Cassel Mathale, 'n Zuma-bondgenoot, het die ANC-voorsitterskap in Limpopo gewen.
Die pro-Zuma Mathale het met meer as 60% steun in die provinsie vir premier Sello Moloto uit die kussings gelig.
Hy het met 587 stemme teenoor Moloto se swak vertoning van 357 geseëvier.
Premier Moloto is 'n Mbeki-aanhanger.
Eskom voorspel dat hy vanjaar 'n verlies van R3 miljard gaan aanteken. Die nasionale tesourie sal die nutsmaatskappy moet ondersteun met lenings asook 'n moontlike staatswaarborg vir sy uitstaande skuld.
In die verlede het beleggers genoeg vertroue in Eskom se finansiële bestuur gehad om nie 'n staatswaarborg nodig te hê nie.
Volgens Eskom sal die beraamde verlies te wyte wees aan die energiereguleerder se weiering om 'n 61-persentstyging in elekrisiteitstariewe toe te staan, met slegs 'n 27,5-persentverhoging wat goedgekeur is.
Die tesourie sê dat die regering die belangrikheid van 'n betroubare belegginsgraadkredietgradering besef en daarom tot Eskom se finansiële stabiliteit verbind bly.
Die Amerikaanse minister van buitelandse sake, Condoleezza Rice het Obama gelukgewens met sy merkwaardige prestasie om die eerste swart presidentskanidaat te word. Volgens haar toon dit dat die VSA ver gevorder het.
Rice is die tweede swart persoon om haar pos te beklee. Colin Powell was die eerste.
Sy het egter ook laat blyk dat sy nie vir die pos van visepresident woorweeg wil word as haar termyn onder George W Bush verstryk nie. Blykbaar wil sy na Kalifornië terugkeer om 'n boek oor Amerika se buitelandse beleid te skryf.
Zimbabwe, wat reeds alle rekords met sy 2,2 miljoen persent inflasie oortref het, het ʼn nuwe 100-miljarddollarnoot uitgereik in ʼn poging om die nypende kontanttekort die hoof te bied, het die sentrale bank gister gesê.
Die nuwe noot sal Maandag in omloop gestel word, het die bank in ʼn verklaring gesê wat deur die staatsmedia aangehaal is. Dit sal die sesde hoëdenominasienoot wees wat reeds vanjaar uitgereik is.
In Januarie is ʼn 10-miljoendollarnoot uitgereik, wat gevolg is deur ʼn 50-miljoendollarnoot in April. In Meimaand is note van 100 miljoen en 250 miljoen dollar uitgereik, wat gou deur ander van vyf miljard, 25 miljard en 50 miljard opgevolg is.
Tydens die krisis wat op die verkiesing gevolg het, het Zimbabwe se hiperinflasie nog verder momentum verkry en van 165 000 persent in Februarie tot 2,2 miljoen in Junie opgeskiet.
Onafhanklike ekonome meen egter dat die amptelike syfer inflasie sterk onderskat en beraam dat die werklike koers iewers tussen 10 miljoen en 15 miljoen persent kan wees.
Zimbabwe se chroniese ekonomiese krisis wat deur grondhervorming en die afsetting van blanke boere veroorsaak is, het ten minste 80 persent van die bevolking tot onder die broodlyn gedwing en massatekorte aan basiese goedere in die winkels veroorsaak.
Suid-Afrika se minister van landbou, Thoko Didiza, is tans besig met planne vir ʼn soortgelyke “grondhervorming” in dié land.
Hy het gesê die rol van die weermag is om neutraal te bly in staatsaangeleenthede en behoort nie kant te kies nie.
In Afrika, het hy opgemerk, word nasionale weermagte gewoonlik die instrumente van diktators.
Zuma sê hy is oortuig dat weermagte en soldate nie langer 'n aktiewe rol in die politiek moet speel nie.
Dis in jou gene.
Navorsers sê 'n geenvariant wat duisende jare na vore gekom het om swartes teen malaria te beskerm moontlik hul kwesbaarheid vir MIV verhoog het.
Mense met die geen het 'n 40 persent hoër risiko om met MIV besmet te word, beweer die tydskrif Cell Host & Microbe.
Die geenvariant mag 11 persent van MIV-besmettings in Afrika verklaar.
Seksuele en kulturele gedrag alleen kan nie verklaar waarom meer as tweederdes van MIV-besmette in Afrika suid van die Sahara woon nie.
Brittanje het gister die eerste uitvoerige statistieke ooit oor mesmisdade gepubliseer.
Kommer in die land neem toe vanweë die aantal tieners wat met wapens gedood word.
Die polisie in Engeland en Wallis het verlede jaar 22 151 oortredings wat met messe gepleeg is, opgeteken.
Die hoogste aantal is in die kosmopolitiese Londen opgeteken.
Die nasionale gesondheidsdiensinligtingsentr
'n Kongolese bende in die Glenanda-kamp vir slagoffers van etniese geweld in Johannesburg het hul veiligheidswagte gyselaar gehou en gedreig om hulle dood te maak.
Volgens die 38-jarige Theuns de Lange van die Interactive Protection-veiligheidsmaatskappy wat aangestel is om alle kampe in Johannesburg te beskerm, is hy en vyf ander wagte Woensdagaand aangehou en met die dood gedreig deur 'n Kongolese bende van sewe wat met messe gewapen was.
Die gyselaars is later vrygelaat. Die besturende direkteur van Interactive Protection, Nantes Rykaart, het sy kommer oor die Kongolese bende uitgespreek.
Volgens Rykaart weerhou die bendelede bejaardes daarvan om vir kos tou te staan en eis later betaling vir kos van hulle. Die bende hou nie van die veiligheidswagte nie aangesien hulle die kamp van omtrent 2000 mense wil beheer.
Die Moslem Regsraad het die ANC gewaarsku dat hulle die rampspoedige gevolge van hulle besluit om van die Weskaapse premier Rasool ontslae te raak sal dra in die volgende verkiesing in 2009.
Die ANC se uitvoerende komittee het Rasool afgedank nog voor die einde van sy vyf-jaar termyn.
MRR president Maulana Igsaan Hendricks sê Rasool het 'n onbetwisbare, uitstaande en ongeëwenaarde beroepsrekord.
Die mededingingskommissie het gister verklaar dat 'n prysvasstellingskartel in die staalnywerheid bestaan.
Die kommissie het 'n korporatiewe aansoek om toeskietlikheid ontvang wat sulke inligting bevat.
Die aansoek is ontvang na klopjagte op Cape Town Iron and Steel Works, Highveld en die Suid-Afrikaanse staalinstituut wat op 19 Junie gehou is.
Volgens die inligting wat deur die toeskietlikheidsapplikant verskaf is, het besprekings en vergaderings plaasgevind waartydens die partye ooreengekom het om pryse vas te stel, pryslyste uit te ruil en kortings vas te stel.
Die kommissie is in besit van inligting wat ook aandui dat partye kliënte toegeken het deur ooreen te kom watter kliënte verskeie langstaalprodukte behoort te ontvang. Verder het die partye sensitiewe handelsinligting met mekaar gedeel.
