'n Verbasende 81 persent van Suid-Afrikaanse kinders tussen die ouderdomme van 13 en 17 het al pornografiese beelde op hul vriende se selfone gesien.Nog 64 persent onder die ouderdom van 18 is al aan pornografie op die internet blootgestel.
Dié statistiek is vandeesweek onthul by 'n konferensie oor kinderpornografie wat gehou is onder die leierskap van die adjunkminister van binnelandse sake, Malusi Gigaba.
Die opname is gedoen onder hoërskoolleerlinge wat op ewekansige wyse gekies vanuit skole in Johannesburg, Kaapstad en Durban.
Die vakbondkonfederasie Cosatu het gister beswaar gemaak teen die veiligheidswagte bekend as Rooimiere wat twee stakende werkers aan die Oosrand geskiet en in die bene gewond het.Volgens hul woordvoerder, Patrick Craven, herinner die insident aan die wreedheid van die apartheidsbewind. Craven het teen die Rooimiere uitgevaar omdat hulle blanke mans is. Hy het gesê dat 'n eenheid wat deur mans oorheers word en slegs uit blankes bestaan verwerp behoort te word.
Cosatu het ook gevra dat so 'n rassistiese eenheid verwyder behoort te word en voorspel dat die Oosrandse metro binnekort vanweë die staking geheel en al in duie mag stort.
Sy het gepraat by 'n inligtingsessie oor die hervestiging van buitelanders wat in die stad kom skuil het.
Die Akasia-kamp noord van die stad is ingerig om diegene te huisves wat uit hul huise verdryf is. Komberse en drie etes per dag word tans in die kamp verskaf.
Tweeduisend mense is in die kamp opgeneem, maar nie almal van hulle is noodwendig ontwortelde buitelanders nie. Twaalf motors is by die kamp in 'n skut geplaas en wapens is ook gekonfiskeer.
'n Amptenaar van die Onafhanklike Verkiesingskommissie is in Durban se Umlazi-buurt oor die naweek doodgeskiet.
Superintendent Vincent Mdunge van die polisie het bevestig dat die man Saterdag 'n strooijonker by 'n troue was toe 'n bende by die seremonie ingebars het en hom net daar geskiet het.
Hy is by aankoms in die hospitaal dood. Geen ander beserings van die ander bruilofgaste is aangemeld nie en geen besittings is ook van gaste geneem nie.
Die polisie is nog nie by magte om die amptenaar se naam vry te stel nie.
Die SAUK-raad het gister die petisie van sewe van sy lede wat vra dat dit moet bedank, verwerp.
Volgens die voorsitter, Khanyasile Mkhonza, is die petisie kwaadwillig, verdelend en bedoel om die integriteit en gesag van die
raad te ondermyn, asook om die geloofwaardigheid van die organisasie te benadeel.
Mkonza het gevra dat die raad se gesag eerbiedig behoort te word. Sy het ook beklemtoon dat die raad verenig was in sy beluite en nie so verdeeld as wat dit in die media voorgestel word nie.
Eskom het aangekondig dat beurtkrag steeds moontlik is maar dié winter net in 'n noodgeval gebruik sal word.
Die nutsmaatskappy het sy kragstasies se steenkoolvoorrade aangevul en voorsien nie onmiddelike kapasiteitsprobleme nie.
Die publiek word egter genooi om dieselfde beurkragroosters as wat in April gebruik is, te raadpleeg ingeval dit weer nodig word.
Eskom gaan ook van sy gasturbines gebruik maak om elekrisiteitsproduksie waar nodig aan te vul.
Dit is die mening van Steven Friedman, die politieke ontleder en navorsingsgenoot by die Instituut vir Demokrasie in Suid-Afrika.
Hlope word tans daarvan beskuldig dat hy die regters van die Grondwethof onbehoorlik wou beïnvloed in die saak wat Jacob Zuma en die Skerpioene betrek.
Volgens die grondwet, kan slegs 'n tweederdemeerderheid van die parlement 'n regter afdank, dus sal die meeste ANC-lede daarvoor moet stem.
Volgens kaptein Mack Mngomezulu van die polisie het 300 werkers buite die Boksburg-munisipaliteit betoog toe die polisie op hulle geskiet het. Twee mense is in die bene gewond en agterna hospitaal toe geneem vir behandeling.
Twee klagtes van poging tot moord is gelê.
In 'n ander voorval by die Kemptonparkse burgersentrum is privaatveiligheidsbeamptes wat as Rooimiere bekendstaan met klippe gegooi. Die Rooimiere het met ligte hael op hulle geskiet en vier mense is gewond en hospitaal toe geneem.
Die opnames is in Januarie verlede jaar gemaak toe regter Motata, wat na bewering dronk was, 'n motorongeluk gemaak het. Hy het met sy Jaguar in die muur van 'n huis in Hurlingham, Johannesburg ingery.
Die opnames is deur die eienaar van die eiendom, sakeman Richard Baird, op 'n I-mate-selfoon gemaak wat blykbaar nou gebreek is.
Motata se advokaat wil nie hê dat die opnames teen die regter as getuienis toegelaat word nie, weens 'n gebrek aan oorspronklikheid en egtheid.
Volgens die woordvoerder Tlali Tlali is 102 van dié sake in die Gautengprovinsie.
In dié provinsie alleen is 600 mense in hegtenis geneem weens geweld teen vreemdelinge wat omtrent drie weke gelede begin het, volgens direkteur Govindsamy Mariemuthoo.
In die Weskaap het ongeveer 400 mense al in die hof verskyn. Tlali is onseker oor die arrestasies en vonnisse. Klagtes wat gelê is, was vir diefstal, inbraak, moord, poging tot moord en brandstigting.
Meer as 40 mense is vanmore beseer toe 'n bus op die N3-snelweg omgeslaan het.
Volgens 'n woordvoerder van Netcare, Chris Botha, is een persoon baie ernstig beseer terwyl 12 ander ernstig beseer is en 29 ligte beserings opgedoen het.
Dis nog nie duidelik presies waarom die SA Roadlink-bus die pad byster geraak het en oor die middelman gery het om teen aankomende verkeer te bots nie.
Die Durbanse brandweer moes die baie ernstig beseerde passasier met meganiese kake uit die wrak bevry.
08:54:16 Suid-Afrika se nege onderwysministers het in 'n luuksehotel in Kaapstad byeengekom en bevind dat veel meer gedoen sal moet word voordat almal gehalte-onderwys sal geniet.Die raad van onderwysministers het herbeklemtoon dat alle skole, onderwysers en leerlinge moet sorg dat hulle genoegsaam op eksamens voorberei is.
Terwyl daar verwys is na ondersteuning vir skole, het die vergadering ook saamgestem dat leerlinge teksboeke vir elke vak moet hê, voorbeeldeksamenvraestelle moet deurwerk en elke dag klasse vir die volgende vyf maande moet bywoon.
Volgens die raad van onderwysministers is daar geen klaskamers sonder onderwysers nie, behalwe waar skole poog om wiskunde- en wetenskaponderwysers te lok.
Die verdagtes is aangehou vir 'n verskeidenheid oortredings, waaronder roof en moord.
Een van hulle is egter intussen aangekeer terwyl die ander tien steeds op vrye voet verkeer.
'n Polisieman is insgelyks in hegtenis geneem en daarvan aangekla dat hy die gevangenes gehelp het om te ontsnap. 'n Saak van korrupsie word ook ondersoek.
08:37:39 Verlede naweek het 'n aantal sangomas byeengekom vir 'n reinigingseremonie om ongelukke op die pad tussen Tzaneen en Morutji te stuit.
Oor die afgelope twee maande het agt mense op dié pad gesterf.
As deel van die ritueel het die tradisionele geneeshere voorvadergeeste opgeroep en moetie op die betrokke pad en onder 'n brug gesprinkel.
Die burgemeester van Tzaneen, raadslid Theo Ramatsoma, het die seremonie bygewoon en motoriste gevra om ook veilig te bestuur.
Volgens 'n plaaslike sangoma is die pad egter nou veilig vir sowel motoriste as voetgangers.
