Nuus Archives - Page 317 of 403

Rugby moet vinniger transformeer, s? sportminister

Die minister van sport en ontspanning, Makhenkesi Stofile, het gister gesê rugby moet vinniger transformeer.

Hy het gister tydens sy begrotingstoespraak in die parlement gesê dat beroepe om die onlangse sukses van die Springbokspan as 'n katalisator vir transformasie te gebruik, het op dowe ore geval.

Stofile het ook oor krieket gekla en meen die samestelling van die onlangse span na Bangladesj en Indië was 'n bewys dat daar mense bestaan wat teen transformasie in sport gekant is.

Volgens Stofile moet spelers en administrateurs begryp dat die transformasie van sport in die land nie onderhandelbaar is nie – dit maak deel uit van die grondwetlike en regeringsmandaat.

Etniese konflik knou toerisme

Die etniese geweld van die afgelope twee weke het waarskynlik die toerismebedryf 'n knou gegee. Hoewel die geweld teen vreemdelinge hoofsaaklik teen immigrante uit die res van Afrika gemik was, het Europese toeriste die grootste geskrik.

Een dag nadat foto's van 'n brandende Mosambieker die wêreld ingestuur is, het Duitsland sy burgers gewaarsku om sekere dele van Suid-Afrika soos die Johannesburgse middestad en omliggende lokasies te vermy.

Die VSA, Swede en 'n aantal ander lande het die Duitse voorbeeld gevolg.

Ook toere na Soweto word afgelas. Volgens Jimmy Ntintili, wat toere na Soweto aanbied, het 'n toeristegroep van dertig onlangs 'n toer gekanselleer omdat hulle onveilig gevoel het.

Die toergroep na Soweto het hoofsaaklik uit swartes van elders in Afrika bestaan.

Die toerismebedryf in Suid-Afrika is nou groter as die goudmynbedryf, verdien meer buitelandse valuta en dra 8 persent tot die BNP by, afgesien van die 1,2 miljoen werkgeleenthede wat dit verteenwoordig.

casino free bet

Kommer oor Eskom-prysverhoging neem toe

Kommer oor Eskom se voorgestelde prysverhoging van 53 persent neem toe, met Besigheidseenheid SA en Cosatu wat albei die verhoging teenstaan.

Die BESA-verteenwoordiger by die Nersa-verhoor oor die prysverhoging, Roger Baxter, het verklaar dat studies aantoon dat die ekonomies uitwerking van die verhoging die land se bruto nasionale produk sal verlaag en tot die verlies van 55 000 werksgeleenthede sal lei.

Volgens hom was aanpassing in pryse nie die enigste oplossing nie, maar dat doeltreffende leierskap en die strategiese toe-eiening van bestuur ewe belangrik is.

Die organisasie het vir uitstel gevra sodat verbruikes en ondernemings aan die verhogings gewoond kan raak.

Cosatu het verklaar dat die lewenstandaard van die armes negatief daardeur geraak gaan word.

Лобановский

20 sterf in Ooskaapse busongeluk

Onbevestigde berigte lui dat twintig mense in 'n Ooskaapse busongeluk gesterf het toe die bus die pad byster geraak en oor 'n krans gestort het, naby die dorp Cedarville.

Ambulanse van Kokstad is na die toneel gestuur, asook 'n weermaghelikopter met mediese personeel aan boord.

Die ongeluk het vanmore net na tienuur plaasgevind en daarom is volle besonderhede nog nie bekend nie. 'n Woordvoerder van die polisie, Zandra Wiid, het die ongeluk bevestig maar kon nog nie besonderhede verskaf nie aangesien sy wag op 'n polisiehelikopter om haar na die toneel te vervoer.

play crown

Tradisionele leiers s? Suid-Afrikaners moet ook versorg word

Die huis van tradisionele leiers meen buitelanders moet in die land gehuisves word, maar plaaslike inwoners mag nie vergeet word nie.

Volgens die tradisionele leiers word die filosofie van oeboentoe deur die huidige optrede teen buitelanders geskend.

Die huis van tradisionele leiers he took beklemtoon dat buitelanders wegvlug van chaos in hul lande van herkoms en het Suid-Afrikaners gevra om te onthou dat vlugtelinge weer na hul onderskeie lande sal terugkeer as probleme daar opgelos word.

Volgens die tradisionele leiers is die woorde Nkosi sikelela i Afrika oftewel God seen Afrika ook van toepassing op swartmense uit ander Afrikalande en daarom moet plaaslike gemeenskappe hulle van geweld jeens buitelanders weerhou.

best social media

Natalse snelweg vir verkeer gesluit

Die N2-snelweg tussen Stanger en Durban in 'n suidelike rigting is vir verkeer gesluit weens soutsuur wat daarop vermors is, het die Kwazulu-Natalse vervoerdepartement gesê.

Die woordvoerder vir die departement, Zinhle Mngomezulu het laat weet dat 'n vragmotor vol suur omgeslaan het.

Die bestuurder is ernstig beseer en is hospitaal toe geneem en die snelweg in 'n suidelike rigting is geheel en al gesluit verklaar weens die aard van die vrag.

Die departement raai mense aan om van alternatiewe roetes gebruik te maak aangesien dit nie bekend is hoe lank die sluiting gaan duur nie.

Buiteland raak meer krities oor Mbeki

Terwyl president Thabo Mbeki op pad is na Japan, heers onsekerheid steeds in Suid-Afrika betreffende die etniese geweld van die afgelope twee weke.

Mbeki

Elders in die buiteland kom sy bewind egter toenemend onder skoot en word hy vir Suid-Afrika se probleme geblameer. Die invloedryke nuusagentskap Reuters het so pas gesê dat Mbeki soos 'n slaapwandelaar regeer terwyl die lokasies brand.

Reuters haal die globale Franse bank BNP Paribas aan wat meen dat die rand onsekerheid tegemoet gaan weens die etniese geweld in die land. Daar kan te eniger tyd 'n politieke krisis in die land ontstaan wat Mbeki se nalatenskap kan vernietig, meen die ontleder van BNP Paribas.

Ook van binne die ANC is daar al hoe meer oproepe vir Mbeki om te bedank voor die einde van sy tweede termyn.

Golf van buitelandse kwalifikasie-aansoeke

Die Suid-Afrikaanse kwalifikasie-owerheid word oorval met aansoeke van buitelanders wat hulle kwalifikasies in Suid-Afrika geregistreer en erken wil hê.

Die meeste van hierdie aansoeke kom van een land: Zimbabwe. Van die 27 853 aansoeke wat van buitelanders ontvang is wat hul kwalifikasies geëvalueer en erken wil hê, is 60% van Zimbabwiërs.

Maar, terwyl aanvalle op buitelanders gewoed het oor die afgelope twee weke, het die daaglikse aantal aansoeke gehalveer van 130 per dag tot 60 of 70 per dag.

joc pool Лобановский Харьков

Atoomagentskap bekommerd oor Iranese navorsing

Die Internasionale Atoomenergie-agentskap, wat in Wene gesetel is, het sy kommer uitgespreek oor Iran se beweerde navorsing oor kernkoppe en gevra dat die land meer inligting oor sy missielbedrywighede moet verskaf.

Volgens die Atoomagentskap weerhou Iran inligting oor plofstoftoetse wat met sy kernprogram verband hou.

Teheran beskik oor 3 500 uraanverrykingsentrifuges wat by sy Natanz-kerninstallasie werk, ietwat meer as vroeër vanjaar, terwyl enkele meer gevorderde toestelle ook getoets word.

Westerse inligtingsdienste beweer dat Iran besig is met 'n geheime projek om atoombomme te vervaardig, terwyl Iran die bewerings as ongegrond afmaak.

deposit slots

Vakbondamptenaar dood in etniese geweld

'n Vakbondamptenaar van die Nasionale unie van metaalwerkers (Numsa) is tydens etniese geweld gedood, het die vakbond gister bekendgemaak.

Fabrieksvloerverteenwoordiger Walter Ntombela, 'n Mosambieker, is oor die naweek met pangas doodgemaak in sy kaja in die Madelakufa-plakkerskamp buite Tembisa aan die Oosrand.

Sy vrou en drie kinders het naelskraap ontkom toe hul kaja aan die brand gesteek is. Intussen skuil hulle in 'n plaaslike gemeenskapsaal en wag om na Mosambiek teruggeneem te word.

Numsa het 'n nasionale opvoedingsprogram teen xenofobie en stambewustheid by die werk geloods.