aan 'n konferensie in Sandton gesê.
Hy het 'n intydse toespraak via satelliet van New York af gelewer.
Sowel die land se kragprobleme as aanstaande jaar se verkiesing bied rede tot kommer, het hy gesê.
Hy het bygevoeg dat die Suid-Afrikaanse Reserwebank geen keuse het anders as om rentekoerse te verhoog nie, selfs al kom die druk van buitefaktore soos olie en voedsel. Die hoë pryse is nietemin 'n werklikheid.
verkry uit werk vir die Zimbabwe-regering, vir liefdadigheid in die buurland gegee word.
Drukwerk met die oog op die verkiesing in Zimbabwe is deur die drukkery-afdeling van Naspers gedoen. Verskeie koerante van die groep het vandag verslag gedoen oor die drukwerk.
Die petisie aan voorsitter Ton Vosloo sê koerante van die groep het in die verlede sterk standpunt ingeneem teen organisasies wat op enige wyse steun aan Robert Mugabe gegee het. Die opstellers van die petisie sê hulle het ook kritiek teen die wyse waarop die Suid-Afrikaanse regering die situasie in Zimbabwe hanteer het.
Die Burger berig dat Rosemarie Vosloo, 'n eiendomsagent van Pam Golding, gesterf het nadat sy Sondag vier keer geskiet is terwyl sy kliënte by 'n skouhuis ingewag het.
Vosloo het gister aan haar beserings beswyk.
'n Kollega was op die toneel nie lank na Vosloo geskiet is nie.
Vosloo was in erge pyn en het gevrees dat die aanvaller haar kinders sou agternasit en hulle ook sou skiet.
Die eienaar van die huis is steeds geweldig geskok.
Pam Golding wou nie op die moord kommentaar lewer nie.
Stikstof en fosfor wat hoofsaaklik van landbou afkomstig is, vloei in die see en dien as kunsmis wat sodoende plantegroei verhoog.
As al die oortollige alge na die bodem van die see sink, verrot dit en gebruik al die beskikbare suurstof op.
Die proses word eutrofikasie genoem en die aantal sulke dooie sones het vanaf 44 in 1995 tot 169 tans gestyg.
Morgan Tsvangirai het hom tot die Nederlandse ambassade in Harare vir skuiling gewend.
Nietemin ontken Tsvangirai se woordvoerder, George Sibotshiwe, dat die leier van die MDC in die ambassade skuil, en beweer dat sulke berigte vals is.
Die ambassade kon nie sê hoe lank Tsvangirai daar gaan bly nie.
Intussen het oproepe om 'n regering van nasionale eenheid in Zimbabwe gister op dowe ore geval en is deur sowel Zanu-PF as die MDC geïgnoreer.
Bantu Holomisa vra dat daar 'n einde kom aan die struikelblokke wat in die weg Duitse en Britse owerhede geplaas word in 'n ondersoek na die wapentransaksie.Hy sê hy is bekommerd oor berigte dat Justisieminister Brigitte Mabandla die saak verder laat sloer.
Die UDM-leier het aan die ANC sekretaris-generaal Gwede Mantashe geskryf om hom te vra om Mabandla te keer om die NV se ondersoek te kortwiek.
Holomisa het ook 'n beroep op Mantashe gedoen om die wapentransaksie-ondersoek op die sakelys gedurende die ANC se nasionale werksvergadering vandeesweek te plaas.
Twee lede wat voorheen na bewering vir Mcebisi Skwatsha, die Weskaapse provinsiale sekretaris van die ANC, aangeval het, is gister na 'n dissiplinêre verhoor uit die party geskors.
Die twee mans, Ndikho Tyawana en Sicelo Mvunyiswa het nie die verhoor bygewoon wat gister by die party se provinsiale kantoor in die Kaapstadse middestad gehou is nie.
Vroeër in die dag is Tyawana op borgtog van R1000 vrygelaat toe hy in die landdroshof op Worcester verskyn het op 'n klag van aanranding met die doel om ernstig te beseer.
Na bewering het hy Skwatsha twee weke gelede tydens 'n partyvergadering in dié Bolandse dorp met 'n mes in die nek en rug gesteek.
Hy sê dit is tragies om te sien hoe Bafana Bafana die grap van die internasionale sokkerwêreld geword het.
Queiroz sê dit is pateties wanneer mense Suid-Afrika se oorwinning oor die ongerekende Ekwitoriaal-Guinee vier.
Queiroz, wat Sir Alex Ferguson se hulpafrigter by Manchester United is, sê die behoorlike strukture ontbreek.
Hy sê Bafana Bafana het 'n wonderwerk nodig anders gaan hulle verneder word tydens die 2010-wêreldbeker.
Die olieprys het weer gestyg in weerwil van pogings deur olieproduserende lande om 'n manier te vind om dit hok te slaan.
Die wêreld se grootste produsent, Saoedi-Arabië het vroeër planne aangekondig om produksie te verhoog. Dit sal 'n algehele verhoging van vyfhonderdduisend vate per dag sedert Mei tot gevolg hê.
Die nuus het egter geen demper op stygende oliepryse geplaas nie.
Londense Brent-ruolie se prys het gister tot $136,24 per vat gestyg.
Die prys van olie het sedert die begin van die jaar met veertig persent toegeneem.
Die ANC se president, Jacob Zuma, het gister sy pogings voortgesit om bedrogklagtes teen hom teruggetrek te kry.
Sy regsadviseur, Michael Halley, het gister 'n aansoek ingedien by die Hooggeregshof in Pietermaritzburg.
Daarvolgens word 'n hofbevel aangevra wat die nasionale vervolgingsgesag se besluit om Zuma te vervolg, ongeldig verklaar word.
Zimbabwe se regerende party het die opposisie se onttrekking van die presidentsverkiesing as 'n onbenulligheid afgemaak.
Zanu-PF het gesê dit was die elfde keer dat Tsvangirai gedreig het om hom van die presidensiële opvolgverkiesing te onttrek.
Die Zimbabwiese verkiesingskommissie het gesê dat voorbereidings vir die presidentsverkiesing Vrydag voortgaan omdat die MDC-opposisie nie sy onttrekking op skrif gestel het nie.
Die heersende party glo dat Tsvangirai 'n neerlaag wil vermy.
Zanu-PF het Tsvangirai daarvan beskuldig dat hy politieke geweld as 'n verskoning gebruik terwyl die waarheid is dat die meerderheid gevalle van geweld deur die MDC veroorsaak is.
'n Polsiebeampte is deur vier mans in die mond geskiet aan wie hy 'n geleentheid langs die pad gebied het, het die Ooskaapse polisie verklaar.
Twee polisiebeamptes was aan diens toe hulle gister vier mans en 'n vrou in Motherwell, Port Elizabeth, opgelaai het. Die vier mans het konstabel Zaleni oorval, hom in die mond met sy dienspistool geskiet en weggehardloop.
Zaleni is hospitaal toe geneem en verkeer in 'n stabiele toestand. Geen inhegtenisnames het nog plaasgevind nie. Die polisie ondersoek sake van poging tot moord en roof.
Negentig persent van Suid-Afrikaners voel dat korrupsie 'n lewenswyse in Suid-Afrika geword het, en 85 persent glo dat daar korrupsie op senior vlakke van die regering is.
Dié bevindings is vandag gepubliseer deur TNS-navorsingsopnames. Terwyl die meeste Suid-Afrikaners teen korrupsie gekant is, sal hulle self korrup optree indien hulle die geleentheid kry. Vier uit tien Suid-Afrikaners sê hulle sal nie 'n ekstra R50 teruggee indien 'n kassier of teller hulle te veel kleingeld gee nie. 'n Derde van bestuurders het oor die afgelope ses maande 'n voertuig onder die invloed van alkohol bestuur.
Die Vryheidsfront Plus sal vandag ‘n klag teen Zwelinzima Vavi by die Menseregtekommissie lê.
Die sekretaris-generaal van Cosatu het by ‘n begrafnis gesê dat hulle bereid was om te skiet en dood te maak vir Zuma.
Die woordvoerder vir die Vryheidsfront Plus, Willie Spies, sê dat Vavi duidelik die grondwet, die regstelsel en die demokratiese orde van Suid-Afrika uitdaag.
Vavi het gepraat by die begrafnis van ‘n ANC-veteraan en selfs verder gegaan as die ANC-jeugligapresident Julius Malema se omstrede verklaring dat hy die wapen sal opneem en vir Zuma sal moor.
Cosatu ontken dat hulle enige oproep tot onmiddellike optrede gemaak het.
