Nuus Archives - Page 173 of 403

Pretoriase hof lewer vandag uitspraak oor KVP se naam

Die Pretoriase hof sal na verwagting vandag uitspraak lewer of voormalige ANC voorsitter Terror Lekota se nuwe party homself KVP mag noem, het die SAUK berig.

Uitspraak word teen 11:30 verwag.

Die regerende ANC het die naam van die wegbreek party teengestaan in die hof voor 'n volle regbank wat ook regterpresident Bernard Ngoepe ingesluit het.

Die ANC redeneer dat geen persoon of party eksklusiewe reg het om die naam "Kongres van die Proletariaat" te gebruik nie, dit was 'n gebeurtenis in 1955 toe die vryheidsverklaring opgestel is.

Die KVP se regslui het aan die hof gesê dat die ANC net bang is vir die nuwe party en het ontken dat die KVP se naam die kiesers sal deurmekaarmaak.

Lekota is geskeduleer om saam met voormalige Gauteng premier Mbhazima Shilowa die nuwe party volgende week in Bloemfontein bekend te stel.

play casino games прокурор Фильчаков

Amerikaanse motorreddingsplan sneuwel in Senaat

Senaatwetgewers het gisteraand nie kon ooreenstem oor 'n hulppakket vir die sukkelende Amerikaanse motorvervaardigers nie, iets wat die Demokrate gewaarsku het miljoene mense se werk in gevaar kan stel.

Gesprekke oor die $14-miljard pakket wat gesteun word deur Demokrate en die Withuis het 'n dooiepunt bereik nadat die senaat se Republikeine vasgestaan het by hulle eis dat die Amerikaanse salarisse vinnig in lyn gebring word met dít wat deur buitelandse motorvervaardigers betaal word.

"Ek sidder as ek na Wallstraat moet kyk môre. Dit gaan nie 'n mooi prentjie wees nie," het Demokratiese senaatleier Harry Reid gesê nadat Wallstraataandele gedaal het in afwagting van die nuus.

Demokratiese senatore, wat bekommerd is oor nog verminderings van poste het voorberei om die Withuis te versoek om geld van die $700 miljard-Wallstraathulppakket los te maak vir die motorvervaardigers.

"Miljoene Amerikaners, nie net motorvervaardigers nie, maar ook mense wat motors verkoop en dié wat aan motors werk, gaan nou direk geraak word," het Reid gesê.

"Ek hoop dat die president wat so goed met ons saamgewerk het die laaste paar weke aan die wetgewing nou sal ooorweeg om die noodfondsgeld te gebruik om die motornywerheid en die werkers van die land te help."

Reid het verwys na die geld in die $700-miljardhulppakket vir finansiële instellings waarop vroeër vanjaar besluit is.

Die Demokrate wil deel van die fondse hê om die motornywerheid by te staan en president Bush se administrasie het geweier.

Die Withuis, wat die Demokrate se voorstel vir korttermynlenings aan die motornywerheid ondersteun het en die weergawe van die voorstel wat Woensdag deur die huis van verteenwoordigers bespreek is, het gesê hulle is teleurgesteld dat die gesprekke 'n dooiepunt bereik het.

водяные насосы Александр Фильчаков

DA glimlag oor Wes-Kaapse uitslae

Die nuutgestigte KVP (Kongres van die Proletariaat) het sy eerste openbare verteenwoordigers gekry, maar dit was die DA wat uit Woensdag se tussenverkiesings met 'n breë glimlag getree het.

In die Weskaap, waar die ANC se houvas op gesag maar swak is, het die DA 9 van die 18 wyke gewen wat voorheen deur die regerende party gehou was. Vier van die 9 is deur beide die ANC en die KVP betwis.

"Daar is 'n eenvoudige boodskap uit gister se tussenverkiesingsin die Wes-Kaap…dat die DA op pad is om die provinsie te wen," het die party se uitvoerende hoof Ryan Coetzee gesê.

Hy het gesê dat indien die DA nie volgende jaar 'n volstrekte meerderheid behaal nie, dit sekerlik op pad was om die grootste party in die Weskaap te word.

Die ANC het gesê dat hulle tevrede is met die oorwinnings elders in die land, maar dat die Weskaap 'n wesentlike uitdaging is vir die party.

Die ANC se Weskaapse voorsitter, Mcebisisi Skwatsha het gesê die party gaan die konstitusionele hof vra om die uitslae nietig te verklaar in die wyke waar die onafhanklike verkiesingskommissie baie kandidate afgekeer het wat nie betyds geregistreer het nie.

Johannesburgse vulstasie twee keer binne ‘n week beroof

'n Motorhawe in Fourways is vandeesweek twee keer beroof, het Honeydew-polisie Donderdag gesê.

Kaptein Douglas Trollip het gesê die jongste insident het Donderdagmiddag omstreeks 15:00 gebeur toe twee mans R500 uit die kasregister gehaal het by die vulstasie in William Nicolrylaan.

"Hulle het in die vulstasie ingeloop en een man het 'n vuurwapen op die kassier gerig terwyl 'n ander man die geld uit die kasregister gehaal het," het Trollip gesê.

Die twee mans het te voet gevlug van die toneel af en niemand is gearresteer nie.

Maandag is dieselfde vulstasie deur twee mans beroof wat 'n onbekende hoeveelheid geld gesteel het uit die kasregister en ook een van die kassiere se selfoon gevat het.

Александр Фильчаков

VSA waarsku oor verslegtende cholera-epidemie in Zimbabwe

Die Verenigde State het Donderdag gewaarsku dat die cholera-epidemie in Zimbabwe erger word en aangekondig dat miljoene dollar bestee gaan word om die siekte te beveg.

Amerikaanse amptenare het 'n stelling deur president Robert Mugabe dat die epidemie oor is, verwerp. Die Amerikaanse agentskap vir internasionale ontwikkeling het aangekondig dat hulle $6,2 miljoen gaan uitgee om die siekte te beveg, tesame met die $4,6 miljoen wat reeds bestee is.

"Wat ons nie sien nie, is dat die uitbraak opgehou het," het Henrietta Fore, hoof van USAID gesê. "Ons het tans 'n verslag wat aandui dat daar amper 800 mense dood is en 16 000 mense besmet is met die siekte. Dit is 'n cholera-uitbraak wat sal aangaan en wat dringend is."

Fore en die Amerikaanse ambassadeur in Zimbabwe, James McGee, het in Washington met verslaggewers gepraat oor die dringende toestand in Zimbabwe, waar watervoorsiening, sanitasie, staatsgesondheidsdienste en onderwys ineengestort het nadat die land se ekonomie ingegee het ná agt jaar se hiperinflasie en wanbestuur.

no deposit bonus

Jong kommuniste wil jeug in uniform sien

Militêre diens kan binnekort terug wees indien die jong kommuniste hulle sin kry. Die kommunistiese jeugliga het die weermag gevra om hulle deure oop te maak om aan jongmense werksgeleenthede te kan gee en om voor te berei indien die land enige dade van aggressie moet weerstaan, maar het geweier om dit militêre diensplig te noem.

Ligasekretaris, Buti Manamela het gesê 'n voorstel vir die bekendstelling van militêre opleiding sal by die liga se vierdaagse nasionale konferensie wat Donderdag in Johannesburg begin, bekendgestel word.

"Dit gaan nie werklik daaroor dat ons in gevaar verkeer nie, maar ek dink ons moet voorbereid wees indien ons binnegeval word," het Manamela gister gesê.

Dit is dus belangrik om die jeug te mobiliseer vir militêre vaardighede. Dit sal ook werkloosheid, misdaad, dissipline en algemene toegang vir swart jeugdiges aanspreek, het hy bygevoeg.

Manamela het voorgestel dat jongmense ingeskryf word by militêre instellings nadat hulle matriek voltooi het. Hy het geweier om dit diensplig te noem.

Die befondsing vir die projek sal gevind word deur 'n deel van die geld van die Nasionale Vaardigheidsfonds wat vir die dienstesektoropleidingsowerhede (setas) geoormerk is te gebruik.

"Dit moet verstaan word as 'n vorm van diensplig…binne die konteks van die van die huidige ingerypgin in die vorm van setas waar jong mense 'n spesifieke salaris verdien, oor 'n tydperk van 'n jaar of so, en waar hulle spesifieke ondervinding opdoen waarmee hulle dan elders kan gaan werk soek," het die Jeugliga se adjunksekretaris, Khaye Nkwanyana, gesê.

Manamela het ook gevra dat die rol van die jeug gedurende vredestyd bespreek moet word, en het gesê dat die militêre magte aangewend moes word in KwaZulu-Natal gedurende die storms om inwoners wat gestrand was te red, en dat hulle ook kon help om bosbrande te beveg in Mpumalanga en die Wes-Kaap. "Ons siening is dat soldate in vredestyd aangewend moet word vir humanitêre diens," het hy gesê.

Henri Boshoff, 'n militêre analis by die instituut vir sekerheidstudies het die liga se voorstel as "'n fantastiese idee" beskryf, maar bygevoeg dat dit nie ekonomies vatbaar is nie.

"Wie gaan mens inskryf en wie gaan mens los? Mens wil nie van die weermag 'n welsynsorganisasie maak nie."

Die Suid-Afrikaanse Nasionale weermag sukkel reeds met kapasiteitsprobleme as gevolg van die integrasie ná 1994, met die gemiddelde ouderdom van soldate wat baie ouer is as die internasionale gemiddeld. Elke jaar word net 3 000 kadette ingeneem uit sowat 20 000 aansoeke, en selfs dan word baie van die nuwe rekrute net op kort kontrakte aangestel, het hy gesê.

Reddingsboei vir VSA motorvervaardigers onder skoot

'n Wetsontwerp om $14-miljard in lenings aan Amerikaanse motorvervaardigers is deur die Huis van Verteenwoordigers aanvaar, maar die vooruitsigte vir dié pakket bly onseker vanweë Republikeinse teenkanting in die Senaat.

Die Republikeine is ontevrede met flou-makou President George W. Bush rakende die voorstel en betoog dat enige ondersteuning vir die plaaslike motorindustrie aansienlike toegewings deur werkers en krediteure moet insluit en ook die strenger omgewingsreëls wat deur die Huis Demokrate opgedwing is, verwerp.

Die Huis het die plan laat gistermiddag met 'n stem van 237-170 goedgekeur. Volgens die plan sal geld binne dae in die koffers van 'n kontantgestremde General Motors Korporasie en Chrysler gestort word. Ford Motormaatskappy sê hulle het genoeg geld om hulle deur 2009 te sien, maar sal ook kwalifiseer vir federale hulp.

Ondersteuners haal somber waarskuwings deur GM en Chrysler bestuurslede aan wat sê hulle gaan binne weke algeheel sonder kontant wees en dat daar werklike vrese bestaan dat die vervaardigers in duie sal stort. Dit sal tienduisende werke uitwis en 'n skok wees vir 'n ekonomie wat reeds wankelrig is.

Demokrate en die Bush Withuis het gehoop die Senaat sal reeds teen vandag oor die wetgewing gestem het. Maar gebaseer op besorgdhede wat deur Republikeinse senators geopper is – en 'n steeds onduidelike vlak van ondersteuning, selfs onder Demokrate – is dit duidelik dat daar nog baie werk vir hulle wag voordat dit kan gebeur.

цена харьков

Amerikaanse kleinhandelverkope daal met 3,8% – ergste in 5 jaar

Amerikaanse kleinhandelverkope, met die uitsluiting van motors, het in November die grootste maandelikse daling in vyf jaar getoon toe verbruikers vir die derde maand in 'n ry hulle aankope beperk het, het 'n privaat verslag wat Donderdag vrygestel is getoon.

Dié daling het in November toegeneem, ten spyte van 'n skielike toename in verkope gedurende die belangrike "swart Vrydag-naweek", die drie dae ná die dankseggingsvakansiedag laat in November, volgens SpendingPulse, die handelsdatadiens van Mastercard-adviseurs, 'n filiaal van Mastercard Inc.

Verbruikersbesteding, met die uitsluiting van motors, het verlede maand met 3,8% gedaal volgens 'n seisoenaal aangepaste basis, dit is meer as die 1,5% daling wat in Oktober opgemerk is, het SpendingPulse gesê.

Die Novembersyfer was die grootste daling in een maand in SpendingPulse se geskiedenis, wat in 2003 begin het, en het die 2,4%-daling van twee maande gelede verbygesteek.

Dié verslag is die mees onlangse getuienis dat Amerikaanse handelaars die ergste vakansiehandelseisoen in die onlangse geskiedenis in die gesig staar. Die einde van die jaar se inkopeseisoen maak vir baie handelaars die grootste deel van hulle jaarlike inkomste uit.

Likwidasies neem toe in November

Die totale hoeveelheid likwidasies in November het toegeneemmet 23,7% teenoor November 2007, het Statistiek Suid-Afrika Donderdag gesê.

Dit is as gevolg van 'n toename van 15,4% in verpligte likwidasies en 24,3% in vrywillige likwidasies.

Wanneer November 2007 en 2008 vergelyk word, het likwidasies van beslote korporasies met 29% gestyg en maatskappylikwidasies met 18,1%, het Statistiek SA gesê.

Statistiek SA het gesê die totale hoeveelheid insolvensies wat vir Oktober aangemeld is, het met 20,1% gestyg teenoor Oktober 2007.

самокат topcargo

Brand vlam weer op in Weskaap

Die brand in die Weskaapse Hottentots-Hollandberge het weer oornag opgevlam, het die stad se rampbestuur Donderdag gesê.

Kaapse brandweerman

'n Totaal van 155 brandweermanne en 'n klomp helikopters het gewerk om die vuur wat reeds 9 huise vernietig het sedert Maandag onder beheer te bring, het woordvoerder Wilfred Solomons-Johannes gesê.

Werk is moeiliker gemaak deur die hoë olieinhoud van dennebome wat dit moeilik gemaak het om vlamme in daardie gebiede te blus, het hy verduidelik.

Toestande is baie droog in die gebied en mense kan help deur nie sigaretstompies weg te gooi nie en deur oop vure te vermy, het Solomons-Johannes gesê. Mense in informele nedersettings moet sekermaak dat vure en kerse dood is voordat hulle die huis verlaat.

Niemand is dood nie, maar baie mense is vir rookinaseming behandel.

Die volle omvang van die skade is nog nie bekend nie.

пневмогайковерт