Suider-Afrika Archives - Page 100 of 164

Padwerke breek Telkomkabel

Telekommunikasiekabels na die Gautengse provinsiale wetgewer is deur padwerke gebreek, het die DA se Jack Bloom Woensdag gesê. Jack Bloom, lid van die provinsiale wetgewer, het gesê die kabels wat die wetgewer toegang tot die internet gee, werk sedert Maandag nie.

Dit beteken dat daar geen e-pos kommunikasie is na en van die wetgewer nie, wat baie nadelig inwerk op die organisasie.

Dit maak dinge moeilik as daar wetgewing is van die parlement wat provinsiale insette benodig.

Besighede in die omgewing word ook nadelig geraak, het Bloom gesê.

Telkom het klaarblyklik aan Bloom gesê dat die onderbreking nog verskeie dae kan aanhou.

“Dit is baie jammer en dui aan dat daar baie versigtiger gewerk sal moet word wanneer padwerke gedoen word”

Telkom kantore in Pretoria en in Ormonde, Johannesburg, het geen oproepe beantwoord nie.

осушитель влаги

SAOG-leiers moet Zim-dooiepunt oplos

“Afrikaleiers moet nou daadwerklike aksie neem om die dooiepunt tussen Zimbabwe se president, Robert Mugabe en opposisieleier Morgan Tsvangirai op te los” het Ban ki-Moon, die VN se sekretaris generaal op Woensdag gesê.

Beide leiers staan vas oor wie Zimbabwe se departement van binnelandse sake, wat die polisie beheer, gaan kry. Ten spyte van pogings om die krisis die week op te los in ‘n hoëvlak vergadering.

‘n Dringende vergadering van die 15 SAOG-lande is nou belê om die probleem aan te spreek.

“Nou dat die SAOG-leiers saamgeroep is, hoop ek dat die leiers, wat hulle verantwoordelikheid vir vrede en stabiliteit in die streek moet onthou, die nodige sterk aksie sal neem om die krisis op te los” het Ban aan verslaggewers gesê by ‘n VN-forum oor migrasie in Manilla.

Dit het te lank geneem, het hy verder gesê, met verwysing na die versoeke dat Mugabe moet instem tot magsdeling.

Die SAOG het die laaste 7 jaar probeer om Mugabe te oortuig om ‘n kompromis met Tsvangirai aan te gaan, maar die lede is erg verdeeld oor Zimbabwe.

Sommige leiers is sterk vennote van Mugabe, wat deur baie beskou word as ‘n held in die vryheidstryd, terwyl ander hom weer die skuld gee vir die land se ekonomiese ondergang, wat veroorsaak het dat miljoene Zimbabwiërs oor die grense gestroom het op soek na werk.

arabian nights game Фильчаков прокурор

Malema het nooit regte studeer nie

Die Universiteit van Suid-Afrika (UNISA) het ontken dat ANC jeugliga leier, Julius Malema vir ‘n graad in regte ingeskryf het.

Unisa het gereageer op ‘n berig in die Star van Vrydag, wat ‘n afskrif van Malema se matriek sertifikaat (met lae punte) gepubliseer het, en aangedui het dat hy vir deeltydse studie in regte geregistreer het.

“Mnr. Malema is nie tans ‘n Unisa student nie en was nooit geregistreer vir regte of enige ander studie by Unisa nie," het Unisa gister in ‘n verklaring gesê.

Volgens Unisa se mediabestuurder, Doreen Gough, was Malema ingeskryf vir die universiteit se oorbruggingskursus vir studente wat in matriek onderpresteer het, maar hy het geen verdere vordering gemaak om sy akademiese ambisies na te volg nie.

Die Jeugliga het daarna tot Malema se redding gekom.

“Ons is sterk van mening dat ‘n leier se opvoedkundige intellek organies gekultiveer word en verbind is met sy praktiese ervaring en interaksie met gewone mense op daaglikse basis,” het Jeugliga woordvoerder Castro Ngobese gesê.

Volgens die sertifikaat het Malema op 21 jaar gematrikuleer en net-net geslaag met ‘n H vir wiskunde en ‘n G vir houtwerk, altwee op standaardgraad.

Hy het E’s gekry vir Sepedi en Afrikaans, altwee op hoërgraad, ‘n F in aardrykskunde, D in geskiedenis en ‘n C vir Engels (tweede taal), alles op hoërgraad.

italiasvet

Duisende polisielede kan nie bestuur nie

Nathi Mthethwa, die nuwe minister vir veiligheid en sekuriteit, het aan die parlement gesê dat 5733 polisiemanne nie kan bestuur nie, of nie geldige bestuurslisensies het nie.

Die syfer sluit in 3338 inspekteurs, 1712 sersante en soveel as 280 kapteins.

Mthethwa het die syfers gegee in ‘n geskrewe antwoord op ‘n parlementêre vraag van James Masango van die DA, en gesê dat die huidige syfers verkry is met na ‘n bevestigingsproses.

Hy het ook erken dat die mense wat nie kan bestuur nie 620 lede van die speurdiens insluit, en 67 mense van die misdaad intelligensie eenheid. Altesaam 4984 lede van die sigbare polisiëringseenheid kan nie bestuur nie en ook 17 superintendente kan ook nie self bestuur nie.

Die provinsiale indeling van die nie-bestuurders wys dat meer as die helfte van die lede wat nie vertroud is met ‘n stuurwiel nie vanaf Gauteng en die Ooskaap afkomstig is.

для автосервиса topcargo

Gautrein-werk veroorsaak nog ‘n gat in pad

Johannesburg se Metropolisie sê Oxfordweg moes Dinsdag gesluit word nadat 'n gat weens die aanhoudende werk aan die Gautrein gevorm het.

Superintendent Wayne Minnaar sê die gat het teen 0830 tussen Noordweg en Rivieraweg gevorm.

Die gat is ongeveer 2 meter in deursnee en 'n meter diep. 'n Nissan paneelwa wat aan een van die Bombela-werkers behoort, het in die gat geval.

Niemand was ten tye van die voorval in die voertuig nie en niemand is beseer nie. Motoriste kan 8ste Laan, Main Road en Rivieraweg as alternatiewe roetes gebruik. Minnaar sê dit is nie bekend hoe lank dit gaan neem om die gat op te vul nie.

Die vorige gat het agt weke geneem om herstel te word.

воронеж мебель топкарго отзывы

Mantashe s? ANC doen goed onder beleg

Sekretarisgeneraal Gwede Mantashe sê die ANC en sy bondgenote doen baie beter onder beleg.

Mantashe het in Pretoria gesê die belangrikste van die nuwe ANC-leierskap is dat hulle die mees bestudeerde een is en dit maak die party sterker.

Die leierskap kry verskillende uitgangspunte en begin besef wat die mense wil hê. Hy sê die moontlike wegbreekparty hou hom nie snags wakker nie. Wat die leierskap wel wakker hou, is hulle vermoë om aan die mense van die land te lewer.

Mantashe sê die ANC se veldtog vir aanstaande jaar se verkiesing gaan op sy program gebaseer word en nie op verdediging teen die splintergroep nie.

Hy sê die ANC onderneem 'n morele herlewing en teiken die jong swart en wit professionele mense. Steun vir die ANC onder die wit gemeenskappe neem aansienlik toe.

Mantashe sê ANC-lede wat die komende konvensie van die andersdenkendes bywoon, moet aandui of hulle van voornemens is om by die nuwe beweging aan te sluit. Die voormalige president, Thabo Mbeki, het aan die party geskryf dat hy nie die inisiatief steun nie.

Mantashe sê hy glo dit wat Mbeki geskryf het en hy het geen rede om hom nie te glo nie omdat hy sy lojaliteit aan die ANC bewys het deur met waardigheid uit te tree toe die party hom gevra het om dit te doen.

mositaldent

Nog twee van Jeppestownslagting skuldig bevind

Nog twee lede van die Jeppestown-massamoord is in Johannesburg se Hooggeregsof skuldig bevind.

Sizwe Mbuyazi en Khumbulani Mabaso is Dinsdag skuldig bevind aan die moord op vier polisiebeamptes tydens 'n bloedige skietgeveg in Jeppestown in Junie 2006.

Agt verdagte rowers is in die skietgeveg dood. Regter Ratha Mokgoatlheng het die paar ook skuldig bevind op aanklagte van poging tot moord en roof met verswarende omstandighede.

Tydens Mbuyazi se skuldigbevinding het die regter gesê oorblyfsels van dryfmiddel is op sy hande gevind. DNS-toetse op 'n pet wat in 'n motor versteek was, het met syne ooreengestem.

Regter Mokgoatlheng het Senzo Mweli Maandag op aanklagte van moord en roof skuldig bevind. Hy het die enigste vroulike beskuldigde, Dineo Maleke, ontskuldig bevind omdat daar nie genoeg getuienis was dat sy met die moord verbind kon word nie.

Фильчаков

DASA-vergadering ter ondersteuning van Obama

11:51:12 Burgers van die VSA wat in Suid-Afrika woon, het reeds hulle stembriewe gestuur om die 44ste Amerikaanse president te verkies.

Op Sondag 2 November, gaan die Democrats Abroad in South Africa, saam met Suid-Afrikaanse vriende en genooide gaste ‘n praatjie bywoon ter ondersteuning van presidentskanidaat Barack Obama se poging om as leier van Amerika die Withuis te betree.

Monica Faith Steward, medevoorsitter van DASA, sê die praatjie gaan van 3 tot 5 namiddag plaasvind, en gaan begin met 'n interdenomenale gebed en seëninge, voordat ontleders, hooggeplaastes en lede van die publiek sleuteltemas gaan bespreek rakende die verkiesing.

Die historiese verkiesing kan die VSA die eerste keer sien stem vir ‘n Afro-Amerikaanse kandidaat as die leier in die land.

“Ons samekoms sal 'n boodskap van hoop stuur vir die belangrike verkiesing, vanuit die suide na ons land toe, en ons hoop dit sal gesprek en debat aanmoedig wat ook vir Suid-Afrika voordelig kan wees,” het Faith-Steward gesê, wat ook van Illinois afkomstig is, waar Obama ‘n senator was.

Sy en R Courtney Priester (van Chicago), die voorsitter van DASA, was gashere vir Obama toe hy in 2006 Suid-Afrika besoek het.

Die twee-uur-geleentheid in Johannesburg waar drankies, ligte eetgoed en passievolle gesprek gaan wees, gaan deur joernalis Ken Walker gelei word. Walker was voorheen ‘n korrespondent vir National Public Radio, het Faith-Steward gesê.

Александр Фильчаков

Derby-Lewis doen aansoek om borg

Clive Derby-Lewis sal na verwagting vandag aansoek doen om borg in die Pretoriase Hooggeregshof. Hy is saam met Janusz Walus skuldig bevind aan die moord op Chris Hani, leier van die SAKP.

Derby-Lewis, 72, en Walus, 55, het op 10 April 1993 die doodstraf ontvang, maar hulle vonnisse is tot lewenslank versag in1995. Onlangse wetgewing het dit nou moontlik gemaak vir lewenslange gevangenes om aansoek te doen vir borg.

Derby-Lewis se advokaat Marius Coertze sê sy kliënt kon op 15 Oktober as 'n vry man uitgestap het na 'n aanbeveling van die Paroolraad. Hy het op 19 Augustus voor hulle verskyn.

Die Paroolraad het egter aan die Hani-gesin tyd gegee om beswaar aan te teken teen die aanbeveling.

Фильчаков Харьков

Zim-vroue in hegtenis geneem

16:53:43 Dosyne vroue-aktiviste is in Zimbabwe se hoofstad, Harare in hegtenis geneem omdat hulle protes aangeteken het teen die lyding wat deur die ernstige ekonomiese krisis veroorsaak word.

Oproer-polisie het 'n betoging deur minstens 300 vrouens van die Vrouekoalisie uiteen gejaag buite 'n hotel waar leiers van Suider-Afrika oor Zimbabwe se politieke dooiepunt beraadslaag. Volgens die koalisie is minstens 11 vrouens vir beserings behandel nadat hulle deur die polisie geslaan is, terwyl 47 vrouens in hegtenis geneem is.

Koalisiewoordvoerder Emilia Chawa sê dit is die vrouens van Zimbabwe wat die las van lyding moet dra. Die vrouens het gevra dat die samesprekings tussen President Robert Mugabe en die aangewese eerste minister, Morgan Tsvangirai oor die samestelling van 'n eenheidsregering, dringend afgehandel moet word sodat die ekonomie wat aan flarde is, heropgebou kan word.

игры для девочкам