Nuus Archives - Page 269 of 403

Sekswerk moet gedekriminaliseer word

06:54:50 Volgens die Instituut vir Sekerheidstudies behoort sekswerk gedekriminaliseer te word en deur dieselfde arbeidswetgewing as ander sektore van die ekonomie gereguleer te word.

'n Senior navorser van die ISS, Chandre Gould, sê dat kriminalisering van sekswerk beteken dat die nywerheid ongereguleer is.

Dit skep toestande wat vir ander soorte werk onaanvaarbaar sou wees.

Die studie toon dat terwyl sekswerkers dikwels onderworpe is aan toestande van uitbuiting, baie min gedwing word om seks te verkoop.

Gould sê 'n aantal sekswerkers het die werk gekies omdat hulle meer geld kon verdien as wat hulle met hulle vaardighede in ander betrekkings sou verdien.

Sekswerk word grotendeels deur swart Suid-Afrikaanse vroue tussen die ouderdomme van 24 en 28 verrig.

Slegs 5% van die werkers is buitelandse burgers.

продвижение сайта

Korrektiewe Dienste-werknemers van diefstal aangekla

07:37:19 Klagtes van diefstal word aanhangig gemaak teen nege werknemers van korrektiewe dienste in Kroonstad.

Hulle het na bewering hulself gehelp aan 'n paar bottels na 'n begrafnis.

Die diefstal is deur die drankwinkel se geslotebaantelevisie opgeneem en die filmmateriaal word gebruik om die diewe te identifiseer.

Die bus het blykbaar by die drankwinkel stilgehou op pad terug en ongeveer 10 werknemers in uniform het die winkel binnegekom.

Een werknemer het vir 'n bottel brandewyn met sy kredietkaart betaal.

Die videomateriaal toon dan hoe die ander bottels van die rakke afhaal en uitstap sonder om te betaal.

Die departement van korrektiewe dienste sê hulle dra geen kennis van die beweerde diefstal of die polisieondersoek nie.

free download roulette депутат лобановский

Misdaad kniehalter toerisme

07:14:25 Persepsies oor geweldsmisdaad kniehalter toerismegroei in Suid-Afrika, volgens 'n toptoerismebeampte.

Suid-Afrika is tans een van die wêreld se mees gewelddadige lande buite 'n oorlogsgebied.

Dit het toeriste die skrik op die lyf gejaag wat ons mooi strande en skouspelagtige wildlewe wil ervaar.

Groei in Suid-Afrikaanse toerisme bly nietemin twee keer so hoog soos die globale gemiddeld. 'n Rekord-9,1 miljoen toeriste het verlede jaar die land besoek, maar veiligheid en sekuriteit bly 'n groot kopseer.

Toerisme het in 2007 8,4% tot Suid-Afrika se BNP bygedra.

SA Toerisme hoop op 10 miljoen besoekers in 2010 en 'n historiese hoogtepunt in BNP-bydrae van 12% teen die jaar 2014.

uk gambling

Tutu glo Olimpiese atlete moet menseregteskendings uitwys

07:40:13 Desmond Tutu en Vaclav Havel het 'n beroep op Olimpiese atlete gedoen om hulself oor menseregteskendings gedurende die Olimpiese Spele uit te laat.

Hulle het 'n ope brief aan die Internasionale Olimpiese Komitee oor die saak gerig.

Albei glo dat atlete behoort te weet van die onderdrukking van vryheid in China.

Die brief sê dit is nodig vir alle Olimpiese deelnemers om uit te vind wat die werklike toestand in China is en vrylik menseregteskendings aan die kaak te stel.

Hulle het die Internasionale Olimpiese Komitee versoek om dit moontlik te maak.

Beijing loop gereeld onder kritiek van internasionale menseregtegroepe deur vanweë sensuur op sekere webtuistes.

игрушка лунтик topcargo

Tsvangirai s? die Augustussperdatum is buigsaam

06:49:23 Die leier van die Zimbabwiese opposisie, Morgan Tsvangirai, het gister gesê hy is tevrede met die manier waarop die samesprekinge met Zanu-PF verloop.

Hy het ook aangedui dat die sperdatum van 4 Augustus nie in beton gegiet is nie

Onderhandelings is eergister verdaag, wat min tyd laat om die 4 Augustus-sperdatum te haal.

Tsvangirai het met veslaggewers in Dakar gepraat na afloop van 'n ontmoeting met die Senegalese president, Abdoulaye Wade.

Hy sê dat twee weke te min mag voorkom maar dat die fasilitering sal aanpas soos wat vooruitgang dinge voorwaarts dwing.

Tsvangirai het Dinsdag verseg om enige besonderhede te verskaf oor vooruitgang wat tot dusver in die onderhandelinge gemaak is.

Данильченко

DA soek verduideliking oor Skerpioene

07:38:46 Die DA wil hê president Mbeki moet sy ommekeer oor die Skerpioene se ontbinding verduidelik.

In 'n geskrewe versoek aan die parlement eis die party redes van Mbeki, Brigitte Mabandal en Charles Nqakula waarom die elite-eenheid ontbind word.

Die DA se woordvoerder vir veiligheid en sekuriteit, Dianne Kohler-Barnard het gesê beide Mbeki en Mabandla het voorheen die Skerpioene aangeprys.

Nou steun hulle egter die ANC se Pietersburgbesluit om die eenheid te ontbind.

Sy sê dit is 'n irrasionale rigtingsverandering wat die kwessie betref.

Sy het bygevoeg dat in weerwil van die ooglopende welslae van die eenheid die president en albei ministers 'n volslae ommekeer oor die waarde van die Skerpioene ondergaan het.

Colombia se dwelmproduksie kom tot stilstand

Kokablare in Colombiaanse dwelmfabriek

06:45:03 Colombia se globale aandeel van kokaïen het met meer as die helfte oor die afgelope ses jaar gedaal.

In 2002 het Colombia nog 90 pesent van die wêreld se kokaïen geproduseer, maar dit het nou tot 54 persent gedaal.

Die nasionale polisiehoof sê die daling is te wyte aan intense koka-oesverwydering, die vernietiging van laboratoria en die vervolging van dwelmorganisasies.

Oor die afgelope ses jaar het Colombia se weermag meer as 'n miljoen hektaar se onwettige lande tot niet gemaak.

Net in die eerste kwartaal van 2008 is 74 ton van die dwelm gekonfiskeer.

Die syfers is deur die Verenigde Nasies en ander internasionale groepe bevestig.

Chavez gaan die Bank van Venezuela nasionaliseer

Hugo Chavez in Guatemala

06:43:18 President Hugo Chavez wil die Bank van Venezuela nasionaliseer.

Hy het 'n vergadering met die bank se Spaanse eienaars, Grupo Santander, aangevra.

Grupo Santander wil die bank aan 'n Venezuelaanse bankier verkoop, maar Chavez sê dit moet eerder aan die regering oorgedra word.

Die President sê hulle het 'n groot bank baie nodig, hoewel hy kritiek van Spanje verwag.

Die Bank van Venezuela is gedurende die land se finansiële krisis in 1994 genasionaliseer en twee jaar later op 'n openbare veiling aan Grupo Santander verkoop.

Chavez het onlangs belowe om 10 000 vate ruolie per dag teen 100 dollar per vat aan Spanje te verkoop.

topcargo отзыв

Rand versterk teen die verwagting in

06:41:59 Die rand hou aan om teen die hoofgeldeenhede te versterk, ondanks hoë inflasie in Suid-Afrika wat die eenheid se plaaslike koopkrag ondermyn.

Dit is laas gekwoteer op R7,30 per dollar, R11,36 per euro en R14,47 teen die Britse pond.

Volgens handelaars is buitelanders besig om rande op te koop om by ons hoë rentekoerse te baat. Sentiment oor ontluikende markte is ook besig om te verbeter.

'Die handelstekort was kleiner as wat verwag is en het insgelyks die rand 'n hupstoot gegee. Aan die ander kant was verbruikersinflasie erger as die vooruitskattings, maar is deur beleggers geïgnoreer.

Die rand blyk besonder sterk teen die euro te wees, en het reeds vanaf vlakke bokant R12 per euro verstewig.

траверсы для

Ontnugterde kleurlinge verlaat die ANC

06:41:35 Ontnugterde kleurlinge in Gauteng is besig om die ANC in groot getalle te verlaat.

Die Suid-Westelike Burgerlike Assosiasie, Suwba, het al sy lede van die regerende party onttrek.

Die Assosiasie het meer as 100 takke. Suwba se president Basil Douglas het aan 'n Johannesburgse dagblad gesê dat die land besig was om in die maalstroom van immorele verval te versink.

Die binnegevegte, beweerde korrupsie, nepotisme, oneerlikheid en volslae onbekwaamheid het tot ontnugtering met die ANC gelei, het hy gesê.

Douglas het gesê die onlangse afdanking van die Kaapse premier, Ebrahim Rasool, was 'n teken dat kleurlinge na die rand van die ANC uitgeskuif gaan word.