Suider-Afrika Archives - Page 163 of 164

Mbeki op nog ‘n Zim-safari

Mbeki

President Thabo Mbeki van Suid-Afrika sal vandag in Zimbabwe aankom vir samesprekings met die land se leiers, berig die departement van buitelandse sake. Woordvoerder Ronnie Mamoepa sê dat Mbeki met die land se politieke leierskap sal vergader binne die konteks van die Suider-Afrikaanse Ontwikkelingsgemeenskap se fasiliteringsproses.

Onlangs het Suid-Afrika, Sjina en Rusland sterker optrede deur Westerse lede van die VN se Veiligheidsraad teen Zimbabwe teengestaan.

Zimbabwiërs het op 29 Maart gestem, maar die uitslag van die presidensiële verkiesing is eers vyf weke later deur die Zimbabwiese verkiesingskommissie bekendgemaak met geen volstrekte meerderheid vir een van die kandidate nie.

Die uitslae wat verlede Vrydag aangekondig is, toon dat Morgan Tsvangirai 47,9% van die stemme ontvang het, teenoor 43,2% vir Robert Mugabe.

i want to прокурор Фильчаков

Suid-Afrikaners toenemend bang vir misdaad

Volgens ŉ studie wat so pas deur die Instituut vir Sekerheidstudies in Pretoria vrygestel is, is Suid-Afrikaners nou meer vreesbevange oor misdaad as ooit tevore. Dít, in weerwil van polisiestatistieke wat sou toon dat misdaad aan die afneem is.

Die studie het 4 500 mense betrek. ŉ Navorser, Antoinette Louw, het gesê hoewel misdaadvlakke in die land laer was as in 1998 of in 2003, het die meeste respondente gevoel dat dit nou erger was, veral wat inbrake betref.

Volgens haar is inbrake en diefstal die twee mees algemene misdaadvorme waaroor Suid-Afrikaners klagtes ingedien het.

Die nasionale slagofferopname wat van Oktober tot November verleder jaar gevoer is, het getoon dat 81% van mense inbraakgevalle aan die polisie aangemeld het, teenoor 57% wat tydens dieselfde opname in 2003 gesê het dat hulle inbrake ervaar het.

Die studie het bevind dat Indiërs die etniese groep is wat die meeste oor misdaad bekommerd is. Nie minder nie as 85% van Indiërs voel dat misdaad aan die toeneem is, teenoor 63% van blankes wat dieselfde dink. Onder kleurlinge en swartes meen onderskeidelik 57% en 54% dat misdaad besig is om te styg.

Slegs 22% van blankes meen dat misdaad oor die afgelope vier jaar afgeneem het.

“Indiese respondente is meer vreesbevange as die res, en veel meer oor misdaad bekommerd en meer krities oor die regering,” sê Louw.

Rondom roof met verswarende omstandighede, het ŉ senior navorser van die ISS, Johan Burger, laat blyk dat dit ŉ “werklike uitdaging” is met roof op straat wat met 70% toegeneem het. Het het ook opgemerk dat die ISS ‘n toename in aanvalle op OTM’s bespeur, veral dié wat in die lokasies teenwoordig is.

Ook korrupsie is aan die toeneem, met 32% van mense wat gesê het hulle betaal omkoopgeld aan amptenare, veral in die vorm van geld vir verkeersoortredings. Dit vergelyk met 27% van mense at in die 2003-opname omkoopgeld betaal het. Sowel verkeersboets as bestuurslisensies word as probleemgebiede vir omkopery beskou.

Oor die kwessie of daar ‘n verandering in misdaadvlakke is, het die meeste mense gedink dat dit aan die toeneem is. Onder die respondente dink 57% dat misdaad gestyg het, teenoor 53% wat in 2003 so gedink het.

Hieroor het Louw opgemerk: “Interessant omtrent al die persepsiegegewens is dat in weerwil van die reële afname in misdaad, die meeste Suid-Afrikanes steeds dink dat misdaad besig is om toe te neeem, daarom is openbare vertroue nie goed nie.”

Gierigheid is volgens meeste mense die hoofrede waarom ander misdaad pleeg.

Groter straf vir misdaad is ook besig om al hoe meer gewild onder mense te word. Vier-en-dertig persent van respondente is ten gunste van groter straf teenoor 15% in 2003.

Maar 60% van mense erken dat hulle niks doen om hulself teen misdaad te beveilig nie. Diegene wat wel optree om hul huise teen misdaad te beveilig, is waarskynlik in die middel- tot hoër inkomstegroepe.

Polisiëring word allerweë as onbevredigend gesien. In 2007 het slegs 49% van mense gedink dat die polisie hul taak na behore uitvoer, teenoor 52% in 2003. Swartes en kleurlinge voel egter dat hulle wel polisiebeamptes aan diens opmerk.

OTM op Secunda oopgeskiet

'n Outomatiese tellermasjien van ABSA is op 8 Mei 2008 oopgeskiet in Secunda, uitbreiding 22. Inwoners van die woonbuurt het die ontploffing omstreeks 3-uur die oggend gehoor. Die rowers het met 'n onbekende hoeveelheid geld ontsnap. Ons fotogalery toon die skade aan die OTM.

online slot Фильчаков Харьков

Wapens is nie in Luanda afgelaai nie

Die omstrede Chinese skip, die An Yue Jang, het Luanda, Angola, verlaat nadat dit net konstruksiemateriaal afgelaai het.

An Yue Jang

Die skip is met wapens gelaai wat bestem is vir Zimbabwe, maar die wapens is nie afgelaai nie. Geen poging om die wapens af te laai is volgens 'n verklaring van die Internasionale Vakverbonduniekonfederasie en die Internasionale Teakwon-Do Federasie gemaak nie.

Die twee federasies is ingelig oor die stand van sake deur die vakunies in Angola.

Vakunies, met die Hawewerkersvakbond inbegrepe, het die skip met arendsoë dopgehou.

Die ITF het belowe om die posisie van die vaartuig deurentyd te volg.погружной насос для лобановский обыск

‘Dis nie verkeerd om grond te nasionaliseer nie’

'n Senior advokaat, Patric Mtshaulane, wat vir die staat optree teen 'n Vrystaatse boer, het gister in die Pretoriase Hooggeregshof gesê dat dit nie verkeerd was om grond te nasionaliseer soos in Zimbabwe gebeur het nie.

Mnr. Crawford von Abo van Bothaville dagvaar die Suid-Afrikaanse regering vir skade van R80 miljoen wat hy gely het omdat hy geen diplomatieke hulp ontvang het toe sy grond en bates deur die Mugabebewind in Zimbabwe gekonfiskeer is nie.

Die staat se advokaat het Von Abo se bewerings verwerp dat sy versoeke om hulp deur Suid-Afrika geïgnoreer is, maar het erken dat die diplomatieke stappe wat geneem is, nie die verlangde resultate opgelewer het nie.

Von Abo doen 'n aansoek om die SA regering te dwing om 'n party te word tot die Internasionale Konvensie oor die Beslegting van Beleggingsdispute sodat hy 'n eis om skadevergoeding teen die Zimbabwiese regering deur internasionale arbitrasie kan instel.

Omdat Zimbabwe nie tot so iets so instem nie, het die staat se advokaat dit as 'n "akademiese oefening" beskryf.

free 5 pound no deposit Фильчаков Харьков

Lulu Xingwana onbevoeg, s? DA

Xingwana

Die DA het die minister van grondsake van onbevoegdheid beskuldig. Die party se parlementêre leier, Sandra Botha, het gevra dat die regering moet ingryp om te verhoed dat sy grondhervormingsplan tot stilstand kom.

Botha het gedurende die sitting gister gesê dat indien Thabo Mbeki vir sy nalatenskap omgee, hy sal erken dat me. Lulu Xingwana, minister van landbou, heeltemal onbevoeg is om die proses vorentoe te dryf.

Die DA steun die samestelling van 'n taakspan om die proses te bespoedig. Volgens Botha het dit geen sin vir die regering om voort te gaan met grondhervorming terwyl die mededingendheid en produktiwiteit van die landbousektor gekniehalter word, met erge armoede op die platteland en voedselpryse wat die hoogte inskiet nie.

flower hair combs

22 Sterf in Mosambiek-tronke

Ongeveer 22 gevangenes is die afgelope vier maande in Mosambiek oorlede, meeste van hulle weens ‘n tekort aan mediese hulp. Mosambiek se staatsbeheerde koerant berig dat Francisco Mathe, bestuurder van die Tjimoio-gevangenis in die Manica-provinsie, sê meeste van die oorledenes is aangehoudenes wat nog nie skuldig bevind is aan enige misdaad nie.

Die meeste slagoffers is dood weens malaria, tuberkulose en MIV/Vigs-verwante siektes. Twee het selfmoord gepleeg.

Mahte sê die gevangenes het wel mediese hulp benodig, maar dat die owerheid bang was dat hulle sou ontsnap indien hulle verskuif sou word.

Oorvol tronke is dikwels ‘n probleem in Afrika-lande suid van die Sahara en dit dra by tot die verspreiding van aansteeklike siektes, soos tuberkulose. Die Tjimoio-gevangenis huisves 991 mense, terwyl sy kapasiteit slegs ‘n paar honderd is.

‘n Verslag wat Zambië se Menseregtekommissie in April uitgereik het, toon aan dat een uit elke sewe gevangenes in Mosambiek ernstig siek is.

Dié verslag wyt die sterfgevalle aan onhigiëniese sanitasie en oorvol tronke.

play live casino

Mpofu geskors nadat hy Zikalala skors

Dali Mpofu

Dali Mpofu, hoof van die SAUK, is geskors met onmiddellike ingang. Mpofu is 'n Zuma-ondersteuner. Die aankondiging kom 'n dag nadat Mpofu Snuki Zikalala, die nuushoof, geskors het.

Die Raad sê dat beweringe teen die Uitvoerende hoof sluit in dat hy nie die Raad se besluite uitgevoer het nie.

Mpofu is geskors met volle vergoeding totdat 'n ondersoek na die beweringe afgehandel is, asook 'n moontlike tugverhoor.

Koerante het vandag berig dat Mpofu se besluit om Zikalala, 'n Mbeki-ondersteuner, te skors dalk aanleiding kan gee tot 'n teenskuif van die Raadslede.

Suid-Afrika voer krag uit!

Elektrisiteitsuitvoere het met soveel as 6,1 persent gestyg in 'n jaar-op-jaar vergelyking, terwyl elektrisiteitsvoorsiening na die nege provinsies met 1,7 persent gedaal het volgens Statistiek Suid-Afrika.

Hoofekonoom Mike Schussler van T-sec het gister in Business Report verklaar dat Suid-Afrikaners ook 3,7 keer meer vir elektrisiteit betaal as wat die gemiddelde verkoopprys in naburige lande is.

Terwyl uitvoere toegeneem het, het invoere met soveel as 22,4 persent gedaal, sê Statistiek SA.

Eskom wou nie kommentaar lewer op die toestand van sake nie.

Suid-Afrika voer krag van Cabora Bassa in Mosambiek in.

las vegas gaming commission

Zuma jaag kerke die harnas in

ANC president Jacob Zuma het kerkleiers vies gemaak met sy stelling dat God sal toesien dat die ANC vir ewig regeer. Zuma het in Khayelitsha gesê dat selfs God verwag dat die ANC die land moet regeer omdat dit die enigste organisasie is wat deur kerkleiers geseën is toe dit tot stand gekom het.

Die Apostoliese Geloofsending het beswaar aangeteken en gesê dat wette soos aborsie en huwelike tussen dieselfde geslag nie in die Bybel goedgekeur word nie.

'n Woedende Kenneth Meshoe van die ACDP het gister gesê dat die ANC president met sy eie oë sal sien dat wat met Zanu-PF gebeur ook met die ANC sal gebeur.

Hy het bygevoeg dat die immorele ANC soos die Titanic gaan sink.

бани фото