Dié bevindings is vandag gepubliseer deur TNS-navorsingsopnames. Terwyl die meeste Suid-Afrikaners teen korrupsie gekant is, sal hulle self korrup optree indien hulle die geleentheid kry. Vier uit tien Suid-Afrikaners sê hulle sal nie 'n ekstra R50 teruggee indien 'n kassier of teller hulle te veel kleingeld gee nie. 'n Derde van bestuurders het oor die afgelope ses maande 'n voertuig onder die invloed van alkohol bestuur.
'n Vyfde van metropolitaanse volwassenes voel dat dit heeltemal aanvaarbaar is om aan mense op grond van hul ras toegang tot plekke, vergaderings en byeenkomste te weier.