skei. Maleagi 2 verteenwoordig 'n opsomming daarvan. Daar bestaan hoegenaamd geen verwysings in die Belharbelydenis na hierdie kernbronne nie. Veral nie na egskeiding nie en ook nie dat die verhoudings van Christene onder mekaar soos die lede van die liggaam van Christus moet wees, maar nie soos 'n huwelik nie – dat God egskeiding haat. Daar is ook geen verwysing na Titus se brief wat juis vals belydenisskrifte en kerklike gedragsreëls behandel nie.

Paulus beskryf myns insiens die rol van die Belharaktiviste baie akkuraat in Titus 1, vers 15: "Alle dinge is rein vir die reines. Vir die besoedeldes en ongelowiges is egter niks rein nie, want hulle verstand sowel as hulle gewete is besoedeld. 16. Hulle bely dat hulle God ken maar verloën Hom deur die werke, omdat hulle gruwelik en ongehoorsaam is en ongeskik vir elke goeie werk."

Onwillekeurig mag mense dink aan die Kretensers in ons midde, waarop ek eerder nie kommentaar sal lewer nie.

3d одежда купить

Engelse stertjies aan Afrikaanse advertensies irriteer

17:14:38 Dis met toenemende verbasing dat ek deesdae al meer en meer na die verspotte Engelse stertjies moet luister wat adverteerders aan hulle Afrikaanse reklameflitse op die radio aanheg. Dis “for the love of the game”, “liquid engineering”, “shift expectations” en allerhande sulke bogtery wat nugter weet hoekom.

Wat wil die adverteerder vir my sê? Luister jou Afrikaanse pampoen, jou taal is nie goed genoeg om uit te druk wat ek wil uitdruk nie, dus hier is ’n stukkie Engels om jou kop skoon te kry. Is dit sy boodskap?

Aanvanklik so ’n paar maande gelede het ek maar stilweg besluit om liefs weg te bly van die of daardie produk met sy Engelse stertjie, maar nou is daar so ’n oorvloed van hierdie produkte dat dit maar moeilik sal gaan om daarsonder klaar te kom. ’n Futiele boikotaksie dus. Behalwe miskien as ek kaalstert alleen iewers op ’n eiland sal gaan bly en met my kaal hande visse probeer vang en wortels uitgrawe om aan die lewe te bly. ’n Vreugdelose vooruitsig, maar ten minste is ek dan die stertjies gespaar.

hair headbands

Die Proteas was ‘n Kleurlingspan

Kan iemand asseblief die oneerbare 'minister' Stofile vra of hy weet die Proteas was 'n Kleurlinspan gedurende die apartheidsjare? Op grond hiervan, hoekom is die Protea as embleem aanvaarbaar maar nie die Springbok nie?

Laat my toe om 'n stelling te maak: Die dryfveer om die Springbok verwyder te kry het niks te doen met versoening of as simbool van vorige verdrukking nie, maar alles met suiwer swart rassisme.

Stofile, soos sy ondersteuners, het 'n ongekende haat teen veral die wit Afrikaner en misbruik sy posisie om sy rassisme wettiglik te beoefen. Ek sluit Luke Watson, sy pa en soortgelykes kruipers hierby in.

Dit maak my bekommerd hoe sulke mense verwag almal moet dink hulle is intelligent en hulle doen dit vir versoening. Siestog, al wat julle bereik is om dit duideliker te maak hoekom Suid-Afrika in die geweld- en misdaad-gemors is waarin ons is.

Stofile se soort sal nie rus voor alles wat hulle aan die witman herinner, vernietig is nie. As hulle dit kon bereik, vergeet hulle een ding: Daar sal niks oor wees nie behalwe donkies, stukkende kleipotte en kaal mieliestronke uit 'n vorige era.

Hoe kan 'n mens opkyk na sulke onbevoegde rassiste in regeringsposte, mense in vertrouensposisies wat belastingbetalers se geld letterlik gebruik om hulle in die rug te steek. Soos die Bybel sê: die hond het omgedraai na sy eie braaksel.

no deposit free прокурор Фильчаков

SARU sal enigiets vir ANC doen

08:09:50 Die oorgretigheid van SARU om die Bok van die baadjie af te haal en die Protea nou prominensie te gee, bewys weereens die ANC-regering se beheptheid om die Afrikaner en wit rugbyondersteuners te vervreem van sport in plaas van om die groter prentjie raak te sien. SARU sal enigiets doen om die ANC te lek en tevrede te hou; dit wys ook op swak leierskap in SARU.

Gaan witmense maar gedwee dit ook aanvaar of opstaan teen die regering? Om dit te aanvaar, beteken dat jy die nuwe SA se misdaad, grondroof, onregverdige praktyke soos regstellende aksie, pleknaamsveranderings ook aanvaar – dis mos nou alles deel van die nuwe SA en jy moet jou versoen met die misdadiger en sy trawante.

Ek aanvaar dit nie, soos baie ander nuwe SA-realiteite.
туры в хорватию цены

Die waarheid omtrent emigrasie

Weens my eie kennis en ervaring van emigrasie, bekommer die geweldige toename in voornemende emigrante onder Afrikaners my. Emigrasie is nie vir enigeen nie. Bo en behalwe die finansiële eise, vereis dit opofferings op sielkundige en kulturele vlak waartoe meeste mense nie in staat is nie. Gerugte hier in Nieu-Seeland wil hê dat die egskeidingsyfer onder Suid-Afrikaanse immigrante 80% is. Gegewe die hoeveelheid gebroke Suid-Afrikaanse gesinne wat ek al hier teëgekom het (baie meer as in SA), sal ek verbaas wees as die statistiek nie erger is nie. Die hele proses is doodeenvoudig so stresvol dat meeste huwelike dit nie kan oorleef nie.

So waarvoor kan die voornemende emigrant hom- of haarself voorberei? Ek weet nie of mens jouself werklik kan voorberei vir hierdie ingreep nie. Uit my ervaring kan ek bloot praat oor wat immigrante in Nieu-Seeland deurmaak op grond van gesprekke met Suid-Afrikaners; ander immigrante duskant die Tasmansee (in Australië) kan ek ook beperkte getuienis daaroor lewer. Volgens die verhale wat hier die rondte doen, is die ervaring daar maar dieselfde as hier. Vir spesifieke professies soos mediese dokters en verpleegsters is dit ietwat makliker, maar dit is bloot omdat hulle makliker werk vind. Die res van die spanning is maar dieselfde vir almal.

Die kleinste van die aanvanklike stresfaktore is om behuising vir jou en jou gesin te vind. As jy aan die standaard van Suid-Afrikaanse woonhuise gewoond is, moet jy jouself regmaak om in 'n plankieshuis te woon. As jy meer gelukkig is, kan jy iets meer moderns kry wat van kunsmateriale gemaak is. Nogtans gaan dit baie klein en baie duur wees. Huise hier is klein en glad nie goedkoop nie. Boonop is Nieu-Seelandse huise geensins aangepas vir die land se relatiewe kouer klimaat nie. Die isolasie is deurlopend onvoldoende en daar is geen sentrale verhitting in verrweg die meeste huise nie. Pak maar warm klere in, want soos in SA is elektrisiteit duur…

Die meeste woonbuurte steek erg af by SA se voorstedelike woonbuurte. Ek sou enige voornemende emigrant aanraai om, voordat hy of sy hierheen (dit geld ook vir Australië) toe kom, so 'n persoon eers vir 'n jaar op 'n plek soos Springs, aan die Oos-Rand, gaan bly. So raak jy ten minste gewoond aan die estetiese aspek. Wat boukwalitiet betref, sal selfs Springs jou ongelukkig nie voorberei nie.

Die volgende stresfaktor waarmee die voornemende emigrant gekonfronteer gaan word, is die puntestelsel. By verre die meeste sal nie op grond van hul ervaring en kwalifikasies alleen in die gasheerland toegelaat word nie. Die meeste sal bykomend tot minimumkwalifikasies ook 'n werksaanbod moet verkry. Dit is 'n uiters moeilike proses aangesien potensiële werkgewers nie graag mense aanstel wat nie 'n werkspermit het nie, maar terselfdertyd kan jy nie 'n werkspermit kry sonder 'n werksaanbod nie – die hoender of die eier. Boonop sal jy gekonfronteer word met: "Do you have any Kiwi work experience?" Die werksoekfaktor is egter die aspek wat die meeste spanning veroorsaak. Voor die resessie sou dit jou ongeveer 6 maande neem om werk te vind, maar soos werkloosheid nou hier toeneem kan mens net raai hoe lank 'n immigrant werkloos sal bly. Sommige Suid-Afrikaners hier sal vir jou vertel hoe maklik dit is om hier werk te kry. MOET DIT NIE GLO NIE. Dit is baie moeilik en as jy bo 32 is, raak dit net moeiliker.

Behalwe dat die Kiwi's wesentlik agterdogtig jeens Suid-Afrikaners (oor die algemeen word Afrikaners soortgelyk aan Nazi's beskou) is, het hul bittermin waardering vir ons werkservaring. Terwyl Britte as ere-Kiwi's behandel word, word ons as arrogante en agressiewe (selfs agterlike) derdewêreldmense beskou. Terwyl sekere aspekte van Nieu-Seeland se infrastruktuur erg afsteek by Suid Afrika s'n, glo hulle dat ons uit die boendoes kom en dus nie veel waarde sal kan toevoeg nie. Hoewel heelwat van Suid-Afrika se infrastruktuur baie meer indrukwekkend as hulle s'n is, dink hulle ons ry op grondpaaie en het oor die algemeen weinig begrip van tegnologie. Ek weet bv van 'n SA siviele inginieur, wat paaie in SA gebou het, wat nie hier werk kon kry nie omdat hulle net nie kon glo dat ons teerpaaie het nie. Wanneer jy eendag dus wel 'n werk kry, wees maar bereid om vir 50% minder te werk as wat jy nou kry. Baie hoogs gekwalifiseerde Suid-Afrikaanse mans eindig in junior poste of selfs as hande-arbeiders.

So seker as wat die Suid-Afrikaanse rand ondergewaardeer is, is die NZ-dollar oorgewaardeer, wat beteken dat kos, klere en ander lewensbenodighede baie duur is in vergelyking met wat mense verdien. Maak dus maar reg om by 'n laer salaris en hoër lewenskostes aan te pas. Ten minste werk mediese en ander sosiale dienste en is goedkoop as jy voorsien dat jy dit mag benodig. Nogtans sal jy 'n permanente inwoner moet wees voordat jy ten volle voordeel daaruit kan trek.

Hoewel die Suid-Afrikaners 'n gemeenskap vorm in byvoorbeeld Auckland is daar geen gemeenskapspoging om voornemende immigrante te help nie. Daar is wel enkelinge wat met beperkte welslae probeer help. My algemene ervaring van die SA gemeenskap, wat meestal in Auckland se noordelike voorstede woon, is dié van ontwrigte en getraumatiseerde mense wat nie weet waar hulle inpas nie. Terwyl hulle vasklou aan hul Suid-Afrikaanse gemeenskapsidentiteit verrig dit hul geen guns in die breër Nieu-Seelandse samelewing nie. Soos met die Chinese en Indiërs hier, wat ook sulke enklawes vorm, word hulle as 'n hardkoppige doring in die vlees beskou wat nie wil integreer nie.

Die beste guns wat jy jouself kan bewys as jy eers 'n werk gekry het, is om onmiddellik in 'n woonbuurt die intrek te neem waar daar geen Suid-Afrikaners is nie. Moenie met Suid-Afrikaners meng nie, want dit hou net jou SA aksent in stand. Begin onmiddellik met "accent reduction"-klasse sodat jy die plaaslike aksent kan aanleer. Die impak wat Afrikaans op jou aksent het, is baie nadelig, dus is dit beter om onmiddellik te verengels. Solank jy 'n aksent het, gaan jy en jou gesin sukkel om te integreer. Julle sal dus beperk wees tot SA vriende (wat jy verkieslik nie moet hê nie) en in jou werk sal jy glad nie vorder nie. Solank jy "anders" voorkom, aanvaar hulle jou nie as gelyke nie en sal jou op elke terrein probeer terug hou. Gelukkig verengels die kinders baie gou, dus sal hulle ná enkele jare hulle bitter min of geen reste van hul Afrikanerskap toon nie.

Terwyl die Kiwi's erg aan kleinlandjiesindroom ly, het die Aussies weer grootheidswaan onder lede. Om hul onderkeie redes is hulle dus baie sensitief vir enige kritiek of selfs net 'n verwysing na SA en sy infrastruktuur. Dus is dit beter om eerder nooit na Suid-Afrika te verwys nie. Maak eerder asof jy soos 'n soort identiteitlose wese uit 'n dimensielose vakuum geval het. Veral in Nieu-Seeland word identiteit sterk afgekeur. Die blote bestaan van 'n Afrikanerkerk, byvoorbeeld, skep groot ongemaklikheid by die Kiwi's wat dit as 'n soort Nazi-breinspoelkamp beskou. Weereens, sal jy nie wil hê die Kiwi's moet weet jy behoort aan so iets nie. Nieu-Seeland is, soos Australië, 'n land van die middelmatige. Gemiddeldheid is die mantra. Moet nooit wys dat jy anders is of dat jy enige ambisie het nie. Dit is baie belangrik dat jy "nie aandag trek" nie. Terwyl Suid-Afrikaners as "arrogant", "direk", "aggressief" en "rassisties" beskou word, sal jy dikwels vind dat as dit nie agter jou rug gesê word nie, dit wel direk aan jou gerig sal word. Dit is ook om hierdie rede dat hulle ons nie graag in diens neem nie. Aller eerste sal hulle 'n Kiwi soek om 'n pos te vul. Met laasgenoemde het ek empatie, dit is immers hulle land en hulle mense. Wat egter pla, is dat Britte en Aussies 'n soort status, sowel op die arbeidsmark as sosiaal, as "ere-Kiwi's" het. Wanneer hulle egter nie 'n goeie Kiwi, Brit of Aussie kan kry nie, sal hulle die lang lys van swakker Kiwi-kandidate begin deurwerk. Teen die tyd dat hulle na immigrante (Suid-Afrikaners inkluis) begin kyk, is hulle rêrig desperaat.

Te veel Afrikaners vind berusting daarin "dat as dinge so aanhou in SA dan sal ek en my gesin emigreer". Emigrasie is vir baie soos 'n soort versekeringspolis, wat hulle uit die SA anargie gaan lig. Feit is egter dat, wat die meeste Afrikaners betref, hierdie 'n illusie is. Die strawwe immigrasievereistes van potensiële gasheerlande maak dit onmoontlik vir by verre die meeste Afrikaners om ooit die land te verlaat. Indien Afrikaners sou ophou om hulself met hierdie illusionêre uitweg te kalmeer, sal hulle dalk iets daaraan probeer doen om hul situasie binne Suid-Afrika te verbeter.

casino games online

‘ANC’ reeds deel van spreektaal

07:38:28 In beginsel stem ek saam dat daar na so veel moontlik Afrikaanse woorde gesoek moet word, maar aan die ander kant het die afkorting "ANC" al so deel van die spreektaal geword, dat die skielike verandering effens vreemd op die oor val. Ons moes dit as't ware jare gelede reeds verander het.

Maar, so van die Hollanders gepraat……dit hinder my dat die Nederlanders en Duitsers na die swartes as "Afrikaners" verwys, en na dinge van Afrika as "Afrikaanse" verwys.

Moet ons nie liewer vir ons 'n nuwe naam uitdink wat minder (of geen) verwarring kan saai nie?

Ook die naam "Boer" skep soms verwarring, alhoewel nie soveel as "Afrikaner" nie.

стоматология

Ruil Pretoria en ‘Tshwane’ om

Pretoria is ons Thermoypylae, deur Gustav Venter verwys. "Die suksesvolle generaal is een wat die terrein van die naderende veldslag kies. Laat Pretoria dit vir ons wees."

Dis te laat om die terrein te kies.

Vir die veldslag teen die Afrikaner se ou kultuur, het die ANC Pretoria klaar gekies. Die land word reeds geteister deur nasionale Tswhane-indoktrinasie. Die kersie op die ANC se puik propagandakoek is die "behoud" van die naam Pretoria, slegs vir die pikswart stadsentrum. Dis geniaal gedoen. Ons moet ook so slim wees.

Swart leiers is propaganda-polities gesien meer intelligent as Afrikanerakedemici met minder instink. Hulle weet: Johannesburg is 'n stad, Pretoria is 'n simbool.

Simbole van die Afrikaner se geskiedenis en staat word gehaat, want die orde, dissipline en beskawing daarvan vorm 'n skrille kontras met die nuwe kultuur en sy skrikwekkende kriminaliteit. Daarom moet die veel veiliger ou orde vergeet word. Op Wikipedia staan die ANC se proses van vergeet bekend as "Damnatio Memoriae".

Engelse Afrikane se eindpaal is om Pretoria vir ewig uit hul geheue met die parlement se rubberstempel uitgevee te kry. Wikipedia Tswhane toon die tegniese detail van die politieke proses:

"On the 26 May 2005 the South African Geographical Names Council unanimously approved a recommendation by the Tshwane Metro Council that the name Pretoria be changed to Tshwane.

The legal process involved is as follows:

Recommendation to the Geographical Names Council.
Council approves / rejects recommendation (Approved – 26 May 2005).
Council gives its recommendation to Arts and Culture Minister Pallo Jordan.
Minister approves / rejects recommendation.
Approved / rejected name is published in the Government Gazette.
Any person or body unhappy with the name change can complain within 1 month of above.
The minister can consult the Geographical Names Council with concerns raised.
The minister's decision, along with the reasons for it, are published
The minister will then take the matter before parliament where the central government will decide on whether to change the name or not based on the information before it.

Some controversial groups have attached themselves to the Pretoria name-change issue, including the trade union Solidarity [8]]. Solidarity and the Pretoria Civil Action Committee have threatened legal action should the name change be recommended by the minister.

As of November 2007 the name change has not yet been approved or rejected by the minister (step 4 above).

Early August 2007, it was reported in the press that the Municipality, after consulting with the Gauteng provincial government had withdrawn the application to change the name, …."

'n Afrikanerleier kan dus nou kies: wil hy op die Pretoria-terrein sy volksveldslag voer of nie?

Van kardinale belang: kan hy die Minister van Kultuur tot aksie motiveer, en in 'n lokval lei? Dis wat 'n jong Andries Pretoria in 1838 gedwing was om te doen, maar meer daaroor onder.

Die bepalende vraag is: kan 'n Praagaksie die naam Pretoria tot 'n internasionale oorwinning lei?

Indien nie – dan mag geen Praagpolitiek oor Pretoria gepleeg word nie. Slegs 'n veldslag wat gewen kan word, mag gevoer word. 'n Slag wat nie gewen kan word nie, mag nie gekies word nie, anders word geld en energie verspil, en die moraal van die volk vernietig.

Indien 'n oorwinning wel moontlik is, moet die gereedskap getoon, en mense van die meriete oortuig word. 'n Werkbare Pretoriaplan behoort in besonderhede gepubliseer word. Byvoorbeeld die tydskaal:

Tydens 2010 vind die Wereldbekersokkertoernooi in Suid-Afrika plaas. Dis die beste tyd om Pretoria in die openbaar te adverteer.

Die nasionale simbool van Pretoria is die Voortrekkermonument. Die Voortrekkermonument is 'n internasionale toeriste-aantreklikheid. Die Voortrekkermonument is die 8ste Wonder van die moderne Wereld.

Internasionale toeriste behoort tydens die 2010 Sokkertoernooi in Pretoria verwelkom word met die woorde: 8th Wonder of the World – Welcome to Pretoria. So 'n reuse bemarkingsbanier moet so sigbaar soos die Voortrekermonument self wees. As 'n seksie dame op die senotaaf gefotografeer kan word, dan moet dit moontlik wees om met Generaal Opperman en die Vriende van die VTM se toestemming, die VTM tydelik as 'n aktuele advertensiebord vir Andries Pretoria te gebruik, ter bevordering van internasionale toerisme na Suid-Afrika deur die bemarking van die beroemde monument en sy man: Andries Pretoria.

Sonder Andries Pretoria sou daar geen Gelofte gewees het nie. Geen Gelofte, geen VTM nie.

Hierdie vier gaan saam en vorm een groter geheel: Pretoria, Andries Pretoria, die Gelofte, en die VTM as sigbare simbool van Pretoria.

'n Geintegreerde propagandaplan is dus gepas. Elektroniese Praagartikels in Engels is nodig om die verband tussen die VTM en Andries Pretoria sigbaar aan te toon.

Fotoverhale op die internet moet illustreer hoe Andries Pretoria met Prins Mpande saamgewerk het om Dingaan se mag te verminder. So het Andries Pretoria die Zoeloekoningshuis in Kwazulu van seker uitwissing gered, tot vandag toe.

Andries Pretoria en die Zoeloeheld Generaal-Indoena Ndlela se persoonlike samewerking op 16 Desember 1838, het die einde van Dingaan se tirannieke diktatorskap oor die vrye volke van Suid-Afrika, en die vooruitgang van Suider-Afrika self verseker. So 'n aktuele artikel deur Dan Roodt sal beide wit ens swart geskiedskrywers met meer rede en rasionaliteit oor Andries Pretoria se geniale Gelofte laat besin.

Andries Pretoria se hele lewe en strewe was vir die ontwikkelling van Afrika, teen bose Britse Kolonialisme en parasitiese Engelse Imperialisme, en is internasionaal nastrewingswaardig.

Om die stad wat na Andries Pretoria vernoem is se naam nou te probeer verander is 'n misdaad teen die mensdom, 'n ANC-aanslag teen die vreedsame naasbestaan van alle Afrikavolkere en hul onderlinge samewerking tot die ontwikkelling van Afrika en al sy inheemse mense, -Afrikane en Afrikaners.

Andries Pretoria was 'n Praetorpionier: 'n Afrikanerleier vir Afrika, wat met Prins Mpanda en Generaal-Indoena Ndlela saamgewerk het om Afrika te bevry van korrupte sentralistiese regering.

Dis gepas dat die Hoofstad van Afrika na hom vernoem is, want God seen Afrika, deur Andries Pretoria.

Op Andries Pretoria se geniale Geloftedag, skyn die son op die sarkofaag om God se belofte te verlig: ONS vir jou Suid-Afrika.

Praag, Afriforum, en die FAK saam kan nog ander Afrikanerorganisasies beinvloed, en moet by monde van Danie Goosen van die FAK 'n akkomoderende wen-wen-skrywe aan die Geografiese Naamraad rig, waarin voorgestel word dat die name Pretoria en Tswhane net eenvoudig omgeruil word.

Dus Pretoria, die sentrale middestadgedeelte moet eerder Tswhane genoem word, en die groter stad Tswhane weer Pretoria. Dan sal Andries Pretoria en die VTM as internasionaal bekende toeristebestemming weer in Pretoria staan, waar hulle hoort. Dit sal die staat en dus die belastingbetaler astronomiese verskuiwingsonkostes spaar. Dis veel goedkoper om Oom Paul na Pretoria te verskuif, en dan in sy plek en in die middel van Tswhane 'n standbeeld vir hoofman Tswhane op te rig.

'n Openbare beroep kan dan direk en bo-oor die antikultuurkop van Pallo Jordan op Jacob Zuma gedoen word om die verdelende Pretoriaspanning permanent te ontlont voor die komende algemende verkiesing.

Indien Zuma nie sy mening wil lug nie, moet President Kgalema Motlanthe in Zuma se plek versoek word om te reageer voor die 2010-Sokkertoernooi en al sy internasionale toeriste wat Pretoria as die stad van die Voortrekkermonument ken.

Intussen moet die geskiedenis van Andries Pretoria, Prins Mpande, Generaal-Indoena Ndlela en die oorlewende Zoeloekoningshuis behoorlik bestudeer en in die openbaar gedebatteer word. Geloftedag val nie maar net uit die lug uit nie. Andries Pretoria self het sy Gelofte alreeds 'n week voor die strategiese laertrek langs die Ncomerivier voorgestel, maar hoe het hy so seker geweet dat Generaal Ndlela hom gaan help op die komende Sondag van 16 Desember 1838?

Het Andries Pretoria toe reeds 'n politieke alliansie saam met Prins Mpande gehad? Hoe kon Andries Pretoria die spesifieke terrein gekies het, as hy nie seker was dat sy alliansievennoot Prins Mpande se beskermheer en lewensgetroue vriend, Generaal-Indoena Ndlela, daar ook saam met hom gaan werk deur geko-ordineerd en tydsberekend "aan te val" nie?

In die Heldesaal van die Voortrekkermonument sit Andries Pretoria en Prins Mpande vreedsaam saam. Maar moet die grootste held op 16 Desember en Geloftedag in die Voortrekkermonument van Pretoria, nie God se eie Generaal: Indoena Ndlela kaSompisi wees nie?

Geen swartmens of witmens, Afrikaner of Afrikaan, het die goddelike reg om die verstaanbare geskiedenis van God te ontken of te verander nie. Ook nie die gepaardgaande plekname ter nagedagtenis van sy unieke diensknegte en voortrekkers vir Afrika, soos Generaal-Indoena Ndlela en Andries Pretoria nie. Hulle historiese lewe, regstellende strewe en titaniese stryd teen die moordenaar Dingaan moet gerespekteer word, en nie die mensgemaakte mites van vandag se moderne mislukkings nie.

Viva Pretoria en Afrika!

uniel линейные топкарго отзывы

Sogenaamde ‘Volkskongres’

06:49:24 Ek sien u vertaal die nuwe swart party se Congress of People-naam met "Volkskongres" – hoofletter ook nogal!

Vir 'n pro-Afrikanerpublikasie is dit darem 'n treurige en betreurenswaardige vertaling. Die woord "people" het in Engels en ook by die ANC nog nooit in der ewigheid die begrip "volk" omsluit nie. Hulle bedoel eerder daarmee "mense" of die "bevolking".

Die begrip "volk" – veral soos dit verwys na die Afrikanervolk – is vir hule 'n vloekwoord.

Gebruik dan maar liewers die Engelse benaming in u berigte.

Фильчаков Харьков

Naspers se verraad duur voort

Naspers se Afrikanerverraad is oor die afgelope paar weke met nuwe skokkende voorbeelde gedemonstreer. Bo en behalwe die normale Afrikanerverguising en ontkenning van die krisis waarin ons volk verkeer, het veral twee voorbeelde my getref.

Die eerste is Tim du Plessis se rubriek waarin hy beweer dat daar geen verband tussen plaasmoorde en ras bestaan nie. Du Plessis staar hom blind teen die feite dat plaasmoorde teen die agtergrond van 'n regimebeleid van plaasonteienings plaasvind. Daarby kom nog die konstante opsweping van die massas met beloftes van grond en dan natuurlik ook die gereelde uiting van die slagspreuk "Kill a Boer, Kill a farmer".

Die feite is egter selfs meer spesifiek, want die oorlewendes getuig dikwels van die rassistiese opmerkings wat die swart geweldenaars jeens hulle gemaak het. Asof dit nog nie vir Tim oortuig nie, is daar ook die ekstreme en obsene geweld en marteling waaraan die slagoffers blootgestel word. Die militêre presisie van die aanvalle getuig ook van 'n moontlike georkestreerde veldtog. Voeg daarby die werklikheid dat die aanvallers altyd swart is en die slagoffers bykans altyd blank.

Tim is egter so blind vir die keiser se naaktheid dat hy geen van hierdie strak werklikhede raaksien nie. Die groot sonde is eerder 'n satiriese video wat deur Kovsie-koshuisstudente gemaak is. Du Plessis se flagrante miskenning van die milieu waarin plaasmoorde plaasvind maak dit maklik vir hom om te ontken dat plaasmoorde in wese politiek geïnspireerde haatmisdaad is. Hy kyk anderpad en die gevolg is 'n sluier van leuens wat oor die makabere, rassistiese verskynsel van plaasmoorde getrek word. Een van die eienskappe van volksmoord, aldus Genocide Watch, is die ontkenning dat dit plaasvind. Is die deelname van 'n vername koerantbaas aan hierdie ontkenning nie krimineel nie?

Die tweede geval van erge verdraaiing is die wyse waarop Naspers die 'Mbeki-brief' gerapporteer het. Die brief wat in die geheel met groot vaardigheid vertaal is, het baie "toevallig" Mbeki se stelling dat die ANC moet voorkom dat die nuwe swart heersersklas met die blanke heersersklasse saamwerk, uitgelaat. Vroeër in die vertaling is ook 'n gedeelte uitgelaat, maar daardie gedeelte maak geen rassistiese stellings nie. Interessant genoeg gee die koerant dan gehoor aan etiese joernalistiek deur te verklaar dat die betrokke stuk weggelaat is. Hierdeur word die wanindruk geskep dat enige weglatings uit die brief vermeld sal word. Tog, wanneer dit by Mbeki se anti-wit rassistiese stellings kom, word die betrokke weglating bloot verswyg. Hierdeur mislei Naspers doelbewus sy lesers.

Terug by Tim du Plessis se gehate stelling: Gelukkig het heelwat lesers met groot verontwaarding op Tim du Plessis se ontkenning oor die werklike aard van plaasmoorde gereageer. Uit die "blog"-reaksies is dit ook duidelik dat Tim onder 'n groeiende getal lesers baie ongewild is, om dit sagkens te stel. Ten minste twee deelnemers op Tim se blog spreek die hoop uit dat hy ook 'n slagoffer van misdaad sal raak. Wie kan hulle blameer, gegewe hoe emosioneel die meeste mense nou al oor hierdie traumatiese stand van die land voel?

Dit is duidelik dat Afrikaners geen erg aan Naspers se konstante linkse propaganda het nie. Tog hou Naspers onverbiddelik daarmee aan. Miskien is dit tyd dat mense daadwerklike openbare aksie teen Naspers begin neem.

Historiese oorsprong van Luke Watson se ‘Dutchman’

10:21:12 Die skeldnaam “Dirty Dutch” kom van Eerste Britse Besetting, 1795-1803. Toe die Bataafse Republiek die Kaap die Goeie Hoop in 1803 by die Britse besetters oorneem, het die kommissaris-generaal, adv. J.A. de Mist, ’n verslag oor die verhouding tussen die Hottentot-korps en die toe reeds Afrikaanssprekende vryburgers laat opstel.

Kapt. Le Sueur, die bevelvoerder van die korps, het die verslag opgestel en op 8 Augustus 1803 ingedien. Daarin vermeld hy dat die korps ’n minagtende houding jeens die vryburgers het en hulle disrespekvol as “Dutsman” of selfs “Dêm Dutsman” aanspreek. (Die woord “Dietsman” is ’n variasie hiervan.)

Le Seuer skryf hierdie houding van die bruin en Khoi-soldate toe aan anti-Afrikaanse indoktrinasie deur die Britte.

Die omstrede rugbyspeler Luke Watson se onlangse skeldnaam vir Afrikaners, “Dutchman”, dateer ongetwyfeld uit die tydperk van die Eerste Britse Besetting, wat van 1795 tot 1803 geduur het.

In 1795 het die Afrikaanse Vryburgers hul onafhanklikheid, en dus hul vryheid, deur die verraad van die Verenigde Oos-Indiese Kompanjie van Nederland aan die venynige en rassistiese Britse Empire verloor.

Dié venyn, haat en rassisme van die Britte jeens Afrikaners is 107 jaar later beklemtoon deur lord Alfred Milner toe hy in 1902, pas ná die Vrede van Vereeniging – wat die Anglo-Boereoorlog (1899-1902) beëindig het – gesê het: “It is no longer a war with bullets, but it is war still. We must knock the bottom out of the Afrikaner nation for ever and ever. Amen.”

Gedurende die Anglo-Boereoorlog het die Britse soldate na die Boere verwys as “Dirty Dutchman” weens hul kenmerkende “kommando-geur”. In die veld was daar nie wasgeriewe of seep nie.

Soos die Engelse spreekwoord lui: “Old habits die hard”.

фальшкамин

Moenie verdeel nie, snoer saam

Johann Wingard beskryf ‘n baie boeiende standpunt oor minderheidsvolke se soewereiniteit en die gepaardgaande regte. Ek wil ‘n enkele paragraaf van nader beskou. Hy skryf: “Die dilemma vir Afrikaners is egter die mate (van erkenning?) wat sy volkskap onderling tussen lede van daardie gemeenskap geniet. By die Boerevolkgedeelte is die getalle klein met ‘n intense gevoel van solidariteit, maar onder Afrikaners, oftewel wit Afrikaanssprekendes, bestaan twyfel oor ‘n gemeenskaplike kultuuridentiteit, ‘n identiteit wat baie van hulle met ander Afrikaanspraters wil deel.”

Myns insiens is daar egter nie soveel te spreek van ‘n heterogene gemeenskap, as van strydige strategieë (sonder ‘n duidelike wenner) nie.

Sedert 1994 is daar hoofsaaklik drie soorte toekomsdenke deur Afrikanerleiers gepropageer. Ten eerste was daar diegene wat die liberale Grondwet met sy menseregte as ‘n bevrydende wonderwerk beskou het. Hulle het die streng dissipline, werksetiek en protestantse waardes van die vorige bedeling as onderdrukkend ervaar en die 1994 oorname in ‘n gees van “change is as good as a holiday” aangegryp. Hulle het hoofsaaklik bestaan uit kunstenaars en ander kreatiewe denkers wat op die periferie van die hoofstroom hul kunste beoefen het, maar skielik in veranderde omstandighede hulself in die middel van die kalklig gevind het, en deeglik van die geleentheid gebruik gemaak het om hul menings te versprei in ‘n mate wat ver bokant die verhouding staan wat hul getalle sou regverdig.

Ten tweede was daar diegene wat in die ANC-gedomineerde Suid-Afrika ‘n ernstige fisiese bedreiging vir Afrikaners waargeneem het. Hoewel hulle vertrekpunt dieselfde was, het hulle hierop gereageer met twee uiteenlopende strategieë. Die eerste strategie is gepropageer deur die leiersfigure wat die swaarste gedra het aan gevestigde belange. Hulle het bestaan uit leiers uit die ou NP, sakepersone soos die AHI, hoogwaardigheidsbekleërs van staatsinstellings en akademici aan staatsgefundeerde universiteite. Hulle was afhanklik van die nuwe maghebbers om hulle gevestigde belange te beskerm, en weet dat enige iets wat ruik na rassisme homself vinnig tussen die aambeeld en die hamer sal vind. Hulle het daarom in hul poging om “aanvaarbaar” voor te kom terwyl hulle vir Afrikaans se behoud wil werk, begin met ‘n proses om die verskillende kleurlinggemeenskappe op ‘n paternalistiese wyse by die Afrikaner-laer betrokke te kry deur die “Afrikaanses” beweging op die been te probeer bring.

Die derde groepering, wat soos die tweede groepering die Nuwe Suid-Afrika se bedreigings vir ‘n Afrikaner-toekoms ernstig bejeën, vind min bemoediging in die skamele 3 miljoen wat die kleurlingbevolking by Afrikaners se getallevermoëns sou voeg, terwyl hulle voel dat die selfverraad wat ‘n stap van samesmelting met die kleurlinge vereis, die kool die sous nie werd is nie. Hulle verteenwoordig grootliks die leierskorps wat nie in die eerste twee kategorieë opgegaan het nie, hoewel hulle tot op hede nie met ‘n strategie vorendag kon kom wat inslag by die voetvolk van die Afrikaners kon vind nie. Hierdie groepering word as “regs” afgemaak deur die eerste twee groeperinge en in reaksie het sommige begin om na hulself te verwys as Boere, eerder as Afrikaners.

Dit is duidelik dat ons onder omstandighede leef wat baie verwarrend vir die meeste Afrikaners is. Daar het ook heelwat apatie by die Afrikaner-voetvolk ontstaan jeens leierskap as gevolg van die mislukkings van die verlede. Verder word die stryd tussen die drie Afrikanergroeperinge bemoeilik omdat daar nie ‘n forum is waarop die leiers van die groeperinge dit as ‘n Afrikaner-aangeleentheid vir Afrikaners kan voorlê, en waarby die Afrikaners dan ‘n keuse kan maak vir die een of die ander nie. Indien daar so ‘n forum sou ontstaan is dit ook baie waarskynlik dat die verloorders van die stryd onder huidige omstandighede eerder die forum se geloofwaardigheid in twyfel sou trek as om hulle by die uitslag daarvan te berus.

Hoe dit ook al sy, daar moet deurentyd deur die leiers gepoog word om die harte en gedagtes van ons volk te wen en te mobiliseer. Dit is immers die eerste plig van ‘n leier. Pogings om die volk te verdeel in Afrikaners (dié wat ons nie ondersteun nie) en Boere (dié wat ons ondersteun) as alternatief, spreek baie van die frustrasie van daardie leiers, maar dit laat nogal vrae ontstaan oor die vermoëns en vaardighede van hul leierskap, want dit lyk asof hulle opgee.

lagoon game